أعلنت السيدة أسماء الأسد أنها سترحب بزيارة للرئيس الأميركي باراك أوباما مع زوجته ميشيل اوباما إلى دمشق في المستقبل القريب. وأجابت عن سؤال لمراسل سكاي نيوز إن كانت ترى نفسها تستضيف الرئيس اوباما في القصر الرئاسي بدمشق، بأنها ترى نفسها تستضيفهما في المدينة القديمة وتلتقي معهما بالناس لمعرفة كيف يعيشون ولمعرفة ماهي سورية الحقيقية.

وأضافت في لقاء خاص بالشبكة البريطانية: "حقيقة أن الرئيس أوباما رئيس شاب... والرئيس الأسد شاب أيضاً ولذلك ربما يكون الوقت ملائماً لهؤلاء القادة الشباب لإحداث التغيير في العالم".
ووصفت سكاي نيوز على موقعها الالكتروني بأن ترحيب السيدة أسماء هذا يأتي كإشارة أخرى في سلسلة إشارات على تحسن العلاقات السورية الأميركية بعد سنوات من التوتر.
وفي الحديث عن المشروع الشبابي مسار والذي ستطلق مرحلته الأخيرة اليوم، وفيما إذا تحول التفكير النقدي الذي تشجع الشباب واليافعين عليه إلى أسئلة وانتقادات سياسية قالت السيدة الأسد لمراسل المحطة: أتمنى الا تظن ان الناس هنا لا ينتقدون ولا يشتكون من المحكومة، أو لا يشتكون من الخدمات أو من الأزمات الاقتصادية... هم هنا يشتكون كثيراً كما في كل مكان في العالم.
وأوضحت أن ما تحاول الوصول إليه هو ليس مجرد الشكوى أو الانتقاد فقط بل أن يصبح الناس جزءاً من الحل ويكونون مشتركين بهذا الحل.
وعن رأيها فيما إن كانت سورية تغيرت في السنوات الأخيرة وإن تغيرت بالقدر الكافي، قالت السيدة الأسد، أن سورية تغيرت جدا، لكننا طموحون فالتغيير عملية مستمرة وليست شيئاً تفعله ومن ثم ننتهي...


عن نشرة كلنا شركاء

وفي الحديث عن المشروع الشبابي مسار والذي ستطلق مرحلته الأخيرة اليوم، وفيما إذا تحول التفكير النقدي الذي تشجع الشباب واليافعين عليه إلى أسئلة وانتقادات سياسية قالت السيدة الأسد لمراسل المحطة: أتمنى الا تظن ان الناس هنا لا ينتقدون ولا يشتكون من المحكومة، أو لا يشتكون من الخدمات أو من الأزمات الاقتصادية... هم هنا يشتكون كثيراً كما في كل مكان في العالم.
وأوضحت أن ما تحاول الوصول إليه هو ليس مجرد الشكوى أو الانتقاد فقط بل أن يصبح الناس جزءاً من الحل ويكونون مشتركين بهذا الحل.



ما عم لاقي تعليق على هيك حكي الا اللي قالوا مظفر النواب :


سيدتي , كيف يكون الانسان شريفا وجهاز الامن يمد يديه بكل مكان والقادم أخطر.

وفي الحديث عن المشروع الشبابي مسار والذي ستطلق مرحلته الأخيرة اليوم، وفيما إذا تحول التفكير النقدي الذي تشجع الشباب واليافعين عليه إلى أسئلة وانتقادات سياسية قالت السيدة الأسد لمراسل المحطة: أتمنى الا تظن ان الناس هنا لا ينتقدون ولا يشتكون من المحكومة، أو لا يشتكون من الخدمات أو من الأزمات الاقتصادية... هم هنا يشتكون كثيراً كما في كل مكان في العالم.
وأوضحت أن ما تحاول الوصول إليه هو ليس مجرد الشكوى أو الانتقاد فقط بل أن يصبح الناس جزءاً من الحل ويكونون مشتركين بهذا الحل.



عن نشرة كلنا شركاء
شعب نئئ........شو بدكون تسو..........تحمولنا ألكون الله

الجزء الأول من المقابلة كان في سنة 1790 في فرنسا:

وقد نقلت وكالة أكي حينها أن بعض الصحافيين قالو لها أن الشعب لايجد خبزاً ليطعم أطفاله فأجابتهم:

ولماذا لايأكلون الكيك؟؟!!


إغفري لنا ياسيدتي أن هذه الشعوب لم تتغير أبداً ومازالت تشتكي وتتأخر بحل مشاكلها بيدها.

