السلام عليكم ورحمة الله وبركاته
اليوم معي قصة انشاالله تنال اعجابكم
بزمناتو كان في شب مضر ع مبلغ 2000 ليرة سورية المهم قال لحالو ما لي غير أروح عند رفيقي أحمد ما حدا بيلبيني غيرو وفعلا راح لعندو
مرحبا أحمد
أحمد :أهلين مازن
مازن :الك ولا للديب
أحمد :قول خسا الديب ولو
مازن :بدي منك2000ليرة دين لأسبوع
أحمد :أي مو تكرم عينك بس أيمت بالضبط بدك ترجعهن
مازن :يوم الجمعة الساعة12
أحمد:ممم بس في شرط
مازن : شو بدك شروط
أحمد:اذا بتتأخر علي دقيقة ما بدي المصاري وبدي أقطع من فخذك 2 كيلو لحم
مازن :بينو وبين نفسه أي بجي ع الوعد ما شي توكلنا ع الله
بعد أسبوع
مازن عالباب:الساعة 11و59دقيقة
شرد وهو عم يفكر ليش12 تمام
واذ الساعة 12 ودقيقة:o
استعجل ودق الباب
طلع أحمد
وينك تأخرت دقيقة
مازن :أي شو يعني؟
أحمد: بدي نفذ شرطي
مازن :خلص هي المصاري
أحمد سكر راسو
مازن :أمشي نروح عند شيخ القبيلة
أحمد : بتقبل بحكمو
مازن :أي
وراحو وحكولو القصة
شيخ العشيرة :بدو يقص منك
مازن:عن اذنك دقيقة
وهرب أخد حصان واشتغل الركض
لحقو أحمد وشيخ العشيرة بدو يقتلو لأنو حقر المجلس وما قبل
وهو عم يركض نط من فوق تلةولحسن حظو تحت التلة كانت متسطحة حرمة حمل بعد 7 سنوات من الأنتظار
وللأسف حافر الحصان الخلفي أصاب بطن المرأة وسقط الجنين
مسكو الرجل وبدأ:قتلتلي أبني بعد انتظار 7 سنوات والله لأطلع بروحك
ولكن تمكن أحمد من الهروب من بين يديه
ودخل الى جامع ووقف يصلي ووقفوا خلفه من يريد قتله من أحمد _شيخ العشيرة_أبو الولد
انتهت الصلاة فركض مازن الى باب وفتحه وركض الجميع خلفه ولحسن الحظ أن الباب كان للمأذنة
فقال : يا روح ما بعدك روح
و شلف حالو من فوق المآدنة ولكن للأسف وقع فوق واحد أعمى وكان أخوه جنبو ومات الأعمى مسكو الأخ وقلو:قتلتلي أخي مالي غيرو بهالدنيا والله لأقتلك واجتمع الكل عليه
فجأة طلع بين هالناس رجل حكيم
وقلهن :بتروحو للشيخ الفلاني هاد زلمة بيخاف الله وبيحكم بالعدل
مسكوه ل مازن وأخدوه عند الشيخ
بيت الشيخ كن بحارة صغيرة وديقة
قالولو ل مازن روح دق الباب اذا الشيخ هون ناديلنا
مازن وقف لحتى يدق الباب سمع أصوات نساء وضحك وسهسكة
قال :ياحبيبي شو هالشيخ؟
سألوه ل مازن :شو صار معك الشيخ موجود
مازن:الشيخ عم يصلي
سمع الشيخ من الداخل وعرف أنو في قضية
وقرر بينو وبين نفسه أنو ينفد يلي قال الشيخ عم يصلي
دخلو الكل وسلموا ع الشيخ
الشيخ: مين قال الشيخ عم يصلي
مازن:أنا شيخي
الشيخ: تفضلو شو المشكلة
أحمد:حكاله قصة الوعد وقلو شو يا شيخي بطلعلي قص منه ولا لأ
الشيخ: نعم يا أبني شرعا بيطلعلك وهي سكين متل الشفرة قوم قص بس ولكن في شزط بدك تقص 2كيلو ع التمام ما بتزيد غرام ولا بتنقص غرام وألا ما بيجوز تنفذ
أحمد:شو أنا ايدي ميزان خلص الله يسامحو
الشيخ:شو الله يسامحو بعد هالبهدلة يلي بهدلتو ياها
أحمد : شو يعني شيخي
الشيخ :يعني بتدفعلوا تعويض
والله الزلمة دفع ومشي
شيخ العشيرة خجل من حالو لأنو ما عرف يحكم وقام بدو يمشي مسكو الشيخ وين بدك تروح دفاع ضرر للزلمة كمان دفع ومشي
أبو الولد:أنا يا شيخي 7 سنوات عم أستنى وهو بلمح البصر قتلو ما بيطلعلي أقتلو
الشيخ: بيطلعلك وهي سيف بيقطع الحديد بس ولكن قبل ما تقتلو بينام أسبوع مع مرتك أذا ما عوضك الجنين بقتلو
أبو الولد:لعمى شو ينام مع مرتي خلص الله بيعوضني
الشيخ :دفاع ضرر للزلمة والله دفع ومشي
الأعمى:يا شيخي أخي ما عندي غيرو بالدنيا قتلي ياه ما بيطلعلي أقتلو
الشيخ:لكن كيف بيطلعلك ومن هاللحظة بس ولكن بنفس الطريقة يلي قتل فيها أخوك
يعني أنت بتطلع لفوق وهو بيقعد تحت وبتشلف حالك عليه
الأعمى :أنا ما بشوف بيجوز أوقع ع الأرض وموت خلص الله يسامحه
الشيخ :وين والبهدلة يلي بهدلتو ياها للزلمة بالبلد
دفاع ضرر
مازن :خلص شيخي مسامح
وانصرف الأعمى
بقي الشخ ومازن
الشيخ:ليش قلت الشيخ عم يصلي وما قلتهن أنو عندي نسوان
مازن:يا شيخي عم أصدق عم أتبهدل قلت كزوب شي مرة بلكي بتنفد يا صبي
الشيخ:بس هدول نسواني الأربعة وأنت هيك ظنيت فيني ظن السوء فلذلك بيطلعلي تعويض نص المبلغ يلي معك:o:o:o:o:o:o:o:o
انشاالله تكون عجبتكن