سورية وتركيا قريباً... دولتان بحكومة واحدة! [الأرشيـــــف]

ayhamm26

25/07/2009, 23:46

كشف وزير الخارجية التركي أحمد داود أوغلو عن عزم بلاده إنشاء مجلس حكومي مشترك مع سورية، يشابه نظيره الذي شكل بين تركيا والعراق. وعلى قاعدة أن يكون النموذج «دولتان بحكومة واحدة».

ونقلت صحيفة السفير اللبنانية اليوم عن صحيفة "ملليات" التركية أن هذا الإجراء باعتقاد داود أغلو سيخفض المشكلات بين الدولتين الجارين إلى نقطة الصفر ويرفع التعاون إلى الدرجة القصوى.
ويذكر أن أنقرة قررت بعد زيارة رئيس الوزراء العراقي نوري المالكي، تشكيل مجلس حكومي مشترك يضم رئيسي حكومتي البلدين والوزراء الأساسيين فيهما.وقالت صحيفة السفير، أن أوغلو وصف العلاقات مع سوريا بأنها في أكمل أوجهها. وقال «إننا سنشكل مع سوريا مجلس تعاون استراتيجي مثل الذي شكلناه مع العراق.

وقد عقدنا في وزارة الخارجية مع ثمانية من زملائي اجتماعا لهذا الغرض. وبهذا الشكل نطور العلاقات مع الجيران إلى درجة تخفيض المشكلات إلى نقطة الصفر، ورفع التعاون إلى الدرجة القصوى»، موضحا أن الاستعدادات تجري بين البلدين بهذا الصدد.وأوضح أن الحكومة المشتركة لا تقتصر على سورية والعراق بل يراد لها أن تعمم على كل جيران تركيا من إيران وجورجيا واليونان وبلغاريا.ومثل تلك الحكومات المشتركة تجتمع دوريا وتقرر على مختلف الأصعدة الاقتصادية والثقافية والتجارية والأمنية.وكان وزير الدولة التركى للتجارة الخارجية ظافر ساجلايان أعلن أمس (الجمعة ) ان تركيا وسوريا اعدتا خارطة طريق لتدعيم العلاقات الثنائية، وخاصة فى المجال الاقتصادى ، وفقا لما ذكرت وكالة انباء (الاناضول) التركية . وأضاف " ان الهدف هو تحويل العلاقات الاقتصادية الى شراكة تجارية واقتصادية دائمة. وسيعمل الجانب التركى جاهدا على تنفيذ القضايا التى شملتها مذكرة التفاهم ".

واشار الى ان الدولتين قررتا عقد منتدى اقتصادى تركي - سوري فى الربع الاول من عام 2010 ، واتفقا على عقد اجتماع مجلس اعمال تركى- سورى فى نوفمبر عام 2009.

نشرة كلنا شركاء.

..Jimy

25/07/2009, 23:57

طيب داخليا شو بيعني هالحكي:?؟؟

i_miss_syria

26/07/2009, 00:06

شي فهمتو و شي ما فهمته.

ممكن حدا يشرحلي الخبر, لو سمح هذا الحدا.

ayhamm26

26/07/2009, 00:10

طيب داخليا شو بيعني هالحكي:?؟؟

اذا قصدك داخليا شو رح يكون انعكاس هالشي على حياة المواطن, فبرأيي ولا شي.

في أخبار عم تقول انو تركيا رح تبدأ توزعلنا كهربا قريبا , بالاضافة لقصة الاستثمارات التركية بسوريا اللي مبلشة من زمان. بس نظرا للفساد و طرق الادارة المتخلفة اللي عنا, اي لو بيجي بيل غيتس و بيستثمر ثروتو كلها بسوريا ما رح يتغير شي.

jano.

26/07/2009, 00:32

نظريّاً وبشكل عامّ، شغلة حلوة...

بالنسبة لـ «دولتان بحكومة واحدة» أكيد مو المقصود منها التدخل بالأمور الداخليّة البحتة من قبل أي طرف، في كتير شغلات ممكن تتم بين دولتين على شكل اتفاقيات اقتصادية، أمنيّة، بيئيّة الخ... وتكون هالأمور مقيّدة بقوانين موحّدة بين الدولتين.

suryoyo

26/07/2009, 00:39

ما دام ما تغير شي ملموس بالعراق بعد هذا المجلس اللي اول مرة اسمع عن اسمو ... غير زيدوا حصتنا بالمي مقابل اخذ نفط اكثر

بالحقيقة .. تركيا ممكن تفيد بالاستثمارات

المحارب العتيق

26/07/2009, 00:50

والله أحترنا بدنا نبيع البلد لأيران ولا تركيا

الأقتصاد التركي سيبتلع الأقتصاد السوري بمنتهى السهولة . والأندماج الأاقتصادي الذي يعلن عنه ماهو الا عجز لصالح الأاقتصاد التركي . فبينما نصدر المواد الأولية نستورد كل ماتنتجه المعامل السورية ( طبعا الحكومة التركية بتساعد منتجاتها بقوانين كتيرة والحكومة السورية بتفشل منتجاتها بقوانين كتيرة ) . يعني كمان شوي منسكر معاملنا ومنشتري تركي وبدون مانشتغل :?

