ياشباب الاهم من طرح المشكلة هو ايجاد الحل في كتير من الشباب شغلتو الشاغلة هو اتهام الحكومة السورية بالفساد والخيانة وتصوير بشار الاسد على ان ديكتاتور القرن الواحد والعشرين تنويه ((انا ما عم العب دور المحامي عن الحكومة او عن السيد الرئيس بشار الاسد انا عم حاول اطرح مشكلة بموضوعية وبتمنى انو نتناقش بدون اي تجريح )) مين البديل عن الحكومة الحالية في كتير خيارات متل: المعارضة السورية (( فريد الغادري : رجل معارض ذهب الى اسرائيل للمفاوضات من اجل السلام ومابعرف مين كلفو يروح او من بيمثل وعلى فكرة السيد فريد بحياتو ماعاش بسوريا ))(( الاخوان المسلمين : حركة سياسية قامت بقتل المواطنين السوريين بالهوية ب 1982 وبعمليات تفجيرية ضد الجيش وقوات الامن ( الجيش وقوات الامن يتالف من كل طوائف ومذاهب واديان الشعب السوري) ))((رفعت الاسد : رجل يبحث عن سلطة تم طرده من سوريا بسبب اتجاه العنصري والعمل على انشاء دولة على مزاجو)) (( عبد الحليم خدام : زلمة لم قحطلو بلش يصيح ويتكلم ويصور حالو على انو سوبر مان طبعا كل هالكلام بعد ماطلع برا سوريا لانو جو بيقلب صوص )) (( مجموعة من الاتحادات الحقوقية والانسانية : صوت بيعلا وبينخفض متل البورصة متعلقة بالدولار)) شو اسع في معارضين الداخل لهم منا كل الحب والاحترام لانن على اقل تقدير اناس صادقين وبيحبو هالبلد .. مع العلم انا ليس مع الحكومة انا مع بشار الاسد ام الحكومة للاسف تحمل الكثير من المفسدين والفاسدين وبالنهاي انا مع معارضين الداخل ومع بشار الاسد

نسيت تحكي عن احزاب موجودة وهي معروفة انها معارضة لطريقة الحكم وللفساد اللي فيها انت زكرت بس الخاينين وسميتهم المعارضة الداخلية مع العلم هدول ما ئلهم اي شرعية والاتحادات الحقوقية الانسانية متل البورصة صح بس مو مرتبطة بالدولار لانها اشرف من اميركا كلها بس مرتبطة بموافقة الحكومة مشااان ما يصير حملة قمع تانية وخاصة بظرف حالة الطوارئ ؟ أيضاً يا صديقي لا تنسى موضوع المادة 8 من الدستور السوري واللي بتقولحزب البعث هو الحزب الحاكم للدولة والمجتمع مع العلم وجود حزب البعث غير دستوري والسبب مافي اي قانون احزاب فكيف المادة 8موجودة ؟؟؟

[FONT=Arial Black]مع العلم انا ليس مع الحكومة انا مع بشار الاسد ام الحكومة للاسف تحمل الكثير من المفسدين والفاسدين[/COLOR] وبالنهاي انا مع معارضين الداخل ومع بشار الاسد




طيب ...مين عم يجيب الحكومة ..مين عم يعين الوزراء و رؤساء مجلس الوزارة...هو الرئيس طبعا ..كيف بكون الرئيس منيح و باقي افراد السلطة سيئين ...بالأساس ..مين وصلو للحكم ...غير هدون الفاسدين و المنظومة المبنية على الفساد ....

مين عم يسجن المعارضين و اصحاب الرأي ....يعني قصدك انو بشار ما الو علم بالشي يلي عم يصير بالبلد ....

ما بعرف ...بس يا ريت توضحلنا وجهة نظرك اكتر

طريقة سلطوية استبدادية معروفة للكل

منسجن كل المعارضين او اصحاب الرأي ..منسجن كل المنتقدين ..منمنع ظهور احزاب ..و منحظر نشاطها ..منفرض قانون طوارئ و احكام عرفية بتسمح بتصفية مين ما بدنا ...منمنع شي اسمو اعلام حر ..........


و بعدين ....

اعطونا البديل !!

طيب ...مين عم يجيب الحكومة ..مين عم يعين الوزراء و رؤساء مجلس الوزارة...هو الرئيس طبعا ..كيف بكون الرئيس منيح و باقي افراد السلطة سيئين ...بالأساس ..مين وصلو للحكم ...غير هدون الفاسدين و المنظومة المبنية على الفساد ....

مين عم يسجن المعارضين و اصحاب الرأي ....يعني قصدك انو بشار ما الو علم بالشي يلي عم يصير بالبلد ....

ما بعرف ...بس يا ريت توضحلنا وجهة نظرك اكتر

على فكرة يا حبيب جوابك كافي ووافي لا تعليق بعده
:D:D:D

الى الابد الى الابد ... يابشار الاســــد:clap:

انو ليش مفكرين انو لك واحد قال الحكومة فيها فساد لازم يكون بدو واحد متل فريد الغادري او عبد الحليم خدام انو يعني عبد الحليم خدام من وين طلع

ياشباب الاهم من طرح المشكلة هو ايجاد الحل في كتير من الشباب شغلتو الشاغلة هو اتهام الحكومة السورية بالفساد والخيانة وتصوير بشار الاسد على ان ديكتاتور القرن الواحد والعشرين

شلون ممكن تلاقي الحل اذا بالاول ما حددت المشكلة وين؟؟
بعدين شلون يعني اتهام الحكومة بالفساد والخيانة؟؟ يعني برايك مافي فساد مافي خيانة؟؟
برأيك بشار الاسد مو ديكتاتور, طيب هات لشوف اقنعني انو مو ديكتاتور, بس أرجوك مو بطريقة " عطيني بلد واحد بالعالم رئيسو مو ديكتاتور".


تنويه ((انا ما عم العب دور المحامي عن الحكومة او عن السيد الرئيس بشار الاسد انا عم حاول اطرح مشكلة بموضوعية وبتمنى انو نتناقش بدون اي تجريح ))


مافي موضوعية حبيب, من الواضح انك منحاز لطرف.


مين البديل عن الحكومة الحالية في كتير خيارات متل: المعارضة السورية (( فريد الغادري : رجل معارض ذهب الى اسرائيل للمفاوضات من اجل السلام ومابعرف مين كلفو يروح او من بيمثل وعلى فكرة السيد فريد بحياتو ماعاش بسوريا ))(( الاخوان المسلمين : حركة سياسية قامت بقتل المواطنين السوريين بالهوية ب 1982 وبعمليات تفجيرية ضد الجيش وقوات الامن ( الجيش وقوات الامن يتالف من كل طوائف ومذاهب واديان الشعب السوري) ))((رفعت الاسد : رجل يبحث عن سلطة تم طرده من سوريا بسبب اتجاه العنصري والعمل على انشاء دولة على مزاجو)) (( عبد الحليم خدام : زلمة لم قحطلو بلش يصيح ويتكلم ويصور حالو على انو سوبر مان طبعا كل هالكلام بعد ماطلع برا سوريا لانو جو بيقلب صوص )) (( مجموعة من الاتحادات الحقوقية والانسانية : صوت بيعلا وبينخفض متل البورصة متعلقة بالدولار))


طيب كل هالحكي صح, هات لشوف خلينا ندور على البديل من جوا, وين الاحزاب؟ وين الطبقة السياسية بسوريا؟ وين الاعلام الحر؟ وين الانسان بسوريا؟


شو اسع في معارضين الداخل لهم منا كل الحب والاحترام لانن على اقل تقدير اناس صادقين وبيحبو هالبلد .


معلش تعرفلي مين هني معارض الداخل وتعطيني مثال واحد منن؟
برأيك في شي معارض بالداخل مو بالسجن او مو طالع تازة من السجن؟؟


وبالنهاي انا مع معارضين الداخل ومع بشار الاسد

شلون ظبطت معك هي؟؟

طريقة سلطوية استبدادية معروفة للكل

منسجن كل المعارضين او اصحاب الرأي ..منسجن كل المنتقدين ..منمنع ظهور احزاب ..و منحظر نشاطها ..منفرض قانون طوارئ و احكام عرفية بتسمح بتصفية مين ما بدنا ...منمنع شي اسمو اعلام حر ..........


و بعدين ....

اعطونا البديل !!

كلام على العين و الراس بس بالنهاية مجرد عذر لفشلنا كشعب انو نسعى نحو حريتنا

معقول نحنا ما منستاهل؟ يمكن

انا يلي بعرفو انو اذا الشعب يوما أراد الحياة فلا بد ان يستجيب القدر (صح هالبيت احيانا بينتسب زورا للشاعر أبو القاسم الشابي)

بس نحنا مو عبارة عن شعب واحد.. نحنا عبارة عن قبائل و عائلات و مدن.. مقسمة على بعضها عرقيا و دينيا و طائفيا و لغويا
هيك هوشة من البشر بعمرها ما رح تقدر تنهض كرجل واحد.. نحنا مفرقين كتير للاسف

ممكن نلوم الحكومة لأخطائها.. بس انا برفض بشدة انو نلومها كمان على فشلنا بتحقيق حريتنا

شعوب باقي العالم احسن منا بشو؟ الايرانيين انقلبوا على نظام الشاه و على شوي كانوا رجعوا انقلبوا على النظام الاسلامي
كتير شعوب قدرت تنهض و تغير مصيرها

بس نحنا عنا امراض اجتماعية مستفحلة جدا و تخلف و غباء شديد.. هالشي الحكومة ما إلها علاقة فيه

شلون الفرنسيين الرعاع بيثوروا على نظام ملكي متوحش و متمكن و نحنا متل الخواريف؟ ليش؟ معقول نحنا لهل درجة جبناء و منحب الحياة (على المدى القصير)؟
كيف الايرلنديين قدروا يتحرروا و يحصلوا على دولة من انكلترا؟ انكلترا يا اخوان.. من اقوى دول العالم مخابراتيا

الشي البيخوفني انو لما ترجع لتاريخ سوريا كله.. ما بتلاقي ولا دولة سورية مستقلة. كل عمرنا جزء من دولة تانية او دويلات صغيرة.. و الشعب ما إلو إرادة. كيف ممكن مثلا مجموعة من القبائل العربية تقدر تحتل كل بلاد الشام؟ السريان سمحوا للعرب المسلمين بدخول سوريا و عطوهم مفاتيح دمشق و نصبوهم قادة.. و العرب بعدين عطوا مفاتيح دمشق للمغول.. و الاتراك صاروا خلافة اسلامية ل400 سنة... بقى هل ممكن شي يوم نقبل بفكرة انو نحنا مجرد شعب كسول مادي و خانع؟ و الله الشعب يلي عندو مثل "مين ما بياخد أمي بقلو عمي".. ما بستبعد عنو هيك فكرة

انا شخصيا برفض هالفكرة المتشائمة الكريهة بس ما عندي جواب تاني شافي كافي... و بنفس الوقت برفض اني حط الحق على مجرد كون الحكومة السورية مانعة الاحزاب و حاطة قانون الطوارئ لانو واضح انو في كتير شعوب قدرت تتحرر من ظروف اتعس من هيك بمليون مرة

يعني الحكومة الحالية بكل سيئاتها و عدم كفاءتها .. صارت داخلة بنسيج المجتمع بشكل قوي و متل ما قلت بمشاركة سابقة إلي.. ما عادت جسم غريب فيك تفرق بينو و بين الشعب.. التداخل قوي جدا و يلي بينكر هالشي بيكون عايش بالوهم



اذا بدي اشطح شوي بخيالي و فكر بالحل.. فالحل الوحيد هو عن طريق الثقافة و التعليم و ترك العادات الدينية العرقية البالية.. يعني انو فجأة نفيق شي يوم نلاقي السوري صار سوري فقط.. و مو سوري سني او علوي او كردي او مسيحي.. ما بقى في ابن ضيعة و ابن مدينة و شامي اصلي من جوات السور و شامي تقليد من برات السور.. الكل متساوي و الكل شايف نفس الهدف.. وقتها هه.. في أمل

هالشي بيتطلب صحوة داخلية و مواجهة لنقاط ضعفنا الحقيقية.. بتطلب انو المثقف السوري اول شي يعرف المشكلة الحقيقية و يبطل يحط الحق على الحكومة و "النظام".. هالشبح الشفاف الغير موجود.. بس نعرف المشكلة و نقدر نكتب عنها و نقدر نوعي الشب.. يمكن شي يوم نشم ريحة جمهورية سورية مستقلة و برلمان حقيقي و ديمقراطية

و بالنهاية بحب قول لعنصر المخابرات يلي عم يتابع النص انو منحــــبك و انا مجرد ناقل لرأي صديقي يلي قاعد جنبي و اسمو الثلاثي جاك عدنان حوراني تولد السويداء 1982 حنطي البشرة بني الشعر.. انا مااااااا دخلني :lol:

