طالبت السفارة المصرية في برلين وزارتي الخارجية والداخلية الألمانيتين بتقديم إيضاحات وافية عن ملابسات قتل متطرف ألماني صيدلانية مصرية طعنا بالسكين وإصابة زوجها داخل قاعة المحكمة الابتدائية بمدينة دريسدن بشرق البلاد.

وفي اتصال هاتفي مع الجزيرة نت، أوضح الملحق الثقافي المصري في برلين السيد تاج الدين أن السلطات الأمنية والقضائية الألمانية سمحت لمندوب من السفارة المصرية بحضور التحقيقات عن جريمة القتل التي ارتكبها المتطرف أليكس دبليو بحق الصيدلانية مروة الشربيني فضلا عن طعن زوجها بثلاث طعنات في الكبد والرئة.

كما أشار تاج الدين إلي اهتمام السفارة المصرية بشكل خاص بمعرفة الدافع وراء إطلاق أحد رجال شرطة المحكمة الرصاص على زوج الضحية بينما كان يحاول حمايتها من المعتدي، مبديا استغرابه من وقوع الحادث "بهذه الكيفية في قلب محكمة ألمانية يفترض أن تتوفر بها إجراءات ملموسة للحماية الأمنية".

18 طعنة
ووقعت جريمة القتل خلال نظر المحكمة الأربعاء الماضي دعوى استئناف طالب فيها الجاني بإلغاء حكم سابق قضت فيه المحكمة نفسها بتغريمه مبلغ 780 يورو لصالح السيدة الشربيني تعويضا عما وجهه لها من إهانة شخصية بالغة في مكان عام.

وكانت المحكمة ذكرت في حيثيات هذا الحكم الذي أصدرته في نوفمبر/تشرين الثاني الماضي أنها تأكدت من وصف المتهم للمدعية بـ"الإرهابية المسلمة" و"العاهرة" لمجرد أنها طلبت منه إتاحة الفرصة لطفلها للعب بأرجوحة في حديقة الأطفال العامة بدريسدن.

وذكرت صحيفة دريسدنر مورغن بوست أن الجاني أليكس دبليو فاجأ القضاة والحضور خلال نظر المحكمة دعواه، ووجه للصيدلية المصرية الحامل في الشهر الثالث 18 طعنة نافذة أدت إلى وفاتها على الفور أمام أعين ابنها البالغ ثلاثة أعوام.

وأضافت الصحيفة أن زوج الضحية المصرية -وهو مبعوث للحصول على درجة الدكتوراه في معهد ماكس بلانك للفيزياء بدريسدن- حاول حماية زوجته غير أن الجاني عاجله بثلاث طعنات شديدة في الكبد والرئة، مشيرة إلى أن الزوج الذي يرقد في حالة صحية حرجة تعرض أيضا لإصابة بالرصاص من شرطي بالمحكمة اعتقد أنه الجاني.



دافع عنصريووجهت النيابة العامة في دريسدن إلى أليكس دبليو –الذي ألقت الشرطة القبض عليه– تهمة القتل العمد وقررت حبسه إلى حين انتهاء التحقيقات، ووصف كريستيان أفيناريوس المتحدث باسم الادعاء العام في دريسدن الجاني بأنه ألماني من الذين هاجروا إلى روسيا لفترة ثم عادوا وهو يعتبر متطرفا ومعاديا للأجانب.

من جانبه لم يستبعد رئيس شرطة ولاية سكسونيا بيرند ميربيتس وجود دافع عنصري للجريمة، مشيرا إلى أن القتيلة مسلمة وترتدي الحجاب.

أما رئيس اتحاد القضاة الألمان كريستوف فرانك فعبر في تصريح لشبكة "زد.دي.أف" عن استغرابه من عدم الوجود الأمني في قاعة المحكمة التي وقعت فيها حادثة القتل، وأشار إلي أن المطارات الألمانية تحظى بإجراءات أمنية مكثفة في الوقت الذي تندر فيه هذه الإجراءات داخل قاعات المحاكم.

وأثار قتل الصيدلية المصرية أجواء من الصدمة والحزن بين مسلمي ألمانيا، ونوه عدد من أفراد الأقلية المسلمة الذين تحدثت إليهم الجزيرة نت إلى وقوع هذه الجريمة بعد أيام من تأكيد وزير الداخلية الألماني على عدم تعرض المسلمين في ألمانيا للتمييز.

واعتبروا أن "الحادث يمثل نتيجة لحملات التحريض الإعلامي التي وضعت كافة مسلمي البلاد في دائرة الاشتباه العام".


الجزيرة نت

ياترى شو ممكن يحاكمو القضاء . بيبعتوه لغوانتانامو

واضح أنه صورة المسلم الإرهابي مطبقة بقوة بعقلية الغربي وعم تخلق بدورا تطورف معادي الها

وين المشكلة بالضبط ما بقدر حدد .. الاسلام لحد اللحظة ما عم حسه عرفان يلعبا صح وعم يعرف يعبر عن حاله بطريقة حضارية ليقدر يلغي هلصورة هي .

الله يرحما ويصبر اهل الضحية ... ويفتح عيون المتطرفين من كل الألوان والأديان .

واضح أنه صورة المسلم الإرهابي مطبقة بقوة بعقلية الغربي وعم تخلق بدورا تطورف معادي الها

وين المشكلة بالضبط ما بقدر حدد .. الاسلام لحد اللحظة ما عم حسه عرفان يلعبا صح وعم يعرف يعبر عن حاله بطريقة حضارية ليقدر يلغي هلصورة هي .

الله يرحما ويصبر اهل الضحية ... ويفتح عيون المتطرفين من كل الألوان والأديان .

و الله يا ضديقي ما عد عرفتلك مين المسؤول عن صورة المسلم الارهابي

هل الاعلام الغربي , مثلا بالمانيا في انتخابات ب ايلول ما الن حديث حاليا الا انو سيناريو اسبانيا 2004 رح يتكرر , يعني اسلاميين بدن يفجروا شي لياثروا على نتيجة الانتخابات , صرت تحس حالك بس تطلع بقطار الانفاق ومعك شنتاية الكل عم يزورك من فوق لتحت

ياترى هل الجالية المسلمة و تصرفاتها هي السبب

هل هالكم حمار اللي متخبيين بكهوف باكستان وافغانستان و اللي كل يوم بيطالعولك فيديو كليب شكل هني السبب


وبجوز كل هدول مع بعض


القضية هي عن جد مرعبة بتفاصيلها وخاصة انو الولد ابو ال 3 سنين شاف امو بعينو عم تندبح امامو .

المجتمع الالماني الشرقي لساتو برايي مطول ليتعافى من اثار الحكم الشيوعي , يعني دريسدن اللي صارت فيها الجريمة من اجمل مدن المانيا التاريخية, بس مستنقع للتطرف ومعادة الاجانب و انا شخصيا ما بحسد اي اجنبي عايش فيها

من الملاحظ انو بالكم سنة الاخيرة انو الجماعات اليمينية المتطرفة باوربا بشكل عام عم توجه نشاطها كلو تقريبا ضد المسلمين نتيجة الخوف قال من اسلمة اوربا , وفكرة اسلمة اوربا للاسف عم يحاولوا حتى سياسيين من احزاب كبيرة يكبروها بعقول الشعب, مثلا بالمانيا في 6 الاف الماني اعتنقوا الاسلام من اصل 82 مليون , يعني هدول شلون بدن ياسلمو المانيا ما بعرف ورغم هيك بيطلع وزير الداخلية الالماني ليحذر من انو هالشي ممكن ياثر على المجتمع الالماني



بس من جهة تانية اذا بتشوف التعليقات مثلا بموقع الجزيرة على الخبر( على فكرة موقع الجزيرة هو مرتع لانصار بن لادن) بتلاقي شي دعوات للجهاد و شي ناس بدها تقاطع المانيا وشي ناس بدها يسلمو القاتل لمصر ليعدموا

يعني كتير صعب عنا يتقبلو انو يا اخي بكل مجتمع في تطرف, في ناس مجانين

على الاقل المتطرفين هدول بالمانيا 90 بالمية منن ما معو شهادة اعدادية ولا عندو تدريب مهني ولا مهنة ولا اي شي وفاشل بكل شي بحياتو , عايش بس على المعونة الاجتماعية و بس شاطر يحمل الاجانب مشاكلو

بينما عنا ماشاء الله المتطرفين حملة شهادات جامعية, وكلو بيقعد يحكيلك عن غزوتي نيويورك وواشنطن وبدو يقنعك انو اللي صار ب 11 ايلول صح.

لسا من اسبوعين قتلوا باليمن 3 المان منن بنتين بالعشرينات من اعمارن, طيب صارت تغطية اعلامية كبيرة بالمانيا للحدث بس اغلب الشعب هون بيفهم انو في متطرفين و ما حدا حمل الشعب كلو المسؤولية متل ما عم يعمل الاعلام العربي هلق.

بظن هدا الفرق بينا وبينن هو اللي بخلينا دايما نخسر المعركة الاعلامية لصالح ناس من مصلحتن اللي عم يصير.

ياترى شو ممكن يحاكمو القضاء . بيبعتوه لغوانتانامو


أعلى عقوبة بالمانيا هي السجن المؤبد , يعني عمليا بيطالعوا بعد 15 سنة هدا اذا مو قبل كمان

لسا من اسبوعين قتلوا باليمن 3 المان منن بنتين بالعشرينات من اعمارن, طيب صارت تغطية اعلامية كبيرة بالمانيا للحدث بس اغلب الشعب هون بيفهم انو في متطرفين و ما حدا حمل الشعب كلو المسؤولية متل ما عم يعمل الاعلام العربي هلق.
ما حملوا الشعب الشعب اليمني المسؤولية لأن المسؤولية شايلها الاسلام بشكل مباشر


لو منرجع للأيام منشوف أنه اوروبا ما كان عندا مشكلة باستقبال المسلمين وما كانت تحط قيمة لهجرةالعرب ومنحن الإقامة قبل 11 أيلول وبقية شلة التفجيرات اللي لحقوها من مدريد وانت ماشي اللي بقلك انه بن لادن بغض النظر عن فكره قدّم خدمة للعرب والمسلمين ووجه ضرب لأميركا بعقر دارا ... فضي فيه كل شهوتك من ضرب وسب وشتم .. لأنه بتفكيره ما بقل عن بن لادن كونه متفق معه من المبدأ .

المتطرف الألماني بحسب الخبر بمجرد ما شاف مرأة مسلمة بالحديقة انسال عليها بالشتائم وبطريقة هستيرية وهلشي ماله دلالة غير انه الألماني اليوم عنده خوف من الاسلام والمسلمين كون التطرف ما بينخلق من العدم وما بتروح الصورة المرسومة لحالها بالهوا متل ما اجت لحالها من الهوا بطيارات الشيخ المصون .

ما يا معلم ابو انطون

يلي عم يصير محسوبيات انو فلان مسلم متطرف محسوب علي ف بتجي بتحاسبني الي
فلان مسيحي متطرف محسوب عليك بحاسبك الك

وخدني جيتك

الله يرحم الضحايا

وهي اليوم أخر اخبار العنصرية , تهجم مجموعة من الشباب بالتشيك على عدد من مدربي كرة القدم العرب . أثناء تواجدهم بباحة فندق يقيمون فيه . وكان من ضمن المدربين مجموعة من المدربين السوريين

الغريب انو ماعم يجيبو سيرتها بنشرات الأخبار بالمرّة ولا بالجرايد, يلي بيعجبون بينشروا ويلي ما بيعجبون ما بينشروا
يا أخي الغريب انو كيف فايت على قاعة المحكمة بسكين
والغريب أكتر انو الشرطي يلي أوص على جوزها معقولة ماعرف مين المعتدي ومين المعتدى عليه

أعلى عقوبة بالمانيا هي السجن المؤبد , يعني عمليا بيطالعوا بعد 15 سنة هدا اذا مو قبل كمان
يعني راحت البنت من كيسها . ومستحيل هيك تتحارب العنصرية

على فكرة البنت كانت مانها من النوع المتطرف أو حتى المحافظ . كانت عايشة حياة كتير عادية . وكانت من لاعبات منتخب مصر للكرة الطائرة

ياترى شلون ممكن ينعكس الشي يلي صار على الشارع المصري . خاصة بعد حصول تلت مشاكل الشهر الماضي بين المسلمين والأقباط

يا جماعة لا اول مرة ولا رح تكون الاخيرة
انا كنت نزلت مجموعة ردود مشان اوضح حوادث صارت بالفترات اللي فاتت ضد مسلمين بدول اوربا بس ما متذكر باي موضوع، الوضع مش مجرد حوادث فردية غير متكررة ، لاء الحوادث غير فردية ومتكررة وأصبحت تشكل خطورة .

بمصر في حملات واهتمام شعبي ونقابي وحكومي بحادثة مروة ، حتى جنازتها كانت جنازة شعبية ، وزير الخارجية كان بيتابع الموضوع من بدايته ، حاليا النائب العام بيتابع التحقيقات بنفسه ، نقابة المحامين المصريين اتبنت القضية وكذلك نقابة المحامين العرب ، شيخ الازهر امبارح قال انها شهيدة .
انا حاسس انو الاهتمام غير مسبوق (كانو الشباب بيجهزو جيش للهجوم على المانيا :?)

الغريب انو ماعم يجيبو سيرتها بنشرات الأخبار بالمرّة ولا بالجرايد, يلي بيعجبون بينشروا ويلي ما بيعجبون ما بينشروا

يا أخي الغريب انو كيف فايت على قاعة المحكمة بسكين
والغريب أكتر انو الشرطي يلي أوص على جوزها معقولة ماعرف مين المعتدي ومين المعتدى عليه

ماهو طريقة تعاطي الاعلام يلي ماعم يجيب سيرتها سبب هالمشاكل . أما على قصة الشرطي أي لعمى ضربو بعد 18 طعنة قوص جوزها . أي شو هالمسخرة يا . قاعة محكمة ولا سوق خضرا

انا حاسس انو الاهتمام غير مسبوق (كانو الشباب بيجهزو جيش للهجوم على المانيا :?)
لا حبيب لا تخاف . أنا شفت تصريحات المسؤولين المصريين . رغم تحركهم . الا أنو حسب ماشفت نابع من أمتصاص فورة الشعب لا أكتر

ماهو طريقة تعاطي الاعلام يلي ماعم يجيب سيرتها سبب هالمشاكل . أما على قصة الشرطي أي لعمى ضربو بعد 18 طعنة قوص جوزها . أي شو هالمسخرة يا . قاعة محكمة ولا سوق خضرا

أوّل مانزلت الحادثة بجريدة من الجرايد قريت عالموقع تبعها تعليقات الناس, يا أخي حسيت حالي عم اقرأ تعليقات نفس نظام الله ينصر الشيخ أسامة وخلافو عالجزيرة...
كعرب عموماً وكمسلمين خصوصاً مالنا عم نشتغل حتى نحسّن صورتنا عند الغرب ولو يصير في شوية رعاية من هالكم شيخ يلي متلتلين المصاري على قلبون ونازلين يصرفوها على كاس ونسوان كان الوضع أفضل من هيك...
إذا نحنا ما حسنّا صورتنا بعمرها مارح تتحسن بالعكس كل مالها عم تتجه من سيء لأسوأ

اعتبرت باحثة ألمانية بارزة أن العداء للإسلام -وليس كراهية الأجانب- هو الدافع الرئيسي وراء قيام متطرف ألماني بقتل الصيدلانية المصرية مروة الشربيني طعنا بالسكين داخل قاعة محكمة دريسدن يوم الأربعاء الماضي.
وفي تصريحات للجزيرة نت قالت مديرة معهد المسؤولية الإعلامية في نورنبرغ د. زابينا شيفر إن مظهر الراحلة الدال علي انتمائها الديني، وسب الجاني أليكس ووكر لها ونعته إياها بالإرهابية الإسلامية جعل مما حدث في دريسدن أول جريمة قتل ترتكب في ألمانيا بدافع من كراهية الإسلام.
ورأت أن دأب الإعلام الألماني طوال العقود الأخيرة على تقديم صور سلبية للإسلام جعلته مرادفا للعنف والتخلف والاضطهاد، أسهم في تأجيج الكراهية المجتمعية لكل الرموز الإسلامية وفي مقدمتها الحجاب، مشيرة إلى أن وسائل الإعلام الألمانية مارست تعتيما متعمدا تجاه قتل مروة الشربيني وصنفته كجريمة ذات أبعاد عنصرية لصرف الأنظار عن الدافع الحقيقي.

حصاد مرير

وذكرت شيفر أن جريمة دريسدن كشفت أن النواة التي بذرها دعاة التحريض ضد الإسلام ومن يدعمونهم في الوسائل الإعلامية الألمانية الرئيسية قد أثمرت هذا الحصاد المرير، ورأت أن "الدعاية التحريضية المتواصلة منذ ثلاثين عاما بهدف غسل العقول قد أوصلت كراهية المسلمين في ألمانيا إلى مستوى جديد".
وأشارت الخبيرة الإعلامية الألمانية البارزة إلى أن قتل الصيدلانية المصرية أظهر أيضا أن الدعوات الحثيثة لحصر الجدل الدائر حول الإسلام والمسلمين في إطار موضوعي، لم تجد آذانا صاغية من المعنيين بهذا الأمر.
كما نبهت إلى أن استمرار السياسة الألمانية في التقليل من شأن مناخ العداء المتصاعد ضد الإسلام في البلاد، ومواصلة تعاملها معه كمظهر للتعبيرعن حرية الرأي، سيؤدي إلى فقدان السيطرة على شرور مستطيرة ستتولد داخل المجتمع.
واستغربت مديرة معهد المسؤولية الإعلامية من عدم صدور كلمة إدانة واحدة من أي مسؤول ألماني لجريمة القتل في محكمة دريسدن، وتوقعت أن يزيد هذا الحادث من مخاوف المسلمين في ألمانيا ويحولهم إلى أعضاء جدد في سلسلة تضم اليهود والسود الذين فرض عليهم الواقع الخوف على حياتهم.

صلاة وتظاهرة

وكان نحو ألف مسلم قاموا أمس الأحد بأداء صلاة الجنازة على جثمان السيدة مروة الشربيني بمسجد السلام في حي نوي كوان ذي الأكثرية المسلمة بالعاصمة الألمانية برلين، وبعد الصلاة شارك الحاضرون في تظاهرة سلمية أقيمت أمام بلدية الحي للتنديد بالتطرف والعنف الموجه للمسلمين والأجانب.
واعتبر الداعية الألماني الشهير الشيخ بير فوغل في كلمته بالتظاهرة أن جريمة قتل الصيدلانية المسلمة نتيجة لحملات الإعلام الألماني الموجهة ضد الإسلام، وأوضح أنه حذر في مايو/ أيار الماضي من أن التحريض الإعلامي قد يتسبب في سقوط ضحايا من المسلمين.
وطالب فوغل الحكومة الألمانية باحترام عقائد المسلمين وعدم التعامل معهم بمعايير مزدوجة، وحث القضاء الألماني على توقيع أقصى عقوبة على القاتل وتقديم إجابة عما أثارته الجريمة من أسئلة، ككيفية دخول القاتل قاعة المحكمة بسكين، وعدم تدخل الشرطة إلا بعد إجهاز الجاني على ضحيته أمام أعين طفلها، وإطلاق شرطي الرصاص على زوج الصيدلية المصرية بدلا من القاتل.
كما انتقد الداعية الألماني السفارة المصرية في برلين لما وصفه بتهربها من إشراك المسلمين في متابعة القضية، ومحاولتها حصر صلاة الجنازة في أعضائها، ودعا مسلمي ألمانيا لإبراز سماحة الدين الإسلامي لغير المسلمين في مجتمعهم ومواصلة السعي للحصول على حقوقهم القانونية.

أقصى عقوبة

وضمن ردات الفعل المنددة بالجريمة، طالب الأمين العام للمجلس الأعلي للمسلمين بألمانيا أيمن مزايك الشرطة الجنائية والاستخبارات الداخلية بمراقبة المواقع الإلكترونية لليمينيين المتطرفين والنازيين، وبحث مدى تأثر القاتل أليكس ووكر بها.
وقال مزايك في تصريح للجزيرة نت إن هذه المواقع التي مهدت وتمهد التربة لممارسة العنف ضد المسلمين، باتت تجتذب أعدادا متزايدة من أفراد الطبقة الوسطى في المجتمع الألماني.
ومن جانبه أعلن النائب العام في دريسدن كريستيان أفيناريوس عن توجيه النيابة تهمة القتل العمد للمتطرف أليكس ووكر، ومطالبتها بتوقيع عقوبة السجن مدى الحياة عليه بدون أي إمكانية للعفو.
وكشف أفيناريوس عن تحويل الشرطي الذي أطلق النار على زوج الصيدلانية المصرية مروة الشربيني إلى لجنة تحقيق ستجري فحصا لسجله الوظيفي لبيان وضعه القانوني في الماضي، وكانت تقارير صحفية قد ذكرت أن زوج القتيلة المصرية قال للمحققين بعد إفاقته من الغيبوبة إن الشرطي تعمد إطلاق النار عليه رغم إدراكه أنه ليس الجاني.
الجزيرة (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

الغريب انو ماعم يجيبو سيرتها بنشرات الأخبار بالمرّة ولا بالجرايد, يلي بيعجبون بينشروا ويلي ما بيعجبون ما بينشروا

يا أخي الغريب انو كيف فايت على قاعة المحكمة بسكين
والغريب أكتر انو الشرطي يلي أوص على جوزها معقولة ماعرف مين المعتدي ومين المعتدى عليه


مظبوط هالحكي , في تعتيم اعلامي كبير على هالقصة من شي اكتر من سنة صارت قصة لما اتنين شباب اجانب ضربوا ختيار عمرو شي 78 سنة بمحطة لقطارات الانفاق بميونخ , وقتها قامت الدنيا وما قعدت وحتى سياسيين اتخذوا من هالحادثة شعار انتخابي الن . رغم انو هي الجريمة ابشع بكتير من هديك برايي.

لاتنسى انو هي المحكمة مو محكمة جنايات, يعني محكمة مخالفات والقصة كلها كانت على مخالفة ب 780 يورو واصلا هدا الحيوان الاندبوري اللي عايش على المعونة الاجتماعية ما كانوا رح يدفعوا ياها لانو ما معو , فمشان هيك ما كان حدا متوقع هيك يصير, وحتى لو كان ناوي يقتل الضحية كان بيقدر يقتلها وين ماكان لانو ساكن معها بنفس الشارع.

في تعليق مضحك قريتو بجريدة المانية الكترونية, كاتبو واحد الماني عم يقول انو طبيعي بالمانيا الشرقية الشرطي يقوص على الضحية لانو هنيك كلن مقتنعين انو اللي بكون اسمر و شعرو غامق هو دايما المجرم.

لصراحة الخبرية كتير اثرت فيي
يعني بغض النظر عن اي راي سواء بالحجاب او غيرو بس انها تنتهي بقتل شغلة كتير محزنة

بس كمان للاسف ( وهيد انطباعي بعد ما اتعرفت ع مصريين ) انو المصريين بشكل عام كتير عندون نزعة غريبة انو هني اسلام وبالتالي هي شغلة عظيمة واحيانا بتكون تصرفاتون فعلا حتى بالنسبة الي كعربية استفزازية لدرجة اني ما عاد اتعاملت مع اي واحد منهون .. يعني كل ما بدك تحكي او تتعامل بيكونو طرقوك محاضرة عن اسلام وحتى ما بيسالو اذا انت مسلم او لا .... يعني كمان احيانا الناس بتبالغ بتصرفاتها لدرجة انو الاخرين بينفرو منها

اكيد كلامي مو تبرير ابدا للحادثة يلي قلت من الاول انها فعلا كريهة جدا ..

المجتمع الالماني الشرقي لساتو برايي مطول ليتعافى من اثار الحكم الشيوعي , يعني دريسدن اللي صارت فيها الجريمة من اجمل مدن المانيا التاريخية, بس مستنقع للتطرف ومعادة الاجانب و انا شخصيا ما بحسد اي اجنبي عايش فيها


بالنسبة لكلامك ايهم .. درسدن ما لانها كانت شيوعية صاير فيها هيك ..يعني كيف ايام الشيوعية ما كانت هالنزعة هيك كبيرة ضد الاجانب ولما اتوحدت المانيا صارت هالولايات مستنقع؟؟؟
كل ما كان يسمى المانيا الشرقية يعتبر من لاقسام الفقيرة ويلي عم تنهجر شوي شوي ( مدينة ماجديبورغ معروفة باسم الولاية المهجورة ) لانو فرص العمل فيها جدا قليلة يعني لما تقارن ما بين اي مدينة او ولاية شرقية مع شي وحدة غربية رح تلاقي الفرق الشاسع بكلشي ..
درسدن كلشي فيها انو سياحية وبس ... اما انو تشتغل فيها فهيدا شي صعب كتير وحتى مستوى الخدمات اقل من غيرها .......ولهيك فيها نوع من التعصب وكره للاجانب من نوع انو هني عم ياخدو فرص العمل ولحد الان ما صار شي عملي من الحكومات الالمانية لتقليل اثر هيك امور ..

يعني الحزب النازي متمكرز تقريبا بولايات براندن بورغ وساكسن ان هالت وجزء من ساكسن يلي عاصمتها درسدن .. وعم تصير اعتداءات ع الاجانب .. وغالبا عم تكون العوبات من شكل غير رادع او مجافي ..يعني بشكل او باخر الحكومة المانية كمان مقصرة بانماء هالمناطق.....

لصراحة الخبرية كتير اثرت فيي
يعني بغض النظر عن اي راي سواء بالحجاب او غيرو بس انها تنتهي بقتل شغلة كتير محزنة

بس كمان للاسف ( وهيد انطباعي بعد ما اتعرفت ع مصريين ) انو المصريين بشكل عام كتير عندون نزعة غريبة انو هني اسلام وبالتالي هي شغلة عظيمة واحيانا بتكون تصرفاتون فعلا حتى بالنسبة الي كعربية استفزازية لدرجة اني ما عاد اتعاملت مع اي واحد منهون .. يعني كل ما بدك تحكي او تتعامل بيكونو طرقوك محاضرة عن اسلام وحتى ما بيسالو اذا انت مسلم او لا .... يعني كمان احيانا الناس بتبالغ بتصرفاتها لدرجة انو الاخرين بينفرو منها
اكيد كلامي مو تبرير ابدا للحادثة يلي قلت من الاول انها فعلا كريهة جدا ..


ما الها علاقة طبيعة المصريين هون بالموضوع, على الاغلب انو الضحية وجوزها كانو ما بيعرفوا الماني لحتى يصير اي نوع من النقاش بينن وبين القاتل, هدا الوحش البشري اللي ما معو حتى شهادة اعدادية حكم على انسانة تحمل شهادة جامعية انها اقل من البشر بس بسبب قطعة القماش اللي على راسها, وعلى فكرة اثناء المحاكمة سالو انو ليش اهنت السيدة بهيك كلمات, قلن انا ما بعرف كيف ممكن هيك ناس يحسوا اصلا بالاهانة.





بالنسبة لكلامك ايهم .. درسدن ما لانها كانت شيوعية صاير فيها هيك ..يعني كيف ايام الشيوعية ما كانت هالنزعة هيك كبيرة ضد الاجانب ولما اتوحدت المانيا صارت هالولايات مستنقع؟؟؟
كل ما كان يسمى المانيا الشرقية يعتبر من لاقسام الفقيرة ويلي عم تنهجر شوي شوي ( مدينة ماجديبورغ معروفة باسم الولاية المهجورة ) لانو فرص العمل فيها جدا قليلة يعني لما تقارن ما بين اي مدينة او ولاية شرقية مع شي وحدة غربية رح تلاقي الفرق الشاسع بكلشي ..
درسدن كلشي فيها انو سياحية وبس ... اما انو تشتغل فيها فهيدا شي صعب كتير وحتى مستوى الخدمات اقل من غيرها .......ولهيك فيها نوع من التعصب وكره للاجانب من نوع انو هني عم ياخدو فرص العمل ولحد الان ما صار شي عملي من الحكومات الالمانية لتقليل اثر هيك امور ..

يعني الحزب النازي متمكرز تقريبا بولايات براندن بورغ وساكسن ان هالت وجزء من ساكسن يلي عاصمتها درسدن .. وعم تصير اعتداءات ع الاجانب .. وغالبا عم تكون العوبات من شكل غير رادع او مجافي ..يعني بشكل او باخر الحكومة المانية كمان مقصرة بانماء هالمناطق.....

انا قصدت انو من نتائج الحكم الشيوعي هو هالتخلف اللي عايشين في هنيك, يعني ايام الحكم الشيوعي ما كان عندن عداء للاجانب لانو اولا كان عدد الاجانب محدود كتير مقارنة مع هلق تانيا كانوا ما يسترجوا يفتحوا تمن بوجود " الشتازي " (بذكرك هدا شي بموزمبيق;) ) .

بس هلق نظام قضائي رخو بيحمي القاتل على حساب الضحية , وانفلتوا على الاخير.

بالاضافة انو بالولايات الغربية من اول تاسيس الدولة 1949 متعودين على وجود الاجنبي وما بيتعتبروا منافس الن او سبب بالبطالة, بينما بالقسم الشرقي معتبرين الاجنبي سبب كل مشاكلن وما بيفرقوا بين اجنبي مقيم على طول واجنبي جاي يدرس كم سنة او حتى جاي زيارة.

يعني انا كتير بتمنى لو هالخمس ولايات تنفصل لحالها بدولة وخلين يمنعوا اي اجنبي يفوت لعندن ويتهنوا لحالن .

اليوم شفت بنشرة الأخبار تبع العربية ( أو الجزيرة ماني متأكد ) تعليق على هاد الموضوع أنه الجزء الشرقي من المانيا بشكل خاص شهد بالتسعينات فترة اعتداءات على الاجناب ... بحبشت بالنت ما شفت شي بهلخصوص فاحكولنا شو الوضع باعتبار انكن عايشين هنيك وبتعرفوا البير وغطاه .

لصراحة الخبرية كتير اثرت فيي
يعني بغض النظر عن اي راي سواء بالحجاب او غيرو بس انها تنتهي بقتل شغلة كتير محزنة

بس كمان للاسف ( وهيد انطباعي بعد ما اتعرفت ع مصريين ) انو المصريين بشكل عام كتير عندون نزعة غريبة انو هني اسلام وبالتالي هي شغلة عظيمة واحيانا بتكون تصرفاتون فعلا حتى بالنسبة الي كعربية استفزازية لدرجة اني ما عاد اتعاملت مع اي واحد منهون .. يعني كل ما بدك تحكي او تتعامل بيكونو طرقوك محاضرة عن اسلام وحتى ما بيسالو اذا انت مسلم او لا .... يعني كمان احيانا الناس بتبالغ بتصرفاتها لدرجة انو الاخرين بينفرو منها

اكيد كلامي مو تبرير ابدا للحادثة يلي قلت من الاول انها فعلا كريهة جدا ..

الشعب المصري بصفة عامة كمسلمين ومسيحيين متدينين ولو حتى بالشكليات والامور الثانوية ، وهاد شيئ موروث من الاف السنين من ايام رجال الدين الكهنة بعهد الفراعنة وحتى بكل التاريخ الديني في تأثير عالشعب المصري ، بالكتب السماوية اليهودية والمسيحية وتواجد الانبيا موسى وعيسى عليهم السلام وكمان العديد من الانبيا قبل اليهودية والمسيحية على هالارض واختلاطهم بالشعب متل ابراهيم ويوسف عليهم السلام وغيرهم من الانبياء المؤثرين بالتاريخ البشري بصفة عامة .
انا معك ان الشعب المصري متفرد شوي من ناحية الدين باللغة العامية المصرية (بيزودها شوي) بيبالغ بالاهتمام بالدين وبيربطه باشياء كتير بطريقة مبالغ فيها وممكن هاد يظهر باقل نقاش حول شيئ قليل الاهمية او شكلي ،
اما يعني عن الاسلام فهاد شيئ ما يزعل حدا انو الانسان يعتز بدينه ،وهاد مابيحقر اديان باقي العالم ، اعتزازي باسلامي على المستوى الشخصي مابيقلل من او يحقر من يهودية اليهودي او مسيحية المسيحي او بوذية البوذي .

أما هالتحليل او الرأي ما الو من دخل لا من قريب ولا من بعيد بالحادثة اللي صارت ، لان هالشاب الجاهل العاطل تعدى عليها واهانها لفظيا (وقال حكي متل متخلفة وارهابية وهيك ) بحديقة للاطفال كانت واخدة طفلها مشان تلعبو هنيك ، رفعت دعوة قضائية ضده وحكمو لها بالتعويض ، هالكائن اثبت للعالم مين المتخلف والارهابي ، وحيو الشرطة الالمانية اطلقت الرصاص على زوجها وتركت القاتل .

اليوم شفت بنشرة الأخبار تبع العربية ( أو الجزيرة ماني متأكد ) تعليق على هاد الموضوع أنه الجزء الشرقي من المانيا بشكل خاص شهد بالتسعينات فترة اعتداءات على الاجناب ... بحبشت بالنت ما شفت شي بهلخصوص فاحكولنا شو الوضع باعتبار انكن عايشين هنيك وبتعرفوا البير وغطاه .


انا عشت بالجزء الشرقي فقط 6 اشهر(الله لايعيدن) , وتنقلت بين 3 مدن بهال 6 اشهر .

بس شو بتحب تعرف بالضبط عن الوضع هنيك؟؟

انا عشت بالجزء الشرقي فقط 6 اشهر(الله لايعيدن) , وتنقلت بين 3 مدن بهال 6 اشهر .

بس شو بتحب تعرف بالضبط عن الوضع هنيك؟؟
خلال التسعينات شو الشي اللي دفع الألمان للأعتداء على الأجانب ؟
كان في صفة مشتركة بين الأجانب ( لون - شكل - دين ) ولا بيكفي انن مانن ألمان حتى يكونوا بدائرة الخطر ؟
كيف انحلت القصة وسيطرت الحكومة على التحركات هي ؟

خلال التسعينات شو الشي اللي دفع الألمان للأعتداء على الأجانب ؟
كان في صفة مشتركة بين الأجانب ( لون - شكل - دين ) ولا بيكفي انن مانن ألمان حتى يكونوا بدائرة الخطر ؟
كيف انحلت القصة وسيطرت الحكومة على التحركات هي ؟

قضية الاعتداء على الاجانب بدأت من بعد الوحدة بين الالمانيتين, وكانت دايما اخدة طابع اعتداءات متفرقة بتزيد بمناطق و بتنقص بمناطق .

الالمان الشرقيين متوزعين على خمس ولايات من اصل 16 ولاية بالمانيا, هدول بفترة الحرب الباردة كان يموتوا حالن بس ليهربوا على المانيا الغربية , وبعد انهيار جدار برلين سنة 1989 صار استفتاء بالمانيا الشرقية حول الانضمام المباشر او التدريجي لالمانيا الغربية وكانت النتيجة الساحقة للانضمام المباشر.

فيك تقول موجة الاعتداءات على الاجانب اللي بدأت بالتسعينات كانت احد انواع الاحتجاج على خيبة الامل اللي صابت الشعب هنيك من الوحدة, هلق بالمانيا الغربية في كمان تطرف قومي وفي نازيين بس المشكلة انو الشعب بالقسم الغربي باغلبية كبيرة بيوقف ضد هالشي تماما , بالقسم الشرقي بتحس انو الشعب اذا ما كان ضد الاعتداء على الاجانب فهو مو فارقة معو كتير.

في كمان قضية البطالة الكبيرة اللي نشأت بالقسم الشرقي , واللي الها اسباب كتيرة , و البطالة هي احد اهم الاسباب اللي بتخلي شباب كتير يسمع لخطاب الحزب النازي الجديد المعادي للاجانب بشكل عام .

الاعتداءت على الاجانب كانت بالبداية موجهة للكل , للسود للبيض لكل واحد مو مبين علي انو الماني , انا اول مدينة عشت فيها كانت اقرب للضيعة سكانها ما بيتجاوزوا ال 15 الف, واحد صديق عاش فيها قبلي بفترة التسعينات حذرني انو اوعك تطلع بعد الساعة 8 بالليل لانو المدينة مليانة نازيين, بس لما وصلت ب 2001 ما شفت هيك شي ولما سالت عرفت انو المدينة هي كان يتجمعوا فيها الشباب العاطل عن العمل من القرى المجاورة و بالليل اي اجنبي يشوفوا يضربوا حتى الموت احيانا

بعدين الوضع كتير تحسن وخفت الظاهرة هي نوعا ما بفعل جهود الدولة والاحزاب الكبيرة , والسبب كان احتجاج الاهالي نفسن , لانو المدينة هي متل كتير من المناطق الشرقية هجروها الشباب بنسبة عالية , وسياحة مافيها وشغل ما في , صارت احد اهم مصادر دخلها هو الجامعة التطبيقية اللي اسسوها فيها واللي كان شي 80 بالمية من طلابها اجانب, وهدول كانوا يجوا يصرفوا مصاريهن هنيك ويحركوا الاقتصاد الراكد شوي , بس وجود النازيين اللي طفشوهن خلى الاهالي يتحركوا وكانت النتيجة تحسن الوضع

هلق بمناطق تانية مازال الوضع سئ, لانو الناس هنيك فعلا بتكره الاجنبي وما عم يتحركوا للاحتجاج على هالشي لانو قرفانين الوضع كلو.

مشان هيك الدولة لوحدها مابتقدر تعمل شي اذا ما الشعب نفسو لفظ المتطرفين من بين صفوفو وطالما الشعب عاطل عن العمل ما رح يتحرك.

شوف مثلا بالقسم الغربي لما الحزب النازي بينظم مظاهرة من 200 شخص يتطلع بنفس اليوم مظاهرة ضدن من 2000 شخص لانو ما حدا بيقبل انو مدينتو تصير مستنقع للتطرف والنازية الجديدة .


بس من كم سنة صارت اغلب الحوادث عم تتركز ضد الاتراك والعرب على اعتبار غالبية الاجانب بالمانيا اتراك ثم بوسنيين والبان ثم عرب , وعلى اعتبار نسبة الاتراك والعرب اللي عم يستقروا بالقسم الشرقي عم تزيد يوميا فصار طبيعي بظل هيك اجواء يصيروا الهدف المفضل للنازيين.

ميرسي ايهم :D

أما هالتحليل او الرأي ما الو من دخل لا من قريب ولا من بعيد بالحادثة اللي صارت ، لان هالشاب الجاهل العاطل تعدى عليها واهانها لفظيا (وقال حكي متل متخلفة وارهابية وهيك ) بحديقة للاطفال كانت واخدة طفلها مشان تلعبو هنيك ، رفعت دعوة قضائية ضده وحكمو لها بالتعويض ، هالكائن اثبت للعالم مين المتخلف والارهابي ، وحيو الشرطة الالمانية اطلقت الرصاص على زوجها وتركت القاتل .


ما في خلاف ابدا ع كلامك وباكد تماما انو يلي قلتو صح ..
وكل واحد حر تماما بدينو وهيدا شي واجب الاحترام .. بس المهم ما تفرض هالشي ع الغير
ع كل انا اكيد كتبت شي خارج نطاق الموضوع :D

اليوم شفت بنشرة الأخبار تبع العربية ( أو الجزيرة ماني متأكد ) تعليق على هاد الموضوع أنه الجزء الشرقي من المانيا بشكل خاص شهد بالتسعينات فترة اعتداءات على الاجناب ... بحبشت بالنت ما شفت شي بهلخصوص فاحكولنا شو الوضع باعتبار انكن عايشين هنيك وبتعرفوا البير وغطاه .

مابدي زيد على حكي ايهم لانو حكيو كفى ووفى
بس رح احكيلك على تجربة شخصية
انا عشت حوالي سنة و نص بمدينة بغرب المانيا
و سنة ونص بمدينة بشرق المانيا تعتبر مرتع للنازيين
بالمدينة الغريبة ماكان في مضايقات ولا عنصرية
بالشرقية كان في مضايقات لكل شي لون شعرو مو اشقر بلا مبالغة
في مناطق ما كان نسترجي نروحلها و صار في حادثة قتل لطالب افريقي
على ايدي نازيين. و انا كمان تعرضت لمضايقات و مرة من هالمرات
علقنا علقة كويسة و بطحناه لواحد نازي:angel: و سالناه ليش هيك بيعملو
قال " الاجانب عم يجو لهالبلد و يشتغلو و ياخدو اماكن العمل تبعنا و نحنا قاعدين
عطالين بطالين".
هلا على مستوى السيطرة على هالمواجهات
انا مرة كنت بمنطقة بهالمدينة وعم شوف كم واحد من هالنازيين عم يتقاتلو مع اجانب
و بعد ما اجت الشرطة اخدت الاجانب عالسجن و تركت النازيين.
على مستوى الجامعة تبعي كان يعملو محاضرات و متل حلقات
مساعدة للاجانب بيعلموهم شلون يتصرفو اذا تم الاعتداء عليهم من قبل النازيين
و بيقدمو تقرير للجامعة و الجامعة بدورها تنصحهم و بتخبر الجهات المختصة.
هالحكي صارلو اكتر من سنتين ما بعرف الوضع هلا شلون.
وعفوا عالاطالة

ميرسي ايهم :D

العفو :D



بس حابب قول شغلة كمان, للشباب الطيبة اللي بحبو هتلر والنازية واللي معتبرين هتلر شغلة كبيرة , يا ريت تتمعنوا بهالقصة وتشوفوا النازية على حقيقتها .

من الملاحظ انو بالكم سنة الاخيرة انو الجماعات اليمينية المتطرفة باوربا بشكل عام عم توجه نشاطها كلو تقريبا ضد المسلمين نتيجة الخوف قال من اسلمة اوربا , وفكرة اسلمة اوربا للاسف عم يحاولوا حتى سياسيين من احزاب كبيرة يكبروها بعقول الشعب, مثلا بالمانيا في 6 الاف الماني اعتنقوا الاسلام من اصل 82 مليون , يعني هدول شلون بدن ياسلمو المانيا ما بعرف ورغم هيك بيطلع وزير الداخلية الالماني ليحذر من انو هالشي ممكن ياثر على المجتمع الالماني
.
اسف من مبارح كنت حابب علق على هالنقطة . هلأ على ما اعتقد أنو عدد المسلمين بألمانيا لا يتجازو ال5% . بس الخوف يلي صاير بألمانيا أنو نسبة الأطفال المسلمين المولودين بال2008 هو 15% . والنسبة قابلة للأرتفاع

اسف من مبارح كنت حابب علق على هالنقطة . هلأ على ما اعتقد أنو عدد المسلمين بألمانيا لا يتجازو ال5% . بس الخوف يلي صاير بألمانيا أنو نسبة الأطفال المسلمين المولودين بال2008 هو 15% . والنسبة قابلة للأرتفاع

بغض النظر عن النسبة اللي كتبتها ،
من سنوات وانا بسمع ان المانيا من الدول اللي معدلها السكاني بيقل ونسبة الزواج هناك قليلة وحتى اللي بيتزوجو مابيجيبو اولاد كتير ، مثلا اذا اتزوج 2 وجابو و1 تبقى كارثة عالمدى البعيد لو شاع هذا المعدل الانجابي .

بغض النظر عن النسبة اللي كتبتها ،
من سنوات وانا بسمع ان المانيا من الدول اللي معدلها السكاني بيقل ونسبة الزواج هناك قليلة وحتى اللي بيتزوجو مابيجيبو اولاد كتير ، مثلا اذا اتزوج 2 وجابو و1 تبقى كارثة عالمدى البعيد لو شاع هذا المعدل الانجابي .
أي لاتخاف المسلمين عم يسدو الغراغ :p

والله يا جماعة المفروض ما تسكت الدول العربية والإسلامية على هيك شي
لأنه إذا صار هيك شي لشي واحد أجنبي بدولة عربية أو مسلمة كانو قيمو الدنيا وقعدوها كرمال هالزلمة ( هي متل قصة الصحفي الأمريكي الي إختفى بسوريا وطلع عم يحاول يفوت على لبنان بالسر ووقتها أمريكا وحلفائها ضغطو على سوريا مشان واحد حمار متلو )

ما لازم تمرأ هالقصة على خير!

والله يا جماعة المفروض ما تسكت الدول العربية والإسلامية على هيك شي
لأنه إذا صار هيك شي لشي واحد أجنبي بدولة عربية أو مسلمة كانو قيمو الدنيا وقعدوها كرمال هالزلمة ( هي متل قصة الصحفي الأمريكي الي إختفى بسوريا وطلع عم يحاول يفوت على لبنان بالسر ووقتها أمريكا وحلفائها ضغطو على سوريا مشان واحد حمار متلو )

ما لازم تمرأ هالقصة على خير!
ما بعتقد انك محدد المشكلة بنفس الطريقة اللي عم فكر فيها
لهيك ممكن تحكيلنا شوي على الخطوات اللي لازم تصير على هامش هيك حادثة .

ما بعتقد انك محدد المشكلة بنفس الطريقة اللي عم فكر فيها
لهيك ممكن تحكيلنا شوي على الخطوات اللي لازم تصير على هامش هيك حادثة .

والله يا حبيب لازم الدول العربية تساوي إجتماع طارئ لمندوبي جامعة الدول العربية

ويناقشو الوضع القائم ويستدعو السفراء الألمانيين في الدول العربية على الأقل

ويساوو لجنة تحقيق عربية لمتابعة التحقيقات الألمانية بالموضوع

وينظمو عدة زيارات للوزراء خارجية عرب ليأكدو على أهمية الموضوع

ويرسلو محققين عرب ليحققو لحالون بالموضوع

ويناقشو القصة بالأمم المتحدة
ويطالبو بتسليم المتهم للمحاكم العربية

ويطالبو بتسليم الشرطي كمان للدول العربية للتحقيق معه
ويطالبو بتسليم الشهود الي كانو موجودين بالمحكمة للتحقيق معون
إذا قدرو يساوو كل هالحكي

أنا مجهزلون الجزء التاني

والله يا حبيب لازم الدول العربية تساوي إجتماع طارئ لمندوبي جامعة الدول العربية

ويناقشو الوضع القائم ويستدعو السفراء الألمانيين في الدول العربية على الأقل

ويساوو لجنة تحقيق عربية لمتابعة التحقيقات الألمانية بالموضوع

وينظمو عدة زيارات للوزراء خارجية عرب ليأكدو على أهمية الموضوع

ويرسلو محققين عرب ليحققو لحالون بالموضوع

ويناقشو القصة بالأمم المتحدة
ويطالبو بتسليم المتهم للمحاكم العربية

ويطالبو بتسليم الشرطي كمان للدول العربية للتحقيق معه
ويطالبو بتسليم الشهود الي كانو موجودين بالمحكمة للتحقيق معون
إذا قدرو يساوو كل هالحكي

أنا مجهزلون الجزء التاني
وشو مشان الجزية ؟ ولا بالجزء التاني :?
انا شايف ان الموقف الرسمي الالماني حاسم وكافي
والموقف المصري كمان كافي جدا ومافي داعي للتصعيد السلبي مشان العلاقة بين البلدين ما تتوتر
الجانب الالماني عمل كل شيئ تقريبا ، والموقف القانوني الرسمي هو توجيه اقصى عقوبة على المتهم .

وشو مشان الجزية ؟ ولا بالجزء التاني :?
انا شايف ان الموقف الرسمي الالماني حاسم وكافي
والموقف المصري كمان كافي جدا ومافي داعي للتصعيد السلبي مشان العلاقة بين البلدين ما تتوتر
الجانب الالماني عمل كل شيئ تقريبا ، والموقف القانوني الرسمي هو توجيه اقصى عقوبة على المتهم .

يا حبيبي شلون مافي داعي؟؟؟

لازم الدول العربية تضغط على ألمانيا مشان ما يتكرر هالشي

والي عم يقولولك الشباب إنه صار عادة في ألمانيا

ألمانيا فيها تحسن صورة المسلمين من خلال وسائل الإعلام الحكومية

وفيها تنشر بين مواطنيها ترك العنف ضد المسلمين

هالحكي ما بصير

وبعدين القتل بسبب التمييز العنصري والديني والعرقي مو سبب للإعدام

قال شو؟ نتركو ينسجن بأبد

وهو أكيد فرحان لأنه رح يلاقي مكان يعيش فيه

يا حبيبي شلون مافي داعي؟؟؟

لازم الدول العربية تضغط على ألمانيا مشان ما يتكرر هالشي

والي عم يقولولك الشباب إنه صار عادة في ألمانيا

ألمانيا فيها تحسن صورة المسلمين من خلال وسائل الإعلام الحكومية

وفيها تنشر بين مواطنيها ترك العنف ضد المسلمين

هالحكي ما بصير

وبعدين القتل بسبب التمييز العنصري والديني والعرقي مو سبب للإعدام

قال شو؟ نتركو ينسجن بأبد

وهو أكيد فرحان لأنه رح يلاقي مكان يعيش فيه
الدولة بحد ذاتها مافيها اعدام
انت مو من حقك تفرض عليون يطبقو حكم الاعدام ، والا هننى من حقون يمنعو حكم الاعدام من عنا

هاد اسمو شأن داخلي (انا بدي يحاسبو القاتل بنفس العقاب اللي ممكن يحاسبوع به لو قتل المانية )
هاد بيرضيني

الدولة بحد ذاتها مافيها اعدام
انت مو من حقك تفرض عليون يطبقو حكم الاعدام ، والا هننى من حقون يمنعو حكم الاعدام من عنا

هاد اسمو شأن داخلي (انا بدي يحاسبو القاتل بنفس العقاب اللي ممكن يحاسبوع به لو قتل المانية )
هاد بيرضيني

هلأ بدك تقلي هنيه ما بيتدخلو بشؤون داخلية لدول أخرى؟؟؟

بكفي تدخل دول الإتحاد الأوربي في مظاهرات إيران!

أو في شؤون العراق وتدميرون للنظام القائم مشان ينشرو الديموقراطية!!

أو على الأقل مشان الصحفي الأمريكي الي ضاع بسوريا الي قام مشانو العالم وما قعد

يا حبيبي الدنيا مو بهالبساطة

هنيه مانون مساكين وحالون حال نفسون ونحنا عم نتحركش فيون

ما حدا أحسن من حدا..والي بدو يعمل حالو بطل وبدو يتدخل لازم يتحمل التدخلات الخارجية الأخرى

وبعدين هادا إعتداء على مصرية مو على ألمانية
وقتلها بدون سبب!
بقومو بقولولو تعا عود بهالفندق ( السجن )مدى الحياة على حساب الحكومة وبسموه عقاب؟؟

إيه لو تركوه بالشارع كان عقاب أحسن!

اقتنعت ...

والله يا حبيب لازم الدول العربية تساوي إجتماع طارئ لمندوبي جامعة الدول العربية

ويناقشو الوضع القائم ويستدعو السفراء الألمانيين في الدول العربية على الأقل

ويساوو لجنة تحقيق عربية لمتابعة التحقيقات الألمانية بالموضوع

وينظمو عدة زيارات للوزراء خارجية عرب ليأكدو على أهمية الموضوع

ويرسلو محققين عرب ليحققو لحالون بالموضوع

ويناقشو القصة بالأمم المتحدة
ويطالبو بتسليم المتهم للمحاكم العربية

ويطالبو بتسليم الشرطي كمان للدول العربية للتحقيق معه
ويطالبو بتسليم الشهود الي كانو موجودين بالمحكمة للتحقيق معون
إذا قدرو يساوو كل هالحكي

أنا مجهزلون الجزء التاني
طب سؤال أو فلاشة ما بعرف اذا بتعنيك

هل يا ترى لازم يتداول بكل هلإجتماعات هي السؤال التالي : هل الاسلام واضح المعالم للغرب

اذا سألتك انت : " هل الأسلام حضاري أو متخلف "
ما بعتقد رح اتطول كتير لتقلي انه حضاري
بس اذا سألت أوروبي من عامة الشعب نفس السؤال .. كمان ما رح يطول كتير ليقلي انه قمة التخلف .
قبل ما تفكر تسبه للأوروبي انه هانك .. وتطلع بمظاهرات وتحرق الأعلام وتثبت هي الصورة بذهنه
مافي احتمال انه في غلط منك وحق عليك بأنك ما عم تنقله صورتك بطريقة صح ؟ تارك بن لادن وجماعته ينقلوا صورة الاسلام وصورتك بدل المنك ؟

طب سؤال أو فلاشة ما بعرف اذا بتعنيك

هل يا ترى لازم يتداول بكل هلإجتماعات هي السؤال التالي : هل الاسلام واضح المعالم للغرب

اذا سألتك انت : " هل الأسلام حضاري أو متخلف "
ما بعتقد رح اتطول كتير لتقلي انه حضاري
بس اذا سألت أوروبي من عامة الشعب نفس السؤال .. كمان ما رح يطول كتير ليقلي انه قمة التخلف .
قبل ما تفكر تسبه للأوروبي انه هانك .. وتطلع بمظاهرات وتحرق الأعلام وتثبت هي الصورة بذهنه
مافي احتمال انه في غلط منك وحق عليك بأنك ما عم تنقله صورتك بطريقة صح ؟ تارك بن لادن وجماعته ينقلوا صورة الاسلام وصورتك بدل المنك ؟
______________________بعيدا عن أسامة بن لادن لأنه قصته لحالها وما دخلها بالموضوع ______________
والله معك حق

المسلمين هلأ مآخر همون الدين وهون تقع المشكلة وأكيد الحل بإيدون

يعني لما تشوف أغنياء العرب والمسلمين فاتحين قنوات أغاني ورقص عربي وتاركين الإعلام المهم لتوضيح عقيدة الإسلام وتاركين الإعلام الغربي يفسر كل شي متل ما بدو فما رح يتغير شي

اقتنعت ...

ريحتني....

______________________بعيدا عن أسامة بن لادن لأنه قصته لحالها وما دخلها بالموضوع ______________
والله معك حق

المسلمين هلأ مآخر همون الدين وهون تقع المشكلة وأكيد الحل بإيدون

يعني لما تشوف أغنياء العرب والمسلمين فاتحين قنوات أغاني ورقص عربي وتاركين الإعلام المهم لتوضيح عقيدة الإسلام وتاركين الإعلام الغربي يفسر كل شي متل ما بدو فما رح يتغير شي
مو الاعلام اللي رح يخلق صورة المسلمين الصح عند الغرب
تصرفات المسلمين هية العامل الوحيد القادر يمحي لقب الإرهابي عن المسلم وصفة الإرهاب عن الاسلام

لو بقيت عم تقله للأوروبي انه الاسلام دين محبة تسامح وتوزع عليه بالمولات بروشورات بتحكي عن عظمة الاسلام والرقي اللي فيه .. ما رح يقتنع بحكيك لأنه مشكل صورة مسبقة براسه عن هاد الموضوع وعم يشوف اشياء بعينه .. مانه بحاجة لشخص يحكيله شو عم يشوف .
رح تقلي وشو الحل ؟
انا بشوف أنه في تصرفات صغيرة كتير وبسيطة كتير قادرة على خلق تغيير كتير كبير بنظرة الغرب للإسلام
كمثال بسيط : مسيرة صامتة بعيدا عن الشتائم وحرق الإعلام ممكن انها توصل فكرة الاحتجاج + بتنقل صورة حضارية عن الاسلام والمسلمين

مو الاعلام اللي رح يخلق صورة المسلمين الصح عند الغرب
تصرفات المسلمين هية العامل الوحيد القادر يمحي لقب الإرهابي عن المسلم وصفة الإرهاب عن الاسلام

لو بقيت عم تقله للأوروبي انه الاسلام دين محبة تسامح وتوزع عليه بالمولات بروشورات بتحكي عن عظمة الاسلام والرقي اللي فيه .. ما رح يقتنع بحكيك لأنه مشكل صورة مسبقة براسه عن هاد الموضوع وعم يشوف اشياء بعينه .. مانه بحاجة لشخص يحكيله شو عم يشوف .
رح تقلي وشو الحل ؟
انا بشوف أنه في تصرفات صغيرة كتير وبسيطة كتير قادرة على خلق تغيير كتير كبير بنظرة الغرب للإسلام
كمثال بسيط : مسيرة صامتة بعيدا عن الشتائم وحرق الإعلام ممكن انها توصل فكرة الاحتجاج + بتنقل صورة حضارية عن الاسلام والمسلمين

حبيب أنا معك بس في شغلة إنت مو فهمانة

الإسلام حضارة قائمة بنفسه ويبتعد عن الأخذ من حضارة الغرب

والإحتجاج والمسيرات السلمية فنة جديدة على المسلمين
ومن منظور إسلامي

بيبقى لازم نحدد إذا هالمسيرات مقبولة بالإسلام أو لاء
يعني هي أكيد مو محرمة! بس الإسلام بحب يلاقي طرق أخرى للوصول إلى هدفه

وبرأيي الشخصي المسلمين بيحسنو يغيرو كتييييييييييييييييييير بطرق متنوعة كتير

أول شي ,, لازم أول شي يرحمو المسلمين بعضون وحاجتون تقتيل ببعض ( حروب أهلية وطائفية وما إلى ذلك من نزاعات عربية عربية أو إسلامية إسلامية )

تاني شي ,, المسلمين لازم يرجعو يتمسكو بيدنون حتى يقدرو يكونو واجهة لها الدين يعني مو مسلمين بالإسم فقط

ثالث شي ,, لازم يصير في عدل , لأنه ( في المعتقد الإسلامي ) الله قد ينصر الدولة الكافرة العادلة على الدولة المسلمة الطالمةوهون لب الموضوع وأهم مشاكله

رابع شي,, المسلمين لازم ينشطو الحملات الإعلامية الإسلامية ( هي مثل الهبة الإعلامية الإسلامية الي صارت بالدنمارك والنرويج بعد نشر الصور المسيئة للرسول صلى الله عليه وسلم,, وأعطت نتيجة والدليل على ذلك المظاهرات الشعبية الي صارت هنيك أيام الحرب على غزة )

أعتقد أن كل ذلك سيكون كفيلا بتحسين الصورة الإسلامية العالمية

حبيب أنا معك بس في شغلة إنت مو فهمانة

الإسلام حضارة قائمة بنفسه ويبتعد عن الأخذ من حضارة الغرب
في شغلة بعقتد اننا ما كتير واضحة قدامنا
عم نحكي هون على الاسلام كدين وعقيدة ولا ككيان اجتماعي ؟

ما قربنا صوب العقيدة واذا بتلاحظ انا كنت عم احكي على صورة الاسلام الاجتماعية بنظر الغرب
من يومين طلع على قناة الـ TV5 الفرنسية شخصية قيادية لحزب العدالة والحرية ( ما بعرف بأيا دولة بالتحديد .. المذيع وقت عرف على الزلمة ما قدرت القط اسم الدولة )
الشخص هاد كان قادر وبوضوح انه يفرق بين الاسلام والمسلمين .. بين العقيدة والمجتمع
ما رح انقل الحكي اللي قاله لأن ما بعتقده رح يخدم الموضوع
بس اللي بدي وصله أنه الغرب فاصل مباشرة بين العقيدة كنصوص وآيات وبين التطبيق الاجتماعي الها
فالتحسين يفترض يكون على قاعدة المجتمع الاسلامي اللي انا وانت ما منختلف انه بأسوأ حالته وبحاجة بشكل أكيد للأخد من الحضارة العالمية ومفاهيمها الراقية .





والإحتجاج والمسيرات السلمية فنة جديدة على المسلمين
ومن منظور إسلامي

بيبقى لازم نحدد إذا هالمسيرات مقبولة بالإسلام أو لاء
يعني هي أكيد مو محرمة! بس الإسلام بحب يلاقي طرق أخرى للوصول إلى هدفه

وبرأيي الشخصي المسلمين بيحسنو يغيرو كتييييييييييييييييييير بطرق متنوعة كتير

أول شي ,, لازم أول شي يرحمو المسلمين بعضون وحاجتون تقتيل ببعض ( حروب أهلية وطائفية وما إلى ذلك من نزاعات عربية عربية أو إسلامية إسلامية )

تاني شي ,, المسلمين لازم يرجعو يتمسكو بيدنون حتى يقدرو يكونو واجهة لها الدين يعني مو مسلمين بالإسم فقط

ثالث شي ,, لازم يصير في عدل , لأنه ( في المعتقد الإسلامي ) الله قد ينصر الدولة الكافرة العادلة على الدولة المسلمة الطالمةوهون لب الموضوع وأهم مشاكله

رابع شي,, المسلمين لازم ينشطو الحملات الإعلامية الإسلامية ( هي مثل الهبة الإعلامية الإسلامية الي صارت بالدنمارك والنرويج بعد نشر الصور المسيئة للرسول صلى الله عليه وسلم,, وأعطت نتيجة والدليل على ذلك المظاهرات الشعبية الي صارت هنيك أيام الحرب على غزة )

أعتقد أن كل ذلك سيكون كفيلا بتحسين الصورة الإسلامية العالميةمع اني ما بتفق معك بهي تبع تسمية دولة "كافرة"
بس على القليلي وصلنا لبعض أنه التفكير بالحلول والتحركات كردة فعل على هي الحادثة لازم تتجه بهاد المنحى .. بمنحى تحسين الصورة

في شغلة بعقتد اننا ما كتير واضحة قدامنا
عم نحكي هون على الاسلام كدين وعقيدة ولا ككيان اجتماعي ؟

ما قربنا صوب العقيدة واذا بتلاحظ انا كنت عم احكي على صورة الاسلام الاجتماعية بنظر الغرب
من يومين طلع على قناة الـ TV5 الفرنسية شخصية قيادية لحزب العدالة والحرية ( ما بعرف بأيا دولة بالتحديد .. المذيع وقت عرف على الزلمة ما قدرت القط اسم الدولة )
الشخص هاد كان قادر وبوضوح انه يفرق بين الاسلام والمسلمين .. بين العقيدة والمجتمع
ما رح انقل الحكي اللي قاله لأن ما بعتقده رح يخدم الموضوع
بس اللي بدي وصله أنه الغرب فاصل مباشرة بين العقيدة كنصوص وآيات وبين التطبيق الاجتماعي الها
فالتحسين يفترض يكون على قاعدة المجتمع الاسلامي اللي انا وانت ما منختلف انه بأسوأ حالته وبحاجة بشكل أكيد للأخد من الحضارة العالمية ومفاهيمها الراقية .



مع اني ما بتفق معك بهي تبع تسمية دولة "كافرة"
بس على القليلي وصلنا لبعض أنه التفكير بالحلول والتحركات كردة فعل على هي الحادثة لازم تتجه بهاد المنحى .. بمنحى تحسين الصورة

حبيب لاء ككيان إجتماعي

بس مشان دولة كافرة أنا أصر على هذه التسمية ..بتعرف ليش؟؟؟ لأنها ليست إهانة أبدا
لأن كلمة كفر في أصل اللغة العربية تعني جحد

فالكافر هو الجاحد للإسلام أي غير معترف بصحته

فالدولة الكافرة هي الدولة الغير معترفة بالإسلام كدين صحيح لا أكثر ولا أقل إنما إستغلت هذه التسمية لأغراض أخرى


ومشان تحسين الصورة ( عالقليلة إتفقنا بشي نقطة)

حبيب لاء ككيان إجتماعي

بس مشان دولة كافرة أنا أصر على هذه التسمية ..بتعرف ليش؟؟؟ لأنها ليست إهانة أبدا
لأن كلمة كفر في أصل اللغة العربية تعني جحد

فالكافر هو الجاحد للإسلام أي غير معترف بصحته

فالدولة الكافرة هي الدولة الغير معترفة بالإسلام كدين صحيح لا أكثر ولا أقل إنما إستغلت هذه التسمية لأغراض أخرى


ومشان تحسين الصورة ( عالقليلة إتفقنا بشي نقطة)

بالله من وين جايب هالتحليل الرنان؟؟
يعني الاسلام ما بيعترف لا بالمسيحية كدين موحد ولا باليهودية كاول ديانة توحيد؟؟
لا اخي مانون كفار حتى بالمفهوم الاسلامي يلي عم تحكي عنو .. لانو لا بيكفرو بالرب ولا مامنين بتعدد الالهة
فمن وين كفار ؟؟؟؟ بتوقع كفار قريش كانو لا مامنين لا بالاسلام وهي اولا وكان عندون تعددالالهة تانية ولهيك هيك اسمون .....
فيعني بلا هيك الفاظ... لانو هيدا سبب اساسي للتعامل مع المسلمين بنوع من الجفاء واحيانا الكره ( متل الحادثة يلي هيي اساس الموضوع ) .. لما انت بترفضني وبترفض ديني وقناعاتي رح رد عليك بنفس الاسلوب وطالما انت بارضي فانا الي الميزة وبالتالي ممكن سيء الك اكتر ...
ما بفهم بالمرة انوبالسعودية في مناطق ممنوعة فيها دخول مسيحيين وبنفس الوقت اذا شي دولة ما عاجبها دخول اسلام بتقوم الدنيا وما بتقعد .. شو هالتناقضية ؟؟؟
باليمن اختطفو المان وقتلو المان والاعلام الماني غطى هالحدث بشكل كبير ومسع جدا .. بس ما شفت مظاهرات قامت تسب وتلعن ع العرب والاسلام... ولا هجمات معادية عم يدعي عليه حدا علنية بالشوارع وما بعرف ...
بس الشغلة انو هني عندون ثقة انو دولتون بتحترم مواطنيها وبتحاول بكل الوسائل تعيد الاعتبار الهون .. بينما نحنا الثقة عنا معدومة .. ومنزيد الطين بلة بتصرفات هوجاء ما بتقدم غير اسوا صورة عن العرب وبيصير ايا حدا عربي فيعني همجي..... لك يلي بيضحك انو هون ايا عربي هوي فورا مسلم...يعني طغت هالصورة ع كل العرب وكانو منطقتنا ما كانت تجمع لكل الاديان وفيها من جميعو اشكال الوان .. خلص عربي هيدا يعني مسلم ومسلم يعني متعصب ومتعصب يعني يا همجي يا ارهابي .... صورة رائعة فعلا... شي بيشرف كتير
يا ريت هالنزعة العصبية الفاضية تخف عنا .... لانها مسيئة اكتر بالف مرة من الفائدة .. اذا كان الها فائدة

والله يا حبيب لازم الدول العربية تساوي إجتماع طارئ لمندوبي جامعة الدول العربية

ويناقشو الوضع القائم ويستدعو السفراء الألمانيين في الدول العربية على الأقل

ويساوو لجنة تحقيق عربية لمتابعة التحقيقات الألمانية بالموضوع

وينظمو عدة زيارات للوزراء خارجية عرب ليأكدو على أهمية الموضوع

ويرسلو محققين عرب ليحققو لحالون بالموضوع

ويناقشو القصة بالأمم المتحدة
ويطالبو بتسليم المتهم للمحاكم العربية

ويطالبو بتسليم الشرطي كمان للدول العربية للتحقيق معه
ويطالبو بتسليم الشهود الي كانو موجودين بالمحكمة للتحقيق معون
إذا قدرو يساوو كل هالحكي

أنا مجهزلون الجزء التاني


انت عم تحكي و كانو المواطن العربي عايش بنفس الحقوق تبع المواطن الغربي, مشان هيك لازم دولتو تتحرك فورا مشانو.

ليش انت ما نك سمعان شو عم تعمل الشرطة بمصر بالشعب, ما سمعت بهدا ا للي حطولوا الشرطة عصا بمؤخرتو؟ ادخل على اليوتيوب و حط كلمة تعذيب بالعربي بتشوف شلون الدولة المصرية بتعامل المواطن وهالشي بينسحب على كل الدول العربية

يعني اذا البني ادم بدولتو ما الو اهمية بدك يعملولوا اهمية برا؟؟ بعدين ايمتى اي دولة عربية تحركت مشان مواطن عادي؟؟ اذا ما كان واصل لفوق او فاحش الثراء ما حدا بيسمع في.



ألمانيا فيها تحسن صورة المسلمين من خلال وسائل الإعلام الحكومية

وفيها تنشر بين مواطنيها ترك العنف ضد المسلمين


شلون بدها تحسن صورة المسلمين؟؟؟ اذا كل يوم بيمسكولك ناس باعتن هالمجرم المتخبي بباكستان بدن يفجروا ويقتلوا؟؟ اذا كل يوم في فيديو تهديد لالمانيا من ناس عاملين حالن حماة الاسلام , وفي ناس كتار منن حضرتك مصدقين انن فعلا حماة الاسلام.

بدك المسلمين شوي يتغيرو , شوي يظهروا للناس انو في مسافة شي سنوات ضوئية بينن وبين هالمختلين عقليا لحتى تتحسن الصورة شوي.





وبعدين القتل بسبب التمييز العنصري والديني والعرقي مو سبب للإعدام


قال شو؟ نتركو ينسجن بأبد

أخي اذا البلد قانونها هيك, ما في اعدام . في ناس ارتكبت جرائم اشد من هالحيوان وطالعون , في وحدة كانت عضو بمنظمة بادر ماينهوف اليسارية الشهيرة ادانوها ب 8جرائم قتل لدوافع سياسية و بالاشتراك ب شي عشرين جريمة تانية بالاخير حكموها 24 سنة وطلعت من كم شهر من السجن .


حاج هيك مشان الله مشاركاتك بترفع الضغط الله وكيلك.

بالله من وين جايب هالتحليل الرنان؟؟
يعني الاسلام ما بيعترف لا بالمسيحية كدين موحد ولا باليهودية كاول ديانة توحيد؟؟
لا اخي مانون كفار حتى بالمفهوم الاسلامي يلي عم تحكي عنو .. لانو لا بيكفرو بالرب ولا مامنين بتعدد الالهة
فمن وين كفار ؟؟؟؟ بتوقع كفار قريش كانو لا مامنين لا بالاسلام وهي اولا وكان عندون تعددالالهة تانية ولهيك هيك اسمون .....
فيعني بلا هيك الفاظ... لانو هيدا سبب اساسي للتعامل مع المسلمين بنوع من الجفاء واحيانا الكره ( متل الحادثة يلي هيي اساس الموضوع ) .. لما انت بترفضني وبترفض ديني وقناعاتي رح رد عليك بنفس الاسلوب وطالما انت بارضي فانا الي الميزة وبالتالي ممكن سيء الك اكتر ...
ما بفهم بالمرة انوبالسعودية في مناطق ممنوعة فيها دخول مسيحيين وبنفس الوقت اذا شي دولة ما عاجبها دخول اسلام بتقوم الدنيا وما بتقعد .. شو هالتناقضية ؟؟؟
باليمن اختطفو المان وقتلو المان والاعلام الماني غطى هالحدث بشكل كبير ومسع جدا .. بس ما شفت مظاهرات قامت تسب وتلعن ع العرب والاسلام... ولا هجمات معادية عم يدعي عليه حدا علنية بالشوارع وما بعرف ...
بس الشغلة انو هني عندون ثقة انو دولتون بتحترم مواطنيها وبتحاول بكل الوسائل تعيد الاعتبار الهون .. بينما نحنا الثقة عنا معدومة .. ومنزيد الطين بلة بتصرفات هوجاء ما بتقدم غير اسوا صورة عن العرب وبيصير ايا حدا عربي فيعني همجي..... لك يلي بيضحك انو هون ايا عربي هوي فورا مسلم...يعني طغت هالصورة ع كل العرب وكانو منطقتنا ما كانت تجمع لكل الاديان وفيها من جميعو اشكال الوان .. خلص عربي هيدا يعني مسلم ومسلم يعني متعصب ومتعصب يعني يا همجي يا ارهابي .... صورة رائعة فعلا... شي بيشرف كتير
يا ريت هالنزعة العصبية الفاضية تخف عنا .... لانها مسيئة اكتر بالف مرة من الفائدة .. اذا كان الها فائدة


أول شي حبيبي الإيمان بأن اليهود والنصارى كفار جزء من الإسلام بتعرف ليش؟؟؟؟؟
لأنه الله وصفون بالقرآن بالكفر والي بقول لاء عم يكذب القرآن يعني مو مسلم

تاني شي,,مين قال إنو مو محترم دينك؟؟
يا زلمة كل الي أنا قلتو عن معنى كلمة كافر كان وصف لحالة رفضه للدين الإسلامي بينما إنت قعدت تقلي إنها رفض وما رفض وعم تحمل الكلمة أكتر مما تحمله جملة من رفض وعداء ومضري شو وللعلم كان جار الرسول صلى الله عليه وسلم يهودي وكان يؤذي الرسول بس لما مرض راح الرسول زاره مع إنه كافر!

ثالث شي,,أنا جبتلك معنى الكلمة حرفيا وهادا ياللي عم ندرسه بالسعودية يعني المسلمين المتشدددين برأيك هيك الي قالو مو أنا

طيب إذا المعنى الي أنا عطيتك ياه خاطئ شو المعنى الصحيح؟؟؟


والمناطق الي عم تحكي عنها هي مدينة واحدة إسمها مكة
وبعدين شو بدون بهيك فوتة؟؟
يعني مافي شي بيقدر يستفيد منو الناس غير زيارة المسجد الحرام بس فشو بدون يجو يساوو الكفار 


أما إنه العروبة مقرنة بالإسلام فهادا شي أكيد لمليوووون سبب أولها إنه العرب الغالبية العظمى منهم مسلمين

كما أن الإسلام بدأ بالدول العربية
والعرب ما حكمو العالم إلا لما كانو متمسكين بالدين الإسلامي

كما إنه االسياسات الخارجية للدول العربية ومواقفها دائما ما تربطها بالإسلام والمسلمين

هادا عدا عنإنه المقاتلين المسلمين هنيه الي دائما ثارو ضد الإلستعمار والإحتلال

فشو بدك أكتر من هيك؟؟؟

اانت عم تحكي و كانو المواطن العربي عايش بنفس الحقوق تبع المواطن الغربي, مشان هيك لازم دولتو تتحرك فورا مشانو.

ليش انت ما نك سمعان شو عم تعمل الشرطة بمصر بالشعب, ما سمعت بهدا ا للي حطولوا الشرطة عصا بمؤخرتو؟ ادخل على اليوتيوب و حط كلمة تعذيب بالعربي بتشوف شلون الدولة المصرية بتعامل المواطن وهالشي بينسحب على كل الدول العربية

يعني اذا البني ادم بدولتو ما الو اهمية بدك يعملولوا اهمية برا؟؟ بعدين ايمتى اي دولة عربية تحركت مشان مواطن عادي؟؟ اذا ما كان واصل لفوق او فاحش الثراء ما حدا بيسمع في.

معك حق أنا نسيت إننا عايشين هون!

يعني فكرك إني ما بعرف شو الوضع ؟؟؟؟؟


شلون بدها تحسن صورة المسلمين؟؟؟ اذا كل يوم بيمسكولك ناس باعتن هالمجرم المتخبي بباكستان بدن يفجروا ويقتلوا؟؟ اذا كل يوم في فيديو تهديد لالمانيا من ناس عاملين حالن حماة الاسلام , وفي ناس كتار منن حضرتك مصدقين انن فعلا حماة الاسلام.

بدك المسلمين شوي يتغيرو , شوي يظهروا للناس انو في مسافة شي سنوات ضوئية بينن وبين هالمختلين عقليا لحتى تتحسن الصورة شوي.


طيب المشكلة أصلا بين أسامة وجماعته وبين أمريكا شو دخل ألمانيا؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟

يا حبيبي والله مافي حدا رايح على باكستان مشان يقاتل الإرهاب
كلون رايحين مشان يلبو نداء جورج بوش( ستعود الحروب الصليبية من جديد)

وطبعا هنيه ما بدون يزعلو مستر جورج

يعني لا إرهاب ولا هم يحزنزن وهالحكي مجرد دعاية إعلامية لا أكثر ولا أقل


أخي اذا البلد قانونها هيك, ما في اعدام . في ناس ارتكبت جرائم اشد من هالحيوان وطالعون , في وحدة كانت عضو بمنظمة بادر ماينهوف اليسارية الشهيرة ادانوها ب 8جرائم قتل لدوافع سياسية و بالاشتراك ب شي عشرين جريمة تانية بالاخير حكموها 24 سنة وطلعت من كم شهر من السجن .


في فرق......هادا شأنون الخاص

بس هي مانا ألمانية لحتى يحكمو على كيفون
وإنقتلت بدوافع تعصبية حقيرة ....يعني هالقصة ماعادت مجرد شأن داخلي ألماني

المفروض هادا الواطي يصير مطلوب لدى الدول العربية والمفروض هالدول تطالب بتسليمه لها مشان هنيه يحكمو إعدام مشان ما يحرجو ألمانيا







حاج هيك مشان الله مشاركاتك بترفع الضغط الله وكيلك.



له له له حبيب روق ....
لا تعصب
أنا كل شي قلتله ما تعديت فيه عليك فليش متضايق؟؟؟؟

ولا إذا رأيي ما عجبك بتعصب وبيرتفع ضغطك؟

المفروض يكون عندك تقبل للرأي الآخر

"لا الله الا الله انا لله وانا اليه راجعون"

الله يرحمها