-
دخول

عرض كامل الموضوع : يا ولاد محارب.. لووولو

Nay
19/09/2009, 20:40
وقت كنت صغيرة كنا بس يجي العيد نروح انا واختي على المراجيح بمنطقة قريبة على بيتتنا بالمهاجرين اسمها الشطة.. يمكن الشطة كانت بالجادة التانية بالمهاجرين.. وبذكر انو كنا نركب بكل المراجيح اللي هونيك وننبسط كتير .. وبذكر كانو العموات اللي يمرجحونا يغنو..
يا ولاد محارب
نحنا"بأعلى صووووت" : لووووووولووووووووووووو
شدو القوالب
نحنا :لووووووووووووولووووووو
قوالب صيني
لووولووو
شكل الفنيني
لوووولووووووو
علي ماماااااااات
لووووووووووووللللوووووووو
خلف بنااااااااااااات
لوووووولووووووو
بناتو سود
لووووووولووووووو
شكل القرود
لووووووولووووووو
بناتو بيض
لووولوووو
شكل العفريت
لوووولووووووو.. قويها منجدد ما مننزل الا بقتلة..

هلأ السؤال.. مين علي.. ومين اللي مات.. وليش مامات... وين بناتو هل معقول أنو يكون للكلام خلفية معينة ولا الاسم مجرد مصادفة.. وحدا بيعرف انو هي الغنية لسا عم يغنوها بالعيد لحد هلأ ولا لأ...!!؟؟
وكل سنة وانتوووو سالمين:D:D:D
LiOnHeArT.3LA2
19/09/2009, 20:44
هلأ انا ما بحياتي ما سمعت عن شي اسمو " لولو "
بعرفا " يووووووووياااااا"

علي ماماااااااات
لووووووووووووللللوووووووو
خلف بنااااااااااااات

نحنا عنا
ومحمّد مااااات
يويااااااا
خلف بنات
يووووووووويا
بناتو سووووود
يوووووووويا
متل القرووووود
يووويا
قومو نزلو
ما ممننزل
غصب العنكن
ما مننزل
..

اي اي .. لساتا مستخدمة بس ما كتير
Nay
19/09/2009, 20:49
عن جد عم تحكي.. يعني عندكون بيقولو "محمد مات"!!!:shock:
يعني الشبيبة كانو عم يعلمو الولاد تكره بعضا من الصغر ونحنا مو دريانين...:shock:.. قلي أنك عم تمزح..
مجنون يحكي وعاقل يسمع
19/09/2009, 20:55
وقت كنت صغيرة كنا بس يجي العيد نروح انا واختي على المراجيح بمنطقة قريبة على بيتتنا بالمهاجرين اسمها الشطة.. يمكن الشطة كانت بالجادة التانية بالمهاجرين.. وبذكر انو كنا نركب بكل المراجيح اللي هونيك وننبسط كتير .. وبذكر كانو العموات اللي يمرجحونا يغنو..
يا ولاد محارب
نحنا"بأعلى صووووت" : لووووووولووووووووووووو
شدو القوالب
نحنا :لووووووووووووولووووووو
قوالب صيني
لووولووو
شكل الفنيني
لوووولووووووو
علي ماماااااااات
لووووووووووووللللوووووووو
خلف بنااااااااااااات
لوووووولووووووو
بناتو سود
لووووووولووووووو
شكل القرود
لووووووولووووووو
بناتو بيض
لووولوووو
شكل العفريت
لوووولووووووو.. قويها منجدد ما مننزل الا بقتلة..

هلأ السؤال.. مين علي.. ومين اللي مات.. وليش مامات... وين بناتو هل معقول أنو يكون للكلام خلفية معينة ولا الاسم مجرد مصادفة.. وحدا بيعرف انو هي الغنية لسا عم يغنوها بالعيد لحد هلأ ولا لأ...!!؟؟
وكل سنة وانتوووو سالمين:D:D:D


كل سنة وأنت سالمة ناي
هاي الغنية من عهد الإنحطاط العربي اللي ما يزال مستمر لليوم ويبدو مطول والغنية كتير فظيعة وحقيرة وبلاها أحسن ، ومين علي مبينة متل ما خطر ببالك , وياحزرك مين كان أحق بالسلطة وكلمة بابا حسن اللي بنستخدمها مسبة جايي من نفس الموقع وسلميلي على الخلافة التركية وعلى السلطان عبد الحميد خليفة المسلمين
فايق ورايق ومدايق
19/09/2009, 21:06
لك ملعون شرفو يلي عمل هالغنية علي مامات لكن لك أذا أصدون على الأمام علي فهدول بيكونو أتفه من التفاهة يلعن أصلون ومتل ماقال مجنون كلمة بابا حسن وفي كتير شغلات بنستخدمها ماحدن عرفان معنناها الله يلعنون على هالتفرقة هيدي يتوصلو لغبرة صباط الأمام علي هنين

تحياتي للكل حياااااتي أنتو
Nasserm
19/09/2009, 21:30
هلأ انا ما بحياتي ما سمعت عن شي اسمو " لولو "
بعرفا " يووووووووياااااا"

نحنا عنا
ومحمّد مااااات
يويااااااا
خلف بنات
يووووووووويا
بناتو سووووود
يوووووووويا
متل القرووووود
يووويا
قومو نزلو
ما ممننزل
غصب العنكن
ما مننزل
..

اي اي .. لساتا مستخدمة بس ما كتير

هلق يووووووووووووووويا.. طبعاً.. (من وين جبتيلنا لوووووووووووووولو يا ناي؟)

هاد تراث.. إزي بتريدي


هلق تراث أخو شحطة متل ما قالو الشباب؟

أي نعم..

طائفي وبغيض وكذا مذا؟

أي نعم..



بس ملحوظة توضيحية:

"علي ما مات" تكافئ بالمعنى "ومحمّد مات"

لإنو شو بيقول بعدها؟

"خلف بنات.. الخ الخلخ"


طيب هيدول البنات (اللي شكل العفاريت.. وشكل القرود) معروفين مين.. مو؟


فـ المسبّة.. راكبة على هالبنات بالحالتين..

إذا قلنا "ومحمّد مات" أو قلنا "علي ما مات"



إه..

تراثنا.. آآآآآآآآآآآآآآخ على تراثنا..


تراثنا ضخم يا زلمة.. شو بدك بالحكي
فايق ورايق ومدايق
19/09/2009, 21:33
يلعن هالتراث يلي عملو بنات محمد او بنات الأمام علي عفاريت
بس عادي ماوقفت هون يلعن روما
saman
19/09/2009, 22:12
هلأ هيي بتبلش من اول الغنية بالطائفية ... وكتير ناس بتقول انو هيي من عهد الامويين :
عندك يا ولا محارب ... جد معاوية بن ابي سفيان .
وعندك علي ما مات ... هون منشان يكمل موضوع الطائفية .:pos:

هل بالنسبة لالي ما بحاول كتير فكر بالقصة لأنو غالباً بيغيرو الاسم "علي" .. وبيحطوه .. "اسكندر " ... اسكندر ما مات .. خلف بنات .. وهيك :pos:

وبالنسبة لـ يوووووويا .. اول مرة بسمع فيها ... الشوام بيقولوا "لووووولووووو " مو "يووووويا "! :frown:

هلأ في شغلات كتير كانت طائفية ....... متل هالغنية ... عندك .. ازا وحدة شعرها قصير بيقولولها "حسن صبي " ... ازا وحدة او و واحد لابس شحاطة ابو اصبع .. بيقوللوها " زنوبا " يلي هيي اسم مشتق من" زينب " ... ازا واحد طالع بالزلط ... بيقولولا " عابدين " ...ونسبة لـ " زين العابدين " .. هلأ انا متل ما قلت ما بفكر بالقصة كتير .... لأنو ما عادت صارت خطيرة بهالايام ... لأنو مو كل العالم بتحكي هالكلمات وعرفانة شو معناتها او من وين جاية ... فا خليهن مو عرفانين بيكونو احسن :pos:
MadMax
19/09/2009, 22:16
يعني من هالروايتين منخلص أنو يللي متل القرود .... يا السيدة زينب .. يا فاطمة الزهراء
و التنتين من أهم رموز الطهارة بالاسلام





نعم التراث ... و نعم التنشئة
Nasserm
19/09/2009, 22:32
لأنو ما عادت صارت خطيرة بهالايام ... لأنو مو كل العالم بتحكي هالكلمات وعرفانة شو معناتها او من وين جاية ... فا خليهن مو عرفانين بيكونو احسن :pos:
ممممممممممم.. يعني.. في وجهة نظر

لإنو.. لما إبن إختي يروح يغني "يا ولاد محارب".. هاي تقريباً متل لما يقلي: "خالو.. جبلي راس العبد معك"

هلق.. بدّي إقعد قلو: "له يا خالو.. هاي كلمة عنصرية ضد السود.. عيب نقولها"؟

ما رح قلو..


إنو تقريباً.. هيك صايرة القصة


هلق بس يكبر.. لا رح يغني الغنية.. ولا رح يقول راس العبد

بدو يلاقي اسم تاني لهالأكلة.. ما خصني!..

(أنا عني مسمّي هالأكلة "عبد الغافر" على اسم اللي بجيبها من عندو:p)




بس هاد طبعاً ما بينفي.. إنو تراثنا ضخم :)
Nay
19/09/2009, 23:45
هلأ هيي بتبلش من اول الغنية بالطائفية ... وكتير ناس بتقول انو هيي من عهد الامويين :
عندك يا ولا محارب ... جد معاوية بن ابي سفيان .
وعندك علي ما مات ... هون منشان يكمل موضوع الطائفية .:pos:

هل بالنسبة لالي ما بحاول كتير فكر بالقصة لأنو غالباً بيغيرو الاسم "علي" .. وبيحطوه .. "اسكندر " ... اسكندر ما مات .. خلف بنات .. وهيك :pos:

وبالنسبة لـ يوووووويا .. اول مرة بسمع فيها ... الشوام بيقولوا "لووووولووووو " مو "يووووويا "! :frown:

هلأ في شغلات كتير كانت طائفية ....... متل هالغنية ... عندك .. ازا وحدة شعرها قصير بيقولولها "حسن صبي " ... ازا وحدة او و واحد لابس شحاطة ابو اصبع .. بيقوللوها " زنوبا " يلي هيي اسم مشتق من" زينب " ... ازا واحد طالع بالزلط ... بيقولولا " عابدين " ...ونسبة لـ " زين العابدين " .. هلأ انا متل ما قلت ما بفكر بالقصة كتير .... لأنو ما عادت صارت خطيرة بهالايام ... لأنو مو كل العالم بتحكي هالكلمات وعرفانة شو معناتها او من وين جاية ... فا خليهن مو عرفانين بيكونو احسن :pos:
اي سامان شو هي يوياااا طلعوني ما بعرف من وين .. أهل الشام بقولو لولوووووو
بس انا ايمتى انتبهت لهي القص.. انتبهتلها لما من شي سنتين اجت تعليمات من الأمن لأصحاب المراجيح انو ممنوع يغنو هي الغنية.. ووقتها انتبها للقصة
saba n
19/09/2009, 23:54
الى حد ما الحكي اثار استغرابي ..
ماراح اقول انو احنا تراثنا مثالي وما يحتوي مثل هيك شروخ .. بس لاسباب كثيــيرة أضمحلت مثل هيك ممارسات وما عادت حتى لما قدحت شرارة الطائفية عندنا كانوا الاهل يسترجعون الاحاديث عن هذيك الممارسات و المعتقدات المضحكة بأستهجان ..
ولهيك انا اتسآل ..ياترى بعد كل هلزمن مو لازم يتغربل الموروث الفكري ..

:Dلألك ناي.. وشكرا" على الموضوع
LiOnHeArT.3LA2
20/09/2009, 00:03
تراثنا ضخم يا زلمة.. شو بدك بالحكي


xxl
ما حدا يفهم غلط

قصدي اكسين لارج
Dndoshy
20/09/2009, 00:34
أنا بعرف الغنية غير شكل بس ماني حافظها مليح..يعني أنا سمعتها من رفيقي وقت كنت شي صف سادس
وبيقول فيها يوووووووووو يووووووووووو


حافظ منها هيك

...خلّف بنات
يوووووووووو يووووووووووو
بناتو سود
يوووووووووو يووووووووووو
زي البارود
يوووووووووو يووووووووووو...
ritka
20/09/2009, 01:51
بكرة العيد و منعيد و منبح بقرة السيد
و السيد مالو بقرة مندبح مرتو هالشقرا
و الشقرا ما فيها دم مندبح بنتو بنت العم

شو بدي قلك يعني؟ تراثنا كتير بيعبر عن .. جو حميم و دافي :lol:
MadMax
20/09/2009, 01:58
بكرة العيد و منعيد و منبح بقرة السيد
و السيد مالو بقرة مندبح مرتو هالشقرا
و الشقرا ما فيها دم مندبح بنتو بنت العم

شو بدي قلك يعني؟ تراثنا كتير بيعبر عن .. جو حميم و دافي :lol:

بما أنو سيرة و انفتحت


مين المقصود بالسيد .. و مين هيي البقرة بلا زغرة ..؟
ritka
20/09/2009, 02:06
ما عمرو خطرلي اسال عن مين السيد صاحب البقرة و الشلة تبعو اللي بدهم دبح :lol:

شوف هالكركتير

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
sandra
20/09/2009, 03:26
بحلب بيقولوها عالشكل التالي حسبما بذكر

يا حج محمد .... يويووووو
عطيني حصانك .... يويووووو
لشد وأركب... يويووووو
والحق اسكندر ... يويووووو
اسكندر ما مات .... يويووووو
خلف بنات .... يويوووووو
بناتو سووود ... يويووووو
شكل القرود .... يو يووووو
.............
عندي وزة ..... يويوووو
شكل الرزة ... يويووووو
والرز غالي ... يويووووو
حقو مصاري ... يوويووووو
مصاري العيد ... يويووووو
عمي سعيد .... يويووووو
سعيد ما مات ... يويووووو
خلف بنات .. الخ الخ الخ

والباقي ما عاد تذكرتو :pos:

من فترة انتشرت عالموبايلات غنية ... مطلعها هو نفس مقطع يا حج محمد ... إذا صرلي وقت بنزلها بهالموضوع
MadMax
20/09/2009, 03:28
ما عمرو خطرلي اسال عن مين السيد صاحب البقرة و الشلة تبعو اللي بدهم دبح :lol:

شوف هالكركتير

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

شو هالبراءة كلها ..!! ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
saman
20/09/2009, 03:31
بحلب بيقولوها عالشكل التالي حسبما بذكر

يا حج محمد .... يويووووو
عطيني حصانك .... يويووووو
لشد وأركب... يويووووو
والحق اسكندر ... يويووووو
اسكندر ما مات .... يويووووو
خلف بنات .... يويوووووو
بناتو سووود ... يويووووو
شكل القرود .... يو يووووو
.............
عندي وزة ..... يويوووو
شكل الرزة ... يويووووو
والرز غالي ... يويووووو
حقو مصاري ... يوويووووو
مصاري العيد ... يويووووو
عمي سعيد .... يويووووو
سعيد ما مات ... يويووووو
خلف بنات .. الخ الخ الخ

والباقي ما عاد تذكرتو :pos:

من فترة انتشرت عالموبايلات غنية ... مطلعها هو نفس مقطع يا حج محمد ... إذا صرلي وقت بنزلها بهالموضوع

اي هي وحدة المحرفة .. المزكور اعلاه هيي الاصلية :p
ونحنا بالشام قلبوها ع "اسكندر " كمان :pos:

بالنسبة لغنية حج محمد .... بتضحك كلها معلايق :lol:


كيفك انتي :pos:؟
Nay
20/09/2009, 03:49
بالشام بيقلولو

يا حج محمد لووووولووووو
قديش مصمد
لوووولووو
مصمد عيدية
لووووولووووو
ألفين ومية
لووووولوووو
علي ما مات
خلف بنات .... الخ الخ الخ
بس شو رجعتوني لأيام زمااااااان .. .
saman
20/09/2009, 03:54
بالشام بيقلولو

يا حج محمد لووووولووووو
قديش مصمد
لوووولووو
مصمد عيدية
لووووولووووو
ألفين ومية
لووووولوووو
علي ما مات
خلف بنات .... الخ الخ الخ
بس شو رجعتوني لأيام زمااااااان .. .
متل ما قلت سابقاً هي تبع علي مامات .. بتصور اني مو سمعناه ورا مرة .. بجوز لأني كنت عيّد بحارتنا ... فما كانوا يقولوها .. بجوز بحارات تانية ممكن ... بس نحنا كانوا يقولوا ... ياسين ... اسكندر ... الخ الخ :lol:
LiOnHeArT.3LA2
20/09/2009, 04:54
متل ما قلت سابقاً هي تبع علي مامات .. بتصور اني مو سمعناه ورا مرة .. بجوز لأني كنت عيّد بحارتنا ... فما كانوا يقولوها ..

