-
دخول

عرض كامل الموضوع : ماذا لو كان المجتمع بلا قوانين ... !؟

THE_unforgiven
22/07/2009, 00:29
يتصف المجتمع الحديث ... بالقوانين الإجتماعية والدينية التي تضبط أفراده .. وتحدد واجباتهم وصلاحياتهم ...
- ماذا لو كان المجتمع بلا قوانين ...
- هل كنتَِ ستتصرف بنفس التصرفات .. هل ستقيم الأمور من نفس المنظار ...
- هل تمتنع عن أمور تحبها .. لمجرد منع القانون لها ...!؟
- ماهو رأيك بالقوانين ... هل هي ضرورية .. أم مجرد حروف مكتوبة لاتطبق كما يجب ...
- ماهي القوانين التي تعتبرها غير ضرورية ..
- هل القانون يحد من الحرية .. !؟ .. هل يقيدك بطريقة أو بأخرى ..
- ماهو تقييمك للقوانين الدينية - الإجتماعية .. في مجتمعك ..

.
.
.
THE,unforgiven ... "
bacteria
22/07/2009, 00:34
القوانين حكي فاضي :pos:
THE_unforgiven
22/07/2009, 00:37
القوانين حكي فاضي
طيب .. لو كانت حكي فاضي .. كانت العالم بتقتل بعضها .. وماحدا بيسأل ع حدا .. يعني منرجع لمبدأ العين بالعين .. والسن بالسن ..
بس انو ليش ماجاوبتي على ولا سؤال .. ؟!
Black Orchid
22/07/2009, 00:40
ماالعين بالعين والسن وبالسن قانون ويمكن كان سوبر قانون , بس الله لايقدر وتنلغى القوانين
مسلم محب
22/07/2009, 00:48
يتصف المجتمع الحديث ... بالقوانين الإجتماعية والدينية التي تضبط أفراده .. وتحدد واجباتهم وصلاحياتهم ...
- ماذا لو كان المجتمع بلا قوانين ...
- هل كنتَِ ستتصرف بنفس التصرفات .. هل ستقيم الأمور من نفس المنظار ...
- هل تمتنع عن أمور تحبها .. لمجرد منع القانون لها ...!؟
- ماهو رأيك بالقوانين ... هل هي ضرورية .. أم مجرد حروف مكتوبة لاتطبق كما يجب ...
- ماهي القوانين التي تعتبرها غير ضرورية ..
- هل القانون يحد من الحرية .. !؟ .. هل يقيدك بطريقة أو بأخرى ..
- ماهو تقييمك للقوانين الدينية - الإجتماعية .. في مجتمعك ..

.
.
.
THE,unforgiven ... "
فطر الانسان على النظام والقانون ولكن السؤال الذي اطرحه من الذي يضع القانون وما مقدار العداله التي يتمتع بها ليكون قانونه عادل وهل نقدم اي قانون على قانون الرحمن الرحيم خالق كل شيئ؟
bacteria
22/07/2009, 00:53
طيب .. لو كانت حكي فاضي .. كانت العالم بتقتل بعضها .. وماحدا بيسأل ع حدا .. يعني منرجع لمبدأ العين بالعين .. والسن بالسن ..
بس انو ليش ماجاوبتي على ولا سؤال .. ؟!

وتقتل بعضها شو يعني :pos:
الاصل بالقانون يطبق مبدأ العين بالعين يعني ازا منرجع لهيك مبدأ بلا قانون فعظيم كتير

ومشان الأسئله

ماذا لو كان المجتمع بلا قوانين ...
ما رح تحس بالفرق أكيد

- هل كنتَِ ستتصرف بنفس التصرفات .. هل ستقيم الأمور من نفس المنظار ...
طبعا انا بطبيعتي ملاك بعمل الصح بدون قانون

- هل تمتنع عن أمور تحبها .. لمجرد منع القانون لها ...!؟
ما في شي بحبو أنا منعو القانون لحد هلاء
- ماهو رأيك بالقوانين ... هل هي ضرورية .. أم مجرد حروف مكتوبة لاتطبق كما يجب ...
ما الها داعي
- ماهي القوانين التي تعتبرها غير ضرورية ..
حدث بلا حرج كلوكلو
- هل القانون يحد من الحرية .. !؟ .. هل يقيدك بطريقة أو بأخرى ..
لا بقدم ولا بأخر
- ماهو تقييمك للقوانين الدينية - الإجتماعية .. في مجتمعك ..
ما لازم تتسمى قوانيين لازم يسموها مسخره
:larg:
MadMax
22/07/2009, 00:59
- ماذا لو كان المجتمع بلا قوانين ...
- هل كنتَِ ستتصرف بنفس التصرفات .. هل ستقيم الأمور من نفس المنظار ...

القصة نسبية ... بتختلف من شخص لآخر


بعطيك مثل
في كتير ناس ملحدة ... بتحترم ( روح ) القوانين الدينية ... أكتر من كتير ناس متدينين
مع أنو مبدأ القوانين الدينية بالاساس ما بتعنيلون شي ...
بس في دوافع أخرى ذاتية انسانية أو أخلاقية أو ...






بس بالمجمل ...
القوانين ضرورية لضبط المجتمع
Zerocold2
22/07/2009, 01:05
المجتمع من دون قوانين مثل البناء من دون أعمدة
المفروض ايكون في حدود يلتزم فيها الأفراد في المجتمع فلو كل واحد قال إنو هيك صح والثاني لأ
فالمجتمع رح ايكون بحالة فوضى أو بكلمة أخرى - عفواً - بس رح ايكون همجي أو حجري

هذا رأي:oops:
mblue
22/07/2009, 01:13
بشكل عام نحن البشر نميل للعيش بطريقة فوضوية من دون نظم او ضوابط واذا وجدت هي الضوابط كثير منا يحاول كسرها او حتى تجاوزها ، لذلك بدون وجود القوانين اكيد رح تكون طريقة عيش الناس مع بعضها صعبة كتير ورح يسود قانون الغاب انه القوي بياكل الضعيف
هلق من الممكن انه هاد الحكي ما بينطبق على كل الناس ولكن بنظرة بسيطة نجد انه حتى الاخلاق الفاضلة خلينا نسميها هي نتاج تربية او خلينا نقول نتاج توعية من الأهل او المجتمع واللي هي مبنية على قوانين واسس ليست رسمية وانما متفق على صحتها وجودتها من خلال التعامل مع الناس في المجتمعات المختلفة
وبما ان المجتمعات مؤلفة من طبقات مختلفة بالتفكير والامكانيات لذلك رح تتختلف طبعا طريقة تعامل الأفراد مع بعضها ولذلك لازم يكون في شي بحد من هالتصرفات وبقومها وبسيرها ضمن ظروف تناسب الجميع لحتى يقدروا يعيشوا مع بعض من غير مشاكل او اصطدامات مباشرة
ومع ذلك ورغم وجود القوانين الدينية وغير الدينية كما اسميتها فنحن كل يوم منشوف مجموعة جديدة من الانتهاكات اللي بيرتكبها مجموعة من الأشخاص تجاه ناس تانيين عايشين معهم بنفس المجتمع (ضاربين عرض الحائط ) كل ما هو متعارف عليه من اخلاق وتعليمات اجتماعية منصوص عليها او متفق عليها (ما بهم كتير الموضوع ) فاذا كنا مع القوانين عم نعيش بهي الطريقة الهمجية ووفق شريعة الغاب
فكيييييييييف من دون قانون ؟؟؟؟؟!!!!!!!:sick:

القانون هو ضابط لي ولكن حرية لمن يعيش معي .
الاديان بجميعها لا تقبل التجاوزات الاخلاقية وبذلك فهي تضع اساسيات القوانين المنصوص عليهافي كل مكان .
هناك عدة اشياء لا احبها في القانون ولكنني ملزم بها ومن واجبي تطبيقها حتى وان كانت لا تتناسب مع افكاري ورؤيتي .:sly:

ودمتم ...
ABUSHHAB
22/07/2009, 01:30
لو مافي قوانين كانت الدنيا خربت
Dndoshy
22/07/2009, 02:30
- ماذا لو كان المجتمع بلا قوانين ...
لا يوجد مجتمع بلا قوانين..
لو فرضنا انو مجتمع من دون القوانين يلي بتنظم الحياة بين افرادو.. فرح يصيرالبقاء للاقوى..يلي هوي قانون الغاب
فالله يخليلنا هالقوانين ويتكرم علينا بشي كمشة تعديلات اصلاحيّة عليون..:jakoush:
Abu ToNi
22/07/2009, 04:25
خلينا نتفق على تعريف كلمة مجتمع بعدها منشوف شو المقصود بمصطلح : مجتمع بلا قوانين :lol:
THE_unforgiven
22/07/2009, 08:45
خلينا نتفق على تعريف كلمة مجتمع بعدها منشوف شو المقصود بمصطلح : مجتمع بلا قواني
طبعاً .. كلمة مجتمع مرتبطة بالقوانين .. اللي وفقها ظهر المجتمع .. اللي عم قولو .. انو فرضنا انو مجتمع قائم عالقوانين ... صار بلا قوانين .. كيف بتتخيل الوضع ...
adon
22/07/2009, 09:44
الاصل بالقانون انه يسهل حياة البشر ويساعدهم على الحياة والحرية بدون ما يتخطوا حرية الآخر وهيدا شي ضروري ومنطقي
بينما اذا عم تحكوا عن قوانين متخلفة عن أيامها وطريقة تنفيذ اكتر تخلفا فالموضوع بيختلف
DARKNESS
22/07/2009, 09:56
يتصف المجتمع الحديث ... بالقوانين الإجتماعية والدينية التي تضبط أفراده .. وتحدد واجباتهم وصلاحياتهم ...
- ماذا لو كان المجتمع بلا قوانين ...
- هل كنتَِ ستتصرف بنفس التصرفات .. هل ستقيم الأمور من نفس المنظار ...
- هل تمتنع عن أمور تحبها .. لمجرد منع القانون لها ...!؟
- ماهو رأيك بالقوانين ... هل هي ضرورية .. أم مجرد حروف مكتوبة لاتطبق كما يجب ...
- ماهي القوانين التي تعتبرها غير ضرورية ..
- هل القانون يحد من الحرية .. !؟ .. هل يقيدك بطريقة أو بأخرى ..
- ماهو تقييمك للقوانين الدينية - الإجتماعية .. في مجتمعك ..

.
.
.
THE,unforgiven ... "

لو كان المجتمع من غير قوانين كان ما ضل قيم
٢- طبعا ما رح اتصرف نفس التصرف لانو رح كون تعودت غير عادات و عشت بغير ظروف
٣- لا بس احيانا في قوانين ما الها طعمة بتحرمنا شغلات نحن متضريلنها بالجانب العملي منشوف هالشي بشكل واضح و بكل البلاد
٤- طبعا ضرورية و الا كنا متل الغابة البقاء للي بيقدر يبقى بس ، لكن في عالم بتنط فوق القانون و هاد الشي اللي ما بحبو :pos:
٥-في كتير قوانين بالنسبة لقوانين الاستثمار و ما فيني اشمل لان كتيرة هالشغلات و بدها نقاش طويل و ناس خايضة بالقانون
٦-القانون وجد ليصون حريتك لانو تنتهي حريتك عندما تبدأ حرية الأخرين
٧- بالنسبة للمجتمع الشرقي ما بدي قول ١٠٠ بال ١٠٠ بدي قول ٩٠ بالمية منها غلط و كلنا عايشينها لهالشغلة

شكرا عالموضوع :D:D
leonardo_dicabreo
22/07/2009, 10:01
يتصف المجتمع الحديث ... بالقوانين الإجتماعية والدينية التي تضبط أفراده .. وتحدد واجباتهم وصلاحياتهم ...
- ماذا لو كان المجتمع بلا قوانين ...

بتصير شوربه خضار سيدي .

- هل كنتَِ ستتصرف بنفس التصرفات .. هل ستقيم الأمور من نفس المنظار ...

أكيد لأ , لأنّي رح سكّر العدّاد وأنا سايق , ورح أعمل شغلات ما كنت قادر اعملها , بس هالحكي مو معناه اني بشجّع على هالحكي .

- هل تمتنع عن أمور تحبها .. لمجرد منع القانون لها ...!؟

ببساطه لأ , لأنّه الحكومه ما بتختار الا الأحسن للشعب وبالتّالي هوّه أحسن الي .

- ماهو رأيك بالقوانين ... هل هي ضرورية .. أم مجرد حروف مكتوبة لاتطبق كما يجب ...

القوانين شغله أساسيّه بالحياه , ومن دونها مافي حياه أصلاً .

- ماهي القوانين التي تعتبرها غير ضرورية ..

أنا موافق مع كل القوانين .

- هل القانون يحد من الحرية .. !؟ .. هل يقيدك بطريقة أو بأخرى ..

لأ بنوب , لأنّه رح تنعكس من حريّه لشي غلط .

- ماهو تقييمك للقوانين الدينية - الإجتماعية .. في مجتمعك ..

مزودينها شوي من هاي النّاحيه .


THE,unforgiven ... "

:D :D :D
Black Orchid
22/07/2009, 10:54
وتقتل بعضها شو يعني :pos:
الاصل بالقانون يطبق مبدأ العين بالعين يعني ازا منرجع لهيك مبدأ بلا قانون فعظيم كتير

ومشان الأسئله

ماذا لو كان المجتمع بلا قوانين ...
ما رح تحس بالفرق أكيد

-





هل كنتَِ ستتصرف بنفس التصرفات .. هل ستقيم الأمور من نفس المنظار ...
طبعا انا بطبيعتي ملاك بعمل الصح بدون قانون

- هل تمتنع عن أمور تحبها .. لمجرد منع القانون لها ...!؟
ما في شي بحبو أنا منعو القانون لحد هلاء
- ماهو رأيك بالقوانين ... هل هي ضرورية .. أم مجرد حروف مكتوبة لاتطبق كما يجب ...
ما الها داعي
- ماهي القوانين التي تعتبرها غير ضرورية ..
حدث بلا حرج كلوكلو
- هل القانون يحد من الحرية .. !؟ .. هل يقيدك بطريقة أو بأخرى ..
لا بقدم ولا بأخر
- ماهو تقييمك للقوانين الدينية - الإجتماعية .. في مجتمعك ..
ما لازم تتسمى قوانيين لازم يسموها مسخره
:larg:

ولك انتي البراءه بنفسها بس في ناس حتى القوانين التعسفيه ما بتردعها (الكرباج) يعني يادوب
مشلف من المدرسة
22/07/2009, 12:37
انا ما صوتت لأنو عندي رأي غير......
أي قانون في الدنيا مهما بلغت قوته لا بد وأن يكون ناقص .....
لأنو لو كان هناك قانون كامل لكان هناك انسان كامل
وهالحكي مرفوض لأنو القوانين سنها أفراد ( بني آدمين ) بمعنى آخر
وبالتالي فلا جدوى من قانون ناقص.....
هذا ما عندنا والله أعلم
savage garden
22/07/2009, 14:46
الناس عم تاكل بعضها متل العايشين بغابة مع وجود القوانين
كيف بدونها
Maher 4x4
22/07/2009, 16:33
القوانين زيادتها متل نقصانها
Genifer
22/07/2009, 17:14
موضوع هام
- ماذا لو كان المجتمع بلا قوانين ...
كانت خربت الدنيا وقامت وما قعدت..لأنه كل واحد بيفكر حاله فهمان اكتر من التاني وكله بده يفرض رأيه ورأيه هو الصح

- هل كنتَِ ستتصرف بنفس التصرفات .. هل ستقيم الأمور من نفس المنظار ...
هالشي مافيني حدده لأنه من وقت ماخلقنا كان في قانون, بس أكيد نعم لأنه بتعتمد عالقناعة اكتر

- هل تمتنع عن أمور تحبها .. لمجرد منع القانون لها ...!؟
لا يوجد

- ماهو رأيك بالقوانين ... هل هي ضرورية .. أم مجرد حروف مكتوبة لاتطبق كما يجب ...
القوانين ضرورية وذلك لجعل الكل تحت قانون واحد و للحد من تصرفات الأفراد الخاطئة
هلق تطبق او لا تطبق ..هي بقا مو شغلتي

- ماهي القوانين التي تعتبرها غير ضرورية ..
;)

- هل القانون يحد من الحرية .. !؟ .. هل يقيدك بطريقة أو بأخرى ..
أكيد مابيحد من الحرية ولا بيقيدني ..بالعكس بشوفة شي كتير ضروري


- ماهو تقييمك للقوانين الدينية - الإجتماعية .. في مجتمعك ..
الدينية ماعليها مشكلة
الاجتماعية : برأيي انه العادات والتقاليد هي ما يحد من الحرية أكثر من القانون
لأنه ع القليلة القانون بيتطبق ع الكل بينما العادات والتقاليد لا تطبق على الجميع

وتحياتي:D
Genifer
22/07/2009, 17:19
موضوع هام
- ماذا لو كان المجتمع بلا قوانين ...
كانت خربت الدنيا وقامت وما قعدت..لأنه كل واحد بيفكر حاله فهمان اكتر من التاني وكله بده يفرض رأيه ورأيه هو الصح

- هل كنتَِ ستتصرف بنفس التصرفات .. هل ستقيم الأمور من نفس المنظار ...
هالشي مافيني حدده لأنه من وقت ماخلقنا كان في قانون, بس أكيد نعم لأنه بتعتمد عالقناعة اكتر

- هل تمتنع عن أمور تحبها .. لمجرد منع القانون لها ...!؟
لا يوجد

- ماهو رأيك بالقوانين ... هل هي ضرورية .. أم مجرد حروف مكتوبة لاتطبق كما يجب ...
القوانين ضرورية وذلك لجعل الكل تحت قانون واحد و للحد من تصرفات الأفراد الخاطئة
هلق تطبق او لا تطبق ..هي بقا مو شغلتي

- ماهي القوانين التي تعتبرها غير ضرورية ..
;)

- هل القانون يحد من الحرية .. !؟ .. هل يقيدك بطريقة أو بأخرى ..
أكيد مابيحد من الحرية ولا بيقيدني ..بالعكس بشوفة شي كتير ضروري


- ماهو تقييمك للقوانين الدينية - الإجتماعية .. في مجتمعك ..
الدينية ماعليها مشكلة
الاجتماعية : برأيي انه العادات والتقاليد هي ما يحد من الحرية أكثر من القانون
لأنه ع القليلة القانون بيتطبق ع الكل بينما العادات والتقاليد لا تطبق على الجميع

وتحياتي:D
Abu ToNi
22/07/2009, 18:39
يتصف المجتمع الحديث ... بالقوانين الإجتماعية والدينية التي تضبط أفراده .. وتحدد واجباتهم وصلاحياتهم ...
عم تابع الموضوع هاد وصراحة ما عم افهم منه شي :lol:
انه الحكي صاير كتير عشوائي ومافي اله خط واحد
بالأصل شو هية القوانين الاجتماعية ؟ انا اللي بعرفه انه في مفاهيم وعادات اجتماعية بس قوانين !!
ولنفرض اننا قاعدين بالباص واجت مرا ختيارة او رجال ختيار
مافي قانون مفروض على المجتمع بيجبرني انا كشاب قوم واعطين محلي ، يعني قانونيا مافي شي جابرني على هاد التصرف بس بالعادات والمفاهيم تبعنا منقوم للكبار ومنعطين محلنا

اللي بدي أفهمه اننا عم نحكي على القوانين الرسمية اللي بتحكم المجتمع ولا عم نحكي على العادات والموروثات الثقافية الخاصة بكل جماعة وبكل منطقة ؟
الوحش السوري
22/07/2009, 20:30
القانون مو مهم المهم ضميرك و دينك
THE_unforgiven
23/07/2009, 10:47
اللي بدي أفهمه اننا عم نحكي على القوانين الرسمية اللي بتحكم المجتمع ولا عم نحكي على العادات والموروثات الثقافية الخاصة بكل جماعة وبكل منطقة ؟
عم نحكي ع كلشي ..حتى العادات والموروثات صايرة متل قوانين .. واللي بخالفها .. جريمتو .. النفي من المجتمع ..
هلأ بدي اسألك سؤال .. بغض النظر عن انو شي كويس او لأ .. (توضيحاً لنظرية تحول العادات لقوانين ..)
حكيت عن قصة الباص .. فروض انك كنت قاعد بالباص ... واجت ختيارة او ختيار .. وشيل ضميرك عجنب .. يعني ركزلي عالغرض من الموضوع .. إذا ماقمت .. مارح يضل كلشي بالباص يزورك لحتى تنزل من الباص ...!؟
يعني ... العادات صارت متأصلة فينا .. فيك تعتبرا قوانين .. مافيك تقلا للختيارة والله ماني عارف انو لازم وقفلك ماني قريان هالقانون بكتاب الحقوق تبع السنة مدري اي وحدة ...
القانون مش ضروري يكون مكتوب .... وهي منسميا القوانين الإجتماعية .. ومصيبتا انو عنجد أحيان في قوانين اجىتماعية الواحد بيكون غافل عنها او يمكن مش سمعان فيا بالمرة .. وخاصة إذا غير بلدو .. !!
Abu ToNi
23/07/2009, 14:28
عم نحكي ع كلشي ..حتى العادات والموروثات صايرة متل قوانين .. واللي بخالفها .. جريمتو .. النفي من المجتمع ..
هلأ بدي اسألك سؤال .. بغض النظر عن انو شي كويس او لأ .. (توضيحاً لنظرية تحول العادات لقوانين ..)
حكيت عن قصة الباص .. فروض انك كنت قاعد بالباص ... واجت ختيارة او ختيار .. وشيل ضميرك عجنب .. يعني ركزلي عالغرض من الموضوع .. إذا ماقمت .. مارح يضل كلشي بالباص يزورك لحتى تنزل من الباص ...!؟
يعني ... العادات صارت متأصلة فينا .. فيك تعتبرا قوانين .. مافيك تقلا للختيارة والله ماني عارف انو لازم وقفلك ماني قريان هالقانون بكتاب الحقوق تبع السنة مدري اي وحدة ...
القانون مش ضروري يكون مكتوب .... وهي منسميا القوانين الإجتماعية .. ومصيبتا انو عنجد أحيان في قوانين اجىتماعية الواحد بيكون غافل عنها او يمكن مش سمعان فيا بالمرة .. وخاصة إذا غير بلدو .. !!
بس انت اللي عم تسميه موروث أو اللي عم تسميه عادات او عقاب اجتماعي هوي المجتمع غيابه ما عاد في عندك مجتمع بالأصل

على ايا اساس بتم تصنفي المجتمعات على انها مجتمعات راقية وهابطة وانسانية ومتحوشة وووو
اعتمادا على مستوى الرقي اللي وصلانه الموروث الشعبي وثقافة العالم اللي بشكلوا المجتمع
فطبيعي بس ما "اجتمع" اكتر من شخص يتولد نوع من العادات والقوانين اللي هية بتحول التجمع هاد لمجتمع وبتعطيه طابعه

الحرية شي حلو بس ما بعتقد من الصحي استعمالها حتى لو كان كمصطلح بغير محلها
ما حدا بنادي من كسر قيود المجتمع هيك بالسما
دائما بتم المناداة بتطوير المجتمع وكسر العادات المتوارثة البالية

حلو اننا نطور بمجتمعنا بس حلو اننا نفهم بالاول شو يعني مجتمع حتى نعرف بأي منحى لازم نمشي

:D
محمد اشنيور
28/07/2009, 08:56
والله بالنسبة الي انا ما بآمن بالقوانين لأنها من صنع البشر ومستحيل تحقق العدالة للمجتمع انا بآمن بالتشريع لأنه من عند الله يلي بيعرف اطباع البشر اكتر مننا جميعا
شخصيا لو ما في قانون ما بتفرق معي كتير حنصب دوشكا على سطوح البيت حتى ما حد يقرب منه
ولما انزل على الشارع حنزل ومعي الكلشن والمسدس وخلصت فكت
بس اكيد وجود القوانين افضل من عدم وجودها
MadMax
28/07/2009, 12:53
شخصيا لو ما في قانون ما بتفرق معي كتير حنصب دوشكا على سطوح البيت حتى ما حد يقرب منه
ولما انزل على الشارع حنزل ومعي الكلشن والمسدس وخلصت فكت
بس اكيد وجود القوانين افضل من عدم وجودها
مزبوط ....
تماماً هيك




القوانين انوضعت
و الشرائع انسنت
للناس يللي بفكروا بهالطريقة


الناس يللي ما بيردعون عن الغلط .. إلا الخوف من العقاب