تدخين الاناث ... مع ولا ضد ؟ [الأرشيـــــف]

saman

03/07/2009, 01:30

مرحبن ...:D

انو هالظاهرة عم شوفها كتير بالاماكن العامة ... وبما انو من المتعارف عليه انو التدخين هوي صفة رجولة (عند معطم الناس) ... فأنو شو رأيكن بتدخين الاناث بالاماكن العامة ؟:larg:

انا قلت الاناث ..
لأنو في نساء كبار وفي صبايا وفي مراهقات .. وكل وحدة من هدول بجوز يكون الها حالة خاصة ...:pos:

مثلاً انا ما بستغرب ايداً ازا شفت ست كبيرة فوق 30 .. عم تدخن بالشارع او بالمطعم ...:adal:

بس بستغرب كتير ازا شفت صبايا جامعيات ... عم يدخنوا بنص الشارع :?

واكيد بستغرب لما شوف مراهقات طالعين من المدرسة وبايدهن سيجارة !:shock:

هلأ ما عم بحكي من ناحية الصحة .. ولا عم احكي انو انا ضد حرية المرأة ... بس انو انتو بتشوفو هالشي عيب؟
او بتشوفو هالشي بينقص من انوثة المرأة ؟
او بتشوفو هالشي امر عادي وطبيعي (مع العلم انو نسبة المدخنات عم بتزيد)؟

طبعاً انا هون عم احكي عن السيجارة .. اما الاركيلة بالمطاعم والمحلات فانا بشوفو شي عادي وطبيعي جداً وبالبيت كمان :gem:

هاتو لنشوف نورونا بآركن الفذّة :pos:

:D

THE_unforgiven

03/07/2009, 02:21

هلأ بشكل عام .. انا مع .. لأن المرا مابتفرق شي عن الرجال .. وهاد حقا ..
بس ممكن الزوج مايخلي مرتو تدخن لأسباب خاصة فيه .. وماحدا دخلو بيناتن ..
بحب كتير تتحرر المرأة من قيود المجتمع السخيفة .. والبالية ..
تحياتي ..
.
.
.
THE,unforgiven ... "
:D

Syrian_love

03/07/2009, 02:23

انا مو فارقه معي يسطفلن عقلك براسك بتعرف خلاصك

Abu ToNi

03/07/2009, 03:01

ضد نهائياً لا بالبيت ولا بالاماكن العامة
انا صوتت لهاد الخيار
مو لأن ذكر أو انثى
انا ضد الفكرة من شروشا لو كان بني آدم أو بني غير آدم موقفي ما رح يتغير
ضد التدخين
ضد ضد ضد

LiOnHeArT.3LA2

03/07/2009, 03:20

ضد التدخين
ضد ضد ضد

ال.. بيضل ..

مع .. حتى بالاماكن العامة

هادا اللي اخترتو

saman

03/07/2009, 03:25

طيب معلش بس انو يلي مع او ضد .. ينورنا ويقللنا ليش ؟
:D

..AHMAD

03/07/2009, 03:29

انا صوتت لهاد الخيار
مو لأن ذكر أو انثى
انا ضد الفكرة من شروشا لو كان بني آدم أو بني غير آدم موقفي ما رح يتغير
ضد التدخين
ضد ضد ضدلك شعبك ازا بيحشش ، ازا بيتعاطى هيرويين بنص الطرقات .. ما بتقدر تلومو

عن شو عمتحكي ضد ؟
بيئياً؟ صحياً؟
اي مزبوط هالسيجارة بتضر، بس في الف معمل شمينتو ، والف معمل مدري شو ، دخان هالسيارات، ولك فوق هيك ... بتجيك كل خ*** بينتجلك ياها شقفة مسؤول بتلعن دين هالبيئة وهالصحة ... بس يلتقالهن حل ...
يبقى وقتها بتشكل هال سيجارة اللي ما عمتشكل نسبة بتتعدى ال 1 او 2 بالالف من المشاكل البيئية ،وقتها بس تبقى مشكلة الدخان بالاماكن العامة او بالطريق او بالبيت او بالحمام .... تُصنف عانها مشكلة
مافيك لما واحد يكون معو ايدز وسرطان والتهاب الكبد الوبائي والمدري شو ... مع رشحة صغيرة او انفو عميشرشر ، تنسالي كل امراضو هديك ، وتركد ورا هالمخطة الي عمتنزل من مناخيرو من مبدأ الامتحانات بالمدارس ازا واجهك سؤال صعب تركو وروح عالاسهل منو
هاد العلاج ما عاد ينفع بالمرة
نطفي سيجارة من هون .. ويطلع الف معمل والف شغلة بتلعن رب هالجو وهالصحة ... ما زابطة بالمرة حالياً...

عني انا مع ومع ومااااااااااع كمان ، وازا منعوه بدي افتح اسطوح بيتي يجو يحششو فيه :frown:

zen

03/07/2009, 03:43

هلق انو صحيا ما بحبذ للجنسين
بس انو بنات شباب ما بتفرق
وحشش عليها تنجلي
ومتل ما قال ابو حميد مو واقفة ع سيكارة
بينفخ هالشعب المسيكن فيها الهموم

المحارب العتيق

03/07/2009, 03:43

بصراحة .أنا عندي ازدواجية بهاد الموضوع . لصاحبتي اي . بس تاخد سكرة طبعا قبل الهية . أما قرايبيني فلأ :larg:

mhsen77

03/07/2009, 03:59

مع .. حتى بالاماكن العامة

اخترت هاد

لانو بعتبر هالشي حرية شخصية

jankasanova

03/07/2009, 04:23

مو فارقة .... يصطفلنّ

كل واحد عقلو براسو يعرف خلاصو
ونفس الجواب رح يكون اذا كان السؤال عن الرجال

Black Orchid

03/07/2009, 04:54

مو قصه أنا ضد, بس اسأل مجرب و لا تسأل حكيم, السيجاره حلوه بوقتها يمكن بتفش الخلق المعكر
بس بعدين لآ ,السيجاره بتمنعك تأخد حتى الهوى حتى الملوث , و اللي بيدخن بيصير بده دفش ليقوم, تصور
طالبه مو قادره تفتح الكتاب والسيجاره اخذه وقتها وعقلها, ولا ام مو فاضيه ترضع ابنها بس تخلص السيجاره

يعني مجتمع بحاله نايم.

zeenaa

03/07/2009, 05:20

هلا انا براي كتير عادي اني البنت تشرب شيشة بمكان عام حتى بحس الشيشة بناتية وباللادقية وجبلة فعلا للبنات:shisha:

بس السكاير يعني اللي بتدخن هي حرة طبعا وهي حرية شخصية بس يعني بمكان عام بحس شكلها مو حلو مو بس لاني السكاير للرجال لاني بكل السينما والتلفزيونات بحاولو ديما اني كل مابدهون يطالعوا رقاصة او وحدة هيك هيك بطالعوها بايدها سيكارة:larg:

Sun Shine Art

03/07/2009, 09:16

الموضوع خاص بالبنت ...بس انا برأي هي حره لما بدخن ...وبفضل انه ادخن قدام الكل ولا تكون بس بالبيت ..

يعني مو منطق ادخن بالبيت وبرى لا وكان عامله شي ..بالاخير الدخان بضر ان كانت بنت او شب ....هي صحيا

اما اجتماعيا فا بحس الموضوع فيه تخلف يعني انه ممنوع ادخن ...مانو منطقي
هي شغله كتير حريه شخصيه ...

ولك ميرو شو مفيئك ع هيم موضوع ;)

leonardo_dicabreo

03/07/2009, 09:28

مع وحتّى بالأماكن العامّه .

حريّه شخصيّه سيدي , مو بالضروري تتخبا مشان أدخّن , ولو كان الأستبيان عن شرب الخمره رح

أحكي اه . . ! !

يعني بدها تيجي من سيجاره ;)

وهي سيجاره عالخبريّه :larg: :frown:

شمس سوريا

03/07/2009, 10:20

انا خترت ضد حتى بالاماكن العامه
لانو انا بنظري السيكاره او الشيشه .. هي بس للرجااال ومن زماان معروفه هالشغله..
اما البنت لما بتمسك بايدها سيكاره او شيشه ..
يعني البنت حلاوتها انها تتمتع بكل انوثتها
وما بعتقد انو السيكاره صارت حريه شخصيه ...للمراه;)
هي من وجهة نظري ...يعني

ويسلمووو على طرح الموضوع ..:D

whiterose

03/07/2009, 12:04

ياعمي يصطفلن

هاد اختياري رغم اني بدخن ببعض الاوقات لكن بعمري مادخنت بالطريق او بمكان عام

وبعتباري صاحبة ذمة يمكن دخنت ببيتنا بالضيعة على الشرفة((التراس))
بيجوز يكون حدا من عامة الناس شافني

وللصراحة بكره منظر البنت المدخنة بالاماكن العامة المطاعم الشوارع والخ الخ الخ

sandra

03/07/2009, 12:16

بصراحة كنت محتارة بين قول إني "مع تدخين البنت بالأماكن العامة" وبين "يصطفلو"
بس اخترت بالأخير إني مع تدخين البنت بالأماكن العامة
لأن ما بحب الازدواجية ...
الشب حلو يدخن والبنت لا
البنت بتدخن بالبيت وبرا لا
عادي الأركيلة للبنت بس السيجارة لا
بالأخير كتير بنات عم تدخن بالسر فوين المشكلة إذا بيصير هالشي عالعلن ...
اي خليها تدخن بالأماكن العامة وحاج قيود عالبنت
:D

homam85

03/07/2009, 12:32

كأنو هالموضوع منزلو أنا من شي سنة وقامت الدنيا عليي وقتا انو مكرر..:x

بس عكل حال أنا مع...مع...معععععع التدخين للأبد بنت أو شب أو ما بينهما ..ما بتفرق:larg:

Maher 4x4

03/07/2009, 12:53

انا مع انو تدخن و تأركل و تاكل مصاصة و موز ....

أم الجود

03/07/2009, 12:54

و بما انو من المتعارف عليه انو التدخين هوي صفة رجولة (عند معطم الناس) ... فأنو شو رأيكن بتدخين الاناث بالاماكن العامة ؟:larg:

يعني لما اخترعوا التدخين كان جاية بالكتالوج تبعو انو بس للرجال ؟؟ ولا في بآلية عملية التدخين ما يناسب التكوين الفيزيولوجي للرجال و يتعارض مع تكوين المرأة ؟؟
التدخين تدخين إن كان المدخن رجال أو مرا أو كان الدخان سيكارة أو أركيلة أو بايب أو سيكار ...
بس نحنا كشرقيين مننظر للسيكارة بإيد المرأة (و الصبية خصوصاً) على أنها شكل من أشكال الإغراء -متل اللبس الجريء- يعني مرتبط بالسمعة و الأخلاق .. لهيك الرجال عموماً بيمنعوا زوجاتن (أو بناتن أو أخواتن) من التدخين ، مو خوفاً على صحتن لأنوا هالرجال غالباً هنن نفسن بيدخنوا .. بس حرصاً على صورتن قدام المجتمع و تأكيداً لوجود سلطتن على نسائن (انو أنا ماشالله حولي ضابب نسواني و ما حدا بيطلعلو يحكي معي كلمة هالقد) ...

طبعاً انا هون عم احكي عن السيجارة .. اما الاركيلة بالمطاعم والمحلات فانا بشوفو شي عادي وطبيعي جداً وبالبيت كمان :gem:

طيب ليش الأركيلة عادي و طبيعي و السيكارة لأ ؟!!
إذا بدنا نحكي من الناحية الجمالية و إذا التدخين فيو انتقاص من أنوثة المرأة ولا لأ .. فأنا بشوف السيكارة بإيد المرأة أشيك بمية مرة من خرطوم الأركيلة و الولد أبو النارة عم يخفّق رايح جاية لعندا على غيّر فحمة و الراس عم يحرق و عيشلي ياها ماتت - متل صورة المعلّيمة بالأفلام و المسلسلات المصرية :pos:-

محمد ابراهيم

03/07/2009, 14:09

الاستفتاء ناقص خيار
مو فارقه ، ينحرقن بكاز

zeenaa

03/07/2009, 14:30

؟؟
التدخين تدخين إن كان المدخن رجال أو مرا أو كان الدخان سيكارة أو أركيلة أو بايب أو سيكار ...
بس نحنا كشرقيين مننظر للسيكارة بإيد المرأة (و الصبية خصوصاً) على أنها شكل من أشكال الإغراء -متل اللبس الجريء- يعني مرتبط بالسمعة و الأخلاق .. لهيك الرجال عموماً بيمنعوا زوجاتن (أو بناتن أو أخواتن) من التدخين ، مو خوفاً على صحتن لأنوا هالرجال غالباً هنن نفسن بيدخنوا .. بس حرصاً على صورتن قدام المجتمع ...

وهاد الي قصدتو أنا ياأم الجود بس انا ماقلت اني حدا رح يمنعها هي مارح تعمل هيك مشان ماتحط حالها بموقع شبهة يعني بعود عن الشر وغنيلوا

بس اذا كان مارح تدخن في الاماكن العامة خوفا من جوز ولا أخ فهيك لأ ...لأني متل ماقلنا هي حرية شخصيةوإذا كانت هي شايفتها عادي شي بيرجعلها...

Maher 4x4

03/07/2009, 14:33

الاستفتاء ناقص خيار

وخيار كمان مافي مشكلة

black_iris

03/07/2009, 15:08

"ضد .. بس بالاماكن العامة يعني بالبيت عادي"

على اساس انو كل واحد حر يعمل شو ما بدو ..
وبما انو بتنتهي حرية الفرد عندما تبدأ حرية الآخرين فبكون التدخين بالأماكن العامة مرفوض :pos:
التدخين غلط بغض النظر بنت ولا شب كلو متل بعضو .. كان لازم يكون موجود خيار " ضد التدخين "
مافي منطق نقول الشب عادي و البنت عيب ! :?

محمد ابراهيم

03/07/2009, 15:28

وخيار كمان مافي مشكلة
تقصد ان الخيار اللي ناقص كمان نصا هو "مافي مشكلة "
ولا خيار تاني ببالك ، وطالما ببالك يبقى صاروخ من صواريخك الهزلية
بدي اعرف شو هو الخيار النائص وهاد بصورة رسمية ونيابة عن اعضاء تنظيم " معا ضد تدخين أنثى الزرافة "
"ضد .. بس بالاماكن العامة يعني بالبيت عادي"

على اساس انو كل واحد حر يعمل شو ما بدو ..
وبما انو بتنتهي حرية الفرد عندما تبدأ حرية الآخرين فبكون التدخين بالأماكن العامة مرفوض :pos:
التدخين غلط بغض النظر بنت ولا شب كلو متل بعضو .. كان لازم يكون موجود خيار " ضد التدخين "
مافي منطق نقول الشب عادي و البنت عيب ! :?

يا سلام :gem:
لو كل الصبايا متلك :D

كنت انتحر انا :lol:

لا جد رأيك عجبني ،
توضيحا : اللي بيدخن بمكان عام او بمكان غير عام بوجود اطفال او اشخاص غير قادرة على الخروج من هالمكان ،انسان مجرم بحق هالاشخاص ، لان اثار التدخين على المدى الطويل خطيرة جدا جدا وضارة جدا جدا جدا بصحة الانسان ، جد هاد اجرام .
اما التدخين والشخص لحالو او بين مجموعة مدخنين فهاد اجرام بحق نفسو وهاد شيئ بيخصو (متل اللي بينتحر )هو حر ينتحر بس لحالو .

Genifer

03/07/2009, 16:04

مو فارقة .... يصطفلنّ

ليش يعني بس الرجال معلش يدخنوا :shisha: ليش المرأة ما تدخن .. شو ناقصها

كفركة التدخين كتير بكرهه ... انه انت يلي بتشعله وأنت يلي بتدخنه مع انه بتعرف انه مضر للصحة
طيب ليش هالتدخين

عن جد رح خبركن هالقصة الصغيرة يلي صارت معي
طلعت بـ تكسي قلتله للشوفير وين ياخدني قمت سمعت صوته ...عن جد خفت منه ..لأنه كل صوتو كان رايح وأكتر من مبحوح ..يعني كأنه صوت هوا

..Jimy

03/07/2009, 16:38

مع :larg:..

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

nymphadooora ©

لأنو السـيجاره بأيد المرأه ثـوره

Nay

03/07/2009, 17:14

x52

03/07/2009, 17:42

هي ربنا الله السبجارة بايد البنت بتجيب الجلطة يقبرو قلبي

Maher 4x4

03/07/2009, 18:15

تقصد ان الخيار اللي ناقص كمان نصا هو "مافي مشكلة "
ولا خيار تاني ببالك ، وطالما ببالك يبقى صاروخ من صواريخك الهزلية
بدي اعرف شو هو الخيار النائص وهاد بصورة رسمية ونيابة عن اعضاء تنظيم " معا ضد تدخين أنثى الزرافة " .

واللهي تعددت النتائج و السبب واحد بس يا خيي و يا حبيبي الخيار من من الخيار الأخضر وهي الخضراوات التي تنبت جراء زرع بذرة في الأرض و سقايتها بالماء ريّا او بعلاً

وقد وضعت هزا الرّد بناءً على التحشيش و التفشيش و تكملة للأحاشيش التي قبلها وهي بهزا الرّد

انا مع انو تدخن و تأركل و تاكل مصاصة و موز ....

وبزلك قد اضفنا عنصر الخيار الأخضر للعناصر أعلاه بناءً على طلبك بزيادة خيار وهو بمعنى option باللغة الإنجليزية واللزي جاء في ردّك

الاستفتاء ناقص خيار

وهزا ما ندعوه بالتحشيشة الخضرة :o

وقد سبت علميا أن الخيار مفيد للبشرة فهو عنصر مغزي ايضا للشعر وهو جيد للإناث و الذكور ايضا
وبهزا فليزهب تنظيم " معا ضد تدخين أنثى الزرافة " إلى الجحيم :lol:

قال تدخين مسموح وممنوع قال ... :lol:الله يثبت علينا العقل والدين والدولة :cry:

ladyleen

03/07/2009, 18:21

أنا ضد في الأماكن العامة وغير الأماكن العامة لأني بشكل عام المرأة بتتواجد عادة بجو فيه أطفال أو هي نفسها بكون عندها أطفال أو حامل فلما بتدخن ما بتأذي حالها بس وبتأذي الأطفال اللي حواليها.:frown:

zeenaa

03/07/2009, 18:25

شو مبلش تحشيش عبكير اليوم ماهر:larg:
بعدين شو هاد تنظيم "معا ضد تدخين أنثى الزرافة"وباب الانتساب لسا مفتوح؟؟ ولا لأ؟ :p

الباحثة عن الحرية

03/07/2009, 18:45

انا ضد التدخين بشكل عام لا شب ولا بنت بس ما حطيت انو ضد لانو الخيار هو ضد للبنت فقط ...
انو بحب شكل السيجارة بالايد بحسها بتعطي هيبة ابصر كيف :oops: يعني خلو السيجارة مطفية احسن شي :lol:
حطيت يصطفلن احسن شي

