طيب ....السؤال اللي بيطرح نفسو ....انته كنت محنّط شي تلات سنين شو اللي فيّقك بعد هالغيبة المحمودة الذكر...::

ما بعرف كيف بدي اشرحلك , بس بالخلاصة يعني بعد ما كنت محنط 3 سنين , اجو اهل الخير من الاشراف و تواسطولي ارجع ..و وصوني فيك اي و الله , ذكرولي ياك بالاسم ..الظاهر بعزوك الجماعة ;)


وعلى هوا اللي موجود تحت الاسم تبعك انك مشرف متقاعد...يعني مشرف مأحطيلو.....
فـ أنا مارح أتدخل بعلاقتك بالئصّة ....بس انا اللي ظاهرلي انك مشرف مأحطلو ...وبالتالي رح أعتبر انو مالك أي علاقة بالئصة ....

:
اي هي معك حق فيها ( انا كتير مبسوط انو لقيت شي معك حق فيه بالمناسبة ) , انا بالغلط نزل تحت اسمي مشرف متقاعد , المفروض يكون مكتوب مشرف مأحطيلو ...ع كل حال راسلنا الادارة بهالخصوص و وعدونا يتصرفو قريباً .
هلأ عاد ال Bad News انو مشرف مأحطلو الو علاقة بهاي القصة و بأي قصة تانية بالمنتدى أكتر منك , حقيقةً يعني , بعرف وجعتك الحقيقة يمكن لانك مانك متعود عليها , بس ترى هيك الوضع . اذا ما بناسبك ...أحـــــــــــــــط :lol:


واللهي يا أخي لما رح شوف حالي مالي متأقلم مع الجو ....رح أحط لحالي...بس لحد الان الامور تمام التمام و كتير الوضع كوول عندي....:lol:
لكن يبدو انته اللي ماعدت متأقلم وراحت أيامك ....بعزرك انا ....

أكيد أكيد....:lol:
لا تخاف عليّون ...لما بيضطرو رح يأحطولي لحالن ...متل ماعملو معك .....:lol:

هلأ صحيح بدي اسألك ...أنو أنا وقت احطولي كتبولي ( مشرف متقاعد ) باعتبار صار في غلط متل ما حكينا , انت وقت يأحطولك شو رح يكتبولك ؟ ابو نجبو مأحط ؟ :o

حلوة ...و الله كتير طالعة نايس :lol:

أبو نحبو مأحط :yahoo:

انو هالموضوع ما شفتو كيف ..:?

انو خلينا نكون واقعيين شوي.. يلي عرفتو انا من مصادر خاصة .. انو احد اهم الاسباب يلي الاخوية وصلت الو حاليا هوي تحالف المشرفين .. يعني في اربع او خمس مشرفين بيكرهو اربع خمس مشرفين تانيين وكل واحد بيحاول يفرض سيطرتو وبيبن انو هوي الافضل وهالشي طبعا من خلال محاولة ظبط القسم يلي مستلمو هالمشرف ويلي بلش ينقلب لمخالفات زايدة عن حدها وعلى كل مين هب ودب .... بالمناسبة حسب معلوماتي انو في مشرفين محايدين.. بتمنى قبل ما يصير في نقاش بين المشرفين والاعضاء انو يصير نقاش وتفاهم بين نفس المشرفين ويحلو قصصهن بين بعض وكونو اكيدين انو ازا انحلت مشاكلكن بين بعض رح يرجع اخوية احسن من قبل ...:D

يسعد أوقات الجميع :D

هالموضوع كان من المواضيع القليلة يلي قريتون رد رد قبل ما اكتب هالرد "عالقافية يعطيك العافية"

المهم يعني من مما قرأت وسمعت وشهدت طلع معي هالنتائج انو الطرفين غلطانين ليش ياحزركون... منبلش مع الطرف المعترض ويلي هو مجموعة الشباب والصبايا ويلي شانين هالهجوم على الشباب والصبايا الملونين:

