يصطفلووووو

بس أغلب المرات الي بنلاحظ فيها موضوع منتكش (ماضي نكش) , بنلاقيه من عضو لسّه مسجّل , يعني دخل عالمنتدى سجّل نزّل الي بدّه أيّاه وزناخه من أمّه بتلاقيه بحط رد وهوّه ما بيعرف انّه هالموضوع أكبر من عمره . . ! !

شغله تانيه :

أوّل شي شغلة النّكش ما حبيتها بس بعدين لمّا صرت شوف مواضيع مهمّه بتستاهل انه الواحد يقراها إتغيّرت فكرتي صرت انا دوّر على مواضيع قديمه بس ما انكشها . . ! !

وإذا ما عندك اشي مهم لازم الكل يعرفه وتزيده وتنكش رب هالموضوع وضروري جدا يكون ردّك اللّاوي مشان الواحد يضل ساكت ما تنكشه مشان كلمة شكراً . . ! !

ودمتم . :D

تعو لعـنـّا عالرسم و التصوير و الكاركتير .. عائله فنيه كريمه تقبل النكش بكل رحابه صدر (( على ان لا يحتوي على سبام )) .. :larg:


يعني نواكيش دبوسية بريشة بيكاسوية بيمشي الحال :?

يعني نواكيش دبوسية بريشة بيكاسوية بيمشي الحال :?

يعني نكـوش عكيفك أساسا ً يعني و بكل تواضع فأنا بشوف انو القسم كلّه بيستاهل النكش بشكل دوري :larg: .. (( لكن نكش بدون سبام ها ;) ))

يعني نكـوش عكيفك أساسا ً يعني و بكل تواضع فأنا بشوف انو القسم كلّه بيستاهل النكش بشكل دوري :larg: .. (( لكن نكش بدون سبام ها ;) ))
امممم

بما اني صاير سبامر :gem: طالع الصيت وطالع

يعني مو متل موضوع خاص فيني انا لحالي ما حدا يفوت :o

تسكت حتخش الجنة .. تنكش حتخش النار :larg:

يعني نكـوش عكيفك أساسا ً يعني و بكل تواضع فأنا بشوف انو القسم كلّه بيستاهل النكش بشكل دوري :larg: .. (( لكن نكش بدون سبام ها ;) ))
ما المواضيع القديمة ليست بمتناول الشغب الأخوي العتيد..ولسا تلت رباع المواضيع مرفقات:pos:..مع اني برفض رفع كل اخوية عروابط خارجية :o..

فمشان هيك انا عندي سؤال رح طير عالبريد اسألو:frown:..

امممم

بما اني صاير سبامر :gem: طالع الصيت وطالع

يعني مو متل موضوع خاص فيني انا لحالي ما حدا يفوت :o
اي اي حط فيه صورك الشخصية وصور اللعوبات اللي عندك ياهن بالبيت من أيام الطفولة :gem:

على هوا مابيصير بالعادة....
بيجي واحد جديد...بدو ينزّل شي غنية أو ملف...بتطلعلو الرسالة الكالحة...
فلان الفلاني....والله يامعلم ماعندك الصلاحي............الخ


بيقوم هو شو بيفكر...انو مسجل جديد وماعندو مشاركات....فبيدخل و بينكش عام طام.....منشان "على هوا فهمو" ازا زادو مشاراكتو يحقلو ينزّل من المرفقات......

اي وهيك....
ايه والله ياابو نجبو هيك صار معي بالأول كل قصة فوتي اني كان بدي نزل رقصة ستي:lol:
بس بعد مافتت لهون طلعتو بترقصو المخوزق وبتسلوا شي بعشرة وبتعملوا ادمان :lol:

والله يا جماعة يعني بتفرق
أنا شخصيا ً بشوف أنو نكش بعض الخواطر ، القصائد ، الكتب .. الرسم .. إلخ
بيحيي الموضوع بيخلي الجدد يشوفوه ، بيعطيه فرصة ينعرف اكتر وياخد حقو اكتر
" حتى لو بكلمة شكرا ًَ ما عندي مشكلة معها انا هي ال شكرا .. بحس اوقات ما فيك تقلو لبني ادم كاتب خاطرة رائعة ، وطحبش فيك القصص وفوتك بستين حيط ، غير يا شكرا ً ، يا يلعنك ع هالعملة وما فيك تقلو التانية لأنو بيخالفوك .. فبتقلو شكرا ً . "

بس كمان النكش ما يكون كتير ، القسم كلو مقلوب فوقاني تحتاني والناس اللي مواضيعها جديدة راحت بين الرجلين ، يعني شي باعتدال

هلق نكش المواضيع الحوارية ، انا بشوفو منيح ( بس ما كل الشباب بالإدارة هيك بيشوفو .. فبدكن تديرو بالكن ما تتخالفو وتقولو أم الميم قالت .. ام الميم غير مسؤولة عن تصريحات بالسقيفة )
يعني نكش موضوع قديم أحسن من انك تنزلو مرة تانية وتالتة وخامسة .. إلخ

وبس هيك
:gem:

نكوشة ;)

صراحة اكثر شي يطير عقلي منو ...

النكش بصورة لكتابة مثل اشكرك قد نص الصفحة :?


بالنسبة لكثير مواضيع علمية ... المفضل الناكش يحكي شي معلومة جديدة او اضافية ... و لا مانع من شكر بسيط

بس بكل شي حلو الاعتدال :lol:

يتغربلوو

هاد موضوع شغلة عنجد ، اي والله .

أنا بشوف ان سياسة الادارة تجاه النكش فعالة وجيدة بالنسبة الي ، ناقشنا بالموضوع وخلصنا وراح زمنو ، ما مهم الاعضاء الجدد يتناقشو :o
بس المشكلة او بالاحرى الخاذوق ، لما ينزلو موضوع جديد ، خوفا من استخدام الموضوع القديم والرد عليه نظرا لوجود المخالفات وهيك ، بيفاجئو ان بعض المشرفين بيخالفوهم او بيسكرو الموضوع الجديد ، لان الموضوع موجود مسبقا :o .

عنجد بعيدا عن الشماته (موقف الاعضاء الجدد اللي هنى غالبية اعضاء اخوية ) لا يحسد عليه بنقاش الافكار اللي سبق طرحها بالاخوية ، بين مطرقة مخالفة الاشراف بحالة النكش وبين سندان المخالفة من نفس الاشراف بحالة تنزيل موضوع جديد ، هون اول مشكلة بوجهة نظري ، اما تسمحو الون يشاركو بموضوعات قديمة او تسمحو الون ينزلو موضوعات جديدة او تطردهون برا الاخوية :o .

تاني مشكلة
الموضوع القديم ، اذا جد فيه شيئ او حدث ما او عند تغيير رأي العضو مع مرور الزمن ، كيف بدو يرد ؟ ويوضح موقفه الحالي والتغير اللي طرأ عليه (هاي بقى ممكن تكون مشكلة الكل قديم وجديد ) ومن باب الانصاف في اكتر من مشرف بيتفهم هذه الجزئية ، في مشرفين بيتعاملو مع النكش باسلوب عقلاني وعملي ، بيفرق بين نكشة بدون هدف ونكش بهدف ، في فرق بين نكش بكتابة كلمة نكوشة او ناكوش او يحط كلمة ما الها اي قيمة بالموضوع وبين رد بيضيف للموضوع . بس يبقى الوضع مبادرات شخصية واساليب خاصة وليس توجه عام .

تالت مشكلة بتنتج بعد النكشة
اذا واحد مغفل او واحد اخطأ بحق موضوع (التصرف من الاشراف بيكون تسكير الموضوع لحمايته ) هو الغرض ايجابي وجيد بس نتج عنه موت الموضوع مستقبلا وحرمان الاعضاء الجدد من النقاش فيه . اذا في حل وسط بيكون افضل للجميع . لان بصراحة بهالنقطة الواحد مافيه يقول التسكير خطأ ولا يقول صح لان الهدف بصالح الموضوع بالوقت الحالي ولكن مستقبلا ليس بصالحه .