المحارب العتيق

26/07/2009, 00:52

بس تساؤلات بما أنو بدنا نصير دولتين بحكومة وحدة

رح يرجعولنا لواء اسكندرون ؟

mhsen77

26/07/2009, 01:02

رح يرجعولنا لواء اسكندرون ؟
ما بظن لانو الشباب باعوه من زمان وصرفو حقو :larg:

بس نحنا كشعب شو ممكن نستفيد ؟
و الاقتصاد السوري بميزان الربح و الخسارة شو وضعو

المحارب العتيق

26/07/2009, 01:10

ما بظن لانو الشباب باعوه من زمان وصرفو حقو :larg:

بس نحنا كشعب شو ممكن نستفيد ؟
و الاقتصاد السوري بميزان الربح و الخسارة شو وضعو

أقتصادنا بيصير سلامتك من الأه :lol: :x

Elephant And Castle

26/07/2009, 01:29

المحارب العتيق
والله أحترنا بدنا نبيع البلد لأيران ولا تركيا

هاد ما اسمو بيع ,,اسمو اجار ,,يعني عادي لما بيأجرو البلد للأيراني و التركي ..كام سنة و يلي بيقبض حقها بكون مشي حالو ...

هلئ حلو يكون في تعاون اقليمي مع الدول المجاورة ة..بس لما بيتعلق الموضوع بدولتين متل ايران او تركيا ,,الواحد ما بكون مرتاح ...التنين اطماعون واضحة متل عين الشمس ,,,و تاريخون و حاضرون معنا شي سيء كتير ,,,,,,يعني ,,,بالفعل شو مشان اللواء !!

mhsen77
ما بظن لانو الشباب باعوه من زمان وصرفو حقو

يا رجل باعوا الجولان و اللواء و كتير شغلات تانية و صرفوا حقها ...ما مزعوج ليش انباعت ..مزعوج ليش صرفو حقها ,,,معقول ينصرف المبلغ الكنير هاد بالسهولة هي ...!! ..ما عم اتمسخر ..عنجد ,,لأنو يلي بيبعزق حق الجولان و اللواء بالسرعة هي ,,,,ما عندو مشكلة انو يبيع لسا مشان يغطي مصاريفو ( عم احكي بكل تجرد بمعزل عن التلميح لأي فئة او شخص ..لأنو لهلئ ما نعرف مين يلي عم يبيع ,,,الشعب ,,او النظام ,,او جهة تانية )

mhsen77

26/07/2009, 01:34

أقتصادنا بيصير سلامتك من الأه :lol: :x

:cry::cry::cry::cry::cry::cry:

mhsen77

26/07/2009, 01:39

أقتصادنا بيصير سلامتك من الأه :lol: :x

:cry::cry::cry::cry::cry::cry:

المحارب العتيق

26/07/2009, 01:55

:cry::cry::cry::cry::cry::cry:
على فكرة كتير ناس من العوام ومحدودي النظر ( مو أهانة ) بكتير من المواقع الأالكترونية بيهاجموني لما بدافع عن حماية اقتصادنا وبطالب بمساعدتو ودفعو للمنافسة .

عم تسألني عن أقتصادنا
ياعزيزي أنا مثلا بطلع كتير على تركيا وعندي أطلاع لا بأس فيه عن أقتصادهم . ورح نحكي مثال عن الصناعات الغذائية يلي هية من أعمدة الأقتصاد السوري ويلي هو وللأسف بيعتمد بشكل كتير كبير على الصناعات الخفيفة . فيك تشوف بأي سوبر ماركت المنتجات التركية . رح تلاقيها بنفس سعر المنتجات السورية أو يمكن أرخص مع منافسة كبيرة من حيث النوعية . رغم أنو نفس الأاصناف بتنباع بالسوبرماركت التركي بحوالي ال3 أضعاف . طبعا الحكومة التركية عندها قوانين تشجيع التصدير كتير قوية

مثال تاني

صناعة المنسوجات السورية هية كمان من أعمدة الأقتصاد السوري

لو أنلغى الجمرك وانفتحت الحدود . الصناعة السورية ستعلن أفلاسها ( بأستثناء معامل التصدير ) . لعدة اسباب متل ماذكرنا أنو بتركيا في أعفائات ضريبية وخاصة على التصدير . في تسهيلات بنكية كتير قوية . في سوق مفتوح على أوروبا وروسيا تحديدا . الشي يلي بيخلي عندهم كم هائل من الأنتاج وهو بطريقو بيساعد على تكلفة أرخص

منعمل مقاربة بين البلدين منلاقي انو القاونين التركية بتفرض ضرائب على البضائع الصينية لأنها أرخص بينما لحنا هون مامنكون عم نحمي صناعتنا

كمان مثال تاني سوريا وتركيا من أكتر البلدان من حيث أنتاج القطن الحكومة التركية قامت بعدة اجرائات لتساعد الصناعات القطنية . من تسهيلات بنكية وغيرها وغيرها . حتى تستثمر القطن بداخل تركيا . وهيك بتكون استفادت من عدة أمور منها انها لما حتبيع القطن بشكلو النهائي بتكون استفادت من قيمة مضافة عليه بدل بيعو خام بسعر رخيص . ومنها فرض اسمها كمنتج قطني قوي بالعالم . ومنها تشغيل يد عاملة بأنتاجو الشي يلي بيساعد على أيجاد فرص عمل . لبالوقت يلي لحنا بسوريا صرنا عم نصدر لتركيا قطن خام وندخلو بميزان التبادل التجاري يلي عم نتفاخر أنو وصل ل2 مليار ( وهو خاسر للجانب التركي )

mhsen77

26/07/2009, 02:11

بالنسبة للقوانين عنا حتى الجيدة و الممتازة منها بتجي التعليمات التنفيذية و بتشفيها من كل شي جيد و مفيد

هيدا واقع للاسف

لهيك حاسس انو اذا صارت هالحكومة رح يكون المستفيد الوحيد هنن التجار الكبار و بعض المسؤولين و بس و عمرو الوطن و المواطن ما يستفيد

المحارب العتيق

26/07/2009, 02:31

لك يلي بيزعج بالموضوع . أنو الدولة عم تخسر بأغلب مكونات القطاع العام . وحتى الرابح منها فيه الاف الوظائف الغير ضرورية والموظفين الذين لايعملون . لكن الدولة بتحمي هاد القطاع وبتمولو تحت تسمية الاقتصاد الأاجتماعي وأنو لازم الدولة تشغل مواطنيها . بنفس الوقت الطبقة الوسطى ومشاريعها مهمشة ومسحوقة بالكامل . وحتى مابقي منها فهو ضعيف وكل مالها الامور ضدو ( وهاد بيشمل الاف المشاريع الصغير والورشات وغيرها )ويلي فيها مئات الاف اليد العاملة . بيبقا التجار الأاقوياء والشركات الكبيرة يلي بضل عندها هامش منافسة بحكم دعمها وتسهيلاتها (الغيير قانونية ) وحجمها المالي والسوقي . ( عدا عن الشركات الأحتكارية ) . يعني يا غني يافقير

لهيك حاسس انو اذا صارت هالحكومة رح يكون المستفيد الوحيد هنن التجار الكبار و بعض المسؤولين و بس و عمرو الوطن و المواطن ما يستفيد

بما أنو عندي قناعة أنو التجار الحاليين الكبار ببلدنا هنن سماسرة مو تجار . بيكون كلامك واقعي . خاصة أنو سمعت من فترة من مسؤول أقتصادي ( نسيت مين هو ) أنو أنفتاح الأقتصاد السوري على الاقتصاد التركي . بموازة تفعيل السوق العربية المشتركة . رح يجعل سوريا قاعدة تصدير المنتجات التركية للدول العربية ( يعني بيكون الزلمة أعترف ضمنيا أنو رح ننقض اتفاقيات السوق العربية المشتركة بتزوير شهادات المنشأ ) . وهيك متل ما أنت قلت بيستفيدو شوية تجار بصفقات استيراد وتصدير والصناعة السورية برجع بقلك سلامتك من الاه :lol:

MadMax

26/07/2009, 03:26

المحارب العتيق

26/07/2009, 03:35

أنا مع تحسين العلاقات السورية مع كل دول الجوار ....خاصة الدول الغير عربية
لازم يكون عنا بديل اقتصادي .... للجوار العربي

بالنسبة لحماية الصناعة السورية ..
أكيد ما بتصير عن طريق فرض الرسوم و الضرايب على البضائع الاجنبية ( لأنو بهالحالة .. المواطن هو يللي بيدفع التمن )

حماية الصناعة الوطنية بتصير عن طريق إعطاء تسهيلات معينة للصناعيين السوريين
أنا معك . واكيد قبل مانفكر نحمي صناعتنا لازم نفكر نساعدها على التطور مشان تقدر تنافس لأنها بحمايتها فقط بتتخلف وبتبطل تنافسية . بس كمان بكل دول العالم فرض الضرائب على ما يماثل الصناعات الوطنية الأاساسية موجود . يعني مثلا تركيا بتفرض ضرائب على صناعة الالبسة الصينية لأنها تضر المنتجات التركية . وصناعة الأالبسة مهمة للأقتصاد التركي . نفس الشي بعتقد بتعملو فرنسا على استيراد السيارات لأنو صناعة السيارات مهمة للناتج القومي الفرنسي . مثلا سوريا مابتنج سيارات ومع ذلك بتحط جمارك عالية على استيرادها . أو مامنصنع تكنولوجيا وهيك بيكون تحرير موادها من الضرائب أمر طبيعي

المحارب العتيق

26/07/2009, 03:43

هلأ بعيدا عن الانصهار بالأاقتصاد التركي . ليش مامنستفيد من الشي يلي عملتو تركيا من الألفين لهلأ ويلي أنعكس بشكل كتير ايجابي على اقتصادها ( من قوانين وتسهيلات وغيرو ) . بعد ماكنت عم تمر بشبه أنهيار أقتصادي بنهاية التسعينات

وحتى بالنسبة للسياحة . عدد زوار تركيا سنويا حوالي الخمس وعشرين مليون بينما لا يتعدى الأربع ملايين في سوريا

MadMax

26/07/2009, 03:49

أنا معك . واكيد قبل مانفكر نحمي صناعتنا لازم نفكر نساعدها على التطور مشان تقدر تنافس لأنها بحمايتها فقط بتتخلف وبتبطل تنافسية . بس كمان بكل دول العالم فرض الضرائب على ما يماثل الصناعات الوطنية الأاساسية موجود . يعني مثلا تركيا بتفرض ضرائب على صناعة الالبسة الصينية لأنها تضر المنتجات التركية . وصناعة الأالبسة مهمة للأقتصاد التركي . نفس الشي بعتقد بتعملو فرنسا على استيراد السيارات لأنو صناعة السيارات مهمة للناتج القومي الفرنسي . مثلا سوريا مابتنج سيارات ومع ذلك بتحط جمارك عالية على استيرادها . أو مامنصنع تكنولوجيا وهيك بيكون تحرير موادها من الضرائب أمر طبيعي

اي .. بس بسوريا عم يبالغو بفرض الضرائب من هالنوع
و حتى أنو عم يصير هاجس عند المواطنين ( ما بعرف مدى صحتو .. بس موجود ) عن تواطؤ المسؤلين مع التجار و الصناعيين لفرض هالنوع من الضرائب

و حماية بعض المنتجات بكون بطريقة مقرفة
مثلاً بسبب الازمة الاقتصادية العالمية نزل سعر كيس الاسمنت بالدول المجاورة إلى ما دون الـ 3 دولار
بينما عم ينباع عنا ( مع انو انتاج القطاع العام ) أكتر من 7 دولار ...... و مع هيك معامل الاسمنت عنا منشآت اقتصادية خاسرة

بتقوم الحكومة عنا بتمنع استيراد الاسمنت من الخارج بالمطلق
بحجة أنو ... ما بدنا تصير بلدنا متنفس للأزمات الاقتصادية بالدول المجاورة ( مطلوب مني كمواطن .. اقتنع بهالحكي )
بس بصير يحتكروا المنتج ...و تكون جيوب المواطنين .. متنفس لسياسات اقتصادية فاشلة

بسبب الحماية يللي فرضتها الحكومة بالسنوات الطويلة الماضية ... صارت صناعاتنا ... من أردأ الصناعات بالمنطقة

المنافسة معدومة

طالمة استيراد العلكة ممنوع ..... رح تضل علكة سهام ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ... هيي رمز الصناعة الوطنية
و علكها يعتبر واجب وطني

المحارب العتيق

26/07/2009, 04:04

اي .. بس بسوريا عم يبالغو بفرض الضرائب من هالنوع
و حتى أنو عم يصير هاجس عند المواطنين ( ما بعرف مدى صحتو .. بس موجود ) عن تواطؤ المسؤلين مع التجار و الصناعيين لفرض هالنوع من الضرائب

و حماية بعض المنتجات بكون بطريقة مقرفة
مثلاً بسبب الازمة الاقتصادية العالمية نزل سعر كيس الاسمنت بالدول المجاورة إلى ما دون الـ 3 دولار
بينما عم ينباع عنا ( مع انو انتاج القطاع العام ) أكتر من 7 دولار ...... و مع هيك معامل الاسمنت عنا منشآت اقتصادية خاسرة

بتقوم الحكومة عنا بتمنع استيراد الاسمنت من الخارج بالمطلق
بحجة أنو ... ما بدنا تصير بلدنا متنفس للأزمات الاقتصادية بالدول المجاورة ( مطلوب مني كمواطن .. اقتنع بهالحكي )
بس بصير يحتكروا المنتج ...و تكون جيوب المواطنين .. متنفس لسياسات اقتصادية فاشلة

بسبب الحماية يللي فرضتها الحكومة بالسنوات الطويلة الماضية ... صارت صناعاتنا ... من أردأ الصناعات بالمنطقة

المنافسة معدومة

طالمة استيراد العلكة ممنوع ..... رح تضل علكة سهام ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ... هيي رمز الصناعة الوطنية
و علكها يعتبر واجب وطني
أنا معك تماما . وفكرتي وفكرتك بيكملو بعض . يعني كم معمل اسمنت عنا ؟ . وقديش قيمة الناتج القومي من أنتاج الأسمنت . ومع ذلك الدولة مانعتو لحماية بعض المحتكرين . أما صناعة المنسوجات يلي تشكل 63 % من مجمل القطاع الصناعي السوري . فهي بحاجة لمساعدة ونوع من الحماية ضد الاغراق ولا لأ ؟ .

في عندك مثال تاني على التخبط الاقتصادي . استيراد الذهب ممنوع . مع انو الذهب لا يفقد قيمتو بعد استيرادو بل ترتفع . بعكس مثلا المليارات التي تصرف على استيراد السيارات والالبسة . يلي منجيب (بتسمية عامية ) تنك وشرطيط ومنطلع بدالهم مصاري

الأقتصاد لا ينتعش الا بزيادة الناتج القومي . وهو بحاجة للدعم كي يزيد

لك يازلمة أنا تاجر ومع السوق وقوانينو . ومع ذلك لما بشوف تصرفات وزارة الأقتصاد يلي متبنية السوق الأاجتماعي بلاقي حالي اشتراكي اكتر منهم :o

MadMax

26/07/2009, 04:36

فهي بحاجة لمساعدة ونوع من الحماية ضد الاغراق ولا لأ ؟ .

