لن ندخل كثيرا في التاريخ ولماذا سميت الدولة العثمانية به

وما يهمني هنا هو الاسم تحديدا

اليوم .. هناك رجال مرضى كثيرون جول العالم و بدرجات مختلفة

و ربما سايكولوجية الرجل الريض هي جزء من اي كيان أو احد الاوجه فيه


ساتكلم هنا عن الرجل المريض في الصحافة و الاعلام العربي

فعند حجب الصحافة و مضايقات الاعلام في الدول العربية او ايران .. يقولون وفق قانون "ما يسمى بالارهاب" في أميركا يتم حجب بعض المواقع

و لكن المقارنة لا تصح هنا ... فقد اثبت الواقع لا يمكن مقارنة القاعدة بأي معارضة عربية حتى ان كانت تنوي استخدام العنف مستقبلا

لا يمكن مقارنة التعتيم الاعلامي الموجود في ايران هذه الايام بحجب موقع او موقعين في امريكا ثبت انهم مرتبطين رسميا بالقاعدة

و ربما هذه البرامج هي ضمن خطة التعتيمة للتغطية على المشاكل الموجودة في ايران


تكلمنا عن ايران كثيرا .. سنتكلم اليوم عن مثال آخر


اليوم الاعلام العربي الحيادي يغطي حدثين ساخنين ..

اولا .. الاشتباكات في اقليم شينجيانج في الصين

ثانيا .. الاشتباكات في جنوب اليمن


لو نقارن بين الحدثين.. نجد انهم مختلفين في التاريخ و الواقع و خاصة ان الويغور في اقليم سينج يانج ذوي اصول تركية و ان اليمن الجنوبي كان مستقلا و من ثم اتحد و حدثت حرب انفصالية ...

الشيئ المشترك هو الاتي ..

مظاهرات علنية تدعو للانفصال

تدخل الجيش لقمع التظاهرات

مظاهرات لموالين للحكومة للتنديد بالمظاهرات الانفصالية


لن ادخل كثيرا في التفاصيل المعقدة سواء في اليمن او في اقليم شينجيانج ..

و لكن الملفت للنظر حسب التغطية الاعلامية العربية

الدعم المعنوي لحكومة علي عبدالله صالح و اليمن الموحد

التركيز على ان الانفصاليين ليسوا اغلبية في اليمن الجنوبي

التركيز الاكبر على سلمية المظاهرات للموالين للحكومة


في حين..

دعم معنوي مستمر للانفصاليين في الصين و العزف على وتر (ذو اغلبية مسلمة) على اقليم شينجيانج من قبل اغلب وسائل الاعلام العربية

التركيز على قمع المتظاهرين و حظر التجوال من قبل الجيش الصيني

التركيز على مظاهر العنف من قبل المتظاهرين الصينيين المناهضين للمشروع



و مع ذلك طالما يدعي الاعلام العربي الحيادية و يتهم الاعلام الغربي بانه منحاز ضد العرب .. و حقيقة اني اجد الاعلام الغربي ايضا يدعم من يشاء و لكن الحق يقال .. تظل صورة الدعم مختلفة !

فلا اظن انه من الممكن على الساحة العربية اظهار صور تعذيب داخل المعتقلات و نشرها كما فعل الاعلام الاميركي

مثال حي .. الاعلام العراقي المعارض كان يركز على اي شيئ حتى سوء الخدمات .. في حين عندما اصبح نفس الاعلام هو اعلام الدولة تغيرت الحالة كثيرا فلا يركز على الخدمات التي ساءت جدا في هذه الايام

بل ما زال يركز على سلبيات النظام السابق !


المحطة الشعبية في العالم العربي هي من تفسر حسب اهواءها و اهواء الجماهير .. كأننا في برنامج ما يطلبه المستمعون لا برنامج يعرض الحقائق للمشاهد


و لذلك اضحك ساخرا على طريقة تفكير هذا الاعلام عندما يوالي او يعارض قضية ,,,
و اتذكر مقولة الكاتب الشهير برنارد شو
Patriotism is your conviction that this country is superior to all other countries because you were born in it

و الترجمة بتصرف
الوطنية هي الاقتناع بان وطنك هو افضل من كل الدول لانك ولدت فيه !


و يمكن تبديل كلمة الوطنية .. بأي كلمة مطلقة مثل الانتماء الديني او الانتماء السياسي او اي انتماء آخر

وجهة نظر أعتقد أنها مصيبة جداً


:D

الحقيقة انو الاعلام الموضوعي مضروب سوقو بالشارع العربي بشكل عام..
خلال متابعتي لردود الافعال عقناة المشرق باعتبار انها تجربي اعلاميةسورية انا مهتم فيها..

وجدت كثير الانتقادات يلي ما فيني اوصفها.. انتقادات بتوصل للشتم والتجريح والتخوين و اتهامات بالعمالي.. لمجرد انو المذيع قال"ضحية" وما قال "شهيد"..

مفهوم الحياد الاعلامي غائب كليا عن ذهنية مجتمعاتنا.. للأسف..
وبالمقابل " ما يطلبه المستمعون " هوي الناجح الوطني المخلص البطل المناضل..

ساتكلم هنا عن الرجل المريض في الصحافة و الاعلام العربي

فعند حجب الصحافة و مضايقات الاعلام في الدول العربية او ايران .. يقولون وفق قانون "ما يسمى بالارهاب" في أميركا يتم حجب بعض المواقع

و لكن المقارنة لا تصح هنا ... فقد اثبت الواقع لا يمكن مقارنة القاعدة بأي معارضة عربية حتى ان كانت تنوي استخدام العنف مستقبلا

لا يمكن مقارنة التعتيم الاعلامي الموجود في ايران هذه الايام بحجب موقع او موقعين في امريكا ثبت انهم مرتبطين رسميا بالقاعدة

و ربما هذه البرامج هي ضمن خطة التعتيمة للتغطية على المشاكل الموجودة في ايران





انا مع هفكرة بس ماني مع هلموقف
يعني انا مع فكرة عدم النظر إلى تصرفات أميركا لتبرير فكرة الحجب

بس ماني مع التعليل بأن السبب هوي أنه اميركا عم تمنع المواقع الارهابية
من فترة كنت عم أقرا على محاكمة اميركي بتهمة المساعدة ببث اشارة قناة المنار ( التابعة لحزب الله )
على الأرض الامريكية

بالنهاية القمع غير مرحب فيه ( لهيك انا مشترك معك بالفكرة )
بس مو لأن أميركا أفهم مننا أو لأن الها أسبابها ( لهيك ماني معك بالموقف )... لأن القمع بحد ذاته فكرة خاطئة .



و مع ذلك طالما يدعي الاعلام العربي الحيادية و يتهم الاعلام الغربي بانه منحاز ضد العرب .. و حقيقة اني اجد الاعلام الغربي ايضا يدعم من يشاء و لكن الحق يقال .. تظل صورة الدعم مختلفة !


فلا اظن انه من الممكن على الساحة العربية اظهار صور تعذيب داخل المعتقلات و نشرها كما فعل الاعلام الاميركي


المطالبة بالحيادية أمر مستحيل ... وهلشي مانه مرتبط بالاعلام العربي كونه مأدلج أو موجه
المثالين اللي طرحتن " اليمن والصين " لا يمكن اتخاذ مواقف حيادية من جهة إعلامية بتعتبر نفسها اسلامية أو مرعاة من جهة أسلامية كون أحد أطراف النزاع بيتصل مع الجهات الداعمة للإعلام بطريقة أو بأخرى
الحيادية ما بتصير بمواضيع بتمس الشخص اللي عم ينقل الخبر .. أكتر ما يمكن توقعه من الشخص هاد هوي الموضوعية .

بالنسبة لأميركا ما بعتقد عندا مشكلة بنقد تصرفات الحكومة أو بنقد المعتقلات وواقعن كون الاعلام الإميركي ما بيدخل بدائرة موالاة ومعارضة بقد ما بيدخل بدور نقل الصورة بموضوعية والبحث عن سبق صحفي .

مثال معاكس لليلي قلته : اليورو نيوز اثناء الحرب على غزة غيرت الشارة الفاصلة بين الاخبار وضمنتها لصورة أم يهودية مصابة بالزعر من صواريخ حماس .
ما فينا نطالب القناة بالحيادية كون القائمين على القناة معنيين بنقل الصورة هي للعالم .. فينا نطالبها بالموضوعية .. اكتر من هيك صعب كتير .


مثال حي .. الاعلام العراقي المعارض كان يركز على اي شيئ حتى سوء الخدمات .. في حين عندما اصبح نفس الاعلام هو اعلام الدولة تغيرت الحالة كثيرا فلا يركز على الخدمات التي ساءت جدا في هذه الايام

بل ما زال يركز على سلبيات النظام السابق !


المحطة الشعبية في العالم العربي هي من تفسر حسب اهواءها و اهواء الجماهير .. كأننا في برنامج ما يطلبه المستمعون لا برنامج يعرض الحقائق للمشاهد


مزبوط وهي هية العلة .. غياب الموضوعية أو تغييب الصوت غير الحيادي المعاكس
انك يا اخي مانك قادر تنقل الصورة الحيادية .. معلش نقلها بمنظورك بس سماح للي بخالفك هاد المنظور ينقل الصورة بنمظوره الشخصي .
و لذلك اضحك ساخرا على طريقة تفكير هذا الاعلام عندما يوالي او يعارض قضية ,,,
و اتذكر مقولة الكاتب الشهير برنارد شو


و الترجمة بتصرف
الوطنية هي الاقتناع بان وطنك هو افضل من كل الدول لانك ولدت فيه !


و يمكن تبديل كلمة الوطنية .. بأي كلمة مطلقة مثل الانتماء الديني او الانتماء السياسي او اي انتماء آخر

حكي نضيف ولا غبار عليه
على فكرة انا اكتشفت حديثا اني من اشد المعجبين ببرنادشو وبأفكاره وبأقواله
رهيب هلزلمة .

وردة لبو سارة الغالي :D

وجهة نظر أعتقد أنها مصيبة جداً


:D

اعتز برايك ابن العم :D



الحقيقة انو الاعلام الموضوعي مضروب سوقو بالشارع العربي بشكل عام..
خلال متابعتي لردود الافعال عقناة المشرق باعتبار انها تجربي اعلاميةسورية انا مهتم فيها..

وجدت كثير الانتقادات يلي ما فيني اوصفها.. انتقادات بتوصل للشتم والتجريح والتخوين و اتهامات بالعمالي.. لمجرد انو المذيع قال"ضحية" وما قال "شهيد"..


هي احد مساوئ الواقع العربي ... و نتيجة ادلجة الناس على الانا الجمعي

و تكون البرمجة .. اما التـأليه او التخوين .. ما في حل وسط

و الاحلى من شخص يكون بمقام التأليه و على حين غرة ينتقل الى خانة العمالة و العكس صحيح



مفهوم الحياد الاعلامي غائب كليا عن ذهنية مجتمعاتنا.. للأسف..
وبالمقابل " ما يطلبه المستمعون " هوي الناجح الوطني المخلص البطل المناضل..
يجي يوم و يتحول ذوق المستمعين :lol:


شكرا كتير على المرور .. :D:D

انا بشوف bbc
حيادية اكتر من القنوات العربية بنقل الاحداث
الاعلام عنا بتدعموا حكومات
والحكومات ماراح تدعم الا من يدعمها
وبالنسبة لقناة المشرق ع قولة جيمي
ما قالو شهيد
قالو ضحية
وكلامهن لاغبار عليه الشهيد ضحية
بس غير مخطات لبسموهون قتلى
:D

يمكن نحنا متفقين على اغلب النقاط ... و هذا شي يسعدني ..


انا مع هفكرة بس ماني مع هلموقف
يعني انا مع فكرة عدم النظر إلى تصرفات أميركا لتبرير فكرة الحجب

بس ماني مع التعليل بأن السبب هوي أنه اميركا عم تمنع المواقع الارهابية
من فترة كنت عم أقرا على محاكمة اميركي بتهمة المساعدة ببث اشارة قناة المنار ( التابعة لحزب الله )
على الأرض الامريكية

بالنهاية القمع غير مرحب فيه ( لهيك انا مشترك معك بالفكرة )
بس مو لأن أميركا أفهم مننا أو لأن الها أسبابها ( لهيك ماني معك بالموقف )... لأن القمع بحد ذاته فكرة خاطئة .
[quote]

عزيزي ...ما رح اتكلم على قضية قناة المنار لان انا ضد هذا الشي تماما

و لا انا معجب بالاعلام الامريكي .. اللي برر الاحتلال للعراق


بس هناك منظمات تهدد الامن و من حق اي دولة ان تدافع عن مواطنيها و امن اراضيها ..

و لذلك حجب مواقع معارضة ( مثل ما تم حظر الحزب الشيوعي بأميركا و اليوم عم تقول فناة المنار) ... يفرق جدا عن حجب مواقع ارهابية للقاعدة كانت تجمع الاموال من خلال جمعيات وهمية

لكن في شي مبرر و شي سياسي

[quote]

المطالبة بالحيادية أمر مستحيل ... وهلشي مانه مرتبط بالاعلام العربي كونه مأدلج أو موجه
المثالين اللي طرحتن " اليمن والصين " لا يمكن اتخاذ مواقف حيادية من جهة إعلامية بتعتبر نفسها اسلامية أو مرعاة من جهة أسلامية كون أحد أطراف النزاع بيتصل مع الجهات الداعمة للإعلام بطريقة أو بأخرى
الحيادية ما بتصير بمواضيع بتمس الشخص اللي عم ينقل الخبر .. أكتر ما يمكن توقعه من الشخص هاد هوي الموضوعية .

بالنسبة لأميركا ما بعتقد عندا مشكلة بنقد تصرفات الحكومة أو بنقد المعتقلات وواقعن كون الاعلام الإميركي ما بيدخل بدائرة موالاة ومعارضة بقد ما بيدخل بدور نقل الصورة بموضوعية والبحث عن سبق صحفي .

مثال معاكس لليلي قلته : اليورو نيوز اثناء الحرب على غزة غيرت الشارة الفاصلة بين الاخبار وضمنتها لصورة أم يهودية مصابة بالزعر من صواريخ حماس .
ما فينا نطالب القناة بالحيادية كون القائمين على القناة معنيين بنقل الصورة هي للعالم .. فينا نطالبها بالموضوعية .. اكتر من هيك صعب كتير .هو نحنا نبحث عن الموضوعية المغيبة

عندك ال بي بي سي BBC ... حاولت تكون موضوعية تجاه حرب اسرائيل على غزة ... بس مع ذلك خطات من رفضت تعلن بث اعلان اخدمات انسانية لاهالي غزة ...

يمكن هون ما كانت موضوعية .. بس حاولت تكون حيادية




مزبوط وهي هية العلة .. غياب الموضوعية أو تغييب الصوت غير الحيادي المعاكس
انك يا اخي مانك قادر تنقل الصورة الحيادية .. معلش نقلها بمنظورك بس سماح للي بخالفك هاد المنظور ينقل الصورة بنمظوره الشخصي .المشكلة هذا الاعلام الطويل .. خلق مسجلات معو ...
يعني تلاقي نفس الاشخاص يطلعوا يحكوا حكي التلفزيون بالضبط


اتذكر قبل شي عشر سنين .. طلعوا برنامج الاتجاه المعاكس و كان الموضوع على حرب الخليج الاولى

المهم .. بعد شوية طلع سبتايتل ... نستقبل ردود افعالكم على الهواتف التالية .....

و طلعت مرا حكت حكي الضيف الاول بالضبط و بنفس الكلمات تقريبا ... بحيث انا قلت لو تجي تمتحن درس التربية الوطنية مكاني :lol:


و اليوم نفس الشي صار ... تحكي الناس حكي التلفزيون اللي يعجبها

و بالنهاية في كثير العاب قذرة تنلعب خلف الكواليس .. و نحنا اللي لازم نحاول نكشفها !


حكي نضيف ولا غبار عليه
على فكرة انا اكتشفت حديثا اني من اشد المعجبين ببرنادشو وبأفكاره وبأقواله
رهيب هلزلمة .

وردة لبو سارة الغالي :D

و انا كمان من زمان معجب بالعبقري برنارد شو

و الف وردة الك ابو طوني ... :D

انا بشوف bbc
حيادية اكتر من القنوات العربية بنقل الاحداث
الاعلام عنا بتدعموا حكومات
والحكومات ماراح تدعم الا من يدعمها


اتفق تماما .. وبنفس الوقت المعارضة ما رح تدعم الا مين يدعمها !


وبالنسبة لقناة المشرق ع قولة جيمي
ما قالو شهيد
قالو ضحية
وكلامهن لاغبار عليه الشهيد ضحية
بس غير مخطات لبسموهون قتلى
:D

قلي على الصعيد الواقعي .. شو الفرق بين ضحية و قتيل و شهيد و شهيد مغدور ....
بس احس بالظلم من شوف شهداء على ناس و قتلى على ناس تانية ... مثل فلسطين و تالعراق ... على سبيل المثال


و حتى ما يدخل الاعلام بايراد و مصرف .. يتم اختيار كلمة شاملة على كل مدني ينقتل بساحة عامة او بالبيت ...

وبالنسبة لقناة المشرق ع قولة جيمي
ما قالو شهيد
قالو ضحية
وكلامهن لاغبار عليه الشهيد ضحية
بس غير مخطات لبسموهون قتلى
:D
من بعد اذن ابو سارة .. بعرف الموضوع بعيد إلى حد ما وما بيحمل اضافة فنية اله
بس في غنية لكلنا سوا ما بقدر انساها وقت بصير الحكي على موضوعية نشرات الأخبار

الغنية من الألبوم الاخير بعنوان " الأخبار "
مقطع بسيط منها :

مرة بقولوا استشهد مرة بقولوا مات
مرة بقولوا توفى ، أو فارق الحياة
مرة بقولوا حكومة مرة بقولوا نظام
مرة بقولوا الشارع مرة اسمه الرأي العام

سمعوها من هوووووووووووون (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
سامحنا أبو سارة :D

قلي على الصعيد الواقعي .. شو الفرق بين ضحية و قتيل و شهيد و شهيد مغدور ....
بس احس بالظلم من شوف شهداء على ناس و قتلى على ناس تانية ... مثل فلسطين و تالعراق ... على سبيل المثال


و حتى ما يدخل الاعلام بايراد و مصرف .. يتم اختيار كلمة شاملة على كل مدني ينقتل بساحة عامة او بالبيت ...

انا بقول كل شخص مدني بيموت بحرف او عمليات عسكرية ارهابية شهيد الا الناس اللي بيكونوا محتلين لبلد
متل اسرائيل انا ما بتخيلهون ضحايا بالمرة
بس انو قتيل بتفرق عن ضحية
مثلا فيك تشوف العربية انو سمت اللي ماتو بإيران خلال الاحتجاجات بالضحايا
أما اللي ماتو وقت حرب غزة بالقتلى ولهلاء بتقول قتلى
:D