نقلاً عن موقع النشرة الإلكتروني:
شن رئيس "اللقاء الديمقراطي" النائب وليد جنبلاط هجوما عنيفا على قوى "14 آذار" قائلاً صراحة أنّ التحالف مع هذا الفريق كان بحكم الضرورة ويجب أن لا يستمر.
جنبلاط، وخلال كلمة له في افتتاح الجمعية العمومية لمؤتمر الحزب التقدمي الاشتراكي المنعقد في فندق "بوريفاج"، اعتبر أنّ الانتخابات أفرزت نتاجا طائفيا يجب التخلص منه مستغرباً القول أنّ فريقه انتصر في هذه الانتخابات قائلاً "ننتصر عندما نعطي العمال حقوقهم ننتصر عندما نخرج من اليمين". ولفت جنبلاط إلى أنّ فريقه لم يخض معركة ذات مضمون سياسي بل معركة ذات طابع قَبَلي وأضاف "كل معركتنا كانت قائمة على رفض الآخر من موقع مذهبي وقبلي وسياسي".
وإذ وصف زيارته لواشنطن بـ"النقطة السوداء" متأسفاً لكون البعض أصبح في مرحلة من الركود الفكري، شدّد على وجوب الخروج من هذا الانحياز من هذا الانجرار لليمين والعودة لاصولنا وثوابتنا والى اليسار.
وأشار جنبلاط إلى أنّ عهد الوصاية ولى والجيش السوري انسحب "فكفانا بكاء على الأطلال" داعياً لعلاقات مميزة مع سوريا.
:shock: :shock: :? :? :shock: :shock:

وإذ وصف زيارته لواشنطن بـ"النقطة السوداء" متأسفاً لكون البعض أصبح في مرحلة من الركود الفكري، شدّد على وجوب الخروج من هذا الانحياز من هذا الانجرار لليمين والعودة لاصولنا وثوابتنا والى اليسار.


انو كم نقطة سوداء صار بحياتو هالزلمة, بزمانو بعد انسحاب الجيش السوري من لبنان قال على اساس اعتذر من الشعب السوري لتحالفو السابق مع النظام وهلق عم يعتذر عن تحالفو مع امريكا ضد النظام السوري.

مسخرة, والمسخرة الاكبر هني الناس اللي ماشين ورا ومعتبرينو زعيمن.

لنشوف بهاليومين الجايين شو في تطورات
لانو وليد بيك ما بيكوع لله بالله
تكويعاتو الجذرية غالبا مرتبطة بتغيرات دولية جذرية
وما كتير بيهتم يقدم مبررات
لانو بيعرف انو تابعية شو ما عمل رح يلحقوه
فيعني.... بانتظار الاخبار الجديدة
اي والله يجيرنا

المصيبة أنو تكويعاته غالباً بيجي وراها مصايب، مو لألو طبعاً لأنو عو بيكوع بس يحس بالمصيبة الجاية ليتفاداها، بس بيكون وصل غيره لعند الجورة وهو كوع وتركهن يوقعو فيها

احلى شي من قال نربح الانتخابات من نزيد حقوق العمال !!!

على اساس هو مو يميني مغلق


على كل كثير من الاحزاب اليمينية تدعي اليسارية و الانفتاح :lol:

يعني فوق إنو عامل بيك وبنفس الوقت زعيم الحزب التقدمي الاشتراكي فوق كل هاد متحالف مع القوات والكتايب رب اليمين الأرستقراطي يعني شو بدو يرتي ليرتي؟؟

فتل فتل فتل
انو يعني هالناس كيف بتفتل معو بدي افهم
اكيد مركبين شي بيخليون متل الشطار يفتلو
هالزلمة ما بيخجل ابدا
قطيعة تقطعو

عم استنى العريضي ووائل أبو فاعور يطلعو يدافعو عن سوريا بالفضائيات بكل ما أوتو من قوة :larg:

كأنو معو إنفصام بالشخصية وليد بيك :lol:
مو عرفان شو بدو ضايع

عم استنى العريضي ووائل أبو فاعور يطلعو يدافعو عن سوريا بالفضائيات بكل ما أوتو من قوة :larg:
قولتك مفاتيح بيروت وينا؟:shock::shock::shock::shock:

انو حدا بيعرفلنا هالزلمة قديش التردد عندو

هاد واحد سياسي داهية وبيعرف شو عم يعمل حابب يرجع للحضن الحنون الحضن لطالما هزلو حتى ينام:ss:

من بعد ما دعا الولايات المتدة لاحتلال سوريا بأكتر من مناسبة
انتو ( كشعب سوري ) ... شو شعوركم و انتو عم تشوفوه زاير عاصمتكم .؟

هو أنا ضد تشبيه القطيع . بس بدي أعرف شو وضع القطيع يلي معو :larg:

.
وأشار جنبلاط إلى أنّ عهد الوصاية ولى والجيش السوري انسحب "فكفانا بكاء على الأطلال" داعياً لعلاقات مميزة مع سوريا.
:shock: :shock: :? :? :shock: :shock:
بدي افهم ليش بكل عرس الو قرص هالعرتيلة... شغةل تانية استغربتا معقول واحد متلو بيبكي وعالاطلال :shock:.. مو داخلة لبزرة مخي منوب .. يعني ببساطة كل حركاتو وافعالو هي مساعي اسرائل لتوصل لغاية معينة :jakoush:...


لك بديني كلما بشوفو عالتلفزيون بتزكر كراكوز بقول حرام شبه كراكوز فيه ولله في خلقه اشكال نهفاوية :lol:

من بعد ما دعا الولايات المتدة لاحتلال سوريا بأكتر من مناسبة
انتو ( كشعب سوري ) ... شو شعوركم و انتو عم تشوفوه زاير عاصمتكم .؟
شعوري شديد الشراهة لاسفك دمو ... بس بخطفو وبضل عزب فيه ليهرو سوالفو الباقيين على معجونة مخو يلي ترحم من زمان:lol:... فبضل عم عزبو ولانو ضرب الميت حرام فبضحي فيه اول يوم عيد الشهداء :oops:

والله هاد نهفة هالجنبلاط يعني جنانو بيعطي السياسة شوية كوميديا و يعني هوي شكلو لحالو بيضحك

الله يعين الحاشية اللي وراه يما مسح جوخ لأمريكا و أخر شي زبلتو و ضل متل الأطرش بالزفة ما عرف شو يعمل

فصار يمسح شوخ لحدا تاني:D

بيقولو السياسة هي فن الممكن، بس مع جنبلاط السياسة هي فن المقرف، بس كلشي بلبنان جايز، زعيم طائفي بامتياز وإقطاعي أباً عن جد عم يدافع عن حقوق العمال والفلاحين، وأمير الحرب السابق صار ضمانة السلم الأهلي، بس هو وضح موقفو مبارح، من هلأ وبالرايح بدو يشتغل عالقطعة، كل موضوع بينطرح للتصويت بينزل بالبازار.
أما اللي ماشيين وراه وباعتبار أنن ماشيين بإرادتن الكاملة فبينطبق عليهن القول: كما أنتم يولى عليكم

لنشوف بهاليومين الجايين شو في تطورات
لانو وليد بيك ما بيكوع لله بالله
تكويعاتو الجذرية غالبا مرتبطة بتغيرات دولية جذرية
وما كتير بيهتم يقدم مبررات
لانو بيعرف انو تابعية شو ما عمل رح يلحقوه
فيعني.... بانتظار الاخبار الجديدة
اي والله يجيرنا
اي سونا.. دايما وليد جنبلاط بيشكل البوصلة الليبتخلينا نعرف شو بدو يصير.. او شو ممكن يصير..
أمريكا مبلشة شهر عسل مع سوريا.. وصرنا عازمين اوباما بكلام مبطن كذا مرة وفاتحينلو الطريق لسوريا.. والصلحة مع امريكا معناتا صلحة مع السعودية ومصر والاردن بكرا كلون بيصيرو لعنا شرك ..مرك..
فوليد بيك عم يعمل خط رجعة أحسن ما ينسحب البساط من تحتو..

اليوم رجع جنبلاط تبرأ من جنبلاط تبع أول مبارح :larg:

اليوم رجع جنبلاط تبرأ من جنبلاط تبع أول مبارح :larg:


ليش شو أخر الاخبار ؟

ليش شو أخر الاخبار ؟

حسني مبارك انزعج من تصريحات جنبلاط فبلش اتصالات شرق وغرب، وبعتولو عبد العزيز خوجة، والحريري بطل يحكي معو وبعتلو خبر يا بتكون معي يا بتكون ضدي ما في شي اسمو وسط، فيبدو أنو قرر يرجع يبرم