هل تزوج ابنتك من جنسية عربية أخرى؟
مواضيع للحوار

لو كان لديك ابنة مؤهلة للزواج، فهل تزوجها من شاب من جنسية عربية أخرى؟


وسبب طرح هذا السؤال أنه يحظى بإجابتين: الأولى الرفض المطلق لما يرافق ذلك من مشكلات مرتبطة بالعادات والتقاليد والمشكلات القانونية المرتقبة في حال الطلاق، أو اضطرار الفتاة لمرافقة الزوج إلى بلده وسواها من مشكلات...
الثانية هي التأييد لأسباب عديدة من بينها الفضول للتعرّف على مجتمع جديد، وأحياناً لأسباب مادية خاصة أن معظم من يتقدم من العرب للزواج من سوريات يكونون من الخليج.

فما رأيك فيما سبق؟
هل تقبل بتزويج ابنتك من شاب من جنسية عربية أخرى؟ ولماذا؟






==========




بيعجبني كتير الطرح تبع سيريا نيوز.. كل ما قول انو ما بيطلع معهم اسوأ من هيك.. بيرجعوا بيطالعوني بالخجلة و بيطرحوا اسئلة اضرب و اتعس

انو يا xxxxx.. نفس السؤال و نفس النقاش ممكن ينطرح بس بطريقة تانية حضارية و هي انو نسأل البنت السورية عن رأيها.. هي المخلوقة المدعوسة على رقبتها, مقصوفة العمر سليبة الارادة... بدل ما نغذي نفس التخلف تبع بتجوز بنتك و بترضى لاختك و بتسمح لمرتك... ليش ما يكون السؤال ببساطة... يا ايتها الفتاة.. هل تتزوزين شخصا من غير دولة عربية؟ يرجى الشرح مع التعليل

بس اخي هني بيخافوا من رأي المرأة.. ما تقلهم طبعا ليش لاء... معقول يعني يكون عندها رأي؟ خاصة اذا كان هادا الرأي ما بيصب بصالح الرجل الشرقي .. يعني هيي المفروض رأيها دايما انها ميتة بدباديب الرجل السوري (يلي طبعا بيحقلو يعبر عن عشقه من اي ممثلة او فنانة او انسانة اجنبية).. و الشغلة بقى راجعة لابوها و اخوها و عمها اذا بيحبوا يزوجوها لشب من دولة عربية تانية (قال احلى شي الفضول للتعرف على مجتمع جديد... لك !#^))%$#... )

لازم نحنا نرسخ, بمساعدة سيريا بطيخ نيوز, العادات و القيم المتخلفة يلي بتعكس صورة انو البنت او الاولاد بشكل عام عبارة عن ملكية للاهل

متل مثلا الموضوع السابق تبع شو بتساوي اذا اكتشفت انو ابنك شاذ (طبعا اول المسخرة استخدام كلمة شاذ المنبوذة بدل استخدام مصطلح مثلي جنسيا)... و طبعا التركيز على الابن بما انه شرف العيلة بما يتعلق بالنسل كونه صاحب الخصيتين و العضو التناسلي... يعني ما حدا جاب احتمال سحاقية البنت.. و طبعا اتبرعوا بوضع خيارات كلها اضرب من بعضها متل اخدو على اخصائي او يمكن بيقتلو او يتبرى منه

المهم... سيريا نيوز مستمرة على نهج التخلف و الغباء و قلة الفهم...



لسا على هل تقبل و هل تقبل..



كان بودي اهدي القائمين على موقع سيريا نيوز كم تلحيسة (بوظة بكداش طبعا) بس ما رح اهديهم حفاظا على الذوق العام و منعا لخدش حيائه

بتعرف....!!!
يمكن صرلي 3 سنين مالي فاتح هالموقع...

أول ما طلع الموقع ..استبشرنا خير و قلنا التغيير جاي...بس بعدين اكتشفت انو مابتختلف عن جريدة الثورة بشي.....

ع راسي ابو نجبو.. شو اخدك ع الصين يا رجل؟

موقع سيريا نيوز بينطبق عليه المثل القائل لسنا الافضل لكننا الوحيدون...

يا رجل ..صفحاتون غير مريحة للنظر ...بتلاقي بصفحة وحدة بس من عشرين لتلاتيين اعلان تجاري ...مسخرة ما بعدها مسخرة ...

اغبى موقع بالعالم ,,,و ما بيسمح غير بتعليقات غبية بمستوى الموقع نفسو

موقع سيريا نيوز بينطبق عليه المثل القائل لسنا الافضل لكننا الوحيدون...
هع...


صدقت.....:lol:


والانكى من هيك ..من حين لاخر بتطلع اشاعة...قانون جمارك...اقتصاد...ماليّة.... بيروحو هنن بيحطوها خبر....بيخربو الدنيا فيها....
من فترة 4 شهور عملولنا بلبلة بالشغل كرمال اشاعة حطّوها ...على أساس خبر...من مصدر رفض الكشف عن اسمو....:frown:

طالما مصدر مطّلع يعني انسى.. :lol:

طيب شو رأيكن بموقع all4syria عم يقولولي أنو ما بو شي وأخبارو غالباً مظبوطة، حدى بيعرف عنو شي ينصحنا قبل ما نضيع وقت ونجربه؟

أحياناً بقرا بفقرة "مقالات وآراء" مشاركات حلوة. غير هيك موقع سيريانيوز منافق ومتخلّف وياما ما نزلولي مشاركاتي :pos:

لك اخييييي

هس هس هسسسسسسسسس

شبك خلينا فرحانين انه عنا موقع

ضروري تفيقني على الحقيقة المرة

شبك من الصبح

:cry::cry::cry::cry:

موقع سيريانيوز ، بدي بنفس وتابع بنفس تاني ، ولسى عم يتابع بنفس تالت اسوأ من الاول

هلق المهم ( انو في واحد لاطشلي خربوشة عندن وما عم يردو عليي ويحزفوها :cry: )


وصحي .. Joe
ما عرفنا جوابك ع السؤال
هل ترضى ولا لا ترضى ؟ :flala:

فكرة انو الواحد شرفو معلق ببنتو أو بابنو طول ما ضلت مرافقا عقول الشعب..بيضلو xxxxxx
لك يا أخي كل واحد شرفو لحالو هوي بيرفعو وهوي بيوطي.........بس..عبث





مع أنو أنا هالموقع اسى ماني فاتحو ولا مرة..بس هلق عالحارك رح شوفو:lol:

طيب شو رأيكن بموقع all4syria عم يقولولي أنو ما بو شي وأخبارو غالباً مظبوطة، حدى بيعرف عنو شي ينصحنا قبل ما نضيع وقت ونجربه؟
كلنا شركاء موقع كتير محترم.. بينزل فيه مقالات كتير مهمة وتحليلات لوقائع البلد..

ما .. ما ما ..

ما فكّرت شي مرة اقرا فيه :oops:

وصحي .. Joe
ما عرفنا جوابك ع السؤال
هل ترضى ولا لا ترضى ؟ :flala:




طبعا لا أرضى :x

مو ناقص غير يسألوني هل ترضى بنتك تستخدم برامج الدردشة و الفيسبوك :jakoush:

ليش ما يكون السؤال ببساطة... يا ايتها الفتاة.. هل تتزوزين شخصا من غير دولة عربية؟ يرجى الشرح مع التعليلبكل الاحوال رح يبقى السؤال بلا معنى !

الزواج مو شراء كم كيلو بندورة ... حتى تعرف تاخذ بندورة محلية او بندورة مستوردة :lol:


بعد كم يوم ينزل سؤال بالموقع ...
هل تغسل وجهك اول ما تفيق من النوم او بعد الفطور :lol:

لك انت فهمت الموضوع غلط..;)
ما هوي باللغة لعربية المذكر والمؤنث تيناتون يستخدمو صيغة المذكر احيانا :frown:
يعني بتعرف اللغة عنا كمان الها صيغة ذكورية ( كيف ما تسالني بس هيك قلنا مدرس لغة عربية مرة!!:shock:)
فهمت هلق شلون:o

لك اخخخخخخخخخخخخ :sick:

بتعرف يامعلم بهالموضوع وفرت عليي تعب اني نزل موضوع صرلي عم فكر فيه اكتر من شهر عن سيريا نيوز وشام برس يلي تخطت وقاحتون كل الحدود

المشكل الاساسي مانو باستطلاعات الرأي أو التحقيقات الخاصة وإنما المشكل بطريقة عرض الأخبار بشكل عام وكأنما بعدنا على أيام ماريا ديب والقناة الأولى والتانية وماعنا مصدر للمعلومة غير مواقعهون السخيفة

تصور لدى قراءتي لأحد اخبار شام برس مثلاً عن اتهامات لجنة مراقبة الانتخابات اللبنانية للمرشحين بدفع الرشاوي كنت حاضر المؤتمؤ الصحفي من نص ساعة ويلي أعلنو فيه عن التقرير.. المهم اللجنة أعلنت عن 22 خرق قبل الإنتخابات وانقسمت الخروقات بين فريق 14 آذار و8 آذار بالتساوي فبتفاجئ بالخبر بشام برس 22 خرق للانتخابات من قبل فريق الحريري... فاجيت بعتلون لينك التقرير الرسمي من موقع اللجنة انو يااخي بس حفاظاً على الحد الادنى من المصداقية طبعاً ما نشرو التعليق

منروح على سيريا نيوز جايبين من فترة خبر انو اوباما يعلن انه جاهز لزيارة سوريا وهيك بس حو حاطين تفاصيل كلام اوباما لقناة فوكس.. فاذا بترجع للنص الكامل لحكيو قال انا جاهز لزيارة سوريا بعد ما تعالج سوريا ملفات حزب الله وحماس وتهريب الارهابيين للعراق

طبعاً هاد غير تطنيشهون الكامل على اي خبر ما بيجيهون من المخابرات متل مواضيع الاعتقالات التعسفية او التنقلات بالجيش والامن وملفات الفساد يلي مو مرضي عن فتحها من الحكومة... ومن كم يوم فضحهون ايمن عبد النور بكلنا شركاء بانو نشر مادة كتب تحتها وردتنا من احد افرع الامن وننشرها كما هي عن اعتقال صلاح كفتارو فبتروح على شام برس بتلاقي نفس المادة منشورة ومذيلة بتوقيع شام برس وكأنها تحقيق خاص بالموقع..

يعني ياصاحبي بغض النظر عن رضايي او عدم رضايي عن تحريف الاخبار بهالشكل وحتى لو انا شخصياً ممكن انبسط ببعضها بس بحسو استغباء كبير للقارئ انك تعاملو وكأنو خاروف بدك تقريه الخبر متل ما انت بدك وكأنو هو مابيحقلو يقرا الخبر كما حصل ويحلل بعقلو

اي و الله طريقة عرض الاخبار كلها على بعضها مخجلة .. و الامثلة كتيرة جدا. و حتى مقالات نضال معلوف احيانا فيها الكثير من عدم الاحترافية بالطرح (مثلا تبع لما صوّر كم وسخة بنيويورك و جاي عم يقارنها بسوريا و انو مو بس سوريا وسخة.. هي لحالها كان بدها موضوع)

يبدو راحت عليك البحتة السابقة تبعي هون ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

لازم اتعلم من اخطائي و ما بقى ادخل بس المشكلة ما بعرف غيرو موقع يقلي شو عم يصير بسوريا

على فكرة سيريا نيوز مو الوحيدة يلي عندها تخبيصات. الجزيرة كمان.. و عتبي طبعا على الجزيرة اكبر من عتبي على سيريا بطيخة


مثلا مقالة من اليوم:


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

فك الشفرة الوراثية لفيروس الإيدز

تمكن علماء أميركيون من اكتشاف تقنية جديدة لفك الخريطة الوراثية لفيروس H.I.Vالمسبب للإيدز، في إنجاز علمي قد يسلط الضوء على الطريقة التي ينتقل فيها هذا الفيروس إلى البشر، ويساعد بالتالي على صنع أدوية فعالة لمكافحة هذا المرض الخطير.

وقال العلماء من جامعة نورث كارولاينا الأربعاء إن التقنية الجديدة قد لا تؤدي فقط إلى التمكن من علاج الفيروس غير القابل للشفاء، وإنما أيضا ستساعد على القضاء على فيروسات أخرى مثل الإنفلونزا وتلك التي تسبب نزلات البرد الشائعة.

ويحمل فيروس إتش آي في -شأنه شأن فيروسات أخرى مثل الإنفلونزا والتهاب الكبد سي وكساح الأطفال- معلوماته الجينية كالحمض النووي (RNA) في شريط واحد بخلاف الحمض النووي الريبي (DNA) الذي يتكوّن من شريطين اثنين من الوحدات البنائية التي تلتف حول بعضهما.

وقال العلماء ان الخريطتين الوراثيتين لفيروس إتش آي في والحمض النووي (RNA) ضخمتان وتتألفان من شريطين اثنين في كل منهما حوالي عشرة آلاف نكليوتيدات.

واستخدم العلماء في هذه الدراسة تقنيات خاصة من أجل معرفة التركيب الهندسي لخريطة الفيروس الوراثية، فتبيّن لهم أن تركيب الحمض النووي RNA له علاقة بالالتهابات التي يسببها.

ووفقا لكفين ويكس من جامعة نورث كارولاينا الذي قاد فريق الباحثين فإن ثمة كثيرا من التراكيب في الخريطة الجينية لحمض RNA الخاصة بفيروس الإيدز، مما يجعلها تلعب بصورة شبه مؤكدة دورا لم يكن موضع تقدير في السابق في رسم الشفرة الوراثية.

وبحسب ويكس فإن التقنية الجديدة ستساعد الباحثين على إنتاج أدوية أفضل لعلاج العديد من الفيروسات.
المصدر: وكالا




========================================


التقرير بيخليك تفكر انه تم فك الشيفرة الوراثية لفيروس الاتش آي في

ما بعرف.. يمكن من العنوان؟ يمكن

المهم.. الشيفرة الوراثية مفكوكة من زمان طبعا... يلي صار انهم قدروا يتوقعوا كيف رح يكون شكلها الهندسي

هلق للامانة بعد ما قريت الخبر الاصلي و رجعت قريت تقرير الجزيرة اتضح انهم ذاكرين شي عن الشكل الهندسي

حاطط الجملة بالبولد

بس اذا الواحد ما كان عرفان الخبر الاصلي مستحيل يلاحظ هالشي.. و رح يفكر انو لهلق بس لعرفنا شو تفاصيل سلسلة الحمض النووي تبع الفيروس

شكلو يلي كاتب التقرير مانو فهمان شي


هلق سيريا نيوز بتنقل الخبر انو تم اكتشاف فيروس الايدز :lol:

سيريا نيوز:frown:.. لسا متشوف هيك مواقع يا زلمي:?..كان بالزمانات في موقع اسمو سيريا نبوز..
بس هلئ صار شي تاني.. شي مرضي عنو..

لازم اتعلم من اخطائي و ما بقى ادخل بس المشكلة ما بعرف غيرو موقع
عندك "كلنا شركاء"..سمعتو جيدة لحد هلئ..

اي و الله طريقة عرض الاخبار كلها على بعضها مخجلة .. و الامثلة كتيرة جدا. و حتى مقالات نضال معلوف احيانا فيها الكثير من عدم الاحترافية بالطرح (مثلا تبع لما صوّر كم وسخة بنيويورك و جاي عم يقارنها بسوريا و انو مو بس سوريا وسخة.. هي لحالها كان بدها موضوع)

يبدو راحت عليك البحتة السابقة تبعي هون ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

لازم اتعلم من اخطائي و ما بقى ادخل بس المشكلة ما بعرف غيرو موقع يقلي شو عم يصير بسوريا

سؤال: نضال معلوف هو نفسه اللي كان عامل مكتب اقتصادي ويبعت فاكسات ترويجية ويبيع التجار التعديلات الجمركية؟ واللي بالآخر كان يضل متخبي من العالم اللي عم تطالبو بالمصاري اللي نصب فيا عليهون؟
إذا هاد هو نفسه يعني كتير بينقرالو!!

أما أيمن عبد النور فهو شخص أنا بحترمو كتير لشغلو ولأخلاقو، وبالآخر كل واحد نتيجة شغلو بتبين معدنو

[B]عندك "كلنا شركاء"..سمعتو جيدة لحد هلئ..


looks nice! thanks

لازم اتعلم من اخطائي و ما بقى ادخل بس المشكلة ما بعرف غيرو موقع يقلي شو عم يصير بسوريا

شوف أخي حالياً ي مصدرين جيدين نوعاً ما أول مصدر المرصد السوري: ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) بتطلع عاليمين بتلاقي اخبار محلية مهمة مجمعة من عدة مصادر .. عاليسار بتلاقي مقالات لنخبةمن الكتاب موضوعيين جداً.. وبالنص بتلاقي اهم الاخبار المتعلقة بسوريا

والمصدر التاني كلنا شركاء : ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) لصاحبه أيمن عبد النور البعثي المحسوب على الحكومة ويلي معو غطاء من الرئيس شخصياً انو ماحدا يقرب عليه... فهاد الزلمة بيجيب اخبار خاصة نتيجة علاقاتو بالمسؤولين وبينقد بس طبعاً لحد معين... بشكل انك تفهم انو كل البلد غلط بس الرئيس صح ومو رضيان بهالشي...
طبعاً كلنا شركاء محجوب بسوريا وتوجهو خارجي كرسالة انو شوفو الحرية لوين وصلانة بالمواقع السورية يلي طالعة من سوريا بس بيبقى عم يجيب اخبار ماخدا عيرو بيسترجي يجيبها وتحديداً شام برس وسيريا نيوز يلي مصادر اخبارون سانا او المخابرات حصراً...

