تع دوّن تع دوّن تع - بلوغ سبوت / ما تمّ منه / [الأرشيـــــف]

Abu ToNi

05/06/2009, 04:36

مرحبا شبيبة :larg:

من فترة طلعلنا حج ياسين بفكرة التدوين وعرفنا على شي اسمه عالم التدوين وكيف بيفتل وكيف بتطلع من الحيطان الفايتة فيك بالموضوع هاد :

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

واللي كان السبب الأساسي لأكتر من 10 أشخاص ليفوتوا بعالم التدوين "بيناتن انا "
- بنصح الكل قبل الفوتة بالموضوع هون قراءة الموضوع تبع ياس بالتفصيل الممل لأن اذا ما فهمت شو هية المدونة ما فينك تعمل شي بالموضوع هون -

وكان في حلم او شبه حلم انه ينعمل شبكة أخوية ( واللي على فكرة بديت تنشأ بشكل أو بآخر .. حالياً في أكتر من 15 مدونة جدا راقيين بمجتمع المدونات السورية أصحابن أعضاء عنا بالأخوية والحلو فيها أنه المدونات كلها بتحسها "أخوية " يعني بحكي عن حالي بأن مدونات الاخويين فيها شي مميز من التفكير أو العرض أو حتى البساطة والمتعة )

ومن فترة كمان طلعتنا الحجة مرسيل بفكرة أنه كل شخص مدون لازم يلعب دور فعال بعالم التدوين ويعرف بقية الشعب على هلعالم الرائع لنتساعد كلنا بتطوير الشي اللي اسمه " مجتمع المدونات السورية "

محسوبكم ما بيطلع بأيده يشجع حدا وما بيطلع بأيده يمسك بأيد حدا ويقطعه السكه .. فانه يعني خطرلي غير طريقة بقدر ساعد فيها الأشخاص اللي فعلا حابين يفوتوا بعالم التدوين ، العالم اللي كتير من اللي بعرفن بيترددوا من الفوتة عليه لأسباب تقنية بحته متل انه ما بيعرف كيف يغير القالب ما بيعرف كيف يدير المدونة تقنيا
فخطرلي انه ليش ما بفيد العالم بهلكام معلومة برمجية اخدتها بالجامعة ؟

لأني تذكرت وقت بلشت اعمل مدونتي لاقيت أكتر شي مشاكل تقنية وكفرته لزين لبين ما مشي حالي وعرفت اشتغل بالمدونة :lol:
فالموضوع هون هوي مخصص لكل شخص حابب يغير بمدونته ( لون الخط الافتراضي - حجم الخط الافتراضي - محاذاة الأحرف بالمدونة-مكان القوائم - حجم القوائم - أبعاد المدونة ككل - حجم الصورة بالبانار الفوقاني -اضافة غنية بتشتغل من المدونة ذاتها - اضافة ألبوم بصور انت بتنقيها - .. الخ من حشكيل المدونات) أو صاير معه مشكلة تقنية وما عم يلاقي الها حل أو حابب ينسف مدونته عن بكرة أبيها ويغير القالب تبعها فأنا جاهز بالخدمة وبتعديل القوالب وتعريبا .

بتمنى أقدر فيدكن على قدر استطاعتي :D

هاموش : بدي حاول كل فترة والتانية الطشلي كام فكرة من النت وجبلكن ياها لحتى جماعة المدونات الماشي وضعن تقنيا يطوروا حالن ويطورا مدوناتن .

Nay

05/06/2009, 17:12

اي الله وايدك..
ياريييت.. انا اول وحدة ابو طوني هااااا.. حجزت الدور.. عندي مشاكل كتير
بس بعد الامتحانات
:D

Sarita

05/06/2009, 18:38

انو من زمان كنت فاتحة Blog وحدة بالعربي ووحدة تانية بالفرنسي
بس مشكلتي اني نسيت اسم المستخدم والباسورد
وما بعرف باي موقع اكزاكتلي
لانو كنت مشغولة ومافضيت حط اللي كتبتو من خواطر
وكمان كسلانة كتيير انا بفضل اكتب ع ورق احسن من الكيبورد
اني واي ميرسي اب طوني شجعتني تأرجع افتح مدونة بعد ما قريت موضوعو لياس مابعرف كيف غفلت عنو

يسلّمن ناطرة الجديد:D

yass

05/06/2009, 19:28

Nay

05/06/2009, 21:30

كلام جميل!

حيو ابو طوني خيّال البلوغ سبوت :gem:

ع سيرة مدوني أخوية... من دواعي الفخر الشديد انو حالياً مدوني أخوية رغم انو ما صرلون زمان و مانون كتار بس متصدرين ضمن التدوين السوري و بقوة
هلأ ياسين في تجمع للأخويين هيك يعني بمعنى تجمع..
ولا عم يصير متل الاتفاق.. يعني الغير منظم..؟؟!!!!!!!

yass

05/06/2009, 23:50

هلأ ياسين في تجمع للأخويين هيك يعني بمعنى تجمع..
ولا عم يصير متل الاتفاق.. يعني الغير منظم..؟؟!!!!!!!

لأ هو مافي تجمّع, بس يعني في مجموعة شباب و صبايا من أخوية ناشطين بحقل التدوين و لامعين جداً, و من دون أي مبالغة عملو ثورة في التدوين السوري من كم شهر و جاي...

saman

06/06/2009, 01:31

انو ابو طوني انتي واعدني تهديني مدونة بس لخلص بكلوريا :pos:
ازا ما بتزبطلي مدونة بلاك اند وايت على كيف كيفك .. بشختك ها :jakoush:

هع هع .. احلى ابو طوني :larg:

butterfly

06/06/2009, 22:47

أي انا كمان سعيدة بالمدونات الأخوية
بحس أني فيها شيء كتير مميز
:gem::gem:

بس بحب أخبركن بكل أسف :cry: أني قررت أنتقل ع الورد بريس

أإأبو العبد

07/06/2009, 01:19

هاموش: كتبت هالرد بهالموضوع قام نط عموضوع تاني:pos:

مابعرف ليش فكرة التدوين مابتستهويني يمكن لانو بدا متابعة مستمرة حاولت اعمل مدونة بس مابعرف ليش على طول مليت

بس سؤال شو الفائدة من التدوين يعني اصحاب المدونات بشو بيحسو وهن عميدونو

وهي لكل اصحاب المدونات////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

Abu ToNi

07/06/2009, 04:47

اي الله وايدك..
ياريييت.. انا اول وحدة ابو طوني هااااا.. حجزت الدور.. عندي مشاكل كتير
بس بعد الامتحانات
:D
لا تاكلي هم امتحاناتي بالعادة باخد كتير استراحات بالدراسة يعني :lol: فبقدر ساعدك باللي بدك ياه
بقولولك دق الحديد وهوي حامي من هلق حطي ايا شي لازمك وابو طونياه بالخدمة :gem:
هلأ ياسين في تجمع للأخويين هيك يعني بمعنى تجمع..
ولا عم يصير متل الاتفاق.. يعني الغير منظم..؟؟!!!!!!!
هوي مانه منتظم بالمرة
الصاير بان الاخويين عندن مدونات بعض وكل واحد ضايف التانيين علقائمة عنده :yahoo:
عقبال ما تصيري معنا بالقائمة :clap:
" على فكرة انا كتير متفائل بمدونتك وبتوقع بدها اتضيف شي جديد كليا على ساحة التدوين :gem::gem: "

انو من زمان كنت فاتحة Blog وحدة بالعربي ووحدة تانية بالفرنسي
بس مشكلتي اني نسيت اسم المستخدم والباسورد
وما بعرف باي موقع اكزاكتلي
لانو كنت مشغولة ومافضيت حط اللي كتبتو من خواطر
وكمان كسلانة كتيير انا بفضل اكتب ع ورق احسن من الكيبورد
اني واي ميرسي اب طوني شجعتني تأرجع افتح مدونة بعد ما قريت موضوعو لياس مابعرف كيف غفلت عنو

يسلّمن ناطرة الجديد:D
الله حيو الحماس ولتفاعل :gem:
علسريع فوتي على
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
وبـ 5 ثواني بتكوني عاملة اشتراك عندن
الاشتراك فيه 3 مراحل
بس تخلصي من المرحلة الاخيرة طيري لهون لقلك كيف بتتعاملي مع المدونة وكيف بتغيري الستايل تبعها :gem:
سعدو يقويكي :D:D

كلام جميل!

حيو ابو طوني خيّال البلوغ سبوت :gem:

ع سيرة مدوني أخوية... من دواعي الفخر الشديد انو حالياً مدوني أخوية رغم انو ما صرلون زمان و مانون كتار بس متصدرين ضمن التدوين السوري و بقوة
الكل بيعرف أنه أبو طوني آخر شخص بالبشرية ببيع حكي وبصف جمل أدبية
ما رح كترن كتير بدي أكتفي بـ " ميرسي الك " :D

انو ابو طوني انتي واعدني تهديني مدونة بس لخلص بكلوريا :pos:
ازا ما بتزبطلي مدونة بلاك اند وايت على كيف كيفك .. بشختك ها :jakoush:

هع هع .. احلى ابو طوني :larg:
ابو طوني ما بتصير كلمته تنتين :frown:
أحلى مدونة لميرو كهدية نجاح
وعندي عرض الك
اذا بتجمع أكتر من 180 بالبكلوريا رح تكون المدونة بدومين مدفوع لمدة سنة:deal:
واذا ما صار هلشي وجمعت أقل بتكون وفرت علينا 10 دولار :larg:
أي انا كمان سعيدة بالمدونات الأخوية
بحس أني فيها شيء كتير مميز
:gem::gem:

بس بحب أخبركن بكل أسف :cry: أني قررت أنتقل ع الورد بريس

ليش ولو :?
اذا مشان الستايل فالبلوغ سبوت بتقدري تركبي عليه ستايلات نفس تبع الوورد بريس 100 %
واذا مشان الحجب فأنتي بالاصل ما عندك مشكلة بهلموضوع فليش يعني هلخطوة هي :frown:
بعد ما تعلموا العالم على صفحتك جاية تفقسي كل الطبخة :jakoush:
هاموش: كتبت هالرد بهالموضوع قام نط عموضوع تاني:pos:

مابعرف ليش فكرة التدوين مابتستهويني يمكن لانو بدا متابعة مستمرة حاولت اعمل مدونة بس مابعرف ليش على طول مليت

بس سؤال شو الفائدة من التدوين يعني اصحاب المدونات بشو بيحسو وهن عميدونو

وهي لكل اصحاب المدونات:D
انا بعرف بان طعم الفريز طيب وبعرف أني حاليا كتير بنبسط وقت بينحط قدامي صحن فريز
بس اني اشرحلك بشو حس وانا عم آكله ما رح اقدر اعمل هلشي لو شو ما كتبتلك
اذا ما انت جربت بنفسك اتذوق فرحتك وقت بتشوف عداد زوار مدونتك عم يزيد .. وقت بتلمس تفاعل العالم مع كلمتك .. وقت بتعرف أن العالم عم تقرالك الأفكار اللي انت عم تكتبا متلك متل أي كاتب كبير بهلأيام .. الشي اللي كتاب الماضي ما حصلوا عليه حتى !!
وقت بتحس انه في عندك بيت صغير انت الرب فيه بتقدر تغييرله ألوان الديكور على كيفك بأي لحظة
أول فترة بتتحول المدونة لهم وانا عشت هلفترة
واللي بفوت على مدونتي بلاحظ بأرشيفي عندي انقطاع تقريباً شهرين كاملين ما كتبت فيهن ولا حرف
حسيت بأن الشغلة فاضية وما الها طعمة وبأن مستحيل مع الأيام تصير مدونتي مستحبة من العالم خصوصا اني ما كنت كاتب ولا مقال من قبل " الا ما ندر طبعاً " وبعرف مسبقا شو وضعي بالكتابة :lol: أو بالاصح كنت بتوقع أني بعرف
نصيحتي الك رجاع عيش مدونتك ودخول أكتر بمجتمع التدوين لأن عنجد مجتمع راقي جدا وفيه متعة مميزة ما بتشوفها بأي محل تاني
:D

هاموش 1: رح انبلش من بكرا بالدورات التعليمية المصورة:gem:
هاموش 2 : شكرا علتثبيت :D

Sarita

07/06/2009, 14:54

الي سؤال اب طوني
انو مدوني اخوية ع شو بيقتصر التدوين تعولون؟
ع خواطر اما مختارات من كتاباتون
لانو جايي ع بالي الّف رواية
وكمان في الي مشكلة بالاسم ما بعرف شو بدي اختار اسم :frown:

satoman

07/06/2009, 15:47

محسوبكم ما بيطلع بأيده يشجع حدا وما بيطلع بأيده يمسك بأيد حدا ويقطعه السكه

لا وسعدو كفو ياأبو طوني كفو

Nay

07/06/2009, 16:39

لا تاكلي هم امتحاناتي بالعادة باخد كتير استراحات بالدراسة يعني :lol: فبقدر ساعدك باللي بدك ياه
بقولولك دق الحديد وهوي حامي من هلق حطي ايا شي لازمك وابو طونياه بالخدمة :gem:

هوي مانه منتظم بالمرة
الصاير بان الاخويين عندن مدونات بعض وكل واحد ضايف التانيين علقائمة عنده :yahoo:
لازم يصير جدي اكتر مو هيك.. لازم يصير دعم لبعض أقوى من هيك.. ويصير لدعم بطريقة مدروسة وممنهجة..لأنو بس اللي بيعرفو بعض هنن اللي بيدعمو بعض يعني اذا ما كنت رفيقي ما بتحط مدونتي عندك بالقايمة
عقبال ما تصيري معنا بالقائمة :clap:
" على فكرة انا كتير متفائل بمدونتك وبتوقع بدها اتضيف شي جديد كليا على ساحة التدوين :gem::gem: "

شكراً ما بعرف ..يمكن انت شفت مدونة زوجي طالب ابراهيم واللي كتير بحاجة لتزبيط تقني
اما انا فقريبا جدا:D

هاموش 1: رح انبلش من بكرا بالدورات التعليمية المصورة:gem:
اي هي الطريقة ممتازة وافضل من السؤال والجواب وكل درس منسألك عليه لوحدو
هاموش 2 : شكرا علتثبيت :D
وانا كمان بشكر التثبيت

i m sam

07/06/2009, 16:48

اذا بتجمع أكتر من 180 بالبكلوريا رح تكون المدونة بدومين مدفوع لمدة سنة////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
واذا ما صار هلشي وجمعت أقل بتكون وفرت علينا 10 دولار ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////السؤال رقم واحد:
كيف بدي اعملها هي انو المدونة مابعرف شو بتتسمى بس انو يكون الرابط باسم مدونتي مو تابع للبلوغ سبوت " متل تبع الحج ياسين يعني " ولمين بدي ادفع وكيف ؟؟ هات مما عندك :D

Abu ToNi

08/06/2009, 04:03

الي سؤال اب طوني
انو مدوني اخوية ع شو بيقتصر التدوين تعولون؟
ع خواطر اما مختارات من كتاباتون
لانو جايي ع بالي الّف رواية
وكمان في الي مشكلة بالاسم ما بعرف شو بدي اختار اسم :frown:
القاعدة الماسية بعالم التدوين انه مافي قواعد للتدوين :lol:
مدونات الأخوية ما بتحمل ايا طابع معين وما الها اي توجهات بحكم أنها مدونات شخصية وتجاوزا سميناها مدونات أخوية على اعتبار انه اصحابها أعضاء بالاخوية بس هلشي ما بيعني ابدا انه في توجه معين
فاللي بدك ياه واللي بتحبي تكتبيه بكون هوي الشي "الصح" اللي لازم تكتبيه
فاذا على بالك تاليف الروايات بكون شي كتير عظيم انك تكوني من القلائل اللي بيكتبوا بشكل متتابع داخل مدوناتن

مشان الأسم عيفيا على الله
طلع علي صيت "النقاق" لان كلما شوف واحد اسئله على شو بدك سمي مدونتي
عمليلك كاسة شاي تقيل "أو عرق اذا ما عندك مشكلة مع الكحول" ومخمخي وشوفي اللي بده يطلع معك
وبكل الأحوال الاسم امتى ما حبيتي تغيريه بيتغير

اذا عملتي مدونتك فوتي على هاد الموقع
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
هاد تجمع للتدوين السوري سجلي مدونتك فيه لأن أغلبية الزوار بيجيوا من هاد الموقع
وبنفس الوقت تصفحي مدونات البقية وأعطي رأيك الصريح بالشي المكتوب فيها
هلشي بيعمل شعبية كتير كبيرة لمدونتك وبعرّف العالم عليها بشكل كتير حلو

اي شي ممكن اخدمك فيه لا تترددي بالسؤال :D
ومبروكة المدونة .. :D:D
لا وسعدو كفو ياأبو طوني كفو
لا تقول فول ليصير بالمدري وين :lol:

لازم يصير جدي اكتر مو هيك.. لازم يصير دعم لبعض أقوى من هيك.. ويصير لدعم بطريقة مدروسة وممنهجة..لأنو بس اللي بيعرفو بعض هنن اللي بيدعمو بعض يعني اذا ما كنت رفيقي ما بتحط مدونتي عندك بالقايمة

شكراً ما بعرف ..يمكن انت شفت مدونة زوجي طالب ابراهيم واللي كتير بحاجة لتزبيط تقني
اما انا فقريبا جدا:D

اي هي الطريقة ممتازة وافضل من السؤال والجواب وكل درس منسألك عليه لوحدو

وانا كمان بشكر التثبيت

بيني وبين هيك حلو الجو الحالي وشخصيا بشوفه بمثالي انه كل واحد بعبر بصفحته عن الشي اللي بيخطرله بصفة فردية .. يعني موضوع فردي بحت ما فيه موانات وما فيه خطوط عريضة
قصص الدعم والمشاركة حسيت فيها بأكتر من مرة خصوصا أول ما فتت على التدوين وقت ما كان حدا يحطلي تعليق على كتاباتي غير شيخنا ياسين :lol: لهيك ضفت هلق هاموشاية بالخط العريض لأخير الرد :D

بصراحة ما عندي ذاكرة قوية بخصوص الاشخاص والاسماء بس على الاغلب فايت على صفحته وقاري شي من كتاباته لأن هاد الاسم ابدا مو غريب عني .. تحياتي الك واله :D
وبرجع بعرض خدمتي لأي شي تقني انا مستعد ساعد بالحلول :D
السؤال رقم واحد:
كيف بدي اعملها هي انو المدونة مابعرف شو بتتسمى بس انو يكون الرابط باسم مدونتي مو تابع للبلوغ سبوت " متل تبع الحج ياسين يعني " ولمين بدي ادفع وكيف ؟؟ هات مما عندك :D
بعد ما بتفوت على موقع البلوغر blogger.com
فوت على
اعدادات --- النشر
بطلع بوجك الصفحة هي
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

متل مانك شايف بالصورة في شي بأول سطر موجود
" تبديل إلى مجال مخصص"
بتنقر عليها بتصل لصفحة اللي بتنقي فيها اللينك اللي بدك تشتريه + بتنقي اللاحقة اللي بدك ياها
net , org, com , info , biz
وبعدها في صندوق بجانب محل اللينك اللي انت اخترته مشان التأكد من امكانية حجز اللينك هاد الك وانه مافي من قبل شخص تاني على الانترنت سبقك وحجزه

من بعد هي الخطوة علمية الشراء روتينية كأي سلعة على النت ، وطبعا القصة كلها بتصير عن طريق الغوغل نفسه
الكلفة 10 دولار أميركي = 500 ليرة سورية لمدة سنة كاملة مدفوعة لمرة واحدة فقط
مشكلة الشراء بتتمحور بتأمين بطاقة الفيزا أو بطاقة المساتر اللي بدك تدفع عن طريقا

انا وقت اشتريت التجأت للمحروسة اختي ببلاد المهجر وشحدنا منها الـ 10 دولار
بس عم يقولوا الشباب انه في بطاقة اسمها كاش-يو cash-u موجودة بسوريا بتقدر عن طريقا تشتري أشيا على النت بدك تشوف أحمد المنسق عنده خبره بهي القصة بالتحديد
انا بعرف أكتر من شخص عنا بالبلد صايرة شغلته هلقصص ( حجز مساحات - شراد لينكات - شراء بضائع ) عن طريق النت ، بحبش علين حوليك الا ما يلتقى واحد منن:D

هاموشاية اقتراح صغير للكل
انه وقت واحد بيعمل مدونة أو بحط سؤال بخصوص مدونته
خليه يحطلنا رابط المدونة تبعه
اللي بده يقول دعاية خليه يقول.. المهم نقدر نتواصل مع البقية ونشارك البعض بالتدوين
وبنفس الوقت نكون على اطلاع على مدونات البقية ونشارك بتشجيع الآخرين على الكتابة عن طريق كتابة آرائنا الموضوعية

:D

Sarita

08/06/2009, 15:07

مشان الأسم عيفيا على الله
طلع علي صيت "النقاق" لان كلما شوف واحد اسئله على شو بدك سمي مدونتي
عمليلك كاسة شاي تقيل "أو عرق اذا ما عندك مشكلة مع الكحول" ومخمخي وشوفي اللي بده يطلع معك
وبكل الأحوال الاسم امتى ما حبيتي تغيريه بيتغير
نقيت اسم ايتس اوكي
ورح سجلها بمجتمع المدونات
انو ايه كاش يو مسجلة انا فيا وفيا امتيازات منيحة بس ما بعرف بعمري ما استعملتا لهلكارد منوب منوب
بس فيك تسجل فيا بالمجان والشغلة منيحة ما فيا اي صعوبات

وهي مدونتي انو حطيت فيا هالزفت التوبيك يعني بس مشان ما تقعد فاضية لانو الالهام ما عاد منيح معي الهيئة بدي كاسة ع قولتك :pos:
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
وين البقيي شكلي لحالي انا بهالدومين

يسلمن اب طوني :D

Nay

08/06/2009, 17:56

t////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
هي المدونة ابو طوني..اول شي ما بعرف ليش عم يطلع عنوان القصة على اليسار
تاني شي بحب انو يكون الخط tahome شو ما كتبت يضل نفسو
وفي مساحات كتير ماالها طعمة طول وعرض وهيك..
شو رأيك

Abu ToNi

09/06/2009, 01:36

نقيت اسم ايتس اوكي
ورح سجلها بمجتمع المدونات
انو ايه كاش يو مسجلة انا فيا وفيا امتيازات منيحة بس ما بعرف بعمري ما استعملتا لهلكارد منوب منوب
بس فيك تسجل فيا بالمجان والشغلة منيحة ما فيا اي صعوبات

وهي مدونتي انو حطيت فيا هالزفت التوبيك يعني بس مشان ما تقعد فاضية لانو الالهام ما عاد منيح معي الهيئة بدي كاسة ع قولتك :pos:
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
وين البقيي شكلي لحالي انا بهالدومين

يسلمن اب طوني :D
شو مشان مشروع اسم المدونة برعّب :sick:
هلق بشحطن للأخويين من دانن وبنزلن لينكات مدوناتن هون :p لا تاكلي هم
t////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
هي المدونة ابو طوني..اول شي ما بعرف ليش عم يطلع عنوان القصة على اليسار
تاني شي بحب انو يكون الخط tahome شو ما كتبت يضل نفسو
وفي مساحات كتير ماالها طعمة طول وعرض وهيك..
شو رأيك
همممممممم
قصة مكان العنوان محلولة وشغلتها كود مألف من سطر واحد .. لأن القالب الافتراضي مصمم لمدونة انكليزية لهيك مفروض على المستخدم العربي يضيف كود المحاذاة تبع اليمين
وتغيير الخط الافتراضي كمان عملية محلولة
حتى تغيير ابعاد المدونة مانها بالشغلة المستحيلة بس بتاكل شغل
وانا عم اتصفح المدونة انتبهت على نموذج التعليق وحسيت فيه شي غلط ولازمه شغل كمان
لهيك برأي حرام تبقى المدونة على القالب الافتراضي تبع البلوغ سبوت وحرام الشغل اللي بدها تاكله على قالبها الافتراضي
ما عم احكي من باب افتراضي او احترافي بس ممكن بحركة بسيطة ( نسخ نص + لصق نص )
تتحول المدونة من النمطية للتميز ويصير الها شكلها الخاص والمميز

تركيب القالب عملية جدا جدا جدا بسيطة
أصعب شغلة فيها هوي اختيار القالب .. من مبدأ إذا بدك تحيرو .. خيرو
الخيارات غير محدودة ومفتوحة الأبعاد ضمن ملايين القوالب المجانية وهلشي بخلي العالم تحتار وتصعب المهمة عليها

المشاركة اللي بعد هي تماما رح حطلك بالصور كيف بيتركب القالب على المدونة ( القصة متل ما قلتلك مجرد عملية نسخ نص + لصق نص .. بس انه بحط شرح تفصيلي للمحل اللي يفترض ينحط فيه النص )
حاليا فوتي على غوغل واعملي بحث على
blogspot template free
بده يطلعلك ملايين المواقع اللي بتعطيكي قوالب مجانية وكل قالب أحلى من التاني
شوفي انت القالب اللي بيعجبك من ناحية الأبعاد + التصميم + الألوان وبعتيلي اللينك لعدلك على القالب وزبطلت المحاذاة وبقية الحشكيل

شخصيا لهلق ركبت 5 قوالب لـ 5 مدونات جبتن كلن من الموقع هاد
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
لهيك بنصحك تباشري بالبحث فيه لأن على الأغلب رح تلاقي فيه الشي اللي بدك ياه
اول ما بتفوتي عليه بتشوفي القوالب مصنفة لمجموعات ( بحسب النمط العام للمدونة - بحسب شكل المدونة - بحسب ألوان المدونة )
بعتقد الشي اللي بينفعك لتستعمليه لمدونة بتحمل الطابع السياسي والاجتماعي وكتابات أبدية جديّة بتلاقيه ضمن هي المجموعات

حاليا القالب اللي عم تستعمليه بصنف ضمن مجموعة
الفرق بينه وبين الـ انه في زيادة شريط افقي بأول الصفحة بتقدري تربطي فيه لينكات ثابتة " يعني بتقدري تعملي شي متل اللي عنا بالاخوية : لوحة التحكم - س و ج - .. "
فوتي على القوالب واعملي لكل واحد

الموقع هاد عامل تجربة حية لكل قالب .. بعد ما تختاري صورة القالب بنصف الصفحة الخاصة بالقالب في لينك بتشوفيه Click here For Demo test
وقت بتفقشي عليه بتفتحلك مدونة تم تطبيق القالب عليها بشكل مباشر ، هيك بتقدري تشوفي شو الشكل اللي حتصير فيه مدونتك لو صار واخترتي القالب هاد

لبين ما زبط الصور تبع الشرح بحبشي بالموقع لبين ما تشوفي القالب اللي بيزبط مع زوقك احفظي اللينك تبعه على جنب لتقدري ترجعيله بسرعة
طبعا الصور اللي فوق بالهيدر بتتغير بحسب الطلب حتى الألوان بتتغير .. اهم شي واحد يشوف مساحة القوائم ومكان تموضعها وحجم الهيدر وهلقصص

هاموش :
لناي : شوفي هلكام مثال عن قوالب بتخيل رح يعجبوكي :deal: خصوصا أول واحد قريب من روح الستايل الحالي بس متطور اكتر منه بكتير وبيحمل طابع احترافي كتير ظريف
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

لساريتا : شوفي هلكام قالب ..في حال قررتي تحولي المدونة لطابع انوثي شوي بتخيل رح يعجبوكي :o
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
وهاد بالتحديد :p
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

Abu ToNi

09/06/2009, 02:07

حاليا القالب اللي عم تستعمليه بصنف ضمن مجموعة 2 Columns
الفرق بينه وبين الـ 3 Columns انه في زيادة شريط افقي بأول الصفحة بتقدري تربطي فيه لينكات ثابتة " يعني بتقدري تعملي شي متل اللي عنا بالاخوية : لوحة التحكم - س و ج - .. "
فوتي على القوالب واعملي لكل واحد
ما لحقنا نعدل الرد :pos:

طوروس

09/06/2009, 12:26

butterfly

09/06/2009, 12:49

هلق مدونتي لمحات
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

كيف فيني أعمل Pages ع البلوغر ؟
سيرة ذاتية / اخوية / مدونات اتابعها

:mimo:

Abu ToNi

09/06/2009, 15:32

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

معبد الياسمين --طوروس

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

مذكرات من الجحيم--sarita

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

الوردة الزجاجية --suzaan

اخر 3 مدونين سجلو مدوناتهن على دليل المدونات ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

اخر 3 مدونين من اخوية

شكرا ابو طوني --في بالصيف كاس عرق بلدي بمشتى الحلو خاي بس جيب البسطرمة والمرتديللا --

شكرا اخوية:D

:D:D:D:D

يسعد صباحك ياشام
انا مدونتي هية "وطن النور والظلمة"
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
بس ما لاقيتو برغي ملحوش باليمين فبتكونوا وصلتوا لعندي :lol:

كتير كتير حلو
سوزان من الأشخاص اللي كانوا مندفعين للتدوين وهاد أحد اهم عوامل النجاح ..
وانت من العالم المشهورين بمستوى كتاباتن
وساريتا صدمني اسلوب كتابتها بالتدوينة اللي حطتها
كتير عظيم انه في عالم عم تتفاعل وتعمل مدونات :clap:

هلق مدونتي لمحات
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

كيف فيني أعمل Pages ع البلوغر ؟
سيرة ذاتية / اخوية / مدونات اتابعها

:mimo:

شرشحي ( = اشرحي ) اكتر يا فتاة

Abu ToNi

09/06/2009, 15:42

تركيب القالب على المدونة

بعد ما عملت فتلة على مواقع القوالب المجانية ونقيت القالب المنشود وقررت انه هاد هوي اللي بدي اعمل صفحتي متله ، بالعادة المواقع اللي بتعطيك قوالب مجانية فيها محل بتقدر تعمل Download للقالب وبكون القالب عادة حجمه أقل من 30 كيلو ( يعني بينزل بسهولة معك من أيا خط ديال آب عادي ) وبصيغة XML ( اوقات بتكون الصيغة مضغوطة (Zip ) بتفك الضغط بتشوف اكتر من ملف اللي بهمنا نشتغل معه هوي الـ XML )
بعد ما يصير ملف القالب على جهازك بتفوت على مدونتك لـ :

1 - اللوحة الرئيسية للمدونة ( الصفحة اللي بتفتح فورا بعد تسجيل الدخول بموقع blogger )
2 - تخطيط= layout
3 - تحرير Html

دائما دائما دائما
قبل ما نغيير أيا سطر بالصفحة هي لازم نعمل نسخة عن القالب
ففي حال غيرنا شي وما زبط معنا بكل بساطة منرجع قالبنا الأصلي ويا دار ما دخلك شر

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// 6gy8dX0ic/3.jpg

انسالي الموقع وروح على الملف اللي نزلته من الويندوز وعلى ملف القالب منعمل كليلك يمين ومنختار edit

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// slEANN-p/1.jpg

بيفتح معنا القالب على المفكرة الجاية مع البرامج المساعدة للويندوز ( من أصل الويندوز يعني )
بتحدد النص وبتنسخه
(Ctrl + A )
( Ctrl + C )

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

بتروح على صفحة المدونة وبتنزل للمربع التحتاني بتعمل نفس الخطوات

(Ctrl + A )
( Ctrl + C )

وبتعمله حفظ ومبروك عليك القالب الجديد

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// lTUqbvITuz2IlsExSCjTTuosEaTwdmK-ohoVvnbJ9/4.jpg

بس في ملاحظة البعض بيتدايق منها ، انه وقت بعد ما بتطبق القالب الجديد بنبهك البلوغر انه في بوكسات انت منزلن بدن يقوم بحذفن حتى يقدر يطبق القالب
يعني بيقصد بده يطير كلشي محطوط بالقوائم الجانبية اللي انت عملتا على قالبك القديم ( صورة - نص - روابط - مدونات صديقة )
لهيك اذا كنت منزل شي بهي القوائم قبل ما تغير قالبك سحاب الشغلات اللي عاملها على جنب لتقدر ترجع تنزلن بسرعة على القالب الجديد
واذا كنت لسعتك جديد بالتدوين فأكيد ما رح تكون لسعتك ضايف قوائم على مدونتك لهيك لا تاكل هم وقوي قلبك وقله روح يا عم شايفلك حذوف البيت بيتك

مع نهاية هي الخطوة بكون القالب اللي اخترته صار مركب وخالص على مدونتك وبتشوف التغيير بشكل فوري بمجرد فتح صفحة المدونة الخاصة فيك

بس نحن ما خلصنا من القالب
رح بيبقى شوية قصص متل تشبيك صور القالب وتزبيط المحاذاة تبع النصوص منحكي فيها بشكل فردي لكل واحد ركب قالب جديد لقله شو التغييرات اللي لازم يعملها ليمشي الحال معه
لأنها بشكل عام بتفرق من قالب لتاني باعتبار انه مافي قاعدة ثابتة لكتابة القوالب ، فكل قالب بيختلف عن التاني من ناحية الكود لهيك بيختلف عن التاني عن المحل اللي بده يتعدل فيه الكود

ومبروك سلفاً علقالب الجديد:D

Sarita

09/06/2009, 16:08

لساريتا : شوفي هلكام قالب ..في حال قررتي تحولي المدونة لطابع انوثي شوي بتخيل رح يعجبوكي :o
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
وهاد بالتحديد :p
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
ما بعرف هني حلوين بس ما بيتناسبو مع اسم المدونة :?
ما بعرف يمكن افتح وحدة تانية يسلمو ع المساعدة غابي :deal:

انا مدونتي هية "وطن النور والظلمة"
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
بس ما لاقيتو برغي ملحوش باليمين فبتكونوا وصلتوا لعندي file:///C:/DOCUME%7E1/Angels/LOCALS%7E1/Temp/msohtml1/03/clip_image001.gif
اي انا ما كنت بعرفا لمدونتك بس شفتها بموقع المدون
وقت شفت برغي قلت هاد اكيد غابي
والي رجعة لانو وصلت لرسمة الصبي اللي حطيتا وما كفيت
بقى الي رجعة

وساريتا صدمني اسلوب كتابتها بالتدوينة اللي حطتها
ان شالله الصدمة تكون بالايجاب ويسلمو ع التعليق اللي بمدونتي غابي

Genifer

09/06/2009, 23:46

انا عجبتني الفكرة وكتير بحب اكتب بس بدي عذبكن بهالسؤالين

1- ياريت تحطولنا كل العناوين يلي فينا نحط فيهن مدونة (لأنه كل شوي بشوف ويب سايت جديد)
ومع ذكر شو ميزة كل وحدة ..كلفتها..واي وحدة افضل وبيستعملوها اعضاء الاخوية اكتر

2- شو منشان اذا كتبت شي حلو بمدونتي وصار في نسخ ..يعني سؤالي هل حقوق النسخ محفوظة أم لا؟؟

بـ انتظار جوابكن

Abu ToNi

10/06/2009, 00:07

انا عجبتني الفكرة وكتير بحب اكتب بس بدي عذبكن بهالسؤالين

اذا هيك باشري يا فتاة بالتدوين :lol:
ونحن معك بأيا شي لازمك :gem:

1- ياريت تحطولنا كل العناوين يلي فينا نحط فيهن مدونة (لأنه كل شوي بشوف ويب سايت جديد)
في كتير مواقع ( لا تعد ولا تحصى ) بتقدم خدماتها باللغة العربي واللي شفتيه مزبوط
بالاخير الخيار الك باللي بدك ياه
مبدئيا في موقعين على مستوى العالم من ناحية الخدمات ومن ناحية التعامل
الأول مانه محجوب عن سوريا
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
والتاني للأسف محجوب
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

مع انه التاني محجوب .. بس العالم بتفضل تشتغل فيه لأن غوغل راعيته بشكل مباشر .. فانه يعني غوغل :lol:
اضافة بأنه الاول بيدعم العربي بس مش عرب
يعني فينك تعربي مدونتك
بينما التاني بيجي الموقع معرب ئشة لفة :adal:
انا مشترك بالتاني من تقريبا 6 اشهر وبقيت عم خبص فيه لمشي حالي تمام وصرت بقدر فيدك بأيا سؤال حوله :deal:

ومع ذكر شو ميزة كل وحدة ..كلفتها..واي وحدة افضل وبيستعملوها اعضاء الاخوية اكتر

الميزات كله نفس الشي ما بيختلف ابدا بين موقع والتاني
الشي المشترك بالموقعين انه الدعايات فين اختيارية .. يعني انتي بتختاري اذا بدك تحطي دعايات بصفحتك او اذا ما بدك وهي أكتر الصفات تميزا عن بقية الخدمات الأقل انتشارا واللي بكون هدفها مادي بالدرجة الاولى لهيك بتشوفي المشتركين ملزمين بوضع الدعايات على صفحتن :jakoush:

الكلفة بالموقعين اللي حطيتلك ياهن صفر مكعب :lol:
مانك مجبورة تدفعي ولا ليرة
فقط اذا بدك تستغني عن الرابط اللي هنن بيعطوكي ياه واللي بكون من الشكل
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
أو
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

الـ xxxxxxxهية عنوان انتي بتختاريه وهاد اللينك بسموه ساب دومين Sub-domain بكون مجاني
اذا بدك تحوليه للشكل

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

الـ xxxxxxx هوي الاسم اللي بدك ياه
والـ xxx هوي اللاحقة تبع المدونة بدك ياها com org net info اللي بدك ياه
هي القصة بتكلفك 10 دولار بالسنة ومانك ملزمة فيها
2- شو منشان اذا كتبت شي حلو بمدونتي وصار في نسخ ..يعني سؤالي هل حقوق النسخ محفوظة أم لا؟؟

مافي شي من هلشي :sick:
الانترنت بالعالم كله مافي عليه حقوق نسخ والنشر :jakoush:
فانه أكتر ما هنالك تمسكي اللي عم ينقل وتبهدليه وتمسحي فيه الاراضي :yahoo:
بـ انتظار جوابكن
ونحن بانتظار مدونتك :D:D

Abu ToNi

10/06/2009, 00:30

ما بعرف هني حلوين بس ما بيتناسبو مع اسم المدونة :?
ما بعرف يمكن افتح وحدة تانية يسلمو ع المساعدة غابي :deal:

ان شالله الصدمة تكون بالايجاب ويسلمو ع التعليق اللي بمدونتي غابي
انا بعتلك ياهن بناء على الصورة اللي حاطتيا على الاخوية :lol:
بخصوص الانصدام عنجد عجبني طريقة السرد اللي عاملتيها دخلتني بالحالة نظامي

انتبهت هلق انك مغيرة الستايل :clap: كتير حلو اللي منقيتيه وماشي تمام مع الهيدر والاسم تبعك :yahoo:

هاموش بنصح الكل يبدا يزور المدونات ويتعرف على الجو ويشارك بالتعليقات على التدوينات لحتى العالم تعرف انه في عالم جديدة فايتة على مجتمع التدوين :gem:
ولا كتير اتكتروا من التدوينات أول كام يوم ( أو بالاحرى بكل يوم )
يعني تدوينة وحدة باليوم معدل كتير كتير منيح ويعتبر عالي بعالم التدوين

خلي العالم تاخد وقتا بالمتابعة والمشاركة والتعليق مافي حدا مستعجل على شي
وبنفس الوقت حاولوا وصلوا لوتيرة ثابتة بالتدوين .. انه مثلا معدل بالشهر 10 - 15 تدوينة
هيك بتضمنوا انكن ما رح تتعبوا وما رح تصلوا لوقت ما بتعرفوا شو بدكن تنزلوا .. وبنفس الوقت بتكونوا من النشطين جدا بعالم التدوين ( في مدونات بتنزل 3 تدوينات بالشهر بس على حساب النوعية )
ما عم حاول وقفلكن من اندفاعكن :lol: بس مشان تفوتوا علجو بشكل احترافي ورسمي :gem:

Sarita

10/06/2009, 13:39

انا بعتلك ياهن بناء على الصورة اللي حاطتيا على الاخوية :lol:
بخصوص الانصدام عنجد عجبني طريقة السرد اللي عاملتيها دخلتني بالحالة نظامي

انتبهت هلق انك مغيرة الستايل ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// كتير حلو اللي منقيتيه وماشي تمام مع الهيدر والاسم تبعك ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
اي البركة فيك وبالموقع اللي حطيتو
بس في الي سؤال كيف فيني اعرف الطول والعرض بالبكسل تبع الهيدر
انو طول البانر موجود بالقالب
لانو حاولت اتطلّع بالقالب حتى انعمات عيوني بس ما لقيت شي :pos:

وان شالله هيك مخنا ينتفتح نصير ننتج شي فخامة :lol:

Abu ToNi

10/06/2009, 14:37

بس في الي سؤال كيف فيني اعرف الطول والعرض بالبكسل تبع الهيدر
انو طول البانر موجود بالقالب
لانو حاولت اتطلّع بالقالب حتى انعمات عيوني بس ما لقيت شي :pos:

ابعاد البنر عندك 900 بـ 200
:D

وان شالله هيك مخنا ينتفتح نصير ننتج شي فخامة :lol:بكل الأحوال حاطين رجلكن علطريق :lol:

:D

أإأبو العبد

10/06/2009, 14:58

Abu ToNi

10/06/2009, 15:03

هي مدونتي لجديد ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// قهوة وسيجارة:larg:
شوفولنا ياها بالله ترى هي بعدا بالبداية ومحتاجة تعديلات كتير بس انو يعني بمعيتكن شوية نصايح لوجه سعدو

:D
حيو عين رب سما ..
ما عرفت شو بدي قول :lol:

حاليا انت على قالب المدونة الافتراضي
رجاع للردود السابقة وبحبش باللينكات اللي انا حطيتا وشفلك شي قالب يمشي مع مدونتك
حاليا انا باشرت بالبحبشة عن قالب بيمشي مع الاسم تبعك :yahoo:

شو رايك اعمل فيك فصل حقارة وجبلك قالب " no smoking " مثلا يعني مثلا :larg:

أإأبو العبد

10/06/2009, 15:12

حيو عين رب سما ..
ما عرفت شو بدي قول :lol:

حاليا انت على قالب المدونة الافتراضي
رجاع للردود السابقة وبحبش باللينكات اللي انا حطيتا وشفلك شي قالب يمشي مع مدونتك
حاليا انا باشرت بالبحبشة عن قالب بيمشي مع الاسم تبعك :yahoo:لك ريتو الله يسلمن يامعلمنا انت :D
بس كيف شفتلي السطرين الي بالاخير طالعين مشهد سكسي درامي مو:larg:
شو رايك اعمل فيك فصل حقارة وجبلك قالب " no smoking " مثلا يعني مثلا :larg:له يازلمة سعدو وكيلك بينخرب بيتنا لاتخاف بكتب تحت بخط صغير التدخين يؤدي للواوا

سوا ربينا

10/06/2009, 16:41

والله يا ابو طوني وطلع منك فايدة...:p
ان شالله بس صير اعرف اكتب اول شي بعملو بفوت ع هالموضوع ...

:D

jankasanova

11/06/2009, 00:52

عجبتني شغلة التدوين:lol:
بس حاليا الالهام متوقف من سنتين:oops:
ممكن بعد فترة اهلكك بالاسئلة
بس ينزل الالهام يعني

..AHMAD

11/06/2009, 01:13

روح غابي شايفلك ...

اي شبيبة شو بتحتاجو مساعدة نحنا موجودين

بس عم يقولوا الشباب انه في بطاقة اسمها كاش-يو cash-u موجودة بسوريا بتقدر عن طريقا تشتري أشيا على النت بدك تشوف أحمد المنسق عنده خبره بهي القصة بالتحديد

بما انو انذكر اسمنا .. ف يا صديقي هاي البطاقة ممنوعة بسوريا او بالاحرى انمنعت حديثا ( حسب ما وصلتنا الأخبار ) بسبب انو صار في كتير عمليات نصب بواسطتها ...

بالنسبة لحجز الدومين فـ انو تركلي ياها كم يوم هي .. وبتلاقي الدومين جاهز .. لعيونك حج :D

..Jimy

11/06/2009, 10:44

بما انو انذكر اسمنا .. ف يا صديقي هاي البطاقة ممنوعة بسوريا او بالاحرى انمنعت حديثا ( حسب ما وصلتنا الأخبار ) بسبب انو صار في كتير عمليات نصب بواسطتها ...

بالنسبة لحجز الدومين فـ انو تركلي ياها كم يوم هي .. وبتلاقي الدومين جاهز .. لعيونك حج :D

طيب مافي بديل..يعني انا كمواطن سوري اقيم داخل حدود هالوطن..عندي شي طريئة لاشتري عن النت..

Abu ToNi

11/06/2009, 13:58

لك ريتو الله يسلمن يامعلمنا انت :D
بس كيف شفتلي السطرين الي بالاخير طالعين مشهد سكسي درامي مو:larg:
له يازلمة سعدو وكيلك بينخرب بيتنا لاتخاف بكتب تحت بخط صغير التدخين يؤدي للواوا
يؤدي للواوا :lol:
آخر سطرين كنت ( ولازلت )بدي اعلق علين بشكل مباشر لأنن لفتولي نظري :lol:
بس
والله يا ابو طوني وطلع منك فايدة...:p
ان شالله بس صير اعرف اكتب اول شي بعملو بفوت ع هالموضوع ...

:D
طريقة التفكير هي الغلط هية اللي بتخلي العالم ما تعمل مدونة
طبعا قصدي على ( طلع منك فايدة ) :p
بدك تستغرب مني وقت بدي قلك انه مو مطلوب منك تكون بتعرف تكتب شي لحتى تعمل مدونة
صدقني لا عم جامل ولا عم بيعك حكي
الفكرة انك مانك فايتة على مهنة او على مصلحة يفترض تكون مبدع فيها
انت ما عم تأنشأ موقع دولي أو موقع رسمي لشي منظمة عالمية ، انت عم تعمل صفحة الك
وبالتالي الكتابات لازم تكون الك وهاد هوي الشرط الوحيد
بدك تقلي ما يا ابو طوني قلتلك ما بحياتي كتبت شي كيف عم تقلي كتاباتك ؟
بالنسبة الي عم احكي مع شخص مسجل بمنتدى حواري لمدة بتقارب السنتين
عايش ( بيتنفس وبياكل وبيشرب وبنام وبيطلع من البيت وبيرجع بفوت عليه )
وهي لحالها شروط كافية ليكون عند هاد الشخص طريقة تفكير خاصة فيه وقيم بآمن فيها ووبيحترمها
الباقي بس انك تحول هلكلمات اللي براسك .. هلحوارات اللي استفدت منها والقيم اللي استنتجتا لكلمات خاصة فيك لتحطا بالصفحة الخاصة فيك .. مو شرط ابدا يكون الحكي سرمدي وتحط صور بيانية ومدري شو
توصيل الفكرة هية الغاية وانتهى الموضوع
وطبعا بتقدر بمدونتك اتضيف جوانب ترفيهية بشكل متوافق مع شخصيتك
تنقل كاريكاتورات وتحط تعليقات عليها .. تحط مواقف صارت معك بحياتك .. تحط أحداث مريت فيها وحسيتا غريبة من نوعا .. بالأخير نوعية التدوينة ما بتتعين بقوة اللغة اللي فيها وباسلوب الكتابة ..شخصيا أكتر المدونات اللي بحب فوت عليها هية المدونات اللي بتحمل طابع شخصي وأفكار طالعة من الشخصية وكتابات شخصية .. :D
بصراحة الرد المكتوب فوق هلسطر هوي الشي اللي عم يخليني راهن عليه لأدخل على الأخوية وحط موضوع فيها لدعوة الشعب الاخوي الصامد للتدوين .. :D

بانتظار انك تشلفلنا رابط مدونتك بأقرب فرصة :clap:
عجبتني شغلة التدوين:lol:
بس حاليا الالهام متوقف من سنتين:oops:
ممكن بعد فترة اهلكك بالاسئلة
بس ينزل الالهام يعني

أبو جريرج نفس الرد تبع سوا ربينا.. ما بدي ارجع عيد الحكي :lol:
كونك كنت بفترة من فتراتك حامل للإلهام فالطريق سهل قدامك لترجع تكتب
وقت بصير عندك مكان عم تكتب فيه صدقني لحاله بيجيك اللهام وبتصير ابسط المشاهد اليومية ملهمة لتخليك تفكر بطريقة مميزة
فلهيك روح شايفلك ومن هلك بقلك تهلكني بالهنا ( ما بعرف ليش عم حس حالي صباط بهلجملة :o )
روح غابي شايفلك ...

اي شبيبة شو بتحتاجو مساعدة نحنا موجودين

بما انو انذكر اسمنا .. ف يا صديقي هاي البطاقة ممنوعة بسوريا او بالاحرى انمنعت حديثا ( حسب ما وصلتنا الأخبار ) بسبب انو صار في كتير عمليات نصب بواسطتها ...

بالنسبة لحجز الدومين فـ انو تركلي ياها كم يوم هي .. وبتلاقي الدومين جاهز .. لعيونك حج :D
كبيرنا حميدوش :D:D
طيب مافي بديل..يعني انا كمواطن سوري اقيم داخل حدود هالوطن..عندي شي طريئة لاشتري عن النت..
طبعا في بديل
في عالم صايرة شغلتن هلقصص .. بكونوا مدبرين بطاقات ماستر كارد من برا وعم يشتروا للعالم فيها مقابل اخد عمولة نسبية ، وبما انه كل سعر المدونة 500 ليرة فاذا كانوا جدا وقحين وطالبوا بعمولة 100% بدها توصل معك للـ 1000 ليرة
وبالأخير القصة اختيارية وبتقدر بكل بساطة تبقى على اللينك العادي وما تدفع ولا ليرة
وعلى فكرة في كتير مدونات بشوفا من الدرجة الأولى ومن اجمل ما يكون وعم يشتغل صاحبها عليها بالمجال الفرعي المجاني .. يعني شكل المجال أبدا ماله أي علاقة بالمدونة وطبيتعها

جيمي .. مثنى .. جورج .. وبقية الشعب الصامد
منتظرين تشلفولنا روابط مدوناتكم بأقرب فرصة
:D:D:D

yass

11/06/2009, 14:11

i m sam

11/06/2009, 14:18

أبو طوني انا نزعت الطبخة.. فانت بدك تساعدني صلحها:p
هاد يامعلم مبارح حطيت قالب جديد متل ما قلتلنا وعجبني كتير القالب والخلفية . فواجهنا عدة مشاكل:
1- ضاعت الترويسة تبع البلوغ سبوت يلي منقدر منها نسجل دخول وهيك.
2- كمان اسم المدونة والصورة تبعها طمست آخر التدوينة.
ما رأيك دام فضلك:D
اي صحيح وهي المدونة عتبات دمشقية (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
شو قليل أدب انا
مشكور كتير كتير ابو طوني فعلا عم نتعبك
ولكن كلو في ميزان حسناتك يا ابني :p

kosayka2

11/06/2009, 14:29

مراحب يا ابو طوني
لك انا هلق لحتى انتبهت للموضوع

اول شي كيفك؟؟؟؟؟؟

و تاني شي بدي اسألك (و بما انك فاتح باب الأسئلة )

هلق انا بمدوني في عندي مشكلة اني بكل قالب عم حطو بكون فيه

شريط الصفحات يحوي على
Home ........... Posts RSS ........... Comments RSS...............Edit
و انا بدي غيرها لصفحات
خاصة في و خاصة بمدونتي

يعني بدي هي الصفحات حط روابط من عندي و غير الأسماء السابقة

شو انشالله تكون وصلت الفكرة؟؟؟؟؟؟؟

تحياتي.....:D

Abu ToNi

11/06/2009, 14:46

و الله يا أبو طوني شغلك هاد رائع جداً و ثمين إلى أبعد الحدود, لأنو فعلاً الواحد وقت يبدا يحتاج حدا يدلو على بعض الشغلات... يعني ما رح يعمل منو محترف بنهار واحد بس انو يمسكو طرف الخيط...

متابعين معك دوماً و دائماً :D
شايف حالي صرت بالصفحة التالتة بالموضوع ولسع ما نزلنا غير مشاركة فعالة وحدة من ناحية التدوين :cry:
بس انه الشعب الصامد عم يتفاعل ويسأل فضروري نتفاعل معه :gem:
على راسي ياسين :D

أبو طوني انا نزعت الطبخة.. فانت بدك تساعدني صلحها:p

اذا في بالقصة أكل وما أكل فأنا اكيد مشارك :yahoo:

هاد يامعلم مبارح حطيت قالب جديد متل ما قلتلنا وعجبني كتير القالب والخلفية . فواجهنا عدة مشاكل:
1- ضاعت الترويسة تبع البلوغ سبوت يلي منقدر منها نسجل دخول وهيك.
ما فهمت شو بتقصد بهلنقطة :cry:
فبتوقع تكون مضيع البانر ( الصورة الرمزية للبلوغر اللي بكون عليه حرف ال B على صفحة مدونتك )
اذا كانت هي مشكلتك فالقصة كتير محلولة فينك ترجع تنزله من جديد بطريقة بنزلك ياها بالصور بالرد بعد هاد مباشرة اذا فعلا طلع فهمي صح لهي النقطة .

2- كمان اسم المدونة والصورة تبعها طمست آخر التدوينة.
ما رأيك دام فضلك:D

فتت على المدونة وشفت هلشي
علأغلب القالب اللي انت اخترته مخصص انه ما يكون في اله هيدير من فوق وماله محل مخصص لحتى تحط فيه الصورة لهيك فاتوا القصص ببعضها .
رايي انك اذا مصر على القالب هاد وما بدك تغيره بعتلي لينك القالب من صفحة موقع القوالب لشوف اذا بقدر عدلك عليه وضيف الهيدر على المدونة وتنحل القصة :D

اي صحيح وهي المدونة عتبات دمشقية (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
شو قليل أدب انا
مشكور كتير كتير ابو طوني فعلا عم نتعبك
ولكن كلو في ميزان حسناتك يا ابني :p
لا تاكل هم عم اعمل هلق قائمة بكل المدونات الأخوية اللي تسربوا وما حطوا لينكات مدوناتن هون :p
بخصوص العذاب فيا زلمة لو ماني مستعد شارك بهلقصص ما كنت فتحت على حالي هلباب
بالعكس عم حس حالي عم اشتغل لتحقيق أهداف وطنية قومية :lol:
:D:D

i m sam

11/06/2009, 14:54

zen

11/06/2009, 14:56

ع راسي أبو طوني
شي فاخر ع الأخر
:D

Abu ToNi

11/06/2009, 15:09

مراحب يا ابو طوني
لك انا هلق لحتى انتبهت للموضوع

اول شي كيفك؟؟؟؟؟؟

اهلا قصي كيف الفحوصات معك
امبارحة كنت انا وابو الفود بسيرتك :cry:

و تاني شي بدي اسألك (و بما انك فاتح باب الأسئلة )

هلق انا بمدوني في عندي مشكلة اني بكل قالب عم حطو بكون فيه

شريط الصفحات يحوي على
Home ........... Posts RSS ........... Comments RSS...............Edit
و انا بدي غيرها لصفحات
خاصة في و خاصة بمدونتي

يعني بدي هي الصفحات حط روابط من عندي و غير الأسماء السابقة

شو انشالله تكون وصلت الفكرة؟؟؟؟؟؟؟

تحياتي.....:Dاي بقلك شو تعمل شايفني خايف منك مثلا :p
بحسب ما فهمت منك عم تحكي على الشريط الافقي اللي بكون بفوق الصفحة على الهيدر

الحل بانك تسجل دخول على موقع البلوغر نفسه ( مو خبرية بعرف :o )
فوت على تخطيط layout
وبعدها على تحرير edit html
لتوصل لهي الصفحة وطبعا متل ما اتفقنا لازم تنزل القالب تبعك على الجهاز عندك لحتى اذا صار شي غلط ما تخسر القالب وتقدر ترجع تركبه بسرعة

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

وقت بتصل لصفحة القالب عمول سيرش ( كبوس ctrl +f ) على الكلمة اللي بدك تغيرها ( ولنفرض مثلا بدك تغير الـ Posts RSS فبتعمل السيرش عليها .. وطبعا الكلمة لازم تكون نفسها تماما لحتى تقدر تطلعلك النتيجة )
وقت بتعمل السيرش بوصلك البراوزر على الجزء الخاص بالهيدر واللي لازم تغيير فيه
بتكون الصيغة من الشكل

<a href='www'>xxxxx</a>

الـ xxxxx هية الكلمة اللي انت عملت عليها سيرش واللي بدك تغيرها
والـ www هوي اللينك المربوط مع الكلمة واللي بدك تغيره
ضروري كتير تنتبه على انك ما تحذف أيا شي من الكوتيشن وبقية القصص لأن بتتخربط الدنيا كلها
:D

هاموش : فين اللينك تبع مدونتك :jakoush: ليش ما حطيتلنا ياه لنزورك عليها
رجاع حطلي رد خبرني اذا مشي الحال معك + حط لينك مدونتك فيه :D

Abu ToNi

11/06/2009, 15:18

هي رابط القالب
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
واكتشفت شي تاني الا وهو اني ما عم اقدر غير الوان الكتابة تبع الترويسة او العناوين :lol:
اذا كان بدها شغل كتير منغير القالب بس اذا بيبقى بيكون أحسن :D
نزلت القالب عندي عم حاول هلق عدلك عليه لشوف اذا بده يمشي الحال معي :D
ع راسي أبو طوني
شي فاخر ع الأخر
:D
اهلين بزينصور .. اذا لزمك بمدونتك انا جاهز

مدونة زين
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

kosayka2

11/06/2009, 15:22

يسلمون ابو طونياه
بس بـ xml إذا العبت بشي أو غيرت بش
بتخرب كل القصة
و بالنسبة لمدونتي هي بعدها فيد البناء و انشالله رح اطلقها بس حتى اخلص امتحانات
و تصير خرج تنقرا

........:D

أإأبو العبد

11/06/2009, 15:47

هلا ابو طوني كيف مندور عالقوالب ياريت تفيدنا افادك الله

وعندي سؤال تاني ابو طوني فينا نحط خلفية موسيقية للمدونة ؟؟؟

butterfly

11/06/2009, 16:09

شرشحي ( = اشرحي ) اكتر يا فتاة
انت عامل كاسات ـ صور من عدستي ، الصفحة الرئيسية ، تأملات
بدي أعمل متلن ( يعني هيك صفحات مستقلة ) كيف ؟

سوا ربينا

11/06/2009, 16:10

طريقة التفكير هي الغلط هية اللي بتخلي العالم ما تعمل مدونة
طبعا قصدي على ( طلع منك فايدة ) :p
بدك تستغرب مني وقت بدي قلك انه مو مطلوب منك تكون بتعرف تكتب شي لحتى تعمل مدونة
صدقني لا عم جامل ولا عم بيعك حكي
الفكرة انك مانك فايتة على مهنة او على مصلحة يفترض تكون مبدع فيها
انت ما عم تأنشأ موقع دولي أو موقع رسمي لشي منظمة عالمية ، انت عم تعمل صفحة الك
وبالتالي الكتابات لازم تكون الك وهاد هوي الشرط الوحيد
بدك تقلي ما يا ابو طوني قلتلك ما بحياتي كتبت شي كيف عم تقلي كتاباتك ؟
بالنسبة الي عم احكي مع شخص مسجل بمنتدى حواري لمدة بتقارب السنتين
عايش ( بيتنفس وبياكل وبيشرب وبنام وبيطلع من البيت وبيرجع بفوت عليه )
وهي لحالها شروط كافية ليكون عند هاد الشخص طريقة تفكير خاصة فيه وقيم بآمن فيها ووبيحترمها
الباقي بس انك تحول هلكلمات اللي براسك .. هلحوارات اللي استفدت منها والقيم اللي استنتجتا لكلمات خاصة فيك لتحطا بالصفحة الخاصة فيك .. مو شرط ابدا يكون الحكي سرمدي وتحط صور بيانية ومدري شو
توصيل الفكرة هية الغاية وانتهى الموضوع
وطبعا بتقدر بمدونتك اتضيف جوانب ترفيهية بشكل متوافق مع شخصيتك
تنقل كاريكاتورات وتحط تعليقات عليها .. تحط مواقف صارت معك بحياتك .. تحط أحداث مريت فيها وحسيتا غريبة من نوعا .. بالأخير نوعية التدوينة ما بتتعين بقوة اللغة اللي فيها وباسلوب الكتابة ..شخصيا أكتر المدونات اللي بحب فوت عليها هية المدونات اللي بتحمل طابع شخصي وأفكار طالعة من الشخصية وكتابات شخصية .. :D
بصراحة الرد المكتوب فوق هلسطر هوي الشي اللي عم يخليني راهن عليه لأدخل على الأخوية وحط موضوع فيها لدعوة الشعب الاخوي الصامد للتدوين .. :D

بانتظار انك تشلفلنا رابط مدونتك بأقرب فرصة :clap:

بتعرف شو ابو طوني بعد هالكلام وهالتشجيع منك شكلو رح اشلفلك المدونة بأقرب وقت ... انا كنت مفكر انو المدونة بس بينكتب فيها الخواطر الادبية وماشابه ذلك .. وبعدين انا كتبت شي بس انو مش كل هلقد..بس بعد هالتشجيع قررت انو اعمل مدونة واكيد رح اطلب منك مساعدة واكيد رح تساعدني .. بس بدك تتحمل ها ...:lol:

ابو طوني مليون وردة...:D
-----------------------------------
هاموش:
طلع منك فايدة مجرد مزحة زغيرة ..:D

Abu ToNi

11/06/2009, 16:15

بعتذر مسبقا في حال حدا ما شاف مدونته مدرجة بالقائمة ، خلي يبعت مشاركة عاطلة على هي المشاركة يحط فيها اسمه ومدونته على امل يتفاعل مشرف القسم معنا ويضيفها علقائمة :D

yass: أمواج اسبانية في فرات الشام (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

The morning : طباشير (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

butterfly : لمحات
(////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
sarita : مذكرات من الجحيم (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

zen : جدل (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

قرصان الأدرياتيك : ينابيع الصمت (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

saba n : نسمات الوادي المقدس (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

أبو العبد : قهوة وسيجارة (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

طوروس : معبد الياسمين (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

هاني داغر : Chacnes (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

Resound (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) : ooopss

suzaan : الوردة الزجاجية (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

رجل من ورق : manofpapers's Blog
(////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
ستروم ميكر (بلاع يا كرم بلاع ) : جراحات عربية (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

el3ageed : اضطرابات (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

Reemi (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) : Reemi

sweetbaby : عيون فتاة سورية (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

فسحة أمل : فسحة أمل (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

amey: شيء ما (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

suryoyo : سلاما يا بغداد (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

Ahmad.. : نسمات دمشقية (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)( احمد غير مدونته ونقلها على الوورد بريس بس لسع عم يدوكرها :larg: )

Abu toni : وطن النور والظلمة (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)