فكرة لفتت نظري انا وعم سجل بمنتدى .. وكتير لقيتا معقولة .. وبتحسن من وضع المنتدى ..
وخاصة .. بعد المشاكل اللي صارت بالفترة الأخيرة بسيرفر أخوية .. واللي نتج عنها الرسالة المعروفة "عذرا ..السيرفر مشغول جداً الآن .. يرجى المحاولة بعد قليل .. وشكرا "

تنويه إداري :
إن تفعيل التحميل بعد مشاركتين لا يعني أبداً القيام فقط بالرد على موضوعين فقط
و إنما الرد على موضوعين بردود مساهمة و فعالة و النقاش في المواضيع المطروحة للنقاش
و ليس فقط كلمة يسلموا أو شكراً أو مشكور أو .... أو ...... الخ
و المشاركة بإنزال موضوع واحد على الأقل
و لذلك نعتذر من جميع الأعضاء الجدد الذين يدخلون فقط من أجل التحميل و الخروج بلا رجعة
أنه سيتم حذف أي مشاركة أو رد غير مقنع للإدارة
و الهدف من ذلك هو تطوير المنتدى و الإرتقاء به إلى أعلى المستويات..
والحلو بالموضوع .. انو مافيك تنزل رد بالمواضيع اللي فيا روابط .. او مرفقات للتحميل .. لهيك فينا ننسى كلمة شكرا ومشكور .. وملف قيم وهالقصص ..
لازم ينزل الرد بموضوع نقاش .. وهالشي بيجبرك انك تبحبش بالمنتدى ع موضوع نقاش ..
وأنا شخصيا .. كنت مسجل بالمنتدى لنزل ملف .. :lol: وماكنت متوقع اني رح انسجم فيه ..
بس وقت اللي اضطريت بحبش كرمال نزل مشاركة .. اكتشفت انو في كتير مواضيع قيمة .. وقصص ماكنت رح انتبهلا لولا هالقانون ..
.
.
حبيت الفت نظر الإدارة .. وآخد رأي الرعية الأخوية ..
بانتظار الإقتراحات ..

انا ما عجبني البند:jakoush:
ما احب شخص يجبرني على شي
يعني انا حرة بدي سجل لحمل
او بدي شارك على طول
او بدي ناقش
بعدين بلكي ما عندي شي ئولوا
خصوصا انا اغلب ردودي شكرا لان من طبعي عديمة التعبير وقليلة الثرثرة خصوصا بالنقاشات يعني ما احب اجيب وجع راس علفاضي:deal:

شكراااااا :lol:

لأ ماني معو..يعني الواحد بدو يسجل ويحمل ويمشي
وفيهن المشرفين اذا بدهن يحزفو الردود يلي فيها هيك شغلات..شو هالشغة العظيمة

هلق أنا صوتت مع..

بس بدي قول شي


يا سيدي صوتت مع.. لإنو هاي الرسالة تبع "عذراً مشغول" زادت عدد الكفريات والتحشيكات عندي.. عن العتبة اليومية العادية

فـ من هيك.. مع

ولكن..


مع لفترة..

إنو بيطبّقوا جماعة الإشراف هالقانون..

إذا مشي الحال.. كان به


ما مشي الحال؟


بيتعاقب صاحب الاقتراح بإنو يقعدلو سنة بالمعتقل



شو رأيكن بهالاقتراح؟

خرج نفتحلو استبيان؟

لأ ماني معو..يعني الواحد بدو يسجل ويحمل ويمشي
وفيهن المشرفين اذا بدهن يحزفو الردود يلي فيها هيك شغلات..شو هالشغة العظيمة
المشكلة انو 70% من أعضاء أخوية ..عملو متل ماقلت .. والمشرفين .. مافين يحذفو عالطالع والنازل إذا مافي قوانين بخصوص هالشي بمالمنتدى ..
يعني .. إذا ماكان هالقانون موجود .. مابيحقلن يحذفو عبارات الشكر .. وهالقصص .. ف لهيك ... فكرة القانون تعتبر مناسبة ..
يعني .. حسب السيرفر البشر الي هون (267,788) عضو.. صارو عاملين: 1,292,811 مشاركة.. خمسة وخميّسة..
من بين 267788 الف عضو .. ماعم يشاركو منن اكتر من 1000.. تقريبا بالمواضيع ..
لازم الواحد يتسائل شو السبب .. !

للاسف مافي امكانية تقنية لاي تعديل او اضافة على اخوية بالوقت الحالي

شكرا لاهتمامكم وينقل الى البريد مغلق