كلام على العين و الراس بس بالنهاية مجرد عذر لفشلنا كشعب انو نسعى نحو حريتنا

معقول نحنا ما منستاهل؟ يمكن

انا يلي بعرفو انو اذا الشعب يوما أراد الحياة فلا بد ان يستجيب القدر (صح هالبيت احيانا بينتسب زورا للشاعر أبو القاسم الشابي)

بس نحنا مو عبارة عن شعب واحد.. نحنا عبارة عن قبائل و عائلات و مدن.. مقسمة على بعضها عرقيا و دينيا و طائفيا و لغويا
هيك هوشة من البشر بعمرها ما رح تقدر تنهض كرجل واحد.. نحنا مفرقين كتير للاسف

ممكن نلوم الحكومة لأخطائها.. بس انا برفض بشدة انو نلومها كمان على فشلنا بتحقيق حريتنا

شعوب باقي العالم احسن منا بشو؟ الايرانيين انقلبوا على نظام الشاه و على شوي كانوا رجعوا انقلبوا على النظام الاسلامي
كتير شعوب قدرت تنهض و تغير مصيرها

بس نحنا عنا امراض اجتماعية مستفحلة جدا و تخلف و غباء شديد.. هالشي الحكومة ما إلها علاقة فيه

شلون الفرنسيين الرعاع بيثوروا على نظام ملكي متوحش و متمكن و نحنا متل الخواريف؟ ليش؟ معقول نحنا لهل درجة جبناء و منحب الحياة (على المدى القصير)؟
كيف الايرلنديين قدروا يتحرروا و يحصلوا على دولة من انكلترا؟ انكلترا يا اخوان.. من اقوى دول العالم مخابراتيا

الشي البيخوفني انو لما ترجع لتاريخ سوريا كله.. ما بتلاقي ولا دولة سورية مستقلة. كل عمرنا جزء من دولة تانية او دويلات صغيرة.. و الشعب ما إلو إرادة. كيف ممكن مثلا مجموعة من القبائل العربية تقدر تحتل كل بلاد الشام؟ السريان سمحوا للعرب المسلمين بدخول سوريا و عطوهم مفاتيح دمشق و نصبوهم قادة.. و العرب بعدين عطوا مفاتيح دمشق للمغول.. و الاتراك صاروا خلافة اسلامية ل400 سنة... بقى هل ممكن شي يوم نقبل بفكرة انو نحنا مجرد شعب كسول مادي و خانع؟ و الله الشعب يلي عندو مثل "مين ما بياخد أمي بقلو عمي".. ما بستبعد عنو هيك فكرة

انا شخصيا برفض هالفكرة المتشائمة الكريهة بس ما عندي جواب تاني شافي كافي... و بنفس الوقت برفض اني حط الحق على مجرد كون الحكومة السورية مانعة الاحزاب و حاطة قانون الطوارئ لانو واضح انو في كتير شعوب قدرت تتحرر من ظروف اتعس من هيك بمليون مرة

يعني الحكومة الحالية بكل سيئاتها و عدم كفاءتها .. صارت داخلة بنسيج المجتمع بشكل قوي و متل ما قلت بمشاركة سابقة إلي.. ما عادت جسم غريب فيك تفرق بينو و بين الشعب.. التداخل قوي جدا و يلي بينكر هالشي بيكون عايش بالوهم



اذا بدي اشطح شوي بخيالي و فكر بالحل.. فالحل الوحيد هو عن طريق الثقافة و التعليم و ترك العادات الدينية العرقية البالية.. يعني انو فجأة نفيق شي يوم نلاقي السوري صار سوري فقط.. و مو سوري سني او علوي او كردي او مسيحي.. ما بقى في ابن ضيعة و ابن مدينة و شامي اصلي من جوات السور و شامي تقليد من برات السور.. الكل متساوي و الكل شايف نفس الهدف.. وقتها هه.. في أمل

هالشي بيتطلب صحوة داخلية و مواجهة لنقاط ضعفنا الحقيقية.. بتطلب انو المثقف السوري اول شي يعرف المشكلة الحقيقية و يبطل يحط الحق على الحكومة و "النظام".. هالشبح الشفاف الغير موجود.. بس نعرف المشكلة و نقدر نكتب عنها و نقدر نوعي الشب.. يمكن شي يوم نشم ريحة جمهورية سورية مستقلة و برلمان حقيقي و ديمقراطية

و بالنهاية بحب قول لعنصر المخابرات يلي عم يتابع النص انو منحــــبك و انا مجرد ناقل لرأي صديقي يلي قاعد جنبي و اسمو الثلاثي جاك عدنان حوراني تولد السويداء 1982 حنطي البشرة بني الشعر.. انا مااااااا دخلني :lol:

معك حق ....كل الظواهر هي معروفة ...يعني من لكنتو للشخص منعرف من اي مدينة و من لبسو منعرف من اي حارة و من تدويرة راسو منعرف شو دينو ....الكلام هاد ما في خلاف عليه ...

بس انو السلطة بسوريا غير مسؤولة عن ترسيخ الطائفية و القبائلية ...هون بدي اختلف مع صديقك حوراني ...

اهم ورقة بأيد الديكتاتور ..هي الأنقسامات الداخلية و زيادة الحساسيات بين الطوائف ....يعني متل مو ابليس هو افضل صديق ل الله لأنو مشالو شغلو طول السنيين الماضية ....كمان الطائفية و الأنقسام افضل صديق للديكتاتور ..تخويف الشعب من بعضو ..و من المستقبل كان همو الأول و الأخير للأستمرار عالكرسي ...

و في نقطة كمان ...

من مية سنة لهلئ ...الأنظمة اديكتاتورية اتصفّت بكافة الطرق ..و ما تبقى منها لهلئ ..هو اخبثا على الأطلاق ..مو لأنو الشعب مريض و بس ...لأ ..لأنو صار عندو مقاومة رهيبة للتغيير ..

طيب انا عنجد هادا السؤال ببالي من زمن ..

وما حبيت افتح موضوع مشانو لأني ما عرفت شو بدي احكي ..

هلأ سؤال .. شو عندك بديل ..

من هالبدلاء الموجودة ..

اللي حابب وصّل فكرتو .. انو عندك معارضين .. ما عندك معارضة ..

يعني اخي على عيني وراسي .. في شباب معارضة بيحكو حكي موزون .. وبينسمع ..

بس كمان عندك احزاب معارضة .. مالا علاقة بالله اللي خلق المعارضة ..

