-
دخول

عرض كامل الموضوع : مشان تكون حلبي لك كتير هينة

عطر سوريا
17/08/2009, 19:00
طلاع عل الكلية و شوف واحد من الشباب رفقاتك قاعد مع شي بنت و افروووووووووش معلاقك عليه و الزاق في شي ساعة
يوم الخميس نزيل عل الموكامبو و اشروق كل البنات يللي بتشوفن بوشك مو بس تبصبص طالع راسك و اجرك من شباك الهنضاية و اجعووووور يامو ع الله ايش هل حلو لبين ما البنت تقلب معدتا

يوم الجمعة الصبح مع وشك بالماظضاية 929 و عل خالدية مشان تجيبو غراض البيت مع الفول مشان تفطر مع العيلة و تتيسوا باقي اليوم

المسا أكيد بدك تستقبل قرايبينك يللي بدن يبلطوا لل 12 بالليل و لما بدن يمشو و يصيرو ببيت الدرج ولول و سمع الحارة انو مييييت السلامة و ما حسبناها و تعوا لعنا و هنن نشالله نشالله و جيبو معكن راما و بتول و مرام

السبت عل عزيزية لأنو انت كتير كوووول ووقف مع الشباب شي ساعة بالساحة و ما رح تبين أبدن انك ضرب براني

الأحد عل حلاق مشان تظبط شعرك و يسألك شلون القصة ؟ و تقللو متل كل مرة لأنو الله محيي الثابت و قصتك العجيبة ما بتغيرا من لما كنت بالحفوضة

التنين لعند جوسي و بس تخلص الوجبة يللي ما بتشبع ولد صيح ياااااااااااي شبعت مشان البنوتات يقولو عليك انك خفيف و ما بتاكل غير أكلات السينييه ( بس أكيد رح تشبع لأنك كنت معبي البانيو مخلوطة و شيرقا )

التلاتا ع قهوة القلعة و فت برتيت الورق و لا تترك مسبة ما تقولا يا مأدب و اذا عجزت ألف شي مسبة مشان ما تنقطع القعدة الرومانسية

الأربعا ع بوابة الشهباء و قسم مع الشباب و احكيلن ع الأفانطي الجديدة و الفقاس يللي فيا و شلون نيمت الشبح ع طريق الشام و شلون اشتريت بضاعة حقا مليون بس انت حربوق نزلتو للخمسمية ( و هي أصلن حقا فرنك و صطوك )

و لما بدك تمشي شيل مفتاح السيارة و الموبايل متل ما بشيلو الجبسة و قسم ع هل شعب

لما بدك تروح ع تلبيسة البيس هل كوسلا و ارقوص عربية و بعدين ع دورة العروس و افتحلا زمامير متل الجحش و شفط بالسيارة مشان البنات يللي معك يحبوك

شيل معك ع طول مفتاخ البيت و المعمل و السيارة و المكتب و الكاصة و السكرتون و الخزن و مفتاح المطمورة تبع أخوك بكري الصغير

بس يصير عمرك 18 بلش تنق بالحجة مشان تفتل بنات حلب كلها مشان تلاقيلك الأميرة ماري أنطوانيت يللي بدا تنبلا فيك ( و أهم شي تكون بيضا و شقرا و عيونا زرق بهيمة فهيمة مو مشكلة ) و لازم الحجة تضل عم تفتل شي 20 سنة من بيت لبيت لأنو انت امبراطور زمانك و لازم تطلع بوحدة بتعقد متلك

بس يقلب دولاب الشغل أكيد رح تطلع ع أوكرانيا مشان الصفقات التجارية !!!!!!!!! و قول لمرتك انك طالع ع روسيا شغل شهرين زمان

( شغل ها لا حدا يخطرلو شي تاني )
khaliiiil
17/08/2009, 19:23
هههههههههههههههههه


علي ما علي مزبووط كلاامك

مشكووووور
ابو نجبو
18/08/2009, 06:08
مشان تكون حلبي لك كتير هيّنة


بس مشان تكون فهيم....للاسف....كتير صعبة


هههههههههههههههههه
علي ما علي مزبووط كلاامك
مشكووووور

هههههههههه ههههههه ههههههه ههههههه ههههههههه هههههه
علي ماعلي انته واقع عليك اباجور بصغرك.....

لك صحي نسيت اتشكّرك...
مشكوووررووووررروورررر
suzaan
18/08/2009, 08:26
حلبي أحي أكيد

ههههههههههههه كتير حلوة
W.E.G.A
18/08/2009, 10:49
ممكن

كله بجوز
:pos:
عطر سوريا
18/08/2009, 15:25
حلبي أحي أكيد

ههههههههههههه كتير حلوة

هلا والله تسلملي هالضحكة اختي الحلووووة سوزي
:D:D:D:D
sweet angle
18/08/2009, 15:32
ها ها ها ها واللله الشغلة صعبة بركي يلي بدك تلزق فيي لقيم والله الموضوع صعب
عطر المغرب
19/08/2009, 22:36
مشكووور عطر على الموضوع
انا جد بدي اتعلم حلبي
بس اني الزق حدى لا والله التوبة
sheldi
19/08/2009, 22:59
بس مشان تكون فهيم....للاسف....كتير صعبة





علي ماعلي انته واقع عليك اباجور بصغرك.....

لك صحي نسيت اتشكّرك...
مشكوووررووووررروورررر

:lol:
أم الجود
19/08/2009, 23:04
هلأ الحلبية هيك ؟!!؟ :?

اي يبلاه بقتلو اللي ما بيحب الحلبية :pos:
hdran
20/08/2009, 00:59
مشكوررررررررررررررررررررر ر
عطر سوريا
20/08/2009, 21:39
هلأ الحلبية هيك ؟!!؟ :?

اي يبلاه بقتلو اللي ما بيحب الحلبية :pos:

لك هلا ام الجود الغالية تسلمي :oops::oops::oops: واحلى حلبية متلي :p:p


نورتي يااااااا غالية :D
عطر سوريا
20/08/2009, 21:43
مشكوررررررررررررررررررررر ر


لك هلا يا غاااااااالي نوووووووووووووووووووووووو ووورت
:D:D:D:D
Roaa
20/08/2009, 21:57
وفرحان بحالك أنك حلبي ؟!!..

ياعيب الشوم بس .. أنو اذا الحلبيه نفسهن عم يتمسخرو على أصلهن ..
كل واحد بفكر حالو كبر وعم يتمنطئ وصار يعرف يلعي ..
عطر سوريا
20/08/2009, 22:03
وفرحان بحالك أنك حلبي ؟!!..

ياعيب الشوم بس .. أنو اذا الحلبيه نفسهن عم يتمسخرو على أصلهن ..
كل واحد بفكر حالو كبر وعم يتمنطئ وصار يعرف يلعي ..

اولا يا غالية انا بعتز بحالي اني حلبي ومافي شي معيب الحلبي
تاني شي هاد الموضوع عبارة عن فكاهة وروح المزح لانو مافي شعب منطقة الا وبينحكى عليه بشئ معين وبتكون فكاهة عليه وهي مو مسخرة على الاصل لانو هاد الاصل نحن بنعتز فيه وبعدين ياريت تحترمي حالك وحاج تلعي وتطتمنطئي اوكي
:jakoush::evil::evil:
Roaa
20/08/2009, 22:06
تركت الأحترام ألك ..

بما أنك عم تحكي عن الحلبيه .. أنا كـ حلبيه مو معتبرتا فكاهه فـ بظن من حقي أعترض عالموضوع ..
عطر سوريا
20/08/2009, 22:10
تركت الأحترام ألك ..

بما أنك عم تحكي عن الحلبيه .. أنا كـ حلبيه مو معتبرتا فكاهه فـ بظن من حقي أعترض عالموضوع ..

على ما بظن حدا منعك انو تعترضي على الموضوع بس انك تصفي الكلام وصاحب الموضوع كبر شوي وصار يلعي ويتنمطئ هي مو من حئك مو هيك ؟؟؟؟
وشي اكيد تاركة الاحترام ئلي لانو انا محترمك بردي هاد وبالرد السابق
Roaa
20/08/2009, 22:13
اي وما زلت بقلك أنو الكلام مجرد علاك بعلاك ومالو طعمه .. وفزلكه كمان ..

وعلى فكره أنا ما غلطت عليك يا سيد .. لأنو كلامك ملطوش فما كان ضمير اللعي والتمنطئ راجعلك
صحيح انت الي لاطشو وهاد زوقك ..
فخليني محترمتك أحسن ما قلك تضرب منك كـ ((لاطشو )) لـ يلي كتيوا كـ (( كاتبوو))
عطر سوريا
20/08/2009, 22:18
اي وما زلت بقلك أنو الكلام مجرد علاك بعلاك ومالو طعمه .. وفزلكه كمان ..

وعلى فكره أنا ما غلطت عليك يا سيد .. لأنو كلامك ملطوش فما كان ضمير اللعي والتمنطئ راجعلك
صحيح انت الي لاطشو وهاد زوقك ..
فخليني محترمتك أحسن ما قلك تضرب منك كـ ((لاطشو )) لـ يلي كتيوا كـ (( كاتبوو))

اي هاد من زوئك وتربيتك يا مؤدبة ومحترمة يا علاكة ومفزلكة ماشي وانا يلي لاطشو وتضربي منك لهيك تعليق واذا ما عجبك الموضوع لا تتفزلكي فيه وتحطي تعليقك ماشي وعلى الاقل زوقي احسن من زوقك او لائلك تركت الزوق ئلك وكرمال الله شيلي الاحترام لشوف شو بدو يطلع
Roaa
20/08/2009, 22:19
رووء رووء .. لا يطقلك شي عرق :lol:
عطر سوريا
20/08/2009, 22:21
رووء رووء .. لا يطقلك شي عرق :lol:

اذا طق العرق هو انتي :o:o:o
سوا ربينا
20/08/2009, 22:41
اي روقونا شبيبة .. روقي رؤوش؟ ولو مش مستاهلة ..:D
عطر سوريا
20/08/2009, 22:48
اي روقونا شبيبة .. روقي رؤوش؟ ولو مش مستاهلة ..:D

واحلى حشيش ورواق ابو شريك :larg::larg::larg: خدلك شيكارة حشيش :o:o:o منور يا غالي
عطر المغرب
20/08/2009, 23:45
لك شو بكوووون شو هالتعصيييب عطوووووووووووور
ما بعرفك هيك رووووووووووووووووء عمو
kais0
21/08/2009, 00:14
طيب شو مشان تكون طفيلي او خليلي شو اسوي
ابو نجبو
21/08/2009, 09:22
الله حيوو رؤى......:gem:
ابو نجبو
21/08/2009, 09:29
للاسف يعني لطشتك ...مالها مزوئة أبداً.....وازا كنت حلبي...بشكّ بهالشي....و شايف حالك متل هدول اللي تحت....فبحب أئللك ...هاد انته ....مو الكل.....



يوم الجمعة الصبح مع وشك بالماظضاية 929 و عل خالدية مشان تجيبو غراض البيت مع الفول مشان تفطر مع العيلة و تتيسوا باقي اليوم

لما بدك تروح ع تلبيسة البيس هل كوسلا و ارقوص عربية و بعدين ع دورة العروس و افتحلا زمامير متل الجحش و شفط بالسيارة مشان البنات يللي معك يحبوك



يالله لفّها و اعتزر.....
Government
21/08/2009, 11:33
:lol:

لك اخوية ولوه مي مستاهلة القصة .. حلو كتير الموضوع
واحلى الشي تبعت جوسي فرطتني من الضحك
Genifer
21/08/2009, 12:41
ياسيدي انا بفتخر اني حلبية وانه رفقاتي من الشباب الحلبية ويلي كلهن زوق وتقل ومافي شي من صفاتهن منهالكلام كله.

يعني اذا كان هالكلام بينطبق ع واحد معلاق مامعناته بينطبق عكل الشباب الحلبية.

بعدين بكل مدينة إلا ليكون في كم شب بلا عقل , معناته منقول كل الشباب هديك المدينة هيك ؟؟

هاد كلام مو منطقي
سوا ربينا
21/08/2009, 13:22
ياسيدي انا بفتخر اني حلبية وانه رفقاتي من الشباب الحلبية ويلي كلهن زوق وتقل ومافي شي من صفاتهن منهالكلام كله.

يعني اذا كان هالكلام بينطبق ع واحد معلاق مامعناته بينطبق عكل الشباب الحلبية.

بعدين بكل مدينة إلا ليكون في كم شب بلا عقل , معناته منقول كل الشباب هديك المدينة هيك ؟؟

هاد كلام مو منطقي

لك روقي .. ولو الزلمة حطها مزحة واكيد مش معناتو هالحكي صحيح او بينطبق ع تنين تلات .. بس عادي يعني هوي حب يضحك الناس وما فيها شي .. بس انو انتو مزودينها شوي ..:D
Government
21/08/2009, 13:44
شمتو الحماصنة فينا .. :pos:
Genifer
21/08/2009, 13:46
لك روقي .. ولو الزلمة حطها مزحة واكيد مش معناتو هالحكي صحيح او بينطبق ع تنين تلات .. بس عادي يعني هوي حب يضحك الناس وما فيها شي .. بس انو انتو مزودينها شوي ..:D



لك اييييييييييييييييه:larg:

يلا منروق ..نحن عقلنا كبير
Government
21/08/2009, 13:47
شمتو الحماصنة والاردنيين فينا .. :pos:
سوا ربينا
21/08/2009, 14:16
شمتو الحماصنة والاردنيين فينا .. :pos:
:lol:

لا ع فكرة ممكن اشمت بالكل ما عدا الحلبية .. لانوفي بيني وبينهن عشرة عمر وخبز وملح وكنافة ومناسف وكل شي ..:larg:
عطر سوريا
23/08/2009, 02:22
للاسف يعني لطشتك ...مالها مزوئة أبداً.....وازا كنت حلبي...بشكّ بهالشي....و شايف حالك متل هدول اللي تحت....فبحب أئللك ...هاد انته ....مو الكل.....



يالله لفّها و اعتزر.....

هلا بيك يا غالي نورت هاد اولا وتاني شي انا حلبي يا معلم وتالت شي يا حبيب انو هاد الموضوع هو على سبيل النكتة والمزح مو اكتر ؟؟؟ نورت

ياسيدي انا بفتخر اني حلبية وانه رفقاتي من الشباب الحلبية ويلي كلهن زوق وتقل ومافي شي من صفاتهن منهالكلام كله.

يعني اذا كان هالكلام بينطبق ع واحد معلاق مامعناته بينطبق عكل الشباب الحلبية.

بعدين بكل مدينة إلا ليكون في كم شب بلا عقل , معناته منقول كل الشباب هديك المدينة هيك ؟؟

هاد كلام مو منطقي
نورتي يا غالية صح كلام مو منطقي يا غاليةةةةةة بس هاد الموضوع مزحة نكتة مو اكترررررررررررررررررر
لك اييييييييييييييييه:larg:

يلا منروق ..نحن عقلنا كبير
يسلملي العقل الكبير انا
:lol:

لا ع فكرة ممكن اشمت بالكل ما عدا الحلبية .. لانوفي بيني وبينهن عشرة عمر وخبز وملح وكنافة ومناسف وكل شي ..:larg:
حبيب قلبي انت واحلى اردن يا غالي منوووووووووووووووووووووور
:lol:

لك اخوية ولوه مي مستاهلة القصة .. حلو كتير الموضوع
واحلى الشي تبعت جوسي فرطتني من الضحك
لك انشاء الله دوم مو يوم يارب ايامك ضحك يا غالي نوووووووووووووووووووووووت
:D
ابو نجبو
23/08/2009, 08:30
نورت

نورتي يا غالية

منوووووووووووووووووووووور

كنّو الاخ بيشتغل كهربجي....ولا موظف بشركة الكهربا...!!

طيب هدول اللي فوق فهمناهن ..طيب هي اللي تحت ايش ...؟


نوووووووووووووووووووووووت

توت ولا نون و لا مياو ....:lol: