-
دخول

عرض كامل الموضوع : المكتبة والويكبيديا العالمية ؟ ( تخطيط ونقاش )

butterfly
24/08/2009, 10:27
براسي كان أنو ندعم حملة اللي عاملها المدون " شمس سوريا تشرق على الويكبيديا " ، واللي بتقتضي بكتابة شي عن سوريا بالويكبيديا ،
هلق أنا فكرت أنو بالمكتبة ندعمها بطريقة تانية مختلفة شوي ، أنو منجيب اللمحة الموجودة أساسا عن أهم الكتاب السوريين " وإذا ما موجودة منأمنها " ، ومنستفيد من وجود كتير مغتربين بأخوية ، وناس بتحكي لغات ، بأنو نترجم معلومات عن هالكتاب وننزلها بالويكبيديا الخاصة بالبلد ،

هلق ما بعرف ، إمكانية تطبيق هالشي متعلق بمدى " رغبة " و "قدرة " الأعضاء ، على تطبيق الفكرة ،

بانتظار اقتراحاتكن و آرائكن ،


" الموضوع ، رح يغلق بعد انتهاء التصويت "

شكرا ً

:mimo:
DARKNESS
24/08/2009, 11:23
الفكرة حلوة و كنت عم فكر بشي مشابه من فترة بس المشكلة عندك انو الترجمة الأكاديمية مو سهلة و مو مين ما كان فيه يشتغل فيها

انا بقترح اذا في شي حدا محترف ترجمة من الشباب هون منترجملو النصوص و براجعها هو ليشوف شو فيها نواقص لأنو الشغلة مولعبة

و كمان في اقتراح تاني اللي هوي نقل بعض المواضيع الرائعة من الويكبيديا الأنكليزية للغة العربية يعني الويكبيديا الأنكليزية ما في شي بالكون

مو موجود فيها و الويكبيديا العربية على الرغم من شموليتها الا انها تعتبر صغيرة مقارنة بالأنكليزية

افضل شي انو يصير في خطة عمل مدروسة و نتقاسم المهمات و الأدوار فيها حسب الفراغ و الخبرة

و شكرا عالموضوع:D
marochka
24/08/2009, 11:43
مظبوط، يعني أنا بقدر ترجم من الإنكليزي للعربي بس العكس ما فيي غامر فيه لوحدي، بس عالعموم إذا بلاقي شي بقدر أعملو فما في مشكلة
personita
24/08/2009, 13:39
كتير رائعة الفكرة. أنا ممكن أساعد بالترجمة للاسباني
بس بتصور أنو بعض الكتاب رح يكونو موجودين على الويكيبيديا، خصوصا اللي عندهم شهرة عالمية وتترجمو للغات تانية.
بانتظار لتتوضح الأمور أكثر، بسجل إعجابي ودعمي للفكرة:D
mary belle
24/08/2009, 14:59
فكرة كتير حلوه,وانا كمان حابه ساعد بالترجمه حسب الموضوع و اللغه:)
اممي
24/08/2009, 18:11
كتير رائعة الفكره وياريتهابتكون نواة لترجمة مقالات وكتب من العربي الي اللغات التانيه وبالعكس
واعتبروني مشارك بالترجمة للالماني :D
أإأبو العبد
24/08/2009, 18:55
انا ابو العبد انا مين غيري انا:larg:

انا بساعدكم بالترجمة منو بفيد ومنو بستفيد :gem:
..Jimy
24/08/2009, 23:56
شاركت من فترة بالويكبيديا الانكليزية وشوي بالعربية:pos:..
وعلئت بكتير مشاكل وفتت بكام حرب تحريرية وبطلت فوت..

و لازم تعرفو أنو اي نقل حرفي لأي مقال منشور مسبقا بيحذفوه..

وسعدو يكون معكن :D..
I_Love_Syria
25/08/2009, 00:07
أنا ممكن ساعدكن من العربي للإنكليزي بس إنو وقتي ديق يعني بدكن تصبروا عليي


:D
zen
25/08/2009, 00:20
انا عاجبتني الفكرة وانا هلاء بكتب شغلات بالويكي
انا ممكن ساعد من الانكليزي للعربي ويعني انو نتساعد انا وحدا مشان يكون المقال صحيح 100% وانا جاهز وحسب الوقت منسق
وميرسي مرسيل ع الفكرة الحلوة
zen
25/08/2009, 00:22
شاركت من فترة بالويكبيديا الانكليزية وشوي بالعربية:pos:..
وعلئت بكتير مشاكل وفتت بكام حرب تحريرية وبطلت فوت..

و لازم تعرفو أنو اي نقل حرفي لأي مقال منشور مسبقا بيحذفوه..

وسعدو يكون معكن :D..
معك حق
لهيك انا بقرا المقال ويكتبا بصيغة تانية
هلق انو صحي المقالات اللي كاتبها بيصلوا حاطين علها انو مانون اكيدين منها
بس انو منيح
:D
i m sam
25/08/2009, 10:02
انا بامكاني ساعدكم بطباعة صفحات او مقالات بقدر ما بيسمح الوقت المهم شارك معكم ... وبأي شي بتريدوه بس ترجمة ما بتوقع اقدر .
zeenaa
25/08/2009, 23:20
انا مالحقت التصويت بس فكرة حلوة فيني ساعد بالترجمة
MadMax
26/08/2009, 00:50
ظريفة الفكرة .. و موجودة من زمان بكتير منتديات عربية ....


بس أهم شي ما لازم تكتبو شي منشور قبل عالنت
I_Love_Syria
26/08/2009, 01:16
أنا برأيي المواضيع إلي موجودة بالأصل نبلش نعدل عليها بالعربي
وبنفس الوقت الناس إلي بتعرف لغات بتشتغل بالترجمة
بهالحالة بكون عنّا مواضيع كاملة وبنخلص منها أول بأول
butterfly
26/08/2009, 22:11
شكرا ً يا جماعة
بصراحة حماسكن بيشجع :gem:
رح راسل جماعة الويكبيديا مشان ننسق معن ،
وبلكي منبدا ع بداية شهر إيلول

:mimo:
أم الجود
26/08/2009, 23:14
مع و مع كتير كمان :deal:

و أي شي بيلزم فرنسي - عربي / عربي - فرنسي أنا جاهزة :gem:
ابو نجبو
27/08/2009, 20:32
بيلزمكن صيني شي........:?
butterfly
27/08/2009, 20:33
بيلزمكن صيني شي........:?
أي طبعا
:gem:
ابو نجبو
27/08/2009, 20:43
لكان انا جاهز......:gem:
LiOnHeArT.3LA2
27/08/2009, 21:29
انو وانا جاهز ..

ما بعرف شو الطريقة اللي ممكن ساعد فيها .. بس انو رح ساعد
suzaan
27/08/2009, 23:37
وانا بشترك معكون

موضوع كتير حلو وبيساعد المغتربين كتير وبيدعم المنتدى

يسلمن على الطرح :D
sona78
31/08/2009, 22:51
صحيح وقت التصويت خلص بس بدي صوت معنويا وقول انو الفكرة اكتر من رائعة
وانا قادرة ساعد باللغة الالمانية ..
بس انو من هلق لشهر تقريبا ما رح اعرف الله وين شالحني
بعدين ممكن ساعد وانو يعني حسب القدرة
فكرة ممتازة مرسيل .. :D
ِAbu Alzooz
10/09/2009, 05:10
هلق انا جاهز بس ما بعرف بشو بساعد اذا بدكون بكتب مقالات عن القانون :gem:
butterfly
19/09/2009, 18:18
على ما يبدو فشلت أحدى قنوات الاتصال مع الويكبيديا
لنجرب غيرها لنشوف شو بيطلع معنا
:D