يعني بدال حزب البعث .. مين بدّك ؟

* بتمنى انو ما حدا ياخد ردّي كأنو تهكّم .. لأنو انا شوي معلوماتي ضعيفة سياسيا ..
وبتمنى انو الشباب يشرحولي وجهة نظرن بشكل جدّي .. " يعني انا ماني مع طرف معيّن .. انا مع سوريا .. يعني متابع .. بس حابب يتنوّر .. لا اكتر ولا اقل "

اول شي ....خلينا نتفق انو لما منقول ما في بديل ,,فهدا يعني انو سوريا ما فيها شعب !

و خلينا كمان نتفق على نقطة تانية ....كمان ....اذا البديل القوي غير متواجد حاليا ..فهدا ما بيعني انو عملية التغيير غير ضرورية .

....

هلئ و من وجهة نظري

لما ما بلاقي في بديل بالمشهد السياسي بسوريا ...هاد الشي ما بيجعلني اقتنع بصوابية النظام و شرعية بقاؤو ..

كمان ...قناعاتي و مبادئي ...هي الشي الوحيد يلي ما الها بديل ..لهيك اذا ما انوجد مين ماشي على قناعاتي ( اعلاميا ..) ما يعني انو لازم بيعها ...

قناعتي ....انو كل لحظة عم تمر بسوريا بظل النظام هاد ,,,بلدنا عم تمرض بزيادة ..و عندي ايمان كبير انو معظم الشباب السوري بيأمن بالشي هاد كمان ..لهيك ما بشوف انو في خوف بموضوع البديل ...

المشكلة الوحيدة ..هي الألية يلي رح يظهر من خلالها البديل ...و يلي النظام عم يكرس كل قوتو ليعطلها ......للأبد

على اي حال ..بدون سجالات . بمجرد اذا منتفق على اول امرين يلي زكرتون ببداية الرد ...منكون ...قطعنا شوط كبير ,,,جدا ...بعملية خلق البديل

معك حق ....كل الظواهر هي معروفة ...يعني من لكنتو للشخص منعرف من اي مدينة و من لبسو منعرف من اي حارة و من تدويرة راسو منعرف شو دينو ....الكلام هاد ما في خلاف عليه ...

بس انو السلطة بسوريا غير مسؤولة عن ترسيخ الطائفية و القبائلية ...هون بدي اختلف مع صديقك حوراني ...

اهم ورقة بأيد الديكتاتور ..هي الأنقسامات الداخلية و زيادة الحساسيات بين الطوائف ....يعني متل مو ابليس هو افضل صديق ل الله لأنو مشالو شغلو طول السنيين الماضية ....كمان الطائفية و الأنقسام افضل صديق للديكتاتور ..تخويف الشعب من بعضو ..و من المستقبل كان همو الأول و الأخير للأستمرار عالكرسي ...

و في نقطة كمان ...

من مية سنة لهلئ ...الأنظمة اديكتاتورية اتصفّت بكافة الطرق ..و ما تبقى منها لهلئ ..هو اخبثا على الأطلاق ..مو لأنو الشعب مريض و بس ...لأ ..لأنو صار عندو مقاومة رهيبة للتغيير ..

يعني مثلا سوريا و اسرائيل و مصر و الفلسطينيين و غيرهم هني سبب الحرب الاهلية اللبنانية و سبب استمرار التفرقة و الطائفية بلبنان؟

يا عزيزي.. نحنا عنا القابلية للطائفية و القبلية و المناطقية.. الانظمة العربية و الجهات الاجنبية عليها بس تنفخ شوي و تحركش.. الباقي علينا

بيضل بالنهاية الحق علينا لاننا منعطي المجال لأي كائن كان انهم يستغلونا و يعملوا تفرقة

و انا بقلك.. حتى لو كان يا سيدي 100 بالمية الحق على جهات خارجية. يعني الشعب بريء.. بس الحكومة هيي يلي عم تخلق و تغذي الطائفية.. انا بشوف انو ضروري نحنا نحط حالنا تحت الأمر الواقع و نتعامل مع هي المشاكل اول.. و على انها جزء مننا.. بدل ما نطمر راسنا بالتراب و نقول هي الانظمة الديكتاتورية

يعني انا ما بظن انو هالظواهر معروفة ابدا, تعقيبا على اول جملة بردك, لانو لو هيك فالمفروض شعبنا يترك هالاساليب و الاتجاهات.. بس كل واحد شايف جماعتو هني الصح و شايف سوريا بوجهة نظر مختلفة

انا رأيي انو قبل ما نطمح لنغير الوضع السياسي (يلي على الاقل هلق راكز و مستقر) ... اننا نحاول ننهض بالانسان السوري و نشفي حالنا من الامراض و العقد الاجتماعية و الدينية

انا فعلا رأيي انو نغير اسلوبنا 180 درجة و نبتعد عن كل الطرح يلي بيتعاطى مع الحكومة و النظام و مشاكلهم و فسادهم. لانو الفساد موجود بكل الهرم من القاعدة لقمة الرأس.. بقى مافي أمل بالحكي و الحكي بس رح يملل و ينفر العالم... بينما الحقيقة انو اسئلة متل شو يعني سوريا و سوري و شو عدد و تمثيل الطوائف بسوريا و مين انظلم و مين ظلم و مين لازم يتصالح مع مين إلخ إلخ.. كل هالاسئلة هي هيي الاسئلة السورية الصعبة يلي نحنا عم نحاول نطنشها و نهرب منها

قبل ما نتصالح مع انفسنا كشعب و نغطي كل النقاط بتاريخنا يلي مخباية و مدفونة بالتراب.. ما رح نقدر نمشي خطوة لقدام

و انا عم احكي بشكل اساسي عن تاريخ الصراعات الدينية يلي هيي اساس للديمغرافية السورية الحالية.. اضطهاد العلويين.. اضطهاد مسيحيي المدن و سريان الجزيرة و المجازر يلي صارت.. في كتير شغلات.. القوانين الغير صالحة و متكافئة.. يعني في نقاط بالتاريخ لازم نمرق عليها بشكل واعي و نبلش من جديد لحتى نقدر نعمل دولة... غير هيك كل طرف رح يضل حامل بقلبو و ما رح نقدر نتصالح مع انفسنا و نكوّن شعب واحد و فكر واحد

اول شي ....خلينا نتفق انو لما منقول ما في بديل ,,فهدا يعني انو سوريا ما فيها شعب !