أول شي انتو لازم تستوعبوا انو في طلبات بالموضوع كانت شوي صعبة متل تغيير المشرفين ومطالبتون بالاعتذار وتقديمون لمحاكمة ميدانية وهالقصص ليش ياحزركون؟؟
لأنون ببساطة مانون مجبورين ولا في سلطة رقابية بتفرض عليون هالشي بسبب غياب أي آلية رقابية من جهة إشراف عليا موضوعية "وليست حيادية" وحتى غياب حسام المسؤول الاعلى المفترض عن ساحة الأحداث من زمان ماعدا الجانب اللوجيستي على مايبدو يلي ضمنان استمرار أخوية لليوم تقنياً

تاني شي انتو غلطتو ياشباب انكون بلشتو بقضية غابي وفتو بقصص تانية ضوعت الهدف واذا ضاع الهدف مصيبة لانو نتيجة المباراة مابتنحسب بمين جاب كورنرات أكتر أو رميات تماس أكتر وإنما مين جاب جول بمرمى التاني "قول مأثور لعدنان بوظو بعد مباراة سوريا والبرزيل يلي لعبنا فيها أحسن منون بس غلبونا 7 صفر :frown:)

تالت شي انتو صار فيكون متل المعارضة يلي فتحت نقاش مع بشار الأسد وبدها ياه يعترف بمسؤوليته عن ثقب طبقة الأوزون وبدها ياه يصلح هالثقب :? طيب كيف بالله؟؟؟

يعني كيف بدون المشرفين يروحوا يرجعو غابي على اخوية "مع شجبي الكامل ليلي صار مع غابي وقرصان"؟؟

ياعمي فتحتو نقاش مع بشار الأسد قصدي مع المشرفين.. اي حملوه مسؤولية بيقدر عليها أو بأقل تقدير بيقدر يحلها أو بأقل من أقل تقدير حملو مسؤولية غلط ارتكبو وبيقدر يتراجع عنو ويحقق مطالبكون..
أما انتو للأسف فوتتو حالكون بالحيط "وضوعتو الهدف" بإنكون عم تطالبو بشي ماحدا بيقدر يحلو غير صاحب العلاقة يلي هو غابي شخصياً يعني برجعتو على أخوية..

رابع شي استعملتو معلومات غير موثقة وأكيدة في سبيل تكبير قضيتكون وهالشي أنا شخصياً ببرروا وبفهمو وتحديداً لما يكون في مشكل بين طرف شعبي وطرف إداري أو حاكم لمكان ما لأنو مهما كبرت المعارضة القصة معذورة في سبيل وصولها لجزء صغير من مطالبها يلي بأحسن الأحوال الحكومة "الإدارة" حتقدمها..
فشو صار معكون بهالحالة ذكرتو 4 أسماء على إنهون معتكفين عن الكتابة بأخوية فظهر من خلال الموضوع ومن خلال اتصالات شخصية لإلي ببعض المذكورين انو هنن لا معتكفين ولاشي.. معناها كان الأفضل نعتمد على الإسم الأكيد إعتكافو ويلي هو غابي أو مايعرف بأبو طوني..

هي بمايخص أغلاط جماعة المعارضة "أصدقائي :p" على سبيل النقد الذاتي للأداء :larg:

وبمونة الصداقة على هالشباب والصبايا بتمنى من هالطرف يكتفي بهالقدر من "النقاش" لأنو وصلتو لطريق مسدود أو مايعرف بالطريق المغلق بسبب تراكم الأوسخة ومخلفات المعارك

وراجع لإستلم الطرف التاني

بالنسبة للجماعة الملونين "ماتفكروا قصدي ملونين من الحرباية يلي بتتلون حسب المحيط مثلاً :p" قصدي ملونة أسمائكون أخضر وزيرقوني وأورانج

إنو ياعمي انتو غلطتو بطريقة التعامل بمشكلة غابي وقرصان ... والشباب استنفروا وماعندهون مكان يفشو خلقون ولاطريقة تانية غير هون بينما انتو عندكون اكتر من مكان بالمنتديات الإدارية مثلاً لتسبو عالناس وتفشو خلقكون وتحسو بوجودكون وتستغيبو الناس على كيفكون.. فمابعرف ليش استكرتوا على الشباب يفشو خلقون بكم كلمة

تاني شي انتو بتعرفوا انو كل حكي البشر هون ماحيقدم ولا يأخر وماحدا حيشلكون مناصبكون لمعرفتنا بالأثار النفسية يلي ممكن تترتب عليكون اذا حدا بيشلحكون ياها..
فكان الأفضل تتبعو سياسة الحكومات الاستبدادية وتتركو هالبشر يحكو وماتردو عليهون لمعرفتكون انو ماحيطلع معون شي قد ماحكو ولتو عجنو وتبقو عم تتصرفو يلي بدكون ياه بغض النظر عن كلامون المغرض..

يعني ما كان في داعي لتفوتو وتردو بطريقة قاسية وتحسسوهن انو هنن حتى فشة الخلق ممنوعة عليون وكانت الردود لازم تكون مقتصرة على انكون تاخدون على قد عقلون وتردو عليهون بطريقة لطيفة "علناً عم حاكيكون خدون على قد عقلون وخلوكون متل ما انتو"...

تالت شي انتو شو بدكون بهالقصص التافهة المهم اسمائكون ملونة وبتفوتو هيك على اخوية بتحسو بقديشكون مهمين.. عمرت خربت شو بدكون بهالقصة تسلو لك عمي وبيعونا وطنيات...

ماسبق ليس نقداً ذاتياً أو نصيحة وإنما وجهة نظر بالموضوع ومابيهمني ان عجبتكون أو لاء ولابيهمني اذا سمعتوها أو لاء...
_________________________________

للكل:

خلصنا طرق حكم وعبر ومراجل بقا لأنو بأخر النهار كل واحد بيعرف حالو شو هو "مني وجر" وبيعرف قديشو علاك ومرائي ولقلوق وتافه وسافل ومريض ومعو انفصال شمسية "على قولة غابي" وسوقي وجاهل وحقير ...

ليش هيك عم قول لأنو صفون بحالك واصفون بحالي بلاقي اكيد شي متوفر من الصفات المذكورة سابقاً وجايين من ورا هالكيبورد يحل شوي من هالمشاكل يلي عنا ياها...

نقطة أخيرة : حاج علاك يرحم أبوكون :frown:

_______________________________

هوامش:

أبو نهلة المأحط : شو كان بدك بهالفوتة؟؟ :frown:

صوفي: كمان انتي شو كان بدك بهالفوتة؟؟ تركيون شباب يسبو بعض باعتبار الشبيبة ما بيأثر فيها ومتعودين يهينوا بعض بوج بعض وبقفا بعض وبعضني لبعضك :lol:

بترفلاي: مو بس السمايلي مطوب بإسمك في كتير شغلات مطوبة بإسمك

_______________________________

واعد حالي من 6 شهور ما اتدخل بأي شي وطل كل اسبوع اكتبلي كلمتين وامشي بس للأسف ماقدرت مافوت هالفوتة هون

سلام

واعد حالي من 6 شهور ما اتدخل بأي شي وطل كل اسبوع اكتبلي كلمتين وامشي بس للأسف ماقدرت مافوت هالفوتة هون

سلام
أنا عن حالي مافهمت كلامك بالمشاركتين ممكن ترجع تشرحلي بشكل مفصل وبصورة أوضح :p

هلق ما خلصتو نقار لسا
العمى رح تنحل القضية العربية
ولسا بتتخانقو على ليش يامشرف وليش ياعضو
خلصووووووووووووووووونا ولووووووووووووووووووووووو ووووووووووووووووووو
يلا شباب وصبايا
بوسو شوارب بعض وفضوها سيرة
والا والله ب :jakoush::jakoush::jakoush:
:larg::gem:

ياجماعة .. هلأ بشرفكن خلونا لو لشوي صغيرة بس ننسى قصة مشرفين واعضاء ومنسقين .. ودرجة اولى ودرجة تانية ودرجة تالتة ...
ياجماعة الاخوية ومن لما دخلت عليها 2006 لحد هالحظة .. كل المشاكل اللي صارت فيا نابعة عن قصة وحدة او شي داخلي بكل واحد فينا .. هالشي اللي بخلينا نحس انو في حاجز بينا وبين هالمشرف وبين هالمنسق .. هلأ انا ماعبعرف اوصل الفكرة مزبوط
بس ياجماعة صدقوني يمكن هلأ كل سبب هالمشكلة اللي عبدور من شهرين لهلأ احساس كتير من الاعضاء انو لازم نحن نكون مشرفين متل هدول .. انو منسقين متل هدوليك .. طبعا بغض النظر عن الاخطاء اللي عبتصير من الطاقم الاشرافي واللي مابقدر انكرا ولا اي حدا .. في اغلاط كتيرة .. وتشدد نوعا ما واللي بصراحة يعني والله حاسس انا بشعور كل واحد اتجاه هالقصة .. وبخصوص انو عبحس حالو مخنوق ومافي كتير اريحية بهالقصص .. صدقوني حاسين بحكيكن كلكن بهالخصوص .. وكل الطاقم هيك لانو نحن اعضاء كنا متلكن .. ومازلنا اعضاء
بس مع هيك بغض النظر .. كمان في شي جوات كل حدا عبيحكي عن الاشراف عبقلو انو انا احق من هالمشرف الفلاني باني صير مشرف او منسق .. انو يا اخي ليش هو صاير انا احق منو وهو عبيغلط ومتلو متلي بل يمكن انا احسن منو ليش حتى ماكون متلو ؟؟
هلأ هادا شعور داخلي .. اكيد كلكن بنتابكن .. صعب ننكرو حتى لو جيتو هلأ قلتولي انت عبتخبص ونحن مالنا هيك .. بس انو هالقصة يمكن ماحدا يحس فيا .. او انو باللاشعور تبع كل واحد فينا
ماتروحي لبعيد .. حتى انا مثلا او اي منسق بشكل عام .. انو بقول ليش حتى ماصير مشرف او امين مثلا !! .. هي قصة طبيعية فينا كلنا ومافينا ننكرا ابدا بجوات كل واحد فينا ..
وهي بتولد هالقصص .. وبظن ازا عملنا نسبة مئوية عن سبب هالمشاكل .. وكان في احصائيات حقيقية فرح نشوف انو 30 بالمية بسبب الاغلاط اللي عبتبدر من المشرفين .. 70 بالمية بسبب هالاحساس الداخلي .. هلأ انا مارح كتير غوص
بس انو عنجد .. انا هدفي من كل هالحكي اللي فوق

انو ياخواتي .. ويا اخواتي هون نابعة للكل واحد عببحكي عن هالطاقم
انو خلونا ننسى شوية قصة مشرف ومنسق وعضو وامين .. صدقوني بس لو للحظة انو نحاول ننسى شوي هالقصص خلونا نتعامل مع بعض ع انو كلنا اعضاء باخوية .. كلياتنا هون نفس الشي كلنا ولاد اخوية .. واخوة باخوية .. او انو يا اخي مشان مايقولو عبنزودا انو يا اخي خلونا نحسب حالنا رفقة بحارة وحدة .. بشركة وحدة بملعب واحد كلياتنا منلقي كل يوم بهالحارة .. ومن هالمكان صرنا رفقة واصدقاء .. يااخواتي عنجد انا احيانا بضل يومين نسيان حالي اني صرت منسق .. الا لادخل ع الساحة الرياضية لاتزكر :oops:
وصدقوني انو كل الطاقم هيك .. عكس الشعور اللي متولد عند كتير منكن انو المشرف هيك مبسوط ع حالو انو صار مشرف وبتعامل بفوقية مع هالخلق .. وحتى لو صار وحسيتو بشوية فوقية بيوم من الايام من شي مشرف او منسق .. فبكون هو عبعاني من هالقصة مادخل الاشراف والتنسيق فيا .. خلينا ننسى شوية قصة الاشراف والتنسبق انو ازا الواحد صار مشرف او منسق رح يصير نفسية !!

او بالاحرى خلونا ننسى قصة الدرجات بالمرة .. صدقوني كلنا هون منحاول انو نتعامل مع بعض كانو نحن رفقة واصدقاء .. سواءا كــطاقم اخوية .. او مع الاعضاء بس مع هيك في كتير اعضاء مارضيانين بتقبلو هالقصة .. بسبب الشي اللي زكرتو فوق اللي جوات كل واحد فينا
كتير انزكر بمواضيع قبل هالموضوع كتير زكرو المشرفين والمنسقين انو يا اخي نحن اولا واخيرا اعضاء ومنضلنا اعضاء ..

وهني فعلا هيك .. بس بيختلفو انو هنن بايدن شوية صلاحيات مشان تبرز الاخوية بشكل احسن
وبخالفو اي حدا مخالف .. لانو هو عبتعارض مع العمل اللي انوجدو مشانو

او اخي خلوني هيك بسط الفكرة .. هلأ انو شركة فيا شي ميتين موظف هالشركة لازما مدراء ورؤساء اقسام وفنيين وموظفين .. هدول كلن هدفن انو يحسنو هالشركة وبظهروا بمظهر لائق قدام الزبونات والعملاء وهالقصص .. وهالشي نفسو بنطبق ع رئيس قسم انو عندو شي 5 موظفين احد هالموظفين فوضوي واخلاقو سيئة وشغلو تخبيص .. هالموظف الفلاني رح بسيئ لمدير قسمو وبالتالي رح يشوهلو سمعتو بالنسبة للادارة اللي فوقا .. وبالتالي بتشوه منظر هالقسم قدام اي حدا غريب جاي ع هالشركة

وهون حكينا انو المشرف هدفو يطالع قسمو بمظهر لائق قدام اي حدا غريب جاي يشوف هالاخوية .. اخوية هالاسم العظيم اللي عاصرو ناس .. كل واحد الو مكانتو وقدمو كتير لهالمجتمع .. فانو يا اخي ازا اجا عضو خالفلو هالمنوال اللي عبمشي عليه هالمشرف وعمل متل الموظف .. فاكيد هالمشرف لازم ينبهو ويخالفو مشان مايخرب الصورة اللي لازم تكون طبيعية وهو بتكمن القصة .. المخالفة ياجماعة مجرد تنبيه لا اكتر ولا اقل .. انو يا اخي متل واحد عبقلك دير بالك او شغلك مو مزبوط
يعني مو هالشغلة المستاهلة صدقوني .. انا اكل مخالفات كتير بزماني .. انو مابتزكر يوم عملت مشكلة مشانن او شي او ازا عملت حدا يزكرني يمكن نسيان .. القصة عادية شغل شباب .. انو ماناخدا ع منحى شخصي وناخدا شغل شباب ..
وطبعا هالحكي مابصير غير لننسى قصة المشرفين والمنسقين والاعضاء والدرجات المراتب اللي بتراود كل واحد فينا جواتو خلينا ننساها .. ونفكر بشي واحد انو يا اخي نحن كلنا طاقم واحد .. جماعة وحدة .. اخوة .. رفقة .. اصدقاء .. موظفين .. هدفنا بس انو كلياتنا نتعاون مشان نطالع هالشركة بصورة مشرقة قدام هالزبون اللي جاي ياخد من عنا مايحكي ع شركتنا بالعاطل.. ونفس هالحكي هالاخوية العظيمة بصورة مشرقة قدام كل غريب بدو يجي .. ويشوفا وياخدا انطباع عن اخوية سوريا .. لانو مالازم ننسى اخوية مجتمع مصغر عن المجتمع السوري اللي منتمنى يصير هيك بالمستقبل

لما نحط هالفكرة براسنا .. رح تقل مخالفات الاعضاء .. ورح تقل اغلاظ المشرفين والاعضاء .. ورح يخف التشدد شوي وتخف العداوات والحساسيات بس المشرف والمنسق والعضو ..
صدقوني اانا متأكد من هالحكي انو لو كل واحد يحسب حالو بشركة وبدو يشتغل عليها حتى يطالعا .. صدقوني رح نحصل ع هالنتايج اللي زكرت ..

فانو عنجد خلونا نوعا ما ننسى كل هالعي الفاضي لانو متأكد تماما لو منفتح 10 مواضيع متل هادا فمارح نستفيد شي .. ورح نوصل لطريق مسدود ..
وخلونا بس كلنا عيلة وحدة وننسى هالحساسيات .. وهالدرجات والمراتب .. وكلياتنا هون درجة وحدة حتى لو اختلفت صلاحياتنا .. بعدين ياجماعة مو كل مشرف او منسق بهالاخوية دايم .. الدني بتاخد كتير .. وكل واحد الو ظروفو وحياتو .. يا اخي يمكن هالمشرف او المنسق يموت او تعفسو قاطرة ومقطورة .. او ينسو اهلو جرة الغاز مفتوحة وهو نايم وياكل هوا الزلمة .. ويمكن انت تجي بدالو بعد مدة .. ماحدا دايم .. ورح تحس وقتا انو شو كان يعمل هالزلمة حتى بزبط هالاخوية وشو مطلوب منو يعمل ..ورح تحس فعلا انو مارح يتغير عليك شي .. رح ضلك عضو .. وكلياتنا اعضاء ... ويا اخي كما صدقوني هالمشرف او المنسق مالو مصلحة انو باي عضو بالاخوي يترك حتى لو كان ابن يومين بالاخوية .. المشرف مابيطلع منو هيك حكي الا ازا حدا استفزو ووصل معو لطريق مسدود .. ولا رح يخاف انو ياخدلو محلو لانو مالو مسؤوول وبعدين الاخوية بتحمل قد هالطاقم ومرة وماحدا رح ياخد مكان حدا.. وهالكم العضو اللي تركو للاسف ماقدرو يتأقلمو ع فكرة انو كلنا واحد هون وينسو هالاحساس الداخلي اللي حكينا عنو وللاسف كان اقوى منن وتغلب عليهن !!
ورح تحس فعلا انو مارح يتغير عليك شي .. رح ضلك عضو .. وكلياتنا اعضاء
طولت كتير .. بس ياريت انو كون قدرت وصل شوي من الفكرة اللي حاولت وصلا .. وانو لو عضو واحد بس يحاول بفكر بالشي اللي حكيتو حتى نصير احسن ..

:akh:

عفوا حسون بس كل كلامك مغلوط .ومابعتقد أنو هاد السبب أو في حدا هي مشكلتو . بيجوز أنت حاسس هيك لأنك منسق

عفوا حسون بس كل كلامك مغلوط .ومابعتقد أنو هاد السبب أو في حدا هي مشكلتو . بيجوز أنت حاسس هيك لأنك منسق

لك سكوت إنت أصلاً هي مشكلتك وأنا طول عمري كاشفك... قصتك كلها حسد وديقة عين :p

يحرق سماك يا حكومة على هالرد ما اطولو .. :?
قريت كم مقط شيبولي شعر راسي !:shock:
معقولة هاد انت حسون ...:o
ما عرفتك .. وحيات سعدو ! :o
انو كبران وصاير تعرف تحكي :lol:

بس وحيات سعدو انك كفو ..(مع انك حلبي :p) ... وهي وردة :D

عفوا حسون بس كل كلامك مغلوط .ومابعتقد أنو هاد السبب أو في حدا هي مشكلتو . بيجوز أنت حاسس هيك لأنك منسق

صدقني شريك .. خلينا شوي نكون صريحين مع حالنا .. وصادقين .. روح نكتشف انو هي القصة
هلأ مابعرف شو دخلني انا كمنسق .. بس انو ازا قصدك انو انا فيني هالشغلة
فانو اي مانكرت .. زكرتي بردي انو حتى انا هيك
ازا هيك قصدك

ومية وردة :D

يحرق سماك يا حكومة على هالرد ما اطولو .. :?
قريت كم مقط شيبولي شعر راسي !:shock:
معقولة هاد انت حسون ...:o
ما عرفتك .. وحيات سعدو ! :o
انو كبران وصاير تعرف تحكي :lol:

بس وحيات سعدو انك كفو ..(مع انك حلبي :p) ... وهي وردة :D

No Comment
:gem::larg:

هي بمايخص أغلاط جماعة المعارضة "أصدقائي :p" على سبيل النقد الذاتي للأداء :larg:

وبمونة الصداقة على هالشباب والصبايا بتمنى من هالطرف يكتفي بهالقدر من "النقاش" لأنو وصلتو لطريق مسدود أو مايعرف بالطريق المغلق بسبب تراكم الأوسخة ومخلفات المعارك

وراجع لإستلم الطرف التاني

اي شريك ما بدها لا موانةو لاشي :lol: , متل ما انت قلت الشباب وصلو لطريق مسدود أو ما يعرف ب فاتو بالحيط , بقى يعني مشان ما يطرقوك منية ع الفاضي , مافي داعي لا للموانة و لا غيرها . هي هيك فرطت :larg:

بالنسبة للجماعة الملونين "ماتفكروا قصدي ملونين من الحرباية يلي بتتلون حسب المحيط مثلاً :p" قصدي ملونة أسمائكون أخضر وزيرقوني وأورانج إنو ياعمي انتو غلطتو بطريقة التعامل بمشكلة غابي وقرصان ... والشباب استنفروا وماعندهون مكان يفشو خلقون ولاطريقة تانية غير هون بينما انتو عندكون اكتر من مكان بالمنتديات الإدارية مثلاً لتسبو عالناس وتفشو خلقكون هلأ انت سيد العارفين , من ناحية حسابات التكلفة و الجدوى الاقتصادية و هيك قصص , بتقدر تعمل منتدى اداري ( مغلق للاعضاء )للمشرفين ياخدو راحتهن فيه بالحكي , بس ما بتقدر تعمل منتدى اداري( مغلق للمشرفين ) للاعضاء ياخدو راحتهن فيه بالحكي ( طبعا ياخدو راحتهن هون من حيث مفهومك لاخد الراحة , ما من حيث مفهومي) . بيفضل طبعاً في نقطة كتير مهمة انت اغفلتها , و هي انو الاعضاء بيقدر باي وقت يروحو يسجلو بمنتديات تانية و يفشو خلقهن ع كيفهن ( و هالشي حصل مراراً و تكراراً ) , بينما المشرفين المساكين ما عندهن غير هالاقسام الادارية . و اللي هي على ما يبدو مانها Air-Tight كما يجب :lol: بقى من هالنقطة بالتحديد , انا ماني شايف انو صار في اي غلط يذكر بالتعامل بشكل عام , و خصوصاُ بالموضوع اللي عم تحكي عنو . انا شايف العكس تماماً .

تاني شي انتو بتعرفوا انو كل حكي البشر هون ماحيقدم ولا يأخر وماحدا حيشلكون مناصبكون لمعرفتنا بالأثار النفسية يلي ممكن تترتب عليكون اذا حدا بيشلحكون ياها..

هلأ هون في لبس صار عندي , أنو انتو تاركين الكادر الاشرافي الحالي بس خوفا من الاثار النفسية !!! بدك تسمحلي , اذا كان هالحكي صحيح بتتحملو انتو كامل المسؤولية الاخلاقية عن اي مشكلة عم تصير , لانو هاد ما مبرر .

اما اذا كان الحكي من باب التسالي ....اي فانو تسالي يعني :lol:

فكان الأفضل تتبعو سياسة الحكومات الاستبدادية وتتركو هالبشر يحكو وماتردو عليهون لمعرفتكون انو ماحيطلع معون شي قد ماحكو ولتو عجنو وتبقو عم تتصرفو يلي بدكون ياه بغض النظر عن كلامون المغرض.. يعني ما كان في داعي لتفوتو وتردو بطريقة قاسية وتحسسوهن انو هنن حتى فشة الخلق ممنوعة عليون وكانت الردود لازم تكون مقتصرة على انكون تاخدون على قد عقلون وتردو عليهون بطريقة لطيفة "علناً عم حاكيكون خدون على قد عقلون وخلوكون متل ما انتو"... تالت شي انتو شو بدكون بهالقصص التافهة المهم اسمائكون ملونة وبتفوتو هيك على اخوية بتحسو بقديشكون مهمين.. عمرت خربت شو بدكون بهالقصة تسلو لك عمي وبيعونا وطنيات...

أي هو اللي صار نوع من ال mix بين الخيارات اللي اقترحتها انت , ميكس مدروس بدك تقول , الهدف منو انو ما يروح الصالح مع الطالح , باعتبار انو في كتير ناس شاركو بالموضوع و قدمو افكار مرتبة ...اكترية الشباب . بينما في اقلية ساحقة قدمت افكار مهترئة بطريقة معوجة , تم التعامل معها باللتي هي أحسن ...و بكتير يعني .

بالمناسبة حدا بيعرف بقديش متر الوطنيات بهاليويمن ؟ :shock:

_________________________________ للكل: خلصنا طرق حكم وعبر ومراجل بقا لأنو بأخر النهار كل واحد بيعرف حالو شو هو "مني وجر" وبيعرف قديشو علاك ومرائي ولقلوق وتافه وسافل ومريض ومعو انفصال شمسية "على قولة غابي" وسوقي وجاهل وحقير ... ليش هيك عم قول لأنو صفون بحالك واصفون بحالي بلاقي اكيد شي متوفر من الصفات المذكورة سابقاً وجايين من ورا هالكيبورد يحل شوي من هالمشاكل يلي عنا ياها... نقطة أخيرة : حاج علاك يرحم أبوكون :frown: _______________________________

أنا صفنت بحالي لبرهة و نيف من الوقت , ما لقيت شي بناسبني من الصفات اللي سردتها , بقدر نقي شي تاني ؟ أنا بفضل كون حشت نشت اذا مافي مانع :lol:

بالمناسبة , و حفاظاً ع الحقوق الفكرية : مصطح انفصام بالشمسية عندي فيه براءة اختراع مصدقة من كاتب بالعدل :p

هوامش: أبو نهلة المأحط : شو كان بدك بهالفوتة؟؟ :frown: صوفي: كمان انتي شو كان بدك بهالفوتة؟؟ تركيون شباب يسبو بعض باعتبار الشبيبة ما بيأثر فيها ومتعودين يهينوا بعض بوج بعض وبقفا بعض وبعضني لبعضك :lol: بترفلاي: مو بس السمايلي مطوب بإسمك في كتير شغلات مطوبة بإسمك _______________________________ واعد حالي من 6 شهور ما اتدخل بأي شي وطل كل اسبوع اكتبلي كلمتين وامشي بس للأسف ماقدرت مافوت هالفوتة هون سلام أنا و حياتك كل هالفوتة ما بدي ياها ...الله وكيلك و ما بزل عليك بحرف , بس عاد مجبر أخاك لا بطل :jakoush: و هيك بدي اتغالظ و ادحش حالي بالهامش الموجه لصوفي ( ما بعرف مين صوفي بالتحديد ) بس بدي أيدك بهالنقطة , هون الشباب غالبيتهن من منبت طبقي كادح , متعودين هيك يتصرفو بطريقة ما كتير ارستقراطية , و اطلاعهن ع الاتيكيت محدود , بقى أنو انتي الله يصلحك شو كان بدك بهالفوتة :lol:

بالنسبة لبتر فلاي : أنا وصلني خبر أنو حتى هاد السمايلي ما مطوب باسمها , عاطينها حق الانتفاع مدى الحياة مزبوط , بس ترى ما بتقدر تتصرف فيه , اي اي متل ماني عم قلك , بس عاد الحلبية بحبو يتبروظو , ع مبدأ صيت غنى و لا صيت فقر .

نورت معلم :D:D:D

يعطيكون العافية جميعا وبتمنى يكون كل حدا وصل لشي نتيجة بالاخير حتى لو مو رضيان 100% بس منتامل بالمستقبل تتحسن الامور اكتر





مغلق :D