الخادمات في سوريا [الأرشيـــــف]

Nay

19/09/2009, 00:52

كلنا شركاء

تظاهر الأسبوع الماضي في العاصمة الفلبينية مانيلا 30 من العاملات الفلبينيات بعد أن وصلن بلادهن هاربات من سوء المعاملة في سورية.

وقالت مسؤولة إدارة رعاية العمال المغتربين في الفلبين كارميليتا ديمزون إن العاملات لجأن إلى السفارة الفلبينية في العاصمة السورية دمشق بعد هروبهن من أرباب عملهن، نتيجة امتناع هؤلاء عن سداد الأجور المستحقة لهن، وإجبارهن على العمل لساعات طويلة، ناهيك عن سوء المعاملة.

وبحسب "إيه بي إس- سي بي إن نيوز" فقد اشتكت جميع العاملات الفلبينيات الهاربات، من سوء معاملة العوائل التي كن يعملن لديها في سورية، وذلك بعد أن خضعن لجلسات تحقيق وفحوص طبية في إحدى الملاجئ الخاصة التابعة لإدارة رعاية العمال المغتربين في الفلبين.

وقالت ديمزون إنه يتعين تقديم المشورة لمساعدة هؤلاء العاملات لتحصيل حقوقهن نظرا لأنهن فارات من أرباب عملهن، و"هي تجربة سيئة ولاشك"، قبل أن تضيف" ولكن علينا في البداية استخلاص بعض المعلومات الضرورية منهن حول الأمر".

وعزت ديمزون السرعة التي جرت فيها عملية إعادة العاملات الفلبينات من العاصمة السورية دمشق إلى مانيلا للزيارة التي قامت بها مؤخرا إلى سورية رئيسة الفيلبين جلوريا أرويو والتقت خلالها الرئيس السوري بشار الأسد.

وأضافت ديمزون "عندما يكون لدينا حالات كهذه لعاملين فلبينيين تتزامن مع جولات رئاسية، فإن الرئيسة تتحدث في شأنهم مع سلطات البلد المضيف، وهذا ما حصل مع الحكومة السورية بشأن عاملاتنا اللواتي تقطعت بهن السبل في سفارتنا بدمشق".

ووصلت رئيسة جمهورية الفلبين غلوريا ماغاباغال ارويو إلى دمشق أوائل أيار الماضي يرافقها وفد ضم وزراء الخارجية والعمل والصناعة والتجارة والإعلام.

و شهدت دمشق زيارات لكبار المسوؤلين الفلبينيين منذ مطلع العام الحالي شملت زيارة نائب الرئيسة الفلبينية نولى دى كاسترو أواخر نيسان المنصرم لافتتاح سفارة لبلادها في دمشق.

وكشفت ديزمون عن وجود مزيد من العاملات الفلبينيات في دمشق اللاتي لازلن ينتظرن للحصول على تأشيرات للعودة إلى بلادهن، قائلة "بحسب معلوماتنا هنا في المركز فإننا نتوقع عودة المزيد منهن في الأيام المقبلة".

وانتشرت مؤخرا في سورية ظاهرة هروب العاملات في الخدمة المنزلية من بيوت كفلائهن واستغلالهن عن طريق تشغيلهن لدى غير صاحب العمل المصرح لهن بالعمل لديه.

وتستغل بعض مكاتب تشغيل العمالة الأجنبية هؤلاء السيدات لتشغيلهن على نظام المياومة أو تسليمهمن لأسر لديها الرغبة بالحصول على "خادمة" بأسرع وقت وبأقل تكلفة.

وظلت العاملات الآسيوات والإفريقيات في سورية أسيرات لسوق سوداء خارج أي ضوابط قانونية لفترة قاربت خمس سنوات، قبل أن تصدر رئاسة مجلس الوزراء القرار "81" أواخر العام 2006.

وتعد إندونيسا وسيرلانكا وإثيوبيا إضافة للفلبين من أكثر الدول المصدرة لهذا النوع من العمالة إلى سورية.

ويقدر مراقبون عدد العاملات في الخدمة المنزلية في البلاد بـ200000 (مائتا ألف)، مرشحين وصول الرقم إلى نصف مليون في السنوات الخمس المقبلة.

وتتراوح رواتب من يطلق عليهن بشكل غير قانوني تسمية "الخادمات" بين 100 و250 دولار أميركي شهريا.

ويقول مراقبون حقوقيون إن هؤلاء العاملات يتعرض في مناسبات عديدة لانتهاك حقوقهن الأساسية من دون أن تتوفر لهن المشورة والحماية القانونية اللازمة، بل إن بعضهن لا يجدن سفارة لبلادهن في دمشق، الأمر الذي تلافته الفيلبين مؤخرا.

وقال المحامي خليل معتوق لـ"كلنا شركاء" إن هذه الانتهاكات تبدأ من حجز جوازات سفر العاملات بمجرد وصولهن إلى البلاد، والرواتب الهزيلة اللتي يتلقينها مقابل عدد غير محدود من ساعات العمل، وامتناع رب العمل أحيانا عن تسديد الراتب المتفق عليه، أو اقتطاع أجزاء منه لأسباب مختلفة، مرورا بالإهانات اللفظية والعنف الجسدي والضرب المبرح، وصولا إلى الاعتداء والاستغلال الجنسي.

وباتت أخبار هروب بعض أولئك العاملات من أرباب عملهن شائعة في وسائل الإعلام السورية، بل إن المرء قد يقع على خبر لجوء إحداهن للانتحار بعد ان تسد في وجهها كل السبل.

وشهدت الساحة المحلية تورط أسماء كبيرة في ملف إساءة معاملة العاملات الأجنبيات في القطر.

وأوردت "كلنا شركاء" الشهر الماضي نبأ عن إلقاء القبض على ضابط كبير في شعبة الأمن السياسي بعد الاشتباه بتورطه في عمليات فساد كبيرة من ضمنها ما يتعلق بملف مكتب كبير للعمالة الأجنبية في منطقة "المزة" بدمشق.

وذهبت بعض التصريحات التي حصلت عليها "كلنا شركاء" في حينه إلى أن لجوء السلطات السورية إلى احتجاز عدد من أصحاب مكاتب تشغيل العمالة الوافدة جاء على خلفية مقتل بعض هؤلاء العاملات الأجنبيات.

I_Love_Syria

19/09/2009, 01:06

للأسف زمن العبودية رجع

كتير بقطعو القلب هالبنات, الي بتبلش معاناتهن من وقت ما يفوتوا عالمطار بسوريا وكل أتلة بياكلوها بيدمالها القلب ويلي إمها رضيانة عليها بتشتغل ببيت بيديرو بالهن عليها, الله يكون بعونهن.

على الله يطالعوا قرار يمنعوا إستقدامن ونخلص من هالقصة والله حرام

ملاك المحبة

19/09/2009, 01:23

عنجد في ناس ما بسدئو يجيبو هالخدامة ويبلشو فيها .. الله يعين خلئ الله ..
يعني والله هالخدامات ناس متلنا متلون !!

Nasserm

19/09/2009, 01:24

للأسف زمن العبودية رجع
هالظاهرة باعصتني لعند الله!!

ما كنت متخيّل إنو شعبنا عنصري لهالدرجة!!

إنو بالخليج.. إي..

بـ لبنان؟ بتلاقيها

بس بسوريا؟!! يلعن هه

شوفوا هاي مثلاً:

--------------------------------

نعم.. هذا في سورية: ممنوع سباحة "الخادمات"!

فيان محمد - نساء سوريا

2009-08-04

عندما كنت طالبة قرأت عبارة في كتاب القراءة تقول (إذا كنت أبيض اللون فتقدم إلى الإمام وإذا كنت أسود اللون فتراجع إلى الخلف) وعلى ما أذكر هذه العبارة كانت شعاراً لإحدى المطاعم في الولايات المتحدة الأمريكية.

وهذا الدرس كان يتحدث عن التميز العنصري في أمريكا ضد الزنوج ونضال السود ونضال مارتن لوثر كينغ بالأخص ضد السياسات التمييزية العنصرية التي كانت تفرق بين الشعوب على أساس العرق واللون.. أمريكا التي كانت سيدة التمييز العنصري ضد الزنوج فهل من المعقول أن نجد عبارة مشابهة لهذه العبارة في إحدى المراكز الترفيهية في سورية.... نقوم بنبذ العنصرية والطائفية وننادي باحترام إنسانية الإنسان ثم نأتي ونعامل الأجناس الأخرى بدونية وكأنها اقل منا مرتبة.

عبارة لابد أن صادفها الكثيرون ممن سيقرؤون هذه الكلمات! حيث تتفاجئ وأنت تدخل إلى احد المسابح السورية بعبارة بالخط العريض (ممنوع سباحة الخادمات)!

هل وصلنا إلى درجة نحقر الأجناس الأخرى وننظر إليها بدونية والسبب أن هذه المرأة قد تركت بلدها وأتت إلى هنا لكي تعيل أهلها مع العلم أن هذه الخادمة تكون قد أجرت فحوصات واختبارات لكي تدخل إلى البلد أكثر منا نحن أولاد البلد...أين الجمعيات التي تنادي بتحرر المرأة من التميز العنصري نجلس وننّظر عن المبادئ والحريات ولا نقبل أن نسبح في ماء تسبح فيه الخادمات ولا نرفع ساكناً ونحن نقرأ هذه العبارة أليس من حق هذه الإنسانة أن تسبح وترفه عن نفسها دون أن ننظر إلى عملها أليست هذه الخادمة إنسانة دون النظر إلى جنسها ومذهبها وعلى العموم هي تقوم بتربية أولادنا نأتمنها على بيتنا وأولادنا تبقى مع الأولاد أكثر من الآباء أنفسهم.....

فهل هؤلاء النسوة أقل مستوى من النساء السوريات؟! نحن نرفض التمييز ضد نسائنا، وضد جميع النساء! هذه إنسانة مناضلة وتستحق الاحترام.

هل سنعود إلى عصور التخلف التي تبدأ بالتمييز بين الرجل والمرأة، وبالنهاية تؤدي إلى التمييز بين الشعوب على أساس الأجناس فننظر إلى الأجناس الأخرى وكأنها في مرتبة اقل من الإنسان ولكن أرفع من القردة!..

كنا نستهجن التمييز العنصري في أمريكا ضد الأفارقة السود، فنصطدم بهذا التمييز الآن مع الخادمات في سوريا! فهل وصلت أخلاقنا إلى هذه الدرجة من الانحطاط بحيث نرفض السباحة في ماء تسبح فيه الخادمات؟!

*- ملاحظة من "نساء سورية": المسبح المقصود هو القسم الخاص بالنساء من مسبح مدينة الشباب.

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

mblue

19/09/2009, 01:31

لك والله في ناس ما عندها شفقة ولا رحمة ... يعني هي "الخادمة" هي انسان متلها متل الشخص اللي عم تشتغل عنده ... ولا اذا كانت عم تترك بلدها واهلها وتتغرب مشان تحصل لقمة العيش فمنعيشها عيشة ذل ومنهلك عافيتها بالشغل وكانه هي آلة ... لك حتى الآلات بالمصانع في الها اوقات بريحوها فيه بقى كيف البني آدم ...
يعني وشو هالست البيت العظيمة هي اللي ما عاد تقدر تعيش ولا بقى تقدر تقوم بواجباتها الا بوجود خادمة تلعن سلسفيلها بشغل هي ما بتقدر تقوم بربعه ؟
هزلت !

I_Love_Syria

19/09/2009, 01:50

نعم.. هذا في سورية: ممنوع سباحة "الخادمات"!

إنو وقفت الشغلة عالسباحة لك عمّي, في شي أهم من السباحة
أنا شوف عيني رحت على مكتب قدامي أكلت وحدة أتلة متل فراق الوالدين قسماً بالله إنو يلي عم يضربها لو إنو عدوها ما بيعمل فيها هيك, بتجي بتقلوا يا أخي حرام عليك تضربهن بيقلك هدول ما بيجوا غير بالضرب ما بيفهموا غير بالقتل تقول هو البني آدم بس ويلي بيفهم بالكلمة وهنن درجة عاشرة كائنات فضائية لا يمكن التواصل معهن إلا بالإيدين والرجلين
هاد غير الأكل يلي بيطعموهن ياه وغير اللبس والنومة وإلي بترجع على بلادها مسلمة الروح لباريها, ناس مافي بقلبها رحمة...
بس خيو متل ما بيقول المتل كما تدين تدان بيجيهن يوم رح يندموا على كل يلي عم يساووه

a7la lolo

19/09/2009, 09:40

إذا يلي بسوريا وهيك عم يحكو شو بدون يحكو يلي بيشتغلو هون ؟؟ .. لك هون بالكويت الخدامة يلي بتشتغل ببيت سوري او لبناني بتكون محظوووووظة .. لأنو هون الكوايتة بيضربوها بالبيت عالطالعة وعالنازلة من دون اللجوء للمكتب وجواز السفر تبعها ما بتشوفو غير لوقت تطلع من البيت يلي عم تشتغل فيه .. و أحيانا...أحياااااااااانا ... إذا عملت شي مثلا متل سرقة او غيرو او شكو فيها بياخدوها ع الشرطة .. بس السواقين والعتالين والحمالين بالجمعيات وحتي يلي بيشتغلو بالمشاغل الخيااطين ..هيدول بيكونو جنسيتهم الأغلب هندية .. هيدول يلي بحسهم أكتر ناس مظلومين بهالبلاد .. لانو أجورهم كتير قليلة وأعمالهم كتير شاقة .. انا بحس هيدول يلي لازم يدافعو عنهم وعن حقوقهم .. خاصة انو الكفيل يلي بيكفلوون بيخادو منهم أقل شي 300 دينار يعني شي خمسين ألف تقريبا اي منين بدو يلحق هاد إذا راتبو بيكون بالشهر 20 دينار يعني شي أربعة الاف ليرة ... على قد ماشفت هون قسوة صرت شو ما شوف بسوريا قول إي أرحم من الكويت .
عكل يسلمو عالموضوع يلي كتير ناس عم تتناساه و تتجاهلو ...:D

Nay

19/09/2009, 10:57

nahla12

19/09/2009, 11:11

بيلبق كتير خدامات لهيك شعب
جمعتني مرة قعدي مع وحدي من ذوي النعمة الحديثة وكانت وصلت من الكويت ومعها خدامة للشغل بالبيت وخدامة للولاد وعم تفكر تجيب خدامة ...بس لمين بقى ماعرفت
المهم قرفت منها ومن معاملتها للخدامات وبقول بيلبق للشوحة مرجوحة ...

ابو نجبو

19/09/2009, 13:10

بالمقابل في شخص بيقربني عندو خادمة ضلت تنام بنفس غرفة بنتو لحتى زبطولها غرفة الها وبيخليها تتصل بأهلها مرة كل اسبوع وبتاكل معون على الصفرة.. وممنوع ترتب غرف الولاد او تعتني بلبسون او حمامهون.. واذا حدا من الولاد بيقلل احترام معها أو بيقلها غير خالتو بيقيم الدنية عليهون.. كمان هادا الشخص بيخليني قول أنو في هيك ناس لسا:oops:

بلّغي تحياتي و احترامي لهاد الشخص ......:D

العمى ...

والله صرنا و تصورنا .....بيلبق ....:pos:

Nasserm

19/09/2009, 13:22

جمعتني مرة قعدي مع وحدي من ذوي النعمة الحديثة
المشكلة إنو القصة مو بس مع "محدثي النعمة"..

راتب المخلوقة بالشهر 5000 ليرة.. فـ في ناس بحض رقبتي وضعهن مو هالقد.. بس جايبين خدامة..

إنو شو تدفع 5000 وتفلح على ضهر بني آدم ليل نهار؟

ولا شي..

وطبعاً الأحلى بالنسبة لهيك بشر إنها فرصة تفش كل عقد النقص اللي عندها بخدامة..

وطز بلا 5000 بيتدبّروا

يعني صارت القصة موضة.. وفشخرة..

إلهي يعدّمني هيك بشر

sandra

19/09/2009, 13:51

والنهفة أنو مو نحنا شعب مشرشح فبتلاقي الواحد جايب خدامة لبيتو بيشغلها ببيت حماه وببيت أهلوه وببيت جيرانو.. من فترة كنا عازمين جماعة على الغدا فالجماعة جايين وجايبين معن الخادمة تبعون..
ولما خلص الاكل وبدنا ناخذ الغراض على المبخ .. حلفت المرة المعزومة أنو مية يمين بتخلو خادمتي تجلي الجليات..:?

والنهفة الأكبر أنو عند هالأغنياء وحديثي النعمة " بما أنهم بيفهمو بكل شي حسب العرف الاجتماعي بالبلد :p صارت الخادمة يلي حسبما لاحظت بسوريا أعمارهم صغيرة مو بس شغلتها التنظيف وأمور البيت ... كمان تربية الولاد وبتقعد معهم على طاولة الأكل وإذا في رضيع هي بتعطيه البيبرونة :? بعلمي أنها مش مربية أطفال لأن مربية الأطفال لازم تمتلك غير كفاءات

نقطة تانية بتتعلق بتربية الطفل وهي الارتباط العاطفي ...
مرة رحنا على مسبح وشفنا عيلة جايين معهم الخدامة
الولاد لما كانو يعملو حركات بالمي بدل ما ينادوا لأهاليهم مشان يشوفوهم شو عم يعملو انجازات كانو عم ينادو السيرلانكية مشان هي تصفقلهم وتضحكلهم .... يعني عند الطفل صار في ارتباط بالخادمة أكثر من أمو نفسها يلي كانت قاعدة وما على بالها شو عم يعملو ولادها

بالمقابل في شخص بيقربني عندو خادمة ضلت تنام بنفس غرفة بنتو لحتى زبطولها غرفة الها وبيخليها تتصل بأهلها مرة كل اسبوع وبتاكل معون على الصفرة.. وممنوع ترتب غرف الولاد او تعتني بلبسون او حمامهون.. واذا حدا من الولاد بيقلل احترام معها أو بيقلها غير خالتو بيقيم الدنية عليهون.. كمان هادا الشخص بيخليني قول أنو في هيك ناس لسا:oops:

اي وأنا بعرف عيلة عندهم الخادمات بينامو بالمطبخ مع العلم أنو بيتهم بيوسع عيلتين معهم (قلت خادمات لأنهم ما بيتركو الخادمة عندهم أكتر من مدة محددة مشان ما تاخد وش)

بس أكتر شي بيخيلني وبيعجبني أنو بشوف بسوريا أو حتى بلبنان عدد خادمات أعلى بكتيييير مما بشوف بفرنسا
ما كنت عارفة أنو مستوانا المعيشي أعلى بكتير :gem:

Nay

19/09/2009, 14:20

والنهفة الأكبر أنو عند هالأغنياء وحديثي النعمة " بما أنهم بيفهمو بكل شي حسب العرف الاجتماعي بالبلد :p صارت الخادمة يلي حسبما لاحظت بسوريا أعمارهم صغيرة مو بس شغلتها التنظيف وأمور البيت ... كمان تربية الولاد وبتقعد معهم على طاولة الأكل وإذا في رضيع هي بتعطيه البيبرونة :? بعلمي أنها مش مربية أطفال لأن مربية الأطفال لازم تمتلك غير كفاءات

نقطة تانية بتتعلق بتربية الطفل وهي الارتباط العاطفي ...
مرة رحنا على مسبح وشفنا عيلة جايين معهم الخدامة
الولاد لما كانو يعملو حركات بالمي بدل ما ينادوا لأهاليهم مشان يشوفوهم شو عم يعملو انجازات كانو عم ينادو السيرلانكية مشان هي تصفقلهم وتضحكلهم .... يعني عند الطفل صار في ارتباط بالخادمة أكثر من أمو نفسها يلي كانت قاعدة وما على بالها شو عم يعملو ولادها
اول شي .. أهلين ساندرا.. اشتقنالك..
بتعرفي هي قصة الخادمة اللي بتربي الولاد بتجنني.. كيف بيجيبو خادمة مشان تربية أولادهون.. ما عم افهم منوب.. وكيف بنفس الوقت بيكونو حاطين ولادون بمدارس أقساطها كبيرة كتير على أساس انو التعليم فيها أفضل.. يعني في تناقض كبير .. واللي بشوفون بيخلو الخادمة تعتني بولادهون بيكونو أشخاص متعلمين ومثقفين وهادا شي بيجنني أكتر..
وانو الاغرب كمان كيف بتكون صاحبة البيت بتعامل الخادمة بطريقة سيئة كتير وبنفس الوقت بتأمن تترك ابنها الرضيع مع هي الخادمة.. طيب ما بتخاف انو هالخادمة المكسورة والمعباية حقد تعمل شي بها الطفل!!؟؟

بس أكتر شي بيخيلني وبيعجبني أنو بشوف بسوريا أو حتى بلبنان عدد خادمات أعلى بكتيييير مما بشوف بفرنسا
ما كنت عارفة أنو مستوانا المعيشي أعلى بكتير :gem:

اي عن جد غريب.. يا ترى هي المسألة بس فشخرة!! معقول..

Nasserm

19/09/2009, 14:27

بس أكتر شي بيعجبني أنو بشوف بسوريا أو حتى بلبنان عدد خادمات أعلى بكتيييير مما بشوف بفرنسا
ما كنت عارفة أنو مستوانا المعيشي أعلى بكتير :gem:
يا ريتها قصة "مستوى معيشي"..

كانوا هالمعتّرات أخدوا رواتب متل الخلق..

إلي صديق بكندا.. عزابي.. جاب "خادمة" تنضفلو البيت..

طبعاً قبل ما تجي.. شرط يكون مجهزلها كل شي..

وبالاتفاق.. شغلها محدد من الساعة كذا للساعة كذا

هلق لما خلّصت.. وصارت بدها تروح.. قلي: "كان عندي مشوار قريب.. فـ اقترحت عليها وصلها بسيارتي"..

المخلوقة قالتلو: "مشواري أبعد.. أنا بوصّلك بطريقي.. سيارتي معي"..

وهيك صار

بس قلي: "عليي الطرباق السيارة اللي راكبتها.. أغلى من سيارتي بخمس مرات"

وهو دكتور مهندس بشركة كبيرة!!

sandra

19/09/2009, 14:40

اي عن جد غريب.. يا ترى هي المسألة بس فشخرة!! معقول..

اي معقول ليش لا
لما بلاقي شباب يا دوب عم تطالع مصروفها بس بدها تشيل أحدث موبايل مشان البريستيج أدام العالم من مبدأ أعرفي الشب من موبايلو ..
وبنات ما بترضى تلبس إلا عالموضة بالكاااااامل رغم أنو هالشي مكلف جدا جدا كمان مشان البريستيج ادام العالم
بعرف كتير بنات بيلبسو عالموضة وبيصرفو بلاوي عليها رغم أنهم ما بيكون مقتنعات فيها ... بس يا مخلوقة موضة هي :lol:
فطبيعي يكون موضوع الخادمات كمان فشخرة

يا ريتها قصة "مستوى معيشي"..

كانوا هالمعتّرات أخدوا رواتب متل الخلق..

إلي صديق بكندا.. عزابي.. جاب "خادمة" تنضفلو البيت..

طبعاً قبل ما تجي.. شرط يكون مجهزلها كل شي..

وبالاتفاق.. شغلها محدد من الساعة كذا للساعة كذا

هلق لما خلّصت.. وصارت بدها تروح.. قلي: "كان عندي مشوار قريب.. فـ اقترحت عليها وصلها بسيارتي"..

المخلوقة قالتلو: "مشواري أبعد.. أنا بوصّلك بطريقي.. سيارتي معي"..

وهيك صار

بس قلي: "عليي الطرباق السيارة اللي راكبتها.. أغلى من سيارتي بخمس مرات"

وهو دكتور مهندس بشركة كبيرة!!

اي لأن الخادمات بهيك دول.. هنن ناس ذوي مهنة وألهن دخل محترم

:D

Genifer

19/09/2009, 14:46

هي التصرفات اسمها تصرفات خالية من اي نوع من الانسانية

والشي يلي بيدايق أكتر انه بيحكوا عنها بس بيقولوا جنسية الخادمة بدل مايقولوا اسمها .

ولسا مرة شفت بلبنان من زمان (من شي 10 سنين قبل ما يتواجدوا بسورية) بمدينة ألعاب
وحدة معها 3 خادمات: خادمة عم تطعميه و خادمة عم تلعبه وخادمة عم تساعدهن والأم قاعدة.. :shock:

عن جد الله يعين هالخادمات شو عم يشوفوا ويتحملوا!!

Nay

19/09/2009, 15:36

DARKNESS

19/09/2009, 15:57

بكل مجتمع في المليح و في القبيح بس عنا بما انو هالظاهرة اجت عا طبقات شافت العز من بعد جوع
و انو المظهر تم استيرادو من دول الخليج هالسبين خلو نوع من تشوه الأفكار بالنسبة للمعاملة مع هالطبقة

انو منعاملهن كأنن طبقة أقل أو دون عنا مع انون بسلم التطور بشر متلنا متلهن
هالشي غريزي عند كل البشر ما في قوم ما بيخلى من هالمظاهر

لسا بدها كتير الوحدات الكربونية لتتطور

.:D

Genifer

19/09/2009, 19:12

اي جنيفر .. وبتشوفي الولاد بيسبو الخادمة وبيقللو ادب معاها وبيأمروها.. الغريب انو كيف اشخص بيرضى انو ولادو يكونو قليلين أدب بهادا الشكل..

بيكونوا هالولاد تعلموا يتصرفوا بهالطريقة أما من أهلهن أو من رفقاتهن ؟؟ بس الحق أكيد ع الأهل لأنهن ماجربوا يحطوا حالهن محل هالخادمة

فايق ورايق ومدايق

19/09/2009, 19:40

بس والله انا بعامل هي الجوكر يلي عنا بكل انسانية أي علي الحلال صرلها عنا سنتين ماطلبت منها طلب دخيل قلبي شو كبير يعني فوق مو ملعون سماها وطارة مشوار من عند الله من الفلبين لعنا نجي نقسا عليها والله حرام يعني نجرب نحط حالنا بمحلها بس يسعد ربنا لحنا الشعب السوري شو نفسياتنا حامضة دكاترة كلنا

Nasserm

19/09/2009, 20:04

بس والله انا بعامل هي الجوكر يلي عنا بكل انسانية
بتقلها جوكر يا أص البستوني؟!!

إي دخيل قلبك شو كبير..

فايق ورايق ومدايق

19/09/2009, 20:07

جوكر وبستوني أي والله شيتني دق تريكس حول خالي نطجك برتية جيب شريكك وتعال:sly:

Nasserm

19/09/2009, 20:23

جوكر وبستوني أي والله شيتني دق تريكس حول خالي نطجك برتية جيب شريكك وتعال:sly:
جاييك.. حط بريق المتة ع النار

ولك لا تعيّط للخادمة..

إنت قوم حطو..

شبك؟

خلّي المخلوقة ترتاح.. طول النهار عم تساعد إمك بتحضير الكرابيج والمعمول!!

ليلى والذئب

23/09/2009, 23:57

عشنا وشفنا وتأمرنا

صار عنا خدم وصرنا نتأمر ونتدلل ل شو هاد :sick:

هشام ابو شرار

24/09/2009, 03:54

هيدي كله شي هامشي كتير بالنسبة يلي بيصير بعمال المصانع في البلاد العربية رواتب underwareودوام full option وبعلمك العامل بيكون يشتغل على خط انتاج وفجاة بينعطب وياريت بيرتمى بالمستودعات لعند الحاجة بيروح على مكب النفايات ومابيعود بيرجع...........مابعرف يمكن لازمنا شي ثورة جديدة على نهج البروليتاريا بس تصير اسمها (شحتولاريا)

zen

24/09/2009, 11:14

الخادم صايرة شي ستايل
وبيجيبوها فيليبنية حصرا مشان تبين انها خدمة
كنت فكر حالي انو ما عنا هيك شي
:frown:

جلنارالغالية

30/09/2009, 21:28

فعلا زمن العبودية ولى

للأسف هذه الظاهرة موجودة لدينا
والله حالتهن بتئطع القلب وكأنهن حيوانات
مو بشر ,والناس بعدها ما وعيت لهالمشكلة
عن ئريب رح نصير متل بلدان الخليج
والأعجب أنها صارت مظهر وبروزة وشوفت حال

الأدهم

08/11/2009, 11:44

إرحموا من في الأرض يرحمكم من في السماء