برأيي ..... لا

لأنو ( حسب ما شفت بالتجارب السابقة ) يللي عم يستفيد من الحماية ... هيي الصناعات الرديئة
لأنو هيي المنافسة للبضائع يللي عم تغرق السوق ( بتوقع انك بتقصد البضائع الصينية )

أما البضاعة السورية الجيدة ... فـ إلها منافسين تانيين ما بيعتمدو الإغراق .. بيعتمدو المنافسة بالجودة .... و هادا شي منيح

عالهامش ..
أنا بلوم بعض الصناعيين ... يللي بصدرو بضاعتهم الجيدة ... و ما بنزلو عالسوق السورية غير البضاعة النخب التاني

حدا دايق عرق الريان يللي بيتصدر ....؟؟ ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

DARKNESS

26/07/2009, 09:53

والله يا اعزائي اقتصادنا ليزبط لازملو اعادة تهيئة من أول و جديد و ما بدي احكي كتير كلنا منعرف الوضع و قلبنا من الحامض لاوي

فما في أمل عا قولة بسام كوسا ما رح تزبط معنا :pos:

سلام :D

انا مروان

26/07/2009, 17:20

يعني شلون بعملو حكومة مشتركة مع تركيا
والمعروف ان تركيا ديمقراطية نوعا ما يعني ممكن هالحكومة برئاسة اردوغان ممكن كتير تتغير بالانتخابات الجاي لانو باخر انتخابات تراجعت شعبيتها وفازت بفارق بسيط كتير
عندك الحزب المنافس القومي بيكره العرب والاسلام وروح قلبو الاتحاد الاوربي واسرائيل
تعال حلها اذا بتنحل
يعني عم تربط حالك بعامود مهدد بالسقوط

mhsen77

27/07/2009, 01:08

وزير الشؤون الخارجية التركي: شركة النفط التركية "تباو" سوف تزيد عمليات استكشاف النفط والغاز في سورية

تبدأ تركيا في آب المقبل بتزويد سورية بـ 250 ميغاواط ساعي من الكهرباء, وذلك بموجب محضر اجتماع الدورة الثالثة لمجلس الشراكة السوري التركي الذي وقع اليوم الجمعة.

وتضمن محضر الاجتماع الذي وقع عليه البلدين التعاون في مجالات الكهرباء والغاز وإنتاج وتوزيع النفط ولاسيما استيراد الغاز الطبيعي والكهرباء من تركيا, حيث تقرر أن يبدأ الجانب التركي اعتبارا من شهر آب المقبل بتزويد سورية ب 250 ميغاواط ساعي من الكهرباء.

واتفق الجانبان بموجب المحضر على تطبيق التعرفة الجمركية في إطار اتفاقية التجارة الحرة بين البلدين, كما تم الاتفاق بهذا الشأن مع الاتحاد الأوروبي ضمن مشروع اتفاقية الشراكة السورية الأوروبية ومراجعة كل المواضيع التي تخص تنفيذ اتفاقية الشراكة والرسوم المفروضة في سورية كرسم الاستيراد ورسم البلديات.

وسيتم بموجب اتفاقية منطقة التجارة الحرة بين البلدين التي دخلت حيز التنفيذ مطلع 2007, إعفاء المنتجات السورية التي تحمل شهادة منشأ من دخول الأراضي التركية بدون رسوم جمركية, فيما تخضع المنتجات والبضائع التركية إلى برنامج زمني يمتد على مدى 12 عاما يتم من خلاله إجراء التخفيضات الجمركية.

كما تضمن المحضر وضع برنامج عمل لتبادل البعثات التجارية وتنظيم اجتماعات رجال الأعمال من البلدين والمشاركة في المنتديات الاقتصادية ووضع جدول زمني لذلك وقيام وفد سوري متخصص في مجال بناء السفن بزيارة تركيا قريبا.

وقال وزير الدولة التركي لشؤون التجارة الخارجية ظفر شاغليان خلال التوقيع إن "شركة النفط التركية (تباو) سوف تزيد عمليات استكشاف النفط والغاز الطبيعي في سورية", مضيفا انه "سيتم أيضا تسريع الأعمال الضرورية لبيع الغاز الطبيعي لسورية", مشيرا إلى أن "تركيا سوف تشجع رجال الأعمال الأتراك للاستثمار في سورية".

وتعمل الحكومة السورية على زيادة إنتاجها من النفط وذلك بعد انخفاض إنتاجها من 600 ألف برميل يوميا في السنوات الماضية ليصل إلى 377 ألف برميل فقط العام الجاري.

ولفت الوزير التركي إلى انه "تم الاتفاق على تنظيم منتدى اقتصادي سوري تركي خلال الربع الأول من العام المقبل وعقد اجتماع لمجلس الأعمال السوري التركي في تشرين الثاني المقبل والقيام بالدراسات اللازمة على استخدام نافذة جمركية سورية تركية مشتركة", مشيرا إلى أن "الجانبين اتفقا على إقامة تعاون دائم بغية تحويل العلاقات الاقتصادية إلى شراكة تجارية واقتصادية دائمة".

يشار إلى أن 27 اتفاقية تنظم العلاقات بين دمشق وأنقرة تتناول كل المجالات أهمها اتفاقية منطقة التجارة الحرة, واتفاقيات في مجال النفط والغاز وتشجيع الاستثمارات وتجنب الازدواج الضريبي ومنع التهرب الضريبي, واتفاقية لإنشاء مجلس رجال الأعمال السوري التركي, وغيرها..

المحارب العتيق

27/07/2009, 01:28

mhsen77

27/07/2009, 01:50

حبيب لو عنا ارادة بحل أزمة الكهرباء كنا حليناها من زمان . وللدلالة مابعرف ليش لنستورد كهرباء من تركيا (حتى نحس بالفضل لتركيا ؟ ) . تركيا أشهر دولة بالعالم بتوليد الكهرباء عبر الطاقة الهوائية , ولو بدنا كنا جبنا من عندهم العنفات والخبراء وركبناهم ضمن أراضينا . خاصة اذا عرفنا انو العنفات التركية مركبة بالقرب من الحدود السورية . لأنها من افضل المواقع لها . وهو الشي يلي بينطبق على الطرف التاني من الحدود ( لو حبينا ) عدا عن أنو تكلفة توليد الطاقة الكهربائية عبر الهواء رخيصة لأنها تدفع لمرة واحدة :frown:

انا يمكن اكتر واحد بعرف وضع الكهربا عنا بسوريا لاني موظف بهالقطاع
اكيد بتفق معك انو ماكان في أرادة حقيقية لحل ازمة الكهربا و متل ما منعرف كان وضع الكهربا عنا بعام 2000 ممتاز و دخلت وقتها محطتين عالشبكة وهني حلب و الزارة بطاقة انتاجية بحدود 1700 ميغا وات و من وقتها ما دخلت اي محطة جديدة عالشبكة لعام 2007 دخلت محطة دير علي يلي ما كانت كافية تعوض الاستجرار الكبير يلي صار بعدين و كنا نصدر الكهربا من خلال شبكة الربط الخماسية ضمنا لتركيا و حاليا عم نعاني من ازمة كتير كبيرة بانتاج الكهربا و خروج محطات قديمة عن الشبكة زاد المشكلة

Abu ToNi

27/07/2009, 02:32

انا يمكن اكتر واحد بعرف وضع الكهربا عنا بسوريا لاني موظف بهالقطاع
اكيد بتفق معك انو ماكان في أرادة حقيقية لحل ازمة الكهربا و متل ما منعرف كان وضع الكهربا عنا بعام 2000 ممتاز و دخلت وقتها محطتين عالشبكة وهني حلب و الزارة بطاقة انتاجية بحدود 1700 ميغا وات و من وقتها ما دخلت اي محطة جديدة عالشبكة لعام 2007 دخلت محطة دير علي يلي ما كانت كافية تعوض الاستجرار الكبير يلي صار بعدين و كنا نصدر الكهربا من خلال شبكة الربط الخماسية ضمنا لتركيا و حاليا عم نعاني من ازمة كتير كبيرة بانتاج الكهربا و خروج محطات قديمة عن الشبكة زاد المشكلة
الفصل الماضي بالتحديد كان عنا مادة اسمها " نظم القدرة الكهربايئة "
باحدى المحاضرات عمللنا الدكتور رحلة علمية لمحطة حلب الحرارية
الموظفين من كل عقلن عم يتفاخروا بالكاميرا غير القابلة للانصهار الموضوية بالأفران وعم يتفخاروا قدامنا .. شوف يا أبني هي الصورة داخل الفرن من اليمين .. شوف شوف شوف هي الصورة كمان من داخل الفرن بس من اليسار :lol:
تموا عم يتفزلكوا على ربنا لبين ما نط عمكن ابو طوني وسألن " دخلك شد مردود المحطة الفعلي "
حسيته للمهندس المرافق النا فات بستين حيط بعد ما صفنله كام ثانية جاوب وقال :" تقريبا 20 % "

وبحسب ما تم تدريسنا أكاديميا .. أفضل مولدة بتعطي مردود عند تركيبا ما يعادل الـ 70%
وبتم تنسيقها فورا بعد ما ينقص مردودها تحت الـ 35% كونها فاتت بمرحلة الاستهلاك الزائد وماليا واقتصاديا بصير أوفرلك تبني محطة جديدة على انك تستمر على محطتك المهترية
الفرق بالمرودو كافي ليبنيلك محطة جديدة تقدر تستغني فيه عن القديمة

فتخيل يرعاك الله :lol:

منرجع للخبر
في حكي انه رح يتم تصدير 21 الف ميغا واط من تركيا لسوريا هل هلشي صحيح ؟
صدقا ما عدنا نعرف وين المشكلة بالضبط
بالمولدات ولا بالشبكة ؟
اذا بالمولدات ما يقوموا ينسقوا المولادت المهترية ويعملوا مولدات جديدة ؟
اذا من الشبكة فشو رح نستفيد اذا جبنا كهربا من برا .. ما بكل الأحوال شبكتنا ما عم تتحمل كل هلضغط هاد :sick:

عوجاااا

mhsen77

27/07/2009, 02:54

حسيته للمهندس المرافق النا فات بستين حيط بعد ما صفنله كام ثانية جاوب وقال :" تقريبا 20 % "
صدقني يا ابو طوني الزلمة ما بيعرف شو مجاوب بس ما حب يضلو ساكت و يبين انو مو فهمان شي
بالنسبة للمردود بيختلف الوضع بين العنفات الغازية و البخارية يلي مردودها اعلى بكتير

وبحسب ما تم تدريسنا أكاديميا .. أفضل مولدة بتعطي مردود عند تركيبا ما يعادل الـ 70%
وبتم تنسيقها فورا بعد ما ينقص مردودها تحت الـ 35% كونها فاتت بمرحلة الاستهلاك الزائد وماليا واقتصاديا بصير أوفرلك تبني محطة جديدة على انك تستمر على محطتك المهترية
الفرق بالمرودو كافي ليبنيلك محطة جديدة تقدر تستغني فيه عن القديمة
طبعا بناء محطات جديدة مو شي سهل ابدا و تكاليفو كتير كبيرة \ محطة جندر على سبيل المثال بطاقة انتاجية 700 ميغا وات كانت بسعر التكلفة من شركة ميسوبيشي كلفت بعام 1993 ثمنها 525 مليون دولار مع احتكار الصيانة و قطع التبديل عن طريق ميسوبيشي حصرا \
بينما تكاليف الصيانة رغم انها كبيرة بتضل اوفر و ارحم

Abu ToNi

27/07/2009, 03:12

صدقني يا ابو طوني الزلمة ما بيعرف شو مجاوب بس ما حب يضلو ساكت و يبين انو مو فهمان شي
بالنسبة للمردود بيختلف الوضع بين العنفات الغازية و البخارية يلي مردودها اعلى بكتير

طبعا بناء محطات جديدة مو شي سهل ابدا و تكاليفو كتير كبيرة \ محطة جندر على سبيل المثال بطاقة انتاجية 700 ميغا وات كانت بسعر التكلفة من شركة ميسوبيشي كلفت بعام 1993 ثمنها 525 مليون دولار مع احتكار الصيانة و قطع التبديل عن طريق ميسوبيشي حصرا \
بينما تكاليف الصيانة رغم انها كبيرة بتضل اوفر و ارحم
انا دارس القصة بالقلم والورق وانت معايش الواقع بحقيقته لهيك بعترف انه حكيك عملي وحقيقي أكتر بكتير من حكي .
وحتى بالقلم والورقة بقولولك انه صيانة المحطة بشكل دوري بساعد على استمراريتها لزمن أطول وبحافظ على مردودها لمدة أطول لحد الوصول لنقطة معينة ( 50% من المردود عند المباشرة بالاستخدام ) وقتا بتصير الطاقة المقدمة اضعاف الطاقة المستفاد منها وبصير الاستغناء على المحطة بالمجمل خطوة أنجح وأوفر من ابقائها في الخدمة .

:D

Abu ToNi

27/07/2009, 03:16

بالخبر الأساسي في شي بخوّف كتير عم يصير
بالزيارة الأخيرة للرئيس السوري بشار الأسد لتركيا تم زيادة نسبة المياه المقدمة لسوريا عبر نهر الفرات لدرجة قدرت الحكومة وبكل أريحية تستجر قسم من مية الفرات لعند مجرى نهر قويق بحلب !!
اليوم عن نسمع على صفقة سورية تركية بتحمل تقدمة تركية بكمية كبيرة من الكهربا لسوريا

شو المقابل اللي عم تاخده تركيا حتى تحط ايدها بايد سوريا ؟
كتير ساذج الشخص اللي بفكر انه فعلا هلخطوة مانها أكتر من " تحسين العلاقات مع بلاد الجوار " لأن وضع سوريا الحالي ووجود اسمها بقائمة دول " محور الشر " بضر فعليا وبنسبة كبيرة بالمصالح التركية وبعرقل بشكل واضح المطامح التركية بالدخول للاتحاد الاوروبي

الشي الوحيد اللي بتوقع انه تركيا عم تكسبه بيتعلق بانه تركيا عم تحاول بكل الأساليب تاثبت حالها كدولة كبرى في المنطقة .. تقوية علاقاتها مع الدولة المقوية للوجود الإيراني ( سوريا ) ممكن انه يمنحها نقطة اضافية على حساب الدولة المتساوية الها في المنطقة والمنافسة الها في الخارطة السياسية للمنطقة اضافة انها عم تأمن بهي الحالة سوق تصريف لبضائعها وتقوية اقتصادها .. بس هلشي ما بيتقارن مع التقدمات اللي عم تقدمها من كهربا ومي ومواقف سياسية والضلوع بدور الوسيط بالمحادثات السورية الاسرائيلية اللي لحد اللحظة ما فهمت شو اللي عم تستفيده تركيا من لعبا هلدور هاد وكل وجعة الراس غير انه عم تقول للعالم : يا عالم تركيا شغلة كبيرة وشوفوا شو قادرة تعمل .

بس هلكلمة هي بيستاهل كل هلتقدمات وكل هلهبات ؟
انه لواء الاسكندرون واخدوه وما عادوا بحاجة ليتنازلوا على اي شي اضافي ليحصلوا عليه .. شو بقى الداعي لكل هلتنازلات ؟

هاموش : الله يستر ما يطلعوا الاتراك حاطين عينن على حلب وبدن ياها:o
منروح فيها دعوسة يا شباب .. محسوبكن ضعيف جدا جزيلا باللغة التركية ما بعرفلي غير كلمة " بيرا بيريه " اللي معناها المساواة واللي لولا متابعة مباريات الرولون غاروس مع الوالد ايام الأنتين اللاقط ما كنا تعلمناها بحياتنا :larg:

أرمني سوري

28/07/2009, 10:23

هاموش : الله يستر ما يطلعوا الاتراك حاطين عينن على حلب وبدن ياها:o
منروح فيها دعوسة يا شباب .. محسوبكن ضعيف جدا جزيلا باللغة التركية ما بعرفلي غير كلمة " بيرا بيريه " اللي معناها المساواة واللي لولا متابعة مباريات الرولون غاروس مع الوالد ايام الأنتين اللاقط ما كنا تعلمناها بحياتنا :larg:

شكوكك في محلها ابو طوني ويمكن استقراء ذلك من هذا الخبر:

الحقيقة - خاص:
نادرة مطر استانبول

بعد أن سلخوا لواء اسكندرونة باتفاقية سرية رسمية

البرلمان التركي يشكل لجنة برلمانية خاصة سوريا بمساحات جديدة تعادل مساحة لواء اسكندرونة تقريبا!

ومواطنون سوريون تركمان يطالبون حكومتهم بنقل مواطنيتهم وحيازاتهم إلى السيادة التركية !؟

علمت " الحقيقة " من مصادر برلمانية تركية أن البرلمان التركي على وشك تشكيل لجنة برلمانية خاصة بمتابعة قضية أراض وحيازات مواطنين تركمان في سوريا تبلغ مساحتها حوالي أربعة آلاف كيلومتر مربع بهدف إلحاقها بتركيا . وبحسب المصدر فإن لجنة العلاقات الخارجية في البرلمان التركي تلقت معلومات من مؤسسات تركية " تثبت أن هناك حوالي 800 ألف أكرة ( حوالي 3500 كيلومتر مربع) داخل الحدود الدولية لسوريا تخص مواطنين أتراك ، وإن مهمة اللجنة ستكون العمل على إعادة ضم هذه المساحات إلى الأراضي التركية " . وفي اتصال مع " الحقيقة " أكد رئيس لجنة العلاقات الخارجية في البرلمان التركي ، محمد شيلان ، هذه المعلومات ، مشيرا إلى أن هذه المساحات "تخص مواطنين أتراك يعيشون في سوريا ويحملون الجنسية السورية ، أي مواطنين سوريين " ، وأن هؤلاء المواطنين " طالبوا الجهات التركية المعنية بنقل حيازاتهم ومواطنيتهم إلى السيادة التركية " ! وإذ لم يعرف بعد توضّع هذه المساحات ، فإن المعلومات الأولية تشير إلى أنها تتوزع ما بين محافظة اللاذقية وريف حلب ومحافظة إدلب بالدرجة الأولى ، والمناطق الشرقية بالدرجة الثانية .

يشار إلى أن سوريا كانت تخلت عن لواء اسكندرونة في تشرين الأول / أكتوبر 1998 من خلال مصادقتها على الملحق السري الرابع في اتفاقية أضنة ، التي وقعها اللواء عدنان بدر حسن بالنيابة عن الحكومة السورية بعد أن كانت العلاقات بين البلدين وصلت إلى وضع متفجر ، حيث هدد الجيش التركي باجتياح الأراضي السورية واحتلال حلب إن لم يتم تسليم رئيس حزب العمال الكردستاني عبد الله أوجلان إلى تركيا ، ومنع نشاطات الحزب المذكور انطلاقا من الأراضي السورية . وهو ما حصل فعلا ، حيث عمدت المخابرات السورية ، ممثلة باللواء مصطفي التاجر ، إلى إبعاد أوجلان عن أراضيها وإرسال صورة عن جواز سفره المزور ، باسم مواطن قبرصي ، إلى المخابرات التركية لكي تتمكن من التعرف عليه واعتقاله .

وكان أستاذا العلاقات الدولية في جامعة استانبول ، كمال كيريسكي و محمد سميح غيملمار، كشفا لـ " الحقيقة " قبل حوالي عامين عن وجود ملحقين سريين بالاتفاقية الأمنية المذكورة ، إحداها تلك التي تتعلق بالتنازل عن لواء اسكندرونة من خلال الإقرار " بأنه لم تعد توجد مشاكل حدودية بين سوريا وتركيا ، وتمت تسويتها " ، بينما تتعلق الأخرى بالتعاون الأمني بين البلدين ، وتعطي قوات الأمن التركية الحق بمطاردة " الإرهابيين " داخل الأراضي السورية !