الأغاني الهابطة و نقابة الفنانين . [الأرشيـــــف]

باشق مجروح

13/07/2009, 22:49

يسعد أوقاتكون

أغاني من نوع / الخط الأحمر / و / لا تمد ايدك فوق الثوب / و / بيًن رقم المحرك / الى ما هنالك من هالاغاني المنتشرة بالوسط السوري بالآونة الاخيرة اصبحت ظاهرة مألوفة بكتير من الاماكن و هوي انتشار لنوع ردئ من اغاني الملاهي الليلية بالشارع .
اليوم نقابة الفنانيين السوريين قررت التصدي لهالظاهرة بغرض الحفاظ على الذوق العام و الحد من انتشار الاغاني المخلة بالآداب على حد تعبير نقيب الفنانيين اسعد عيد .
لكن
هل الشعب السوري بحاجة لرقيب اخلاقي يحدد له ما يجب ان يسمع ؟!
أم انه فعلاً باتت هالظاهرة مزعجة و غير حضارية و يجب قمعها ؟
بكل الحالات هل من حق احد قمع فن مرغوب و مسموع في الشارع . حيث ان مستمعي و رواد هالنوع من الاغاني مو ناس مستوردين من المريخ .
رأيي الشخصي منع هاالنوع من الاغاني هوي قمع و تعيين رقيب اخلاقي على اذواق هالشعب و اسلوب غير ناجع لتطوير الذوق و الارتقاء بالفن اما تنظيم هالاغاني و اعادتها الى الأمكنة التي نشأت منها هو شئ ممكن التطبيق في بعض الاحيان و ليس سلبياً .

انتو شو شايفين ؟

و نامت عليج سليمة شلون تنامين :lol:

:D

يمان Rooooonaldo

13/07/2009, 22:58

مرحبا اب الصف ..

هلا خيو باختصار شديد .. انا مع وبشدة .. انو .. مو تنمنع .. بشكل قانوني مثلا او شي .. لانو ما لح يقدرو يضبطوها لو بشدو شعرن يعني .. بس انو تتخفف كتير .. او انو تنحصر مثلا .. داخل الملاهي او .. امكن معينة مثلا لرواد .. او العالم اللي بحبو يسمعو هيك شي ..

بس يا خيو الوضع اخر فترة مانو طبيعي ايدا .. يعني مثلا ناا من العالم اللي ما بطيق اسمع هيك اغاني " رغن انو غنية الخط الاحمر حفظتا كاملة :p عقد ما سمعوني ياها وعقد ما بتضحك كلماتا .. وخلي ناكل شوية ترا جوعان .. " بس انو يعنوي معلم .. صرت تفوت عمحل صندويش تلاقيه حاططا .. تطلع بالمكرو غص من عنك بدك تسمعا الشوفير هيك بدو .. بالتكسي بدو يسمعا .. تروح بالباصات بتسمعا .. بتروح عالمابعرف شو بتسمعا بالطريق .. انو يا اخي هلا انا مثلا بحب اب وديع بس .. ما لدرجة .. انو اسمعو وين ما روح ووين ما اجي .. اي والله بتطلع روحي ..

لذلك بتمنى انو يكون في نوع من الزوق من قبل الناس قبل ما يكون .. في ضوابط قانونية .. لانو متل ما حكينا شعبك لا .. برد عقوانين ولا عشي .. لو بدو يسمعا لح يسمعا .. واجرو فوق كلشي ..

:D

whiterose

13/07/2009, 23:08

أوكيه ما اختلفنا انها أغاني درجة تانية

لكن متل مافي ناس بتحب الأغاني الدرجة الاولى في ناس بتحب الدرجة التانية
يعني رايي قريب من رأي يمان لايلغوها بس كمان يحدوها شوي

يعني بتكون ماشي بالطريق بتلاقي واحد عندو كشك صغير وحاططلك مسجلة باغنية مدري شو
ومعلي الصوت على الأخير ومبسوط ومروء على الاخير ومصطهج اصطهاج تام وعام:p

بس يعني مابخفيكم ايام بيهف قلبي على هيك اغاني :lol:

whiterose

13/07/2009, 23:09

و نامت عليج سليمة شلون تنامين ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
نامت عليه الحيطة قولوا آمين...:o

..AHMAD

13/07/2009, 23:54

MadMax

14/07/2009, 00:04

شكلك حضران أخبار سوريا عالمشرق اليوم

بالنسبة لرأيي ... أنا ضد أي نوع من الرقابة على أي نوع من الفنون ..
إذا هيك نوع من الاغاني ماشي .. معناها المشكلة بالمجتمع ... مو بالأغنية

و من ناحية تانية ... مو شرط تكون هالأغاني خارطة مشط الناس لتنشهر
بيكفي تكون فيها مصطلح جديد لتنتشر
يعني بعرف كتير ناس بتسمع هالأغاني متل ما بتسمع النكت المتداولة عالبلوتوث .... بس لتضحك

يمان Rooooonaldo

14/07/2009, 00:07

يعني بعرف كتير ناس بتسمع هالأغاني متل ما بتسمع النكت المتداولة عالبلوتوث .... بس لتضحك

بالضبط وهاد اللي عم يصير .. وانا من اولهن .. يعني اغلب الكلامات نادرا ما افهما .. مع انو لو بتنسمع عالبطيئ بجوز تنفهم بس انو جد بتضحكني . وخصوصي لو بكون في قدامك شخصية .. بتجيب نفس نوع هالاغاني دائما .. وبيحاول يعملك ياها بجو .. رهيب بضحك .. بتصير بتسمعها ..
:sly:

whiterose

14/07/2009, 00:51

يعني هلق ازا لقيت مية واحد بكب زبالة بالحاوية
ولقيت شي مية تانيين بيكبو الزبالة بنص الطريق
الحالة الاولى عادة صحية وظريفة ... ويُشجع استمرارها
طيب الحالة التانية لا صحية ولا ظريفة .. ولا يُشجع استثمارها
هلئ قمع هالحالة التانية ... هوي ظلم الهن ؟
منطقياً وفعلياً نوع هالأغاني لا يمت للفن بصلة ، والحالة التانية لي ذكرتها انا لا تمت للذوق بصلة

يعني ما بشوف مانع من منعها.. بالعكس .. مع وجداً :gem:

تشبيهك مو بمحلو
الزبالة الها ريحة بشعة وبتجيب صراصير ونمل وحشرات لاسعة وضارة ومدري شو:sick:

اما هيك نمط مهما كان تاثيرو مو متل الزبالة
وبعدين في متل بيقول
كول ماتشتهي نفسك والبس مايليق بين الناس
خلي الناس تتهنى بحياتها فوق كلشي كمان نقلهم لاتسمعو اغاني لا والنمط يلي بتحبوه

ولله انا عندي غنية من هدول احسن من اغنية بوس الواوا وهي العب العب تبع ماريا:pos:

LiOnHeArT.3LA2

14/07/2009, 01:01

ولله انا عندي غنية من هدول احسن من اغنية بوس الواوا وهي العب العب تبع ماريا////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
هلأ انو يا هيك يا هيك مثلا ؟

بالنسبة للموضوع ..

انا مع المنع .. او خلينا نقول الحصر ..
ما الحصر بأماكن محددة .. بس أخي الحصر بنوع معيّن .. بفنانين معينين .. يعني مثلا
يعملو نقابة اسما نقابة الفن الهابط :lol:.. ويسجلو فيها هالعالم:larg:

يمللوهن شوي بالمعاملات .. بتجي القصة خالصة

المحارب العتيق

14/07/2009, 01:02

أنا مع وجدا . الامور خرجت عن حدها . ومحاولة اصلاح شي غلط خطوة جيدة . بكل دول العالم بتطلع كل فترة قوانين منع ز في ناس بتهاجمها انها حرية شخصية وفي ناس بتدافع عنها . بس اغلب الاوقات بتكون هي القوانين خطوة للأمام

هامش
ياريت يطلع قانون بيحكم الأغاني بالمواصلات العامة . اسوة بغير دول . لأنو أغلب التكاسي والسرافيس عنا صارت أشبه بكازينو متنقل

zeenaa

14/07/2009, 02:10

هلأ يمكن كل واحد حر باللي يسمعه وكل واحد وعلامه
بس اللي عمبصير إنهم عميجبروك تسمع هالنوع من الأغاني بالمكرو أو بالتكسي أو حتى لماتفوت على محل. وإنت مالك مضطر فاللي بدو يسمع يسمع لحالو

وعلى فكرة يعني أنا كتير أغاني مابتعجبني ومو ستايلي أبدا بس على قد مابتنعاد مابلاقي حالي ولا بالصدفة عمغنيها يعني هاد اسمه الهبوط بالذوق العام أول مرة بنسمعها بنشمئز منها وبعدين بتلاقيها عادي وبعد بشوي يمكن تغنيها وهي الطريقة المتبعة بتسويق كل الأغاني الهابطة

مشان هيك أنا بأيد بشدة وجود هيك ضوابط:D

VivaSyria

14/07/2009, 02:45

صافي أنا ومن هذا المنبر أرفض رفضاً قاطعاً تسمية هذه الأغاني بالهابطة لما يحتويه هذا التوصيف من تجني وتعدي على فناني وجمهور هذا النوع من الغناء :sly:

ritka

14/07/2009, 03:07

المحارب العتيق

14/07/2009, 03:13

كيف يعني بدهم يراقبو و يحدو من انتشارها؟؟ :?
القرود الحمرا ما بتوقف بوجه سواق سرفيس حاب يمخمخ ع الطريق :lol:

بعتقد اذا صار و عملو رقابة.. هالشي ما رح يزيد الناس الا اصرارا على متابعة هيك نوع من الاغاني
فـ انو بلاها الرقابة و خلي هالعالم تسمع اللي بدها ياه.. شه

بهالمناسبة.. حدا يسلم على جعفر و يقلو ...
شلونو شلونو يا يمّا بالله شلونو :lol:

:D
والله الشوفيرية متل القطاط صارو على قصة حزام الامان والرادارات . فالرقابة عم تعطي مفعول . بس صراحة مستغرب من شعبنا يلي مابيعمل الشي الا بالأجبار . كل يلي كان ينحكا عن اخلاق قيادة السيارات . ماكان حدا يقيمو من أرضو . لما صار اجباري وغالي وفي نقاط وسحب شهادة . كلو التزم فجأة

ِAbu Alzooz

14/07/2009, 03:58

كل واحد بينام على الجنب يلي بيرحو
بس انو هالاغاني الها وقتها

يعني بربك على شو بدنا ندبك على باسل رجوب و رشا رزق

يعني لكلشي الو شي

و نحن ما معنا صلاحية بالغاء الاخر

Abu Guzef

14/07/2009, 04:07

صافي أنا ومن هذا المنبر أرفض رفضاً قاطعاً تسمية هذه الأغاني بالهابطة لما يحتويه هذا التوصيف من تجني وتعدي على فناني وجمهور هذا النوع من الغناء :sly:

يقطعك انت وهيك غنا

صار بدا جمعية حماية حقوق المستمعين

قال في اغنية من هالشكال لبرشلونة وريال مدريد :lol:

Black Orchid

14/07/2009, 04:22

اه واذا أغاني مو كل هل القد , بس بتسلي و بتقيم عن القلب غصه , تسالي يعني ورفع لروح النكته بين الناس
أنا مثلا من الملل بغير كلمات أغاني عبد الوهاب وبسويها ما تناسب ولا أي ذوق لا عام ولاغيره والله بكون كتير
مبسوطه , :lol:

LiOnHeArT.3LA2

14/07/2009, 05:20

قال في اغنية من هالشكال لبرشلونة وريال مدريد ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

مدريدي يلعب يلعب .. والبرشا والله يتعب

:p

The morning

14/07/2009, 09:14

/ الخط الأحمر / و / لا تمد ايدك فوق الثوب / و / بيًن رقم المحرك /

شو مشان التسالي :o:o !!

هلأ انا كأغاني هدول مش سامعتهم لكن بثق برأيك انا مسيو باشق .. و اذا هابطين اكتر من اغنيه روبي تبع ليه بيداري كدا ولانا داري كدا (( آخر غنيه سمعتلها ياها لروبي )) .. اذا من هالشريحه و أهبط فأنا يا عمـّي بهني الجيل الصاعد بسوريا و يرحم أيـام هيفاء وهبي :lol: ..

اليوم نقابة الفنانيين السوريين قررت التصدي لهالظاهرة بغرض الحفاظ على الذوق العام و الحد من انتشار الاغاني المخلة بالآداب على حد تعبير نقيب الفنانيين اسعد عيد .

:D
هيك العاده دائما ً بنلجأ لمعالجه المشكله بمشـكله اهضم .. يعني متل اللي بلوعه المي عنده طايفه و مش عم تمشي بقوم بحط فيها محارم ليسدها :lol: ..
بدل ما نعالج المشكله الأصليه بنطلع قانون يحرمها .. مش حلول هي ..
أنا مع انو نقابه الفنانين تقوم باجراء ما انما مش انو والله منعناهم و طم طج طخ !

وبرأي اذا هيك انواع من الاغاني عم تنتشر ففي حق على نقابه الفنانين بالدرجه الأولى .. وين دعمها للاصوات الشبابيه السوريه ؟ الملحنين ؟ العازفين ؟ يا عمـّي الرقاصات :lol: ؟
وين نقابه الفنانين نفسها بالمجتمع السوري ؟؟

على كلـّن ما رح نصـلّح الدنيا هلأ عغنيه هي الحنفيه كلها عطلانه مو بس الجلده :p ..

savage garden

14/07/2009, 10:04

هي صحيح هادي الاغاني ما منئدر نحكيلها طرب اصيل ولا اغاني راقية
بس الها قبول بين الناس
وخصوصا بالحفلات والاعراس
ودام الامر ما تعدى مناسبات معينة بظن انو شي عادي ما بدو رقابة
يعني الناس ما بدها كلمات حلوة تنطرب عليها بالاعراس بدها موسيقى ترئص وتدبك عليها
انا بشوف انهم الاولى يعطو اهتمامهم لهدول النور يلي بيطلعو عالتلفزيون وبشوفوهم كل العالم وبيعكسو صورة مشوهة عنا
ئصدي اشباه المغنيين والمغنيات يلي لا شكل ولا صوت الهم بس طالعين يعرضو اجسامهم عالتلفزيون

انا شخصيا بحب المقطع يلي بتئول فيه نامت عليكي الحيطة قولو امين:lol:

jovia

14/07/2009, 10:59

يعني بالمختصر المنع او انون يقرضو هيك اغاني ما حيفيدون بشي ليكا الفضائيات مو مخلية بنفسون شي منوب الله يحميها صوت وصورة وازا بيتطبئ هيك شي قصدي المنع بيكونو لاقو حل لطريق مسدود حيرجعون لمشكلة اكبر يمكن اسمها الكبت .....
بعدين صدقني ازا بيشوفو سارية هازة بوسطا بتقلبلون كيانون من ساسو .... بدينك سمعتا لما بتقول :

ياحبايبنا ويا حبايبنا بطلنا ناخذ من قرايبنا......... واحنا ما ناخذ الا للي يعجبنا ابو جعفر واروع ما يكوناااا

ولا هي يلي بتقول فيها :
عطشان لشوف عيونو ... ضاع العققل من دونو ...امانة ان شفتو شويقي من خدودو تبوسونو
شلونو شلونو شلونو.... يا يمى دخيل عيونووو
ومن شاف حالي ومالي ..عذبني دمر حالي ... قلبي صابر عالتالي ... ريت الله قلبي يعينو
شلونو شلونو شلونو.... يا يمى دخيل عيونووو
ودقي يا طبول وطج طا طا طاح طاح طج طاح طاح:lol:
وعلى قولتها هااااااع
الله الله :larg:

savage garden

14/07/2009, 13:43

امانة ان شفتو شويقي من خدودو تبوسونو
مش حرام تتبلي عالمخلوئة
ئالت عيونو مش خدودو:angel:

jovia

14/07/2009, 13:54

مش حرام تتبلي عالمخلوئة
ئالت عيونو مش خدودو:angel:
لك يا زلمة حافزة اغانيها عن ظهر قلب بتقول بشطر من ابياتها المصونة خدودو مو من عندي:jakoush:
بشلفلك الرابط بس ما عندي وقت :D

savage garden

14/07/2009, 14:01

ما في داعي يا بنتي
يمكن معك حئ هيك بتئول بالغنية الاوريجينال:ss:
بس انا عموبايلي بتغنيلي عيونو:oops::lol:

Government

14/07/2009, 14:48

لا انا ضد وبشدة وجدا جزيلا كمان ..
لانو الشغلة مابدا حكي وكل واحد حر بشو يسمع باملاكو ... وماحدا بيقدر يحاسبو
شو ماكان اللي عبسمعو يكون يعني مثلا ازا طلع الواحد بسرفيس وانزعج من اللي حاطو فيك ماتطلع معو مرة تانية .. او تكسي نفس الشي في مليون تكسي غيرو مابحطو هيك شي .. وبحطو شي ارقى .. وفي الواحد كمان قبل مايطلع يسمع شو حاطط ووبعدين يختار .. كمان نفس الشي ازا دخلت ع محل ولاقيتو حاطط كمان في الواحد مايدخل .. وهكزا

وبعدين الناس ازواق ازا الناس مابتحب هيك شي هنن اغلبية مافين يمنعو باقي الخلق
وانا مثلا من الناس الي بستمتع بهيك اغاني وانو بنبسط لما بطلع بشي تكسي وبلافي حاطا ..
بس كمان ازا صاحب السيارة حاطط شي مو عزوق مابحسن اخلي يحط اللي بدو ياه لانو بالنهاي ملكو وهو حرف في ,, والامثلة ع هالحكي بباقي الشغلات طبعا ..

واللي اخي صاحب مزاج وعندو فن راقي ومابنزل مستواه بسمع ببيتو اللي بدو ياه .. ومعلش مارح يتوسخو ادني وينهز كيان ويتنكرز بريستيجو ازا سمعلو شوية اغاني هابطة بشي محل الله بعينو ع هالكم ساعة اللي بدن يقضين بوقتا ..
والناس بالنهاي ازواق كل واحد بسمع اااللي بريحو بملكو وبمكانو .. ولابحق لا لنقابة الفنانين ولا لنقابة المطربين ولا نقابة اللي مين ماكان تمنعو صراحة ..

وهكزا

شمس سوريا

14/07/2009, 23:35

هههههههه معئول دي العيشه ..دي بئت فركيشه..دخان على شيشه ..طارو زي الريشه

ولا كمان .........((ماشربش الشاي اشرب ازوزه انا ماشربش الشاي))
يعني قمة تفاهه على قمة مهزله ...
بس انا بغنيها وبسمعلها بالصدفه انو يعني بغرض المسخره والضحك
بس انو مافيهن يطالعو شي غنية بدون فيديو كليب ..:o

..Jimy

15/07/2009, 01:00

انا مع منعها بوسائل المواصلات العامة وبالمطاعم والكفتريات :pos:..

يمان Rooooonaldo

15/07/2009, 03:20

وجب التنويه

المذكور اعلاه في نص الموضوع ..

غنية رقم المحرك هية ليست اسم اغنية انما هية .. مقطع من غنية الخط الأحمر بذاتها ..

عندما يقول الشاعر الكبير .. وهب الهوا وطار الثوب .. هوهو .. " مع مؤثر صوتي يرتفع بك عاليا بالاحاسيس " .. وبين رقم المحرك ..

:p

عياش

15/07/2009, 11:42

براي ماحدا بيحقلو يمنع هي الاغاني ماحدا بيحقلو يمنع شخص تاني يسمع الغنية العاجبتو ما بيجوز نتعامل مع الناس برعائية وماحدا بيحقلو يفرض على الناس شو تسمع.

اللازم يصير هو توعية ورفع سوية الذوق العام يعني انتشار هالاغاني مرتبط بالاقبال عليها ولما الاقبال عليها بيخف بتنطفي وطالما الذوق العام هاد مستواه رح تضل تنسمع هالأغاني على صوت عالي بس من واجب كل المؤسسات الثقافية والفنية تحاول وتعمل على الارتقاء بالذوق العام.

وطالما الفنان الكبير علي الديك يحظى بلقائات من فصيلة الساعة والنصف على التلفزيون بعمرنا ما رح نرتقي بالذوق الفني.

*Marwa*

15/07/2009, 12:01

انا ضد المنع..بس كمان في اغاني فيها تمادي ..يعني هاي تبعت الخط الاحمر انو فعلا شي هابط..يعني لازم يكون على الاقل في حدود للـ هباطة :lol: ..ما تنمنع كليا بس كمان يكون في حظر لاستعمال كلمات او مصطلحات معينة!!

يعني متلا انا ما بشوف انو كل اغاني سارية بتستاهل انو تنمنع يعني!! ..انو شو بدكو بالحكي اغانيها بتسلي وبترقص.. بترفع المعنويات اوقات :p

وليلة ويا ليلة يا ام كذيلة شلون اوصل قلبج شنهي الوسيلة :gem:

leonardo_dicabreo

15/07/2009, 12:06

سيدي , هينا عم نضحك , لا يمنعوهم ولا شي . . ! !

أنته قلتا صافو ايش رأيك تعملك موضوع خاص بهالأغاني النّازله (قصدي الهابطه) , بشرفي لتلاقي

عليها طلب اكتر من اغاني عمرو ذياب . . ! !

تيتي تيتي . . . :ss:

adon

15/07/2009, 14:05

مرحبا يا جماعة
بعرف اديش من المعاناة انه الواحد يسمع شي ما بيحبه غصب عنه وانا اول واحد حتى لو كان يعتبر قمة الطرب عند نقابة الفنانين (أم كلثوم مثلا:clap:)بس المنع شي غير عملي ومكروه من الكل بعدين مين بدو يمنع وعاي اساس
وغير هيك كتير من الفنانين ممكن يبلشوا بنمط اغاني ما يعجب الناس والمثقفين الفنيين اللي عن نحكي عنهن

باشق مجروح

18/07/2009, 00:13

لأحمد :

قوانين الدول بتحدد بعض الأمور العامة لحماية المواطنين و الحفاظ على حقوقهون بالمطلق و رمي الزبالة بالشارع تعدي سافر على مرفق عام و بينشأ عنو ضرر لذلك واجب الدولة تمنعو . أما ما يخص الذوق في اختيار طريقة حياتك الخاصة او افعالك التي تعود انعكاساتها بالنفع او الضرر الشخصي عليك وحدك فهاي امور بتخص الحرية الشخصية الي الدول يجب ان تكفلها . فالاغنية ( الهابطة ) هي داخلة بباب الحرية الشخصية و انتشارها ممكن يكون مؤشر على تدهور الذوق العام و الحل ليس بالمنع بل بمحاولة النهوض بفن راقي . يا اخي و شو دخلنا نحنا لنحدد للشعب شو لازم يسمع و كأننا رقباء اخلاقيين على حريتو .

هاموش :

انا ما بسمع هالنوع من الاغاني نهائي و بيزعجني كتير بس بالنهاية هو شي دارج ومن واجبنا الدفاع عن حرية الناس الشخصية ضد اي محاولة لمصادرتها .

DARKNESS

20/07/2009, 08:23

يعني ترا هالنوع من الاغاني من جهة انو مو هابط هابط بس ياترا الاغاني المنشوفها عالميلودي و المزيكا مانها هابطة كمان

بعدين اد ما كانت هالاغاني هابطة بمعانيها فما بتوصل لدرجة غنية واحدة من اغاني الراب الامريكي و اللي يعتبر فن رائج جدا و معظم شبابنا بالشام بتلاقيهن حاطين هالنوع من الاغاني........:larg:

و بالنسبة للرقابة فكيف بدها تراقب شي مانو مراقب يعني يحطو بكل كازينو مراقب ......:shock:

لان معظم هالاغاني طالعة تسجيلات من الكازينوهات و الملاهي الليلية

انا بظن انو هالنوع من الاغاني هو مرحلة بمر فيها الغناء بكل منطقة و رح تضل و تتطور و تزيد

الا اذا كان الشعب نفسو ما بدو ياها فوقتها بتنقرض

بس طالما في مين يسمعها و يسجلها فما في شي رح يوقفها ......:frown:

W.E.G.A

21/07/2009, 02:08

على اعتبار اني عم ادرس مادة الاقتصاد الدولي حاليا

فبقلك

الشغلة عرض والطلب

والسوق اذواق

والشي الي بالسوق

لحتى يشبع هالاسواق

فشو دخل نقابة الفنانين

مدام المستهلك موجود والصنف موجود

فرح يتم التبادل غصب من عن راسن

مع انه انا ضد هالمستوى

بس هاد واقع

كل شخص اله ذوقه

:D