يلي بيقبل يكون محل الطرف التالت "الزوجة أو الزوج المغدورين" يروح ويحب شخص متزوج وضميرو مرتاح .. عسى أن تكون الدنيا دولاب ;)

اكيد لاء ولاء ولاء
لسبب بسيط انو الشخص الذي يخون زوجته او زوجه لاي درجة ممكن يكون وفي لهي العلاقة اذا هو الرباط المقدس تبع الزواج ما احترمه......

احم احم.. بصفتي متزوجة من 6 سنين رح احكي خبرتي ....

طبعا انا ضد هي العلاقة لانها بتأذي مشاعر احد الزوجين وبتدبح
هلأ بالنسبة للرجل او الانثى اللي بتعمل علاقة مع شخص متزوج فهو شخص عندو احدى الحالتين او مشكلة نفسية خطيرة اللي هي حب تخريب البيوت..او انو بيكون واقع بقوة بغرام احد الطرفين
وبالحالتين هاد الشخص بيكون عم يصطاد بالمي العكرة متل ما بيقولو لان طبعا رح يبين نفسو على شخص مختلف وبيحاول يورجي الايجابيات المفقودة والمطلوبة عند الطرف الاخر
ويطول الحديث بس بالنهاية السعادة لا تبني على تعاسة اخرين حتى لو بالاول كان في سعادة مطلقة بالاخر ما بيصح الا الصحيح وما بتدوم
وسترو ما شفتو منا طولنا كتير

انا عني لانو حظي طلع مش ولا بد حبيت ست محترمة وعشقتها طلعت ام لخمس اولاد ;) فبقيت هيك لا تجوزتا ولا تجوزت غيرا وبعدني ناطر شو ناطر ما بعرف بس ناطر لانسى او يمكن ما بعرف بس المصيبة انا ما بحاكيها حتى فما بلاقيها الا تتصل يومي وانا لو كنت عارف من اول انها متنيلة متجوزة ما قربت عليها بس اهو خليته حب مستحيل عايشه فصمت بلا ما خون حدا ولا حدا يخونني بس شو عيب تحب حدا لالك لحالك الشغلة بتكون احسن

أنا ما بأيد بنوب
ليش ؟: لانو انا مابرضى ع حالي زوجي يخونني مع وحدة تانية فليش حب واحد متزوج؟ياحرام مرتو شو رح يصير فيا ازا عرفت
بعدين ليش لحب واحد متزوج شو يعني صاير في فقر بالشباب العزابيين؟ما شالله عليهن 10 ب ليرة وحدة

انا بحل هالمشكلة ازا صار هيك شي وبنفصل عنو مافي داعي لكل الشوشرات ..