اوكي .. بس هادا النظام من الشعب السوري .. ما جاي من فنزويلا مثلا ..
انا معك .. في بديل .. وهادا الشي بينقلنا للنقطة التانية


خلينا كمان نتفق على نقطة تانية ....كمان ....اذا البديل القوي غير متواجد حاليا ..فهدا ما بيعني انو عملية التغيير غير ضرورية

طيب هون انا معك .. مية بالمية يا سيدنا ..


لما ما بلاقي في بديل بالمشهد السياسي بسوريا ...هاد الشي ما بيجعلني اقتنع بصوابية النظام و شرعية بقاؤو ..

من وجهة نظر معارضة .. هادا الحكي صح .. ونفس النقطة الاولى ..

المشكلة الوحيدة ..هي الألية يلي رح يظهر من خلالها البديل ...و يلي النظام عم يكرس كل قوتو ليعطلها ......للأبد
اوكي .. مشيت معك ..
وبرأيك انو ما شي طبيعي .. اي " نظام " عمرو 40 سنة .. ما يكون رسّخ حالو .. ان ما كان بالمبادىء وبتحسين وضع البلد .. فا عسكريا وترهيبيا ..
طيب هلأ .. شو الاليات .. هات لنشوف ؟
هالاليات .. بتضمن انو ما يستغلا اطراف كتيرة .. ممكن تعيشنا بفترة ابشع من فترة " النظام الحالي "

انا طبعا ما عم بشتغل على المبدأ الدارج .. انو . يلا احسن الموجود ..

لهيك ما بشوف انو في خوف بموضوع البديل ...

في خوف .. وخوف كبير .. كمان

Joe
انا رأيي انو قبل ما نطمح لنغير الوضع السياسي (يلي على الاقل هلق راكز و مستقر) ... اننا نحاول ننهض بالانسان السوري


طيب ...ولما بكون العمل على مستوى القاعدة من المحرمات بسوريا ..شو فيني انا غيّر بالقاعدة اذا الراس عم يراقب من فوق ليتأكد انو ما في تغيير بالقاعدة ..
الكلام هاد بيذكرني بتشبيه ..بالفعل انو نحنا عم نعيشو تماما ...مريض لوكيميا بالمرحلة الرابعة قاعد على سريرو بالمشفى ..و كل العلاج محصور على تخفيف الأثار الناتجة عن المرض ...المريض بيخف احساسو بالألم .و حالتو بتستقر فترة ..بس الشي هاد ما بيمنع انو يموت ..لأنو ما قدرو يعالجو الخلايا السرطانية بالأساس ...يعني ..المطلوب مننا بسوريا معالجة الأثار السلبية للنظام السوري على مجتمعنا من دون المساس بالنظام نفسو !...لأ ,,,النظام السرطاني هاد رح يتمكن بالأخير و يقتل البلد و يقتل حالو بالنهاية ...( جيرانا ببلاد الرافدين كانت عندن تجربة ملفتة )

الطائفية بتزيد وقت منشوف انو مؤسّساتنا و جيشنا و اجهزة الأمن كلها فيها عدم توازن طائفي ..لهيك ,,المستفيد و المتضرر بدو يفكر بطائفية .

Joe انا متلك تماما ...او حتى متطرف اكتر منك بالنقطة هي ..لأنو من منطلق تاريخي************************************** ******************بس خلص شو بدنا نعمل ,,صارت واقع ,,,فخلينا نعمل منها دولة حقيقية و ننسى دويلات الماضي و خلافات الماضي ...و يا عمي ..الماضي القريب قبل البعيد ...و حاجتنا مصطلحات متل شعب ميت ..او شعب جحش ...او شعب مدعوس على راسو ..او شعب طائفي ..

بعرف انو كلامي لهلئ نظري ..بس فكرة اخيرة اذا بيوسعلها صدرك

يا سيدي ولو كان كلامك صحيح مية بالمية ..و انو المشكلة من الشعب ما من النظام ..بس انا بدي ابقى مقتنع انو المشكلة من النظم بتعرف ليش ..لأنو لما بفكر انو المشكلة من النظام ,,بشوف انو في امل سوريا تصير دولة بعد ما يروح النظم هاد ,,,,,بس لما بتكون المشكلة من الشعب ....بشو بدك تصلّح برب الشعب حتى تصلّح ,,يعني هيك بكون ما في امل ابدا ..ابدا

اوكي .. بس هادا النظام من الشعب السوري .. ما جاي من فنزويلا مثلا ..
انا معك .. في بديل .. وهادا الشي بينقلنا للنقطة التانية


طيب هون انا معك .. مية بالمية يا سيدنا ..


من وجهة نظر معارضة .. هادا الحكي صح .. ونفس النقطة الاولى ..


اوكي .. مشيت معك ..
وبرأيك انو ما شي طبيعي .. اي " نظام " عمرو 40 سنة .. ما يكون رسّخ حالو .. ان ما كان بالمبادىء وبتحسين وضع البلد .. فا عسكريا وترهيبيا ..
طيب هلأ .. شو الاليات .. هات لنشوف ؟
هالاليات .. بتضمن انو ما يستغلا اطراف كتيرة .. ممكن تعيشنا بفترة ابشع من فترة " النظام الحالي "

انا طبعا ما عم بشتغل على المبدأ الدارج .. انو . يلا احسن الموجود ..



في خوف .. وخوف كبير .. كمان
حلو كتير لأنو ما في اختلاف مبدئي ...

مشان الأليات هي بدها نقاش طويل كتيير ...بس بدي اذكر قصة صغيرة و بكرا برجع بكفي لأني ما بقى قادر شوف بعيوني من النعس ...

ببلغاريا من كام عقد لما كانت الدولة هنيك غارقة بحكم ديكتاتوري و الديكتاتور كان بمثابة اله كانت الناس تخاف لمجرد شوفتو عالتلفزيون ...يعني متلو متل الحكام الديكتاتوريين بغير دول ....المهم بلا طول سيرة ,,,,خطرت على بال شباب جامعيين انو يحاولو يغيرو من نظرة الناس للديكتاتور " الأله " هاد ....فكل شي ساوه انو بلشو يرسمو صور كاريكاتورية للديكتاتور و يوزعوها لمعارفون يلي هني كمان بدورون بيوزعوها لمعارفون ...هيك ..هيك ...حتى انتشرت الصور بالعاصمة كلها ...و صارت موضوع نكتة يومي لأهل العاصمة هنيك ....حتى بالأخير اتجرؤا انو يقومو بوجه الديكتاتور ...و قدرو انو يأسقطوه بأيدون من دون تدخل خارجي ,,,الكلفة كانت انو في كتير طلاب و صحفيين و حقوقيين و غيرون فقدو حياتون ...بس النتيجة ...انو بلغاريا بأيامنا هي صارت من دول الأتحاد الأوروبي يلي بينحسبلها حساب ,,,و صارت تعطي دروس بالديمقراطية ....

و الفكرة من الأساس بسيطة جدا جدا ....

و الي رجعة

طيب ...ولما بكون العمل على مستوى القاعدة من المحرمات بسوريا ..شو فيني انا غيّر بالقاعدة اذا الراس عم يراقب من فوق ليتأكد انو ما في تغيير بالقاعدة ..



اذا بدك الصراحة.. فتقريبا الفرصة الوحيدة يلي كانت متاحة للتغيير هي كان بزمن وجود الايديولوجيات السياسية و الدينية النشيطة. على الرغم من رفضي لهيك اسلوب بإدارة الحياة السياسية.. يعني انا برفض الشيوعية و القومية و الدينية و كل هالقصص و بشوف انو الدولة لازم تنبنى على اسس مدنية انسانية اقتصادية.. بس الواقع انو الايديولوجيات السياسية و الدينية هيي الوحيدة يلي قادرة تعمل تغيير.. لانو الناس يلي بيتبعولها هني الوحيدين يلي مستعدين يموتوا مشان افكارهم.. الشيوعيين او القوميين او الاسلاميين مثلا..

بس هدول الافكار كلها صارت مرفوضة هلق من معظم الناس. يعني معظم الناس كبر عقلها و ما بقى تشوف بهالحركات اي اجوبة او حلول.. (بقيان الشق الديني.. يا فرحتي)

و ضيف على هالشي الانفتاح الاقتصادي الحالي. بوجود الانفتاح الاقتصادي الناس بلشت تشتغل و تعرف طعم الحياة و تفوت و تطلع.. الكل عندو موبايل و بيقدر يروح على الانترنت و يروح على مطاعم حلوة.. قارنلي هالظروف بظروف قبل عشرة او عشرين سنة لما كان الانسان لسا لاحق الشيوعية و الاخوان و ما عندو شي يخسرو؟

بقى اذا بتشوفها من هادا المنطلق.. فالوضع الحالي لسا اصعب لإحداث اي تغيير.. صار عندك مصالح و مصاري. و متى صار في مصاري صار في حسابات تانية كتير... ما بقى الواحد مستعد يموت او يخاطر بالاستقرار

الموضوع سيكولوجي عميق جدا و بيستحق الدراسة... مو على العبث بتشوف شعوب اميركا و كندا شعوب باردة جدا و شبه سليبة الارادة.. ما بيعرفوا شي بيلي عم يصير و ما حدا مستعد يعمل اي شيء لصالح نفسو.. لانهم شعوب عم تشتغل 40 ساعة بالاسبوع و منها شي 3 ساعات متوسطيا باليوم ركض على التسوق و التنقل من البيت للشغل و نقل الاولاد... الحياة السريعة دبحتهم
يا رجل صار اضراب لنظام الباصات عندنا بالعاصمة الكندية و استمر حوالي الشهرين بعز موسم الامتحانات و الثلج.. و ما حدا تحرك مع انو العاصمة انشلت.. و ليكو المحافظ ابن الكلب لساته بالمنصب و المسؤولين تبع شركة الباصات بنفس المنصب و كلشي رجع طبيعي... لو هالشي يا شريك صاير بأوروبا (محل ما في بطالة!!) كنت شفت الموضوع محلول خلال اول اسبوع او المحافظ مستقيل لانو مو قدران يحل الازمة

بقى نحنا هلق بلشنا نروح تجاه هي الحالة من الركض و الركض للشغل.. + ضيف عليها انو ما عندنا الوعي السياسي و الانساني و الثقافي تبع الانسان الاوروبي

يعني عنا كل سلبيات العالم الغربي و لا وحدة من ايجابياتو... الايجابيات الوحيدة يلي عنا ياها بمجتمعنا هي الروابط الاسرية و هي بهيك وضع ما بتساعد بل على العكس بتعيق لانها بتغذي الطائفية و المناطقية

بقى هل رح تنحل؟ ماني شايف ديناميكية معقولة الا بتدخل خارجي .. و انا برفض هالشي اول واحد

بقى لحين ما يصير الشعب قدها و ينهض بحالو ما رح يكون في حل (و هالشي مانو مستحيل.. يلي حابب يتعلم و يثقف بيقدر. شوف ايام العثمانيين و كل التتريك و ضلت اللغة العربية صامدة بفعل ارادة الناس.. وين راحت هالارادة هلق؟).. و فعلا من الاحسن اننا نوفر على انفسنا كلام عن الديكتاتورية و الفساد و إلخ إلخ إلخ لانو ما رح ياخدنا لمحل إلا لعند بيت خالتنا

سلامات :D

حلو كتيير ..

اول شي خليني ذكّر بالأنتخابات الديمقراطية الأربعة يلي صارت بسوريا من بعد الأستقلال حتى وقت المملكة البعثية 1947 - 1950-1954-1962

بجميعها ..شاركت فيها الشيوعيين و الأسلاميين ..و التاريخ بيذكر انو بجميعها ما تمكنو من انو يحصلو على نتائج مرضية ,,و الطرفين اتقبل النتائج بأريحية و ما انذكر خلال السنيين هي كلها انو الطرفين هدون قاموا بشي لعرقلة الحياة الديمقراطية بهداك الوقت ...
اما شيطنة الأخوان و الشيوعيين فكان نتاج عمل بعثي مضني لأزاحة جميع اللاعبيين السياسيين بسوريا خصوصا بعد ما البعثيين صفّو نفسون بنفسون ,,, مع اني غير مسلم ..و ابعد ما يكون عن الشيوعية ..بس كلمة حق تُقال عن الطرفين انو تاريخون بممارسة الديمقراطية ...اشرف بمية مرة من تاريخ البعث ...يلي ما بيعترف غير انو هو القائد للدولة و المجتمع بأي طريقة ....من النقطة هي ..انا ما بشوف اي مشكلة بعودة الشيوعيين او الأخوان لممارسة الحياة السياسية بسوريا و يكونو جزء من البديل المرتقب لحزب البعث الديكتاتوري ....لأنو متأكد ,,,و لو كنت ملحد ...الأخوان ما رح يظلموني متل البعث ...و لو كنت ليبرالي متأثر بفكر الغرب لدرجة كبيرة ,,الشيوعيين ما رح يظلموني كمان متل البعث ...ولو انو متل ما قلت انو الشيوعيين انحسرو ...معلش خلينا نعتبر اليساريين هني جزء من الشيوعية ..و انو كمان قادرين يلعبو دور ايجابي بسوريا ...بمرحلة بعد البعث خصوصا انا بأمن انو سطوع نجمون بعد زوال البعث ( رح يكون مؤقت جدا لوقت ما بتتبلور عقلية سورية حديثة بتجيب افكار جديدة ).


اما في ما يخص تغير نمط الحياة بسوريا و سرعة الحياة يلي كل مالها عم تزيد و عم تجعل الشخص مشغول اكتر و اكتر و مربط اكتر ..

الكلام هاد صحيح بأمريكا و أوروبا والدول الرأسمالية او الصناعية الكبيرة ..بس بسوريا ,,,,بشك بالشي هاد ...معظم الشباب عاطل عن العمل ...او موظف بروح بوقع حضور و بيرجع ...!! فأي نمط حياة سريع بتقصد ! ...اليوم في تقرير قرأتو بقول انو سوريا و مصر هني اقل الدول ترتيب على مستوى الدخل الفردي ... بظن انو يمكن بتقصد بدولة متل سوريا الموا طنيين فيها مشغوليين بتأمين لقمة الخبز يلي المسؤول عم يشيلها من تمّون و ياكلها ,,بس ليبقى شعب جوعان ...و ما قادر يفكر غير بشو بدو ياكل بكرا !..


.اما موضوع الأنفتاح عن طريق الموبايل و الأنترنت و غير ..بشوفها فرصة ايجابية جدا ...و الدليل ,,,انو انا و انت هلئ عم نحكي بمواضيع بأيام التمانينات ما كانو حتى اقرب الأصدقاء يسترجو انو يتكلمو مع بعض فيها...مع العلم انو انا بدولة و انت بدولة ......

Joe للمرة التالتة بقلك انو كلامك صح و ما عليه خلاف ...بس النقطة الوحيدة ...هي انو نظامنا شيطن الكل ...و افسد كل شي ,,,و بدل ما يعالج الأمراض زادها اكتر و اكتر ...فمن باب اولى ...انو نشوف على الأقل وسيلة ل لجم النظام اذا ما قدرنا نزيلو ....

اسف اذا نسيت قدملك هي :D

بظن انو يمكن بتقصد بدولة متل سوريا الموا طنيين فيها مشغوليين بتأمين لقمة الخبز يلي المسؤول عم يشيلها من تمّون و ياكلها ,,بس ليبقى شعب جوعان ...و ما قادر يفكر غير بشو بدو ياكل بكرا !..




يس


بس بخصوص انك مؤمن انو الشيوعيين في حال اجوا ما رح يظلموك و الاسلاميين كمان و انهم ديمقراطيين.. يعني وين الدليل؟ ما بعرف على ايا اساس انت متأكد كل هالقد
i think this is called wishful thinking since you are so tired of the current regime and you think.. what can be worse! bu surely there can be much worse scenarios 

كل الادلة بتدل على انو هي الانظمة عندها استعدادية رهيبة لتكون انظمة ديكتاتورية و لسا اكتر من البعث!
هي الانظمة ما صحلها تحكم سوريا لاي فترة طويلة او بشكل كامل لحتى نقدر نعرف كيف رح تتصرف.. بس بيكفي نشوف باقي دول العالم او المنظمات الاسلامية الصغيرة لحتى ناخد فكرة عن شو ممكن ينطرنا
كلامي هادا ما إلو علاقة بشو حزب البعث بيحكي.. هادا عن مجرد ملاحظة بسيطة للتاريخ و دول الجوار

بس شيلك من هالطريقة على يمكن يكونوا كويسين و يمكن يكونوا كخ.. انا شخصيا ما بفضل هيك احزاب و ما بآمن بصحة الفكر الشيوعي بس كمان ضد الرأسمالية البحتة .. يعني خليط بنسب معينة بيكون احسن

شكرا على الحوار المفيد :D

يس


بس بخصوص انك مؤمن انو الشيوعيين في حال اجوا ما رح يظلموك و الاسلاميين كمان و انهم ديمقراطيين.. يعني وين الدليل؟ ما بعرف على ايا اساس انت متأكد كل هالقد
:D


قلتلك انو الطرفين هدون شاركو بأربع انتخابات و الشعب ما هضمون يعني ..بس و لا مرة شفنا انو قامو بشي لزعزعة المسيرة الديمقراطية بهداك الوقت ..و ما صار في تصادم مسلح غير لما ايجا البعث .. كمان قلت ..انو ما في مشكلة اذا شاركو بالحكم لأنو الشي هاد رح يكون مؤقت لبين ما بتظهر افكار و احزاب جديدة على المشهد السوري يلي شخصيا بتوقع فيه انو الليبرالية رح تكون المسيطر على الفكر الحزبي بعد سنيين من المرحلة " الأنتقالية "


i think this is called wishful thinking since you are so tired of the current regime and you think.. what can be worse! bu surely there can be much worse scenarios

From Ur opposite approach -which is masked by Pessimistic Pragmaticism :lol: - we can Start toward Nowhere even if we make It from the scratch ( I mean by this , an attempt isolated from any Political motives ) , as I Told U earlier nothing can be Done to reform the public If there is a malignant Surveillance over every Single move trying to repress it and belittle it to Its max .....Ur right ..I m fed Up with this regime which made my Mother Land nothing but a pile of corruption and Persecution


بس شيلك من هالطريقة على يمكن يكونوا كويسين و يمكن يكونوا كخ.. انا شخصيا ما بفضل هيك احزاب و ما بآمن بصحة الفكر الشيوعي بس كمان ضد الرأسمالية البحتة .. يعني خليط بنسب معينة بيكون احسن


بس الخليط هاد ما رح يجيك على طبق من ذهب ....قبل ما توصلك لازم تمر بمراحل كتير و تتفاعل افكارها مع بعضها ضمن بيئة بتسمح انو يصير متل هيك تفاعل ...ابا بظن انو بالفترة هي ما عندك مانع انو بمرحلة انتقالية يستلم القرود السود البلد..بس يسمحولنا انو نتحرك ,,و نمشي لقدام ,,,لنوصل لمكان بيرضي قناعاتنا

From Ur opposite approach -which is masked by Pessimistic Pragmaticism :lol: -

i like the way u put it :p

بالمناسبة.. بتنصحنا بشي كتاب محترم بيحكي عن وضع الشارع السوري و ليش هيك حالتنا؟ حبذا طبعا كتاب يدعم وجهة نظري :pos:

i like the way u put it :p

بالمناسبة.. بتنصحنا بشي كتاب محترم بيحكي عن وضع الشارع السوري و ليش هيك حالتنا؟ حبذا طبعا كتاب يدعم وجهة نظري :pos:


كتاب بيحكي عن وضع الشارع السوري ....انا ابنصح بال Satanic Bible ل Anton Lavey ..خصوصا الجزء وقت بيذكر اسماء ال Demons يلي عرفتون البشرية ,,,بتشوف انو اكتر من نصّون طلع من الشام :lol: ...هاد بيعطيك فكرة بسيطة انو نحنا ليش هيك صار معنا ...

شيل المزح عجنب ,, كتب بتحكي عن الشارع السوري عنجد ما بعرف .... يمكن لأنو على حسب علمي ما في كتاب بيحكي عن الشارع السوري ..و بيوصل للشارع السوري !

joe و Elephant And Castle حديثكن لبعض كتير عجبني وعلى فكرة بيجيب نتيجة بس بحالة وحدة ازا كان واحد منكون كان الو شان كبير بالدولة السورية او شي مسؤول الو وزنو :pos:... يعني انا عندي امل على ايد بشار انو يصير في شوية عز للمواطن السوري بس بدنا فت خبر للامام اكتر شغلة نص قرن مو كتير مو ! :?
:D لتنيناتكن

ازا كان واحد منكون كان الو شان كبير بالدولة السورية او شي مسؤول الو وزنو :pos:...


اي هادا بيكون انا احححم احم 8-)

شكرا جوفيا :D

i like the way u put it :p

بالمناسبة.. بتنصحنا بشي كتاب محترم بيحكي عن وضع الشارع السوري و ليش هيك حالتنا؟ حبذا طبعا كتاب يدعم وجهة نظري :pos:

أي وأنا كمان من زمان عم دور ع هيك كتاب بس للأسف مالقيت شي، وبيهمني هالموضوع كتير لأنو خناءات المعارضة ونوعية النقد يلي عم نشوفو بشكل عام بعتبرو بعيد كل البعد عن الجوهر، ويلي هوي المواطن السوري!...

بس فيني انصحك تروح عأقرب جامعة بمنطقتك بتدرّس Arabistic Studies بلكي بتلاقي بالأرشيف كم رسالة ماجستير عن المجتمع السوري! انت وحظك..
حلو أحياناً إذا الواحد بيسمع آراء التانيين بمجتمعنا خصوصاً إذا كانت موضوعية. يمكن تشوف أشياء ما تعجبك وتكون تهكمية تهجمية بتقرّف أو ماشابه، واحتمال تشوف منون كاتبين رسالة ماجستير كاملة عن التسامح الديني وانعدام الطائفية بسوريا:lol:
واذا كان حظّك حلو بتلاقيلك شي حدا كاتب بطريقة موضوعيّة ومحلّل المجتمع السوري من كل نواحيه بصيغة أكاديمية رائعة وكأنو عايش طول عمرو بهالبلد..

آسف لأني طلعت عن الموضوع وبشكرك وبشكر فيلنا العزيز عالحوار الرائع...

LiOnHeArT.3LA2
طيب هلأ .. شو الاليات .. هات لنشوف ؟
هالاليات .. بتضمن انو ما يستغلا اطراف كتيرة ..


عنجد الواحد بيحس بالقهر وقت بيجي ليجاوب على سؤال بديهي بس بيشوف انو الجواب البديهي غير ممكن ..

الجواب البديهي لسؤالك عن ألية التغيير ,,,,هو صندوق الأنتخابات .....صندوق الأنتخابات يلي السوري كان بيعرفو مزبوط ....قبل ما تسمع نصف دول اوروبا بالمصطلح هاد !! ...اكيد بقصد فترة الأربعينات و الخمسينات ..الفترة الديمقراطية بسوريا يلي تخللها بعض الأنقلابات العسكرية ...بس كانت تجربة ممتازة ..و كان من الممكن البناء عليها ,,, لك حتى بالتلاتينات ايام الأنتداب ...صارت انتخابات نيابية و رئاسية ديمقراطية ...انتخابات افرزت عن مجلس نيابي رفض الخضوع للمحتل و فضل الموت بمكانو ....

الشي البشع بالصورة هي ....انو الجواب البديهي يلي كان من الممكن جاوبك ياه بكل بديهية من تمانين سنة ...اليوم و بعد تقريبا عقد من بداية الألفية التالتة بشوف انو ما فيني جاوبك ياه ,,,لأنو بالفعل اذا ذكرتلك شي اسمو صندوق انتخابات ...رح تضحك و تاخدها ك نكتة بأحسن الأحوال ....


بس يمكن اذا بعمل فلاش باك لورا اكتر من تمانين سنة ..ممكن احصل على جواب ... بواحد من كتب الكواكبي ايام الأحتلال العثماني ...او بوحدة من مقالات كتابنا السوريين بأوائل الصحف العربية يلي كانو يطبعوها من القاهرة ...او بقصيدة لواحد من شعرائنا بالمجهر ....من القرن قبل الماضي !

بظن صديقي قلب الأسد بتعرف مظبوط شو الجواب يلي ممكن ناخدو من المذكورين هدون ...

عمليا ..و بعيد عن الكلام النظري ...ممكن نحكي بمئات الخطوات ..لنوصل للألية الصح

اذا بتحب ...و لأنو نقاش طويل ..و لأنو ما بعرف اذا صاحب الموضوع رح ينزعج لأنو غيرنا فكرة الموضوع ....

منفتح موضوع جديد ...و خلينا كلنا نشوف شو هي اليات التغيير الممكنة بواقعنا السوري بالفترة هي

اذا مهتم طبعا



و شكرا

بالزمانات هتلر ما قدر يبني المانيا غير بعد ما نسق شعبها و الإدارة اللي فيها و حمس شبابها
بلادنا غير هيك ما بتصير لانو لا يصلح العطار ما خرب الزمن:frown:

يعني العقول اللي متنحة عا فكرها و متحجرة ادمغتها على تخلفها و رجعيتها ما رح تتغير الا بطريقتين اما سياسة اليد الحديدية او الإبادة و هاد الحل الجذري و الأفضل بجوز قاسي شوي بس فعال و بحل المشكلة من أساسها

يعني اذا ما تنسقنا بزمان عمرنا ما رح نصير يا انو بدنا نستنى سلم التطور الطبيعي:pos: