مرحبا
يعني ما عم اعرف بايا حق بيقدر المشرف يخزف مشاركات ويخلّي مشاركات ... وكأنو المشاركات هي ملك لمشرف القسم !:frown:

ما بعرف بأيا قانون .. ازا نبهت المشرف على شغلة .. ممكن يكون مالو منبهلها .. او غلطان فيها .. يقوم هوي وبكل بساطة السيد(ة) المشرف(ـة) بالرد عليك عبر رسالة خاصة بعد ما يحزف ردك .. انو هاد الشي ما بخصك (وشوي تانية خراس وسد حلقك احسن ما خالفك) !:?
لأ وازا فات صاحب العلاقة وحكا .. بينحزف ردوا كمان :?

انو شو هي سياسة .. فرض الامر الواقع الجديدة .. تبع المشرفة ريمي ؟:pos:
انو حضرتي بياكل مخالفة بـ 12 زعلة من فترة .. على شي (بتسميه المشرفة ريمي ) انو (سبام ) ... مع العلم انو الموضوع يلي انحزفت منو مشاركتي ... كان موضوع مباركة .. والحكي كان ضمن سياق المباركة .... فا لهلأ ما عرفت وين السبام بالموضوع ... وانا سكتت مو لأنو خايف .. بس لأني ما بحب اعمل بعبة (وبعرف انو مانها نتيجة ) ..لأنو يلي طول عمرو هيك رح بيضل هيك وقد ما حكيت معو ما رح يتغير !

فا بهالمناسبة حابب .. تفسرلي هالتصرف تبع المخالفة .. والقوانين الخرندعية يلي حاطتلي ياهون للتشريفات ... على عيني وراسي قوانين اخوية ... بس اخوية ما كانت هيك من قبل ... يا اخي جد ما كانت هيك ! :?

برجع للسيرة الاولانية ... انو يعني ريمي حابة تمشي الكل تحت امرها .. الشغلة فاتحينها سجن او ثكنة عسكرية ... ! لك بالمعتقل تبع اخوية مناخد راحتنا اكتر من الصالون يمكن ! :pos:
المشرفة ريمي حابة تكون مواضيع الصالون جدية ومفيدة .. على عيني وراسي ... بس هاد ما بيعني انو نحنا قاعدين بـ صف ... اتكتف وحط اصبعتك ع تمك وهس ولا كلمة !:pos:
وهاد ما بيعني كمان انو هالقوانين بتمشي على ناس اي ناس لأ (انا ما بدي احكي بسيرة الخيار والفقوس لأنو مليت منها ) .. بس هاد يلي عم شوفو انا .. وبـ كزا موضوع ! :?

يُرجى التوضيح .. على النقتطين يلي زكرتهن اعلاه :pos:

ع فكرة .. واي مشرف او منسق .. حابب يوضح بدل ريمي ما عندي مشكلة المهم يوصلنيس التوضيح .. !
وايا مشرف او منسق .. حابب يوضحلي شغلة الو .. او لريمي .. فا شكراً :D

شرح القوانين الخرندعية موضح بضوابط الكتابة بالاقسام العامة (الصالون -التشريفات) بس خليني اقتبسلك ياهون كمان مرة:

تبسيطاً وتوضيحاً للأعراف العامة للكتابة في أخوية ولخصوصية أقسام الحوار الجدية وللآلية المتبعه لنظام المخالفات والتنويهات وحزف المشاركات والمواضيع وجدنا من المفيد شرح الأقسام وضوابط الكتابة ونظام المخالفات...للحفاظ على خصوصية مواضيع الحوار وللوصول الى مستوى راقي في مواضيعنا النقاشيةش وأقسامنا العامة


شرح مختصر للأقسام :

الصالون: مخصص للمواضيع الحوارية النقاشية التي تحمل فكرة للنقاش بالموضوع المطروح أو بالمشاركات

التشريفات: هو القسم المخصص للاحتفال بالمناسبات العامه والخاصه ولمدة يومين فقط من تاريخ نشر الموضوع مع مراعاة نشر المواضيع في تاريخها إن كانت عامة أو خاصة


