مرحبا زينة:

ياعيني النقاش والحوار والثقافة الجنسية شي والنكت البذيئة ويلي بتخدش شعور البعض شي تاني تماماً.. انتي بيجوز بتشوفيه عادي بس غيرك بينزعج جداً لما يشوف هيك نكت .. هاد غير انو نحنا منتدى مفتوح يعني ممكن يكون في اطفال عمرون 15 سنة بيناتنا فما بتصور انتي بتقبلي انو يقروا هيك شي..

بعدين صرلك من مبارح وانتي ماسكتيلي قصة النية وعدم التوضيح فيعني حاجتها باعتبار كتير صعب تتحسي يلي قدامك انك عم تستغبيه.. فباختصار النكت المخصصة للبالغين (خليني صيغها هيك) ممنوعة وعندي ثقة كاملة انك بتعرفي شو المقصود بهالصيغة وموناطرتينا نوضحلك باعتباري واثقة من ذكائك..

بعدين غريب الاهتمام بهالنوع من المواضيع يمكن اذا بتتبحري شوي باخوية بتشوفي انو في مواضيع اهم ومفيدة اكتر فما وقفت على النكت +18

سلامات :D
مرحبا ريمي شلونك :D:

على اعتبار اني -18 لو سمحتي فيني اعرف شو الخطر يلي عم اتعرضلو نتيجة قرائتي لنكتة..
ثم وين الغريب الاهتمام بهيك نوع من الواضيع..القسم مخصص للضحك ..وانا شايف هالنكت مضحكي وملائمة تماما للقسم..

بعرف انو في مواضيع اهم الحديث فيها من نكت +18..ولكن هيك بنكون متل يلي ميعترض عالحديث بحرب اليمن كونو في حرب بغزة..

بيؤسفني انو موضوع متل "الخوري والصبية" ينحذف من عالطاير.. مجرد نكتي طريفة..(انتي ما عجبتك :o)
يعني اذا بدنا نقيس هيك تخيلي مقدار الخسارة يلي رح يعاني منها القسم :lol:..

السؤال موجه لسويت بيبي ايضا..
:mimo:

انو صحي هوي موجه لريمي و سويت بيبي
بس انا حشور على قول احداهن
فلهيك
انو عليك ما ممكن تأثر
في في غيرك ممكن تأثر
هي بكل بساطة

مرحبا ريمي شلونك :D:

على اعتبار اني -18 لو سمحتي فيني اعرف شو الخطر يلي عم اتعرضلو نتيجة قرائتي لنكتة..
ثم وين الغريب الاهتمام بهيك نوع من الواضيع..القسم مخصص للضحك ..وانا شايف هالنكت مضحكي وملائمة تماما للقسم..


مرحبتين :D

صدقني مافيني اخدمك بموضوع تحديد المخاطر يلي ممكن تتعرضلا انت او غيرك نتيجة قراءة هيك نكت..

والنقطة التانيه انو البريد مانو المكان المناسب ولاممكن تلاقي فيه الاشخاص المناسبين لتحليل مخاطر النكت الجنسية على الاطفال..متل مافيني اشرحلك شو ممكن تأثر الصور الجنسية على المراهقين اوالاطفال أو الاعلانات الجنسية شو ممكن تكون مخاطرها..
بس فيني انصحك بواحد من حلين اما انك تنزل موضوع بالفسلفة وعلم النفس او بالصالون وتتدارسو المخاظر والحسنات أو انك تستشير اخصائي اجتماعي بالموضوع بيفيدك اكتر مني...

القصة ومافيها انو في اطفال بيفوتو على اخوية (اختي وحدة منون :frown:) وناس من بيئة معينة بيوصلو على اخوية وبيتابعوها وماعنا آلية تمنعون من الدخول على هيك مواضيع.. وللعلم نحنا هون عم نحكي عن نكت جنسية واحاديث للبالغين ماعم تحكي عن ثقافة جنسية علمية بتتدرس بالمدارس بالدول التانية..

هاد الرأي مانو رأيي الشخصي أو قناعتي بس هاد بيندرج ضمن ضوابط الكتابة بالأقسام.. بكل الاحوال في موضوعين بالبريد بخصوص نفس الموضوع فيك تشوفون لمزيد من التوضيح.

انو صحي هوي موجه لريمي و سويت بيبي
بس انا حشور على قول احداهن
فلهيك
انو عليك ما ممكن تأثر
في في غيرك ممكن تأثر
هي بكل بساطة
هلا زين:D:
لأ صراحة عليي مأثر ولكن بدي اعرف التأثير السلبي..لأن موشايفو انا..


والنقطة التانيه انو البريد مانو المكان المناسب ولاممكن تلاقي فيه الاشخاص المناسبين لتحليل مخاطر النكت الجنسية على الاطفال..متل مافيني اشرحلك شو ممكن تأثر الصور الجنسية على المراهقين اوالاطفال أو الاعلانات الجنسية شو ممكن تكون مخاطرها..
هلا ريمي:D.. حقيقة بمجرد وضع النكت الجنسية والصور الجنسية بخاني وحدي..بنكون عم نطلق حكم قاسي جدا عالنكتي..
التأثير السلبي للصور الجنسية عالاطفال هوي ناتج عن التأثير البصري..

لكن النص المقروء امر مختلف تماما من حيث التأثير..حيث انو تأثيرو بكون شبه معدوم دون معرفي كاملي لتفاصيل الموضوع..وفي حال ما تم استخدام الفاظ تخدش بالحياء.

انا ذكرت موضوع"الخوري والصبية" كمثال ..لأنها ما احتويت ابدا عأي لفظ سوقي..

على كل هلئ نزل فيلم الانيميشن Ice Age الجزء الجديد..ويلي موجه لجميع الفئات العمرية عامة..ولجمهور الاطفال خاصة..

فيه مقطع رح حاول دور عليه عالنت..وبرجع..
:D

ماهو المشكل بحكم انو مافيك تحدد بهالأمور معايير أو حدود فبتوصل لغير أمكنة.. يعني وقت تقول النكت الجنسية مسموحة فبتفتح باب بيصير كل عضو بدو ينزل نكتة أقوى وأجرء فبتوصل لمكان ماعد يضل فيه أي حد وأي قيمة وبرجع بقول الدليل شو صار الشهر الماضي وقت نزل كم موضوع بالفعل متجردين من أي احترام للقارئ أو حتى للأنثى.. فمشان هيك هالأمور هي قطع الطريق من أولو بيكون أسلم

بكل الاحوال ياريت تسكر هاد الموضوع ونكفي بموضوع السقيفة يلي عم يحكي عن نفس الموضوع :D

Done:D...