الكثيرون منّا يتمنون إحداث تغيير في مجتمعنا وخصوصاً في مجال الحريات السياسية، ولكن ما الطريقة التي يتبعها كل إنسان لتحقيق هذا الحلم؟
هناك أشخاص كثر لا يفعلون شيئاً ويبقى الحلم مجرد حلم في داخلهم.
لكن ما أود أن أناقشه حالتان: كريم عربجي وأيمن عبد النور.
أنا لا أعرف أيا منهما معرفة شخصية، لكنني أعرف الكثير عنهما وعن كتاباتهما.
الإثنان يدعوان للتغيير وللحريات السياسية ومحاربة الفساد، الإثنان عصفوران يطالبان بحرية التغريد، لكن الفرق أن كريم يطالب بفتح باب القفص وحرية التغريد خارجه، أما أيمن فيطالب بحرية التغريد مع الحفاظ على القفص.
الحرية عند كريم مفهوم مطلق، هو لا يعرف أن يحسب كلماته حسب الخطوط الحمر ولا يجيد السير في حقول ألغام السياسة. أما أيمن فيرى أن السير على حدود الخطوط الحمر لا يضيره بشيء ويرى أنه إذا حقق تغييراً ضمن ما تسمح به الخطوط الحمر فهذا يكفيه، إنه يعرف تماماً فن السياسة، ويعرف تماماً حدود الحرية التي يستطيع أن يتكلم بها دون يتحول إلى سجين رأي، وهو يفعل هذا دون أن يساوم على ما يؤمن به، إنه مقتنع بالطريقة التي يعمل بها، ويستمتع بتفكيك الألغام التي تعترض طريقه.
إنه الفرق بين الهواية والاحتراف، المحترف يتقن اللعبة، وربما يحرز نقاطاً أكثر، لكن الهاوي هو من يأسر قلوبنا لأننا نشعر بالصدق والشغف الحقيقي الذي يحركه.

الكثيرون منّا يتمنون إحداث تغيير في مجتمعنا وخصوصاً في مجال الحريات السياسية، ولكن ما الطريقة التي يتبعها كل إنسان لتحقيق هذا الحلم؟
هناك أشخاص كثر لا يفعلون شيئاً ويبقى الحلم مجرد حلم في داخلهم.
لكن ما أود أن أناقشه حالتان: كريم عربجي وأيمن عبد النور.
أنا لا أعرف أيا منهما معرفة شخصية، لكنني أعرف الكثير عنهما وعن كتاباتهما.
الإثنان يدعوان للتغيير وللحريات السياسية ومحاربة الفساد، الإثنان عصفوران يطالبان بحرية التغريد، لكن الفرق أن كريم يطالب بفتح باب القفص وحرية التغريد خارجه، أما أيمن فيطالب بحرية التغريد مع الحفاظ على القفص.
الحرية عند كريم مفهوم مطلق، هو لا يعرف أن يحسب كلماته حسب الخطوط الحمر ولا يجيد السير في حقول ألغام السياسة. أما أيمن فيرى أن السير على حدود الخطوط الحمر لا يضيره بشيء ويرى أنه إذا حقق تغييراً ضمن ما تسمح به الخطوط الحمر فهذا يكفيه، إنه يعرف تماماً فن السياسة، ويعرف تماماً حدود الحرية التي يستطيع أن يتكلم بها دون يتحول إلى سجين رأي، وهو يفعل هذا دون أن يساوم على ما يؤمن به، إنه مقتنع بالطريقة التي يعمل بها، ويستمتع بتفكيك الألغام التي تعترض طريقه.
إنه الفرق بين الهواية والاحتراف، المحترف يتقن اللعبة، وربما يحرز نقاطاً أكثر، لكن الهاوي هو من يأسر قلوبنا لأننا نشعر بالصدق والشغف الحقيقي الذي يحركه.
أرفع قبعتي والسما اجلالاً للقدوتين المثالين أعلاه
يتضح من المقال أنك تريدين التفرقة ما بين اسلوبين من اساليب المطالبة بالحقوق
أحدهما المطالبة باصلاح التعرجات من داخل الدائرة دون المساس بشكلها المقدس والطريقة الاخرى الانقلاب على الشكل الهندسي للدائرة وثقبها
وليس واضحا لي أي الطريقتين تفضلين وان كان لي رأي بذلك
فأقول أن كلا الطريقتين واجبتا الاتباع ويُفرق بينهما متغيرات الزمان والمكان وقوة النظام المضاد
*

رايي ان صعوبة الامر ليست عدر
مافيها شيء لو ابتدينا بالتغيير من داخل الدائرة حتى لو غيرنا فقط ما يمكن تغييره
كل مرة بسال نفسي نفس السؤال
اعضاء اخوية لحالهم ما ممكن يشكلو قاعدة حزب براجماتي
على الاقل لما يحين الوقت للتغيير بيكون في بدائل
لاني ضد قلب الاوضاع القائمة للارتماء في حضن المجهول

أرفع قبعتي والسما اجلالاً للقدوتين المثالين أعلاه
يتضح من المقال أنك تريدين التفرقة ما بين اسلوبين من اساليب المطالبة بالحقوق
أحدهما المطالبة باصلاح التعرجات من داخل الدائرة دون المساس بشكلها المقدس والطريقة الاخرى الانقلاب على الشكل الهندسي للدائرة وثقبها
وليس واضحا لي أي الطريقتين تفضلين وان كان لي رأي بذلك
فأقول أن كلا الطريقتين واجبتا الاتباع ويُفرق بينهما متغيرات الزمان والمكان وقوة النظام المضاد
*

هذا بالظبط ما قصدته، هل يجب أن نفضل أحدهما على الآخر؟؟ لا يمكن أن يتبع الجميع طريقاً واحداً. ربما من الضروري أن نتبع طرقاً مختلفة حتى لو تشابهت أهدافنا.
لكنني لا أنكر أنني أعجب بشجاعة من لا يفكر بنتيجة ما يقوم به وإنما يفكر فقط بأن يعبر عما في داخله مهما كانت النتائج، ليس لأنه متهور أو لا يعرف ما يمكن أن يحصل، وإنما لأن حرية الفكر عنده أثمن من حرية الجسد.

رايي ان صعوبة الامر ليست عدر
مافيها شيء لو ابتدينا بالتغيير من داخل الدائرة حتى لو غيرنا فقط ما يمكن تغييره
كل مرة بسال نفسي نفس السؤال
اعضاء اخوية لحالهم ما ممكن يشكلو قاعدة حزب براجماتي
على الاقل لما يحين الوقت للتغيير بيكون في بدائل
لاني ضد قلب الاوضاع القائمة للارتماء في حضن المجهول

نبدأ بالتغيير من داخل الدائرة، لكن التفكير لا يجب أن يحده أي دوائر، يجب أن نملك حرية التفكير كأفراد، ومن ثم نختار طريقة التنفيذ المناسبة التي تناسب المجتمع بأكمله.

نبدأ بالتغيير من داخل الدائرة، لكن التفكير لا يجب أن يحده أي دوائر، يجب أن نملك حرية التفكير كأفراد، ومن ثم نختار طريقة التنفيذ المناسبة التي تناسب المجتمع بأكمله.
ليش مين قال لازم تفكرو داخل دائرة
التفكير هو الامر الوحيد اللي ما ممكن حدى غير الانسان دات نفسو يحطلو حدود-وبشك انو حدا يقدر يعملها-
التفكير اول مرحلة
تبادل الافكار تاني مرحلة والنقاش بعديها لتوصلو لحلول قابلة للتطبيق ومافي اي شيء يمنع تكون عندكم اهداف اولية واخرى بعيدة المدى يعني بنبدا بقطر الدائرة المتاح حاليا ومن الداخل نوسع فيه شوي شوي
اما انو تبقو هيك تفكرو بكل حرية وتنقهرو للوضع الراهن ولانو التغيير مارح يقدر يبدا بالقوة اللي بتتمنوها تخلوه مؤجل لتصير معجزة او تغامرو وتفقدو حتى الجزء الضئيل من الحرية المتبقي فهذا بنظري غلط
:D

ما هي المشكلة بتبادل الأفكار، وأنا الأمثلة اللي عطيتا ما تجاوزت مرحلة تبادل الأفكار، أنا ما عم أحكي عن أشخاص منظمين وعندن أهداف وبعيدة المدى، أنا عم أحكي عن أشخاص عندون أفكار معينة، بس كل واحد اختار طريقة مختلفة بالتعبير عن أفكاره وأنا اللي عم ناقشه هو الطريقة اللي اختارا كل واحد، يعني شخص بيطرح أفكاره بكل مضامينا بدون ما ينمق أو يحذف منا شي، وبين شخص بيفضل أنو يبتعد عن المناطق الأكتر حرارة اللي ممكن تسببلو مشكلة

بكل تاكيد بختار الطريقة التانية
بس مع انو فكرتين احسن من فكرة ورايين احسن من راي

انا ما بيهمني كتير الاشخاص وشو صار معون بس باعتبارك عما تنادي بالتغيير فيكي توصفيلي شو الهدف من التغيير اللي انتي وكتير ناس عما يحكو عنو

انا ما بيهمني كتير الاشخاص وشو صار معون بس باعتبارك عما تنادي بالتغيير فيكي توصفيلي شو الهدف من التغيير اللي انتي وكتير ناس عما يحكو عنو

أنا ما قصدت من الموضوع تغيير وضع معين بحد ذاتو، أنا اللي قصدتو هو أسلوب التفكير، وأنا ما عم جرب فاضل بين حالتين أو أحكم أيا أحسن أو لاء، بالعكس أنا اللي عم شوفو أنو الأشخاص بيختلفو بطريقة تفكيرون وحكمون على الأمور وردة فعلون تجاها، أنا عم جرب فكر من هلأ كيف بدي جاوب ابني على كتير أسئلة أنا متأكدة أنو رح يسألا بس يكبر. عم جرب حضر حالي لأشرحو شو يعني حرية التفكير ولوين ممكن توصل

اذا يريت تكوني دقيقة بكلامك, اللي فهمتو انك عما تتسائلي عن حدود و أساليب التعبير عن الافكار برأيي هيك صار الموضوع اوضح مو المقصود التغيير

إنه الفرق بين الهواية والاحتراف، المحترف يتقن اللعبة، وربما يحرز نقاطاً أكثر، لكن الهاوي هو من يأسر قلوبنا لأننا نشعر بالصدق والشغف الحقيقي الذي يحركه

كلام صحيح وحقيقي ... بس اثرو بالواقع كارثي احيانا ....

كل مرة بسال نفسي نفس السؤال
اعضاء اخوية لحالهم ما ممكن يشكلو قاعدة حزب براجماتي
على الاقل لما يحين الوقت للتغيير بيكون في بدائل
لاني ضد قلب الاوضاع القائمة للارتماء في حضن المجهول

بس حابب ذكر انو أخوية ليس حزب و لم يصمم ليشكل حزب و الأعضاء المذكورين هني فئة قليلة جدا من أعضاء أخوية الكتار كتير و ما بيعبرو عن موقف أخوية و انما بيعبرو عن أفكارون الذاتية
وجب التوضيح

بقدر اهمية الهدف لازم نكون اهمية الطريقة او الوسيلة يلي بتوصلنا


ما فينا ننسى الوسيلة لانو الاداة الغلط ما بتعطي نتيجة صح

تغير ضمن ما تسمح به الخطوط الحمراء ؟؟!!
انو شو راح يكون نوع التغير
ما الخطوط الحمراء بالسياسة كبيرة ومكبلة والمساحة الموجودة ما بتعطي مجال للتغير حتى التغير المجتمعي

اذا يريت تكوني دقيقة بكلامك, اللي فهمتو انك عما تتسائلي عن حدود و أساليب التعبير عن الافكار برأيي هيك صار الموضوع اوضح مو المقصود التغيير
ولك له.. شو تغيير ما تغيير!!

تف من تمّك يا زلمة.. كش برّا وبعيد

بس حابب ذكر انو أخوية ليس حزب و لم يصمم ليشكل حزب و الأعضاء المذكورين هني فئة قليلة جدا من أعضاء أخوية الكتار كتير و ما بيعبرو عن موقف أخوية و انما بيعبرو عن أفكارون الذاتية
وجب التوضيح
اعرف صديقي اعرف ان اخوية ليست حزب ولم تصمم لتصبح كذلك وان كل عضو انما يكتب ليعبر عن ذاته
لكنني ارى ان بامكانها ان تكون نواة لعدة احزاب باتجاهات مختلفة تشترك في الاخلاص للوطن لانها تضم طاقات شبابية قادرة على التغيير
كان هذا هو تساؤلي الذي يعبر عني ايضا
:D

اعضاء اخوية لحالهم ما ممكن يشكلو قاعدة حزب براجماتي
مبلى ممكن..

بقترح نسمّيه "حزب كل مين إيدو إلو" :)


حنين..

أنا أطزج عضو بأخوية أظن..

أول ما فتت.. لفتني العدد الكبير للأعضاء (260 ألف عضو)..

بعدها انتبهت إنو اللي بيشاركوا بفعالية.. أو بشكل دائم.. ما بيشكّلوا رقم كسري صغير من هالعدد.. ما بعرف إذا بيتجاوزوا مية شخص..
وهالمية شخص ما بظن بيتفقوا على طريقة طبخة.. فـ ما بالك على تأسيس ولنّو "نواة لحزب"

أما إنو نشكّل "أحزاب باتجاهات مختلفة"؟

ممكن..

بس بيصير فينا متل أحزاب الجبهة التقدّمية (ما بعرف إذا سامعة عنهن بسوريا)

أحزاب الجبهة.. إذا شلتي حزب البعث ع جنب.. فـ كل اللي بيبقوا معك من هالأحزاب بقياداتها وأعضاءها .. فيكي تحطّيهن بـ سيارة فولكسفاكن.. وبيزيد معك محلاّت :lol:

وهالمية شخص ما بظن بيتفقوا على طريقة طبخة.. فـ ما بالك على تأسيس ولنّو "نواة لحزب"



يمكن أخوية تضمّ كتير بشر ..وبتحسّ انو في اختلافات و مشارب مختلفة ..


بس انو نحن متفقين ....أظن الكل .....انو نحن شباب ..منحبّ سوريّا و البلد ...كل واحد بطريقتو ...بأخلاقو ...بتربايتو ...

يمكن تحسّ انته انو كلام فلان مو عاجبك ....بس لمّا بتعرفو منيح بتلاقي انّو في الاشياء المتفقة معك أكتر بكتير من الشغلات المغايرة و الجانبة لتفكيرك ...

نحن ليبراليين و يمينين و يساريين ...عالاقل هون بأخويّة ....اتفقنا على انو البلد هي بلدنا ....وكلنا منحبّا ...ومنترك كل واحد ليعبّر بطريقتو ....

معك انا ..بتشوف أحيانا في تطرّف بالاراء و الافكار المطروحة ...لكن مجرّد انو الشخص المختلف معك فكرياً ..عقائديّاً ..عمتتقبلو و تقرا مشاركاتو ...بشوفها انو حالة ايجابيّة مثمرة

أنا هاد اللي كنت عم فكر فيه تقريباً وقت بلشت بالموضوع بس يمكن عندي مشكلة بالتعبير عن أفكاري. المهم أنو في شباب بيحبو البلد، كل واحد بيعر عن محبتو بطريقتو، وكل واحد قدراتو مختلفة عن التاني، وفي ناس بتقدم أكتر من غيرا يمكن، بس مو غلط الواحد يقدم حتى شي صغير. مو كل الناس عندا الشجاعة نفسا، بس كل خطوة ولو صغيرة ومحدودة بتفيد إذا كانت مخلصة. في كتير ناس بتخجل من حالا لأنو بتحس أنها جبانة وما بتقدر تعمل متل كريم مثلاً، بس المهم الواحد يعرف أنو مو المطلوب أنو كلنا نعمل متل كريم، بس المهم نعمل شي على أد ما منقدر. مشان هيك في ناس متميزة لأنو عندا القدرة تعمل أكتر من غيرا بس الخطوات الصغيرة كمان بتساعد.

في ناس متميزة لأنو عندا القدرة تعمل أكتر من غيرا .....
عجبتني هالجملة .....

خلتني أصفن ....

ما يزال من المبكر جدا على الشعب السوري ان يطبق نموذجا كنموذج كريم في المعارضة مع أني أعتبره الأمثل
حيث ان هناك قسما كبيرا من شعبنا لا يزال يظن ان مجرد وصول الماء والكهرباء او الانترنت الى منزله هو مكرمة من النظام وسبب مقنع لاستمرار قمعهم من قبله الى الأبد بدون معرفة أن هذه الأمور من المستلزمات اليومية الطبيعية حتى في أدغال افريقيا ووجودها هو نتيجة للتطور العالمي في كل المجالات وليس مكرمة من أحد
برأيي يجب على كل فرد من أفراد الشعب السوري ان يقرأ أولا ويعلم ما هي حقوق المواطن الطبيعية في الدولة الديمقراطية ومكانته ومن ثم عليه نزع الخوف والمطالبة بهذه الحقوق في دولته الديكتاتورية من اعتصامات ومظاهرات جماعية واضراب عن العمل والمشاركة بشكل فاعل في التعبير عن رأيه في مواقع الانترنت وغيرها

الكثيرون منّا يتمنون إحداث تغيير في مجتمعنا وخصوصاً في مجال الحريات السياسية، ولكن ما الطريقة التي يتبعها كل إنسان لتحقيق هذا الحلم؟
هناك أشخاص كثر لا يفعلون شيئاً ويبقى الحلم مجرد حلم في داخلهم.
لكن ما أود أن أناقشه حالتان: كريم عربجي وأيمن عبد النور.
أنا لا أعرف أيا منهما معرفة شخصية، لكنني أعرف الكثير عنهما وعن كتاباتهما.
الإثنان يدعوان للتغيير وللحريات السياسية ومحاربة الفساد، الإثنان عصفوران يطالبان بحرية التغريد، لكن الفرق أن كريم يطالب بفتح باب القفص وحرية التغريد خارجه، أما أيمن فيطالب بحرية التغريد مع الحفاظ على القفص.
الحرية عند كريم مفهوم مطلق، هو لا يعرف أن يحسب كلماته حسب الخطوط الحمر ولا يجيد السير في حقول ألغام السياسة. أما أيمن فيرى أن السير على حدود الخطوط الحمر لا يضيره بشيء ويرى أنه إذا حقق تغييراً ضمن ما تسمح به الخطوط الحمر فهذا يكفيه، إنه يعرف تماماً فن السياسة، ويعرف تماماً حدود الحرية التي يستطيع أن يتكلم بها دون يتحول إلى سجين رأي، وهو يفعل هذا دون أن يساوم على ما يؤمن به، إنه مقتنع بالطريقة التي يعمل بها، ويستمتع بتفكيك الألغام التي تعترض طريقه.
إنه الفرق بين الهواية والاحتراف، المحترف يتقن اللعبة، وربما يحرز نقاطاً أكثر، لكن الهاوي هو من يأسر قلوبنا لأننا نشعر بالصدق والشغف الحقيقي الذي يحركه.

هلق عم حاول اقنع حالي بمنطقية المقارنة بين المثالين اللي طرحتين, بين صاحب موقع كلنا شركاء وبين كريم عربجي, بس ما عم تظبط معي

أول شي ما حدا بيقدر ينكر تميز أيمن عبد النور عن غيرو من خلال موقع كلنا شركاء وخاصة او هو عم يكتب من داخل سوريا و فتح موقعو لبعض الاقلام المعارضة , بس بالنهاية هالهامش الحرية الصغير اللي اخدوا زيادة عن غيرو واضح انو ناتج عن علاقة شخصية بتربطو بناس فوق, كتير فوق يعني بشار الاسد شخصيا والدائرة المحيطة في, و واضح لاي واحد بتابع موقعو انو عم يحاول يوصل رسالة مفادها انو كل شي بهالبلد غلط و الشيء الوحيد الصح واللي فوق اي نقد هو بشار الاسد و من حولو.

هلق هالشي ممكن تسمي انت فن السياسة , بجوز........ بس بالنهاية هو عن قصد او غير قصد عم يساهم بتزوير حقيقة بظن صاروا كتيرين بيعرفوها, وهي انو اللي عم يصير بسوريا مو سببو بس فساد القاعدة وانما فساد الرأس وبالاحرى فساد القاعدة ناتج عن فساد الرأس وليس العكس.

اما كريم وغيرو من الشباب اللي كتبوا بهالمنتدى و غيرو و لسا عم يدفعوا ثمن كتاباتن فهدول اللي ماعندن شي يخسروا اكتر من احساسن بخسارة بلدن , لا هني اعضاء بالقيادة القطرية ولا بحزب البعث ليخافوا على السيارات و البيوت و المناصب اللي عم يستفيدوا منها لحتى يقعدوا يجملوا واقع ما بقى يستحمل تجميل.

كريم كان يكتب بطريقة عفوية بعيدة تماما عن اي حسابات لاي شي و بعيدة عن اي انتماء لاي جهة , وهالشي فعلا هو اللي خلى مشاركاتو متميزة
فيكي تقولي كانت مقفعة معو هو و غيرو لانو كان عم يشوف الامور من منظور سوري وطني بحت, مو منظور طائفي بيخلي يشوف التخلف تحضر بس لانو الحاكم من طائفتو ولا من منظور مصلحي بحت بيخلي يدافع عن اي نظام طالما محققلو مصالحو , مشان هيك ما كان شايف هالخطوط الحمر و اللي عم تصير كل يوم أعرض و أتخن من قبل.




و شكرا الك على الموضوع :D

أنا معك أنو وضع أيمن عبد النور مختلف كتير عن وضع كريم، بس حتى لو كان متل ما عم تقول ، هو شخص مقتنع أنو بهل الطريقة عم يخدم البلد، وعلى حسب ما حكولي أشخاص بيعرفوه شخصياً (على فكرة هو هلأ موجود بالإمارات مو بسوريا) هو هي قناعاتو فعلاً، وكان بيقدر يكون بشي منصب كبير ويحقق مصالح شخصية وبلا كل هالوجع الراس. أكيد الموقع تبعو مو مثالي، وفي كتير أشيا ممكن نقدا فيه، بس بيضل جهد باتجاه ما بلاقيه غلط أبداً، أكيد مانو بمستوى كتير أشخاص تانيين متل كريم، بس أحسن من كتير معارضين كل فكرتون عن المعارضة هو تشويه صورة النظام، بدون ما يقدمو شي للمجتمع المدني اللي تطويره هو أكتر شي بيغير النظام مو أي شي تاني.
يعني إذا الواحد ملاقي حالو مو قادر يغير النظام، مو ضروري يقعد بالبيت يسب وبلعن بس. بيقدر يعمل كتير اشيا يساعد فيها على تطوير مجتمعو على أمل أنو المجتمع بتطوره يقدر يوصل لتغيير النظام.
بتذكر أنو واحد من الآباء اليسوعيين مرة كان عم يناقش بفكرة التغيير (بشكل عام مو تغيير الأنظمة)، وقال شغلة عجبتني بوقتا، قال أنو إذا فيه تيار جارف وقوي وأنت ما عندك الوسائل الكافية لتواجهه وتمنعو من جرف البيوت اللي متجه إلها، فالأفضل إنك تمشي معو وتجرب تحرفو عو مسارو درجة درجة، هيك يمكن ما تكون وقفت التيار بس عالأقل خففت آثارو، وإذا أكتر من شخص عملو هيك فممكن يحرفو الاتجاه لدرجة كبيرة تغير كل اتجاهو.

انا حكيت سابقا
وسألت وياريت اسمع جواب
تغير ضمن الخطوط الحمراء او تحتا
اي تغيير هاد
وشو تعيرفوا
وانو نحنا ما عنا أكتر من الخطوط الحمراا

بس أحسن من كتير معارضين كل فكرتون عن المعارضة هو تشويه صورة النظام،


تشويه صورة النظام!!! مابعرف اذا هي الكلمة "تشويه" بمحلها ,تشويه انا بعرف معناها اختلاق اخبار و تزييف حقائق مو موجودة اصلا

بس يعني لما الواحد بيجيب خبر عن وفاة معتقل تحت التعذيب او اعتقال مواطن والحكم عيه بتهمة اضعاف الشعور القومي بكون ما عم يشوه صورة حدا وانما عم يوصف واقع مرير عم نعيشو يوميا

لما اخبار سيطرة الاخطبوط رامي مخلوف على اقتصاد الدولة على حساب مصلحة المواطن بتكون معبية الدنيا هدا ما اسمو تشويه

لما نحني بكل المجالات متخلفين و مقارنة مع دول مجاورة ومو مع اوربا متخلفين , هدا ما اسمو تشويه

وحتى المدافعين عن النظام لاسبابن الخاصة ما بيقدروا ينكروا هالشي ولهيك بتلاقي اغلبن بيلجأ لاساليب التخوين المعروفة.



بدون ما يقدمو شي للمجتمع المدني اللي تطويره هو أكتر شي بيغير النظام مو أي شي تاني.


حلو هالحكي شو ممكن اي بني ادم سوري وتحت حكم نظام الخطوط الحمراء يقدم للمجتمع المدني؟؟ ليش اصلا بسوريا مسموح الحديث عن وجود مجتمع مدني؟؟ في ظل دولة بتخاف من مواطنيها اذا دخلوا على انترنت كافيه بظن الحديث عن مجتمع مدني هو ضرب من الخيال.




يعني إذا الواحد ملاقي حالو مو قادر يغير النظام، مو ضروري يقعد بالبيت يسب وبلعن بس.


ما حدا سب ولعن صدقيني اذا بتشوفي النقاشات اللي بتصير هون بتعرفي تماما اي طرف هو اللي بيلجأ دائما للسب



بيقدر يعمل كتير اشيا يساعد فيها على تطوير مجتمعو على أمل أنو المجتمع بتطوره يقدر يوصل لتغيير النظام.


انا هون بسالك نفس سؤال زين وعلى امل الحصول على جواب: شلون ممكن نوصل للتغيير ضمن الخطوط الحمر؟؟ وشو نوع التغيير اللي نحني اصلا عم ندور علي؟؟ هل نفس نوع التغيير اللي صار بعهد بشار الاسد , انو صار عنا موبايل و انترنت و الواحد صار يقدر يسافر ويفتح محل بلا موافقة امنية؟؟ هدا هو التغيير اللي رح يخلي مجتمعنا يحط رجلو على اول طريق النهضة؟؟



بتذكر أنو واحد من الآباء اليسوعيين مرة كان عم يناقش بفكرة التغيير (بشكل عام مو تغيير الأنظمة)، وقال شغلة عجبتني بوقتا، قال أنو إذا فيه تيار جارف وقوي وأنت ما عندك الوسائل الكافية لتواجهه وتمنعو من جرف البيوت اللي متجه إلها، فالأفضل إنك تمشي معو وتجرب تحرفو عو مسارو درجة درجة، هيك يمكن ما تكون وقفت التيار بس عالأقل خففت آثارو، وإذا أكتر من شخص عملو هيك فممكن يحرفو الاتجاه لدرجة كبيرة تغير كل اتجاهو.



اي بس الواقع بقول انو التيار هو اللي عم يستفيد من اللي عم يمشي معو و عم يوظفوا لصالح تبييض صورتو و بالنهاية اللي عم يمشي مع التيار عم ينجرف معو وما عم يقدر يغير من مسارو شي.

أنا ما عم فكر من منطلق سياسي بس عم أحكي، يمكن مشان هيك ما عم توصل فكرتي مظبوط، حتى الفكرة الأصلية مو المقصود فيها الناحية السياسية بس، أنا عم أحكي بشكل مجرد، أو فيك تقول بفكرة فلسفية، ما عم حاول لبسّا لأي وضع قائم، بس بناء الإنسان وتطوير المجتمع برأيي ممكن مهما كانت الظروف السياسية، والأشخاص اللي بيحبو بلدون كتار حتى لو مو كلون معارضين أو معتقلين، اللي عم قوله أنو كل إنسان لازم يلاقي طريقة يعبر فيها عن نفسه وعن أفكاره.
الخطوط الحمر اللي قصدتا هي القواعد غير المكتوبة اللي الكل بيعرفوها بطريقة أو بأخرى واللي تجاوزا بيأدي لعواقب مختلفة سواء اجتماعية أو سياسية. في كتير ناس ما عندا الجرأة على كسر هالقواعد، بس أنا اللي عم قوله أنو هيدول الناس بيضل فيهن يعملو شي ضمن قدراتن، يعني ما لازم إحساسن بالعجز عن مواجهة القواعد سواء السياسية أو الاجتماعية يحولهن لسلبيين تماماً وما يعودو يعملو شي.

مبلى ممكن..

بقترح نسمّيه "حزب كل مين إيدو إلو" :)


حنين..

أنا أطزج عضو بأخوية أظن..

أول ما فتت.. لفتني العدد الكبير للأعضاء (260 ألف عضو)..

بعدها انتبهت إنو اللي بيشاركوا بفعالية.. أو بشكل دائم.. ما بيشكّلوا رقم كسري صغير من هالعدد.. ما بعرف إذا بيتجاوزوا مية شخص..
وهالمية شخص ما بظن بيتفقوا على طريقة طبخة.. فـ ما بالك على تأسيس ولنّو "نواة لحزب"

أما إنو نشكّل "أحزاب باتجاهات مختلفة"؟

ممكن..

بس بيصير فينا متل أحزاب الجبهة التقدّمية (ما بعرف إذا سامعة عنهن بسوريا)

أحزاب الجبهة.. إذا شلتي حزب البعث ع جنب.. فـ كل اللي بيبقوا معك من هالأحزاب بقياداتها وأعضاءها .. فيكي تحطّيهن بـ سيارة فولكسفاكن.. وبيزيد معك محلاّت :lol:

ليش مضطرين نحنا نعمل متل اللي سبقونا ونسير على طريقهم؟
وادا قصدك عالعدد القليل بيكفي يكون في انسان واحد نظيف الفكر والاسلوب وعندو ارادة وطريقة ناجحة حتى يجمع الالاف وراه بيحلمو يعملو شي ومو عرفانين كيف ومن وين بيبتدو

انا حكيت سابقا
وسألت وياريت اسمع جواب
تغير ضمن الخطوط الحمراء او تحتا
اي تغيير هاد
وشو تعيرفوا
وانو نحنا ما عنا أكتر من الخطوط الحمراا
ادا شفنا ان حتى الخطوط الحمراء التعبانة الحالية في ناس كتار تحت مستواها بكتير ففي مجال للتحسين
بتقدر تغير افكار كتير سائدة مستعملها النظام الحالي بس لو تنشر الوعي اللي عندك على شخصين تلاتة وتوعيهم ولو كل واحد بيعمل متلك رح يتحسن الوضع شوي وبتكون مليمتر في مشوار الالف ميل
مليمتر بس احسن انو نبقى بمحلنا او نرجع لوراء
هاد ابسط متال
بس قناعتي انو نقدر نعمل اكتر

لو اشكال التغير اللي حكيتي عنها ممكنة كان من زمان حالنا تغير

يمكن أخوية تضمّ كتير بشر ..وبتحسّ انو في اختلافات و مشارب مختلفة ..


بس انو نحن متفقين ....أظن الكل .....انو نحن شباب ..منحبّ سوريّا و البلد ...كل واحد بطريقتو ...بأخلاقو ...بتربايتو ...

يمكن تحسّ انته انو كلام فلان مو عاجبك ....بس لمّا بتعرفو منيح بتلاقي انّو في الاشياء المتفقة معك أكتر بكتير من الشغلات المغايرة و الجانبة لتفكيرك ...

نحن ليبراليين و يمينين و يساريين ...عالاقل هون بأخويّة ....اتفقنا على انو البلد هي بلدنا ....وكلنا منحبّا ...ومنترك كل واحد ليعبّر بطريقتو ....

معك انا ..بتشوف أحيانا في تطرّف بالاراء و الافكار المطروحة ...لكن مجرّد انو الشخص المختلف معك فكرياً ..عقائديّاً ..عمتتقبلو و تقرا مشاركاتو ...بشوفها انو حالة ايجابيّة مثمرة
الاختلاف والتنوّع.. تعدد الأفكار اوالانتماءات والاتجاهات والمشارب.. بـ أخوية شغلة كتير مهمة..

وكتير شغلة مهمة كمان وإيجابية إنو يصير في "أخد وعطى" بين هالـ "مختلفين".. أو ع الأقل تعارف من شكل "يكتب وتقرا"..

بس اللي قلتو قبل.. فيني وضّحوا بنقطتين:

واحد..
ما كتير نميّز حالنا عن غيرنا.. ونتوهّم حجمنا أكبر من الحقيقة.. ودورنا ريادي وطليعي وتغييري ومدري شو..
كلنا منحب البلد.. طبعاً.. بس هيدي الحالة الطبيعية.. وهالشي ما بيميّزنا -بأخوية- عن أي حدا سوري تاني..

تنين..
التغيير مانو بهالسهولة اللي يصوّرها البعض..


إذا بدنا نعمل شي مفيد؟
نغيّر بحالنا.. كل واحد يجرّب يغير حالو للأفضل.. بعديييييييييييييين.. بيصير فينا نحكي عن تغيير "الآخر" أو تغير "حالة البلد".

لو اشكال التغير اللي حكيتي عنها ممكنة كان من زمان حالنا تغير

أحيان بقول هيك لحالي، بس برجع بعدين بشوف كتير ناس قدرو يعملو شي ويغيرو حياة كتير أشخاص بدون ما يفكرو بنتايج اللي عم يعملوه على مستوى اوسع، وبيقولو مو ضروري نغير حياة البلد كلا، أنا قدرتي غير حياة شخص واحد أو اتنين، مو غلط أعمل هالشي، احسن من أنو ما أعمل شي، وفي ناس بتقدر تساعد بتغيير عدد أكبر وفي ناس عدد أكبر وهيك، كل واحد بيعمل أد ما بيقدر مو أد ما هو حابب يعمل.
هالموضوع خلاني أفهم مثل الوزنات اللي قالو المسيح، مع أنو أنا وصغيرة ما كان يفوت بمخي أبداً، ورغم أني مو كتير آخدة الموضوع من ناحية دينية بس من ناحية فلسفية وإنسانية صرت شوف هالمثل من وجهة نظر مختلفة.