-
دخول

عرض كامل الموضوع : شو اختصاصك؟؟؟

صفحات : 1 [2]
غيديون
06/08/2009, 02:58
هلأ قصة أنو الواحد يخدم بلدو فمو غلط ووين ما كان الواحد فيه يخدم بلدو بطريقة أو بأخرى، لو عالأقل عطى صورة حلوة عنا، وبعدين يللي بيخدم الإنسانية بأي شكل من الأشكال فهو عم يخدم بلدو لأنه جزء من هالإنسانية :D

انا معك مية بالمية .... والله عم تحكي درر
غيديون
06/08/2009, 03:00
خلصت هندسة ميكاترونكس وعم اشتغل هلأ والحمدلله

ما بكزب عليكي انا دخلت التخصص وانا بعرف شغلات كتير بسيطو عنو

بس هلأ كتير مبسوط اني دخلتو لأنو مزيج بين هندسة الكهربا والميكانيك بتعلق بأنظمة التحكم وال اوتوميشين كتير كوووووووووول

وانشالله نكمل منيح

على فكرة عندي اخي بيدرس نفس اختصاصك وانشالله السنة بيتخرج:D
غيديون
06/08/2009, 03:01
هندسة ميكانيك هيك بدو البابا كنت احلم من انا و زغير انو بس اكبر بدي صير قبطان سفينة و سافر و روح على بلدان كتير
اخدت البكالوريا و دخلوني هندسة :frown: ما بحبا

بس الحمد لله هلئ مدير صيانة و عم اشتغل

بس لو يفضل بعمري يوم بدي ادرس قبطنة

الحمدلله انك عم تشتغل.... بس والله القبطنة احلى:p
لواء
06/08/2009, 05:41
....وهل التعليم لساتو مهم ام نحن في زمن اللهت وراء لقمة العيش ....و جمع الاموال ؟؟؟؟

اكيد التعليم لساتو مهم بس السؤال ليش ؟.............
لانو بدون علم ولا مصلحة ورثانها عن ابوك او جدك صدقني لا بتاكل ولا بتعيش ونص الشباب اذا ما كلهون ما عم يدرسو الا مشان يكون بايدون شي يعتمدو عليه وانا واحد منون ,,,
على كل انا عم ادرس تجارة واقتصاد ومختص مصارف كمان :o
مشلف من المدرسة
06/08/2009, 12:46
مرحبا....
حابة اتناقش معكم في موضوع انا بشوفو مهم بس للأسف في ناس كثير مو حاسين فيه.....

اكيد في منا كثير بالجامعة وفي ناس متخرجة وفي ناس بالمدرسة ....
بدي اسأل شو اختصاصك او بشو بدك تختص؟؟؟ وليش؟؟

يعني ليش اخترت هالاختصاص وعلى اي اساس.؟؟؟... وياترى هل في اساس معين لازم نختار بناءا عليه؟؟؟.....

وهل عمرك فكرت في انك بدك تقدم شي لمجتمعك من خلال اختصاصك.؟؟؟...
وهل التعليم لساتو مهم ام نحن في زمن اللهت وراء لقمة العيش ....و جمع الاموال ؟؟؟؟

ومع اي هاتين الجملتين انت:
نعيش لنأكل...ام نأكل لنعيش....

مرحبا وكيفكم وكيف.......الخ

موضوع واقعي وصراحة عجبني .... يعني شكرا

أنا شخصيا عم بدرس ادارة مخاطر مالية واقتصادية ( ما أظن انه في حد متلي ) اخترته بصراحة لانو معدلي دخلني فيه....... لكن وفجأة وعلى حين غرة اكتشفت انه هالتخصص حلو ....
فكملت فيه وهيني في السنة الرابعة وباقيلي 4 شهور على التخرج:ss::ss::ss::ss::ss:
x52
06/08/2009, 18:59
على فكرة عندي اخي بيدرس نفس اختصاصك وانشالله السنة بيتخرج:D
انشالله موفق
ونشوفو هيك مهندس قد الدنيا
x52
06/08/2009, 19:03
عفكرة اختصاصك كتيير حلووو بيدخل بمجالات كتيير

بهنيك :D
حبيبو لقلبي
انشالله خير وانشالله نتوفق
وردة حماة
06/08/2009, 22:29
انا اختصاصي لغة انجليزية
يعني آنسة
فما بئدر قدم شي للمجتمع غير تدريس ولادن..
شكرا عالموضوع
امل ب
07/08/2009, 03:11
درست هندسة كهربا وخلصت السنة
وهلق عم حضر لمسابقة بشهر 10 مشان كمل ماجيستير
انتو ادعولي اني انجح :D
الاء النور
10/08/2009, 18:46
انا من جهتي عم بدرس طب هون ببلدي التاني الجزائر لانو المجموع هونيك بسوريا ما خلاني اعملو هادا اول فرمان وتاني فرمان هوي انو انا عملت هالاختصاص فشخرة وكمان عملتو لاني بحبو وصراحة انا بحب كمان الادب العربي واللغات الاجنبية بس اهلي ما ممكن يوافقو

بالنسبة للعودة الى سوريا ان شاء الله بعد الدراسة كمان الناس هون بالجزائر كتير طيبين وينحبو وما حسسوني بالغربة


يسلمو خيتو الطموحة واتمنى التعرف عليك نظرتك للحياة جميلة جدا بهنيك
مشلف من المدرسة
10/08/2009, 19:15
بس اذ ممكن أقاطعكم وأسأل سؤال :

انو شو يلي دخلك هالتخصص يلي انت فيه؟
محبة
معدل
وغيره وغيره
سوا ربينا
10/08/2009, 19:20
انا خلصت كمبيوترايزيشن .. كمبيوتر سينس .. وللاسف مش من اختياري .. كان من اختيار المعدل المعفن.. بس بعد هيك يعني بلشت حبو .. بس ما بحب البرمجة مع انو تلات ترباع موادي برمجة ..:frown:
غيديون
15/08/2009, 20:39
فما بئدر قدم شي للمجتمع غير تدريس ولادن..
شكرا عالموضوع

حبيبة قلبي انت بتقدري تقدمي كل شي لان انتي بتساهمي في تربية الولاد ...
وبتساهمي في تحديد قيمهم ومبادئهم... وهاد اهم شي لانو حجر الاساس....
يعني الى جانب اللغة لازم تحددي شو بدك تعطيهم كمان.....

وكاد المعلم ان يكون رسولا:D:D
غيديون
15/08/2009, 20:39
درست هندسة كهربا وخلصت السنة
وهلق عم حضر لمسابقة بشهر 10 مشان كمل ماجيستير
انتو ادعولي اني انجح :D

بالتوفيق:D
غيديون
15/08/2009, 20:42
يسلمو خيتو الطموحة واتمنى التعرف عليك نظرتك للحياة جميلة جدا بهنيك

والله العظيم خجلتيني:oops:انا كمان بشرفني اتعرف عليكي:D

وانا بتمنالك التوفيق وعلى فكرة انا بوافقك على كلامك بالنسبة لشعب الجزائر
هن ناس كثييير حبابين:D
غيديون
15/08/2009, 20:45
انا خلصت كمبيوترايزيشن .. كمبيوتر سينس .. وللاسف مش من اختياري .. كان من اختيار المعدل المعفن.. بس بعد هيك يعني بلشت حبو .. بس ما بحب البرمجة مع انو تلات ترباع موادي برمجة ..:frown:
بهنيك لانك بلشت تحبو.... :D

وواذا ما بتحب البرمجة .... يللي هي تلات ارباع اختصاصك... اهجوم عالربع البقيان وتفنن فيه:p
lolo510
17/08/2009, 13:53
انا بدي اتخصص بتهريب المخدرات خلي الشعب يعيش:larg:


زكاتك بمعيتك تشوفلي اديش المجموع يللي بدن اياه حاكم انا بحب هالتخصص كتير وبدي فيد هالبشرية:jakoush:
jovia
17/08/2009, 13:56
زكاتك بمعيتك تشوفلي اديش المجموع يللي بدن اياه حاكم انا بحب هالتخصص كتير وبدي فيد هالبشرية:jakoush:
والله يا لولو للاسف ما حيلبيلك طلبك ابو العبد لا هوي ولا معيتو وذلك لاسباب قاهرة :cry: الله يلعن بي الغربة :sick:
lolo510
17/08/2009, 14:35
والله يا لولو للاسف ما حيلبيلك طلبك ابو العبد لا هوي ولا معيتو وذلك لاسباب قاهرة :cry: الله يلعن بي الغربة :sick:

حطولنا غنية فارس كرم ( الغربة ) هون
وليييي والعمل jovia؟
walker
19/08/2009, 19:43
IT science
Nasserm
22/08/2009, 12:37
BIOMEDICAL ENGINEERING ... دخلت هالاختصاص لإنو بالبكالوريا كنت حابب بنت سنة أولى هندسة طبية.. وبس فتنا.. تركنا.. يعني فيكن تقولوا ورطتني بنت الهيك والهيك :)
Nasserm
22/08/2009, 12:39
وشو بدي قدم للمجتمع؟ بدي قدملو وراق الهجرة ع كندا (بما إنو قبلونا).. وبعدها لكل حادس حديس
fakhlout
30/08/2009, 17:16
انا عمبدرس حقوق هلأ اول ما قررت ادخل كنت حاببتا بس لما دخلت خنقتني لأنها صدمتني بس أ:?نا000000000000000000000000000000000000000 بحب التصوير
الاء النور
25/09/2009, 00:13
انا طالبة سنة اولى طب طول حياتي لم احلم بشيئ ابعد من السنة التالية حتى عندما تسالني صديقاتي مالذي تريدين كونه كنت اجيب لا ادري ممكن طبيبة ولكن ابدا لم اقرر ذلك واعقد العزم عليه فعلا غريبة هذه الحياة
fernanda bachchan kfoury
25/09/2009, 01:22
هلاء انا مابعرف ازا شبق ورديت عهالموضوع من قبل لو لاء
او يمكن شايفة متلو لهالموضوع او مابعرف الزاكرة عم تخونني :o

المهم انا اختصاصي لغات ترجمة (انجليزي/فرنسي )
ماكنت رضيانة ع هالاختصاص بس حطيتو بالاختيارات وانقبلت فيه
وهلاء الحمد لله منشكر الله رضيت عليه انو هيكي الاختصاص بحد زاتو بيترك الواحد يحب يدرس ويبحبش
خصوصا دراسة اللغات بحسا قريبة لقلب الواحد
وان شالله ناوية بعدماخلص دراسة بدرس لغات تانية لحتى يكون في عندي فرص شغل كتيرة :clap:
alhralhr
25/09/2009, 03:30
صديقي هلا ليش وكيف اخترت اختصاصي يعني شو بيعرفني الله اختارهم الي
لا نو وعينا بعمر 18 منفكر هندسة الكيميا اختراع ذرة وهي بالواقع عبارة عن طرق حديثة في اختراع اقدم انواع الصابون بقى قول الله يعين كل صاحب بلاء على بلواه
Zerocold2
25/09/2009, 21:48
يا سيدي انا عم ادرس تجارة واقتصاد يعني عم اندفش ... عم اندبر حالنا
ليش في حدا عاجبوا الفرع يلي هو فيه ... بضل احسن من غيره :larg:
وعم فكر اختص يا محاسبة يا إدارة أعمال .... شو رأيكم ؟؟؟
yahya77
05/10/2009, 22:20
إختصاصي إدارة أعمال
وعملي في العلاقات والإعلام

إبش جاب لجاب
savage garden
05/10/2009, 22:38
إختصاصي إدارة أعمال
وعملي في العلاقات والإعلام

إبش جاب لجاب
منيح الك عمل:lol:
ALEPPO
06/10/2009, 02:20
اول شي شكرا الك
موضوعك حلو كتير:D
اختصاصي بكالوريوس علوماخترت هاد التخصص لاني بستمتع بالمواد العلمية و بكره المواد يلي بتعتمد على الحفظ
و من ايام المدرسة كنت اتمنى انو كون معلمة
و اكيد أنا و كل الناس مع جملة نأكل لنعيش بس المشكلة انو ظروف الحياة الصعبة بتفرض على بعض الناس انو يعيشوا لياكلوا:sick:
حاليا ما بقدر اخدم بلدي لاني مقيمة ببلد تاني بس ان شا الله يجي اليوم يلي استقر فيه بسوريا و اقدر انو قدم شي الها