يمكن أنا مشتاق لَغمرة زنودك
يمكن بصدري فاق الصيف
تيحمّر خدودك
ولَحتى زيّن كُحل هالعين
سرقت ليلة ما كان فيها قمر
وشلحتا ....عَجفونك

وبغفلتو لهالشتي رح أهرب بغيمة
وخللي مطرها يسكّت ظنونك
إن فاق الشتي وبين عيونك شافها
ابتسمي بعينيك إلي
ولا تفضحي جنونك
جايي بربيعي بعد نومو
فيقو
يسأل عاحبّ كبير
خبيتو بعيونك

بين عيوني وعيونك

سرار وخبار

وحكي وسهر

وغمرة دفا

وشوق وكومة أزهار

مدري حلم ....

مدري صحوة شمس

بعد الشتي .. وحبة مطر

اتعربشت عاخدي

وبلهفة وبضمة وجع

مسحت دمعتي

//

بين عيوني وعيونك

سرار وخبار

وحكي وسهر

وغمرة دفا

وشوق وكومة أزهار

مدري حلم ....

مدري صحوة شمس

بعد الشتي .. وحبة مطر

اتعربشت عاخدي

وبلهفة وبضمة وجع

مسحت دمعتي

//

يا معربشة بقلبي
ومشتاقة للضمة
يمكن انا نسيان

ويا مكحلة ونازل على خدك
دمع
شفتو وانا سكران

ويا شايلة بعبك ريحة شتي
وعصفور شو بردان

روحي وخبي دمعتك
عني
بحزنك صرت ضجران

وخبري اللي صاير
مدري وين
نطرتو وصرلي زمان

راجع أنا متل زلزال,
عالهدى يهز الأرض,
والبرد الي مخيم بالطريق
نازل أنا فوقو ت رد,
الدفا ع درب الشغف,
وتتذكر البوسة انو وطنها الخد

جاي أنا متل نسمة وشوشها النظر ,
تسرق من حلاكي الصور
متل همسة بإدن الضجر
تصحي صدى سكران, تغازلو تيرد