حبيت افتح هالنقاش

يا ترا الواحد احسن يضل بالبلد و يشتغل فيها و يرضى بالنصيب :cry:

او انو يسافر و يتغرب و يشوف الحياة برا و يبني مستقبلو احسنلو يعني انت مع او ضد الغربة؟

و برأيكن الغربة هي حل لمشكلة العمل ام هروب من الواقع العايش في الواحد :?

و كمان الواحد اذا تغرب و طلع و عاش و شاف الحياة بالدول المتقدمة و الغنية في يستوعب الرجعة عالبلد متل ما كان بعد ما شاف اخر الصيحات:jakoush:

بتمنى يكون نقاش بناء و انا رح حاول ضيف مجموعة اسئلة كل فترة من شان تتوضح الصورة العايشين فيها الشباب المتغربين و مشاعرن و نشوف رأي الشباب القاعدي بالبلد

:D:hart:

بصير تكون هزوب لايجاد أكتر من حل

بصير تكون هزوب لايجاد أكتر من حل

بيصير ليش ما بيصير بس شو الحلول برايك;)

الغربة حلوة بتعلمك أشياء جديدة و بتقوي من قلبك ومن قراراتك ، رح تصادف مشاكل كتير فيها و مشاعرك رح تكون حسّاسة بالبداية و رح تحن لوطنك

بس من أول ما ترجع أول مرة لبلدك رح تحس أنك حابب ترجع تسافر " ليش " ؟ لأنّك حسيت أنك حابب تستكشف أكتر و قلبك صار مفتوح أكتر لتقبّل الجديد ... هي من الناحية المعيشية ..

أما من ناحية العمل فالعمل في بلدك أذا كان بيكفيك من الناحية المعيشية و بيشبع رغباتك المعقولة و ممكن أن يحقق لك مخططات على المستوى القريب على الأقل فهو الأنسب من العمل خارج البلاد ....

:D

للغربة أكثر من معنى فغربة الإبتعاد عن الوطن ومسقط الرأس غربة جغرافية والتي يقصدها الإنسان سعيا وراء العيش بكرامة وفي سبيل تأمين لقمة عيش تقيه العوز والحاجة أو يقصدها للدراسة والتكوين ومن ثم بناء مستقبله وما كان يحلم به. فهذه الغربة رغم ما يعانيه بها الإنسان من حنين للموطن والأهل والأحباب..فهي تعود عليه بالخير الكبير ليس ماديا فقط بل معناويا،فكريا وشخصيا فهو يكتسب تجربة في الحياة ربما لا يدركها سوى بعد مرور السنين.
هناك غربة قاتلة وتفوق بكثير الغربة الجغرافية وهي الغربة داخل الوطن..
كأن ترى الظلم والديكتاتورية والنظام المتمثل في الفوضى والقهر وإعدام حرية التعبير عندها تشعر بالغربة داخل الوطن..
وعندما ترى الإنحلال وعدم التفاهم حتى في الأوساط العائلية عندها تحس بالغربة بين أهلك وأصحابك..
عندما ترى أحلامك ـ البسيطة ـ تتبخر أمام عينيك حينها تحس بالغربة
فالإبتعاد عن الوطن في نظري ليس هروبا من الواقع أو من الوطن أكثر منه هروبا من الغربة في معناها العميق¨
وصدق من قال: الفقر في الوطن غربة، والغنى في الغربة وطن
والفقر والغنى لهما أكثر من بعد في هذه القولة..
:D

بعتقد لكل واحد بيفكر بالغربة ظروفو الخاصة وأسبابو لهيك ما فينا نقول الغربة حل أو الغربة هروب للكل

مع انو حاسة هنن وجهين لعملة واحدة :?

برايي الغربة هي وسيلة وليست حل فكل انسان في النهاية رح يرجع لوطنه سواء على اقدامه او على الأكتاف
لذلك الغربة هي وسيلة لحتى يتعلم الانسان ويكتشف ثقافة جديدة وطرق جديدة وينمي افكاره وامكانياته لحتى يقدر في النهاية انه يرجع لوطنه ويحاول ينفع غيره بخبرته اللي اكتسبها من غربته ، أما اذا كان الانسان عم يعيش حالة من الفقر او انعدام الذات بوطنه فبتصير الغربة ضرورة لحتى يحاول الشخص انه يطلع من الحالة اللي هو فيها ، اما هل كان لازم يرضى بالنصيب متل ما عم تقول وما يحاول يعمل شي لتغيير هالنصيب فهيك بكون الانسان عم يتعامل بسلبية مع نفسه وهاد الشي فيه ضرر اكتر ما يكون فيه نفع .
وعلى قولة المثل :
الفقر بالوطن غربة والغنى بالغربة وطن
وكل انسان مغترب اذا كان مسافر على بلد احسن من بلده الام لازم يحط بباله شغلة انه اذا رجع لبلده لازم هو يحاول يعمل التغيير مو يرجع ويصير ينتقد على الفاضي ويعمل مقارنات بين ما كان وما لازم يصير لانه بهي الطريقة هو ما بكون عمل شي بغربته الا انه بعد عن اهله و اصحابه وجمع هالكم قرش اذا جمعهن وبالنهاية كله رح يروح بمجرد انه يحط حاله بقبره ويسلمها
وبالاخير بذكر بقول الشاعر

تغرب عن الأوطان في طلب العلى***وسافر ففي الأسفار خمس فوائد

تفرج هم واكتساب معيشة***وعلم وآداب وصحبة ماجد

فإن قيل في الأسفار ذل ومحنة***وقطع الفيافي وارتكاب الشدائد

فموت الفتى خير له من معاشه***بدار هوان بين واش وحاسد

اصلا ازا الواحد خلق و تربا ببلد غير بلدو اكيد ما رح يفرء بين بلدو الاصلي و البلد يللي خلق و عاش فيها..
الواحد بيسمع انو في النا اهل وكل سنه او سنتين لازم نسافر نشوفن..
بس هالشي ما بطول يعني انا بنزل عالبلد ان كترت كل سنتين ازا مش تلاته و انجأ اقعد شهر ونص الا..
(متل السياح :pos:)
ليش؟
لأنو الواحد خلص اتعود عجو و عبلد و على عيشه غير
اوكي الواحد بيتأقلم و لبنان حلو العيشه فيه..بس كلنا معرف انو تلات ارباع الناس عايشين هونيك من القله و لو بصحلن يسافرو ما بقولو لأ..
يللا ..
فخلي الواحد بغربتو مرتاح و متكيف مع الجو ,ان كان بالدرس او الشغل ..

للغربة أكثر من معنى فغربة الإبتعاد عن الوطن ومسقط الرأس غربة جغرافية والتي يقصدها الإنسان سعيا وراء العيش بكرامة وفي سبيل تأمين لقمة عيش تقيه العوز والحاجة أو يقصدها للدراسة والتكوين ومن ثم بناء مستقبله وما كان يحلم به. فهذه الغربة رغم ما يعانيه بها الإنسان من حنين للموطن والأهل والأحباب..فهي تعود عليه بالخير الكبير ليس ماديا فقط بل معناويا،فكريا وشخصيا فهو يكتسب تجربة في الحياة ربما لا يدركها سوى بعد مرور السنين.
هناك غربة قاتلة وتفوق بكثير الغربة الجغرافية وهي الغربة داخل الوطن..
كأن ترى الظلم والديكتاتورية والنظام المتمثل في الفوضى والقهر وإعدام حرية التعبير عندها تشعر بالغربة داخل الوطن..
وعندما ترى الإنحلال وعدم التفاهم حتى في الأوساط العائلية عندها تحس بالغربة بين أهلك وأصحابك..
عندما ترى أحلامك ـ البسيطة ـ تتبخر أمام عينيك حينها تحس بالغربة
فالإبتعاد عن الوطن في نظري ليس هروبا من الواقع أو من الوطن أكثر منه هروبا من الغربة في معناها العميق¨
وصدق من قال: الفقر في الوطن غربة، والغنى في الغربة وطن
والفقر والغنى لهما أكثر من بعد في هذه القولة..
:D

و الله كلام حلو و موزون عمي نجم انك وضحت جوانب الغربة و ابعادها المآساوية و الفكرية كمان .....:D

و بالفعل الغربة احيانا بتحسها هروب من الغربة بالوطن لان للاسف بالوطن في ناس عايشة فوق الريح و ناس عايشة داخل نواة الارض ..:?

فاحيانا الواحد هو و بي بلدو بيحس بالغربة .....:sick:

بعتقد لكل واحد بيفكر بالغربة ظروفو الخاصة وأسبابو لهيك ما فينا نقول الغربة حل أو الغربة هروب للكل

مع انو حاسة هنن وجهين لعملة واحدة :?


حلو يا ست ساندرا :D

بس طيب هالظروف بجوز بعضها يكون استثنائي بس انا كان قصدي بالنقاش هو التغرب بسبب البحث عن فرص افضل

و هالشغلة منشوفا دارجة جدا بسوريا ولا شو رايك :?

برايي الغربة هي وسيلة وليست حل فكل انسان في النهاية رح يرجع لوطنه سواء على اقدامه او على الأكتاف
لذلك الغربة هي وسيلة لحتى يتعلم الانسان ويكتشف ثقافة جديدة وطرق جديدة وينمي افكاره وامكانياته لحتى يقدر في النهاية انه يرجع لوطنه ويحاول ينفع غيره بخبرته اللي اكتسبها من غربته ، أما اذا كان الانسان عم يعيش حالة من الفقر او انعدام الذات بوطنه فبتصير الغربة ضرورة لحتى يحاول الشخص انه يطلع من الحالة اللي هو فيها ، اما هل كان لازم يرضى بالنصيب متل ما عم تقول وما يحاول يعمل شي لتغيير هالنصيب فهيك بكون الانسان عم يتعامل بسلبية مع نفسه وهاد الشي فيه ضرر اكتر ما يكون فيه نفع .
وعلى قولة المثل :
الفقر بالوطن غربة والغنى بالغربة وطن
وكل انسان مغترب اذا كان مسافر على بلد احسن من بلده الام لازم يحط بباله شغلة انه اذا رجع لبلده لازم هو يحاول يعمل التغيير مو يرجع ويصير ينتقد على الفاضي ويعمل مقارنات بين ما كان وما لازم يصير لانه بهي الطريقة هو ما بكون عمل شي بغربته الا انه بعد عن اهله و اصحابه وجمع هالكم قرش اذا جمعهن وبالنهاية كله رح يروح بمجرد انه يحط حاله بقبره ويسلمها
وبالاخير بذكر بقول الشاعر

