دراسة : الشتائم تقلل الشعور بالألم [الأرشيـــــف]

عرض كامل الموضوع : دراسة : الشتائم تقلل الشعور بالألم

سوا ربينا

12/07/2009, 17:46

أخيرا أصبح لتوجيه السباب وصب اللعنات فائدة تعود على الإنسان ، حيث أظهرت دراسة حديثة أن ممارسة هذا الأسلوب القذر يساهم في التقليل من الإحساس بالألم.

وأثبتت دراسة قام بها باحثون بريطانيون من جامعة كيل البريطانية تنشر نتائجها في العدد المقبل لمجلة نيرو ريبورت أن التجارب على 64 من المتطوعين أظهرت ارتفاع القدرة لديهم على تحمل الألم من خلال التلفظ بكلمات جارحة عند وضع اليد في مياه مثلجة. وقال علماء كلية الطب النفسي إن التلفظ بالشتائم وصب اللعنات يزيد من عدد دقات القلب ويجعل الأشخاص أكثر عدوانية ويولد لديهم الرغبة في الهجوم وتحمل الألم. وأوضح ريتشارد ستفينس عضو فريق البحث أن التجربة أثبتت فاعلية توجيه السباب ليس فقط على المستوى النفسي وإنما على المستوى الجسدي أيضا. الطريف أن فريق البحث كان يتوقع ألا يتحمل أشخاص التجربة بقاء أيديهم في المياه المثلجة لفترة طويلة عند تلفظهم بالشتائم، ولكن التجربة أظهرت على العكس نجاح الشتائم في المساعدة على التماسك وتحمل الألم لفترة أطول مقارنة بتوجيه كلمات أخرى عادية. (د.ب.ا)

:o

الرأي (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

اي هيك الواحد بيصير يسب بنفس ...:larg:

Damask Rose

12/07/2009, 17:51

مثنى ياااااااااااااااااااااااا اااااا............................:o

محمد ابراهيم

12/07/2009, 18:07

المسبات بتخرج الغضب والانفعالات اللي داخل الانسان من وجهة نظري

suryoyo

12/07/2009, 20:13

بما انو الحديث بالخبر مرتبط اكثر بعلم النفس

لذلك نقلناه الى علم النفس :D

mary belle

12/07/2009, 20:27

يعني من قبل هالدراسه..
انو اخترعو شي يعني
مع هيك الواحد بيرتاح نفسيا
ثبت علميا:o

يمان Rooooonaldo

12/07/2009, 20:32

مو دايما .. بكتير اوقات بتكون عبارة عن طريقة تعبير عن المزح والموانة بين الشلة .. لذلك ما بتكون اهلا هالدور الموجود هون بالمقالة .. يعني مالها هالداعي ..

بس فعلا في اوقات .. بدال ما .. تنطح راسك ب 100 حيط .. صرخة .. بتريحك كتير وبتهديك يعني .. بس .. ما كتير تخلي حالك توصل لهون .. .. :D

zeenaa

12/07/2009, 20:41

هلأ مو بالضرورة واحد يسب بظن الصرخة بتفي بالغرض أو حتى إذا عضيت على شي يعني أي طريقة تشغلك عن التفكير كليا بالألم:D

بس إذا كان حاطين هالدراسة مشان تلاقولكم مبرر للسب ليل نهار شي تاني;)

ارسلان

12/07/2009, 20:48

بابتأكيد كون المريض سيكون في مواجهة مع الالم
والالم عدو يقابلك بالوجع فتبادله بالشتائم التي على اقل تقدير لن ستمنحك شعور بأنك لست عاجز بشكل كامل امامه

Genifer

12/07/2009, 20:48

هو الموضوع برايي وحدة من اثنين:
إما إله علاقة بـ الأدرينالين عم يتم افرازه خلال المسبات لهيك عم ينسوا شعورهن

او انه عم يلتهوا بالمسبات لأنها فشة خلق وعم ينسوا شعورهن

sandra

13/07/2009, 19:52

عأساس حكو شي ما منعرفو :lol: بس جميل إثبات هالشي بالتجربة
هو مجملاً في كتير ردو د فعل بتساعد عتنفيس الغضب متل الصريخ والشتم وفي منون ما بيقدرو ينفسو الغضب إلا اذا كسرو شي كاسة أو راس شي حدا :o
أنا ما بعارض الشتم بحال الغضب بس في كتير شتائم بفضل عدم سماعها وبحسها بتأثر بشكل سلبي على علاقتي بالأشخاص يلي كتير بيسبو

:D

Maher 4x4

13/07/2009, 22:44

وفي منون ما بيقدرو ينفسو الغضب إلا اذا كسرو شي كاسة أو راس شي حدا

وبيقولو انكسر الشر ;)

يمان Rooooonaldo

13/07/2009, 22:47

وبيقولو انكسر الشر ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

هلا .. بينكسر الشر بدون ما تكون قاصد انك تكسرو بحيونة يعني عن غير قصد .. :p

jovia

03/08/2009, 17:49

انو عن جد غصبن عنو البني ادم بيسب ببعض الاحيان :oops:... يمكن هي عادة مكتسبة من كتر ما بتترد باداننا من الصغر ... لهيك تسمحولي قول ..س اخت الملل :sly:
يااااااه هلا رتحت :lol:

سوا ربينا

03/08/2009, 18:46

لهيك تسمحولي قول ..س اخت الملل :sly:

اي والله وكما قالت الشاعرة جوفيا وبالتلاتة كمان...:x

jovia

03/08/2009, 20:51

اي والله وكما قالت الشاعرة جوفيا وبالتلاتة كمان...:x
ما هو الشعر كلو بيطلع على اصولو لما بيطلع خلقو البني ادم:larg:

mhsen77

05/08/2009, 00:54

اذا بدي فش قهري بدي تلت صفحات

:sick:

jovia

05/08/2009, 13:25

اذا بدي فش قهري بدي تلت صفحات

:sick:
اي فش فش لقلك كل الصفحات ع حسابك .... بس مو هونة على صفحة خارجية :x:p

cornholio

05/08/2009, 14:49

يلعن ديبكون كلكون ع بعضكون البعض :p

خيييييييي فشيت خلقي و خف وجع روسي :lol:

sandra

05/08/2009, 15:46

شبيبة ...يلي حابب يفش خلقو في موضوع بالسقيفة اسمو what is ur status
أو فيك تعبر عن مشاعرك الغاضبة بغنية بموضوع عبر عن مشاعرك بغنية
أو تكتب رسالة مباشرة بموضوع اكتب رسالة للبتكرهو
أو تطلع تعصيبتك على شكل تحشيش وفي عنا محششة بالسقيفة :larg:
وكل شي ذكرتو فوق بتلاقوه بالسقيفة
يعني ببساطة..... الردود الأخيرة مو هون محلا وفيها خروج عن الموضوع :frown: يرجى الالتزام :D

cornholio

05/08/2009, 16:26

جلنارالغالية

19/08/2009, 18:14

ايه والله الانسان لما يكون زعلان كتير ما بيلاقي حالو غير بلش شتايم مشان يخف الزعل عنو شوي