سلام

شكرا معلم

كلنا شركاء فعلا غير شكل و شتان ما بينو و بين سيريانيوز. بتشكرك على توضيح خلفية اصحاب الموقع

هادا الموقع التاني لسا ما صرلي شوفو
:D

هلاء انا معكم أنو سيريا نيوز صاير موقع اكتر من سيء . والاحلى أنو صارت سياسة التعليقات عندهم بيقصو يلي بيعجبهم وبيكبو الباقي . شي تسالي على كيفك . أنو انا بحط رد . يا اخي يابيستوفي سياسة النشر وحطولي ياه كامل . ياكبوه . بس هنن الجماعة ( الشهادة لالله يعني ) بيعذبو حالهم بيقصو وبيحطو على كيفهم ( طبعا فكرة الرد مو مهمة أبدا ) وممكن تكون عم تسب مدير عام (مثلا) بردك تطلع عم تمدحو بعد التعديل :lol:

بالنسبة لكلام أبو نجبو . لا حبيب لما بيجيبو خبر . مابيجيبوه من فراغ . بيكون جاييهم أنو رح يصير هيك . بس احيانا من ردة فعل العالم يتم التراجع عن القرار وهنن بيطلعو بالقفشة


أخر تسلاية بالموقع . أنهم من كم يوم جابو خبر عن السعوديين التلاتة يلي تم أختطافهم وسرقة سيارتهم بسوريا . قامت كل الردو هاجمت الوضع . وانو وين الشرطة ووين الامان ووين ووين ووين . قامو الشباب حبو يبيضوها . حطو هامش انو قصة سرقة السيارات بتصير وين ماكان وبالسعودية كمان وبنسب عالية فمافي داعي لكل هاد . قام صارت الردو على الهامش أقوى وأكتر من الاول بمهاجمة المسؤولين عن هالشغلة :lol:

سيريا نيوز تصميمه ضعيف و متبع سياسة تمسيح الجوخ بشكل واضح

و قولتكن بيتبع قاعدة لسنا الأفضل لكننا الوحيدون

موقع أثبث فشلو الدائم..وغباء القائمين عليه..بيحرفو الخبر ع زوئهم وبينزلولك ياه..


للأسف الموقع بلش بطريق وكفى بطريق..... الحكومه:lol:
عاد شو السبب ياترى!;)

شي تبع الحكومة
شو بدكن اياه يكون
يعني نفس السخافات
مابيقدر يحكي إلا الكلام المعت القديم والفاضي .......................

احتراق 6 دنمات من منطقة الوادي في ركن الدين، والأضرار تجاوزت الـ 200000 ليرة سورية
الحوادث

......

وقال صاحب الأرض المتضررة محمود الغزي لسيريانيوز" هذه ليست المرة الأولى التي يحترق بها "الوادي"، لكنها المرة الأولى التي تحترق بها الأراضي المخصصة للزراعة، فقد تضررت أرضي بما يقارب ال 200000 ليرة سورية، نتيجة احتراق حوالي 8 أشجار مثمرة من اللوز والزيتون والتين الكبيرة في العمر، بالإضافة إلى تضرر التربة الزراعية".



من منبري هذا اتقدم بالشكر الجزيل لسيريا نيوز على هالخبر المهم جدا... خسائر و اضرار تجاوزت الميتين ألف ليرة.. (تصفيرة شديدة من هدول تبع اليا لطيف).. 4000 دولار يا جماعة

بس عتبي على طريقة التقديم.. اللغة ما كتير بتعكس خطورة الاضرار.. كان لازم يقولوا ما يناهز.. او ما يتعدى او ما يطاحش على حيطان ال200 الف ليرة سوريا

ثم احتراق حوالي 8 شجرات.. يعني هوي بالضبط 7 شجرات و الثامنة انلسعت لسع.. هيك انلحست لحس يعني.. فيكن تقولوا راح منها حوالي 40% من الاغصان و 90% من هالاغصان كانت حاملة ثمار

الله يصبر الوطن على هالخسارة الفادحة و تحياتي للابطال في سيريا نيوز يلي خاطروا بحياتهم و نقلولنا هالخبر المثير

دخيلكن ليش في موقع حكومي بيفش الخلق
بدهن تلحيسة بظة من عند بكداااااش مثل ما قال جوو بس انا خايف عليهن لان اجا الشتا وخايف تنزل لوزهن من البرودة تبع البوووظة ههههههههههه