انا بشوف انو النكش هو شي عادي , يعني لو كان في موضوع منتهي , مانو بحاجة ردود جديدة , مافي شي ينقال فيه , الاحسن انو يتسكر , بصير موضوع مغلق و نقطة انتهى.

طالما الموضوع مفتوح , فهو مفتوح ...و من حق اللي حابب يشارك بشي او يضيف شي او يعلق انو يشارك او يضيف او يعلق , و ما بعتقد انو هالشي المفروض يزعج حدا !!

كمان ممكن نقول انو نكش موضوع قديم احسن من التكرار , يعني لنفض انو عضو سجل مبارح و عندو شي حابب يحكيه بموضوع معين , الاحسن انو يعمل بحث بالمنتدى عن هالموضوع و يضم مشاركتو للموضوع القديم , احسن بكتير من انو يرجع يفتح موضوع جديد بنفس الموضوع .

هلأ انا حسب ما فهمت , وايت روز عم تنتقد النكش لمجرد النكش , يعني وقت واحد بفوت ع موضوع من ال 2005 مثلا و بضيف رد بيحتوي ع كلمة ( نكوشة ) !!! , بدون ما نفهم انو شو بدو من هالنكوشة , او انو شو الغاية من ترجيع الموضوع للصفحة الاولى , هاد الشي بينطبق عليه احكام السباااااام , و المفروض يعني انو الناكش ينعرض للمحكمة و ينحكم بالاعدام شنقا بالرصاص مدى الحياة , هيك ما بقى بعيدها و بصير عبرة لمن يعتبر :gem:



تماما ......:D

يحرء الحشيش تبعكم عملتولي الموضوع تشات وسبامات و و و و :frown:

تماما ......:D

يحرء الحشيش تبعكم عملتولي الموضوع تشات وسبامات و و و و :frown:
هلاء عاملة موضوع مشان تنشهري . أنو خلص شفناكي ;) :p

أنا مو ضد النكش .. إذا في من ورا هالنكش فايدة ...يعني إما إضافة عالموضوع أو التذكير فيه مرة تانية
( أنا السنة الماضية نكشولي موضوع عيد ميلادي بالتشريفات ... مشان ما يعملوا موضوع جديد .. شنو بتصير الفكرة مكررة )


بس كمان ما بصير تكون قصة النكش عشوائية ...
يعني مثلاً بعرف كم عضو كل ما فاتو على أخوية .. بينكشو كل مواضيعون .... بطريقة كتير بايخة ( متل إضافة شي سمايلي )
حتى انو السنة الماضية .. حاولنا كل فترة نرفع عم موضوع من المواضيع القديمة المميزة ليقدر الكل يشوفا


بالنهاية و برأيي ... بترجع الشغلة لتقدير مشرف القسم

المقصود بالنكش هو رفع موضوع قديم للصفحة الأولى من من خلال رد مابيحمل أي قيمة أو إضافة للموضوع أو بدون حدث بيستوجب رفع هالموضوع ... اما المشاركة يلي بتحمل قيمة مضافة للموضوع أو تزامن رفع الموضوع مع حدث معين بيخص الموضوع فهالشي مافينا نعتبرو نكش

اما بخصوص اقسام الحوار فاكيد مافينا نقبل برفع المواضيع القديمة على حساب مواضيع جديدة لسا ما اخدت حقها بالنقاش وبدون اي مناسبة غير انو حدا هلق شاف موضوع من 3سنين واجا على بالو يقتبس شي مشاركة ويط تحتها شي سمايلي أو مشكور

بخصوص اقسام الكمبيوتر والبرامج فاغلب حالات النكش بتكون بسبب مشكلة المرفقات وفكرة بعض الاعضاء انو لازم يضيفو رد ليقدرو يحملو من المرفقات متل مواقع تانية وهي اصعب حالة لانها كتيرة وبالفعل بتواحهنا مشكلة بحذف هالمشاركات

حكيت كتير ماهيك؟ :adal: