-
دخول

عرض كامل الموضوع : الرجل والمرأة ... هل المعادلة مستحيلة الحل !

THE_unforgiven
17/07/2009, 20:41
منذ نزول الإنسان على وجه الأرض ... بدأت الحياة البشرية ...
في البدء .. كان العصر الحجري .. حيث كانت الحياة مقتصرة على تامين الحاجات الأساسية واستمرار الجنس البشري ..
الرجل ... رب الأسرة ... ومؤمن الغذاء والمسكن وحاجات الأسرة ..
المرأة ... الأم الحنونة .. التي تؤمن تربية الأبناء وتحضير الطعام ..
مع تطور المجتمعات .. حتى الوصول للعصر الحديث .. حدثت تغييرات حادة في تفكير كل من الجنسين .. ونتائجها من المحتمل أن تكون كارثية ..
---
أصبحت المرأة تفضل الإبتعاد عن الرجل .. ربما تكرهه .. تحقد عليه بطريقة أو أخرى .. لم يعد الزواج ذلك الهم الكبير الذي يرهق تفكيرها .. أصبحت الرومنسية .. معادلة مستحيلة الحل من قبل الرجال ..
أصبحت المرأة ... تقيم مسابقات الزواج ... تختار فائزها (عريسها) حسب ذوقها .. ربما حسب امكانياته المادية .. أو مكانته الإجتماعية .. ربما .. ليس الحب هو الدافع .. وبعد الزواج تكتشف .. الكارثة العظمى .. تجد نفسها .. حرمت من اعظم شي في هذه الحياة .. الحب الحقيقي ..
وبشكل عام .. نجد نساء العصر الحديث .. ذوات ذوق شديد التأثر بالعوامل الإجتماعية .. حيث معايير كل امراة حسب مجتمعها ومحيطها .. وهنا نجد المعضلات ..
فمثلا ... تصادف المرأة رجلا .. قد يكون كل ماتتمناه في هذه الحياة .. ولكنها .. بحركة غبية منها .. تنسف أحلامها بقنبلة تتطاير شظاياها .. لتستقر في أعماق قلبها عدة سنين .. أشواكاً .. تخنقها كل لحظة ..
لماذا تحاول ابقاء تلك الغشاوة امام عينيها .. لماذا تهدر سنين عمرها ... ومشاعرها سدى ..
لماذا تحاول الإستمرار في لعبة الإختباء .. والهروب ..
ربما تهدر حبا عظيماً قد ياخذها رحلاً إلى أعتاب الجنة ... واحياناً تستمر الرحلة إلى أبعد من الجنة ...
ليس الرجل ذلك الوحش الذي تتخيله المرأة .. ليس شرساً أو حقوداً .. ليس خالياً من المشاعر .. أو فارغاً من الأحاسيس ... الرجل عبارة عن كتلة من الأحاسيس .. ولكنها تبقى مختبأة وراء قناع الوحش ... انه الأب .. الحنون .. الصديق .. الأخ .. الحبيب .. انه ... الزوج .. انه .. الرجل .. ذلك الإنسان الآدمي المنحدر من سلالة آدم نفسها ... انه آدم نفسه .. ولكن مع تغيير طفيف بشيفرته الوراثية ... ودون تغيير .. في كونه رجل ..
متى سنعي أهمية الجنس الآخر ..
-
لماذا تحاول المرأة الإبتعاد عن الرجل .. لمَ تحاول جعل المعادلة مستحيلة .. !؟
.
.
.
.
.
THE,unforgiven ... "
savage garden
18/07/2009, 17:03
موضوعك رائع بس معقد واكبر من انو نرد عليه بسطر ولا موضوع
العلاقة بين الرجل والمراة مفروض تكون علاقة تكاملية
كل واحد بيكمل التاني
ما حدا بيئدر يكون او يستمر من دون التاني
بس الي تعلئ على كم شغلة ئلتهم بالموضوع



فمثلا ... تصادف المرأة رجلا .. قد يكون كل ماتتمناه في هذه الحياة .. ولكنها .. بحركة غبية منها .. تنسف أحلامها بقنبلة تتطاير شظاياها .. لتستقر في أعماق قلبها عدة سنين .. أشواكاً .. تخنقها كل لحظة ..


بغلطة غبية؟
اسمحلي معناها هون في طرف عم يستنى التاني على نكشة
انا بشوف اي خطا ممكن نسامح عليه باستثناء متل ما بيحكو الخيانة
مع انها مش شي وارد لما منكون عم نحكي عن حب - حب ئحئيئي يعني



لماذا تحاول ابقاء تلك الغشاوة امام عينيها .. لماذا تهدر سنين عمرها ... ومشاعرها سدى ..
لماذا تحاول الإستمرار في لعبة الإختباء .. والهروب ..



هي فعلا بتحط غشاوة على عيونها بس عن عيوب واخطاء حبيبها
البنات بيتحملو منا اكتر بكتير من اللي منتحملو منهن



ليس الرجل ذلك الوحش الذي تتخيله المرأة .. ليس شرساً أو حقوداً .. ليس خالياً من المشاعر .. أو فارغاً من الأحاسيس ... الرجل عبارة عن كتلة من الأحاسيس .. ولكنها تبقى مختبأة وراء قناع الوحش ... انه الأب .. الحنون .. الصديق .. الأخ .. الحبيب .. انه ... الزوج .. انه .. الرجل .. ذلك الإنسان الآدمي المنحدر من سلالة آدم نفسها ... انه آدم نفسه .. ولكن مع تغيير طفيف بشيفرته الوراثية ... ودون تغيير .. في كونه رجل ..



هو هيك مفروض يكون
بس في رجال بيستغلو كونهم هاد الطرف القوي يلي بتحتاجو المراة




لماذا تحاول المرأة الإبتعاد عن الرجل .. لمَ تحاول جعل المعادلة مستحيلة .. !؟



بظن الوحدة بعد تجربة مريرة فاشلة رح تتجنب الجنس التاني وتصير تبعد عنو
وهيك نحنا بس يمكن على اهف كونا منتعدى التجربة الصعبة بوئت ائل
مفروض التنين يتعاونو ويكونو سوا بهالحياة
وكل واحد يتغاضى عن عيوب اللي معو ويحاول يستوعبو متل ما هو بدون ما يغيرو

رائع موضوعك ياغالي:D
Maher 4x4
19/07/2009, 12:56
منذ نزول الإنسان على وجه الأرض ... بدأت الحياة البشرية ...
في البدء .. كان العصر الحجري .. حيث كانت الحياة مقتصرة على تامين الحاجات الأساسية واستمرار الجنس البشري ..
الرجل ... رب الأسرة ... ومؤمن الغذاء والمسكن وحاجات الأسرة ..
المرأة ... الأم الحنونة .. التي تؤمن تربية الأبناء وتحضير الطعام ..
مع تطور المجتمعات .. حتى الوصول للعصر الحديث .. حدثت تغييرات حادة في تفكير كل من الجنسين .. ونتائجها من المحتمل أن تكون كارثية ..
---
أصبحت المرأة تفضل الإبتعاد عن الرجل .. ربما تكرهه .. تحقد عليه بطريقة أو أخرى .. لم يعد الزواج ذلك الهم الكبير الذي يرهق تفكيرها .. أصبحت الرومنسية .. معادلة مستحيلة الحل من قبل الرجال ..
أصبحت المرأة ... تقيم مسابقات الزواج ... تختار فائزها (عريسها) حسب ذوقها .. ربما حسب امكانياته المادية .. أو مكانته الإجتماعية .. ربما .. ليس الحب هو الدافع .. وبعد الزواج تكتشف .. الكارثة العظمى .. تجد نفسها .. حرمت من اعظم شي في هذه الحياة .. الحب الحقيقي ..
وبشكل عام .. نجد نساء العصر الحديث .. ذوات ذوق شديد التأثر بالعوامل الإجتماعية .. حيث معايير كل امراة حسب مجتمعها ومحيطها .. وهنا نجد المعضلات ..
فمثلا ... تصادف المرأة رجلا .. قد يكون كل ماتتمناه في هذه الحياة .. ولكنها .. بحركة غبية منها .. تنسف أحلامها بقنبلة تتطاير شظاياها .. لتستقر في أعماق قلبها عدة سنين .. أشواكاً .. تخنقها كل لحظة ..
لماذا تحاول ابقاء تلك الغشاوة امام عينيها .. لماذا تهدر سنين عمرها ... ومشاعرها سدى ..
لماذا تحاول الإستمرار في لعبة الإختباء .. والهروب ..
ربما تهدر حبا عظيماً قد ياخذها رحلاً إلى أعتاب الجنة ... واحياناً تستمر الرحلة إلى أبعد من الجنة ...
ليس الرجل ذلك الوحش الذي تتخيله المرأة .. ليس شرساً أو حقوداً .. ليس خالياً من المشاعر .. أو فارغاً من الأحاسيس ... الرجل عبارة عن كتلة من الأحاسيس .. ولكنها تبقى مختبأة وراء قناع الوحش ... انه الأب .. الحنون .. الصديق .. الأخ .. الحبيب .. انه ... الزوج .. انه .. الرجل .. ذلك الإنسان الآدمي المنحدر من سلالة آدم نفسها ... انه آدم نفسه .. ولكن مع تغيير طفيف بشيفرته الوراثية ... ودون تغيير .. في كونه رجل ..
متى سنعي أهمية الجنس الآخر ..
-
لماذا تحاول المرأة الإبتعاد عن الرجل .. لمَ تحاول جعل المعادلة مستحيلة .. !؟
.
.
.
.
.
THE,unforgiven ... "




سمحلي قلك انك معقّدها كتير زيادة عن اللزوم :lol:

لك خيي المرا مشكلتها بمجتمعنا مو عارفة تتصرف و بكتير من الأحيان بتنصدم و ممكن نتيجة هالصدمة تتصرف تصرفات غبيّة :lol:

كل هالشي نتيجة تربية البنت بمجتمعنا في جانب غير صحيح بهالتربية ....

شغلة تانية لك أخي البنت بتحب تتدلل :lol: يعني وبسبب هالشي و كترتو ممكن تطير من أيدها كتير شباب ممكن يكونوا كل ما تتمناه بحياتها

كتير من الأفكار الخاطئة ممكن تراود البنت متل أنّو الدّلال الزّايد و تتقيل الحال أو شوفة الحال الزّايدة .... هي منرجع للتربية و الأفكار الغلط اللي ممكن تربا عليها ...

كتير من البنات ممكن يتصرفوا تصرف مع الشب ما بيعرفوا شو نتيجتو

هلأ ممكن يصادف شب عاقل يتحمّل لحد ممكن ... بهالوقت ممكن البنت تفكّر انو ما بيقدر يتخلا عنها ، بس بعدين بتكتشف أنّو غيّر رأيو و قلب مخو 180 درجة ، ممكن هيي بهالحالة تنصدم و ممكن تفكّر تفكير تاني

بس أنا برأيي المشكلة من طريقة التربية للبنات تحديداً

:D
savage garden
19/07/2009, 13:17
الدّلال الزّايد و تتقيل الحال أو شوفة الحال الزّايدة .... هي منرجع للتربية و الأفكار الغلط اللي ممكن تربا عليها ...

كتير من البنات ممكن يتصرفوا تصرف مع الشب ما بيعرفوا شو نتيجتو



او العكس تماما
التدليل الزايد منها للشب والاهتمام والحب يلي رح يخلي الشب يشوف حالو عليها هو اللي ممكن يخلي فجاة يتخلى عنها
Genifer
19/07/2009, 13:56
أصبحت المرأة ... تقيم مسابقات الزواج ... تختار فائزها (عريسها) حسب ذوقها .. ربما حسب امكانياته المادية .. أو مكانته الإجتماعية .. ربما .. ليس الحب هو الدافع .. وبعد الزواج تكتشف .. الكارثة العظمى .. تجد نفسها .. حرمت من اعظم شي في هذه الحياة .. الحب الحقيقي ..

ومين قال انهالمرأة بتنبسط وقت بتعمل هالمسابقات يلي أغلبها بيتحدد من طرف أهلها..ومين قال انه المرأة ما بتضحي بالحب ع حسابها كرمال أهلها والناس يلي حواليها ينبسطوا



ليس الرجل ذلك الوحش الذي تتخيله المرأة .. ليس شرساً أو حقوداً .. ليس خالياً من المشاعر .. أو فارغاً من الأحاسيس ... الرجل عبارة عن كتلة من الأحاسيس .. ولكنها تبقى مختبأة وراء قناع الوحش ... انه الأب .. الحنون .. الصديق .. الأخ .. الحبيب .. انه ... الزوج .. انه .. الرجل .. ذلك الإنسان الآدمي المنحدر من سلالة آدم نفسها ... انه آدم نفسه .. ولكن مع تغيير طفيف بشيفرته الوراثية ... ودون تغيير .. في كونه رجل ..


ماحدا قال انه الرجل هيك بس الأغلب عم يكونوا تحت هالقناع
في كتير رجال بشوفهن حبابين حتى بتمنى الشب يلي ارتبط فيه يكون مثلهن .. بس بعدين بنصدم وقت بسمع انه عندهن صاحبات مثلاً

كتير بحب شوف هالمشهد يلي هو أب عم يشتري طابة مثلاً لابنه ..يكون مخلص لزوجته
كل أمرأه بتحلم بأنه تكون مع الرجل يلي بتحبه ويكون أمين مخلص لألها تحت سقف واحد

بس كأنه في ظلم للمرأة بهالمقال


[/quote]

وتحياتي الك THE_unforgiven
ابقى لا تطول الغيبة علينا
DARKNESS
19/07/2009, 15:14
و الله انا اللي شفتو انو المرآة مخلوق لطيف رقيق بحب انو يتدلل بس ما بحب يدلل و ما بيبين انو بحب يتدلل مع انو التناقض بتصرفاتوا اللي احيانا بتضطر الواحدة تحرم حالها بس من شان تجنن او تبين شي عكس البدها الياه للطرف التاني

بس عنجد بتلاقي الذكر بيستمتع بهالنوع من التناقض اللي فيها و اللي بيتسمى تدليع بالعامية بس لدرجة معينة بس لانو احيانا التدليع و التناقض اذا زاد عن حدو قلب ضدو
Maher 4x4
19/07/2009, 18:22
او العكس تماما
التدليل الزايد منها للشب والاهتمام والحب يلي رح يخلي الشب يشوف حالو عليها هو اللي ممكن يخلي فجاة يتخلى عنها


هلأ عند بعض الشباب ممكن تصير بس برأيي الشب اللي بصحللو بنت تهتم فيه و تدللو و تحبّو لدرجة كبيرة و يتخللى عنها فهوي شخص مريض .. :sick:

لأن الرجل بحاجة ماسّة لأهتمام و رعاية المرأة و دلالها له ....
DARKNESS
20/07/2009, 08:14
هلأ عند بعض الشباب ممكن تصير بس برأيي الشب اللي بصحللو بنت تهتم فيه و تدللو و تحبّو لدرجة كبيرة و يتخللى عنها فهوي شخص مريض .. :sick:

لأن الرجل بحاجة ماسّة لأهتمام و رعاية المرأة و دلالها له ....


كلام سليم مية بالمية بس هاد اللي بيترك هيك بنت مو مريض هاد مجنون :yahoo:
THE_unforgiven
20/07/2009, 10:14
GENIFER :
كتير بحب شوف هالمشهد يلي هو أب عم يشتري طابة مثلاً لابنه ..يكون مخلص لزوجته
كل أمرأه بتحلم بأنه تكون مع الرجل يلي بتحبه ويكون أمين مخلص لألها تحت سقف واحد
طيب ليش مابتشتغل لتحقق هالشي ... ليش مابتغير شوي من معتقداتها ..
بس كأنه في ظلم للمرأة بهالمقال
أكيد مش عم بحكي ع المرأة كل كل .. عم احكي بشكل عام ...
.
.
بس انو ماجاوبتي على ولا سؤال ... :D
---
بالنسبة لماهر .. :
انا معك انو التربية إلها تأثير كبير .. بس انو الإنسان في عندو شي اسمو محاكمة عقلية ... واللي بعرفو انو قبل مايوافق على أي قاعدة اجتماعية بتتعلق بشخصيتو .. بيقلبا براسو مية مرة .. وبعدا ليآمن فيا ..
كتير من البنات ممكن يتصرفوا تصرف مع الشب ما بيعرفوا شو نتيجتو
اي .. كتير ..

هلأ ممكن يصادف شب عاقل يتحمّل لحد ممكن ... بهالوقت ممكن البنت تفكّر انو ما بيقدر يتخلا عنها ، بس بعدين بتكتشف أنّو غيّر رأيو و قلب مخو 180 درجة ، ممكن هيي بهالحالة تنصدم و ممكن تفكّر تفكير تاني
هوي هيك غالباُ عم يصير ... بتكون البنت عندا تجربة مع شب .. وبيكون هالشب من ال1% من الشباب .. اللي مابيمتو للشباب بصلة .. ف بتاخد فكرة سلبية .. وبيصير عندا متل ردة فعل ..
.
.
.
:D
DARKNESS
20/07/2009, 10:52
م
أصبحت المرأة تفضل الإبتعاد عن الرجل .. ربما تكرهه .. تحقد عليه بطريقة أو أخرى .. لم يعد الزواج ذلك الهم الكبير الذي يرهق تفكيرها


بظن هالشي بيعود على الفارق الفكري و البيولوجي بين الجنسين و هالشي موجود من اقدم العصور

.. أصبحت الرومنسية .. معادلة مستحيلة الحل من قبل الرجال ..
انا معك من هالناحية الا ما ندر احيانا بتلاقي ازواج كتير رومانسيين بس نادرة
أصبحت المرأة ... تقيم مسابقات الزواج ... تختار فائزها (عريسها) حسب ذوقها .. ربما حسب امكانياته المادية .. أو مكانته الإجتماعية .. ربما .. ليس الحب هو الدافع .. وبعد الزواج تكتشف .. الكارثة العظمى .. تجد نفسها .. حرمت من اعظم شي في هذه الحياة .. الحب الحقيقي ..

هاد نتيجة واقع المظاهر و حكم المادة العايشينو هلئ من ورا الفقر و القلة و قلة الثقافة بس هاد الشي بيعود عالبنت نفسها فهي اللي جابت الدب عا كرمها متل ما بيقولو :sick:

وبشكل عام .. نجد نساء العصر الحديث .. ذوات ذوق شديد التأثر بالعوامل الإجتماعية .. حيث معايير كل امراة حسب مجتمعها ومحيطها .. وهنا نجد المعضلات ..
كمان هالشي بيعود لمنعكاسات المجتمع العايشينو حاليا و الثقافة شبه البرجوازية العايشينها بهالدنية لان كل واحدة صار بدها واحد اسطوري الجمال و المال كمان بدون ما تتطلع عالجوهر يا اخي الجمال ضروري و المال اضر بس الجوهر هو الاساس


فمثلا ... تصادف المرأة رجلا .. قد يكون كل ماتتمناه في هذه الحياة .. ولكنها .. بحركة غبية منها .. تنسف أحلامها بقنبلة تتطاير شظاياها .. لتستقر في أعماق قلبها عدة سنين .. أشواكاً .. تخنقها كل لحظة ..
اي بتصير كتير و المصيبة بتعمل حالها كأنو مو فارقة معها و انو الحق معها و هي مو سائة

لماذا تحاول ابقاء تلك الغشاوة امام عينيها .. لماذا تهدر سنين عمرها ... ومشاعرها سدى ..
لماذا تحاول الإستمرار في لعبة الإختباء .. والهروب ..
ما بيقلولك المراة بنص عقل فهاد التفكير بيجي من النص الفاضي :sly:

ربما تهدر حبا عظيماً قد ياخذها رحلاً إلى أعتاب الجنة ... واحياناً تستمر الرحلة إلى أبعد من الجنة ...
عادي جدا ممكن تروح اكتر من هيك عا حالها :shock:

ليس الرجل ذلك الوحش الذي تتخيله المرأة .. ليس شرساً أو حقوداً .. ليس خالياً من المشاعر .. أو فارغاً من الأحاسيس ... الرجل عبارة عن كتلة من الأحاسيس .. ولكنها تبقى مختبأة وراء قناع الوحش ... انه الأب .. الحنون .. الصديق .. الأخ .. الحبيب .. انه ... الزوج .. انه .. الرجل .. ذلك الإنسان الآدمي المنحدر من سلالة آدم نفسها ... انه آدم نفسه .. ولكن مع تغيير طفيف بشيفرته الوراثية ... ودون تغيير .. في كونه رجل ..
طيب هاد الشي معلوم بس كمان في جزء من الرجال بعيد العنك بيغالوا من جهة اظهار الرجولة وشوفة الحال و الضحك عالدقون بس في نسبة رومانسية كبيرة منن كمان :gem: :ss:

متى سنعي أهمية الجنس الآخر ..

عندما يعي الجنس الاخر اهميتنا :cry:
-
لماذا تحاول المرأة الإبتعاد عن الرجل .. لمَ تحاول جعل المعادلة مستحيلة .. !؟

هاد هو السؤال اللي ما عم لاقيلو جواب :shock: و اذا حدا لقالو جواب :? فيستر عرضكن دلوني و اسعفوني بالجواب:sick:


سلام :D
.
savage garden
20/07/2009, 13:29
هلأ عند بعض الشباب ممكن تصير بس برأيي الشب اللي بصحللو بنت تهتم فيه و تدللو و تحبّو لدرجة كبيرة و يتخللى عنها فهوي شخص مريض .. :sick:

لأن الرجل بحاجة ماسّة لأهتمام و رعاية المرأة و دلالها له ....
هيك بالبداية وبينبسط عليها فعلا بالاول بس بعدين بيمل او بيئول لما بتصير مشكلة انها متل العادة رح تصالحو والبنت لما بيتكرر هالشي اكتر من مرة طبعا بتفضل تحتفظ باللي ضللها من كرامة وبتنسحب

في كتير متل هيك وبعرفهم شخصيا
محمد اشنيور
27/07/2009, 09:41
بصراحة يا اخوان انا برأيي انه المرأة صندوق مجوهرات كل يوم بيطلع بجوهرة جديدة وكل ما تفتحه بيطلع بجواهر جديدة بس بدها الرجل يلي بيعرف يفتح هالصندوق لا تخلو العتب كله على المرأة انا برأيي لازم الرجل يتحمل مسؤولية اكبر منها بكتير هي انثى ربنا خلقها لترمي همومها على الذكر بهي الطريقة بس ممكن تقدر تسعده بالنهاية بس اذا هي حملت هموم صعب تعيش سعيدة وصعب تسعد زوجها
sandra
27/07/2009, 14:40
صبحت المرأة ... تقيم مسابقات الزواج ... تختار فائزها (عريسها) حسب ذوقها .. ربما حسب امكانياته المادية .. أو مكانته الإجتماعية .. ربما .. ليس الحب هو الدافع .. وبعد الزواج تكتشف .. الكارثة العظمى .. تجد نفسها .. حرمت من اعظم شي في هذه الحياة .. الحب الحقيقي .


ليش هو كمان لما تقدملها تقدملها على أي أساس ؟؟ مو على أساس امكانياتها
ولا هو معلش يروح ويختار على زوقو وهي ما بيصير

وبعدين عم تحكو على ردة فعل البنات ... اي طلعو شو عاملين معهم هالشباب لآخدين هالردة الفعل السلبية :frown:
boozy
28/07/2009, 02:20
موضوعك حلو
صحيح صارت معي مرتين
حبيت مرتين
وتركت مرتين
وصلت لحد ساعة الصفر وانسحبت
ليش؟؟
بالمرة الاولى لاني كنت احبه جدا , واعرف انو ما راح يكون سعيد معي, فنقذته, ولانو كمان ئد ما كان يحبني خنئني:shock:
وبالمرة الثانية لاني أمنت في, بس طلع وهم.:pos:
والحمد لله انو عقلي اكبر من قلبي وخلصني بالمرتين.
بس انشالله الثالثة ثابتة مو؟
محمد اشنيور
28/07/2009, 08:45
وبعدين عم تحكو على ردة فعل البنات ... اي طلعو شو عاملين معهم هالشباب لآخدين هالردة الفعل السلبية :frown:

لا بهي اسمحيلي اي غلط بيصير بين شب وبنت تنيناتهم بيتحملو مسؤولية هالغلط البنت اذا الشب غلبها وخدعها فهي بتتحمل مسؤولية متلها متله
sandra
04/08/2009, 15:42
لا بهي اسمحيلي اي غلط بيصير بين شب وبنت تنيناتهم بيتحملو مسؤولية هالغلط البنت اذا الشب غلبها وخدعها فهي بتتحمل مسؤولية متلها متله

اي اتنيناتهم بيتحملو المسؤولية ... ممكن
بس مش أد بعض
لبتضل البنت هي الحلقة الأضعف أكثر :D
على كل حال صايرات البنات كمان ما عم يقصرو :lol:
محمد اشنيور
04/08/2009, 15:45
على كل حال صايرات البنات كمان ما عم يقصرو :lol:

انتي قلتيها البنات صايرين ما عم بيقصروا
يعنى مو حلقة اضعف
والله انا شايفهم صاروا الحلقة الأقوى ونحنا الحلقة الأضعف
Ichigo
04/08/2009, 17:01
وليش نلومو المراة على فساد العلاقة ليست وحدها من تتحمل المسؤولية الرجل ايضا يمكن ان يخطا ولكني اتفق معك في كون تفكير المراة قد تغير ولم يعد انشاء اسرة والاستقرار هدفها ساعية خلف اوهام باسم الحرية والمساواة
jovia
04/08/2009, 19:08
بصراحة الموضوع انطرح كتير وانتفخ قلبي من ايام العزوبية والحب ووجع الراس وهلا بيتصل وبكرى ويمكن مريض وما حاتصل فيه ليتصل فيني وبدي اعمل وزن لحالي........ ياااااااه يعني صحيح وجع قلب وحزن شديدين بس كانو يملولي فراغي كتير عالرغم اني شفت كتير اصناف من الرجال اكتر ما تتصورو منون اكتشفت جنسون العاطل ومنون اتمنيت اتملكون الي لحالي بس تجري الرياح مالاتشتهي السفن :D
THE_unforgiven
05/08/2009, 20:17
منون اكتشفت جنسون العاطل ومنون اتمنيت اتملكو
هاد الحكي السليم .. في هيك .. وفي هديك الشكل ..
وليش نلومو المراة على فساد العلاقة
ماهوي عم نلوما لأنو مافي شي اسمو علاقة بالأصل ..
ليش هو كمان لما تقدملها تقدملها على أي أساس ؟؟ مو على أساس امكانياتها
ولا هو معلش يروح ويختار على زوقو وهي ما بيصير
انتي هس ولا كلمة .. :lol: خلينا ساكتين ... أحسن .. :frown: ..