من فتره عم احكي مع أحدى صديقاتي اللي كانت عتواصل معي خلال مروري بتجربه حب قديمه .. سألتني عنها و هي خجلانه و خيفانه عليّ .. ردت فعلي كانت عاديه جاوبتها بتفاصيل كيف \ ليش \ ايمت خلصت القصـّه و استغربت انـّو بعدنا لهلأ بنحكي و بعدنا بنتواصل في حال صار ضروره (( بدون ما تكون القصّـه مكمله )) فشرحتلها وجهه نظري من القصـّه و طبعا ً هي كانت مصرّه على انها تضلها عم تواسيني:lol: و لليوم و هالشي بعصبني عفكره :pos: ..

و في وحده جارتنا وقت كنا صغار كانت تجي لعند أهلي وقت كانت عم تجهـّز لعرس بنتها و تحكي عن عريس الغفله و تشرح و تتغزّل فيه و يا سلام يا سلام .. بعد فتره تركو بعض و جارتنا ضلت تجي لعنـّا و تحكي عن عريس الغفله (( سابقا ً )) لكن هالمرّه مسبات و نشر غسيل وسخ و عمل و ساوى و شو شرشوح الجهاز اللي جبلها ياه وطقم الكاسات بميتين ليره و طنجره الضغط بمابعرف قديش ..

أيـضا ً بتذكر أختي الصغير كان عندها رفيقه بالروضه أو الابتدائي و كانو صحبه و أسرار و قصص و يا ويله اللي بيحكي على (( آلاء او ولاء كان اسمها البنوته )) .. لحد ما صار في مشكله عشي برايه أو محايه او مشكله صغيره بيناتهم جهزت على اثر هالمشكله كل وحده منهم جيوشها (( عصابتها :larg: )) و نزلو شد الشعر ببعض .. بوقتها رجعت أختي عالبيت و حكتلنا كل أسرار رفيقتها و صار ذكر اسمها بالبيت هوّ اشعال ثوره .. المضحك بالموضوع انـّو بعد فتره رجعو تصالحو و رجعت صارت (( آلاء )) من أعز أصدقاء اختي ..

اللي بدي أوصله من كلّ هالأمثله أنـّو ليش دائما ً الأمور بمنظورنا امـّا بيضا أو سودا ؟ ليش يا معنا يا علينا ؟؟ يا أنا يا أنت .. يا بحبه و بموت فيه و بجن عليه يا ما بدي اسمع اسمه بجبلي العصبي ؟ يا جيد جدّا ً يا سيئ جدّا ً ؟ ليش ما بنقدر نطلع عالصوره كامله في آن معا ً ؟؟
أكيد الشخص \ الشيئ ما بيتغيرو بالسرعه اللي بيتغير حكمنا فيها عليهم .. لذلك هالأمر أكيد مرتبط فينا أكثر من ارتباطه بالآخر .. بنهمل ببعض الأوقات اشياء بندقق عليها في حال اختلفنا مع الأشخاص..

ليش و كيف و ايمت بنغيـّر حكمنا على ألاشخاص \ الاشياء بشكل مفاجأ ؟ و هل هالشي مقبول بالنسبه الك ؟؟ هل بتمارسه ؟؟ صدقا ً ؟

هات خبرونا :D

بالنسبة ل الي الشخص منيح معي من الاول اكيد رح يضل معي منيح لان انا ما رح اعمل شي يئزيه (متأكدة من حالي يعني :lol:) .... ف ازا صار شي مرة وازاني الله يسامحو ...صح بصير في شي مو منيح بقلبي بحسو مشانو ...بس بضل بيوم من الايام كنا انا وهالشخص مناح ..خصوصي ازا كان في بيناتنا خبز وملح ...مابقدر احكي ع حدا بالعاطل غير ازا جرحني بقوة ويمكن ما احكي ابدا .. هيك كنت من فترة
بس حاليا :

وبهالوقت ..فيني شي تغير ..صايرة حساسة زيادة عن اللزوم .. يمكن كلمي تدايقني اسبوع .. وغالبا ما بقبل ب انو حدا يدعسلي ع طرف :sly:
بس انو اقعد اشلي عهالشخص بشي مو منيح ؟همممم ممكن تصير بس بالمواقف اللي صارت معي ...يعني بس بشو هوي ازاني ... بباقي ما تبقى يصطفل :lol:

بما اني قبل دقائق كنت عم أقرأ ميكانيزمات الدفاع النفسي (الحيل الدفاعية) ... Defense Mechanisms لsandra
فأول ماخطر عن بالي أقول انها احدى الحيل الدفاعية..:p

بس من المنظور الشخصي...اعتقد انولما الواحد يحكي اكثر من اللازم بموضوع معين او شخص معين فهي ردة فعل يحاول من خلالها امتصاص احساس معين يعجز بالتعبير عنه...:D
وان العواطف ما تظهر بشكل مفاجئ...بس احيانا تنمو باعماقنا ونهملها لان ما نملك دافع يترجمها لتصرف...ولما يحصل ابسط خلاف ممكن يكون دافع ليخرج مخزون العواطف..
بس في حالات نكون على قدر ما نعتز بالشخص المقابل على قد ما يأثر بينا اساءتهم...وتتحول المحبة السابقة كلها لاحساس بالمرارة (مو كره)..احساس نعجز عن التعبير عنه رغم كثرة الكلام اللي نستخدمه بمحاولتنا بالتعبير..


:ss:

بالنسبة ل الي الشخص منيح معي من الاول اكيد رح يضل معي منيح لان انا ما رح اعمل شي يئزيه (متأكدة من حالي يعني :lol:) .... ف ازا صار شي مرة وازاني الله يسامحو ...صح بصير في شي مو منيح بقلبي بحسو مشانو ...بس بضل بيوم من الايام كنا انا وهالشخص مناح ..خصوصي ازا كان في بيناتنا خبز وملح ...مابقدر احكي ع حدا بالعاطل غير ازا جرحني بقوة ويمكن ما احكي ابدا .. هيك كنت من فترة
بس حاليا :

وبهالوقت ..فيني شي تغير ..صايرة حساسة زيادة عن اللزوم .. يمكن كلمي تدايقني اسبوع .. وغالبا ما بقبل ب انو حدا يدعسلي ع طرف :sly:
بس انو اقعد اشلي عهالشخص بشي مو منيح ؟همممم ممكن تصير بس بالمواقف اللي صارت معي ...يعني بس بشو هوي ازاني ... بباقي ما تبقى يصطفل :lol:
اي انت طيوبه اخر شخص بتوقعه يعمل هيك حركات هو انت :lol: !

بما اني قبل دقائق كنت عم أقرأ ميكانيزمات الدفاع النفسي (الحيل الدفاعية) ... Defense Mechanisms لsandra
فأول ماخطر عن بالي أقول انها احدى الحيل الدفاعية..:p

بس من المنظور الشخصي...اعتقد انولما الواحد يحكي اكثر من اللازم بموضوع معين او شخص معين فهي ردة فعل يحاول من خلالها امتصاص احساس معين يعجز بالتعبير عنه...:D
وان العواطف ما تظهر بشكل مفاجئ...بس احيانا تنمو باعماقنا ونهملها لان ما نملك دافع يترجمها لتصرف...ولما يحصل ابسط خلاف ممكن يكون دافع ليخرج مخزون العواطف..
بس في حالات نكون على قدر ما نعتز بالشخص المقابل على قد ما يأثر بينا اساءتهم...وتتحول المحبة السابقة كلها لاحساس بالمرارة (مو كره)..احساس نعجز عن التعبير عنه رغم كثرة الكلام اللي نستخدمه بمحاولتنا بالتعبير..


:ss:


اي و انا بتفق معك بانـّو هو رد فعل دفاعي .. من منطق الهجوم الدفاعي .. لكن اللي حاولت وصله انو هالحاله الاجتماعيه هي بنمارسها بدون ما ننتبه يمكن .. يعني هي ظاهره بتزعجني .. أنا شخصا ً مافيّ احقد بشكل تام عشخص كنت مبارح عم نلعب و نضحك و نمزح سوا .. ما بشوف انـّو بتظبط و لكن بنفس الوقت مافيّ اذا شخص زعجني او جرحني او او اني ما اخد موقف .. و ايضا بالمقلوب احيانا ً بتحكي شي بيقوم الطرف التاني هوّ اللي بيدخل بالحاله الدفاعيه و هكـذا ..

مابعرف لنشوف شو رأي الشباب و الصبايا

ليش و كيف و ايمت بنغيـّر حكمنا على ألاشخاص \ الاشياء بشكل مفاجأ ؟

حسب المعاملة.. او ازا هيك صار شي شغلة


و هل هالشي مقبول بالنسبه الك ؟؟
ابدا .. وللافس يعني
انو بكره بحالي هي الشغلة .. مثلا انو متل ما صار بالمثال تبعك ..
انو يمكن كون انا رفيقة اختك:lol:.. فا بتجي اختك بتحكي عليي وكزا ..
فا انا طبعا عالحشرية تبعوت العالم .. اللي بحبو ينقلو حكي .. ما بعرف ليش بس انو من سبيل التسلية لا اكتر ولا اقل
انو شبا هي البنت .. ومدري شو .. وليش تقاتلو ..
انا ما بحكي شي .. وبقول انو صارت شوية مشاكل .. وبسكت
بيجو هني هيك متل الحبابين انو ليش يعني ..
هلأ المهم ما بدي احكي قصة حياتي بس الفكرة انو انا بكره انو العالم بتحكي عليي بس انا ما بحكي على حدا .. انو هيك يعني لا اكتر ولا اقل..

هل بتمارسه ؟؟
اتسء اتسء .. مع اني بتمنى ..


هاموش:
صدقا ً ؟

هازه الكلمة من اكتر الكلمات اللي بحسا انو فيها كزب .. مدري واي

انا بصراحة كتير ضد هالفكرةو اللي بحسها سائدة عند اغلب الناس يعني إذا صدر غلط واحد من قبلك تجاهي فأنا برمي كل شي منيح إنت عامله بحياتك معي ورا ضهري وبحقد عليك الحقد الأسود.

برأي هاد الشي غلط مية بالمية و بالنسبة إلي كل شخصلازم يكون إلو ميزان يعني الإشيا المنيحة بكفة والعاطلة بكفة وهالشخص منيح طالما كفة المنيح هي الغالبة وعاطل لما العكس...!!!

وياما في أشخاص بيعملو معك معروف واحد لو عملو مقابيلو كل شي عاطل بالدني بتبقى كفة المنيح غالبة:D

هلأ بيني وبينك الشغلة شغلة انو الواحد احيانا بيطلع من قلبك .. هلأ انا مثلا بالزمناااااات كان عندي رفيق انا ويا متل الاخوة ويمكن اكتر وبينتانا شي كتير .. المهم صارت بيناتنا قصة بصراحة انا نسيت شو كانت حتى .. المهم هالقصة هي خلتني اقطع عنو بحدود السنة وشوي .. ماعاد حدا فينا يحكي مع التاني .. بعد كل هالعشرة .. ومع انو انا ويا منتقابل يوميا بس انو ضلينا سنة وشوي ماحدا يحط عينو بو التاني ماعدا المشاكل اللي صارت باول القصة .. هلأ بعد بفترة رفقاتنا عملولنا صلحة وهيك .. وتصالحنا وانا كنت مفكر انو يمكن نرجع متل اول بس للاسف تفاجأت اني ماعاد اقدر احكي مع هالانسان حتى !! انو عنجد مع اني متصالح انا وياه وهو كان يدقلي بس انو خلص انا انجرحت منو وماعاد انو فيني احكي معو متل ماكنت احكي معو اول شي غريب جواتي كان كل مايحكي معي .. انو خلص البني ادم طلع من قلبي .. واللي انكسر مستحيل عادي يتصلح ..
وطبعا لهلأ مارجعنا متل اول مع انو في حكي بين فترة وفترة بس كلو ع الرسمي بحسو او فض عتب


هلأ نفس القصة صارت معي مع رفيق تاني .. بس وكمان صار كتير اخد ورد عليها .. بس انو ماقدرنا اكتر من يومين ورجعنا نحكي مع بعض ولا كانو في شي .. وكمان احيانا بتصير مشاكل بتوصل للسما وخصوصي مثلا وقت في لعب طابة او شي .. احيانا لما الموضوع بيكبر الكتير بصير فيو ضرب احيانا وتدفيش انو ابشع من الغربا .. بس مجرد ماتخلص المباراة مثلا او انشقت حالا لبعد شي ساعة او ساعتين بالكتير.. بتلاقينا رجعنا نحكي مع بعض ولا كأنو صار شي وشكلنا انو كتير هيك مستحيل تصدقي انو هالشخصين مثلا كانو متقاتلين من شوي ..

وطبعا هون بتوقف الشغلة ع طريقة تعامل الاطراف مع القصة هلأ ممكن بالمثال الاول لما صارت نفس المشكلة مع رفيقي الاول انو هو حكى كلمة وحدة يمكن جرحتني خلتو يطلع من قلبي بالمرة .. وماعود اتقبلو ولا اشتهي اسمع صوتو حتى لو بعد مية سنة وحتى لو شعلي اصابيعو العشرة !!

بينما مع رفيقي التاني هو تعامل يمكن مع الموقف بطريقة احسن .. وماجرحني او اساء اللي مع انو القصة كبرت كتير .. وحتى لو صارت خناقة بلعبة طابة مثلا .. بس ضل في غلط مني ومني ومع وكبرا القصة بس ماحصل فيا اي تجريح فبتلاقي انو القصة خللصت بارضا وماحدا متزكرا ..
وكمان شغلة تانية درجة حبك للناس يمكن تختلف يعني مثلا انا ازا بحب هالانسان كتير كتير ممكن عديلو ياها وهو بعديلي .. وانو عادي .. بس في ناس صعبة تعديلن لو شو ماكان .. مع انو بتكوني مفكرة حالك بتحبي هالانسان اكتر حدا بالدني .. بس بتتفاجئي انو ع اول غلطة بغلطة معك بتكرهي تسمعي سيرتو .. وحبل الود ممكن ينقطع بينك وبينو .. وهالحكي كمان ازا بدك كمان بينطبق ع اخوي اللي هو اخوي احيانا بتصير مشاكل بيني وبينو مابطول 5 دقايق ومنرجع منحكي مع بعض واحيانا ع مشاكل منضل اسبوع ماحدا بحكي مع التاني واكتر

كل قصة بالنهاي بتتعتمد ع طريقة تعامل الطرفين مع بعض .. وع مقدار الحب اللي بقلبك اتجاه هالانسان اللي صارت مشكلة بينك وبينو

مرحبا ام الشوش ..

انو هيكه .. فكرة حلوة جدا .. وعجبتني .. وبتزكرك بحالك فورا ..

هلا اخر فترة .. وبحكم المنطقة اللي عايش فيها .. انو بتصير معي هيك حالة .. ولكن للاسف بدي قولها من ناحية عرقية .. او بالاحرى ازا بدي اوصفها تمام .. من ناحية الجنسية .. " بدون زعل " ..

ما لح ازكر بالتحديد اسماء او شي .. او شغلات بس .. فعلا تناقش واضح عم شوفو قدامي .. لزلك خلّى عندي هي الفكرة .. المقلوبة براسي .. بيوم اللي بكون فيه مع العالم .. منيح ومبسوط بكون كلو تمام .. بلحظة معينة بموقف معين .. بصير فورا ما بزكر غير كلشي سلبي موجود جواتو .. وبيشتغل التعميم براسي ..

بحاول جدا اني خبي هاد الشي .. وما طلعو كتير .. لما اجرح حدا .. " من اكتر الشغلات اللي بكرها بالواحد لانو انو ينحكى عليه من ورا ضهرو " .. مع الرغم انو بعملا احيانا بس ما بكون طايق حالي يعني ..

هلا ليش .. اكيد وقت بتكموني بتحبي حدا او شخص او شي معين .. بتشوفيه بطير العقل .. او بالاحرى بتحاولي انك تتغاضي عن الشغلات اللي مانا منيحة فيه .. بس ليصير موقف ما معين .. لفترة معينة خلينا نقول .. بتصيري بتططلعي .. بتلاقي .. اكيد العيوب اللي موجودة بكل واحد فينا .. بس هون بقا بتعتمد عالشخصية زاتا .. انت كيف نظرتك .. وانا عندي فكرة هون .. يمكن تكون موجودة ..

بتوقع لو الشخص كان " عزيز " جدا عليك .. بتوقع انو .. اكيد لح تنتبه او تزكر السلبياات بس ما بتوصل .. لدرجة انك تبلش تحكي عليه من وراه .. اما ازا يعني ها ما بين وبين بتلطشلك كام كلمة ..

اي وهاكازا ... وعفكرة فعلا اول ما تخلص القصة وتمرق .. بترجع بتقول لحالك اي يعني عادي .. شو كلنا فينا هيك وهيك .. وانو ما هالشغلة المهمة فيه ..

وهوكزا ..

:D

ابدا .. وللافس يعني
انو بكره بحالي هي الشغلة .. مثلا انو متل ما صار بالمثال تبعك ..
انو يمكن كون انا رفيقة اختك:lol:.. فا بتجي اختك بتحكي عليي وكزا ..
فا انا طبعا عالحشرية تبعوت العالم .. اللي بحبو ينقلو حكي .. ما بعرف ليش بس انو من سبيل التسلية لا اكتر ولا اقل
انو شبا هي البنت .. ومدري شو .. وليش تقاتلو ..
انا ما بحكي شي .. وبقول انو صارت شوية مشاكل .. وبسكت
بيجو هني هيك متل الحبابين انو ليش يعني ..
هلأ المهم ما بدي احكي قصة حياتي بس الفكرة انو انا بكره انو العالم بتحكي عليي بس انا ما بحكي على حدا .. انو هيك يعني لا اكتر ولا اقل..


اي انا برأي صح تعاملك يعني تمام بس يمكن حسيت لحد معين ما وصل تماما ً اللي بدي قوله بالقدر المطلوب للكل مش بس الك .. لكن كيف فيك تحكي على شخص كان بتربطك فيه علاقه جيده (( حتى في حال انتزعت هي العلاقه خيو و فرط الحب و فرطت الصداقه )) .. انو يعني يا رجل انا ما بتظبك معي بقيسها براسي ما بتظبط خيو ما بتظبط تجي تحكي شي ما كان فيك تحكيه وقت كنتو اصدقاء هممم ..

شغله أيضا ً في حال صار اشكال صغير مش محتاج يفرط الحب مشانه و تفرط الصداقه .. كيف عنجد كيف بيقدر شخص يحكي عشخص تاني بالعاطل يرجع يحكي معه بعد فتره و كأنّ شيئا ً لم يكن .. بكل بساطه :? !

انا بصراحة كتير ضد هالفكرةو اللي بحسها سائدة عند اغلب الناس يعني إذا صدر غلط واحد من قبلك تجاهي فأنا برمي كل شي منيح إنت عامله بحياتك معي ورا ضهري وبحقد عليك الحقد الأسود.

برأي هاد الشي غلط مية بالمية و بالنسبة إلي كل شخصلازم يكون إلو ميزان يعني الإشيا المنيحة بكفة والعاطلة بكفة وهالشخص منيح طالما كفة المنيح هي الغالبة وعاطل لما العكس...!!!

وياما في أشخاص بيعملو معك معروف واحد لو عملو مقابيلو كل شي عاطل بالدني بتبقى كفة المنيح غالبة:D
اي هي منتشره كتير (( خصا بحمص :lol: )) انو مش دائما بتكون غلطه وحده .. بس يعني ايّ يكن غلطه أو عشره ففي ناس عندها مقدره عجيبه عانها تحكي بالعاطل و يصير عندها حقد رياضي .. و أكتر شي مزعج بقى لما بتجي بعد فتره و بتلتقو و يحكوكي عادي .. هون انا عنجد بحس انها بتنكز كرامتي او مدري كيف شخص سمعانته عم يحكي علي بالعاطل يجي بده ياخدني بالاحضان انو هلا تصالحنا قال يعني :lol: فرجعت صرت من المرضي عليهم ..
و تماما ً متل ما قلتي .. حتى الأشخاص اللي ممكن نصنفهم بحياتنا على انهم مش مناح او ما بناسبنا نتعامل معهم فيهم شغلات منيحه بس مدري ليش أغلب الناس بتنساها وقت بتجي سيره هالأشخاص هدول .. شي يا لطيف عمي ..

:D

اي هي منتشره كتير (( خصا بحمص :lol: ))
:frown:
...

حلوة هاي عريس الغفلة
:o
طيب سؤال بصلب الموضوع
اذا انت مع شخص
مو بس مسألة حب , تحبية وميته في وهو داييييييييييييب فيكي
نووو نوو
مقتنعة في عقليا انو المناسب لتكفي معو مشوار حياتك
فكريا وروحيا وثقافيا متفقين وحتى على اسماء الولاد متفقين
بس في اشايء الواحد من البداية يخبر الثاني عنها مثلا انا ما بحب كذا فيك تبطل منو وكمان الثاني يقدم تنازلات اي طبعا ما في واحد مفصل تفصال حسب مرامنا او رغبتنا
يعني لازم نقدر انو هذا الشخص عاش حياة كاملة بعيد عنا وانا كمان بعدد سنين عمره
بس
انا وانت اتفقنا ما في كذا وكذا وانا ابطل كذا وكذا حتى المركب يمشي مو؟
وبعد ما نتغلغل بالعلاقة ونتطور نكتشف انو الشخص الثاني ما عمل الي علي من الاتفاقية
وظل على طبعه!!!! وكان كل هذا الوقت يحاول يخبي الامر بله شو بمرور الوقت تتعود علي وعلى سلبياتي
طيب بدي حدا يجاوبني شو راح يكون موقف الاول من تصرفه؟؟؟

طيب بدي حدا يجاوبني شو راح يكون موقف الاول من تصرفه؟؟؟
انا برأي فيكي تاخدي التصرف اللي بتحسيه انسب الك .. لكن مافي داعي يكون ضمن هالتصرف انك تحكي عنـّه بالعاطل مثلا ً او انك تجرحي و تشهري فيه .. يعني متل ما بقولو بالعامه كرمال الخبز و الملح اللي كان بيناتكم يعني ..

هيك ولا مو هيك ؟؟

:D

حلوة هاي عريس الغفلة
:o
طيب سؤال بصلب الموضوع
اذا انت مع شخص
مو بس مسألة حب , تحبية وميته في وهو داييييييييييييب فيكي
نووو نوو
مقتنعة في عقليا انو المناسب لتكفي معو مشوار حياتك
فكريا وروحيا وثقافيا متفقين وحتى على اسماء الولاد متفقين
بس في اشايء الواحد من البداية يخبر الثاني عنها مثلا انا ما بحب كذا فيك تبطل منو وكمان الثاني يقدم تنازلات اي طبعا ما في واحد مفصل تفصال حسب مرامنا او رغبتنا
يعني لازم نقدر انو هذا الشخص عاش حياة كاملة بعيد عنا وانا كمان بعدد سنين عمره
بس
انا وانت اتفقنا ما في كذا وكذا وانا ابطل كذا وكذا حتى المركب يمشي مو؟
وبعد ما نتغلغل بالعلاقة ونتطور نكتشف انو الشخص الثاني ما عمل الي علي من الاتفاقية
وظل على طبعه!!!! وكان كل هذا الوقت يحاول يخبي الامر بله شو بمرور الوقت تتعود علي وعلى سلبياتي
طيب بدي حدا يجاوبني شو راح يكون موقف الاول من تصرفه؟؟؟
إنت لمابتحبي حدا لازم أول شي تحطي في بالك إني أنا بحبو هيك متل ماهو أوكيه عندو إشيا ياريت تتغير بس عكل الأحوال بس أنا قبلانو متل ماهو ،تغير كتير منيح ماتغير عكل أنا مافيني عيش بلاه على عجرو وبجرو وهاد نصيبي .

أما لوكان بدي ارتبط بحدا مو لاني بحبو لأني مقتنعة فيه فساعتها لازم مايكون فيه ولاشي مو عاجبك ولازم تكوني مقتنعة بكل شي فيه بنسبة 100% وإذا هو ماقدر يوصل لمرحلة إنتي مايكون إلك عليه اي اعتراض جوهري (طبعا جوهري كلمة مطاطة يعني اللي جوهري بالنسبة إلك يمكن يكون مو جوهري لغيرك)فنصيحة هيك ارتباط بلاه لأني هون بكون غايب الدافع الوحيد للغفران وهو الحب.

وبالتالي المحصلة نحنا ممكن نحاول نغير اللي بنحبه لأني ساعتها ممكن نقدر نتقبل النتيجة شو ماكانت وهو بالمقابل ممكن يكون عندو استعداد يقدم تنازلات أما اللي بس مقتنعين فيه فلأ

طيب يا ستي
انا اؤمن انو الحب عطاء وتضحية
ولازم كل واحد يقدك شي للثاني حتى يتوافقوا ويتفقوا
ما في اسمه اقتناع 100% !!! دليني علي هذا وينه الي ممكن الوحدة تقتنع في 100% :shock:
وكمان مو باسم الحب لازم الواحد يتحمل اشياء سلبية مو بس بالنسبة اله حتى بالبنسبة للمجتمع والدين وكل شي
يعني
في شي خطأ وخطأ واضح وغير مقبول على جميع الاصعدة بس في يتنازل عنه مو شغلة مستحيلة
بعدين المباديء شي ثابت
بس الطبعا مكتسبة ممكن الواحد بارادة واقتناع يصححها نحو الافضل

طيب يا ستي
انا اؤمن انو الحب عطاء وتضحية
ولازم كل واحد يقدك شي للثاني حتى يتوافقوا ويتفقوا
ما في اسمه اقتناع 100% !!! دليني علي هذا وينه الي ممكن الوحدة تقتنع في 100% :shock:
وكمان مو باسم الحب لازم الواحد يتحمل اشياء سلبية مو بس بالنسبة اله حتى بالبنسبة للمجتمع والدين وكل شي
يعني
في شي خطأ وخطأ واضح وغير مقبول على جميع الاصعدة بس في يتنازل عنه مو شغلة مستحيلة
بعدين المباديء شي ثابت
بس الطبعا مكتسبة ممكن الواحد بارادة واقتناع يصححها نحو الافضل
أنا بقلك ايمتا بتكوني مقتنعة 100% لما بكون عند متل شي اسمه شروط أساسية أو مفصلية طبعا مهما كانت المهم إني إنت ماعندك استعداد تتنازلي ولا عن وحدة منها وبجي واحد بحقق هالشروط بتكوني مقتنعة فيه مية بالمية.
يعني مية بالمية بحقق المواصفات اللي ماممكن تتنازلي عنها بس هاد مويعني إنو بحقق كل المواصفات المنيحة بالكون.

أما بموضوع الحب مافيني ناقش لاني أنا شفت قدام عيني امثلة لكتير ناس كانت تقول معقول أنا أحب من غير ديني؟ معقول أحب واحد مامعه مصاري؟ معقول أحب واحد مو حلو؟وبالأخير لما حبو بتحسيهن كأنو مو شايفين عيوب حبيبهم قد ماكانت واضحة يعني متل مابقولو الحب أعمى

بس إنت متل ما اتوضحلي إني عمتحكي عن الحب باقتناع يعني تقتنعي إنك تحبي شخص ما وأنا شخصيا مع هالفكرة العقلانية للزواج بس بالنهاية أنا مابسميها حب:D

[B]أما بموضوع الحب مافيني ناقش لاني أنا شفت قدام عيني امثلة لكتير ناس كانت تقول معقول أنا أحب من غير ديني؟ معقول أحب واحد مامعه مصاري؟ معقول أحب واحد مو حلو؟وبالأخير لما حبو بتحسيهن كأنو مو شايفين عيوب حبيبهم قد ماكانت واضحة يعني متل مابقولو الحب أعمى

بس إنت متل ما اتوضحلي إني عمتحكي عن الحب باقتناع يعني تقتنعي إنك تحبي شخص ما وأنا شخصيا مع هالفكرة العقلانية للزواج بس بالنهاية أنا مابسميها حب:D

بالفقرة الاولى انا معك ميه بالميه...
الحب شعور سامي لالون له ولا دين ولا عرق ولا ولا ولا ولا حتى رصيد بالبنك
يا ناس لما تحب شخص لذاته لانو انسان عقل وروح و مشاعر , في تفاهم وتناغم وله لشو ينحب؟؟
انا ما اعترف بهاي القشور السطحية باسم الارنباط او الحب اصلا هاي صفقات تخلو من الانسانية.
اما بالنسبة للفقرة الثانية:

انا معك مليون بالمية!!
بس بالنهياة اسميها حب + عقل مو هوى اعمى.
ليش ما سامعة بالناس الي تحب بعقلها؟
ما عم بحكي عن حب اول النظرة وما اعرف شو شغلات مراهقين.
وكمان ارجع التوافق والتناغم هو الي خلق هذا الاعجاب اولا ثم الارتياح ثم التعود ثم الادمان ثم لحب ثم الرغبة بعيش العمر معو.
ودمتم عشاقا.:hart:

بالفقرة الاولى انا معك ميه بالميه...
الحب شعور سامي لالون له ولا دين ولا عرق ولا ولا ولا ولا حتى رصيد بالبنك
يا ناس لما تحب شخص لذاته لانو انسان عقل وروح و مشاعر , في تفاهم وتناغم وله لشو ينحب؟؟
انا ما اعترف بهاي القشور السطحية باسم الارنباط او الحب اصلا هاي صفقات تخلو من الانسانية.
اما بالنسبة للفقرة الثانية:

انا معك مليون بالمية!!
بس بالنهياة اسميها حب + عقل مو هوى اعمى.
ليش ما سامعة بالناس الي تحب بعقلها؟
ما عم بحكي عن حب اول النظرة وما اعرف شو شغلات مراهقين.
وكمان ارجع التوافق والتناغم هو الي خلق هذا الاعجاب اولا ثم الارتياح ثم التعود ثم الادمان ثم لحب ثم الرغبة بعيش العمر معو.
ودمتم عشاقا.:hart:


صراحة ممكن حدا يقتنع بشخص ويتعود عليه ويعجبه ويكمل معه حياتي كله هاد ممكن ،لكن بس اتدخل العقل بالحب بدك تدخلي عليه شروط وضوابط والحب لايقبل الضوابط
و انا من وجهة نظري بس انتفت صفة الجنون عن الحب ببطل حب ممكن يتسمى أي اسم بس مو حب

صراحة ممكن حدا يقتنع بشخص ويتعود عليه ويعجبه ويكمل معه حياتي كله هاد ممكن ،لكن بس اتدخل العقل بالحب بدك تدخلي عليه شروط وضوابط والحب لايقبل الضوابط
و انا من وجهة نظري بس انتفت صفة الجنون عن الحب ببطل حب ممكن يتسمى أي اسم بس مو حب

" الحب = 100% جنون"
هون انا استسلم.. ما فيّ ناقشك بعد.

" ليس حبا,
اصرخ
أنا الحمقاء الشرقية
ليس حبا هذا الارتعاش الذي تهديني!
لكنني ..
إن لم أتعذب بكل ذات لحظة
إن لم أتهشم أمام رجولتك
إن لم أتضائل
اتقد
أتسكع في متاهاتك
سيكون أي شيء آخر,
ليس حبا.."
جنووووووووون (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

" الحب = 100% جنون"
هون انا استسلم.. ما فيّ ناقشك بعد.

" ليس حبا,
اصرخ
أنا الحمقاء الشرقية
ليس حبا هذا الارتعاش الذي تهديني!
لكنني ..
إن لم أتعذب بكل ذات لحظة
إن لم أتهشم أمام رجولتك
إن لم أتضائل
اتقد
أتسكع في متاهاتك
سيكون أي شيء آخر,
ليس حبا.."
جنووووووووون (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)





هالكلمات أكتر من رائعة :D

اسود :larg:





الحب

أنا صراحة ضد فكرة ثبات الانسان على ما هو عليه..... يعني ممكن أول ما أعرف الشخص يكون حبوب بس مع الزمن ينقلب الى ضد ذلك وعندها نضطر الى تغيير حكمنا على الأشخاص وبصورة مفاجئة ومن دون تفكير.....
هذا ما عندنا والله أعلم
:ss::ss::ss::ss::ss::ss::ss::ss:

اسود :larg:


الحب

له له له .. الحب اسود :shock: ؟ انو انا برأي وقت بيجي يوم بصير الحب اسود فما بكون ضل شي ابيض بالدني .

أنا صراحة ضد فكرة ثبات الانسان على ما هو عليه..... يعني ممكن أول ما أعرف الشخص يكون حبوب بس مع الزمن ينقلب الى ضد ذلك وعندها نضطر الى تغيير حكمنا على الأشخاص وبصورة مفاجئة ومن دون تفكير.....
هذا ما عندنا والله أعلم
:ss::ss::ss::ss::ss::ss::ss::ss:

في مقوله بتقول لا يوجد صديق دائم أو عدو دائم ما دام هناك مصالح مشتركة .. يعني مافي شي مطلق صديق دائم و هي تبع الى الابد ( قصدي تبع احبك للأبد مش التانيه اللي بتجيب مشاكل :p ) بحسها مش حقيقيه لانو مافي شي اسمو فرندز فور ايفر و هالحكي .. و أنا معك انو في مرحله اسمها مرحله اكتشاف الآخر سواء بصداقه بعلاقه ارتباط او حتـّى بالشغل .. و بعد فتره ممكن تختلف المقايس .. أنا وقت بلشت شغلي من تلات سنين في وحده عنا بالشغل كانت كتير حبابه معي و كنت كتير كتير عزها اكتشفت بعد فتره انها بوجهي حبابه و بتتصل بالاداره تبع الشغل تشكي عليّ و تألّف قصص :jakoush: .. فأكيد بطلت احترمها او حتى ارغب باني اطلع بوجهها .. و لكن اللي عم قوله بهالموضوع عامه انـّو سواء كانت علاقه حب او صداقه أو اي شي كان وقت بينشأ علاقه ( ان شا الله مع قطه ) فانو نحنا عاده بنلجأ لانو يا ناخد العلاقه بطريقه انو يا لطيف و اجمل ما يكون و احلى ما يمكن وصفه أو يا جحيم و حياتي عذاب و ظلم و قهر .. يعني بننسى بكلتا الحالتين وضع الميزان ككل و بننظر للطرف الاثقل فقط ..

يعني انا أكيده مافي شخص 100% سيئ/ جيد أو حتـّى 90% سيئ/ جيد لكن نحنا بنتعامل مع الأمور من هالمنطلق .. او هيك انا بشوف انو اللي عم يصير ..