تغرب عن الأوطان في طلب العلى***وسافر ففي الأسفار خمس فوائد

تفرج هم واكتساب معيشة***وعلم وآداب وصحبة ماجد

فإن قيل في الأسفار ذل ومحنة***وقطع الفيافي وارتكاب الشدائد

فموت الفتى خير له من معاشه***بدار هوان بين واش وحاسد



حلو
بس انت نسيت انو في نسبة كبيرة من الشباب سواء حاليا او سابقا تركو البلد الى غير رجعة :pos:

و بعدين شو بدو يأصلح الواحد ليأصلح ما طالما كل الشعب عم يقول عوجا فما في امل تأصلح الشعوب اليأسانة :cry:

انت حاول تتطلع بالبلد كلو بي قلك و الله عم افكر بالسفر

لك كلو بدو يهرب و ياما سمعان ناس بدها تروح بلا رجعة :frown:

فالغربة حل او فيك تقول وسيلة للحل بس البقاء بالبلد ما بعرف شو وضعوا :?

اصلا ازا الواحد خلق و تربا ببلد غير بلدو اكيد ما رح يفرء بين بلدو الاصلي و البلد يللي خلق و عاش فيها..
الواحد بيسمع انو في النا اهل وكل سنه او سنتين لازم نسافر نشوفن..
بس هالشي ما بطول يعني انا بنزل عالبلد ان كترت كل سنتين ازا مش تلاته و انجأ اقعد شهر ونص الا..
(متل السياح :pos:)
ليش؟
لأنو الواحد خلص اتعود عجو و عبلد و على عيشه غير
اوكي الواحد بيتأقلم و لبنان حلو العيشه فيه..بس كلنا معرف انو تلات ارباع الناس عايشين هونيك من القله و لو بصحلن يسافرو ما بقولو لأ..
يللا ..
فخلي الواحد بغربتو مرتاح و متكيف مع الجو ,ان كان بالدرس او الشغل ..

و الله يا ست ماري بالحالة الجبتيلنا الياها وضحت انو احيانا الغربة هي بتصير الوطن لانو هونيك منتأقلم بس هالحالة اسمها تعايش مو تغرب لان الشخص عاش بهالبلد و تتطبع بطباعها مو انو ولد بي بلد و راح بعدين طلع عا بلد تاني

و بالفعل لاحظت هالشي انا عمي مسافر عا اسبانيا و عايش هنيك من شي ٣٠ سنة و كل ما بيجي عالبلد ما بيقدر يضل اكتر من شهر بالكتيرة و بيحمل حالو و بيهرب عا بلدو ( لاحظي قلت بلدو) لان البلد بسوريا ما ضلت بلدو لانو صارت كل ثقافتو من البلد اللي عاش فيه :pos:
:D:D

صراحة يا جماعة انا عايش بقطر وكنت قبل بدبي وانا ما بحسب الموضوع اذا هروب ولا وسيلة اكيد ممكن الانسان يلاقي شغل ببلدو ويقتنع وهيدا وارد بس كمان في ناس بتجي من أوروربا وامريكا بتشتغل هون بالخليج او برات بلدها لان الرواتب احسن او لتتطور بعملها بطريقة اسرع فالموضوع خيار بس المشكلة بسوريا انه الناس بتأخد الموضوع متل الوجبات السريعة
يعني انا بطلع عالخليج بجمع شوية مصاري بعمر بيت وبرجع
او الوجبة الاجبارية تبع عندي جيش وبدي ادفع بدل
فبتلاقي الناس بيقبلوا باي راتب وباي شغل
وانا ع كتر ما بشوف النق هون من متغربين ومذلولين وما بعرف شو
يا عمي اذا كتير متضايقين ببساطة رجعوا عبلدكن وبتشوفهن لما بتصير مشكلة وبدهم يسفرهون بيصيروا رح يبكوا

القصة ببساطة انه الانسان لازم يعرف شو بدوا من هالحياة ولشو عايش ويبطل نق

برأيي الغربة تحمل المعنيين ... الهروب والحل للمشالكل
وأنا يا جماعة بميل الى انها عملية ارتقاء بالنفس الى مستوى أعلى من الرفاهية .....

يا ترا الواحد احسن يضل بالبلد و يشتغل فيها و يرضى بالنصيب :cry:

أكيد الواحد أحسن يضل بين اهله وقرايبه وبلده يلي خلق وترعرع فيها , بس بالنّسبه للشّغل ما ظنّيت

انه في بلد عربي تقدر تامّن احتياجات الشّخص , من شغل وراتب متل الخلق , منشان هيك نص

الوطن العربي متغرّب.

او انو يسافر و يتغرب و يشوف الحياة برا و يبني مستقبلو احسنلو يعني انت مع او ضد الغربة؟
مع الغربه , الغربه للزلام حبيبي :larg:

فكره الغربه كتير حلوه , منّه بتعيش حياه جديده , بتحس بقيمة أهلك , بتتعرق على ناس جداد ,

بتتعرف على ثقافات جديده , بتتعلم كيف تعتمد على نفسك , وكتييييير فوائد عيرها.


و برأيكن الغربة هي حل لمشكلة العمل ام هروب من الواقع العايش في الواحد :?

حل لمشكلة العمل , وممكن كتير تزبط هروب من الواقع .

و كمان الواحد اذا تغرب و طلع و عاش و شاف الحياة بالدول المتقدمة و الغنية في يستوعب الرجعة عالبلد متل ما كان بعد ما شاف اخر الصيحات:jakoush:

هاي نقطه كبيره , يعني يلي صايرله 20 سنه عايش ببلد عربي (مغلق) ويطلع على بلد متقدّم ,

ويشوف الصيحات الجديده من مجاميعه , رح يواجه صعوبه لمّا يرجع على بلده ويشوف الوضع هناك ,

وعلى فكره سنه وحده كفيله انها تصعّب عالشّخص , انّه يرجع يعيش ببلده .



أنتقاء جميل . :D

هلأ الواحد اذا لائى شغل منيح ببلدو ممتاز
ما لائى ما في مشكلة يتغرب منشان لئمة عيشو
المتل بيئول وين ما بترزق الزق
واذا ئدر يتكيف مع الوضع هناك وشاف الحياة افضل يضل
بيزور بلدو واهلو كل فترة بس الوطن شو بدو يعملو لو ما لائى شغل
خصوصي لو كان بلدو لانو حامل جنسيتو مش اكتر

حلو
بس انت نسيت انو في نسبة كبيرة من الشباب سواء حاليا او سابقا تركو البلد الى غير رجعة :pos:

و بعدين شو بدو يأصلح الواحد ليأصلح ما طالما كل الشعب عم يقول عوجا فما في امل تأصلح الشعوب اليأسانة :cry:

انت حاول تتطلع بالبلد كلو بي قلك و الله عم افكر بالسفر

لك كلو بدو يهرب و ياما سمعان ناس بدها تروح بلا رجعة :frown:

فالغربة حل او فيك تقول وسيلة للحل بس البقاء بالبلد ما بعرف شو وضعوا :?

هلق انا مالي مختلف معك انه في كتير ناس تركوا البلد لغير رجعة او على الاقل مو ناويين بالوقت الحالي او المستقبل القريب انه يرجعوا ، بس بظن انه بشكل عام ( وعم احكي على الناس اللي تركت بلدها وطلعت وقت شبابها مو يلي انولد برا البلد من اصله) بحن بالاخير وبريد يرجع لوطنه لذلك كنت عم اقترح مبدأ التفكير انه كل واحد يبدا من حاله ويجرب يعمل شي او يقدم شي لانه بالنهاية الوطن هو الأرض وليس من يحكم الأرض
اما بالنسبة للرغبة بالسفر او البقاء بالبلد فاكيد انه الواحد يبقى متل ما هو بدون ما يحاول انه يتطور هاد شي مو مقبول ابدا ، وكل شخص لازم يسعى انه يحسن من نفسه واوضاعه .
بس انه نقول عوجا ونبقى واقفين من غير ما نحاول انه نعمل شي فبرأيي هاد السبب اللي عم يخلينا دائما نرجع لورا
وبرجع بقول انه الوطن هو الارض وليس من يحكم الأرض

الحياة مغامرة
مو غلط الواحد يسافر و يشوف حضارات و ثقافات جديدة

مثلا انا سافرت ل 12 دولة بحثا عن الرزق
بروح عالشرق بلاقي رزقتي بالغرب
و لو بروح عالغرب بلاقيها راحت عالشرق
:cry::cry:

هلق انا مالي مختلف معك انه في كتير ناس تركوا البلد لغير رجعة او على الاقل مو ناويين بالوقت الحالي او المستقبل القريب انه يرجعوا ، بس بظن انه بشكل عام ( وعم احكي على الناس اللي تركت بلدها وطلعت وقت شبابها مو يلي انولد برا البلد من اصله) بحن بالاخير وبريد يرجع لوطنه لذلك كنت عم اقترح مبدأ التفكير انه كل واحد يبدا من حاله ويجرب يعمل شي او يقدم شي لانه بالنهاية الوطن هو الأرض وليس من يحكم الأرض
اما بالنسبة للرغبة بالسفر او البقاء بالبلد فاكيد انه الواحد يبقى متل ما هو بدون ما يحاول انه يتطور هاد شي مو مقبول ابدا ، وكل شخص لازم يسعى انه يحسن من نفسه واوضاعه .
بس انه نقول عوجا ونبقى واقفين من غير ما نحاول انه نعمل شي فبرأيي هاد السبب اللي عم يخلينا دائما نرجع لورا
وبرجع بقول انه الوطن هو الارض وليس من يحكم الأرض


والله يا صاحبي اللي بيلاقي شغل بي بلدو حلو و بيأمن كل متطلباتو مستحيل يترك بلدوا بس اخ من البلد و اللي عم يصير فيها :cry::cry:

لك مو حرام كل الشباب عم تهرب من الجيش و عم تهرب من شان تلاقي شغل و في بنفس الوقت ناس عم تسرق بالمليارات و ما حدا بيقللها وقفي :shock:

و الله يا حبيب شعبنا يأسان و اليأسان ما بيقدر يعمل شي اذا ما طلع من يأسو و الله يستر من الجاي :pos:

الحياة مغامرة
مو غلط الواحد يسافر و يشوف حضارات و ثقافات جديدة

مثلا انا سافرت ل 12 دولة بحثا عن الرزق
بروح عالشرق بلاقي رزقتي بالغرب
و لو بروح عالغرب بلاقيها راحت عالشرق
:cry::cry:

ذكرتني بهاي القصيدة بالادب المهجري ايام البكالوريا
و الله نسيان اسم الشاعر بس القصيدة حلوة:pos:

و يا سيدي انشاء الله تتوفق و نتوفق كلنا :oops:
:D:D

أنا بصراحة بحسد كل واحد قاعد ببلده لأنه الغربة مرة

حلو يا ست ساندرا :D

بس طيب هالظروف بجوز بعضها يكون استثنائي بس انا كان قصدي بالنقاش هو التغرب بسبب البحث عن فرص افضل

و هالشغلة منشوفا دارجة جدا بسوريا ولا شو رايك :?

هو دايما الإنسان بيبحث عن ظروف افضل
و هالقصة دارجة بكل محل
يعني مثلاً بسمع عن كتار بيحلمو بفرنسا وبتجي لفرنسا بتلاقي حلم شبابهم يروحو لكندا لأن الظروف هنيك أفضل
بس بعتقد إذا بدنا نقارن بين نسبة الشباب السوريين يلي بيطمحو للعمل بالخارج أو بيفكرو بالسفر وبين الشباب الفرنسيين .. فنسبة السوريين رح تكون أعلى بتصوري

:D

الغربة سببها الطموح... وهيي دليل طموح الشعب السوري العالي... وقدراتو يلي أكبر من مستوى البلد...
طاقات سورية تصرف خارج سورية... لخدمة اوطان ليست اوطاننا... وبأسعار بخسة.. فوا أسفاه


الغربة هي حل مر ان كانت حل... او هرب من واقع أمر ان كانت هرب...

ما في شي اسمو غربة برأيي الشخصي

بيي قلي حكمة مهمة كتير لألي ( أ{ض ما بترزق إلزق )

يعني بسوريا و لا على سطح القمر

السفر بيعلم الانسان اشيا كتير و مهمة

كون بغربة و انت برى الوطن افضل بمئات المرات ما تكون عايش بالوطن و بين اهلك و حاسس بغربة

و سلامتكم جميعا ً

ما في شي اسمو غربة برأيي الشخصي

بيي قلي حكمة مهمة كتير لألي ( أ{ض ما بترزق إلزق )

يعني بسوريا و لا على سطح القمر

السفر بيعلم الانسان اشيا كتير و مهمة

كون بغربة و انت برى الوطن افضل بمئات المرات ما تكون عايش بالوطن و بين اهلك و حاسس بغربة

و سلامتكم جميعا ً


معك وكلامك 100%

انا بحس الغربة هروب فعلا
اهم اسباب هالهروب هو الوضع المعيشي

لكن الغربة هية بالنهاية هروب من واقع مرفوض

والغربة ممكن تكون تجربة كبيرة بحياة الانسان وبتخيل اثارها دائما ايجابية لو كانت نتائجها سلبية

لانو الانسان بيتعلم من التجارب والتجربة بتصقل شخصية الانسان وبتقوية كتير لمراحل متقدمة من حياته

ما في شي اسمو غربة برأيي الشخصي

بيي قلي حكمة مهمة كتير لألي ( أ{ض ما بترزق إلزق )

يعني بسوريا و لا على سطح القمر

السفر بيعلم الانسان اشيا كتير و مهمة

كون بغربة و انت برى الوطن افضل بمئات المرات ما تكون عايش بالوطن و بين اهلك و حاسس بغربة

و سلامتكم جميعا ً



الغنى بالغربة فقر والعكس صحيح مو هيك بيقولو؟

اقبلنا اقبلنا حتى وُحلِنا بالطين والدم
غدى الإدبار املا فى التطهير والإحساس بالكرامة

سلامات وشكرا عالموضوع

برأيي الشخصي انو بين انو الغربة هروب ولا حل فهيي اكيد نسبية القصة
بحالتي وباغلب الحالات ما فيك تقول عن الغربة هروب لان الهروب بيعني ان العم يهرب جبان وما خرج مجابهة الظروف
بس وقت اللي بسافر عشرين الف كيلومتر وببلش حياة ببلد جديد فهاد فيه كتير من الشجاعة والبأس وبكون دور على حل انسب من الغربة الداخلية اللي ذكروها الشبيبة

اما في حالات اخرى كالتملص من العسكرية مثلا فهيي هروب وفي غير امثلة

على كلن في جملة ظريفة بتمثل وضع المتغرب خارجيا وداخليا : دوم هنيك أحسن :p
بغض النظر وين هنيك

وسلام

أنا بصراحة بحسد كل واحد قاعد ببلده لأنه الغربة مرة

حلو الكلام طيب لونو الواحد بيحسن يضل بيتغرب؟؟ :cry: مو طالع بي ايدنا شي :cry:


هو دايما الإنسان بيبحث عن ظروف افضل
و هالقصة دارجة بكل محل
يعني مثلاً بسمع عن كتار بيحلمو بفرنسا وبتجي لفرنسا بتلاقي حلم شبابهم يروحو لكندا لأن الظروف هنيك أفضل
بس بعتقد إذا بدنا نقارن بين نسبة الشباب السوريين يلي بيطمحو للعمل بالخارج أو بيفكرو بالسفر وبين الشباب الفرنسيين .. فنسبة السوريين رح تكون أعلى بتصوري

حلو حكيك منلاحظ انو كلامك مزبوط بس هالشي بيرجع للطبيعة الانسانية اللي ما بيعجبها العجب :frown: بس يعني شغلة مفروغ منها انو الوضع بفرنسا احسن من البلد :pos: و ما بدها تنين يحكو فيها

:D

الغربة سببها الطموح... وهيي دليل طموح الشعب السوري العالي... وقدراتو يلي أكبر من مستوى البلد...
طاقات سورية تصرف خارج سورية... لخدمة اوطان ليست اوطاننا... وبأسعار بخسة.. فوا أسفاه


الغربة هي حل مر ان كانت حل... او هرب من واقع أمر ان كانت هرب...

الطموح لونو الواحد بيقدر يحققو ببلدو ما بيسافر و كمان مو بس نحن اللي عم نسافر و نخدم باسعار بخسة لسا في عالم بتاخد ارخص مننا بي الف مرة و رضيانة :shock: معك حق انو طاقات سوريا عم تنصرف برات سوريا:cry: بس هاد الواقع و طالما بلدك ما بيقدر طاقات شعبو فما في امل:pos: الغربة هي حل مر نوعا ما و لكنها ليست امر من البقاء في وطن لا يقدرك و هذا المرار الاصلي و متل ما قلت هرب من واقع امر

:D:D:D

ما في شي اسمو غربة برأيي الشخصي

بيي قلي حكمة مهمة كتير لألي ( أ{ض ما بترزق إلزق )

يعني بسوريا و لا على سطح القمر

السفر بيعلم الانسان اشيا كتير و مهمة

كون بغربة و انت برى الوطن افضل بمئات المرات ما تكون عايش بالوطن و بين اهلك و حاسس بغربة

و سلامتكم جميعا ً



حكمة ابوك حلوة و معروفة و هي من اجمل الحكم بمجال العمل بس يا ترا انت متغرب ما بتشتاق لابوك العطاك هالحكمة
مو كل يوم بتكون عم تفكر فيه و بي امك و بطبخها و اخواتك و صحابك :?

شكرا للمرور :D:D:D

انا بحس الغربة هروب فعلا
اهم اسباب هالهروب هو الوضع المعيشي

لكن الغربة هية بالنهاية هروب من واقع مرفوض

والغربة ممكن تكون تجربة كبيرة بحياة الانسان وبتخيل اثارها دائما ايجابية لو كانت نتائجها سلبية

لانو الانسان بيتعلم من التجارب والتجربة بتصقل شخصية الانسان وبتقوية كتير لمراحل متقدمة من حياته

مزبوط الغربة تجربة كبيرة و بالنسبة نتائجها بتعود للشخص العايش فيها فهو اللي بيتحكم بنتائجها مو هيي
و شخصية الانسان بتنصقل كتير بعد ما يتغرب :D:D:D

الغنى بالغربة فقر والعكس صحيح مو هيك بيقولو؟

لا بالعكس الغنى وين من كان حلو ما في احلى من العملة :larg:

اقبلنا اقبلنا حتى وُحلِنا بالطين والدم
غدى الإدبار املا فى التطهير والإحساس بالكرامة

شكرا عالخاطرة :D:D

سلامات وشكرا عالموضوع

برأيي الشخصي انو بين انو الغربة هروب ولا حل فهيي اكيد نسبية القصة
بحالتي وباغلب الحالات ما فيك تقول عن الغربة هروب لان الهروب بيعني ان العم يهرب جبان وما خرج مجابهة الظروف
بس وقت اللي بسافر عشرين الف كيلومتر وببلش حياة ببلد جديد فهاد فيه كتير من الشجاعة والبأس وبكون دور على حل انسب من الغربة الداخلية اللي ذكروها الشبيبة

اما في حالات اخرى كالتملص من العسكرية مثلا فهيي هروب وفي غير امثلة

على كلن في جملة ظريفة بتمثل وضع المتغرب خارجيا وداخليا : دوم هنيك أحسن :p
بغض النظر وين هنيك

وسلام
اولا اهلا و سهلا :D:D
اكيد اللي عم يهرب مو جبان بس ضل وسيلة ما جربها :?
و فيك تقول المتغرب شجاع نوعا ما بس المتغرب و بيضل مو اللي بيطلع اسبوع و بيرجع لان ما عجبو الوضع (الا ببعض الحالات الاستثنائية)

حلوة هالجملة الحطيتها بالاخر بس صدقني لسا في بلاد بتحس سوريا حدها سويسرا و من دول العالم المتقدم جدا لما تشوف شعوبها :cry:


شكرا :D:D:D:D

مارح اتفاصح كتير كل الردود صح
وبرأي الشخصي أنو الغربة حل وهروب معا
وياريت يرجع يصحلي شي هريبة تانية

اذا كنت مواطن سوري وعايش بسوريا فالغربة اكيد هي الحل وطريق الخلاص الأقل تكلفة

والله يا اخي احيانا العيشة ببلدك غربة ..
بس خليني ببلدي دوق فيها احسن مدوق من الغريب ...

مارح اتفاصح كتير كل الردود صح
وبرأي الشخصي أنو الغربة حل وهروب معا
وياريت يرجع يصحلي شي هريبة تانية

شكرا للمرور :D:D

اذا كنت مواطن سوري وعايش بسوريا فالغربة اكيد هي الحل وطريق الخلاص الأقل تكلفة

كلامك منطقي جدا :D:D

والله يا اخي احيانا العيشة ببلدك غربة ..
بس خليني ببلدي دوق فيها احسن مدوق من الغريب ...

انت جربت الغريب لتحكم عليه:?
صدقني المعاملة برا احسن من معاملة البلد:pos:

اذا مشروع الغربة قائم على مبدأ (( اجمع شوية فلوس وارجع))، فهذا ليس حلا، فإن لم يكن لديك العزم في بلدك، لن يكون لديك في بلد آخر.

وإذا كانت الغربة هروب من واقع او قصة او علاقة، فهي ايضا ليست حلا، اذ ستحمل ألم ما هربت منه، وألم التحطم والفشل على صخور الغربة..

ولكن الغربة حل، وحل رائع للمشاكل التالية :
*إن كنت صاحب موهبة او إبداع او نجاح، ولكنك حُرمت من فرصتك المفترض ان تكون مساوية للجميع، حرمت منها على حساب مواطن آخر لأن أباه يحمل ((شي كذا)) نسر ونجمة على كتافو.
*او لأن لديك مشكلة مع جماعة المطار ((ياللي لابسين مدني)) بس مع هيك بيسألوك من وين جاي ووين كنت ومع مين حكيت.
* او لانك يئست من اي اصلاح او نهضة.
* أو بسبب (انبهارك) بخدمات الوطن المعطاء (المعطاء لمسؤوليه فقط)
* أو او او او

القائمة ما بتخلص يا عزيزي.

لذلك، إن أردت الغربة، فافحص دوافعك واسبابك اولا.

مع محبتي

اذا مشروع الغربة قائم على مبدأ (( اجمع شوية فلوس وارجع))، فهذا ليس حلا، فإن لم يكن لديك العزم في بلدك، لن يكون لديك في بلد آخر.

وإذا كانت الغربة هروب من واقع او قصة او علاقة، فهي ايضا ليست حلا، اذ ستحمل ألم ما هربت منه، وألم التحطم والفشل على صخور الغربة..

ولكن الغربة حل، وحل رائع للمشاكل التالية :
*إن كنت صاحب موهبة او إبداع او نجاح، ولكنك حُرمت من فرصتك المفترض ان تكون مساوية للجميع، حرمت منها على حساب مواطن آخر لأن أباه يحمل ((شي كذا)) نسر ونجمة على كتافو.
*او لأن لديك مشكلة مع جماعة المطار ((ياللي لابسين مدني)) بس مع هيك بيسألوك من وين جاي ووين كنت ومع مين حكيت.
* او لانك يئست من اي اصلاح او نهضة.
* أو بسبب (انبهارك) بخدمات الوطن المعطاء (المعطاء لمسؤوليه فقط)
* أو او او او

القائمة ما بتخلص يا عزيزي.

لذلك، إن أردت الغربة، فافحص دوافعك واسبابك اولا.

مع محبتي

يا سلام عليك حبيبنا ابدعت:D:D:D

بس صدقني في كتار بيطلعو بيجمعو ارشين و بيرجعو :cry:

للاسف تفكيرنا منحصر بما هو موجود و لم يعد لدينا طموح:cry:

شكرا لك عزيزي:D:D

والله انا الغربه عندي هروب من المشاكل ووجع الراس

لانه وقت بنزل اجازه بيصير راسي ئد الطبل كيف ماكون عايش بينهم هيك بحسبها

والله انا الغربه عندي هروب من المشاكل ووجع الراس

لانه وقت بنزل اجازه بيصير راسي ئد الطبل كيف ماكون عايش بينهم هيك بحسبها


هلق هي من ناحية أنو هروب من المشاكل ووجع الراس ما بأيدك كتير بهالنقطة لأنو وللأسف حتى ببلاد الغربة عم تتعرض لمشاكل ووجع راس و بلأخص انك عم تتعامل مع ناس ما بيربطك فيها غير العمل وبس مو متل بين أهلك وناسك يعني بأختصار الغربة دباحة والوطن حنون رغم المشاكل يلي فيه
أنا بعتبر الغربة أنو عبارة عن تأمين مستقبل فقط
وشكرا ع الموضوع الجميل:D

يمكن هي هروب بإتجاه الحل...

لأنو الاغلبية ما عم يلاقوه هون.

مسا الخير
اخي الغربه بجميع الاحوال فيها الشي الحلو وفيها الشي المر
هلا الانسان لو ضل طول عمرو ببلدو يشتغل ادي بدو يحصل راتب ومتى بدو يصنع حالو وكيف بدو يتجوز ؟؟؟؟؟
كل هالاسئله المثيره لحياتو واللي تخلي بني ادم متى رح بوفهر اوهوي ببلادو مش محصل شي رمزي اللي يعيشو , هلا العكس تمام بالغربه الانسان كل شي بدو ياه متوفر حتى الممنوع اللي كان يسعاله ببلاده واللهي ما عم فكر فيو والاشيا اللي ما كنت ائدر اطولها وبدي ياها هلا متوفره بس بمزاجي تاركها .

اخي الغالي الغربه كتير مفيده واحله ما فيها انها بتصنع الرجال وبتبين معدنهم مزبوط حتى على مستوي التدبير المنزلي بتخليك تصير مدبر , وبتخليك كمان تكتشف اشيا بنفسك نتا مو عارفها .


اخي بالنسبه الي انا بنصحك بالغربه رح تصنعك بسرعه ورح توفر عليك وقت كبير
والاحله من هيك نتا رح تكون مبسووووووووووووووووووط

بس بضل شي واحد اهلك وحبايبك البعاد عنك هدول هني اللي بتضل مشتاء لعيونهم وبس


وتحياتي

مسا الخير
اخي الغربه بجميع الاحوال فيها الشي الحلو وفيها الشي المر
هلا الانسان لو ضل طول عمرو ببلدو يشتغل ادي بدو يحصل راتب ومتى بدو يصنع حالو وكيف بدو يتجوز ؟؟؟؟؟
كل هالاسئله المثيره لحياتو واللي تخلي بني ادم متى رح بوفهر اوهوي ببلادو مش محصل شي رمزي اللي يعيشو , هلا العكس تمام بالغربه الانسان كل شي بدو ياه متوفر حتى الممنوع اللي كان يسعاله ببلاده واللهي ما عم فكر فيو والاشيا اللي ما كنت ائدر اطولها وبدي ياها هلا متوفره بس بمزاجي تاركها .

اخي الغالي الغربه كتير مفيده واحله ما فيها انها بتصنع الرجال وبتبين معدنهم مزبوط حتى على مستوي التدبير المنزلي بتخليك تصير مدبر , وبتخليك كمان تكتشف اشيا بنفسك نتا مو عارفها .


اخي بالنسبه الي انا بنصحك بالغربه رح تصنعك بسرعه ورح توفر عليك وقت كبير
والاحله من هيك نتا رح تكون مبسووووووووووووووووووط

بس بضل شي واحد اهلك وحبايبك البعاد عنك هدول هني اللي بتضل مشتاء لعيونهم وبس


وتحياتي


اهلا و سهلا فيك

و الله يا اخي انا عملتها و اغتربت من زمان;)
بس عم نشوف شو رأي الشباب

شكرا لنصيحتك الغالية:D:D

الغربة إلها تسميات كتيرة كل مين حسب ظرفه فيو يسميها
بس أول عن تالي الغربة هي عن الأهل وعن المكان اللي نشأ وترعرع فيه

بظن انو الغربة هي الحل
عن جد

وصدق من قال: الفقر في الوطن غربة، والغنى في الغربة وطن
والفقر والغنى لهما أكثر من بعد في هذه القولة..
:D
طيب وشو بالنسبه للفقر بالغربة؟؟
شو اسمه؟؟
والله نحنا لو ما عانينا من الغربة القاتله اللي هي جوا وطننا, ما كنا فكرنا نتغرب
كتير صعب انك تعيش بعيد عن اهلك, اصحابك, حارتك,زكريات طفولتك وشبابك.
اكيد رح يكون شي مر اللي جبرك ع البعد والغربه.
انا صارلي سنتين متغربة ولهلأ عم ببكي بس اسمع اغنيه وطنيه,
او شوف صوره لشوارع الوطن الحبيب.
ااااخ ااخ
اشتقتلك يا وطن...

حبيت افتح هالنقاش

يا ترا الواحد احسن يضل بالبلد و يشتغل فيها و يرضى بالنصيب :cry:

او انو يسافر و يتغرب و يشوف الحياة برا و يبني مستقبلو احسنلو يعني انت مع او ضد الغربة؟

و برأيكن الغربة هي حل لمشكلة العمل ام هروب من الواقع العايش في الواحد :?

و كمان الواحد اذا تغرب و طلع و عاش و شاف الحياة بالدول المتقدمة و الغنية في يستوعب الرجعة عالبلد متل ما كان بعد ما شاف اخر الصيحات:jakoush:

بتمنى يكون نقاش بناء و انا رح حاول ضيف مجموعة اسئلة كل فترة من شان تتوضح الصورة العايشين فيها الشباب المتغربين و مشاعرن و نشوف رأي الشباب القاعدي بالبلد

:D:hart:



اممممممممم

انا من ناحيتي وعية على هل الدنيا و انا مغترب عن بلدي
بس يلي بتذكره اخر مرة لما كنت بالصف الثاني و اصحابي ايام الطفولة
قعد فترة كبير لحتى نزلت زيارة على سورية ولقيت كل شي تغير
حتى الحارة يلي ربيت فيها متغيرة .

كنت بتمنى انو تربيت و تعلمت في وطني كنت وقتها قدرت استقر
بس هلأ خلص ما رح اقدر استقر الا بالدولة يلي انا فيه



وتحياتي للجميع :)

هلأ الواحد اذا لائى شغل منيح ببلدو ممتاز
ما لائى ما في مشكلة يتغرب منشان لئمة عيشو
المتل بيئول وين ما بترزق الزق
واذا ئدر يتكيف مع الوضع هناك وشاف الحياة افضل يضل
بيزور بلدو واهلو كل فترة بس الوطن شو بدو يعملو لو ما لائى شغل
خصوصي لو كان بلدو لانو حامل جنسيتو مش اكتر

كلام جميل فعلا بس الغربه احسن من وجع الراس ابن عمك عمل وابن خالتك حكى وهديك حكو عنها وانتي لسه ماتزوجتي ...................الخ
ايه شو بدنا باللت والعجن الواحد يطلع يتغرب يشوف وين لقمة عيشه يتفتح شوي
ويتعلم من كيسه
بس اذا لقى حاله مو موفق ومو ماشي حاله وتعتر حاله
يرجع لبلده التعتير ببلده احسن
والله الناس بتغيب عن بلدها بال56789 سنين ;)وما بيكون معن مصاري:shock: واذا رجع لبلده الناس بتحكي اه والله غاب وجاب اكيد جاب فلوس قد الجبل :p:p
والمسكين بيكون مو قادر يدفع اجار بيته :cry:ولا يعيشي ولاده
ميرسي عالموضوع:clap: