-
دخول

عرض كامل الموضوع : نصيحة بكتاب

ِAbu Alzooz
08/07/2009, 03:35
بما انو الصيفية بلشت

و الوقت كتر و ما عما لاقيلو تصريف

بقا يا شبيبة الخير كل واحد

يراجعلي مخو

و ينصحنا بشي كتاب هيك

خرج ينقرا


:D
ابو نجبو
08/07/2009, 06:39
حبيبي أبو الزوز...ابو وليم.....

شو اللي بيستهويك....؟

روايات.... تاريخ....ميثولوجيا.....سياسة...

:D
ِAbu Alzooz
09/07/2009, 02:38
أبو نجبو الحبيب


هلق الروايات أول مرتبة بعدين يبجي التايخ و الميثولوجيا و السياسة عنا ياها بالفطرة
Abu ToNi
09/07/2009, 02:53
ما حلك تعجز من الروايات :jakoush:
يلعن اختا والله الأدب شي حلو بس ما عدت اقدر اقرا اي كتاب أدبي
صرلي شي سنة ونص على هي الحالة
حاليا عم اقرا بتاريخ الفن وحياة الفنانين :lol:
اذا الك مصلحة بهلمضمار بجبلك اسم كام كتاب بيعجبك
ِAbu Alzooz
09/07/2009, 03:10
لا دايمة بس شفلي اذا في شي كتاب عن حياة الفنانة سارية السواس و شي كاتب شارح غنية و ين سهرانة مبارح
Abu ToNi
09/07/2009, 03:13
ساريا السواس :o
يلعن دينك عم قلك فنانين
يعني بقصد الرسامين شيت عصر النهضة الأوروبية وهلقصص

طب في براسي كتاب ممكن يععجبك
ما بقلك عليه قبل ما توعدني انك بدك تقراه بشكل كامل ولآخر صفحة
غير هيك ما بقلك اسم الكتاب :pos:
ِAbu Alzooz
09/07/2009, 03:45
بوعدك

و بعدين سارية هي من اهم اعلام عصر النهضة بالكراجات
Abu ToNi
09/07/2009, 03:51
يمكن تكون قاريه ما بعرف .. بس بالنسبة الي من أعظم الروايات الأدبية اللي قريتا بحياتي
حتى انه البحموشة بالفلنتيان ضيفتني ياه لأنها بتعرف اني وقت قريته كنت مستعيره من المكتبة اللي كنت مشترك فيها بزمناتي

فقووووووووووووووش (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

ترا من هلق عم احكي معك ... بجوز يعن على بالك انحام وموسيقى وأنغام 0 المعنى بقلب الشاعر 0 شروي غروي وانت عم تقراها فلا تاكل هم حالة عرضية بتمضى بنهاية الرواية .
ِAbu Alzooz
09/07/2009, 04:05
الله يرحم ايام التتلحين و التنغيم خلص صلاحيتو و احترق الكرت

و الأجنحة قاريها شي بالميتة 10 مرات و سلمى كرامة رمز الانثى يلي بتمنها تكون ام وليام
Huzun
09/07/2009, 04:06
رواية الزنبقة السوداء ,, ومونتي كريستو لألكسندر دوماس

زوربا اليوناني لـ كازنتزاكيس

الخيميائي .. ساحرة بورتوبيلو .. الشيطان والآنسة بريم لـ باولو كويلو
Abu ToNi
09/07/2009, 04:16
الله يرحم ايام التتلحين و التنغيم خلص صلاحيتو و احترق الكرت

و الأجنحة قاريها شي بالميتة 10 مرات و سلمى كرامة رمز الانثى يلي بتمنها تكون ام وليام
العمش .. هيك فجأة ما بعرف ليش صرت احترمك :lol:

طب شو رأيك تحف عن زيقنا وتشوف شو لازمك بالموضوع هاد

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
The morning
09/07/2009, 07:09
من مكتبتي الشخصيه بقترح .. روايه الأم لمكسيم غوركي .. هالروايه قريتها وقت قطعت لفحص التاسع , أسهر تحت اللحاف معي بيل اقرا فيها كرمال أهلي ما يكتشفو انو عم اقرا روايات بالوقت اللي لازم كون عم ادرس فيه .. من أروع ما قريت .. يعني بقدر صنـف تاريخي تبع القراءه بـ قبل قراءه الأم و بعد قراءتها .. هي النصيحه رقم 1

النصيحه رقم 2 .. غرباء في أوطاننا لوليد مدفعي .. هالكتاب وقت قريت الأهداء تبعه عرفت انـّو رح استمتع فيه .. و هاد اللي صار بيحكي عنك و عني و عن جاركون بالبنايه و عن جارنا كمان .. ظريف اذا قدرت تحصل عليه فهاد أيضا ً نصيحه ...

هدول بالعربي اللي تذكرتهم لو عبالك تقرا انكلش كمان ردلي خبر في خبره مع الروايات الانكليزي اكتر من العربي :oops:


حاليا عم اقرا بتاريخ الفن وحياة الفنانين :lol:
اذا الك مصلحة بهلمضمار بجبلك اسم كام كتاب بيعجبك

حيو ابو طوني ..
عمـّي اذا هيك ليش ما بتتفضل بتشرفنا بالقسم بنعمل شي مشروع مشترك أنا و انت .. على أيّ مرحله من مراحل تاريخ الفن وصلت ؟؟ + شو أسماء الكتب اللي عم تقراها (( اسماء فقط مش ضروري روابط )) ؟
Abu ToNi
09/07/2009, 11:48
حيو ابو طوني ..
عمـّي اذا هيك ليش ما بتتفضل بتشرفنا بالقسم بنعمل شي مشروع مشترك أنا و انت .. على أيّ مرحله من مراحل تاريخ الفن وصلت ؟؟ + شو أسماء الكتب اللي عم تقراها (( اسماء فقط مش ضروري روابط )) ؟
ماني ماشي بخط منتظم لسبب بسيط انه ما عندي حدا يدلني على التسلسل الزمني أو الفكري لهي المرحلة
عم اقرا كلشي بيوقع بايدي من أدبيات الفن ومن مراحل تطور اساليبه وهيك قصص .. بلشت معي من الفن العاري :lol: سحبنا على مايكل آنجلو وسحبت رجلنا على الطريق .. بس مافي شي احتراف مجرد قراءات عشوائية من شي سنة تقريبا كنت عم اقرا على الفوفيزم وتحمست ونزلت الموضوع بالتصوير .. هلكام يوم رح نزلي كمان هيك شي .. ترقبوا ( على أحرّ من الجمر :p - يا لطيف شدني لئيم :o )
The morning
09/07/2009, 11:58
ماني ماشي بخط منتظم لسبب بسيط انه ما عندي حدا يدلني على التسلسل الزمني أو الفكري لهي المرحلة
عم اقرا كلشي بيوقع بايدي من أدبيات الفن ومن مراحل تطور اساليبه وهيك قصص .. بلشت معي من الفن العاري :lol: سحبنا على مايكل آنجلو وسحبت رجلنا على الطريق .. بس مافي شي احتراف مجرد قراءات عشوائية من شي سنة تقريبا كنت عم اقرا على الفوفيزم وتحمست ونزلت الموضوع بالتصوير .. هلكام يوم رح نزلي كمان هيك شي .. ترقبوا ( على أحرّ من الجمر :p - يا لطيف شدني لئيم :o )

قولك هلأ بقلعوني من المكتبه أذا قلتلك انو عنجد كنت رح عصب عليك (( بس ما عصبت )) لما قلت ما عندك حدا يدلك .. ليش برأيك عاملين قسم طويل عريض اسمه رسم و تصوير :x !!

على كلـّن أنا قاريه كل الحقبه الزمنيه (( بدايه بالفراعنه و انتهاء ً باليوم )) :larg: ..

يا لئيم انت :sly:
Abu ToNi
09/07/2009, 12:04
طب هاتيلنا شي كتاب بيحكي على ادبيات الفن بالحضارة المصرية القديمة
انا بعرف رمزية النقوش بشكل كبير لأني قاري هلقصص من ناحية الميثولوجيا بس ماني قاريها من ناحية النقد الفني
نفعينا بشي شغلة .. بتكسبي ثواب فيني :o
The morning
09/07/2009, 12:12
طب هاتيلنا شي كتاب بيحكي على ادبيات الفن بالحضارة المصرية القديمة
انا بعرف رمزية النقوش بشكل كبير لأني قاري هلقصص من ناحية الميثولوجيا بس ماني قاريها من ناحية النقد الفني
نفعينا بشي شغلة .. بتكسبي ثواب فيني :o

انا للصراحه قريانه مجلد كبيييير بمكتبه الجامعه (( انكليزي )) بيدبا عند الفراعنه و بينتهي بالفنون تبع 1990ز بعدين كملت بكتاب تاني عن الفن من 1990 لحد اليوم .. اذا بدّك بحاول شفلك ياه بالمكتبه الألكترونيه تبع الجامعه اذا موجود المجلد فيها بلطشلك ياه .. اذا لاء بنزل بالقسم موضوع عن فنون الفراعنه ..

شو ديل ؟
Abu ToNi
09/07/2009, 12:15
انا للصراحه قريانه مجلد كبيييير بمكتبه الجامعه (( انكليزي )) بيدبا عند الفراعنه و بينتهي بالفنون تبع 1990ز بعدين كملت بكتاب تاني عن الفن من 1990 لحد اليوم .. اذا بدّك بحاول شفلك ياه بالمكتبه الألكترونيه تبع الجامعه اذا موجود المجلد فيها بلطشلك ياه .. اذا لاء بنزل بالقسم موضوع عن فنون الفراعنه ..

شو ديل ؟
ديل ونص وخمسة :lol:

:D
قمح
09/07/2009, 14:58
هالروايه قريتها وقت أسهر تحت اللحاف معي بيل اقرا فيها كرمال أهلي ما يكتشفو انو عم اقرا روايات

:D .............
butterfly
09/07/2009, 15:22
اوف كتير مهم ه الموضوع خاصة اني كتير عم احتار انا وعم اشتري

هلق أنا عموما ً يعني بنصحك ب
1 ) مزرعة الحيوانات - جورج أورويل " ذكاء سياسي رهيب ، من أروع الأدب السياسي اللي قريانتو بحياتي كلها "
2 ) 1984 لنفس الكاتب ..
3 ) الآن هنا :( .. أكثر من رائعة ، بتدوخ - عبد الرحمن منيف
4 ) الأشجار واغتيال مرزوق - كمان منيف
5 ) جنون آخر - ممدوح عدوان
6 ) حيونة الإنسان - كمان ممدوح ورائع

تاريخ انا عم اقرا اوراق فارس الخوري ورائعين جدا جدا ، كمية هائلة من تاريخ سوريا اللي ما منعرفو

:mimo:
ابدا بهدول ومنحكي ليخلصو
:gem:
ritka
09/07/2009, 19:09
هدول بالعربي اللي تذكرتهم لو عبالك تقرا انكلش كمان ردلي خبر في خبره مع الروايات الانكليزي اكتر من العربي :oops:



انا بهتم بهيك شي..
بشو بتنصحينا..؟


:D
ِAbu Alzooz
10/07/2009, 02:12
يسلمون شوش و ميمو :D

بس للصراحة شدني عنوان حيونة انسان

و لح نبلش فيها
Abu ToNi
10/07/2009, 04:54
يسلمون شوش و ميمو :D

بس للصراحة شدني عنوان حيونة انسان

و لح نبلش فيها
ههههههههههههههههههههههه يا زلمة بشرفي انك نهفة
قلتلي شدك ما :lol:
LiOnHeArT.3LA2
10/07/2009, 05:45
6 ) حيونة الإنسان - كمان ممدوح ورائع



خالتو خالتو .. انو هادا الكتاب مرفوع .. او هيك شي ؟

انو كيف بدنا " احصل " عليه
cornholio
10/07/2009, 06:07
خيو ما إلك غير الخيميائي ل باولو كويليو

بس بدك تمخمخ عليها هاه

:D
i m sam
10/07/2009, 12:36
بما انو انذكر الموضوع وانذكر .. انا بالنسبة الي رح ابدأ بأوراق فارس الخوري عم دور على هيك امر من زمان.
في سؤال تاني بدي شي لافهم الماركسية .. يعني مابدي كتاب معقد ويحتاج لكتابين تانيات لافهم عليه .. اذا حدا عندو كتاب بسيط شوي لافهم شو معنى ماركسي بيكون فضّل عليي.
ابوالميش
10/07/2009, 12:48
نصيحة مني
في كاتب اسموا احمد خالد توفيق (مصري)
في الو رواية اسما يوتوبيا
عم بقلك خيلة نصيحة الك ابو الزوز قراها واذا بدك الرابط تبعا من شان تنزلا قول لا تخجل خيو;)
butterfly
10/07/2009, 13:35
خالتو خالتو .. انو هادا الكتاب مرفوع .. او هيك شي ؟

انو كيف بدنا " احصل " عليه
لأ ما مرفوع ، ( وكنت بدي اشتغل عليه في ناس :pos::pos: قالولي انن هني عم يشتغلو عليه وهادا وش الضيف )

حيونة الإنسان بيحاول يدخل لعقلية الشخص اللي بيمارس التعذيب ع الآخرين ، بالحرب ، بالمعتقلات ، الشبيحة .. ... إلخ
نظرة لنفسية والعوامل اللي بتخلي الإنسان يكون عنيف تجاه انسان تاني
كتير حلو الكتاب :D
i m sam
06/08/2009, 12:05
تاريخ انا عم اقرا اوراق فارس الخوري ورائعين جدا جدا ، كمية هائلة من تاريخ سوريا اللي ما منعرفو
ميمو انا جبت الكتاب او اتنين هنن هيك لقيتهم بالسوق بس وكانو في كتاب تالت؟؟
ياترى نزل ولا لسا او تبع الكتبة ما عرف منيح؟
butterfly
06/08/2009, 12:19
ميمو انا جبت الكتاب او اتنين هنن هيك لقيتهم بالسوق بس وكانو في كتاب تالت؟؟
ياترى نزل ولا لسا او تبع الكتبة ما عرف منيح؟
هو لسى ما نزل " بحسب دار طلاس اللي بينشرولا لكوليت "
فأنو بمعرض الكتاب رح ارجع شوف
بتكون دار طلاس مشاركين