سوف يتم حزف المواضيع أو المشاركات وتطبيق نظام المخالفات في الحالات التاليه ودون الرجوع للعضو المخالف واعتبار هذا الموضوع تبليغ للجميع:

نشر المواضيع في غير أقسامها ( يعني نشر موضوع لاتنطبق عليه صفات الموضوع الحواري بالصالون أو نشر موضوع لاتنطبق عليه صفات موضوع التشريفات في قسم التشريفات)

نشر موضوع أو مشاركة مخالف للأعراف العامه للكتابه في أخوية ( يعني موضوع أو مشاركة تحمل صفة دينية أو تهجم أو اساءة مباشرة أو غير مباشرة لأحد الأديان أو المعتقدات أو الأعضاء أو الشخصيات العامه)

المشاركات الخارجة عن صلب الموضوع الأساسي في الصالون أو في التشريفات (السبام) : سوف يتم التشدد اتجاه هذا النوع من المخالفات على اعتبارها تسيئ لخصوصية أقسام الحوار الجدية وتنحو بالمواضيع إلى منحى آخر... يعني السلامات والتسالي وطق الحنك ضمن مواضيع أقسام الحوار الجدي غير مقبولة أبداً ولها مواضيع وأقسام خاصة

إستخدام تقنية الكتابة غير المناسبة: المقصود هون هو الاستخدام المفرط لحجم خط كبير أو استخدام المفرط للسمايليات والألوان... وكمان سوف يتم التشدد بخصوص هالمخالفة على اعتبارها تسيئ لخصوصية اقسام الحوار الجدية

إثارة المشاكل والنعرات الدينية-المذهبية-الطائفية- العنصرية وكل مامن شأنه أن يحول مواضيع الأقسام الحوارية إلى مواضيع فارغة من مضمونها الحواري الحضاري

في حال وجود مشاركة أو موضوع يحتوي على أي مخالفة مماسبق يرجى استخدام زر المشاركة العاطلة ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// لتبليغ الادارة وعدم الرد على المشاركة من قبل العضو في صلب الموضوع لأنه سيتم التعامل مع الطرفين بنفس الطريقة باعتبارهم مخالفين

عدم الإلتزام بماسبق يستوجب حزف المشاركة والمخالفة


هالضوابط الهدف منها الارتقاء باقسام الحوار والحفاظ على الجملة العصبية للمشرفين سليمة :sick:

وشكراً لتعاونكم :D

بس لهلأ ما فهمتيني مخالفتي بموضوع المباركة تبع بنفسجة .. وينها من هالقونانين ... الا ازا بتعتبري التشريفات قسم حوار جدّي .. فهاد شي تاني :sick:

بس لهلأ ما فهمتيني مخالفتي بموضوع المباركة تبع بنفسجة .. وينها من هالقونانين ... الا ازا بتعتبري التشريفات قسم حوار جدّي .. فهاد شي تاني :sick:

قسم للمناسبات من ضمن الأقسام العامة ومتل مو واضح عندك بالضوابط انو السبام والتسالي ممنوع فيه

قسم للمناسبات من ضمن الأقسام العامة ومتل مو واضح عندك بالضوابط انو السبام والتسالي ممنوع فيه
بس يا عيني انتي عم تقولي من ضمن المخالفات يلي بهي الاقسام .. المشاركات يلي بتسيئ ... لاقسام الحوار الجدّية ... شوفيلي شي موضوع حوار جدّي صار بقسم التشريفات ... :?
لك يا عمي ... لما الواحد بيفوت وبينقبر على تم قلبو وبيبارك لشخص .. لازم يعني يلزقو ياها هيك دجني دجتك العافية .. وازا مزح .. يعتبر مخالف ويسئ لخصوصية اقسام الحوار الجدّية !:sick:
يعني ما بعرف كيف عم تسميلي قسم التشريفات قسم حوار جدّي ! :?
يعني اوكي السلامتا والتسالي وطق الحنك ضمن الصالون انا بتقبل انو يتخالف صاحبها وعلى عيني وراسي ! .. بس انو يا عمي التشريفات .. التـــــشـــــريـــــفـــ ــات .... :jakoush:
ما فيه لا حوار .. ولا هم يحزنون !:pos:

بعدين .. وين السبام بمشاركتي بموضوع التشريفات ..لاني حاطط اعلانات ولا دعايات (هي ازا عم تقولي سبام ) :pos:
اما التسالي .. فا اصلاً الموضوع محطوط للمباركة والفرح ... مو يعني نقلب الموضوع بلا سمايليات متل اقسام المجتمع ... ونقلبها مشاحنات ! :?

