نظراً لتفشي ظاهرة 18+

حبيت اطرح موضوع عن الحدود التي نقف عندا حتى ما نخدش ونجرح حياء وخجل الطرف الآخر

وياترى طبيعة النفس البشرية المستقبلة للشيء يلي ممكن يخدش الحياء بتلعب دور برأيك؟
مثلا هل أنت خجول يا تقبر أمك جدا؟؟
حتى اذا سمعت نكتة يسقط وجهك من الخجل

هالرأي مثلا

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
كاتب النص الأصلي : Reemi
مرحبا زينة:

ياعيني النقاش والحوار والثقافة الجنسية شي والنكت البذيئة ويلي بتخدش شعور البعض شي تاني تماماً.. انتي بيجوز بتشوفيه عادي بس غيرك بينزعج جداً لما يشوف هيك نكت .. هاد غير انو نحنا منتدى مفتوح يعني ممكن يكون في اطفال عمرون 15 سنة بيناتنا فما بتصور انتي بتقبلي انو يقروا هيك شي..


أول شي خلي نقاشنا بموضوعية
في مواضيع عديدة طرحت بأخوية تتعلق بالجنس ومواضيع عديدة وكثيرة
تاني شي بتخيل لو كل إدارة المنتديات رح تراعي شعور الاطفال الزعران يلي أهاليون مسيبينون ونراعي حياء البشر يلي عندون خط الخجل مؤشره دائما مرتفع
ومافي رقابة عليهم على استخدامهم للنت معناها مو بس ممنوع نحكي بالجنس والنكت التي تخدش الحياء
ممنوع نحكي بأي موضوع متعلق بالجريمة بالسرقة بأمور كتير تانية مهمة
اهمها تحميل الافلام والاعلان عن افلام للبالغين فقط(فيما يتعلق بالطفل العربي المسكين)

مع الملاحظة انو نحنا الشعب العربي شعب محب للاستطلاع فضولي بس بشوف كلمة +18 او للبالغين فقط
بيفقش وبيتفضل بحب يكون عندو نظرة شمولية على جميع الاصعدة

رأي المشرفة Rimee
وناس من بيئة معينة بيوصلو على اخوية وبيتابعوها وماعنا آلية تمنعون من الدخول على هيك مواضيع.. وللعلم نحنا هون عم نحكي عن نكت جنسية واحاديث للبالغين ماعم تحكي عن ثقافة جنسية علمية بتتدرس بالمدارس بالدول التانية..

هون انا مو هدفي الرد عليكي او الدخول بنقاش الهدف توضيح وجه نظر

مالفرق بين الثقافة الجنسية والنكت الجنسية؟
الثقافة ممكن تعلمنا المبادىء الاساسية لممارسة جنسية سليمة
والنكت ممكن تعلمنا مبادىء الضحك يلي صرنا نشحدو شحاده
طبعا هاد مو غني مع النكت وكمان مو ضدها اي شي بيكون ضمن الحدود انا بكون معه

طبعا انا عم احكي من منطلق 18+

بس بتخيل انو نحنا بمنتدى للبالغين بيحقلنا نحكي بيلي بدنا ياه مهما كان طالما مافي قلة زوق
أو تعابير جنسية أو شتائم أو أو

ومو مسؤوليتنا حماية حقوقنا الفكرية بعقولنا خوفا من طفل أزعر شارد هون وهون


وتحية:D

وسمعونا أرائكم

ياجماعة رجاء ماحدا يفهم موضوعي
جكر او تصفية حساب مع Rimee

لاني كان ممكن صوت ضدها بموضوع المشرف المثالي
بس انا ما صوتت لانو مابحب قيّم حدا ((ماعرفت حالي))

الموضوع فعلا لمناقشة الوضع

والفكرة الاساسية هية

بس بتخيل انو نحنا بمنتدى للبالغين بيحقلنا نحكي بيلي بدنا ياه مهما كان طالما مافي قلة زوق
أو تعابير جنسية أو شتائم أو أو

ومو مسؤوليتنا حماية حقوقنا الفكرية بعقولنا خوفا من طفل أزعر شارد هون وهون

هي ياستي بدي كون أول مشاركة مع إنو كان الأفضل انو يتم مناقشة الموضوع بعيداً عن اقتباسات لردود إلي تعبر عن ريمي المشرفة وليس بالضرورة تكون قناعات ريم الإنسان.. باعتبار الهدف هو نقاش المواضيع التي تخدش الحياء وليس قرارت الاشراف بحصوص هالنكت..

قبل ما بلش بالموضوع خليني احكيلك حادثة صارت وفي كتير شهود عليها بأخوية بفترة من الفترات كنا عم نتناقش بالأقسام الإدارية بانشاء قسم للثقافة الجنسية والمواضيع الجنسية بأخوية فأنا كان موقفي مؤيد جداً ومازال مؤيد لوجود هيك قسم ضمن ضوابط الأداب العامة وطالما المواضيع حتكون علمية حضارية ثقافية واضح هدفها ومضمونها..

بنتقل لحالتنا هون وخليني وضحلك عدة نقط:

وقت نمنع النكت الجنسية أو الإباحية أو اي إسم بدك تسميها ياه بغرض أساسي هو إنك ماممكن تحطي معايير لهيك مواضيع.. بمعنى ماممكن تحددي أسماء الأشياء بهالمواضيع وشو حدود الكلمات يلي ممكن تستعمل بهالمواضيع.. متل انك تقولي مسموح النكت الجنسية بس ضمن الأداب العامة طيب كيف؟؟
أخلاقك غير أخلاق غيرك وغيرك غير غيرو... فيلي بيصير إنو بتفتحي باب متل يلي صار الشهر الماضي بعد بداية طرح هالمواضيع بإنو صار في مجموعة نكت تجاوزت أي مبادئ وقيم وأخلاق وصارت الحكي فيها بالفعل وسخ جداً فمشان هيك كان التشدد اتجاه هالنوع من المواضيع...


تاني شي بتخيل لو كل إدارة المنتديات رح تراعي شعور الاطفال الزعران يلي أهاليون مسيبينون
فيني أعرف كيف سمحتي لحالك تقولي عن هالأطفال زعران وأهلون مسيبينون؟؟ طيب أنا هلق بقلك اسم عشر أعضاء صف تاسع أو أقل هل هدول بيكونوا أطفال زعران؟؟ هل كل طفل أو قاصر بيفوت على اخوية حتى لو بالصدفة أو لقاها بغوغل بيكون أزعر وأهلو مسيبينو؟؟ يعني بتصور هالتعبير غلط

مع الملاحظة انو نحنا الشعب العربي شعب محب للاستطلاع فضولي بس بشوف كلمة +18 او للبالغين فقط بيفقش
ممتاز كتير هالحكي وهاد أحد الأسباب الأساسية يلي انتي لازم تلاحظيها انو هالقصر والأطفال هدول بحب الفضول وليس بدافع الزعرنة وقت يلاقو هيك عنوان بدون يفوتو.. طيب كيف بدك نترك هيك ظاهرة لتوصل لدرجة المواضيع السابقة يلي بالفعل أنا خجلت من قرائتها لأنو الكلام المستعمل فيها كلام غير إنو كتير كتير بذيئ بس كمان بيجرح نتيجة إستعماله بتصوير هالأمور شيئ بقمة الوساخة.

بس بتخيل انو نحنا بمنتدى للبالغينكيف بقى طلعت معك هي؟؟ شفتي شي صفحة أول ماتفوتي على أخوية فيها تحذير إنو هاد الموقع للبالغين فقط؟؟ أو أن الدخول فقط لفوق الـ 18؟؟

بيحقلنا نحكي بيلي بدنا ياه مهما كان طالما مافي قلة زوق أو تعابير جنسية أو شتائم أو أو
:?
لكن ليش فاتحة الموضوع؟؟ مين منعك تحكي يلي بدك ياه إذا ما كان فيه قلة زوق أو تعابير جنسية؟؟ في تضارب يعني شوي بتقولي بدك النكت الجنسية شوي بتقولي بدك بس الحكي يلي مافيه تعابير جنسية..
عن جد ماني فهمانة عليكي يعني في نكت جنسية بدون تعابير جنسية أو معاني جنسية أو قلة زوق ولعلمك قلة الزوق بتختلف من شخص للتاني فيلي انتي ممكن تعتبريه قمة الزوق غيرك يعتبرو قلة زوق والعكس بالعكس

ومو مسؤوليتنا حماية حقوقنا الفكرية بعقولنا خوفا من طفل أزعر شارد هون وهونبدون حساسية بس عن جد أنا بفضل انك تتطرحي مواضيعك بدون محاولة استخدام جمل انتي مابتعرفي شو معناها... يعني هالجملة مثلاً شو بتقصدي فيها؟؟!!
معقول انو يكون قصدك مو مسؤوليتك كبت أفكارك بعقلك خوفاً من طفل أزعر؟؟ هاد أقرب شي طلع معي بس مابعرف شو دخل الحقوق الفكرية وحمايتها بعقلك..:shock:

بكل الأحوال برجع بقلك مابيصير تقيمي كل طفل فايت على اخوية انو هو طفل ازعر ومتل ماقلت قبل في فرق كبير بين الثقافة الجنسية المسؤولة والنكت الجنسية يلي فتح باب السماح بها بيوصلنا لمرحلة متل يلي شفناها سابقاً

** اذا بدك تناديلي Rimee فبفضل تناديلي ريم أحسن ماتشوهيلي اسمي بهالشكل :frown:

***مبارح كنت عم اقرا مقال فيه فقرة كاملة بتحكي عن احد الاحزاب الشمولية.. فالمهم بانو طلع الفرق كبير بين النظرة الشمولية والنظرة الشاملة.. فيعني هيك نصيحة كمان انو كلمة شمولي لاتعني شامل حتى وان كانت على نفس الوزن

وبس هيك:D

أول شي شكرا لردك

كان الأفضل انو يتم مناقشة الموضوع بعيداً عن اقتباسات لردود إلي تعبر عن ريمي المشرفة وليس بالضرورة تكون قناعات ريم الإنسان.. باعتبار الهدف هو نقاش المواضيع التي تخدش الحياء وليس قرارت الاشراف بحصوص هالنكت..الموضوع رح يتم مناقشته ضمن ماطرح مو ضمن رأي ريم المشرفة أو الانسانة

أخلاقك غير أخلاق غيرك وغيرك غير غيرو.كلام ماعليه غُبار بس بالنهاية الأخلاق مابتتغير معاييرها ومابتخيل معاييرها مزدوجة مثل أي شيء تاني
الأخلاق هي هية..

فيلي بيصير إنو بتفتحي باب متل يلي صار الشهر الماضي بعد بداية طرح هالمواضيع بإنو صار في مجموعة نكت تجاوزت أي مبادئ وقيم وأخلاق وصارت الحكي فيها بالفعل وسخ جداً فمشان هيك كان التشدد اتجاه هالنوع من المواضيع.ممكن لينك هالموضوع..

فيني أعرف كيف سمحتي لحالك تقولي عن هالأطفال زعران وأهلون مسيبينون؟؟ طيب أنا هلق بقلك اسم عشر أعضاء صف تاسع أو أقل هل هدول بيكونوا أطفال زعران؟؟ هل كل طفل أو قاصر بيفوت على اخوية حتى لو بالصدفة أو لقاها بغوغل بيكون أزعر وأهلو مسيبينو؟؟ يعني بتصور هالتعبير غلط15 سنة هدول مو اطفال هدول قصّر
بالنهاية هنن بالغين
انا اخدت كلمة طفل من ردك...
كيف بقى طلعت معك هي؟؟ شفتي شي صفحة أول ماتفوتي على أخوية فيها تحذير إنو هاد الموقع للبالغين فقط؟؟ أو أن الدخول فقط لفوق الـ 18؟؟ لاولله ماشفت..
طيب بهالمناسبة ليش مو عاملين قسم لتحميل برامج سبيس تون واغاني طيور الجنة
وليش مو عاملين قسم مين بتحبو اكتر بابا ولا ماما:p

عن جد ماني فهمانة عليكي يعني في نكت جنسية بدون تعابير جنسية أو معاني جنسية أو قلة زوق ولعلمك قلة الزوق بتختلف من شخص للتاني فيلي انتي ممكن تعتبريه قمة الزوق غيرك يعتبرو قلة زوق والعكس بالعكسيلي بقصدو بالتعابير الجنسية بتسمية الاشيا باسمائها
او المبالغة بالتعبير
في كتير نكت جنسية خاليه من الاشيا هي
وبرجع بقلك الزوق والاخلاق هي واحدة مابتتغير مافي انواع من الاخلاق والزوق

بدون حساسية بس عن جد أنا بفضل انك تتطرحي مواضيعك بدون محاولة استخدام جمل انتي مابتعرفي شو معناها..رح صفي نيتي باعتباري مالي حابة كوّن عداوة معك او مع غيرك
بدي لما هج من اخوية تقولوا ((دا كان طيب كان حنين كان قلبو كبير)):lol:

بتتخيلي بنت 28 سنة تكتب شي ماتعرف شويعني
شايفتيني أعدة بأبن النفيس والادارة عاملتلنا خط adsl من باب
خذو الحكمة من افواه المجانين

رح قلك القصد من الجملة بتعبير اكتر وضوح

المواقع الاباحية مثلا فجاة بتقول لازم نحنا نسكّر موقعنا خوفا من الاطفال يدخلوا عليه
بكل بساطة يعني

فكرة ببالي مثلا عن الجرائم تحديدا جرائم الشرف ممكن طفل يقرا عنهم
ويدقوا عرق النخوة ويقتل اخته اذا شافها بتتطلع بشب

متل الطفل بمدرسة اميركية لما قتل رفقاته وكان عم يطبق معون لعبة الكترونية
لاتروحي بعيد اخر عملية قتل بحلب
طفل يقتل ابن عمه بالسكين عندما انتحل شخصية ابو شهاب تبع باب الحارة
يعني بيبطل بسام ملا يخرج المسلسل وبيقول مابدنا بركي شي طفل شاف المسلسل
او مثلا بلا هالمشهد المعين
مو زابطة على القليل برأيي


اذا بدك تناديلي Rimee فبفضل تناديلي ريم أحسن ماتشوهيلي اسمي بهالشكل ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
سبق وطلبتي منك ناديلك Reemi وهاد وحياتك غلط مطبعي:oops:

توضيح هام

سألني البعض ؟؟
هل بتقصدي من كلامك إنك مع كتابة النكت الجنسية ؟؟
رح وضح وجهة نظري وقول
أنا لا معها ولا ضدها يعني فخار يطحبش بعضو
حط عقلك براسك تعرف خلاصك

بس وجهة نظري من الموضوع ككل مالازم نحدد شو نكتب مهما كانت مسؤولية الكلام
وتحت اي إطار بيندرج

وبرجع بقول الحدود هية عدم تجاوز الاخلاق والخطوط الحمراء

وبرجع بقول الحدود هية عدم تجاوز الاخلاق والخطوط الحمراء

هاي حدود عرضها آلاف الكيلومترات!! لأنو مصطلحات الأخلاق و الخطوط الحمراء هي مصطلحات قمّة في الضبابية

..

بنتقل لحالتنا هون وخليني وضحلك عدة نقط:

نكت تجاوزت أي مبادئ وقيم وأخلاق وصارت الحكي فيها بالفعل وسخ جداً



لدرجة المواضيع السابقة يلي بالفعل أنا خجلت من قرائتها لأنو الكلام المستعمل فيها كلام غير إنو كتير كتير بذيئ بس كمان بيجرح نتيجة إستعماله بتصوير هالأمور شيئ بقمة الوساخة.


:?




معلش ريمي لو مافيها ثقلة فيكي بس تقوليلنا مثال واحد عن الإشيا اللي نحنا نزلناها وكان فيها تعابير بذيئة جدا أو وسخة وسخة لدرجة إنك خجلتي تقريها :x
أنا بظن ماحدا نزل أي شي بالوصف اللي إنتي وصفتيه وبظن إن كان أنا ولاغيري ماكان فيه أي مشاركة فيها أي شي مسمى باسم يخدش الحياء !!!!
يمكن النكت اللي نزلناها الها منحى جنسي وممكن انتو كإدارة بحقلكون تشوفها +18 أو _18 شي بيرجعلكون وفيكون تحزفو اللي بدكون ياه وتخالفو اللي بدكون ياه وأنا شخصيا ماعندي مشكلة بس ما من حقك إذا الشي خرج عن حدودك إنتي ساعتها تقولي إنو وسخ أو قلة زوق :jakoush:

هاي حدود عرضها آلاف الكيلومترات!! لأنو مصطلحات الأخلاق و الخطوط الحمراء هي مصطلحات قمّة في الضبابية
أنا معك تماما . وحتى أنا هاد يلي لاحظتو برد ريمي على زينة وأم الجود . أنا ضد +18 وبرأيي أنو تعديل ضوابط الكتابة للتوضيح أكتر عن أنو سياسة المنتدى مع أو ضد هاد الشي كان ضروري كتير
والخلود لرسالتنا :ss:

هاي حدود عرضها آلاف الكيلومترات!! لأنو مصطلحات الأخلاق و الخطوط الحمراء هي مصطلحات قمّة في الضبابية

إن كانت ضبابية كيف تم فهمها؟؟؟

سؤال ضبابي لو مثلا ركبت سيارتك ومشيت وصررت بطريق كلو ضباب مالك شايف شيء ابدا
بتكمل مسيرتك؟ او تتوقف او عندك خيار ثالث؟

معلش ريمي لو مافيها ثقلة فيكي بس تقوليلنا مثال واحد عن الإشيا اللي نحنا نزلناها وكان فيها تعابير بذيئة جدا أو وسخة وسخة لدرجة إنك خجلتي تقريها :x
أنا بظن ماحدا نزل أي شي بالوصف اللي إنتي وصفتيه وبظن إن كان أنا ولاغيري ماكان فيه أي مشاركة فيها أي شي مسمى باسم يخدش الحياء !!!!
يمكن النكت اللي نزلناها الها منحى جنسي وممكن انتو كإدارة بحقلكون تشوفها +18 أو _18 شي بيرجعلكون وفيكون تحزفو اللي بدكون ياه وتخالفو اللي بدكون ياه وأنا شخصيا ماعندي مشكلة بس ما من حقك إذا الشي خرج عن حدودك إنتي ساعتها تقولي إنو وسخ أو قلة زوق :jakoush:



فيدينا بلينك هالموضوع لنشوف ؟

أنا معك تماما . وحتى أنا هاد يلي لاحظتو برد ريمي على زينة وأم الجود . أنا ضد +18 وبرأيي أنو تعديل ضوابط الكتابة للتوضيح أكتر عن أنو سياسة المنتدى مع أو ضد هاد الشي كان ضروري كتير
والخلود لرسالتنا :ss:


ما كان قصدي فقط عن المنتدى... أقصد هالمصطلحات بشكل عام ضبابية

إن كانت ضبابية كيف تم فهمها؟؟؟

سؤال ضبابي لو مثلا ركبت سيارتك ومشيت وصررت بطريق كلو ضباب مالك شايف شيء ابدا
بتكمل مسيرتك؟ او تتوقف او عندك خيار ثالث؟

رداً على سؤالك... اذا ما عندي أضواء كاشفة بطبيعة الحال بوقف... بس مو هاد القصد بكلمة "ضبابية"... القصد انو مصطلحات "خط أحمر" "أخلاق" و غيرها يعود تأويلها و معناها إلى قناعة كل شخص, مانها شي ثابت و واضح

بس في معلومة حابة قولها إني الثقافة الجنسية شي ضروري يتواجد عند كل الناس وإنو شي لايعتبر لاعيب ولاحرام متل ماحضراتكم اسبقتم الذكر وعمر 15 سنة هو برأي العمر اللي واحد لازم يبلش فيه يكون هالثقافة وحتى بعمر أقل من هيك بشوي وكل البرامج والمحاضرات بتنوه على إني الأهل لازم بهيك أعمار يبدو يحكوا مع ولادهم بهل المواضيع لأني المراهق بهيك عمر بيبدا يصير عندو تساؤلات كتيرة وإذا ماسأل أهله وإخد الأجوبة منن رح يسأل رفقاتو وممكن ياخد معلومة أو فكرة غلط تعلق معو كل حياتو ويصير صعب بعدين إصلاحها وماحدا يقلي إني هو مابدي يسمع عن المواضيع الجنسية او يتساءل عنها لبعد18 لأني انا عماحكي هالحكي اعتماد على زمننا نحنا اللي كان قبل الانترنت فما بالكون هلأ ،كل هالحكي انا متأكدة إنكم متفقين معي فيه
طيب وهلأ رح اربطه بموضوعنا إني إي واحد من بيناتنا لو كان عندو ولد وبدو يحكيه عن المواضيع الجنسية أكيد مارح يجيبو ويقعدو ويقلو يتكون الجهاز التناسلي من ومن والانجاب بصير عن طريق كذا وكذا أكيد قبل هيك بكون في حاجز لازم يكسرو بينو وبين ابنه وبالتالي يقدر الابن يسال بهال المواضيع وساعتها الأب أو الام بيقدروا يوضحو الأمور بطريقة علمية.
وبالتالي النكت من هالنوع ليست شئ ممنوع الاقتراب منو أو صفاقة وقلة أدب يعني أنا لماكنت مراهقة أكيد لو قعدت وقريت موضوع عن الجنس مكتوب بطريقة علمية كان ممكن كتير متل ماصار مع كتير ناس إني يصير عندي رهبة وافتكروا شي كتير "بخوف"إلى أخره طبعا لكوني بنت فيمكن الشباب عندهم رأي تاني وماشوف الموضوع فيه أي نوع من المتعة واللي ممكن يسبب مشاكل بعد الزواج ولكن بالإضافة إلى المعلومات العلمية لما بسمع عن الموضوع نكتة ظريفة او نهفة تصور الموضوع بانه فيه جانب "fany"يمكن ساعتها تنكسر هالرهبة تجاهو

طبعا هاد رأي ولكل رأيه فإذا حدا مااتفق معي فمو من الضرورة كون انا غلطانة:Dوطبعا كمان انا عمناقش كون النكت الجنسية بحد ذاتهاغلط ولا لأ . وليس عن كون تواجدها بالمنتدى صح ولا لأ :D

انا من الأشخاص اللي بتضحكن النكتة الزعرة :lol: وبتبادلن مع الأوساط القريبة من رفقاتي ، دون خدش حياء أي حدا فينا ، بس رغم هيك بعرف انها ما مناسبة لكل الاوساط ولكل الأعمار ولكل الأجواء ،

هلق بس انا بحس انوما ملائمة بأخوية ما بيعني انها غير اخلاقية " لأنوما حدا بيحقلو تحت اي مسمى يحكم ع اخلاق حدا " ..

لهيك هي يمكن تكون ما ملائمة لأخوية ، يمكن تكون غير ملائمة لقسم دون آخر ( يعني في المكتبة انا احترت مرة بخصوص كتاب الكاماسوترا انو هو كتاب فيه حكي جنسي هل مناسب يبقى او لأ ؟ )
لهيك بحس كلمة ملائمة أخف وأحلى وألطف وأدق ، لأنو معيار ملائمتها هو الوسط العام ، رواد القسم إلخ إلخ
أبدا ً ما المعيار الاخلاق والقيم :) ما حدا هون بيقدر يحكي بهالمقاييس مع الناس /ما حدا بيمتلك هالحق قصدي

:D

هلأ الفن العاري طلع معكم بزمناته انو مش اخلاقي و يخدش الحياء و النكت الرزيله لا تخدش الحياء :pos::frown:

من كنا زغار .. و نسمع كلمات جديدة .. و بعدين صوت امي او اخرين بالعائلة ... لا تحكوا قدام الولاد

طبعا بعد هي الكلمة تحديدا .. ينشد انتباهنا أكثر :lol:


برأيي انو ما لازم تصير قيود صارمة و خطوط حمرا .... بس يصير نوع من الفلترة و السيطرة على المحتوى

يعني هناك نكات تحمل كلمات معينة

بس هناك نكات تشرح تفاصيل مثل ... حط ايدو .. و نزل ايدو ... هي مو صحيح يسمعها طفل او مراهق في فترة المراهقة


بقا نسمع راي علم النفس بالموضوع :lol:

هلأ الفن العاري طلع معكم بزمناته انو مش اخلاقي و يخدش الحياء و النكت الرزيله لا تخدش الحياء :pos::frown:

ليش عم تقولي طلع معكم؟؟
قولي طلع معك يا نسرين

رح وضحلك شغلة مهمة

الفن العاري مش اخلاقي بجدارة لانو عم يجسد صورة الاعضاء الجنسية يلي حضرتكم عم دافعو انو تنجاب سيرتها
تحت اسم النكت الجنسية

مثلا ممكن ارسم بخيالي رجل عاري انا حرة اما جسدو على تمثال وورق هادفن؟؟

ممكن احكي نكتة جنسية بيني وبين شخص ما ونضحك وتمضى القصة

هل من الممكن جسد النكتة الجنسية على شيء ملموس مثلا سكيتش صغير

او حتى مثلا
عبرنا عن نكتة جنسية بالرسم هيك صارت فن مو نكتة؟؟؟



سياسة الكيل بمكيالين...

الفن العاري اخلاقي نحت اعضاء بشرية جنسية قمة الفن والروعة والسرور
منظر تقشعر له الابدان لصعوبة النحتة
وقسمك مليان صور لنحوتات اشخاص عاريين وقلتلكم انها صور تخدش الحياء ورفضتو تحت منطلق الفن العظيم
رايحة انكش المواضيع وورجيكي صور الاعضاء الجنسية وحطها هون
اينو احسن نكتة ولاصورة اشخاص عاريين ؟؟
ايهما يخدش الحياء اكتر
وجايين تحكو على انو نكتة جنسية بتخدش الحياء

شو مفهومكم بالحياة والمنطق خلي فكركم متحجر لفكركم

هلأ الفن العاري طلع معكم بزمناته انو مش اخلاقي و يخدش الحياء و النكت الرزيله لا تخدش الحياء :pos::frown:
هلأ برأيي يامحلة نكتة مشفرة قدام صورة عارية . رغم اني تفهمت قصدكم بالفن العاري الا أني لازلت ضدو تماما . تخيلي يجيني ضيف على المكتب وانا حاططلو صورة وحدة سمينة عارية على الحيط . بدو يقتنع انو فن ؟ . بدو يفكرني مجنون أو شاذ :pos:

انا من الأشخاص اللي بتضحكن النكتة الزعرة :lol: وبتبادلن مع الأوساط القريبة من رفقاتي ، دون خدش حياء أي حدا فينا ، بس رغم هيك بعرف انها ما مناسبة لكل الاوساط ولكل الأعمار ولكل الأجواء ،

هلق بس انا بحس انوما ملائمة بأخوية ما بيعني انها غير اخلاقية " لأنوما حدا بيحقلو تحت اي مسمى يحكم ع اخلاق حدا " ..

لهيك هي يمكن تكون ما ملائمة لأخوية ، يمكن تكون غير ملائمة لقسم دون آخر ( يعني في المكتبة انا احترت مرة بخصوص كتاب الكاماسوترا انو هو كتاب فيه حكي جنسي هل مناسب يبقى او لأ ؟ )
لهيك بحس كلمة ملائمة أخف وأحلى وألطف وأدق ، لأنو معيار ملائمتها هو الوسط العام ، رواد القسم إلخ إلخ
أبدا ً ما المعيار الاخلاق والقيم :) ما حدا هون بيقدر يحكي بهالمقاييس مع الناس /ما حدا بيمتلك هالحق قصدي

:D

حكي فعلا ينم عن رقي :D

يعني بنرجع لموضوع أبيض واسود يعني مو بالضرورة الشي اللي مابناسبني بكون هو شي غير محترم او لا اخلاقي، وإذا شخص حاطط لنفسه حدود فيه يلزم الناس بهل الحدود ضمن صلاحياته بس مافيه ينعتهم أو ينعت تعابيرهم بمسميات أخرى غير إنها لاتلائمو أو لاتلائم مكان ما، بس لانهم تجاوزوا حدودو هو واللي مو بضرورة تكون هي حدود الأخلاق:D

والله فتحت هالنت وقلت هالموضوع بدو يكون شاغل الناس (بس ربكون حميد بكرا عطلة) :lol:

المهم بالنسبة للنكت الغير الأخلاقية يلي سألت عنها وايت روز ويلي عصبت منها زينة فبحب وضح انو المقصود فيها نكت نزلت الشهر الماضي ووصلت لمرحلة من اللاأخلاقية تجاوزت كل حد وكل قيمة لدرجة إعتبار الأنثى كأرخص سلعة وتصوير العلاقة الجنسية على أنها علاقة حيوانية باستخدام أبشع الكلمات والتعابير..

**زينة بعتلك لمحة برسالة خاصة لتوضحلك الفكرة نتيجة التساهل شو صار ووايت روز بعتلك كمان نسخة من الرسالة بس ماوصلتك مابعرف ليش

يعني بنرجع لموضوع أبيض واسود يعني مو بالضرورة الشي اللي مابناسبني بكون هو شي غير محترم او لا اخلاقي،

بتصور بعد ماتقري الرسالة الخاصة بتعرفي انو الشي المقصود هو لا أخلاقي 100%

** كمان ناطرة اعتذار منك على ردك العصبي قبل ما تستوضحي الفكرة :lol:

كان بودي حط صور بس بصراحة بتخدش حيائي انا على القليل
فهي الموضوع بين ايديكم


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// %B9%D8%A7%D8%B1%D9%8A

ووايت روز بعتلك كمان نسخة من الرسالة بس ماوصلتك مابعرف ليش


انا موقفة الرسائل الخاصة ابستقبلش رسايل مريحة راسي
لهيك وقت بدخل وبلاقي رسالة خاصة بعرف دغري انك قدحتيني مخالفة:lol:

انا موقفة الرسائل الخاصة ابستقبلش رسايل مريحة راسي
لهيك وقت بدخل وبلاقي رسالة خاصة بعرف دغري انك قدحتيني مخالفة:lol:

طيب فتحيها دقيقة لابعتلك هالعينة

فال كبرا بتكبر وصغرا بتصغر سكرولي هالسيرة بقا
(مع إحترامي لصاحب الموضوع)

بتصور بعد ماتقري الرسالة الخاصة بتعرفي انو الشي المقصود هو لا أخلاقي 100%

** كمان ناطرة اعتذار منك على ردك العصبي قبل ما تستوضحي الفكرة :lol:
أول شي شكرا عالتوضيح وعلى فكرة النكت اللي بعتيلي ياها انا ماكملت قرايتها لانها فعلا خدشت حيائي
بس بدي علق شغلة
اللي إنتي بعتيهون على حسب علمي ابدا ماكانوا الشهر الماضي لأاني انا سجلت بالأخوية بأول حزيران وما مرقوا علي وأبدا مالهم من المشاركات الأخيرة اللي وصفتيها بالوساخة لاني حضرتك لما بتقولي هالحكي إنتي بتعرفي كتير منيح إني الكل فاهم إنك قاصدة على المواضيع اللي كانت مفتوحة اخيرا وهي أبو العبد والصبية والخوري والصبية
وصراحة لاأنا ولاأم الجود قربنا ولا واحد ملم من اللي بعتيه لأني اللي سبق ذكره جاي فيه بشكل واضح كلمات تخل بقوانين الاخوية ووصف جنسي بحت لأعضاء جنسية
وانتي كمان اكيد بتعرفي إني أ ي حدا عمبناقش مشان +18 فهو عميقصد المواضيع اللي نزلتها أم الجود واللي أنا علقت عليها واللي كان مافيها ولا عامل مشترك مع اللي بعتيه وبعد مابعتيلي هالنكت أنا فعلا بعتبر إني أنا أسئ إلي لما اتوجهلي مخالفة بخصوص اللي نزلتو لاني تم وضع بمكيال واحد مع النكت الواردة برسالتك

والكلام موجه لكل شخص قرا تعليقاتي أنا لما عمدافع عن النكت الجنسية فقصدي النكت اللي مافيها دلالات واضحة وأنا متأكدة إني الكل بيعرف هالشي بس أنا حبيت أأكد علي

وشكرا:D

ليش كل نقاش بأخوية يصير ابيض و اسود و ساحة حرب :lol:

بما اني احد الاشخاص يلي تخالفو مشان هالقصة


ريمي بتمنى منك كمان تبعتيلي هالرسالة كمان مشان كون بصورة الموضوع




ما بظن انو اي حدا منا يلي تخالفو كتب اي كلمة بينقال عنها متل الكلام يلي تحت
المهم بالنسبة للنكت الغير الأخلاقية يلي سألت عنها وايت روز ويلي عصبت منها زينة فبحب وضح انو المقصود فيها نكت نزلت الشهر الماضي ووصلت لمرحلة من اللاأخلاقية تجاوزت كل حد وكل قيمة لدرجة إعتبار الأنثى كأرخص سلعة وتصوير العلاقة الجنسية على أنها علاقة حيوانية باستخدام أبشع الكلمات والتعابير..

هالنكت موجودة بكل مكان و بتتناولها كل الفئات العمرية و ما في خدا ينكر وجودها
من هالشي كان لازم نعتبر كل شخص بيتناول هيك نكت شخص لا اخلاقي :jakoush:

ما حدا رخص من الانثى ولا من الرجل بكل النكت متل مثلا هلأ انا حمصي و الكل بينكت عالحمصي يا ترى كل واحد حكى نكتة عن حمصي لازم اعتبرها اهانة الي؟

إقري لو سمحتي ردي الأول:


فيلي بيصير إنو بتفتحي باب متل يلي صار الشهر الماضي بعد بداية طرح هالمواضيع بإنو صار في مجموعة نكت تجاوزت أي مبادئ وقيم وأخلاق وصارت الحكي فيها بالفعل وسخ جداً فمشان هيك كان التشدد اتجاه هالنوع من المواضيع...



فرجاءً يعني ماتكذبيني وتقولي انو كان قصدي عنك وعن إم الجود وياريت تحاولي تستعملي طريقة ألطف بحكم إنو عم كون مسايرة لأبعد درجة

اللي إنتي بعتيهون على حسب علمي ابدا ماكانوا الشهر الماضي
كانو بتاريخ 5/16 يعني من حوالي الشهر ونص فوقت قول الشهر الماضي يعني بدك تسامحينا بكم يوم


لأاني انا سجلت بالأخوية بأول حزيران وما مرقوا علي وأبدا مالهم من المشاركات الأخيرة اللي وصفتيها بالوساخة لاني حضرتك لما بتقولي هالحكي إنتي بتعرفي كتير منيح إني الكل فاهم إنك قاصدة على المواضيع اللي كانت مفتوحة اخيرا وهي أبو العبد والصبية والخوري والصبيةعم تقوليني شي أنا ماقلتو وكتير واضح بمشاركتي يلي فوق عن شو عم احكي وقلت بكل وضوح انو السكوت عن بداية هالأمر هاد وصل وصل وصل لمراحل أكبر يلي انتي انخدش منها حيائك.

هلأ هون انتي مطالبة باعتذار عن هالنبرة وهالاتهامات وهالتكذيب يلي عم تكذبيني ياه علناً وفوق هيك عم تحاولي تعممي انو الناس فهمت انو الحكي موجه عنك وعن ام الجود

كان بودي حط صور بس بصراحة بتخدش حيائي انا على القليل
فهي الموضوع بين ايديكم


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// %B9%D8%A7%D8%B1%D9%8A
الغريب انك من وقت ما نزلت الموضوع لحد اللحظة صار فايتة عليه اكتر مني حتى :lol:
ومع هلشي مانك معذبة حالك لتقري أول مشاركة فيه واللي حطيتا مشان العالم تقراها مو مشان الديكور ولا مشان قول للعالم اني بعرف ترجم انكليزي منيح :



It's very difficult to find works that are able to materialize the fantastic conjunction of the Nude with Art. Only a few masters in the history of art were able to pass this test. The true essence of art is beauty, joined with the sensuality of the nude, often confused with vulgarity. Nudity is always disquieting, instigating and surprising. So the artist, both in painting and in sculpture, in dancing or in photography, discovers in the nude a profound link with the pureness of being. Sensuality stimulates creativity in every sense. Sensuality also evokes love, passion and the creation of man. This is why nudity moves us so profoundly. For all those who appreciate the artistic nude .
(Ariano Cavalcanti de Paula

من الصعب جدا ايجاد الأعمال القادرة على تجسيد الرابط الرائع بين التعري والفن ، فقط بضعة السادة العظماء في التاريخ استطاعو النجاح في هذا الاختبار ، انه الجوهر الحقيقي للفن والجمال قد امتزج بالشهوانية والتعري ، في بعض الأحيان يتشوش ببعض السوقية في العرض ، التعري دائما يولد التحريض والمفاجئة لذلك الفنان في اللوحات وفي النحت في الرقص او في التصوير الفوتوغرافي يكشف بالتعري الاتصال العميق بين الفن وصفاء الوجود ، تحفّز الشهوانية ابداعا في كل احساس ، تاركة للحب مكانا ايضا .
لذلك التعري يحركنا بشكل كبير ،

للمرة المدري شد بئلك
ارباب الفن وعمالقته متل مايكل آنجلو وبابلو بيكاسوا وليوناردوا دافنشي كان الن بصمتن الواضحة والصرفة بمجال الفن العاري ، والن اقوال بوضحوا فيها مفهوم الفن العاري وقدسيته وجوانبه الفنية
بالنسبة الي ما بقدر كب كل اللي حكوه وآخد بحكيك بأن حيائك عم ينخدش من أعمال عمالقة الفن

مافي اي مجال للمقارنة بين النكت اللي بتحمل تلميحات جنسية وبين الفن العاري لمجرد تناوله جسد الانسان
المقارنة بيناتن تماما متل المقارنة بين أفلام الفائزين بجوائز الاوسكار وافلام السكس
لو بدنا نحط نقاط مشتركة ممكن ما نخلص لبكرا
الـ 2 فين :
ممثلين - كاميرا مان - مونتاج - زوايا تصوير - موسيقى تصويرية - مخرج - .. الخ

بس شتان بين المفهومين وبين الفكرتين اللي عم يأديها كل واحد منن .

بدايه يا شباب انا كنت عم شفـّط .. يعني عم سحـّب يعني عم نقـّر بالمشرمحي اكتر عم اعمل سبام :o ..

بس بما انو صار الحكي فعلي فأنا بشكل عام ما بحب النكت ( حتى المش رزيله منها ما بتستهويني من باب انو في كتير اشيا عفويه بتضحك و بتسلي اكتر من النكته ) يعني كل تلات اربع اشهر لاحكي نكته و بكون صاير شي مناسبه كبيره يعني حدا زعلان او حدا معصب او مدايق بقوم بحكي نكته من باب اني لاقي شي مو كتير اهبل احكي فيه و ايميلات النكت اللي بتجيني بحزفها قبل ما أقراها لكن فيما يخص النكت الرزيله تحديدا ً ( هي بعده بينطبق عليها اني ما بحب النكت عامه بكل انواعها ) و لكن بشوف انو في نكت رزيله مقرفه (( متل المثال اللي عطاه ابو ساره )) و هي انا ما بشوف وين وجه النكته فيها :pos: .. و في نكت مضحكه نوعا ً ما و مش هدفها التعبئه الجنسيه لمخيله المتلقي و حسب .. و هيك نوع من النكت بقدر ببساطه انتناقلهم انا و اهلي و نضحك عليهم عالسكت .. و لكن بكل الاحوال النكت بصوره عامه مش من اهتمامي لذلك مافيّ احكم بالضبط شو ابعادها الديناميكيه ..


ليش عم تقولي طلع معكم؟؟
قولي طلع معك يا نسرين
لأنو متل ما سبق و قلت كان هدفي التشفيط لا غير :pos: ..

رح وضحلك شغلة مهمة

الفن العاري مش اخلاقي بجدارة لانو عم يجسد صورة الاعضاء الجنسية يلي حضرتكم عم دافعو انو تنجاب سيرتها تحت اسم النكت الجنسية ليش عم تقولي حضرتكم قولي حضرتهم انا ما دافعت ولا هاجمت و لا حتـّى قريت النكت اللي صار عليها كل هالمواضيع ولا من أصله عرفانه شو القصه :lol:


عوده للفن العاري :


مثلا ممكن ارسم بخيالي رجل عاري انا حرة اما جسدو على تمثال وورق هادفن؟؟
و ارسمو و جسده على ورق كمان انا حرّه .. و انت حرّه تطلعي على هالرسمه أو لاء !
الحريه ما الها معيار انو خيال او ورق او نكت او او ..


ممكن احكي نكتة جنسية بيني وبين شخص ما ونضحك وتمضى القصة

هل من الممكن جسد النكتة الجنسية على شيء ملموس مثلا سكيتش صغير

او حتى مثلا
عبرنا عن نكتة جنسية بالرسم هيك صارت فن مو نكتة؟؟؟
طيـّب ..

عفكره في كتير فنانين كانو يرسمو لوحاتهم على انها فكاهه و فكاهيه .. مش بالضروره الرسومات العاريه .. و أذكر مرّه قريت أنـّو بيكاسو كاتب على احدى لوحاته بالمرحله التكعيبيه " العب معنا " بالاسباني .. أو شي من هالقبيل ..

يعني خليني اسألك سؤال .. شو تعريف الفن برأيك ؟ (( عفكره هاد كان موضوع المشروع تبع نهايه العام الماضي لاحد صفوفي فهاتي خلينا نتناقش:D ))

و عفكره في بعض الكاركتيرز اللي اذا وصلت الفكاهه اللي فيه فبصير نكته (( قد يعتبرها البعض رزيله )) .. و هاد مش فن عاري لأنه مش بالضروره يكون عاري أصلا ً :p..

و عفكره و للملاحظه انو رسام الكاركتير اللي وقعو رسوماته بايدي من فتره هو من أرقى و أفضل فنانين الكاركتير بالشرق بنظري و في جريده لبنانيه قامت بنشر كاركتير من هدول الكاركتيرات اله من حوالي الشهرين .. و مش معناه انـّو اذا رسم نقد فكره اجتماعيه جنسيه متل ما بينقد الافكار السياسيه فهوّ انسان سيئ او ما الى ذلك ..

و شتان ما بين النكته الرزيله (( اللي بتضحك )) و الفن العاري



سياسة الكيل بمكيالين...الله الله :? !


الفن العاري اخلاقي نحت اعضاء بشرية جنسية قمة الفن والروعة والسرور
منظر تقشعر له الابدان لصعوبة النحتة
وقسمك مليان صور لنحوتات اشخاص عاريين وقلتلكم انها صور تخدش الحياء ورفضتو تحت منطلق الفن العظيم
رايحة انكش المواضيع وورجيكي صور الاعضاء الجنسية وحطها هون
اينو احسن نكتة ولاصورة اشخاص عاريين ؟؟
ايهما يخدش الحياء اكتر
وجايين تحكو على انو نكتة جنسية بتخدش الحياء

يا عزيزتي مرارا ً بدي قول اني انا ما بشجع الفن العاري و لكن ما بهاجمه يعني ما في تار بيناتنا.. بشوف الفن العاري بتجرد يعني في لوحات فنيه عاريه بتعجبني و في لوحات تانيه ما بتنال اعجابي متل مو في لوحات تجريديه بتعجبني و تانيه ما بتعجبني متل ما في لوحات واقعيه بتعجبني و تانيه ما بتعجبني .. انا ما بصنف الفن العاري و كأنه فن منفصل عن باقي الفنون لهيك ما بحس عندي مشكله معه ..

و للصراحه انا بفتخر انو بقسم الرسم و التصوير اليوم قادر يحتوي على هيك نوع من الفنون و يتعامل و يصنفها متلها متل اي فنون تانيه .. بالوقت اللي بكليه الفنون الجميله بالشام عندهم مشكله مع هالموضوع

أيضا ً نقطه أخيره .. بتمنى ما تنكشي المواضيع حاليا ً لتخلص المسابقه .. أو عالقليله ليبدأ التصويت (( في مسابقه بقسم الرسم و التصوير عن التصوير و بين اليوم و بكرا رح نبدأ باعلان النتائج المبدئيه )).. عم اعمل جهدي خلي الصور المشاركين بالمسابقه بالصفحه الأولى فيا ريت تنطري يومين بس و بعدها القسم كلو على حسابك ..

:D


شو مفهومكم بالحياة والمنطق خلي فكركم متحجر لفكركممافي مفهوم بنوب هابلتها و ماشيه :? :?

إقري لو سمحتي ردي الأول:



فرجاءً يعني ماتكذبيني وتقولي انو كان قصدي عنك وعن إم الجود وياريت تحاولي تستعملي طريقة ألطف بحكم إنو عم كون مسايرة لأبعد درجة


كانو بتاريخ 5/16 يعني من حوالي الشهر ونص فوقت قول الشهر الماضي يعني بدك تسامحينا بكم يوم

عم تقوليني شي أنا ماقلتو وكتير واضح بمشاركتي يلي فوق عن شو عم احكي وقلت بكل وضوح انو السكوت عن بداية هالأمر هاد وصل وصل وصل لمراحل أكبر يلي انتي انخدش منها حيائك.

هلأ هون انتي مطالبة باعتذار عن هالنبرة وهالاتهامات وهالتكذيب يلي عم تكذبيني ياه علناً وفوق هيك عم تحاولي تعممي انو الناس فهمت انو الحكي موجه عنك وعن ام الجود

لاطبعا ياستي مافيني سامحك بهل الكم يوم لاني لما بتقولي الشهر الماضي فالناس رح تروح عالمواضيع اللي نزلت الشهر الماضي وعلى اعتبار انك مشرفة فمطلوب منك الدقة
وانا ماكذبتك لأني فعلا ماطلعوا الشهر الماضي
وكون إنك وطبعا كتير مشكورة عمتسايرينا فاسمحيلي قلك إني نحنا مو ولاد صغار وعمتسايرينا المسايرة للصغار
وانت لما حذفت موضوعين ام الجود ومشاركاتي فإنت أتوماتيكيا شملتيهم معاللي بعتيلي ياه
وللتوضيح نحنا نزلنا مواضيع بالبريد بهالخصوص وإنتي بأجوبتك وضحتي إني نحنا مشمولين بالتجاوزات وأكيد لما جيمي نزل موضعه وقال النكت ماخدشت حيائي كمان اكيد ماقصده اللي إنت بعتيلي ياه وفيكي تبعتيلو اللي بعتيلي ياه وتسأليه

ورجاء لاتحاولي تخليني أوصل إني أناقش بالطريقة اللي إنت بتناقشي فيها لأنها لاطريقتي ولا أسلوبي ,انا ماأسات لحدا ونقطة انتهى

لاطبعا ياستي مافيني سامحك بهل الكم يوم لاني لما بتقولي الشهر الماضي فالناس رح تروح عالمواضيع اللي نزلت الشهر الماضي وعلى اعتبار انك مشرفة فمطلوب منك الدقة
وانا ماكذبتك لأني فعلا ماطلعوا الشهر الماضي
وكون إنك وطبعا كتير مشكورة عمتسايرينا فاسمحيلي قلك إني نحنا مو ولاد صغار وعمتسايرينا المسايرة للصغار
وانت لما حذفت موضوعين ام الجود ومشاركاتي فغنت أتوماتيكيا شملتيهم معاللي بعتيلي ياه
وللتوضيح نحنا نزلنا مواضيع بالبريد بهالخصوص وغنتي بأجوبتك وضحتي إني نحنا مشمولين بالتجاوزات وأكيد لما جيمي نزل موضعه وقال النكت ماخدشت حيائي كمان اكيد ماقصده اللي إنت بعتيلي ياه وفيكي تبعتيلو اللي بعتيلي ياه وتسأليه

ورجاء لاتحاولي تخليني أوصل إني أناقش بالطريقة اللي إنت بتناقشي فيها لأنها لاطريقتي ولا أسلوبي ,انا ماأسات لحدا ونقطة انتهى


التكذيب صار يا أنسة وقت قلتي انو انا قاصدتك انتي وام الجود وبرجع بقتبسلك ردي:


فيلي بيصير إنو بتفتحي باب متل يلي صار الشهر الماضي بعد بداية طرح هالمواضيع بإنو صار في مجموعة نكت تجاوزت أي مبادئ وقيم وأخلاق وصارت الحكي فيها بالفعل وسخ جداً فمشان هيك كان التشدد اتجاه هالنوع من المواضيع...

كمان مرة بقلك كتير واضح انو الحكي عن انو التساهل مع بعض النكت يلي كانت جريئة نوعاً ما وصلتنا لمرحلة كتير سيئة وبشعة.. وبلا هالشطارة يرضا عليكي لأنو واضح كتير المقصود

هلق هون في نقطة انو هالنبرة بالحديث نتيجة كم حركة مو صح أبداً

مشان انهي هالحديث من جهتي تمت مخالفة الأعضاء يلي ادرجو نكت جنسية من اي درجة كانت وباب النكت الجنسية من أي نوع كان مغلق لأنو ثقافتنا بهالنوع من النكت مابتسمح انو نحدد معايير وكلمات مسموحة وممنوعة وحتى لاتتطور هالحالات لوضع مشابه لوضع صار من فترة وجيزة.. وبتصور تثبيت التنويه بقسم عالطاير كافي لإنو يلي كتير حابب يقول هيك نكت يلاقي وسيلة تانية غير نشرها بأخوية

مشان انهي هالحديث من جهتي تمت مخالفة الأعضاء يلي ادرجو نكت جنسية من اي درجة كانت وباب النكت الجنسية من أي نوع كان مغلق لأنو ثقافتنا بهالنوع من النكت مابتسمح انو نحدد معايير وكلمات مسموحة وممنوعة وحتى لاتتطور هالحالات لوضع مشابه لوضع صار من فترة وجيزة.. وبتصور تثبيت التنويه بقسم عالطاير كافي لإنو يلي كتير حابب يقول هيك نكت يلاقي وسيلة تانية غير نشرها بأخوية

طيب ليش ما صار تثبيت للتنويه وقت صار الوضع يلي ذكرتيه برسالتك و كنتي قطعتي الطريق على كل واحد بدو يكتب هيك نكت

طبعا انا انحذفلي موضوع كمان

بس انو تخالفونا بهي الطريقة بدون اي تنويه او تنبيه هي كانت صعبة شوي و بعد ما ناكل المخالفة تنبهونا :shock:


ذكرتيني بالعسكرية في شي اسمو اسس الانضباط العسكري و كان اهم شي فيه نفذ ثم اعترض و هون انتو خالفتو و بعدين نبهتو

هلأ برأيي يامحلة نكتة مشفرة قدام صورة عارية . هلأ خلينا نتفق عشغله معلش ؟ أنو من اليوم و رايح نحاول نسميهم اللوحات العاريه أرقى من الصور العاريه يعني متل ما قال ابو طوني صور عاريه بتصير بغير اجواء .. اذا ممكن يعني ..



تخيلي يجيني ضيف على المكتب وانا حاططلو صورة وحدة سمينة عارية على الحيط . بدو يقتنع انو فن ؟ . بدو يفكرني مجنون أو شاذ :pos:
عفكره ملاحظه صغيره .. نحنا عنا بالبيت(( بسوريا )) في 3 لوحات عارية و عنـّا تماثيل عاريه أيضا ً و ما بتذكر انو حدن من الناس اللي تجي لعنا عالبيت يفكرونا شواذ او مجانين (( عالقليله بوجهنا :pos: )) ..

هامش ** اللوحات العاريه مش معروضين بالصالون أو بالمكتب لكن التماثيل بالصالون

ليش كل نقاش بأخوية يصير ابيض و اسود و ساحة حرب :lol:



يعني بنرجع لموضوع أبيض واسود كلو يستشهد بموضوع شوش الجديد بالصالون 8)

أنسة ريمي أنا ماقلت قصدتينا أنا وأم الجود قلت شملتينا وهاد طبعا بعد ماقريت النكت اللي بعتيها واللي فعلا صعقت إني تقارنت مشاركاتي فيها


عكل ياستي مشان إنهي هالنقاش معك اللي أصلا أنا كتير ندمانة إني بديت فيه من الأصل فأنا إذا كان بأي مشاركة من مشاركاتي اسأت لحدا أو خدشت شعوره أو حياء حدا بطريقة أو بأخرى فأنا فعلا بعتذرلأني اتأكدوا أنا ماقصدت هالشي


ملاحظة: أنا وحدة موظفة وشغلي كل يوم من الصبح للمسا وأخدت إجازتي السنوية وبأول يوم منها دخلت على الأخوية بطريق الصدفة ولما شفت ظرافة ولباقة الاعضاء اللي هون فانا قضيت إجازتي كلها عالأخوية وكل عضو هون عنجد ضحكني أو فادني بمعلومة أنا بشكره من جوا قلبي وفعلا جد ما كنت بتوقع إني ممكن اتخانق أو اتشاكل مع حدا هون بأي طريقة كانت بس هيك صار ولذلك أنا برجع وبكرر اعتذاري وسامحونا :D

بما اني ماني .. قاري ولا موضوع ولا شايف نكت ولا شي .. بس حبيت اعطي تشفطية صغيرة .. بدون سبام ..

عفكره ملاحظه صغيره .. نحنا عنا بالبيت في لوحات عارية و عنـّا تماثيل عاريه أيضا ً و ما بتذكر انو حدن من الناس اللي تجي لعنا عالبيت يفكرونا شواذ او مجانين (( عالقليله بوجهنا ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// )) ..

بالشام ؟

بما اني ماني .. قاري ولا موضوع ولا شايف نكت ولا شي .. بس حبيت اعطي تشفطية صغيرة .. بدون سبام ..



بالشام ؟

حمص ... .

اوك .. سؤالي كان .. لاثارة نقطة خفيفة بس عالنقاش .. وهية الوضع المحيط والمجتمع المحيط .. بهاد الموضوع تحديدا .. وهاد بيأثر وبيلعب دور كبير قبل ايا شي ..

:D

عفكره ملاحظه صغيره .. نحنا عنا بالبيت(( بسوريا )) في 3 لوحات عارية و عنـّا تماثيل عاريه أيضا ً و ما بتذكر انو حدن من الناس اللي تجي لعنا عالبيت يفكرونا شواذ او مجانين (( عالقليله بوجهنا :pos: )) ..


انا ممكن اتفهم اللوحات والصور والافلام والنكت والحكي وكل شيئ ،

لكن كيف اتفهم تواجد أصنام والعياذ بالله .

هاموش : بتمنى من كل قلبي ان الحكومة السورية تستحدث هيئة الامر بالمعروف والنهي عن المنكر للتصدي لانتشار ظاهر الاصنام .

بدي احكي شغلة تعليقا على محمد ..

وراي شخصي ما بعبر لا عن فتوى ولا عن فهم والمام بالشرع والدين ..

بس انو هلا ازا انا حطيت صنم عندي بالبيت .. او .. صنم معين مثلا بمكان شغلي او شي .. وانا مآمن تماما .. انو هاد صنم لا بقدم ولا بأخر .. يعني بالاحرى انا متاكد انو صنم ما بقدم ولا بأخر ولا اني حاطو وقاعد عم مجد فيه ..
لانو تعال للحرام والحلال .. حرام انك تحط ايا صورة .. فيها .. صورة انسان عادي وفي كتير عالم .. بتحط صور .. ! ..



ما هية مشكلة .. :D

اوك .. سؤالي كان .. لاثارة نقطة خفيفة بس عالنقاش .. وهية الوضع المحيط والمجتمع المحيط .. بهاد الموضوع تحديدا .. وهاد بيأثر وبيلعب دور كبير قبل ايا شي ..

:D

اي أكيد المحيط بيلعب الدور الأكبر بكل شي يتعلق بالانسان ابتداء من الشخصيه و انتهاء بالشمسيه :lol:

والله انا شايف انو انتو محملين الموضوع اكتر من اللازم وخصوصا شغلة النكت انو حتى بالفضائيات (العربية) بس حدا يسب او يقول شي كلمة بتخدشو للحياء العام بيعملو (طوط) يعني بيشفروها وكمان هون نفس الشي ماحدا قال كلمة بتخدش الخياء بحد ذاتها انما يمكن النية العاطلة بتلعب دور بتفسير هالنكت انو بتخدشو للحياء العام خدش

بسم الله الرحمن الرحيم والصلاة والسلام على سيدنا محمد وعلى اله وصحبه اجمعين أما بعد ،

بصراحة ماشفت ردود كتير بتفوت بصلب المشكلة فحاولت اقدم محاولة
اولا بدنا نحدد المشكلة الرئيسية ، مشان نعرف هي وين وهاد نص الحل .

هل المشكلة بالنكت الجنسية ؟ هل المشكلة بحرية التعبير ؟ هل المشكلة بفكرة الكيل بمكيالين ؟ ولا المشكلة شيئ اخر ؟

ناخد فكرة فكرة ونشوفها مع بعض
1- هل المشكلة بالنكت الجنسية ؟
2- هل المشكلة بحرية التعبير ؟
اعتقد الجواب لاء ، المشكلة هنا
قوانين الاخوية

إستخدام الألفاظ السب و الشتم ، و الألفاظ السوقيّة.

وتم شرحها على النحو التالي

استخدام الألفاظ الخارجة عن القبول الإجتماعي العام مرفوض، بكل الأنواع ، وهون بيشمل الألفاظ السوقية، وتسمية الأشياء بأسماء سوقية ..


ثم القانون الاخر



الإتيان المتعمد بمواضيع تخرج عن إطار القبول الإجتماعي بخدش الحياء العام

وتم شرحها على الوجه التالي
في خطوط حمراء بالقبول الإجتماعي ، و تختلف من قسم لقسم، في قسم مثل المنبر الحر ، من المقبول طرح موضوع عن الجنس، والعلاقة مع الآخر ، بس هذا مش مقبول بأقسام أخرى ، ايضا قبول الموضوع بقسم مثل المنبر مرتبط بطريقة الطرح .. ضمن إطار الكتابة المسؤولة الحرة ..
قوانين موجودة من 2006 مو من 2009
والموضوع هون ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

* والخلاصة ان المشكلة مش بالنكت الجنسية في حد ذاتها وانما في امرين
1- احتوائها على الفاظ سوقية
2-تخرج عن اطار القبول العام بخدش الحياء العام

هذه عن النقطة الاولى ،

أما عن النقطة الثانية
* فكرة الكيل بمكيالين لان موضوع الفن العاري موجود والنكت لاء

طيب ، هلئ الفن العاري موجود بقسم والنكت بقسم مختلف ، هاد الو مشرف وذاك الو مشروف اخر
وين الكيل بمكيالين ؟
الكيل بمكيالين بدو مشرف واحد او قسم واحد ،

هلئ يعني مشرف قسم عالطاير حذف الموضوع لان هاد نطاق اشرافو ومش نطاق اشرافو قسم التصوير او غيرو ،من هون بتنتفي شبهة الكيل بمكيالين بحق مشرف القسم

هل في مشكلة في شيئ اخر ؟
اي في من وجهة نظري نحنا عنا حالة احتقان وتربص طبعا مش بقصد حدا بعينو ولكن الحكي عام ، وكمان في اختلاف كبير في الثقافات وطريقة التفكير .

هلئ في شغلة تانية بتؤدي لشعور العالم بالظلم وبتخليون يحسو بموضوع الكيل بمكيالين بصفة عامة (مجرد الشعور)
هلئ مثلا طلعت نكته فلانه مخالفة لانها خرجت عن اطار القبول العام وخدشت الحياء العام
طيب انا من شوي اتصفحت الصفحة الاولى بس بموضوع الفن العاري ولقيت لوحة سكس رسمي بالرد رقم 15
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

صحيح يعني الصفحة بتحتوي على العديد من الصور و ايضا عارية ومع ذلك الرسام مابيركز على المناطق الحساسة بابرازها ،
على كل حال انا شفت النكت وشفت الصورة هلئ وبيني وبين حالي ماصار شيئ وما اتغير شيئ ، لسبب بسيط انا عالمستوى الشخصي بيني وبين اصدقائي المقربين بسمع نكت اوقح من هاي بكتير وبيني وبين نفسي بتفرج على صورة متل هالصورة وبشوف بافلام اكتر من هيك ، بيني وبين حالي مارح حس اني بحترم حالي لو جيت هون وطقيت المشاركتين تقارير عاطلة ، مارح اجي اتظاهر بشيئ مش فيني هون قدام العالم ، وبنفس الوقت لو حدا ضرب النكت والصورة مشاركة عاطلة رح اعتبر هاد حقه تماما .
العبرة اولا واخيرا مش برأيي او رأي فلان وعلان لان ممكن رأيي يكون مختلف عن القانون او غير متطابق ، العبرة بالقوانين الموضوعة ودرجة تطبيقها عالجميع .

طيب هلئ الموضوع صار متناثر جدا..

بداية مع الفن العاري..مستحيل إجراء مقارنة بين الفن العاري والنكتة الجنسية..
وتنيناتهن اثارهن السلبية عاي طفل شبه معدومة..
الأولى كون انو المحتوى مو جنسي إلا اذا اريد التفكير فيهن بهالطريقة..وقتها بيكون الشخص ملم تماما بكل تفاصيل الموضوع..
والتانية كون انو المحتوى نصي..ولا يمكن ادراك المعنى ايضا دون المام تمام بالموضوع..

متل ما ذكرت بالبريد دورت عرابط لمقطق من فيلم Ice Age: Dawn of the Dinosaur الموجه لجميع الفئات العمرية
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

بنهاية المقطع هاد في نكتة جنسية بكافة المقاييس مصورة ممكن صياغتها بطريقة نصية بسهولة..
ولكن طريقة العرض ههي يلي بتحدد.. مو نوع النكتي.. وبالتالي منع نوع معين من النكت أمر أنا (شخصيا) برفضوا.. لأنو جمع جميع النكت الجنسية بسلي وحدي مهما كانت طريقة عرضا..

لأنو ثقافتنا بهالنوع من النكت مابتسمح انو نحدد معايير وكلمات مسموحة وممنوعة وحتى لاتتطور هالحالات لوضع مشابه لوضع صار من فترة وجيزةريمي المعايير هي تماما المتبعة بالمنبر.. بمعنى آخر في نكت انحذفت مع انها معروضة بطريقة مهذبي جدا.. وبرجع بقول أنو المعيار لازم يكون طريقة العرض مو نوع النكتي..

واذا الموضوع بينحل بتحديد المعايير فممكن تحديدا.. وبعمل طوعي (متل كل شي بأخوية)..
والحمد لسعدو يعني اخوية فيها مايفكي من الخبرات لتحديد هيك شي..

:D

*هاموش: بحب كمان اذكر بخصوص التماثيل انو ببيتنا كمان بالصالون في تماثيل عارية..واحدى اللوحات العارية الموجودة بموضوع الفن العاري موجودي بمكتب طبيبة اسنان بحمص بالاضافة لعدة لوحات اخرى..الأمر ببساطة ديكور وجمالية..

الغريب انك من وقت ما نزلت الموضوع لحد اللحظة صار فايتة عليه اكتر مني حتى
شوعرفك إني فايتة عليه اكتر منك يعني بيبين عند انو وايت روز فاتت الف مرة مثلا
بدي اعرف شوعرفك

ارباب الفن وعمالقته متل مايكل آنجلو وبابلو بيكاسوا وليوناردوا دافنشي كان الن بصمتن الواضحة والصرفة بمجال الفن العاري ، والن اقوال بوضحوا فيها مفهوم الفن العاري وقدسيته وجوانبه الفنية


معلش هلىء موضوع مناقشة الفن العاري اتهينا منو ومابدي ناقشك فيه نهائيا


بالنسبة الي ما بقدر كب كل اللي حكوه وآخد بحكيك بأن حيائك عم ينخدش من أعمال عمالقة الفن
رأيك مجبرة احترمو لاني بدي الغير يحترمني
بس نكتة رزيلة مابتخدش الحياء قد صورة شخص عاري

وللمناسبة الهامة جدا انا كان قصدي على النكت يلي انطرحت قبل اسبوع بالطاير
مو شهر ونص يلي حكيت عنهم ريم انا ماقراتهم


وبكرر مع احترامي إلك بس انت من الاشخاص يلي مابحب ناقشهم بمواضيع معينة لانو مفاهيمنا مختلفة
وطريقتك مابحبا :p
وبالذات هيك مواضيع وميّة أهلين:D

عفكره ملاحظه صغيره .. نحنا عنا بالبيت في لوحات عارية و عنـّا تماثيل عاريه أيضا ً و ما بتذكر انو حدن من الناس اللي تجي لعنا عالبيت يفكرونا شواذ او مجانين (( عالقليله بوجهنا ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// )

اختلاف الثقافات بقا..

شوعرفك إني فايتة عليه اكتر منك يعني بيبين عند انو وايت روز فاتت الف مرة مثلا
بدي اعرف شوعرفك


لا ما هيك
بس صار أكتر من الف مرة جايبة سيرة هاد الموضوع وناقلة صور منه لبرا
ذكرتيني بقصة لسامي حلاق بيحكي فيها عن راهبين بوذيين .. بس افضى لأنقلك ياها لقسم القصة القصيرة قريها من هنيك وحاولي تفهمي شو قصدي بالموضوع .


معلش هلىء موضوع مناقشة الفن العاري اتهينا منو ومابدي ناقشك فيه نهائيا
اذا ما كان بدك تفتحي السيرة ما كان في داعي تسحبي لينك الموضوع لهون


رأيك مجبرة احترمو لاني بدي الغير يحترمني
بس نكتة رزيلة مابتخدش الحياء قد صورة شخص عاري

وللمناسبة الهامة جدا انا كان قصدي على النكت يلي انطرحت قبل اسبوع بالطاير
مو شهر ونص يلي حكيت عنهم ريم انا ماقراتهم اوكي :lol:
بس انه عنجد ما تعبريها اهانة الك أو ايا شي ، بس هيك معلومة بتمنى توصلك الفكرة اللي قاصدها من وراها
اذا ما كتير بتفهمي بالفن وما عندك اطلاع عليه ما حدا بعاتبك او بحقله يوجه أيا صفة الك .. مو مطلوب منك تكوني على معرفة بكلشي بالدنيا
بس وقت شي ما بتعرف عنه رجاء لا تحكي فيه ولا تحاولي تستهزئي منه او تسخفيه .
لأن ممكن هلق واحد ما بيفهم شي بالطب يفتحله شي كتاب طبي يشوف شرح بالصور لعملية التناسل ولبنية الأعضاء التناسلية .. يعتبر العلم هاد قمة الانحطاط وينخدش حيائه
فاللي بيعرف انه حيائه سريع الانخداش ما يحط حاله بمواقف مزعجة اله .. اهونله واهون للقدامه


وبكرر مع احترامي إلك بس انت من الاشخاص يلي مابحب ناقشهم بمواضيع معينة لانو مفاهيمنا مختلفة
وطريقتك مابحبا :p
وبالذات هيك مواضيع وميّة أهلين:Dبالاصل ما كان بدي حط تعليق بالموضوع
لافي الي تعليق على النكت ولافي الي اي اهتمام بهي القصص
بس وقت انجابت سيرة موضوع انا عامله وانحط لينك الموضوع بشكل واضح صار لازم رد وجاوب ( حرقة بقلبي انه الخطوة هي صارت بزمناتها بشي 5 مواضيع مختلفة وما لحقت ضيف اي رد .. دائما بيتسكر الموضوع قبل ما علق عليه :jakoush: )
انا اللي عندي حكيته وما كان في داعي للتقليعة .. كنت طالع لحالي :D

ماممكن تحطي معايير لهيك مواضيع..
هاي حدود عرضها آلاف الكيلومترات!! لأنو مصطلحات الأخلاق و الخطوط الحمراء هي مصطلحات قمّة في الضبابية

هون المشكلة بشكل عام ....
ما منقدر نحط ضوابط حرفية للقصة

بذكر .. بالتسعينات لما كانو عم يعملو قانون الاعلام بلبنان .... ما قدروا يحطو صيغة واضحة لهالقصة
قام وزير الاعلام ( يمكن وقتا كان ميشيل سماحة ) جمع أصحاب المحطات و اتفق معون اتفاق شفهي ..
أنو أي شي ممكن عرضو يحرجك و انت سهران مع عيلتك ....... لا تعرضو




هلأ القصة بترجع لتقدير كل واحد منا .. بس لحد معين في معايير مشتركة بين الكل

في مواضيع بتكون مهضومة ....
و في مواضيع بتكون بذيئة ... و سوقية
مع أنو التنين مستخدمين نفس الألفاظ



أنا بشكل عام .... مع السماح بالنكت الجنسية ... و النكت اللادينية ..
بس من فترة قريت موضوع بالملطوشات ..... قمت طلبت حذفو و مخالفة صاحبو








بالنسبة الي .....
كنت عم فكر اسمح بالمواضيع الجنسية بالسقيفة
على أنو يكون المعيار الوحيد إلها ... هو تقديري أنا

يعني ما حدا يزعل إذا حذفتلو مشاركتو .. بس لأنو أنا ما لقيتها مناسبة ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ابو سمرا
انا متاكد انو ماراح يكون في سقف او راح يكون سقفك جدا عالي