عطر المغرب

03/07/2009, 18:59

انا ضد التدخيييييييييييييين عامتا ادا كان الشباب او حتى الصبايا
لانه مضر وبسبب امرااااض مع الوقت
واكيد الكل بيعرف هالشي ومع دالك المعضم بدخن
الله يهدي الجميييييييييييع

سوا ربينا

03/07/2009, 18:59

ضد وبجدارة .. ليش مش لانو مظهر البنت وهي بتدخن مش لايق مع انوثتها ..بعرف انو هلأ تلات ترباع العالم تقلك شو هالتخلف.. بس انو هاد رأيي ...:D

اسبيرانزا

03/07/2009, 19:48

أم الجود

03/07/2009, 20:03

انا مع الرأى لامانع من التدخين لكن ضدو فى الاماكن العامة للجنسين

بس أنا حابة وضّح شغلة كوني صوتت إني مع حتى في الأماكن العامة ..
الأماكن العامة مو يعني المستشفى و السينما و المكتب .. و حرية الشخصية للمرأة في التدخين أكيد مو يعني إنها تحط ابنها بحضنها و تنفخ سيكارتها بوشو ..! الأماكن العامة بالنسبة إلي هي الشارع .. الكافيه و المطعم (إذا كانوا المكان مفتوح أو بجناح المدخنين متل ما منشوف ببعض دول الغرب) .. و كمان لما بقول ما فيها شي المرأة تدخن مو يعني تفتحلا تحشيش و تكون حامل مثلاً ..
و ع فكرة أصلاً أنا ما بدخن .. بس انو يعني إذا كنت سهرانة بشي مطرح و القعدة ظريفة و حبيت نفخلي سيكارة لازم أشربا تحت الطاولة ؟ ولا على قولة سعيد صالح روح اشربها بالحمام ؟!! :shock:

محمد ابراهيم

03/07/2009, 20:07

زمان لما كان فرويد ببداية مشواره للعلاج النفسى كان بيعالج بعض الامراض النفسية بالمخدر
شئ متل السيجارة , لان ها الشئ بيساعد ع التنفيس
وبما ان الضغوط النفسية كترت وبشوى ع المرأة فليش لأ ؟ اذا هى بتختار وشايفة انو هى السيجارة بتريح فمن حقها تدخن
وزى ما بناخد الدوا بغرفتنا او بمشفى ...اعنى بمكان خاص
فبحبذ السيجارة كمان ما تتدخن الا بمكان خاص بالشخص بيبتوا او بغرفتو

انا مع الرأى لامانع من التدخين لكن ضدو فى الاماكن العامة للجنسين
هقولك على شيئ مهم
لو المبدأ هو حرية شخصية او من منطلق المساواة مع الرجل (انا ما رح علق ) عدم تعليقي مش معناه قبول ،
الحرية الشخصية لها حدود والمساواة تكون بالايجابيات بصالح المجتمع وبالسلبيات في ضد صالح المجتمع وبالمناسبة انا مش مدخن ، يعني مش جاي اقول رأي وانا بعمل عكسه .

بس يعني ان الفكرة تكون السيجارة "علاج " يعني تساعد عالتنفيس وتعالج الضغوط النفسية فهاذا منطق باطل .

الحمد لله عندنا بالمنتدى من دارسين الطب وخريجين كليات الطب عدد كبير جدا ممكن يعلقو على الكلام اللي رح اكتبو ويوضحو الصواب والخطأ فيه .
على فرض ان جهة انتجت علاج بيتسبب في عشرات الامراض منهم امراض قاتلة كالسرطان .
بتتوقعي تصدر تسمية علاج على هذا "المنتج"
مستحيل طبعا يوافقو على انتاج سم على اساس انه عسل .
يعني يعالج الضغوط النفسية ويساعد عالتنفيس وبنفس الوقت يتسبب في عشرات الامراض ؟ كسرطان الرئة وامراض القلب وغيرها ؟
في بحث بيذكر ان اكتر من 80% من المدخنيين موجودين بالدول النامية (وبدل ما يوجهو هذا الانفاق على الطعام او التعليم او العلاج بيوجهوه الى مزيد من ضعف الصحة والامراض )
بخصوص ان موضعنا عن تدخين الاناث حصرا فبيكون من الافضل ان زميل يتطوع وينقل لنا اخطار التدخين على الجنين .

cornholio

03/07/2009, 20:34

ضد ضد ضد (بالتلاتة) :lol:

هلق شو الله جابرها انو تدخن ؟؟؟؟
اذا عالمفخرة هادا كان زمان

الصراحة منظر البنت او المرأة وهيي ناتعة السيغارة بايدها لحالو شي مو حلو

:D

boozy

03/07/2009, 21:09

الدخين كله على بعضه كريه سواء للمرأة او الرجل ناهيك عن مخاطرة الصحية و المادية والمظهر وووووو
" اعجب للاحمق الذي يدفع مالا ليحرق صدره"
بيليه- الجوهرة السوداء

boy freind

03/07/2009, 21:33

مو فارقة معي ينباعو بالعزا

و بالنسبة الي لم و لما و لن ادخن :larg:

اسبيرانزا

03/07/2009, 21:54

هقولك على شيئ مهم

بس يعني ان الفكرة تكون السيجارة "علاج " يعني تساعد عالتنفيس وتعالج الضغوط النفسية فهاذا منطق باطل .

الحمد لله عندنا بالمنتدى من دارسين الطب وخريجين كليات الطب عدد كبير جدا ممكن يعلقو على الكلام اللي رح اكتبو ويوضحو الصواب والخطأ فيه .
على فرض ان جهة انتجت علاج بيتسبب في عشرات الامراض منهم امراض قاتلة كالسرطان .
بتتوقعي تصدر تسمية علاج على هذا "المنتج"
مستحيل طبعا يوافقو على انتاج سم على اساس انه عسل .

محدش بيختلف معك على اثار التدخين السلبية على الصحة
انا بناقش الموضوع من جانبين كونوا حرية شخصية ولا لأ ومن الجانب النفسى
من حيث حرية شخصية طبعا كل واحد حقو يعيش حياتو زى ما هو عايز بحيث مايضرش غيروا
ومن الجانب النفسى ... السيجارة زى التيشيرت الغريب زى الوشم اللافت زى قصة شعر الايموز
كلها مظاهر للتنفيس يعنى ليها ابعاد نفسية علاجية ولو كانت بسيطة

اذا كنت مش متفق ع النقطة الاخيرة من حقك ...وانا بحبذ التنفيس النفسى يكون بطرق اخرى
بس مش بقولك ولا بقولى ...كل شخصية بتختار ادواتها وعاداتها

Nay

03/07/2009, 22:05

ضد ضد ضد (بالتلاتة) :lol:

هلق شو الله جابرها انو تدخن ؟؟؟؟
اذا عالمفخرة هادا كان زمان

الصراحة منظر البنت او المرأة وهيي ناتعة السيغارة بايدها لحالو شي مو حلو

:D

وانت منظرك حلو؟؟؟!!!
عجيب.. ليش منظري مو حلو مع السيكارو وانت منظرك حلو؟؟؟:shock:

محمد ابراهيم

03/07/2009, 22:20

محدش بيختلف معك على اثار التدخين السلبية على الصحة
انا بناقش الموضوع من جانبين كونوا حرية شخصية ولا لأ ومن الجانب النفسى
من حيث حرية شخصية طبعا كل واحد حقو يعيش حياتو زى ما هو عايز بحيث مايضرش غيروا
ومن الجانب النفسى ... السيجارة زى التيشيرت الغريب زى الوشم اللافت زى قصة شعر الايموز
كلها مظاهر للتنفيس يعنى ليها ابعاد نفسية علاجية ولو كانت بسيطة

اذا كنت مش متفق ع النقطة الاخيرة من حقك ...وانا بحبذ التنفيس النفسى يكون بطرق اخرى
بس مش بقولك ولا بقولى ...كل شخصية بتختار ادواتها وعاداتها
تمام
مارح نختلف ، كل واحد حر بصحته يضيعها متل مابده .

لن اناقش موضوع الحرية الشخصية او الجانب النفسي ، لا الاولى تخصني ولا الثانية تهمني :lol: بالوقت الحالي

النقطة الاخيرة انتي اعلم بها مني بحكم دراستك او اطلاعك ، انا مختلف على فكرة استخدام علاج يشفي مرض غير قاتل ويجيب مرض قاتل !!
لو كان العكس كنت وافقت ، يعني يشفي مرض قاتل ويجيب مرض غير قاتل .
على كل حال كل واحد حر يدمر صحته كيف مايحب .

..AHMAD

03/07/2009, 22:21

يعني ما بعرف..

بالنسبة الي كلاهما الرجل أو المرأة اسمهن بالنهاية انسان .. بغض النظر عن هالتوصيف الإلهي اللي نزلو الله
متل ما الرجل اله عقليته اللي بتحددلو أصول التعامل مع المنيح والعاطل، اللبق وغير اللبق، اللازم والغير لازم
الأنثى إلها عقليتها بالتعامل مع هالشي كمان، ومانو ناقصها شي لتحدد إن كان هالشي يليق أو لا يليق.
ما بعرف ليش ما بلاقي امتعاض من انو رجل ماسك هالسيجارة بنص الطريق ومشعلها ويكون ماشي بسوق مثلاً ، وفي الف بني آدم ...
ومابيفكر قديش في ناس متخوزقة، وقديش في ناس دخنتو فاتت بانفها وعيونها، وكم مسبة أكل من الزبال الي عمينضف الشارع من وراه ( بالمجمل .. مو هوي تحديداً إنما كم الدخان الي بتلاقيه بالأرض ).
بينما بلاقيه بيفكر انو ليش هالأنثى بتدخن بأماكن عامة، أو بتدخن بالطريق، لك وحتى انو ليش بتدخن بالأساس.
انو يا يتم التعامل مع قضية التدخين كـ قضية تدخين بالمجمل، أو لا يتم التعامل فيها بالمرّة على أساس أنثى مدخنة بأماكن عامة أو خاصة.

Sun Shine Art

03/07/2009, 22:28

يعني عن جد ما بعرف بس مو ملاحظين في ردود فيها رجعيه يعني العالم وصل لوين ونحن لسى منظر المرأه وهي عم ادخن حلو ولا مو حلو ...انشاء الله بتحشش ...هي شغله خاصه فيها .

التدخين مضر ....صحيا ايه ...فا من وين جبتولي منظرها ...بالنص ...كلها عادات وتقاليد باليه

شامي للنخاع

03/07/2009, 22:41

بي صراحة السيكارة بايدي المرأة بيغريني كتير..........وانا مع وهاد حرية شخصية..........شو شب حلل وبنت حرام......شيه عا هل الكلام

سوا ربينا

03/07/2009, 22:47

دخيل البطاطا انا ... والله برأيي الموضوع كلو مش عارف من وين جاي ..

Maher 4x4

03/07/2009, 22:51

شو مبلش تحشيش عبكير اليوم ماهر:larg:
بعدين شو هاد تنظيم "معا ضد تدخين أنثى الزرافة"وباب الانتساب لسا مفتوح؟؟ ولا لأ؟ :p

نعم :shisha:

بالمناسبة انا مع البنت انو تاكل مخلل كمان بأنواعه ( خيار - لفت - فليفلة حدة و حلوة - بيتنجان - ملفوف - الخ..) و تتعدد انواع المخلل بصراحة لأنها بتزيد مع التطورات الحاصلة

بالنسبة للزرافة فهي اكبر سبب لأكل الحشيش و الخضراوات و اللتي يتم تصنيع المخلل منها
وهي السبب في فقر عدد كبير من البلدان من الخضراوات اللازمة لاستمرار الحياة على وجه الأرض

:shisha: