مرحبا ...


من دون خناق و زعل و حساسيات .. استفسار صغير بخصوص قسم عالطاير :

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

هاد التعميم نزل امبارح بالليل ... حلو كتير و ما عندي اعتراض عليه ، بالنهاية الإدارة و المشرفين من حقن (و واجبن) يحافظوا على جودة أخوية بالطريقة اللي بيشوفوها مناسبة ، و انو تنحذف المواضيع المعنية ، هي كمان خطوة منطقية ضمن هالسياق ...

أما اللي مو منطقي فهو هاد :

أم الجود,

-------
عزيزتي هالنوعية من المواضيع غير مناسبة لاخوية...:D
-------

Reason: المخالفة المتكررة لقوانين القسم الخاصة This infraction is worth 20 point(s) and may result in restricted access until it expires. Serious infractions will never expire. You have received an infraction at أخوية.


المتعارف عليه بالقانون عموماً انو لما بينحط قانون جديد بيتطبق عالمخالفين من تاريخه .. يعني أنا بالتاريخ اللي نزلت فيه مواضيعي (اللي صارت مخالفة بحكم التبليغ اللي نزل من كم ساعة) ما كان في نص بيمنع هالشي أو بيعتبر مشاركاتي مخالفة (ضوابط المشاركة أو ما شابه)..
هلأ تغيّر الوضع و صار في ضوابط ... كتير منيح و مشكورة جهود المشرفين .. و لو إني من بعد التبليغ نزّلت مواضيع جديدة مخالفة فهون باكل المخالفة من تم ساكت و بضرب للمشرف تحية و سلام ... بس يا هل ترى هال20 نقطة اللي انسلختن من شوي كانوا بمحلن ؟ و ما كانت الشغلة بتنقضى بحذف المواضيع و الاكتفاء بتنبيه ؟ولا يلا .. مخالفة عالماشي ما بتمغصلها بطنها ؟!!


شكراً ...

مرحبا ام الجود:

موضوع النكت البذيئة والواردة بضوابط الكتابة بأخوية تحت بند ( لإتيان المتعمد بمواضيع تخرج عن إطار القبول الإجتماعي وتخدش الحياء العام ) وموضوع استخدام الالفاظ السوقية هي أول بند من بنود المخالفات باخوية فما صارت مبارح يعني وانما واضح انو مشرفة القسم ذكرت فيها لانو زادت اخر فترة

وبغض النظر عن القوانين بس يعني مابتصور بدها تنين يحكو فيها انو بمنتدى سوري على الانترنت فيه ناس من الكل الانواع وشباب وصبايا من كل الأعمار حتى القصر منهون جيكون ممنوع هالنوع من المواضيع:D

مرحبا ام الجود

هلا بريمي :deal:


موضوع النكت البذيئة والواردة بضوابط الكتابة بأخوية تحت بند ( لإتيان المتعمد بمواضيع تخرج عن إطار القبول الإجتماعي وتخدش الحياء العام ) وموضوع استخدامالالفاظ السوقية هي أول بند من بنود المخالفات باخوية فما صارت مبارح يعني وانما واضح انو مشرفة القسم ذكرت فيها لانو زادت اخر فترة

أنا معك بس هاد الكلام ما بينطبق على مشاركاتي المحذوفة ..

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

كون ما بعرف اقتبس من مشاركة مغلقة رح أعمل نسخ و لصق :

إستخدام الألفاظ السب و الشتم ، و الألفاظ السوقيّة.
استخدام الألفاظ الخارجة عن القبول الإجتماعي العام مرفوض، بكل الأنواع ، وهون بيشمل الألفاظ السوقية، وتسمية الأشياء بأسماء سوقية ..أنا مشاركاتي ما احتوت أبداً على كلمات بذيئة و ألفاظ سوقية .. هنن ببساطة نكات ذات محتوى جنسي ، و الحكي بالجنس على حد علمي مو ممنوع بأخوية طالما المفردات المستخدمة مو مبتذلة .. و أنا ما بدي أرجع بالتفصيل لمحتوى المواضيع بس اللي قراهن بيعرف إني سمّيت الأشياء بمسمياتها العلمية و ما طلعت عن حدود اللياقة العامة.


الإتيان المتعمد بمواضيع تخرج عن إطار القبول الإجتماعي بخدش الحياء العام


إذا اللي كتبته خدش الحياء العام للأعضاء ، فأنا بعتذر منن فرداً فرداً و مستعدة نزّل موضوع اعتذار رسمي بالسقيفة ..
بس أنا (و بدون فخر) من الناس اللي بتقرا ضوابط المشاركة بالأقسام لحتى وفّر على حالي وجع الراس و المخالفات و الزعلات .. و كلام القائم اللي مكتوب فوق بيحكي عن أعراف الكتابة العامة بأخوية ، و لأنو هالحكي عام و مو كافي صار في شي اسمو ضوابط المشاركة لكل قسم ... و بقسم عالطاير ما في ضوابط مشاركة .. هلأ إذا صار في ضوابط .. برافو .. شي حلو كتير و أنا بكون أول وحدة بلتزم فيها و ما حدا بيزعل من النظام .. بس مو عدل إني آكل مخالفة ب20 زعلة فجأةً هيك و من غامض علمو على أثر قانون انحط (أو خلينا نقول كان موجود و مو معلن) من كم دقيقة ..!


وبغض النظر عن القوانين بس يعني مابتصور بدها تنين يحكو فيها انو بمنتدى سوري على الانترنت فيه ناس من الكل الانواع وشباب وصبايا من كل الأعمار حتى القصر منهون جيكون ممنوع هالنوع من المواضيع:D

برجع و بقول أنا مو جاية ناقش القانون .. جاية ناقش الطريقة اللي تم فيها التطبيق ..

و شكراً :D

ومن باب الاستفسار .. فقط
المخالفة هي هي أتقل مخالفة بأخوية .. هل سبق وأم الجود تراسلت بخصوص مخالفتا لضوابط القسم ؟ وما استجابت مما دفع الإدارة تخالفها هي المخالفة ؟

:D

ومن باب الاستفسار .. فقط
المخالفة هي هي أتقل مخالفة بأخوية .. هل سبق وأم الجود تراسلت بخصوص مخالفتا لضوابط القسم ؟ وما استجابت مما دفع الإدارة تخالفها هي المخالفة ؟

:D


الله وكيلك لا تراسلت ولا حدا قلي محلا الكحل بعينك :pos:

عيني إم الجود هالموضوع أخد حقو من النقاش وبرجع بقلك اكيد انتي مو ناطرة حدا يقلك انو هالنوع من المواضيع ممنوع مع العلم انو مذكور بالضوابط متل ماقلتي وهالنوع من المواضيع أكيد مابتختلفي معي انو بالفعل بيخدش الحياء العام لدى البعض..
فالفكرة واضحة وماننا مختلفين عليها اما بخصوص المخالفة فانتي شفتي اكتر من حالة لمواضيع من نفس النوع انحزفو واتخالفو الاعضاء يلي نزلوهون

طيب سؤال تاني يعني انتي برأيك اذا اجا عضو وحط صور جنسية بكرا كمان لازم نراسلو ونقلو انت خالفت الضوابط؟؟
الضوابط فضفاضة بس شاملة وواضحة ووقت يخالفها العضو بضوابط الاقسام مافي شي بيجبر المشرف يراسلو.. وموضوع المراسلة هو عرف مو قانون وهو بيكون بحالات بيكون بدها توضيح ومابتصور حالتنا هي بدها توضيح انو هيك غلط..
فوقت يفوت المشرف على القسم يلاقي كل يوم نكت من هالنوع بدو ينجبر يحزف ويخالف ليضبط الأمور

ولعلمك انا بالشهر الماضي وغيري من المشرفين خالفنا اكتر من عضو على هالنوع من النكت والكل عرفو بهالشي

واكيد عضو متلك عندو مواضيع تانية واهتمامات تانية مو كتير مستقتل انو لاء بدي حط نكت جريئة

وهلا :D

يسعدلي صباحك ام الجود
انتي تخالفتي ع موضوع مخالف للضوابط العامة باخوية و بالفترة الماضية لما زاد هالنوع من هالمواضيع انجبرنا نحزف ونخالف الاعضاء بدون مراسلتون باعتبار مخالفتون واضحة لقيم اي منتدى محترم مو بس اخوية

وبعدين لما بيصير عدد المواضيع المحذوفة كتير بيصعب مراسلة الاعضاء

وللعلم هالاجراء اتاخذ من شهرين لليوم بحق اي حدا نزل هالنوعية من المواضيع من قبلي ومن قبل غيري من الاداريين

واذا اكتفيتي بتوضيحي وتوضيح ريم ياريت تسكري الموضوع
:D

يسعدلي صباحك ام الجود

و صباحك سويت !

عيني إم الجود هالموضوع أخد حقو من النقاش وبرجع بقلك اكيد انتي مو ناطرة حدا يقلك انو هالنوع من المواضيع ممنوع

معنى كلامك إني بعرف انو هالمواضيع ممنوعة و مع هيك نزلتها ... لأ هالحكي مو صحيح ..!


فالفكرة واضحة وماننا مختلفين عليها اما بخصوص المخالفة فانتي شفتي اكتر من حالة لمواضيع من نفس النوع انحزفو واتخالفو الاعضاء يلي نزلوهون

مو مختلفين عالمخالفة في حال كان الداعي الها معلوم و مع هيك المخالفة تمّت :


لو إني من بعد التبليغ نزّلت مواضيع جديدة مخالفة فهون باكل المخالفة من تم ساكت و بضرب للمشرف تحية و سلام ...


طيب سؤال تاني يعني انتي برأيك اذا اجا عضو وحط صور جنسية بكرا كمان لازم نراسلو ونقلو انت خالفت الضوابط؟؟

عم تعتبري هي متل هي ؟؟ لهالدرجة طلعت أنا منحلّة و ما عندي خبر ؟!!!


لما زاد هالنوع من هالمواضيع انجبرنا نحزف ونخالف الاعضاء بدون مراسلتون باعتبار مخالفتون واضحة لقيم اي منتدى محترم مو بس اخوية

والله بعرف انو المنتدى محترم .. و أنا كمان ماني بنت شوارع ..!


وبعدين لما بيصير عدد المواضيع المحذوفة كتير بيصعب مراسلة الاعضاء

من دون ما تعتبري كلامي تدّخل بشغلك كمشرفة .. أكيد مو كلما مشرف حذف رد بدو يرجع للعضو يراسلو و ياخد رأيو .. بس أنا صرت منزلة أكتر من موضوع و ما حدا من المشرفين نبهني انو هالشي ممنوع .. و بفرد مرّة طبت علي المخالفة (و هي متل ما قالت بترفلاي أقوى مخالفة) .. طيب لو انك حاطة التبليغ تبع امبارح من شهرين (يعني من لما بلشت هالنوعية من المواضيع تكتر) مو كنتي وفّرتي على حالك نص الشغل اللي اشتغلتيه قبل شوي من حذف مواضيع و مخالفات للأعضاء بالجملة ؟؟!


وللعلم هالاجراء اتاخذ من شهرين لليوم بحق اي حدا نزل هالنوعية من المواضيع من قبلي ومن قبل غيري من الاداريين



ولعلمك انا بالشهر الماضي وغيري من المشرفين خالفنا اكتر من عضو على هالنوع من النكت والكل عرفو بهالشي


مين يعني الكل ؟ أنا عرفت انو هالمواضيع بتستدعي الحذف و المخالفة من التبليغ اللي نزلتو سويت بيبي امبارح بالليل لأنه متل ما سبق و قلت ما في بالقسم ضوابط مشاركة ... أما عن حذف المشرفين لهالنوع من المواضيع فهو كمان صار مبارح بالليل (بدليل انو موضوعي اللي اتخالفت عليه ضل أكتر من 4 أيام بالقسم و صار فيه وراه 61 رد) و مخالفات الأعضاء اللي ضايفين هالمواضيع فكمان ما عندي علم فيها بنوب أولاً لأنه متل ما الكل بيعرف المخالفات سرية و تانياً لأني ما صدف و حكيت عالخاص مع ولا واحد من هالأعضاء ...


واكيد عضو متلك عندو مواضيع تانية واهتمامات تانية مو كتير مستقتل انو لاء بدي حط نكت جريئة

تسخيف للحوار و لشخصي أنا انك تضلي شايفة هدفي من ورا السؤال هو إصراري على إضافة هالنوع من المواضيع ...
برجع و بقول : أنا ما عم ناقش لأني مستقتلة على حط النكت الجريئة .. و إلا كنتي شفتيني عم ناقش بحذف المواضيع مو بالمخالفة ..


وهلا :D

مية هلا :D


واذا اكتفيتي بتوضيحي وتوضيح ريم ياريت تسكري الموضوع
:D



حاضر ... و هي إغلاق !