-
دخول

عرض كامل الموضوع : أسئلة بتجلط ما بتسمعها الا بالاردن

hamzahawad
16/07/2009, 20:07
أسئلة بتجلط ما بتسمعها الا بالاردن







نايم بغرفتك على السرير ومطفي النور ومتلحف بالبطانية
بيجي واحد من أهلك ويفتح الباب عليك
ويقول : إنتا نايم ؟؟




لا برقص

______________________

معزومين عند ناس ورحتوا لبيتهم وأول ما فتحوا إلكم الباب قال إبنهمإنتوا جيتــوا ؟؟


لا .. لسه في الطريق بدكم شي قبل ما نيجي؟؟

________________________________________

لابس بدلة ومتعطر و متهندم وماخذ مفاتيح السيارة و المحفظة ومتجه إلى
باب البيت



يجي واحد من أهلك ويسألك : شوو طالع ؟؟




لا .. طالع على السطح أصلح خزان الميه..

___________________________________

ماسك سماعة التليفون و قاعد تدق أرقام
يجي واحد من أهلك وبسألك : بدّك
تحكي بالتليفون ؟؟





لا .. بدّي أتفرج على حلاوته و جماله... أكيد بدّي احكي بالزفت

_________________________________________

قاعد تسبح في حمام السباحة في البيت
يجي واحد من أهلك ويسألك : إيش بتسوي ؟ بتسبح ؟؟




لا .. بغيّر زيت للسيارة..

________________________________________

ماسك كتاب و قاعد تقرا فيه
يجي واحد من أهلك ويسألك : إيش بتسوي ؟ بتقرا كتاب ؟؟



لا .. بسلّك في مجاري البيت...

__________________________________________

مذيع تلفزيوني بسألك ليلة العيد في مقابلة في نص الشارع :
إيش بتسوي يوم العيد ؟ أكيد بتروح تسلّم على أهلك و تعيّد عليهم .....



لا .. بروح أضربهم بالكندرة وأسوي معهم هوشة للسما ...

_________________

_______________________

نفس المذيع بشوف ولد بالشارع وبساله؟


حبيبي بتحب بابا وماما؟!!



لا مابحبهم , بحب البوسنة والهرسك ...
Maher 4x4
16/07/2009, 20:18
ولك صحيح يا زلمة ايش هاذا اللي بصير عندكم بالأردن ؟

يعني غريبين ترا انتو هه :lol:
hamzahawad
16/07/2009, 20:26
ههههههههههههه
مشكور اخ Maher 4x4 (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
على الرد الجميل
بس احنا شعب بنحب الغلبة
ابو الوديع
17/07/2009, 00:53
هههههههههه
عجبوني :lol:

وبصيرو مو بس بالاردن
mary belle
17/07/2009, 01:04
ياي عنجد نايس
:p
ABUSHHAB
17/07/2009, 02:02
كل يوم بيسألوني أهلي هالأسئلة مع أني سوري :o
هاموش(تعلمة كيف جاوبن):p
lord tartous
17/07/2009, 02:09
مشكور حبيبي
بس هدول بيصيرو وين ما كان ....
sona78
17/07/2009, 10:53
ههههههههههه
لا بطمنك بتصير عنا كمان:o
Genifer
17/07/2009, 12:23
كتير حلويننننن
:p but in syria too
hamzahawad
18/07/2009, 11:12
مشكورررررررررررررررررررري ن على المرور
بس عشان انا ساكن في الأردن
افتكرت بس امي اللي بتسألني اياهم
leonardo_dicabreo
18/07/2009, 11:28
شو أجيت ؟ ؟

سؤال غريب بيسألوني اياه كل ما افوت عالبيت ! ! :?
savage garden
18/07/2009, 16:36
جد اسئلة غليظة:jakoush: