أسامة عثمان المحمد: كلنا شركاء قال الدكتور محمد سعيد رمضان البوطي المفكر الاسلامي المعروف ان مسألة تعدد الزوجات بحاجة الى ضوابط وشروط ولا يجوز لكل فرد ان يعدد الا اذا توافرت فيه شروط عدة من اهمها العدل والقدرة على الانفاق وغيرها.. وهي جزء من الحل لكثرة العنوسة في الزمن الحالي منتقدا بعض الاصوات التي تنادي بأن التعدد هو ظلم للزوجة وهو نوع من انواع هضم حق المرأة في الاسلام متساءلا ان كان هذا هضم لحق المرأة فلماذا ترضى به ولماذا تكون في اغلب الاحيان سعيدة به؟؟ جاء ذلك في معرض رده على سؤال حول نظرته لفلسفة التعدد في الاسلام في برنامج مع البوطي في حياته وفكره والتي ناقشت سر أزمة الزواج في العالم العربي والاسلامي حيث اوضح العلامة البوطي ان مشكلة تأخر سن الزواج ليس سببه الاوضاع الاقتصادية الصعبة فحسب وانما في توفر الابواب الخلفية الغير جائزة لارتكاب ما حرم الله والتي تؤدي لعزوف كل من الشاب والفتاة عن الزواج وايضا مسألة غلاء المهور وكثرة حالات الطلاق في الوقت الحالي موضحا أن مسؤولية الحل تقع على الجميع من شاب وفتاة واهل وجهات حكومية لا تتوانى في حل هذه المشكلة بقدر استطاعتها .وفي معرض رده حول سؤال صريح له من من قبل المحاور هل قمتم بالتعدد يوماً ؟؟ فقال البوطي مبتسماً : نعم.. كاشفا انه تزوج في سن الثامنة عشر من امرأة تكبره بخمسة عشر عاما وعاشا حياة سعيدة جدا ولا يستطيع ان يعطيها حقها بعد وفاتها حتى الآن!! ومن ثم بعد فترة قام بالزواج مرة ثانية بسبب سفره الى مصر للدراسة واوضح ان الاثنتان كانتا( سمنة على عسل) وفي منتهى الوفاق والسعادة..

انو بجد بجد لا تعليق

انو رمضان وما بدي استفز حدا ولا اتخانق مع حدا


سعيدة فيو باغلب الحالات لكن؟؟؟؟

اوضح العلامة البوطي ان مشكلة تأخر سن الزواج ليس سببه الاوضاع الاقتصادية الصعبة فحسب وانما في توفر الابواب الخلفية الغير جائزة لارتكاب ما حرم الله والتي تؤدي لعزوف كل من الشاب والفتاة عن الزواج وايضا مسألة غلاء المهور وكثرة حالات الطلاق في الوقت الحالي موضحا أن مسؤولية الحل تقع على الجميع من شاب وفتاة واهل وجهات حكومية لا تتوانى في حل هذه المشكلة بقدر استطاعتها ..


أنو استوقفتني هالمقطع, انو في زمن مر على سوريا خلينا نقول من الاستقلال لهلق وما كانت هالابواب الخلفية لارتكاب ما حرم الله متوفرة؟؟
وهالجهات الحكومية يا حرام ما عم تتوانى عن حل المشكلة, والحق بالاخير على المواطن الفاجر الفاسق اللي عم يدور على الابواب الخلفية.

على كل هالحكي مو مفاجئ ابدا منو , لانو علاقاتو ودورو ضمن النظام ما بتخلينا نتوقع منو غير هيك حكي.

كيف لنا أن نتحدث عن المساواة بين الرجل والمراة وللرجل أن يجمع اربع زوجات أي تكافؤ هذا الذي يجعل من المرأة ربع رجل أو ربع زوجة او ربع شريكة.
الزواج ليس مجرد تقنين لممارسة الجنس الزواج هو تكوين أسرة والأسرة وحدة اجتماعية ذات كينونة ولا أعتقد ان رجل بأربع أسر قادر أن يكون هذه الوحدة الكينونية الاجتماعية بشكل صحي وسليم.
ولا أدري ما هو شعور المرأة التي تتقاسم زوجها مع ثلاث نساء أخريات وهل تقبل حقيقة المرأة المثقفة ذات الشخصية المستقلة بهذا الأمر.
برأي كما تم منع ملك اليمين والعبودية يجب أن يمنع تعدد الزواجات طالما أننا نطمح لتكوين مجتمع سليم معافى ليس شرطا أن ينطبق القانون المدني بكل جزئياته على التشريع الديني وإلا لاضطررنا للأخذ بعين الاعتبار العديد من التشريعات العثمانية كموضوع التولي لغير المسلم والعبودية وما إلى ذلك من القوانين التي ذهبت إلى أدراج التاريخ إلى دون رجعة.
أما مسألة العنوسة فهي ناتجة عن كوننا نعيش مرحلة وسط مرحلة تجمع فكرة الغرب عن الأسرة على أنها كيان منفصل ناضج وبيت مستقل (وبالتالي يحتاج الشريكين لوقت لتأسيس نفسيهما) وفكرة شؤقية تقوم على رفض العلاقة قبل الزواج كعلاقة حميمة مستقرة قائمة على الحب والاحترام ضمن ظروف معينة لا تسمح باستكمال البناء الأسري يضاف على ذلك موضوع محدودية الدخل والوضع الاقتصادي.

مع احترامي لرأي السيد م.ر.البوطي بس انا رأيي الحالة الاقتصادية ومتطلبات الحياة خصوصا الدراسة هي اهم الأسباب اما فيما يتعلق الأبواب الخلفية فهي طول عمرا موجودة و موجودة قبل وبعد الزواج اما مسألة التعدد فأنا الي شخصيا برفضا و لكن بالنسبة للآخرين فهني احرار كل انسان مسؤول عن حالو انا برأيي الأمر بيد المرأة هي اذا موافقة ولا لاء بتوقع بأغلب مناطق ما ضل حدا عما يجبر بنت عالجازة والدليل موضوع التعدد صار قليل

تعدد الزوجات نوع من الدعارة "المشروعة" وراء ستار من القوانين البالية التي تسمح بذلك

ولا أدري ما هو شعور المرأة التي تتقاسم زوجها مع ثلاث نساء أخريات وهل تقبل حقيقة المرأة المثقفة ذات الشخصية المستقلة بهذا الأمر.
المرأة المثقفة في بلادنا عياش تختلف عن المرأة المستقلة.. وفكرة التبعية للرجل فكرة مقبولة تماما كما ارى لدى اغلبية النساء
برأي كما تم منع ملك اليمين والعبودية يجب أن يمنع تعدد الزواجات طالما أننا نطمح لتكوين مجتمع سليم معافى ليس شرطا أن ينطبق القانون المدني بكل جزئياته على التشريع الديني وإلا لاضطررنا للأخذ بعين الاعتبار العديد من التشريعات العثمانية كموضوع التولي لغير المسلم والعبودية وما إلى ذلك من القوانين التي ذهبت إلى أدراج التاريخ إلى دون رجعة..
هي الفكرة بالذات بيحكي فيها المفكر الاسلامي جودت سعيد وبيدعي أيضا لإلغاء كل الافكار والعادات الغير متناسبة مع الواقع اللي عم نعيشو.. وبيعتبر جودت سعيد انو سبب كل انكسارات الحضارة الاسلامية هوي اعتمادها على الكتاب دون العقل

تعدد الزوجات نوع من الدعارة "المشروعة" وراء ستار من القوانين البالية التي تسمح بذلك
انا أكيد معك ..

انو بجد بجد لا تعليق

انو رمضان وما بدي استفز حدا ولا اتخانق مع حدا


سعيدة فيو باغلب الحالات لكن؟؟؟؟
علق اذا بدك ما حدا غيرنا شاف الموضوع.. هدنك ما اجو لسا

من حيثُ المبدأ فالتعددُ امرٌ مقضيٌ به للمصلحة العامة ومن هذا المنطلق فإن نظام التعدد كما ذكر البوطي نظامٌ يحتاج لمزيدٍ من الشروط والضوابط

ولكنني أختلفُ معه بشأن الضابط الاهم للسماح به ألا وهو العدل و القدرة على الانفاق
بالنسبة للضابط الاول :العدل فإن القرآن نفى إمكانية أن يعدل الانسان بين زوجاته بقوله / ولن تعدلو /
والقدرة على الانفاق ضابط ربما كان كان مرده الى اجتهاد الشيخ ليس إلا فإن القدرة على الانفاق قد تكون بابا للإستملاك وليس لتطبيق روح الزواج
*
ولكنني مع التعدد في حالات وضوابط لا تخص الزوج وانما تخص الزوجة فربما تكون الزوجة مصابة بمرض يجعلها عاجزة عن القيام بمسؤوليتها تجاه الزوج ربما تُصاب خلال العلاقة الزوجية بالجنون المؤقت الذي يصيبها على أوقات زمنية متباعدة
ولقد آمنت بهذا الرأي بعد أن شاهدت فيلما أجنبيا اسمه Jane Eyre
وخلال الفلم ظهر بوضوح مأساة أحد الامراء عندما من القيد الذي يمنعه بأن يتزوج من محبوبته بسبب أنه في الاصل متزوجٌ من فتاة أخرى وفي الحقيقة كانت تلك الزوجة مصابة بالجنون وقد حجزها في غرفة قصية من قصره لعلاجها دون فائدة

هي أول مرة بستغرب من ردك أرسلان..
عن أي ضوابط عم تحكي.. المرأة في عصرنا الحالي أصبحت قادرة على الانفاق على عشرة بيوت.. هل يحق لها تعدد الازواج أيضا..
لماذا يتم تبرير التعدد عند مرض المرأة بينما يجب على المرأة أن تخدم زوجها المريض او المجنون..
سياسة الكيل بمكيالين غريبة للغاية.. معاملة المرأة على أنها جارية وعلى أنها وعاء لتفريغ الرغبات الجنسية أيضاً غريبة للغاية..

علق اذا بدك ما حدا غيرنا شاف الموضوع.. هدنك ما اجو لسا

ظريفة :lol:

هي أول مرة بستغرب من ردك أرسلان..
عن أي ضوابط عم تحكي.. المرأة في عصرنا الحالي أصبحت قادرة على الانفاق على عشرة بيوت.. هل يحق لها تعدد الازواج أيضا..
لماذا يتم تبرير التعدد عند مرض المرأة بينما يجب على المرأة أن تخدم زوجها المريض او المجنون..
سياسة الكيل بمكيالين غريبة للغاية.. معاملة المرأة على أنها جارية وعلى أنها وعاء لتفريغ الرغبات الجنسية أيضاً غريبة للغاية..



هاد من منظوركن إنتو, إذا إنتو شايفين إنو المرأة عم تتعامل كجارية فهي مشكلتكن, محدا جابركن تتجوزوا من مسلمين حتى ما تصيروا جواري :o
ومو شغلكن تقيموا شو وضع تعدد الزوجات يعني مو من حقكن بحكم مالكن مسلمين في حال ما كنتو مسلمين وإذا كنتو مسلمين ففيكن تقيموا الوضع ضمن الوسط المحيط فيكن وتعارضوا أما أوسع من هيك مالكن مصلحة لأنو مو شغلكن ...
وقصص جمعيات المرأة فهي مسلسل مكسيكي لحالها الله يهنيكن فيها ناس فايقة ورايقة

تعدد الزوجات نوع من الدعارة "المشروعة" وراء ستار من القوانين البالية التي تسمح بذلك

انا أكيد معك ..

هل هكذا يناقش الموضوع و هل هذه هي الحضارة التي تدعون أليها

هههههههههههههههههههههههه

هل هكذا يناقش الموضوع و هل هذه هي الحضارة التي تدعون أليها

هههههههههههههههههههههههه

تركن خيي حلبي تركن الحكي ببلاش, و حرية التعبير في منها قياسات كل مرة الواحد بيختار القياس الي بناسبوا, مناقشة الأديان ممنوعة بالمنتدى بس أحياناً بيسمحوا فيها لناس وناس يعني :lol:
أودعناكن, تناقشوا على راحتكن وإحكو الي بدكن ياه بس إذا تغير معكن شي إبقوا خبروني

ومو شغلكن تقيموا شو وضع تعدد الزوجات يعني مو من حقكن بحكم مالكن مسلمين في حال ما كنتو مسلمين وإذا كنتو مسلمين ففيكن تقيموا الوضع ضمن الوسط المحيط فيكن وتعارضوا أما أوسع من هيك مالكن مصلحة لأنو مو شغلكن ...

مين انت وبلسان مين بتتكلم لحّتى تمنع وتعلّم غيرك أشو هوّي شغلهن

ظريفة :lol:



هاد من منظوركن إنتو, إذا إنتو شايفين إنو المرأة عم تتعامل كجارية فهي مشكلتكن, محدا جابركن تتجوزوا من مسلمين حتى ما تصيروا جواري :o
ومو شغلكن تقيموا شو وضع تعدد الزوجات يعني مو من حقكن بحكم مالكن مسلمين في حال ما كنتو مسلمين وإذا كنتو مسلمين ففيكن تقيموا الوضع ضمن الوسط المحيط فيكن وتعارضوا أما أوسع من هيك مالكن مصلحة لأنو مو شغلكن ...
وقصص جمعيات المرأة فهي مسلسل مكسيكي لحالها الله يهنيكن فيها ناس فايقة ورايقة
انت مو شغلك انو تحدد اذا كان شغلي ولا لأ.. اذا عندك رد رد.. واذا مو عاجبك الحكي لا تشارك.. انت حر متل ما انا حرة.. وطالما أنا عايشة بتمنى من كل قلبي أنو النساء المسلمات وغير المسلمات ما يكونو جواري عند حدا..

تركن خيي حلبي تركن الحكي ببلاش, و حرية التعبير في منها قياسات كل مرة الواحد بيختار القياس الي بناسبوا, مناقشة الأديان ممنوعة بالمنتدى بس أحياناً بيسمحوا فيها لناس وناس يعني :lol:
أودعناكن, تناقشوا على راحتكن وإحكو الي بدكن ياه بس إذا تغير معكن شي إبقوا خبروني

مو مشكل أخي ينطرح الموضوع و على الرحب و السعى و من حق كل أنسان يناقش من باب العلم و المعرفة و لكن هناك أدبيات للنقاش و يجب على السائل أن يحترم وجهة نظر المخالفة للرأي دون التلفظ بألفاظ لا تليق بهذا الجهاز الذي نستخدمه على الأقل :lol:

هل هكذا يناقش الموضوع و هل هذه هي الحضارة التي تدعون أليها

هههههههههههههههههههههههه
حضارة استخدام المرأة لتفريغ الشهوات الجنسية في ضوء من الحلال!!

بلاحظ دايما الإسلاميين بيفوتو ما بيناقشو ..بس بيتوترو وبيتمسخرو وبيعصبو كتير .. لسا ما وصلنا لمرحلة تكبير الخط.. ما عم أفهم ليش..

حضارة استخدام المرأة لتفريغ الشهوات الجنسية في ضوء من الحلال!!

لما بتتزوج خلي علاقتك مع زوجتك بدون حب و الذي منو

تعدد الزوجات امر مقضي بحكم الهي و نقطة انتهى

يلي ما بيرضى بهالشي ما حدا جابرو



رأيي الشخصي بتعدد الزوجات : انا ضد إلا في حالات كتير خاصة متل عدم قدرة المرأة على الانجاب و اذا كان الرجل غير قادر على الانجاب انا مع انو المرأة تطالب بالطلاق اذا كانت شايفة هيك

مين انت وبلسان مين بتتكلم لحّتى تمنع وتعلّم غير أشو هوّي شغلهن
وبصفتك شو عم تناقش هالموضوع, مين حضرتك يعني وشو بيهمك بموضوع تعدد الزوجات إذا ما بيمسك لا من قريب ولا من بعيد ولا الكل صار بدو يحمل هموم العالم على كتافوا ويشتغل حلاّل مشاكل

انت مو شغلك انو تحدد اذا كان شغلي ولا لأ.. اذا عندك رد رد.. واذا مو عاجبك الحكي لا تشارك.. انت حر متل ما انا حرة.. وطالما أنا عايشة بتمنى من كل قلبي أنو النساء المسلمات وغير المسلمات ما يكونو جواري عند حدا..

كرمال الله فرجيني مرة متجوزة وعايشة كجارية, المشكلة بالتعميم بعرف إنو سوريا مليانة من هالحالات بس المشكلة إنو هالحالات عم تتعمم على جماعات كاملة وهون الغلط.

يعني عم تاخدو حالة أو حالتين موجودين بتجمعات قاتلها التخلّف وهالحالات عم تتعمم عالباقي يعني عيلتنا فيها أكتر من خمسين مرة عمري ماسمعت وحدة فيهن متخانقة هي وجوزها وعمري ماسمعت إنو وحدة جوزها عم يضربها أو عم يعزبها
لهيك لما تناقشوا مواضيع ما تعمموها على مجتمعات كاملة
بالنسبة لردي إلي قبل هاد فأنا بكتب بالطريقة إلي بتعجبني أولاً
تانياً إستخدام كلمة هدنك مابظنها مناسبة أو بتطلع من شخص عم يحكي عن حالو مثقف وحامل هموم النساء كلها على كتافوا وماشي فيها, والمتل أو مدري مين بيقول عامل الناس كما تحب أن يعاملوك
لهيك خلّي يكون في شوية إحترام لحتى نحترمكن

بلاحظ دايما الإسلاميين بيفوتو ما بيناقشو ..بس بيتوترو وبيتمسخرو وبيعصبو كتير .. لسا ما وصلنا لمرحلة تكبير الخط.. ما عم أفهم ليش..


السبب هو طريقة الطرح هاد الي بيوتر, إستخدام الألفاظ إلي بتختاروها بعناية فائقة
ومين عم يكبر الخط

تعدد الزوجات امر مقضي بحكم الهي و نقطة انتهى

يلي ما بيرضى بهالشي ما حدا جابرو



رأيي الشخصي بتعدد الزوجات : انا ضد إلا في حالات كتير خاصة متل عدم قدرة المرأة على الانجاب و اذا كان الرجل غير قادر على الانجاب انا مع انو المرأة تطالب بالطلاق اذا كانت شايفة هيك

كرمال الله فرجيني مرة متجوزة وعايشة كجارية, المشكلة بالتعميم بعرف إنو سوريا مليانة من هالحالات بس المشكلة إنو هالحالات عم تتعمم على جماعات كاملة وهون الغلط.

يعني عم تاخدو حالة أو حالتين موجودين بتجمعات قاتلها التخلّف وهالحالات عم تتعمم عالباقي يعني عيلتنا فيها أكتر من خمسين مرة عمري ماسمعت وحدة فيهن متخانقة هي وجوزها وعمري ماسمعت إنو وحدة جوزها عم يضربها أو عم يعزبها
لهيك لما تناقشوا مواضيع ما تعمموها على مجتمعات كاملة
الموضوع عم يناقش كلام لاحد أهم رجال الدين بسوريا.. وما حدى عمم شي..
واذا انت عايش بعيلة فيها هدول الأزواج اللي بيعاملو زوجاتهون بهي الطريقة فانا بتمنى متلك تماما تصير البلد كلها متل عيلتك..

بالنسبة لردي إلي قبل هاد فأنا بكتب بالطريقة إلي بتعجبني أولاً
وأنا قلت انت حر بتكتب الل بيعجبك متل ما أنا حرة وبكتب اللي بيعجبني

تانياً إستخدام كلمة هدنك مابظمنها مناسبة أو بتطلع من شخص عم يحكي عن حالو مثقف وحامل هموم النساء كلها على كتافوا وماشي فيها, والمتل أو مدري مين بيقول عامل الناس كما تحب أن يعاملوك
لهيك خلّي يكون في شوية إحترام لحتى نحترمكن

كلمة هدنك مو مسبة.. واذا معتبرها مسبة ابعات تقرير مشاركة عاطلة..
تاني شغلة أنا ما قلت عن حالي مثقفة وما قلت أني حاملة هموم النساء على كتافي.. انا حكيت عن امنياتي لنساء سوريا

نقاش حضاري بيرفع الراس.....يا حرام بس......وقت نفهم حرية عا مقاسنا........
أنا ماني صاف مع حدن ضدد حدن.......بس مبارح صار شي لفت نظري.....أنو بل غلط صار حكي عن مسيح....قامت القيامة.......وليوم عم نتمسخر عا مجموعة كاملة وعادي
هاموش: انا ماني مع الفتوة.....بس ما بقدر افرض رئيي.....بل كندرة....واحكم عا عقيدة كاملة أنو هنين متخلفين.....كرمال ما بتفق معون
وكاس حرية الرأي.......وحريات..واحترام الاخر:nirvana:

هاد من منظوركن إنتو, إذا إنتو شايفين إنو المرأة عم تتعامل كجارية فهي مشكلتكن, محدا جابركن تتجوزوا من مسلمين حتى ما تصيروا جواري ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
ومو شغلكن تقيموا شو وضع تعدد الزوجات يعني مو من حقكن بحكم مالكن مسلمين في حال ما كنتو مسلمين وإذا كنتو مسلمين ففيكن تقيموا الوضع ضمن الوسط المحيط فيكن وتعارضوا أما أوسع من هيك مالكن مصلحة لأنو مو شغلكن ...
وقصص جمعيات المرأة فهي مسلسل مكسيكي لحالها الله يهنيكن فيها ناس فايقة ورايقة طيب اذا نحن مو شغلنا انو نحكي انت مو شغلتك انو تمنعنا نحكي و ما بيحقلك تمنعنا نحكي
ان كان عجبك ولا ما عجبك
هالحديث بقا انت احترام حالك و اذا شايف انو في حدا جرح او غلط بأي تعبير في عندك
شي اسمو تقرير عن مشاركة عاطلة

كرمال الله فرجيني مرة متجوزة وعايشة كجارية, المشكلة بالتعميم بعرف إنو سوريا مليانة من هالحالات بس المشكلة إنو هالحالات عم تتعمم على جماعات كاملة وهون الغلط.

بدك تشوف انزيل على المحكمة الشرعية و سماع و شوف
شوف الذل من ضرب لإهانة لحرمان
عما تنالو المرأة و كلو بإجازة الاهية
و فوق كل هاد لما بتوصل الزوجة لمرحلة انو ما عاد فيها تحتمل
بدها تضل عايشة أشهر بأحسن الحالات
لحتى توصل للطلاق دون ادنى حقوق
هيك بس عما تشتري حريتها بعد لحظات ضعف و ذل بنص المحكمة
لسبب شو تطبيق قانون صرو 1400 سنة
الناس بتتغير و القواعد لازم تتغير

و لا هادا مكروه استخدامو برمضان مثلا

وبصفتك شو عم تناقش هالموضوع, مين حضرتك يعني وشو بيهمك بموضوع تعدد الزوجات إذا ما بيمسك لا من قريب ولا من بعيد ولا الكل صار بدو يحمل هموم العالم على كتافوا ويشتغل حلاّل مشاكل

بصفتي أني قلت رأيي بالموضوع..بس انت شو عملت!!؟


لاك يا حبيبي اذا حكيك بدو يضل هيك بلا معنى بس صف حكي..حل عني مو فا ضيلك

تعدد الزوجات امر مقضي بحكم الهي و نقطة انتهى

المشكلة مالها بالتشريع الإلهي من وجهة نظري عالأقل
المشكلة بتنفيذو
الناس فهمانة من الموضوع إنو والله أنا بيصحلي أربعة بتجوز أربعة وبعيش ملك زماني مع إنو التشريع هاد مالو لخدمة الرجل كرجل أو لراحة الرجل
يعني ما بعرف كيف رجال بيقدر يتجوز تنتين الواحد بوحدة ويادوب ملحق على بيتو وولادو, في جهل كبير من فئة معينة بتشجع تعدد الزوجات من غير أسباب بتوجب عليه إنو يتجوز أكتر من وحدة

تعدد الزوجات امر مقضي بحكم الهي و نقطة انتهى

يلي ما بيرضى بهالشي ما حدا جابرو



نقطة انتهى بنظرك محسن .. لأنك باني قناعاتك على الإيمان.. والايمان بشيء دايما بينهي النقاش..
بس اللي مو مآمن بهادا الشي بيختلف وضعو..

بلاحظ دايما الإسلاميين بيفوتو ما بيناقشو ..بس بيتوترو وبيتمسخرو وبيعصبو كتير .. لسا ما وصلنا لمرحلة تكبير الخط.. ما عم أفهم ليش..


ناي هي انا ماني متشدد و لا بعتبر حالي من المدافعين عن الفكر الاسلامي
بدافع عن شي بأمن فيه و مقتنع فيه لاني انا مقتنع فيه ان كان اسلامي او غير اسلامي

هالرد شايف انو استفزازي اكتر من كونو نقاشي بموضوع
بتمنى يكون الجدل بالموضوع هو الرد مو تعداد خصال الاخرين و سيأتهم \ بنظرك طبعا \ هو محور ردك
:D

و هلق بجي لرأي بالموضوع

هلق تعدد الزوجات + ما ملكت ايمانكم

هوي تحويل المرأة ل الة جنسية لتفريغ المستودع الذكوري من رغباته
يلي هوي بيحب يشمل جميع الانواع من السمر للبيض للشقر

و السؤال يلي بيطرح نفسو تعدد الزوجات مو هوي خيانة للزوجة تحت ستار ديني قانوني
يعني لو الزوجة شافت زوجها عما يعاشر امرأة اخرى دون عقد نكاح
شو لح تعمل

هلق انا كانت احدى امنياتي انو يتحقق قانون الاسرة السورية

يلي هوي قانون لح يكون البديل الجيد و الموضوعي لقانون الاحوال الشخصي يلي صرو من فوق النص قرن

المهم القانون الجديد كان لازم يضم الزواج المدني
و منع تعدد الزوجات او بالاقل ربطه برضاء الزوجة و موافقة القاضي

بس للأسف تنيم بالدروج

و من هون ليشوف النور عالوعد يا كمون



ما فينا نقول الا

عوجة

شكرا ناي على النقل :D

تعدد الزوجات نوع من الدعارة "المشروعة" وراء ستار من القوانين البالية التي تسمح بذلك

انا بعتبر هالكلام تجريح للاسلام وللرسول صلى الله عليه وسلم لانه عدد زوجاته

ناي هي انا ماني متشدد و لا بعتبر حالي من المدافعين عن الفكر الاسلامي
بدافع عن شي بأمن فيه و مقتنع فيه لاني انا مقتنع فيه ان كان اسلامي او غير اسلامي

هالرد شايف انو استفزازي اكتر من كونو نقاشي بموضوع
بتمنى يكون الجدل بالموضوع هو الرد مو تعداد خصال الاخرين و سيأتهم \ بنظرك طبعا \ هو محور ردك
:D
انت محسن ما عصبت ولا توترت.. وأرسلان كمان ما عصب او توتر..
بس دايما بتتكرر هي الحالة .. بيفوت حدا وبيصير توتر ما ألو معنى بدون ما يكون بلش النقاش لسا..

بدك تشوف انزيل على المحكمة الشرعية و سماع و شوف
شوف الذل من ضرب لإهانة لحرمان
عما تنالو المرأة و كلو بإجازة الاهية
و فوق كل هاد لما بتوصل الزوجة لمرحلة انو ما عاد فيها تحتمل
بدها تضل عايشة أشهر بأحسن الحالات
لحتى توصل للطلاق دون ادنى حقوق
هيك بس عما تشتري حريتها بعد لحظات ضعف و ذل بنص المحكمة
لسبب شو تطبيق قانون صرو 1400 سنة
الناس بتتغير و القواعد لازم تتغير

و لا هادا مكروه استخدامو برمضان مثلا

هاد جهل بالدين وجهل بتنفيذ أحكامو أولاً وجهل بالمسؤوليات تانياً
الواحد ماعم يعرف مسؤولياتو مزبوط لما عم يتجوز تانية وتالتة وحتى رابعة, ماعم يفكر كيف بدو يرضيهن كلهن بنفس الدرجة كيف بدو يعيشهن كلهن بنفس المستوى , وكيف بدو يربي الأولاد كيف بدو يعطيهن حنانو ويحسسن بالمعنى الحقيقي للأبوة
أنا مالي مع موضوع تعدد الزوجات من غير أسباب مقنعة لأنو بالنهاية وحدة منهن بدها تنظلم مافي مجال بس كمان تعميم حالات فردية على مجتمعات كاملة مانو صحي
ليش نرمي كلشي عالدين

تعدد الزوجات امر مقضي بحكم الهي و نقطة انتهى

يلي ما بيرضى بهالشي ما حدا جابرو



رأيي الشخصي بتعدد الزوجات : انا ضد إلا في حالات كتير خاصة متل عدم قدرة المرأة على الانجاب و اذا كان الرجل غير قادر على الانجاب انا مع انو المرأة تطالب بالطلاق اذا كانت شايفة هيك
طيب و العبودية ما حرمها التشريع الاسلامي

بدليل
( و ما ملكت ايمانكم )

بس المعاهدات الدولية و القوانين الداخلية لكل دولة منعتها بقا ما فيك تقول التشريع الهي و نسكت
على راسي التشريع الهي بس لما بيكون مع الانسانية كلها

تحياتي

انا بعتبر هالكلام تجريح للاسلام وللرسول صلى الله عليه وسلم لانه عدد زوجاته
عفوا




.....

انا بعتبر هالكلام تجريح للاسلام وللرسول صلى الله عليه وسلم لانه عدد زوجاته
الموضوع عم يحكي عن تعدد الزوجات بالقرن الواحد والعشرين .. وعن امكانية تغيير قوانين صرلها عدة قرون.. وما حدى جاب سيرة الرسول ولا سيرة المقدسات..
مرة سمعت المفكر الاسلامي محمد شحرور بمحاضرة عم يقول انو بزمن الجاهلية كان الرجل يتزوج مئة امرأة كان وقتها تشريع الأربع زوجات فكرة ثورية بتدعم المرأة بما يتناسب مع روح العصر بوقتها .. وبراي الدكتور شحرور مفترض انو هي الطريقة بالتفكير تستمر وأنو بالوقت الحالي يلتغى تعدد الزوجات بما يتناسب مع روح العصر الحالي

طيب و العبودية ما حرمها التشريع الاسلامي

بدليل
( و ما ملكت ايمانكم )

بس المعاهدات الدولية و القوانين الداخلية لكل دولة منعتها بقا ما فيك تقول التشريع الهي و نسكت
على راسي التشريع الهي بس لما بيكون مع الانسانية كلها

تحياتي
صحيح .. التشريع الاسلامي ما حرم العبودية وبكل العصور الاسلامية الاموي والعباسي ووو.. كانت الإماء موجودة ..ولكن الاصطفاء الأخلاقي.. والتطور الانساني جعل العبودية تنقرض وتصير شبه معدومة عند المسلمين

المشكلة مالها بالتشريع الإلهي من وجهة نظري عالأقل
المشكلة بتنفيذو
الناس فهمانة من الموضوع إنو والله أنا بيصحلي أربعة بتجوز أربعة وبعيش ملك زماني مع إنو التشريع هاد مالو لخدمة الرجل كرجل أو لراحة الرجل
يعني ما بعرف كيف رجال بيقدر يتجوز تنتين الواحد بوحدة ويادوب ملحق على بيتو وولادو, في جهل كبير من فئة معينة بتشجع تعدد الزوجات من غير أسباب بتوجب عليه إنو يتجوز أكتر من وحدة

اكيد المشكلة مانها بالتشريع
و هالرجال بيكون فيوزاتو طاقّة يلي بيتجوز مرتين كيف يصيرو اربعة :shock:


نقطة انتهى بنظرك محسن .. لأنك باني قناعاتك على الإيمان.. والايمان بشيء دايما بينهي النقاش..
بس اللي مو مآمن بهادا الشي بيختلف وضعو..
ايماني قابل انو ناقشك فيه مو حجر جامد لهيك ايماني ما بينهي نقاشاتي
و اهلا فيكي :D

و هلق بجي لرأي بالموضوع

هلق تعدد الزوجات + ما ملكت ايمانكم

هوي تحويل المرأة ل الة جنسية لتفريغ المستودع الذكوري من رغباته
يلي هوي بيحب يشمل جميع الانواع من السمر للبيض للشقر

و السؤال يلي بيطرح نفسو تعدد الزوجات مو هوي خيانة للزوجة تحت ستار ديني قانوني
يعني لو الزوجة شافت زوجها عما يعاشر امرأة اخرى دون عقد نكاح
شو لح تعمل

هلق انا كانت احدى امنياتي انو يتحقق قانون الاسرة السورية

يلي هوي قانون لح يكون البديل الجيد و الموضوعي لقانون الاحوال الشخصي يلي صرو من فوق النص قرن

المهم القانون الجديد كان لازم يضم الزواج المدني
و منع تعدد الزوجات او بالاقل ربطه برضاء الزوجة و موافقة القاضي

بس للأسف تنيم بالدروج

و من هون ليشوف النور عالوعد يا كمون



ما فينا نقول الا

عوجة

شكرا ناي على النقل :D

أي ها هيك الواحد بناقش الله يرضى عليك

هلق تعدد الزوجات + ما ملكت ايمانكم

ما ملكت أيمانكم تعني الجواري و السبايا و الحمد لله أنتهى هذا العهد الى غير رجعة

و السؤال يلي بيطرح نفسو تعدد الزوجات مو هوي خيانة للزوجة تحت ستار ديني قانوني
يعني لو الزوجة شافت زوجها عما يعاشر امرأة اخرى دون عقد نكاح
شو لح تعمل


يعني تعدد الزوجات موجود في كل أنحاء العالم و لكن لكل شعب عاداته و تقاليده أنا أعيش في الغرب و لا يوجد ألا قلة قليلة ممن ليسو على علاقة بأمرأه أخرى

عندنا في عاداتنا و تقاليدنا يجب أن تكون هذه العلاقة موثقة و لها حقوق يجب أن تطبق سميها ما شئت

و في النهاية أن عدد المواليد الأناث أكثر بكثير من المواليد الذكور و هذه ليست صدفة

هلّأ .. عفوا Nay .. انا .. استغربت من طريقة ردودك .. من أول الموضوع ..

اللي عرفتو عنك .. والصورة اللي اخدتا عنك .. حضارية جدا .. وما بتحاولي تخانقي او تعملي المشكلة ..

وبتحطي رأيك .. وبتفرضي باحترامك .. عالكل انو يحترمك .. ويحترم ارائك دايما .. بس استغربت .. بردودك انو .. عم تحاولي متل .. انو استغربتي ما لقيتي مين يرد .. ويفوت يقاتل .. انو .. ما بعرف .. كنت حابب رد واحكي ..

بس بعد ما بلشت الشباب .. وبلش الصريخ .. راحت فكرة الموضوع .. اللي حابة انك تناقشيها كنتي ..:D

اللي بشوفكن عم تناقشو الموضوع بهالطريقة بفكر انو في قانون بسوريا انو تعدد الزوجات اجباري, وانو يا حرام في ناس عم تعاني منو.

شباب من اخرها يعني, اللي مو خارطة مشطو قصة تعدد الزوجات بسيطة ما يعملها, ما يقرب على اللي بيعملوها

قضية التعدد وطريقة تطبيقو و شروطو و الغاؤو من عدمو هو نقاش داخلي بيخص المسلمين, وما بيحق للملحد او للي بينتمي لطائفة تانية يقعد يطالع حقدو الطائفي كل فترة والتانية بحجة عم نناقش قضية اجتماعية.


بلاحظ دايما الإسلاميين بيفوتو ما بيناقشو ..بس بيتوترو وبيتمسخرو وبيعصبو كتير .. لسا ما وصلنا لمرحلة تكبير الخط.. ما عم أفهم ليش..


اسلاميين...!!!!! شايفك نسيتي كلمة ارهابيين كمان :lol:

على كل بتعرفي , في ناس بتصرع راسنا بقضايا الحرية و حقوق الانسان والمرأة ومابعرف شو , وبالاخير بتطلع كل القصة فشة خلق طائفية ناتجة عن ردة فعل على واقع طائفي عايشينو.

في عضو بزمانو كان يكتب ببروفايلو ما معناه انو اللي بيصلي خمس مرات باليوم ما عندو كرامة, بالاخير هالعضو تغير خفف من هاللهجة ولما انسأل مرة عن هالشي قال انو السبب اللي كان يخلي يحكي هيك هو ردة فعل على المجتمع الطائفي اللي كان عايش في.

برأيك كم واحد لسا بيفكر متل هالعضو؟؟

الموضوع عم يحكي عن تعدد الزوجات بالقرن الواحد والعشرين .. وعن امكانية تغيير قوانين صرلها عدة قرون.. وما حدى جاب سيرة الرسول ولا سيرة المقدسات..
مرة سمعت المفكر الاسلامي محمد شحرور بمحاضرة عم يقول انو بزمن الجاهلية كان الرجل يتزوج مئة امرأة كان وقتها تشريع الأربع زوجات فكرة ثورية بتدعم المرأة بما يتناسب مع روح العصر بوقتها .. وبراي الدكتور شحرور مفترض انو هي الطريقة بالتفكير تستمر وأنو بالوقت الحالي يلتغى تعدد الزوجات بما يتناسب مع روح العصر الحالي


صحيح .. التشريع الاسلامي ما حرم العبودية وبكل العصور الاسلامية الاموي والعباسي ووو.. كانت الإماء موجودة ..ولكن الاصطفاء الأخلاقي.. والتطور الانساني جعل العبودية تنقرض وتصير شبه معدومة عند المسلمين

انو ردين ورا بعض ناي .. :D

ايهم .. كفـيت .. ووفيت .. :D

حبيب البي القصة لا اسلاميين ولا هندوس القصة انه الله خلق الفواكه اصناف والوان وكل فاكهة ريحة ولون وطعم والنفس البشرية (فلسفيا)شهوانية وامارة بالسوء هلأ البوي فرند والجيرل فرند بامركيا عنا اسمه تعدد زوجات يعني انا بعرف واحد هونيك كل اسبوع عنده جيرل فرند شكل وبيقولو هاي حضارة و(مودرن مان)بس لما ابو العبد يتجوز اربعة بيصير رجعي !!!!شو هالميزان الشرم برم والله لو الوضع بيسمح لاتجوز 12 ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

اللي بشوفكن عم تناقشو الموضوع بهالطريقة بفكر انو في قانون بسوريا انو تعدد الزوجات اجباري, وانو يا حرام في ناس عم تعاني منو.

شباب من اخرها يعني, اللي مو خارطة مشطو قصة تعدد الزوجات بسيطة ما يعملها, ما يقرب على اللي بيعملوها

قضية التعدد وطريقة تطبيقو و شروطو و الغاؤو من عدمو هو نقاش داخلي بيخص المسلمين, وما بيحق للملحد او للي بينتمي لطائفة تانية يقعد يطالع حقدو الطائفي كل فترة والتانية بحجة عم نناقش قضية اجتماعية.

قضية تعدد الزوجات قضية داخلية لما بيكون قانون الاحوال الشخصية قانون مدني.. أما لما بيكون قانون اسلامي ببلد غير اسلامي فما بيكون اسمو قضية داخلية


مو


اسلاميين...!!!!! شايفك نسيتي كلمة ارهابيين كمان :lol:

على كل بتعرفي , في ناس بتصرع راسنا بقضايا الحرية و حقوق الانسان والمرأة ومابعرف شو , وبالاخير بتطلع كل القصة فشة خلق طائفية ناتجة عن ردة فعل على واقع طائفي عايشينو.

في عضو بزمانو كان يكتب ببروفايلو ما معناه انو اللي بيصلي خمس مرات باليوم ما عندو كرامة, بالاخير هالعضو تغير خفف من هاللهجة ولما انسأل مرة عن هالشي قال انو السبب اللي كان يخلي يحكي هيك هو ردة فعل على المجتمع الطائفي اللي كان عايش في.

برأيك كم واحد لسا بيفكر متل هالعضو؟؟
كلمة اسلاميين ما حسيتها إهانة أبدا.. واذا بتعتبرها اهانة فبعتذر..
ومشان العقد الطائفية مو زابطة .. انا مو عايشة واقع طائفي.. انا بالنفوس متلي متلك..

الموضوع عم يحكي عن تعدد الزوجات بالقرن الواحد والعشرين .. وعن امكانية تغيير قوانين صرلها عدة قرون.. وما حدى جاب سيرة الرسول ولا سيرة المقدسات..
مرة سمعت المفكر الاسلامي محمد شحرور بمحاضرة عم يقول انو بزمن الجاهلية كان الرجل يتزوج مئة امرأة كان وقتها تشريع الأربع زوجات فكرة ثورية بتدعم المرأة بما يتناسب مع روح العصر بوقتها .. وبراي الدكتور شحرور مفترض انو هي الطريقة بالتفكير تستمر وأنو بالوقت الحالي يلتغى تعدد الزوجات بما يتناسب مع روح العصر الحالي


مع كل احترامي لرايك .... لكن لا نستطيع الغاء شئ من السنة او من الشريعة واللي مابدو لا يسويه

هو موضوع التعدد له حالات .. ليس كل من رغب عدد هنا يكون ظلم للزوجة .. هذا رايي

هلأ و لو خرجت شوي عن الموضوع بس حابب اعطي رأي

انا برأيي انو التشريع الاسلامي كان بوقت معين و هالتشريع ما بينطبق ع كل الازمان بس للاسف منلاقي البعض بدو يرجعنا لهديك الايام
لازم التشريع يتغير بس مو باسم الاسلام \ خلينا نغيرو بقوانين \



منرجع لتعدد الزوجات و خليني اعطي مثال
مثلا والدي متزوج تنين بس تزوج التانية يلي هيي امي بعد 15 سنة عاشها مع خالتي \ على فكرة انا و اخوتي بناديلها امي لانها ربتنا متل امي تماما \ بدون اولاد

يلي ضد فكرة تعدد الزوجات برأيكن تصرف والدي صح او غلط؟

هلّأ .. عفوا Nay .. انا .. استغربت من طريقة ردودك .. من أول الموضوع ..

اللي عرفتو عنك .. والصورة اللي اخدتا عنك .. حضارية جدا .. وما بتحاولي تخانقي او تعملي المشكلة ..

وبتحطي رأيك .. وبتفرضي باحترامك .. عالكل انو يحترمك .. ويحترم ارائك دايما .. بس استغربت .. بردودك انو .. عم تحاولي متل .. انو استغربتي ما لقيتي مين يرد .. ويفوت يقاتل .. انو .. ما بعرف .. كنت حابب رد واحكي ..

بس بعد ما بلشت الشباب .. وبلش الصريخ .. راحت فكرة الموضوع .. اللي حابة انك تناقشيها كنتي ..:D
ليش يمان استغربت مني أنا .. وما استغربت من غيري..
مو انا بالعادة ما بخبص بالحكي..ليش برأيك اليوم خبصت!! !!
على كل حال هدي الوضع شوي..

انو ردين ورا بعض ناي .. :D

ايهم .. كفـيت .. ووفيت .. :D
ردين ورا بعض بس مو متناقضين .. ولو يمان.. انا ما أهنت بردي التاني التشريع الاسلامي .. عم احكي حقيقة تاريخية بيعرفها الكل .. وما عم ادخل بنقد للتشريع او لتصرفات الرسول