اهم شي يقولوها بحارتكن
Nay
20/09/2009, 11:37
بتعرفو شو.. سالت أبي عن هي القصة.. أبي عايش كل حياتو بالشام يعني من وقت اللي خلق وهوي بالشام . قلي انو أهل الشام بيعتبرو انو كل اهل البيت مقدسين ومقدسين كتير كمان.. وانو مستحيل يكون الغنية هي مقصود فيها علي بن ابي طالب.. وانو مستحيل يكون مقصود بالزنوبة " الشحاطة" مقصود فيها السيدة زينب.. لأنو هنن بيقدسو هدول الاشخاص .. و بيسمو ولادهون على اسماؤهن وبيزورو قبر الست زينت والست رقية وبيعملو عاشورا وهيي أكلة مشهورة بالشام وبيوزعو على الفقرا بذكرى عاشوراء..
يعني انو رغم انو أهل دمشق بيكفرو الطوائف التانية بس مستحيل يسبو اويهينو حدا من اهل البيت لانو هنن مقدسين بالنسبة ألهون..
ولذااااااا وجب التوضيح.. شو رأيكون؟؟
sandra
20/09/2009, 14:25
اي هي وحدة المحرفة .. المزكور اعلاه هيي الاصلية :p
ونحنا بالشام قلبوها ع "اسكندر " كمان :pos:

بالنسبة لغنية حج محمد .... بتضحك كلها معلايق :lol:


كيفك انتي :pos:؟

بحلب بيقولوها متل ما ذكرتها أنا :pos:

وأنا منيحة :pos:

:D
ayhamm26
20/09/2009, 14:32
بتعرفو شو.. سالت أبي عن هي القصة.. أبي عايش كل حياتو بالشام يعني من وقت اللي خلق وهوي بالشام . قلي انو أهل الشام بيعتبرو انو كل اهل البيت مقدسين ومقدسين كتير كمان.. وانو مستحيل يكون الغنية هي مقصود فيها علي بن ابي طالب.. وانو مستحيل يكون مقصود بالزنوبة " الشحاطة" مقصود فيها السيدة زينب.. لأنو هنن بيقدسو هدول الاشخاص .. و بيسمو ولادهون على اسماؤهن وبيزورو قبر الست زينت والست رقية وبيعملو عاشورا وهيي أكلة مشهورة بالشام وبيوزعو على الفقرا بذكرى عاشوراء..
يعني انو رغم انو أهل دمشق بيكفرو الطوائف التانية بس مستحيل يسبو اويهينو حدا من اهل البيت لانو هنن مقدسين بالنسبة ألهون..
ولذااااااا وجب التوضيح.. شو رأيكون؟؟

انا بظن هالحكي صحيح, وخاصة انو مافي ذكر صريح للامام علي بهيك غنية

شو نسيتو كمان انو في اغاني تانية تعلمناها ونحني صغار بتسيء لشخصيات تاريخية محترمة خدو عندكن هي مثلا

صلاح الدين الايوبي
عندو مرة مجدوبة
ضربها كف لفها لف
حطا بطنجرة اللوبي

هي مثلا فيها اساءة مباشرة وبالاسم لصلاح الدين الايوبي

ما عم اعرف منين مصدر هالتفاهات ومين كان تاريخيا الو مصلحة بنشرن؟؟
saman
20/09/2009, 23:37
بحلب بيقولوها متل ما ذكرتها أنا :pos:

وأنا منيحة :pos:

:D
اي منيح انك منيحة بس مو منيح لأنو انا مو منيح :pos:
بتعرفو شو.. سالت أبي عن هي القصة.. أبي عايش كل حياتو بالشام يعني من وقت اللي خلق وهوي بالشام . قلي انو أهل الشام بيعتبرو انو كل اهل البيت مقدسين ومقدسين كتير كمان.. وانو مستحيل يكون الغنية هي مقصود فيها علي بن ابي طالب.. وانو مستحيل يكون مقصود بالزنوبة " الشحاطة" مقصود فيها السيدة زينب.. لأنو هنن بيقدسو هدول الاشخاص .. و بيسمو ولادهون على اسماؤهن وبيزورو قبر الست زينت والست رقية وبيعملو عاشورا وهيي أكلة مشهورة بالشام وبيوزعو على الفقرا بذكرى عاشوراء..
يعني انو رغم انو أهل دمشق بيكفرو الطوائف التانية بس مستحيل يسبو اويهينو حدا من اهل البيت لانو هنن مقدسين بالنسبة ألهون..
ولذااااااا وجب التوضيح.. شو رأيكون؟؟
انا معك انو هل الشام بيقدسو اهل البيت .. ومستحيل يعملو هالقصص ...

بس انا زكرت انو هالقصص قديمة جداً يعني من زمان الامويين .. وما بعد .. هلأ مصدر تاريخي معتمد ما عندي .. بس هاد حكي العالم مو حكيي الي ...
اما بالنسبة انو مستحيل هالاغاني تكون عليهن ... فا ليش مستحيل يا عمي ... عادي كتير ... وواضحة ..
طيب مستحيل انو نحنا نكون عم تغني هالاغاني وهيي مقصود فيها هالشي المهين لاشخاص مقدسين ؟ ... لأ مو مستحيل كمان .... لأنو نص شعبك ... بيحكي كلمات ما بيعرف شو معناتها او شو المغزى منها او من وين جاية ... فا فرقت على غنية ...

وقلت فوق انو انا ما بفكر بالقصة كتير .. لأنو بعرف انو يلي عم يغنيها ما بيعرف منين اجت ولا الولاد يلي عم يسمعوها رح يعرفوا انو هالغنية الها علاقة باهانة مقدسات احد الطوائف او المذاهب ! فا خليهن مو عرفانين بيكون احسن ... مو ؟:?
rama1985
21/09/2009, 02:02
بجوز هنن زمان كانو بركبو كلمات الغنيه تركيب يتوافق مع القافيه فقط هيك بتوقع

بس شو قصة العنف والدبح عنا

بكرا العيد ومنعيد .. ومندبح بقرة السيد

نام ياحبيبي نام وادبحلك جوزالحمام


الك ناي :D
saman
21/09/2009, 02:09
بجوز هنن زمان كانو بركبو كلمات الغنيه تركيب يتوافق مع القافيه فقط هيك بتوقع


بس شو قصة العنف والدبح عنا

بكرا العيد ومنعيد .. ومندبح بقرة السيد

نام ياحبيبي نام وادبحلك جوزالحمام


الك ناي :D


ليش في عنا كلمات بالشام بتخلو من العنف:shock:
لك حتى كلمات المحبة بتدل عالعنف .. لا حظي هنا :pos::

تقبرني ...:sosweet:
تشكل آسي ...:?
تطلع على قبري :shock:

وفي البهادل التالية:pos:
والله لكسرلك سنانك وخليهن يمشوا قدامك مسيرة:p
يبعتلك حمى وداء السل:frown:
يبعتلك داء:jakoush:
يبعتلك قتلك :frown:
يعدمني ياك:sly:
ينيشنوك من بوبو عينك:?

الخ الخ ... :sick:

كان في حلقة لعلا ملص ( علوش ) تبع ارابيسك اف ام .. عن هالشي :gem:
kosayka2
21/09/2009, 03:22
من شان منع الألتباس

هي الغنية يلي حكت عنها ساندرا

هلق هي أنو يعني حلوة و ظريفة

و هي هون

على الرابط التالي

يا حجي محمد (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
saman
21/09/2009, 03:28
من شان منع الألتباس

هي الغنية يلي حكت عنها ساندرا

هلق هي أنو يعني حلوة و ظريفة

و هي هون

على الرابط التالي

يا حجي محمد (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
ليش مين التبس :?

انا كنت عم بحكي عن هالمقطع :

حجينا قاعد عم اركل قدام باب صقاق
عبحكي جارو وبتعتع عبالو وجو بزاق
قللو ركبلي طراشة وسكرلي هالشداق
يبلاك بقتلك يا بكري اشقدك جربان وعلاق قاق

:lol: :lol: :lol:


ع فكرة اول مرة بسمع الغنية كاملتن .. بس انو هي نغمة شو .. والله نسيت ؟ :?
rama1985
21/09/2009, 04:03
[quote=saman;1337337]ليش في عنا كلمات بالشام بتخلو من العنف:shock:
لك حتى كلمات المحبة بتدل عالعنف .. لا حظي هنا :pos::

تقبرني ...:sosweet:
تشكل آسي ...:?
تطلع على قبري :shock:

وفي البهادل التالية:pos:
والله لكسرلك سنانك وخليهن يمشوا قدامك مسيرة:p
يبعتلك حمى وداء السل:frown:
يبعتلك داء:jakoush:
يبعتلك قتلك :frown:
يعدمني ياك:sly:
ينيشنوك من بوبو عينك:?



من بعد اذن ناي لانو طلعنا عن الموضوع :D

تابع :

بدي كسر ايديك - بدي اقبرك - بدي أهري نعمتك - از امابسلخ جلدك عن عضمك

والله لشيل عيونك - والله لطير راسك - يشوفك الحكيم ويهز براسه -

والله لأقرف رقبتك وحملك ياها - والله لأقص لسانك - والله لافرمك

والله لخليك تقاقي ماتلاقي - والله لخليك تعوّي متل الكلاب - والله لفرجيك نجوم الضهر

وبس تبدي رأيك بشغله بتاكلك كم مسبه

والله وصار عندك وجهة نظر سماع وليك ابو نص نصيص -

جيل اخر زمن مو ناقصنا الا انت :cry:

لا وكلو كوم وغرفة الفيران كوم تاني هاي اول درس في ثقافة العنف:frown:
saman
21/09/2009, 04:09
لا وكلو كوم وغرفة الفيران كوم تاني هاي اول درس في ثقافة العنف:frown:
طبعاً في عندك .. الزبال .. العو ... (عاصي وكونا ) .. هدول كانوا يقولولي ياهن اخواتي لما بدي اطلع برات البيت انا وصغير ... (من الصغر صايع ) ... بس آخر شي اكتشفت انو كونا هيي وكالة الانباء الكويتية :lol:

هي ثقافة العنف والطائفية الموجودة بعادتنا ... ازا نحنا ما حاولنا نغير .. مين بدو يغير ؟ :?
ابو نجبو
21/09/2009, 17:56
بحلب بيقولوها عالشكل التالي حسبما بذكر

يا حج محمد .... يويووووو
عطيني حصانك .... يويووووو
لشد وأركب... يويووووو
والحق اسكندر ... يويووووو
اسكندر ما مات .... يويووووو
خلف بنات .... يويوووووو
بناتو سووود ... يويووووو
شكل القرود .... يو يووووو
.............
عندي وزة ..... يويوووو
شكل الرزة ... يويووووو
والرز غالي ... يويووووو
حقو مصاري ... يوويووووو
مصاري العيد ... يويووووو
عمي سعيد .... يويووووو
سعيد ما مات ... يويووووو
خلف بنات .. الخ الخ الخ

والباقي ما عاد تذكرتو :pos:

من فترة انتشرت عالموبايلات غنية ... مطلعها هو نفس مقطع يا حج محمد ... إذا صرلي وقت بنزلها بهالموضوع

صحيح ....هي بحلب هيك منقولها

وبتكمّل

لفتو حمرا ....
طربوشو حرير....

ياولاد العيد ....
أبوكون سعيد....

لفتو حمرا ....
طربوشو حرير...

ياولاد الناس ....
أبوكون ++++ " مابعرف اشبو"
هشام ابو شرار
22/09/2009, 02:33
هاي الحج محمد بنعرفها كويس بس (علي) بظن شي من العهد التركي يمكن الانسة عمها شي 100سنة لتزكرت الغنية
mhsen77
22/09/2009, 04:01
انا اليوم و البصدفة شفت مقطع من الغنية و عالتلفزيون السوري و بدايتها بتقول يا ولاد محارب .......

و هي الغنية بصوت فنان كتير مشهور و محبوب \ سابقا \ دريد لحام و بالابيض و الاسود و لباس غوار

يعني اغاني الاولاد يا حج محمد و غيرو و غيراتو مفبركة لاحقا

و هون بتكون المشكلة انو الغنية متل ما قلتها ناي بالاول و المقصودين آل البيت خصوصا اذا عرفنا انو الامويين كانو يشتمو الامام علي و اهل بيتو \ الامام الحسن و الامام الحسين \ على منابر المساجد في دمشق حتى عهد الخليفة الاموي عمر ابن عبد العزيز يلي ابطل هالعادة
و عندي معلومة ما بعرف اذا مزبوطة 100% و بتقول انو مدينة دوما سميت بهالاسم لانها دامت على عادة شتم الامام علي و ال البيت مدة بعد ما الخليفة امر بوقف الشتم

يعني ما فينا نستبعد انو يكون المقصود من هالغنية ال بيت النبي محمد عليه الصلاة و السلام
Nasserm
25/09/2009, 22:00
بظن شي من العهد التركي يمكن الانسة عمرها شي 100سنة لتزكرت الغنية
أنا بظن شي من العهد الأموي..

هيك بيطلع عمر الآنسة شي 1300 سنة


العمر الطويل يا ناي :)
saman
25/09/2009, 22:22
أنا بظن شي من العهد الأموي..

هيك بيطلع عمر الآنسة شي 1300 سنة


العمر الطويل يا ناي :)

عقبال المية :lol:
اممي
25/09/2009, 22:22
أنا بظن شي من العهد الأموي..

هيك بيطلع عمر الآنسة شي 1300 سنة


العمر الطويل يا ناي :)


عفكره انا بوافقك بالراي
مره قريت كتاب ماعم اقدر اتذكر مين كاتبو بيحكي عن هالنوع من العادات والشعائر الي بنعملها بدون مابنعرف وما الها اي معني بوقتنا الحالي فيحين ان كان الها اهميه كتير كبيره سابقا
بالنسبه ياولاد محارب مابنلاقيها غير بمناطق النفوذ الاموي ببلاد الشام يعني ماحدا فيه يلاقي اثرها ببلاد العراق والجزيره
ومو بس ياولاد محارب في كتير تسميات بترجع للعهد الاموي متل ابو علي التيس وغيراتها
وهاد بالتاكيد مابيعني معادات اهل الشام لال البيت بالعكس باعتبار ان الحركة الصوفيه كان الها اثر كبير بطقوس وتقاليد اهل الشام فبنلاقي محبة كبيره كتير لال بيت محمد واحاديثهن وزياراتهن
طبعا بس نطلع للضفه التانيه بنشوف كمان في كتير كلمات شائعة متلا بالعراق بيستخدمها العامه دون ان يعرفو معناها الي بينتهي من زمن الصراع الصفوي التركي مثلا صحن الي بينحط عليه كاسه الشاي بيتمسى (نعلبكي) وهوه محرف من نعل الله :? وعفكره هالتمسيه فيك تسمعها مو بس من الشيعة بل ان كلمة شائعة دارجة بدون وعي وهيك بدنا نقيس
Nasserm
25/09/2009, 22:52
عفكره انا بوافقك بالراي
مره قريت كتاب ماعم اقدر اتذكر مين كاتبو بيحكي عن هالنوع من العادات والشعائر الي بنعملها بدون مابنعرف وما الها اي معني بوقتنا الحالي فيحين ان كان الها اهميه كتير كبيره سابقا
وأنا بوافقك ع موافقتي بالرأي.. :)

كتيرة العادات اللي بترجع لأفكار عمرها آلاف السنين.. مو بس بترجع للعهد التركي أو الأموي!!

خود عندك

المصافحة بالإيد؟

بترجع لمقتل يوليوس قيصير

إنو الزلمة عم يفرجيك إيدو.. ما فيها سكين



وضع الإيد ع التم أثناء التثاؤب؟

بترجع لإيام اقتناع البشر بإنو إذا تركوا تمهن مفتوح أثناء المتاوبة.. رح تطلع روح من أرواحهن!!



وشي متلو كتير

فـ إنو ما لازم نستغرب استمرار هيك غنية أو هيك كلمات لهلق..