فا حاكيني بـ شوية منطق و واقعية زكات عينك !:pos:

المشاركات الخارجة عن صلب الموضوع الأساسي في الصالون أو في التشريفات (السبام) : سوف يتم التشدد اتجاه هذا النوع من المخالفات على اعتبارها تسيئ لخصوصية أقسام الحوار الجدية وتنحو بالمواضيع إلى منحى آخر... يعني السلامات والتسالي وطق الحنك ضمن مواضيع أقسام الحوار الجدي غير مقبولة أبداً ولها مواضيع وأقسام خاصةبخصوص المخالفة كانت عن تالت مشاركة لالك بنفس الموضوع وماكان الها علاقة بالمناسبة.. وهي مشاركة انحزفت واتخالفت عليها:


لاتحكي هيك على لموشتي:jakoush:
لما من ساعة يلي خلقت دكتورةهي صار معك خبر انو قسم التشريفات قسم من الاقسام العامة يلي بتطبق عليه القوانين.. فدير بالك مشان المرات الجاية

بخصوص المخالفة كانت عن تالت مشاركة لالك بنفس الموضوع وماكان الها علاقة بالمناسبة.. وهي مشاركة انحزفت واتخالفت عليها:



:?
انو وين تالت مشاركة ... على علمي شاركت مشاركتين .. وحدة ضلت (والحمد لله مستورة) .. والتانية انحزفت .. فا انو يا ريت تأثبتيلي انو هالمشاركة هيي تالت مشاركة الي بالموضوع .. ولا فا مصدايقتك بتصير عالمحك .. ;)
هي نقطة:pos:

النقطة التانية ....:
لاتحكي هيك على لموشتي:jakoush:
لما من ساعة يلي خلقت دكتورة
كيف فهمتي من مشاركتي انها خروجح عن الموضوع ما بعرف .. الموضوع عن لمى .. وانا زاكر صاحبة الموضوع بالرد ... والموضوع كمان عن انها صارة دكتورة ... وانا زكرت هالشي بالرد .. وبالتالي هالرد كان من ضمن سياق الموضوع .. لا من لب الموضوع .. ازا صح التعبير ! :pos:

هي صار معك خبر انو قسم التشريفات قسم من الاقسام العامة يلي بتطبق عليه القوانين.. فدير بالك مشان المرات الجاية
ييييييييييي ! :?
بترجع بتقللي قوانين .. لك يا عمي قوانين شو !!!!! :shock:
شحو قانونك يلي ملونتيلي ياه بالاحمر :pos:
المشاركات الخارجة عن صلب الموضوع الأساسي في الصالون أو في التشريفات (السبام) : سوف يتم التشدد اتجاه هذا النوع من المخالفات على اعتبارها تسيئ لخصوصية أقسام الحوار الجدية وتنحو بالمواضيع إلى منحى آخر... يعني السلامات والتسالي وطق الحنك ضمن مواضيع أقسام الحوار الجدي غير مقبولة أبداً ولها مواضيع وأقسام خاصة
بينت معك كلمة اقسام الحوار الجدّية يلي كاتبتيها ! :?
ولا عيرك نظاراتي .. بتبين معك اكتر ؟؟:pos:
بعمرك شفتي موضوع حوار جدّي .. بقسم التشريفات !!!!!!:jakoush:
فا انو كيف عملتيلي التشريفات من اقسام الحوار الجدّية والو خصوصية ... ما داموا هيك .. حوار جدي ... متل مالك معتبرتيه ... ع بالي نزّل موضوع سياسي .. بما انو فيه حوار .. وفيه جدّي (الله يتغمدو برحمتو) !! :?


بعدين كأنك اخدتي شقفة من موضوعي هاد وتركتي الباقي ... يعني انا فتحت سيرة هالرد ع الماشي .. قدام البلاء الاعظم يلي حضرتك عملتيه اليوم ... وهوي حزف الردود على ابو موزة .. ويلي بيعترض .. ايدك والكف .... ! :frown:

بدك تحاور حبيب حتى بالتشريفات .. نفذ ثم َ اعترض . :sly:

بدك تحاور حبيب حتى بالتشريفات .. نفذ ثم َ اعترض . :sly:
ازا هيك ... ع بالي بعد يومين حط موضوع بالتشريفات
عن الاسباب التي ادت الى ولادتي في24/7 !:?
وليش ما ولدت بـ 23/7 بدال 24/7 !:lol:
ولمازا كان برجي العزاراء بدلاً من السرطان !:p

طبعاً بدنا حدا يلعب دور محامي الشيطان .. ويفوت يتفزلك شوي ... الله يزكرك بالخير يلي ببالي :lol:
.
.
.
واضح انو الطناش ضارب اطنابو ...:pos:
وواضح ايضاً انو ما عندك شي تقولي ... ومن المستحيل تقولي انك غلطانة .. اعوز بالله شو غلطانة .. انتي ريمي إلهة الصالون والتشريفات ! :?
يوه .. معقول تغلطي ... ما حلوة بحقك ... !:shock:

فا ضيفي لعندك الاستفسار عن مخالفتي الاخيرة ..
Reason: تغيير مسار موضوع (في أقسام النقاش الجديّة)
-------
انت عم تجربني مثلاً؟
واضح انو اتسمى عضو جديد بالمقلاية والموضوع صار ضمن مسار الاسئلة والاجوبة للعضو الجديد فياريت الالتزام
ما عاش يلي بيجربك ! :lol:
بس ازا عم تقولي واضح .. انو اتسمى عضو جديد بالمقلاية .. فيني قلك انا كمان .. انو واضح انو العضو يلي قبلو بقيانلو يوم .. وواضح كمان انو ما خلص اسئلتو ... فا انو ليش ... ما بعرف ! :pos:
يعني انا كان لساتني ماشي على قانون الموضوع .. وما بيهمني شو رد المشرف ... لأنو ردو بيعبر عن شخصيتو وبالتالي هوي عضو متل كل الاعضاء بيحقلو يرد ويعبر عن رأيو حتى لو كان مشرف القسم .. وبيقدر يخالف ويعمل اي شي ازا حدا عمل غلط ما بقسمو ... بس ما بيقدر يعمل حالو ((((الله))))) ويفرق امور .. فرض واقع ع الجميع .. وكأنو كلامو منزل ! :?

طيب مشان ننهي الموضوع

شو المطلوب بالضبط هلأ ؟

يعني يا ريت تلخصلنا بنقطتين شو مشكلتك مشان نخلص من القصة

طيب مشان ننهي الموضوع

شو المطلوب بالضبط هلأ ؟

يعني يا ريت تلخصلنا بنقطتين شو مشكلتك مشان نخلص من القصة
آها انت عيني :D
يا روحي انا بدي شغلة هلأ ..
هيي انو ريمي تعترف انو غلطت معي وقت بعتتلي المخالفة الاولى ..!
مو تكسيرة راس وولا شي .. انا ما بحب هالطريقة .. بس ما بحب كمان انو يندعس ع طرفي !
وازا كان في تقنية ما بتقيم المخالفة يلي خالفتني فيها من قبل .. يا ريت تنقام وانا هاد طلبي .. انتو حرين تنفزوه ما تنفزوه .. ما عندي مشكلة .... انا بالاصل مالي جاي اتحارب هون ... انا جاي اثبت وجهة نظري ... وهيي انو انا مو عامل شي بيستحق المخالفة لحتى اتخالف .. وانو المشرف مالو مدير مدرسة ... عم يعاقب الاعضاء كـ طلاب عندو !
هي منشان قوانين قسم التشريفات ... يا اخي .. ازا بتوضحولنا ياها شوي ..لأنو انا ما دخلن بمخي كلمة (تشريفات) .. وكلمة (اقسام حوار جدّية ) ويلي بيطلع عنها لازم يتخالف .. متل ما تخالفت انا على شي بلا طعمة وبعتبرو لا يستحق المخالفة ابداً .

اما بالنسبة لقصة الكلام المنزل .. يلي الاعضاء لازم تنجبر فيه .. فا انا حكيت هالشي وكان عن موضوع المقلاية ... وما لي حابب لت واعجن كتير بالقصة .. لأنو مرقت ... واكلنا مخالفة .. مع العلم اني حسب قوانين الموضوع مو مخالف .. فا يا ريت تعيدولنا النظر فيها .

بتوقع هالشي كافي ليوضح الصورة فوق ... وبس

:D

آها انت عيني :D
يا روحي انا بدي شغلة هلأ ..
هيي انو ريمي تعترف انو غلطت معي وقت بعتتلي المخالفة الاولى ..!
مو تكسيرة راس وولا شي .. انا ما بحب هالطريقة .. بس ما بحب كمان انو يندعس ع طرفي !
وازا كان في تقنية ما بتقيم المخالفة يلي خالفتني فيها من قبل .. يا ريت تنقام وانا هاد طلبي .. انتو حرين تنفزوه ما تنفزوه .. ما عندي مشكلة .... انا بالاصل مالي جاي اتحارب هون ... انا جاي اثبت وجهة نظري ... وهيي انو انا مو عامل شي بيستحق المخالفة لحتى اتخالف .. وانو المشرف مالو مدير مدرسة ... عم يعاقب الاعضاء كـ طلاب عندو !
هي منشان قوانين قسم التشريفات ... يا اخي .. ازا بتوضحولنا ياها شوي ..لأنو انا ما دخلن بمخي كلمة (تشريفات) .. وكلمة (اقسام حوار جدّية ) ويلي بيطلع عنها لازم يتخالف .. متل ما تخالفت انا على شي بلا طعمة وبعتبرو لا يستحق المخالفة ابداً .

اما بالنسبة لقصة الكلام المنزل .. يلي الاعضاء لازم تنجبر فيه .. فا انا حكيت هالشي وكان عن موضوع المقلاية ... وما لي حابب لت واعجن كتير بالقصة .. لأنو مرقت ... واكلنا مخالفة .. مع العلم اني حسب قوانين الموضوع مو مخالف .. فا يا ريت تعيدولنا النظر فيها .

بتوقع هالشي كافي ليوضح الصورة فوق ... وبس

:D

طيب

بالنسبة لطلبك انو تعتذر منك ريمي فهاد الشي ما منقدر عليه بالحقيقة , ريم كمشرفة على القسم هي اللي عندها صلاحيات تقييم المشاركات و بالتالي حذف او تعديل او مخالفة المشاركات او المشاركين.

في حال هي شافت حالها غلطانة و حبت تعتذر ما في شي بيمنع . بس متل مانك شايف بالردود فوق مافي شي من هالحكي , يعني هي مانها شايفة حالها غلطانة , و بالتالي ما بعتقد انو رح تعتذر .

هلأ العظيم بالموضوع انك حابب تعرض وجهة نظرك اكتر من انو تجادل , و هاد الشي صار ..يعني بمجرد طرحك للموضوع انت عبرت عن وجهة نظرك.

بالنسبة لقوانين التشريفات كمان طلبك بخصوص اعادة النظر بالسرد الحالي و توضيح ما هو مبهم , طلبك وصل ..و منشوف كيف ممكن نشتغل على هالشي مستقبلاً , و لكن بالوقت الحاضر و متل ما كان واضح من سياق ردود ريمي السابقة , بدك تتعامل مع قسم التشريفات بانو هو قسم من اقسام الحوار الجدية , و هاد الشي ما بيتعارض مع كونو قسم تشريفات ( يعني بدك تكون ع الرسمي شوي ...بتفوت بتبارك بتاخد حبة شوكولا و بتمشي ;) , هيك اجواء رسيمة بدك تقول ) .

بالنسبة للمخالفات , مافي الية لاعادة النظر فيها , يعني كان بودنا هالشي بس للاسف مافي مجال تقنيا و لوجستيا يعني .

هلأ انا بدي اطلب منك تتقيد بالضوابط ( على ضوء ما تبين من هالموضوع يعني ) لانو هاد هو الحل الوحيد لكل المشاكل . هلأ بدك تقلي انك انت كنت متقيد بالضوابط ..و انك تخالفت ظلم , بدي قلك حاول جهدك تتقيد بالضوابط اكتر ...و الله يقدم اللي فيه الخير .

اذا في شي حابب تضيفو قبل ما تسكر الموضوع غير اللي حكيناه خود راحتك ..الموضوع مفتوح :D

طيب

بالنسبة لطلبك انو تعتذر منك ريمي فهاد الشي ما منقدر عليه بالحقيقة , ريم كمشرفة على القسم هي اللي عندها صلاحيات تقييم المشاركات و بالتالي حذف او تعديل او مخالفة المشاركات او المشاركين.

في حال هي شافت حالها غلطانة و حبت تعتذر ما في شي بيمنع . بس متل مانك شايف بالردود فوق مافي شي من هالحكي , يعني هي مانها شايفة حالها غلطانة , و بالتالي ما بعتقد انو رح تعتذر .

هلأ العظيم بالموضوع انك حابب تعرض وجهة نظرك اكتر من انو تجادل , و هاد الشي صار ..يعني بمجرد طرحك للموضوع انت عبرت عن وجهة نظرك.

بالنسبة لقوانين التشريفات كمان طلبك بخصوص اعادة النظر بالسرد الحالي و توضيح ما هو مبهم , طلبك وصل ..و منشوف كيف ممكن نشتغل على هالشي مستقبلاً , و لكن بالوقت الحاضر و متل ما كان واضح من سياق ردود ريمي السابقة , بدك تتعامل مع قسم التشريفات بانو هو قسم من اقسام الحوار الجدية , و هاد الشي ما بيتعارض مع كونو قسم تشريفات ( يعني بدك تكون ع الرسمي شوي ...بتفوت بتبارك بتاخد حبة شوكولا و بتمشي ;) , هيك اجواء رسيمة بدك تقول ) .

بالنسبة للمخالفات , مافي الية لاعادة النظر فيها , يعني كان بودنا هالشي بس للاسف مافي مجال تقنيا و لوجستيا يعني .

هلأ انا بدي اطلب منك تتقيد بالضوابط ( على ضوء ما تبين من هالموضوع يعني ) لانو هاد هو الحل الوحيد لكل المشاكل . هلأ بدك تقلي انك انت كنت متقيد بالضوابط ..و انك تخالفت ظلم , بدي قلك حاول جهدك تتقيد بالضوابط اكتر ...و الله يقدم اللي فيه الخير .

اذا في شي حابب تضيفو قبل ما تسكر الموضوع غير اللي حكيناه خود راحتك ..الموضوع مفتوح :D
اول شي .. انا ما بدي حدا يعتذر مني ولو ... كل القصة .. انو كنت حابب بما اني معتبر حالي مو مخالف .. انو المشرفة ريمي تعترف انو هيي خالفتني ولو عن طريق الخطأ .. ما بدي اعتزار ولا هم يحزنون :lol:
بالنسبة لقصة التشريفات .. فا على عيني يعني ... بحاول اتعامل معو من الاقسام الجدّية (وبدون كلمة حوار) .. بس بتمنى اني متل ما انا عم اتعامل بالتشريفات بامان الله .. غيري يعمل هالشي وبالتالي .. ما يصير مجال للخيار والفقوس (المصطلح الشهير :lol:) .
اما بالنسبة للمخالفات .. فا عوضي على الله :lol:.
وبالنسبة لطلبك ... فا ع راسي :D

وشكراً للتفهم :D

على عيني :D

هلأ اذا الموضوع خالص من جهتك تبقى بس اتناول القفل من ادوات الموضوع فوق و سكر الموضوع بمعيتك .

تحياتي