هلق حكيكون مزروط بس انتو اطعلو عالشي الايجابي بحكيها :

وعن رأيها فيما إن كانت سورية تغيرت في السنوات الأخيرة وإن تغيرت بالقدر الكافي، قالت السيدة الأسد، أن سورية تغيرت جدا، لكننا طموحون فالتغيير عملية مستمرة وليست شيئاً تفعله ومن ثم ننتهي...


بعتقد انو هالحكي مزبوط
يعني تعو قارنولي هالحكم هاد بالحكم تبع حافظ الاسد
اي فرق من السما للارض ولو

:D

عتقد انو هالحكي مزبوط
يعني تعو قارنولي هالحكم هاد بالحكم تبع حافظ الاسد
اي فرق من السما للارض ولو


:D



عم دور على شي ايجابي ما عم لاقي , يعني هي شو بعرفها بسوريا ايام حافظ الاسد لتقول انو سوريا تغيرت كتير؟؟
بعدين شو اللي تغير برايك للاحسن بظل هدا الحكم؟؟ طبعا غير انو صار في موبايل وانترنت :lol:

الجزء الأول من المقابلة كان في سنة 1790 في فرنسا:

وقد نقلت وكالة أكي حينها أن بعض الصحافيين قالو لها أن الشعب لايجد خبزاً ليطعم أطفاله فأجابتهم:

ولماذا لايأكلون الكيك؟؟!!


إغفري لنا ياسيدتي أن هذه الشعوب لم تتغير أبداً ومازالت تشتكي وتتأخر بحل مشاكلها بيدها.

اسمحلي خالفك بهي النقطة ...
استعادتك هون لجملة ماري انطوانيت الشهيرة مو بمحلها .. كون السيدة الأولى بنت عز ما بيلغي كونها متواضعة و قريبة من الناس .. و إذا منطّلع على اجندة نشاطاتها الاجتماعية و الثقافية منشوف اديشا عم تعمل أشيا حلوة و إيجابية .. تذكروا انو سورية ما شهدت من قبل حضور حقيقي لشخصية نسائية بهالحجم .. أنا كمواطنة سورية بفتخر فيها و بحسا واجهة حضارية للبلد .. و ماني مع الانتقاد لمجرد الانتقاد و نكسّر بشغل المخلوقة لأنها محسوبة عالنظام ...

اسمحلي خالفك بهي النقطة ...
استعادتك هون لجملة ماري انطوانيت الشهيرة مو بمحلها .. كون السيدة الأولى بنت عز ما بيلغي كونها متواضعة و قريبة من الناس .. و إذا منطّلع على اجندة نشاطاتها الاجتماعية و الثقافية منشوف اديشا عم تعمل أشيا حلوة و إيجابية .. تذكروا انو سورية ما شهدت من قبل حضور حقيقي لشخصية نسائية بهالحجم .. أنا كمواطنة سورية بفتخر فيها و بحسا واجهة حضارية للبلد .. و ماني مع الانتقاد لمجرد الانتقاد و نكسّر بشغل المخلوقة لأنها محسوبة عالنظام ...

اسمحيلي بس رد عليكي بنقطة , وهي انو ما حدا عم ينتقد لمجرد الانتقام

السيدة اسماء الاخرس مو محسوبة على النظام, بهيك تصريحات هي صارت جزء من النظام

الانشطة الاجتماعية و الثقافية الرائعة اللي عم تحكيلنا عنها كتير حلوة, بس بتعرفي ايمتى؟ لما بتصدر مثلا عن افراد العائلة المالكة بشي دولة اوربية شعبها عم يتمتع بكل حقوقو وامتيازاتو

اما ببلد بيفتقر لابسط حقوق الانسان وبيفتقر الانسان في لادنى درجات حرية التعبير فاسمحيلي قلك انو التغني بفضائلها على اساس عندها نشاطات اجتماعية اسمو استهبال للناس

يعني بدك تقنعينا هلق انو هي مابتعرف حالة القمع اللي عايش تحتها الشعب بسوريا لما بتجي بتقول لازم الشعب مو بس ينتقد لازم يشارك؟؟

انا شايف المثل اللي حطوا vivasyria بينطبق تماما عليها, قاعدة في قصر منيف وعاملة حالها مو عرفانة بوضع الانسان السوري تحت حكم زوجها و عم تنظر .

شعب لا بيعجبو العجب و لا الصيام برجب...
عفوا يعني عالحدي بالكلام, بس هيك المتل....

أنا من الناس يلي بحترم هالسيدة و بفتخر فيها... و مستواها مو عالي على المستوى العربي.. وانما على المستوى العالمي...

و بتمنى هالطرش يلي بالوطن العربي يتعلم منها و من جوزها الاكابرية...

شعب لا بيعجبو العجب و لا الصيام برجب...
عفوا يعني عالحدي بالكلام, بس هيك المتل....

أنا من الناس يلي بحترم هالسيدة و بفتخر فيها... و مستواها مو عالي على المستوى العربي.. وانما على المستوى العالمي...

و بتمنى هالطرش يلي بالوطن العربي يتعلم منها و من جوزها الاكابرية...


شايف يا معلم , لك شعب اوسخ من الصرماية , الله من غامض علمو بعتلن هيك رئيس فهمان ومثقف و دكتور وفوق هدا كلو عندو مرا عم تحاول تحسن صورة هالشعب الجحش قدام الاجانب و مو عاجبن , قال شو بدن حرية و ديمقراطية شعب ما عد استحى فعلا

الله يعين سيادتو على هيك شعب, ماني عرفان شو اللي مخلي يقبل يحكم هيك شعب , قولتك بيقرر شي يوم يستقيل ;)

اسمحيلي بس رد عليكي بنقطة , وهي انو ما حدا عم ينتقد لمجرد الانتقام

أنا قلت الانتقاد مو الانتقام


الانشطة الاجتماعية و الثقافية الرائعة اللي عم تحكيلنا عنها كتير حلوة, بس بتعرفي ايمتى؟ لما بتصدر مثلا عن افراد العائلة المالكة بشي دولة اوربية شعبها عم يتمتع بكل حقوقو وامتيازاتو
اما ببلد بيفتقر لابسط حقوق الانسان وبيفتقر الانسان في لادنى درجات حرية التعبير فاسمحيلي قلك انو التغني بفضائلها على اساس عندها نشاطات اجتماعية اسمو استهبال للناس

استهبال شو ؟؟؟ و شو خص حرية التعبير بالنشاطات الاجتماعية ؟ كرمال الله لا تفوت عباس بدباس .. يعني إذا البلد ما فيها حرية تعبير منروح منسبا للمخلوقة و منقلا انضبي ببيتك منيتك على حالك و بالناقص منك و من اللي عم تعمليه ؟!!



يعني بدك تقنعينا هلق انو هي مابتعرف حالة القمع اللي عايش تحتها الشعب بسوريا لما بتجي بتقول لازم الشعب مو بس ينتقد لازم يشارك؟؟

لا لا ما بدي أقنعك بنوب .. أنا فايتة قول رأيي و امشي بس لتعرف انو مو كل الناس بتفكر متلك .. و بظن انو لما حضرتك بتنزل موضوع لازم تكون متوقع انو الناس توافقك أو تعارضك بآرائك و مو ضروري تقنعون أو يقنعوك ...
و معليش يعني .. شو كفرت المخلوقة إذا قالت انو الشعب لازم يشارك ؟ مين قال انو التغيير بإيد الدولة وحدا ؟؟ أكيد الشعب الو دورو ، و هي بكلاما ما خاضت بالتفاصيل و اللي قالتو ممكن يتفسر بعدة تفسيرات متعارضة .. فاللي كرهان النظام و بدو يجمع ضدو أكبر قدرمن المستمسكات رح ياخد الكلام من باب التهكم و سوء النية ، و اللي شايف بهالشخص من كذا سنة و لهلأ رغبة و سعي للأمام بدو يفسرو بطريقة إيجابية و يشوف فيو توعية و نضج .

أنا قلت الانتقاد مو الانتقام



لاتاخذينا غلطة مطبعية , كان قصدي الانتقاد



استهبال شو ؟؟؟ و شو خص حرية التعبير بالنشاطات الاجتماعية ؟ كرمال الله لا تفوت عباس بدباس .. يعني إذا البلد ما فيها حرية تعبير منروح منسبا للمخلوقة و منقلا انضبي ببيتك منيتك على حالك و بالناقص منك و من اللي عم تعمليه ؟!!



هلق انا ماطرحت نشاطاتها الاجتماعية للنقاش لانها مو مهمة برايي, انا طرحت فكرة محاولتها اقامة حملة علاقات عامة لتبييض صفحة واحد من اشد الانظمة الديكتاتورية قمعا بالعالم

اذا بلد ما في حرية تعبير, والمواطن في بيتعبى على اقل انتقاد للسلطة الحاكمة منقلها للمخلوقة ارجوكي اذا ما بتقدري تغيري هالواقع المر اللي فرضو زوجك على الشعب فيعني على الاقل تحترمي مشاعر الناس , مشاعر الشعب اللي ما بيسترجي يفتح تمو في دولة اجهزة الامن فيها اكتر من الجمعيات الخيرية , يعني ارجوكي بدل ما تعطينا دروس بضرورة المشاركة بالتغيير ياريت تحكي شوي لزوجك عن الديمقراطية البريطانية العريقة اللي تربيتي فيها بلكي يعني شوي بيحن قلبو على هالشعب.



لا لا ما بدي أقنعك بنوب .. أنا فايتة قول رأيي و امشي بس لتعرف انو مو كل الناس بتفكر متلك .. و بظن انو لما حضرتك بتنزل موضوع لازم تكون متوقع انو الناس توافقك أو تعارضك بآرائك و مو ضروري تقنعون أو يقنعوك ...
و معليش يعني .. شو كفرت المخلوقة إذا قالت انو الشعب لازم يشارك ؟ مين قال انو التغيير بإيد الدولة وحدا ؟؟ أكيد الشعب الو دورو ، و هي بكلاما ما خاضت بالتفاصيل و اللي قالتو ممكن يتفسر بعدة تفسيرات متعارضة .. فاللي كرهان النظام و بدو يجمع ضدو أكبر قدرمن المستمسكات رح ياخد الكلام من باب التهكم و سوء النية ، و اللي شايف بهالشخص من كذا سنة و لهلأ رغبة و سعي للأمام بدو يفسرو بطريقة إيجابية و يشوف فيو توعية و نضج


هلق انا وين اعترضت على مشاركتك بالموضوع ؟؟ انا مجرد رديت على رايك وطرحت رايي وبظن بهيك انا ما عم حاول افرض رايي على حدا

برايك التغيير مو بايد الدولة والشعب لازم يكون الو دور؟؟ كيف ؟؟ ممكن تشرحيلي ؟؟

انت عملتي متل جماعة , لازم تعارضوا باحترام, ولما منبوس ايدين اشرحولنا بهالدولة شلون الواحد بيقدر يعارض باحترام ما منشوف حدا منن .


منجي لقصة اللي كرهان النظام واللي بدو يجمع مستمسكات, انت عم تحكي عن جد؟؟ ليش في داعي الواحد يجمع شي , ما الوضع المزري بالبلد بيكفي وبيوفي, بس اقري صحفات الاخبار المحلية باي موقع حتى لو كان موالي للسلطة لتعرفي انو الواحد ما في داعي يجمع شي ولا حتى يحاول يثبت شي لانو الطابق مكشوف وكل شي مبين.


و تحياتي

بالفعل ..السيدة الأولى واجهة حلوة للبلد ...
و الأطفال المشردة بالشارع و الناس يلي عم تبصق رئاتها بالباصات و المحرومين و المسجونين ...متخبايين روا الواجهة الحلوة هي ..
احيانا بشوف من تصريحاتها و مقابلاتها و اخبارها بالمجلات ...انو الواجهة هي لساتها عايشة بغرب لندن ...!!

هلق انا ماطرحت نشاطاتها الاجتماعية للنقاش لانها مو مهمة برايي, انا طرحت فكرة محاولتها اقامة حملة علاقات عامة لتبييض صفحة واحد من اشد الانظمة الديكتاتورية قمعا بالعالم

ليك مع إني مو موافقتك على هي الجملة اللي بالأحمر ، بس رح أجي معك فيها .. خليك معي للاقتباس اللي بعدو :


اذا بلد ما في حرية تعبير, والمواطن في بيتعبى على اقل انتقاد للسلطة الحاكمة منقلها للمخلوقة ارجوكي اذا ما بتقدري تغيري هالواقع المر اللي فرضو زوجك على الشعب فيعني على الاقل تحترمي مشاعر الناس , مشاعر الشعب اللي ما بيسترجي يفتح تمو في دولة اجهزة الامن فيها اكتر من الجمعيات الخيرية , يعني ارجوكي بدل ما تعطينا دروس بضرورة المشاركة بالتغيير ياريت تحكي شوي لزوجك عن الديمقراطية البريطانية العريقة اللي تربيتي فيها بلكي يعني شوي بيحن قلبو على هالشعب.

مو ملاحظ التناقض بكلامك ؟؟
برأيك زعيم أحد أشد الأنظمة الديكتاتورية قمعاً في العالم بدو يحن قلبو على الشعب من ورا كام كلمة بدها تقلوا ياهون مرتو ؟!!
يعني و إذا حضرتك مو شايف بشغل السيدة الأولى أهمية فهاد شي بيرجعلك .. مو معنى هالشي انو هي ما عم تشتغل أو انو شغلا مالو طعمة .. بس ممكن تكون أنت اللي ما حابب تشوف ...


برايك التغيير مو بايد الدولة والشعب لازم يكون الو دور؟؟ كيف ؟؟ ممكن تشرحيلي ؟؟

أنا هيك قلت ؟؟!!! :shock:
أنا ما قلت التغيير مو بإيد الدولة .. أنا قلت :


مين قال انو التغيير بإيد الدولة وحدا ؟؟ أكيد الشعب الو دورو

كلمة الدولة وحدا بتعني انو هي المسؤولة عن التغيير .. بس مانا الطرف الوحيد المعني فيه و أكيد لازم الشعب يكونله دور ... لأشرحلك كيف و من دون ما تبوس ايدي ...
في كتير عيوب بالبلد المواطن مسؤول عن وجودها إلى جانب الدولة : مثال بسيط على ذلك الشوارع الوسخة ...
ضلينا نقول البلدية ما عم تشتغل من قلب و رب و ما في حاويات زبالة كفاية و مدري شو ... طيب من فترة مو بعيدة صار في حملة نظافة قوية و انحط سلات بأغلب الشوارع و المناطق و زاد عدد عمال التنظيفات و إعلانات عالتلفزيون و ملصقات بالطرقات ، و مع هيك ضلينا نشوف وسخ هون و هون ... ليش برأيك ؟؟ لأنه اي مسؤولية البلدية تنظف الشوارع بس كمان مسؤولية الشعب يحافظ على نظافة هالشوارع هي .. و شعبك لهلأ بيكب زبالتو من البلكون و من شباك السيارة و على جناب الرصيف إذا كان ماشي ... و على هالمقياس قيس شغلات كتيرة ، و إذا كنت متابع التتغيرات اللي عم تصير بالبلد من كم سنة و لهلأ بتلاقي انو في كتير قوانين جديدة طلعت ، كانت ممكن تحدث تقدم لولا انو الخلل صار من جهة المواطن في التطبيق .. و التربية كتير الها دور بهالموضوع ... يعني أنا كأم من حق بلادي علي انو علّم ولادي يحافظوا على نظافة بلدهن و ما يقبلوا أو يعرضوا رشوة و يوقفوا بالدور و و و و .... و إذا كل الناس عملت متلي بيصير في تغيير ولا لأ ؟؟


منجي لقصة اللي كرهان النظام واللي بدو يجمع مستمسكات, انت عم تحكي عن جد؟؟ ليش في داعي الواحد يجمع شي , ما الوضع المزري بالبلد بيكفي وبيوفي, بس اقري صحفات الاخبار المحلية باي موقع حتى لو كان موالي للسلطة لتعرفي انو الواحد ما في داعي يجمع شي ولا حتى يحاول يثبت شي لانو الطابق مكشوف وكل شي مبين.

أنت هون صرت عم تحكي عن الأوضاع الاقتصادية المتردية .. و هي حالة أغلب البلدان النامية و مو ظاهرة سورية بحتة .. ماني خبيرة اقتصاد بس ما بعتقد انو السلطة وحدها هي السبب ورا هالشي .

و تحياتي

مية هلا ..

...




في كتير عيوب بالبلد المواطن مسؤول عن وجودها إلى جانب الدولة : مثال بسيط على ذلك الشوارع الوسخة ...

هلق انا عم احكي عن قدرة المواطن على المشاركة بالتغيير ببلدو , نسيتي كل المجالات السياسية والاقتصادية والاجتماعية اللي الانسان مهمش فيها وما لقيتي غير مثال الشوارع الوسخة

طيب خلينا ندرس هالمثال ونشوف

ضلينا نقول البلدية ما عم تشتغل من قلب و رب و ما في حاويات زبالة كفاية و مدري شو ... طيب من فترة مو بعيدة صار في حملة نظافة قوية و انحط سلات بأغلب الشوارع و المناطق و زاد عدد عمال التنظيفات و إعلانات عالتلفزيون و ملصقات بالطرقات ، و مع هيك ضلينا نشوف وسخ هون و هون ... ليش برأيك ؟؟



لانو ببساطة لما بكون عندك مواطن مسحوق و ما نو حاسس انو بيملك شي بهالبلد شلون بتتوقعي منو انو يكون بني ادم صالح؟؟

من فترة قريت بموقع جريدة قاسيون التابعة للحزب الشيوعي (بتصدر من داخل سوريا على اعتبار انو المصادر الخارجية غير موثوقة من قبلكم) عم يقولوا انو مستوى الدخل الطبيعي بسوريا لحياة كريمة المفروض يكون 25 الف ليرة بالشهر , يعني اضعاف معدل دخل الفرد حاليا

هي من الناحية الاقتصادية نفسية الانسان بالارض

منجي للناحية السياسية , كم افواه, اعتقالات, ارهاب فكري , انعدام الحريات الاساسية للانسان

والنتيجة امراض الاجتماعية بالمجتمع لاتعد ولاتحصى, والمثال اللي ضربتي عن المواطن الي ما بدو يلتزم بنظافة شارعو هدا احد اعراض المرض مو المرض نفسو


نحني منلعن دينو للمواطن وندوس على راسو و منعيشو شحاد طول عمرو , وبدنا ياه يكون على طول فرحان و متفائل و ينضف الشارع و يلتزم بالقوانين ويكون حباب, برايك بتظبط؟؟



و إذا كنت متابع التتغيرات اللي عم تصير بالبلد من كم سنة و لهلأ بتلاقي انو في كتير قوانين جديدة طلعت ، كانت ممكن تحدث تقدم لولا انو الخلل صار من جهة المواطن في التطبيق ..




ما قلتلك شعب حمار وما خرجوا هيك قيادة حكيمة, هيك قيادة بدها شعب يفهمها ويفهم انجازاتها

لانو هني طالعوا قانون احزاب قام الشعب الجاهل ما عرف يطبق هيك قانون ماهيك

طالعوا قانون اعلام حر و طلع الشعب ما خرجوا غير جريدة تشرين و البعث

عملوا قضاء عادل وما بتحركوا اجهزة الامن والشعب خرب الدنيا واثبت انو ما بيفهم

وضعوا بالمجال الاقتصادي خطة فظيعة كانت رح تخلي النمو عنا بعز الركود الاقتصادي العالمي شي 10 بالمية , بس شعب ما عرف يطبق شي منها

صادروا المليارات اللي نهبوها الرفاق (ومازالوا) على مدى عشرات السنين مشان يزيدوا راتب الموظف شي تلت اضعاف ويبطل بقى رشوة و فساد , بس شعب ما بيشبع
انو هني يعطوا المواطن هامش حرية ولو بسيط وبعدين منحكي عن الخلل بالتطبيق

لما بدي صلح بناء ايل للسقوط ما رح بلش اكيد بالدهان, لازم ابدأ بتصليح الاساسات الخربانة ماهيك؟

بعد 9 سنين اصلاحات متواصلة , بيطلع معنا انو في قوانين جديدة عم تطلع بالبلد والشعب ما عم يعرف يطبقها , ورح نضل نلوم حالنا والمجرم الحقيقي يا حرام ما دخلو






و التربية كتير الها دور بهالموضوع ... يعني أنا كأم من حق بلادي علي انو علّم ولادي يحافظوا على نظافة بلدهن و ما يقبلوا أو يعرضوا رشوة و يوقفوا بالدور و و و و .... و إذا كل الناس عملت متلي بيصير في تغيير ولا لأ ؟؟

مظبوط التربية الها دور كتير كبير, بس كمان توعية الناس لتلافي هيك مظاهر اجتماعية مسيئة متل المثل اللي ذكرتي بيتطلب برنامج توعية شامل لايمكن تنفيذو الا من خلال الدولة نفسها

لانو لما بيكون عندك دولة مسيطرة على كل اشكال الاعلام وكل اشكال النشاطات الاجتماعية والتربوية مافيكي تلومي المواطن فقط على هيك شي

وخاصة لما الدولة ما بكون من اولوياتها هيك شي, بل على العكس بكون من صلحتها تحكم شعب جاهل لتبرر للعالم الخارجي طريقتها الهمجية بالحكم.
أنت هون صرت عم تحكي عن الأوضاع الاقتصادية المتردية .. و هي حالة أغلب البلدان النامية و مو ظاهرة سورية بحتة .. ماني خبيرة اقتصاد بس ما بعتقد انو السلطة وحدها هي السبب ورا هالشي .



بظن لو كان الشعب هو اللي انتخب الناس اللي خلتنا نصير في اسفل قائمة الدول النامية كنتي بتقدري تحطي الحق كمان علي.

ما قلتلك شعب حمار وما خرجوا هيك قيادة حكيمة, هيك قيادة بدها شعب يفهمها ويفهم انجازاتها
لانو هني طالعوا قانون احزاب قام الشعب الجاهل ما عرف يطبق هيك قانون ماهيك

طالعوا قانون اعلام حر و طلع الشعب ما خرجوا غير جريدة تشرين و البعث

عملوا قضاء عادل وما بتحركوا اجهزة الامن والشعب خرب الدنيا واثبت انو ما بيفهم

وضعوا بالمجال الاقتصادي خطة فظيعة كانت رح تخلي النمو عنا بعز الركود الاقتصادي العالمي شي 10 بالمية , بس شعب ما عرف يطبق شي منها

صادروا المليارات اللي نهبوها الرفاق (ومازالوا) على مدى عشرات السنين مشان يزيدوا راتب الموظف شي تلت اضعاف ويبطل بقى رشوة و فساد , بس شعب ما بيشبع

انو هني يعطوا المواطن هامش حرية ولو بسيط وبعدين منحكي عن الخلل بالتطبيق

لما بدي صلح بناء ايل للسقوط ما رح بلش اكيد بالدهان, لازم ابدأ بتصليح الاساسات الخربانة ماهيك؟


بعد 9 سنين اصلاحات متواصلة , بيطلع معنا انو في قوانين جديدة عم تطلع بالبلد والشعب ما عم يعرف يطبقها , و رح نضل نلوم حالنا والمجرم الحقيقي يا حرام ما دخلو




لساك مصر تجتزئ كلامي لتفهم منو اللي بيبرر لك تتهكم علي و تسخّف أفكاري ... مو مشكلة .. ما علينا


من ناحية واجب الدولة في توعية المواطن و محاربة الفساد و السعي لتأمين الموارد لحياة كريمة للمواطنين ، فأنا كمان بنتظر هالشي .. هاد مطلب الشعوب كلها و نقاشها اليومي في الدول الأكثر تقدماً في العالم من مستوى الراتب و التأمين الصحّي و مناقشة القوانين اللي بتأثر مباشرةً في حياتن و حياة أولادهن ...


بدك تقلًي شعب مسحوق و كم أفواه و ..........
مشروع قانون الأحوال الشخصيًة الجديد و ردود الفعل اللي استدعاها أظهر قدرة هالشعب على مواجهة رغبة مجهولة الهوية في التأثير على حياته سلباً .. ما يظهر قدرة الشارع على التحرك عند الضرورة.


إذا اعترفنا بواجب الدولة تجاه المواطن لازم نعترف كمان بواجب المواطن تجاه نفسه وتجاه وطنه و إلا منكون عم نبرر له عدم تحركه لتغيير الواقع ضمن الإمكانيات المتاحة بحجة انو اللي فوق ما بيخلوك ...
التاريخ يثبت أن الحكومات تغيرت و إرادة الشعوب بقيت و انتصرت في النهاية . و واقع أوروبا (اللي عرفت ناس متل هتلر و موسوليني - و الكل بيعرف مدى القمع و الإجرام اللي ارتكبوه) بعد الحرب العالمية أكبر دليل .


على كل أنا بشوف انو تغيير أي وضع لازم ينبع من نظرة واقعية تترافق بأن يتحمل كل طرف مسؤوليته ضمن الممكن و دون أحقاد و إلا فاللعبة اللبنانية بالشتم و السب هي البديل .
و أكيد يوم الدولة رح توزع كل الموارد للشعب و تجبر أصحاب المصانع على توزيع أرباحها عالعمال و التجار يكتفوا بربح بسيط و الكل يشارك بالحكم رح نلتقى انشالله في جمهورية أفلاطون السورية .


سلام

لساك مصر تجتزئ كلامي لتفهم منو اللي بيبرر لك تتهكم علي و تسخّف أفكاري ... مو مشكلة .. ما علينا

لاء ما عم سخف افكارك بس مستغرب منها كتير




من ناحية واجب الدولة في توعية المواطن و محاربة الفساد و السعي لتأمين الموارد لحياة كريمة للمواطنين ، فأنا كمان بنتظر هالشي .. هاد مطلب الشعوب كلها و نقاشها اليومي في الدول الأكثر تقدماً في العالم من مستوى الراتب و التأمين الصحّي و مناقشة القوانين اللي بتأثر مباشرةً في حياتن و حياة أولادهن ...





ياعيني انت قلتيها نقاااااش , والنقاش بدو هامش حرية ولو كتير صغير وهالشي مو موجود عنا , مشان هيك قلتلك بدون نية حقيقية من السلطة لاصلاح النظام السياسي الرهيب اللي مفروض على الشعب من 40 سنة لهلق رح نضل متل مانك شايفة , عم نرجع لورا

[quote=أم الجود;1291430]

بدك تقلًي شعب مسحوق و كم أفواه و ..........
مشروع قانون الأحوال الشخصيًة الجديد و ردود الفعل اللي استدعاها أظهر قدرة هالشعب على مواجهة رغبة مجهولة الهوية في التأثير على حياته سلباً .. ما يظهر قدرة الشارع على التحرك عند الضرورة.



انو شارع اللي تحرك؟؟ ليش بدي اسالك الشعب بسوريا سمعان اصلا بهيك قانون؟؟ كل التحرك صار عبر اشخاص ناشطين عبر الانترنت و عبر بعض المنظمات النسائية واصلا لو في ارادة ومصلحة عليا بفرض هيك قانون كانوا فرضوا متل ما انفرض غيرو


القصة كلها تدخل باطار اختلاف اراء ضمن الفئة الصغيرة اللي عم تدير البلد , لانو لا انعرف مين اللي حط القانون ولا مين اعطى الصلاحية للي حط القانون ولا مين اعطى اوامر بسحب القانون من التداول

لو بدو يصير تحرك بالشارع, الاولى كان يصير ضد غلاء المعيشة




إذا اعترفنا بواجب الدولة تجاه المواطن لازم نعترف كمان بواجب المواطن تجاه نفسه وتجاه وطنه



ما بدك بالاول ليكون للمواطن حقوق بعدين لتقولي عندو واجبات؟؟ شو حقوق المواطن بسوريا برايك ؟؟ غير انو ياكل ويشرب و يخلف ؟؟؟


و إلا منكون عم نبرر له عدم تحركه لتغيير الواقع ضمن الإمكانيات المتاحة بحجة انو اللي فوق ما بيخلوك ...



نحني ما عم نبرر لانو فعلا اللي فوق ما بخلو , يا عمي اذا عندك جماعة اغتصبوا الحكم بالقوة المسلحة و مصرين انو هني قادة الدولة والمجتمع غصب عن الجميع , لك اي نشاط اجتماعي او سياسي مهما كان تافه وصغير بيعرض صاحبو للاعتقال شو بدك العن من هيك؟؟




التاريخ يثبت أن الحكومات تغيرت و إرادة الشعوب بقيت و انتصرت في النهاية . و واقع أوروبا (اللي عرفت ناس متل هتلر و موسوليني - و الكل بيعرف مدى القمع و الإجرام اللي ارتكبوه) بعد الحرب العالمية أكبر دليل .



هي بتفق معك فيها تماما, اللي ناقصنا لنحط رجلنا على بداية الطريق ونبلش فعلا ندور على حلول لمشاكلنا هو التغيير وليس التوريث



على كل أنا بشوف انو تغيير أي وضع لازم ينبع من نظرة واقعية تترافق بأن يتحمل كل طرف مسؤوليته ضمن الممكن و دون أحقاد و إلا فاللعبة اللبنانية بالشتم و السب هي البديل .



باكدلك انو ما في احقاد, في مواقف مبنية على حقائق معروفة للجميع



و أكيد يوم الدولة رح توزع كل الموارد للشعب و تجبر أصحاب المصانع على توزيع أرباحها عالعمال و التجار يكتفوا بربح بسيط و الكل يشارك بالحكم رح نلتقى انشالله في جمهورية أفلاطون السورية .




مو هي على اساس مبادئ البعث اللي مشانها صار قائد الدولة والمجتمع :lol:





سلام



مشكورة على طولة بالك :D

مرحبا إم الجود... كيفو جود؟؟:p أول شي بدك تروقي علينا وماتعصبي

شوفي ياستي الفكرة باختصار هي التالي: وقت السيدة الأولى أو عقيلة الرئيس أو مابعرف شو أخر إسم إعتمدوا عليه بتقول انو بدها المواطنين يكونوا جزء من الحل بدو يكون على الأقل هالمواطنيين مسموح إنو يشاركو بأي شي
طيب كيف واحد متل ميشيل كيلو بدو يكون جزء من الحل اذا وقت فتح تمو حطوه بالسجن؟؟
كيف شب بيكتب شي كلمة على منتدى إلكتروني بينتقد فيها الفساد أوالمحسوبية أو شي شغلة بيفوت عالسجن وبعدين بيتطالب يكون جزء من الحل؟؟

طيب أنا وقت بدها ياني كون جزء من الحل مو لازم يسمحولي إني شخص الوضع بموضوعية وما ياخدوني المخابرات؟؟

هلأ اذا رحت وقفت بالشارع أو على باب البرلمان وإعتصمت ضد الفساد مابياخدوني المخابرات؟؟ إذا قلت رامي مخلوف سارق البلد وجزء من الحل إنو هالشخص يتحاسب مابيحطوني بالسجن؟؟

يعني ياعيني باختصار وقت يتطالب المواطن انو يكون جزء من الحل على القليلة بدو ينسمحلو بهامش حرية معين ليعبر عن المشاكل بوجهة نظرو.. أما نقلو تعا كون جزء من الحل بس اذا فتحت تمك بدنا تخفيك منكون عم نقلو مقسوم لا تاكول وصحيح لاتقسم وكول لتشبع...

وتحياتي إلك :D