-
دخول

عرض كامل الموضوع : ياغيرة الدين..الحلبية لهون

صفحات : 1 2 [3] 4 5
أم الجود
03/07/2009, 11:40
مين عبيجئجئ هون ؟؟ :larg:
لك خيو سلّت منيح .. اشو هالسلاتة المصنكرة اللي معك ؟؟ بعشرين ورقة م الهكّيدون بتحوّش أكوس سلاتة و عصايتا فصفورية كمان متل حويج عمال التنضيفات ...
Abu ToNi
03/07/2009, 13:20
اش دئلك
اش دئلك
شعلت بقلبي
اظ الليلة
وانتِ احلى
من شنكليلة
اش دقلك آه اش دقلك


ام الجود بدك تبرشمينا ب20 ورقة ؟ الزلمة عبيرتزق من اهله .. طالب سنتفيكا حقه فرنك مبخوش

صاحبي هاد عليه كل نهفة
قبل شوي شطف الحوش وزرب عليه المزريب ، انحصر قام ركض على التشمة :o
بعدون قام بده يطبخ
شعل ببور الئاظ ليعمل شاي اكرك عجم
استلقالك الشايدان ليشربه
شرقلك هديك الشرقة وتشردك بريقه
قامو بظوا عيونه من محلها :o
Abu ToNi
03/07/2009, 13:23
وقت كنت صغير كانت تقعد ستي على الديوانة وتقلي وقت اعطس :

نشو ورحمة وباب القدس زحمة
لوقت ما اجا هالصغنطوط دابت الشحمة واللحمة
:gem:
أإأبو العبد
03/07/2009, 13:25
مابيلتقى عندكن كتاب تعلم اللغة الحلبية في خمسة ايام :shock:
zeenaa
03/07/2009, 14:09
لا أنا كانت إمي تقلي الدعوة المشهورة اللي لهلأ ماركبت معي:
"الله لايجعلكون شهوة بجاه كراسي القهوة"
وهاد طبعا بعد مانكون إذيين شي أذوة متل لما نزل التلج بحلب وصرنا نعبيه ونحط بالفريزة:lol:
Genifer
03/07/2009, 15:56
خلونا نعمل مشروع ع الحديقة العامة أو ع السبيل.. أو ع القلعة
شو رأيكون؟؟
sandra
03/07/2009, 15:58
شو ياه بلشنا بالأمثال
كانت ستي الله يرحمها تقلي كلما كبيت قهوة

كبينا القهوة من عمانا .. قلنا الخير أجانا :p
Genifer
03/07/2009, 16:24
كبينا القهوة من عمانا .. قلنا الخير أجانا :p

هاد المثال كمان بيقولوه في الجزيرة

هالأسبوع كتير كبيت قهوة عجب قديش رح يجيني رزقة
zeenaa
03/07/2009, 16:30
خلونا نعمل مشروع ع الحديقة العامة أو ع السبيل.. أو ع القلعة
شو رأيكون؟؟
ايه ليش لأ شوفيلنا ركيبة للطلعة وجيبينا موافقة الجهات العليا والعدة جاهزة لسا مافضيناها من طلعة المحلق:D
zeenaa
03/07/2009, 16:31
صحي على سيرة القلعة سمعت إني باعوا قلعة حلب !!في هيك شي اللي عندو معلومات يفيدنا:o
Abu ToNi
03/07/2009, 22:39
لا تواخذوني ما طسيت انه جاية معدلي بالردود من قبل :oops:


هاهاااا .. كويس هادا اللئش ...





ترى أب نجبو و أب طوني من أكوس الشباب عنا هون ... ابضايات و دييرين بالون عالحارة ... :gem:

هديك المرة شفتون ميسكين واحد على باب الحارة بيعجينلو بطنو و فيكينلو لحيم وتشو لأنو كان عبيترازل ...

بقى أنا برشحون لهالمناصب بعد إذن الموجودين .. اشو ؟؟ نقول مبروك و اللاي ساوا ؟!!
على راسي حارتك والله :larg:

كفو ياخاي....
بس خيو الئديد شغل بيت و لا من عند القصاب.....؟:larg:
كان في واحد قصّاب بشارع التلفون الهوائي.....
عليه بسطرمة و صاصيجو.....شي ناهي
شغل بيت ابو نجبو شغل بيت
كلشي وحد هدول بيجوا من ايدين الست الوالدة غير شكل

وحياااااااااة سعدو بذات نفسه
امبارحة شي على الـ 1 باليل كنا جوعانين نزلنا انا والشباب ما عم نعرف وين بدنا نروح
مرقنا على مطعم سومر اذا بتعرفه كان مسكر على غير عادته
قمنا رحنا لعند بركات تبع تلفون الهوائي
والله كبرت يا بركات ووصل صيتك للصين :lol:

انا و أخوي أبو طوني واحد...:larg:
مع أنو مالي ميّال للمناصب ..ومابحب المظاهر...بس معلش ..انا رضيان بأي شي بيقبلو الشباب.....:larg:
اخوي انت اكبر مني عمر وعلم وقعدتك اوجه على الكرسي
لالي لالي لالي أبو نجبو لالي بالعالي :lol:
zeenaa
03/07/2009, 22:45
شو ليش كنت قاعد بإدن...........:lol:
يلا عكل مبروك تسليم المهام :D
Abu ToNi
03/07/2009, 22:55
صحي على سيرة القلعة سمعت إني باعوا قلعة حلب !!في هيك شي اللي عندو معلومات يفيدنا:o
باعوها :shock:

لا يكون قصدك على القهاوي اللي برات العلقة لأن في هيك شي .. بس القلعة بالأصل مانها ملك حدا حتى يقدروا يبعوها
على فكرة مطورين على اساس بالقلعة .. اكتشفوا من فترة انه في سور خارجي أبعد من السور الترابي اللي معروف للكل
السور هاد بنص الطريق المزفت تبع السيارات
وقفوا الطريق وبرشوا حفر بهلطرقات وبالفعل طلع السور محل ما متوقعين وهلق عم يحاولوا ينبشوه من على محيط القلعة بشكل كامل واذا بتروحوا لهنيك بتلاحظوا ورشة العمل وبتشوفوا جزء من السور اللي طلع معن

حتى اني سمعت سمعة ما خرطتلي مشطي متل عادة
قال بدن يعبوا دوار القلعة معي ويشلفوا لانشات فيها (زوارق يعني ) لتدور على طول القلعة :shock:
zeenaa
03/07/2009, 23:05
لك لا ياعمي انا سمعت اني عطوها استثمار تسعة وتسعين سنة لشخص مو متذكرة اسمه بس بعرف انو من بيت الآغا وبكون أمير اليزيدية؟!!
ابو نجبو
04/07/2009, 09:35
وحياااااااااة سعدو بذات نفسه
امبارحة شي على الـ 1 باليل كنا جوعانين نزلنا انا والشباب ما عم نعرف وين بدنا نروح
مرقنا على مطعم سومر اذا بتعرفه كان مسكر على غير عادته
قمنا رحنا لعند بركات تبع تلفون الهوائي
والله كبرت يا بركات ووصل صيتك للصين :lol:

عالسيرة.....
من كم يوم كنت عمبحكي مع الشباب ....قال نيزلين لعند سيريجية......الّي على زاوية مؤسسة الكهربا ...عند الحديقة العامة....ئال كل واحد خرطلو شي 5 سجق و 3 صاصيجو .....وما حسّو.....:lol:

لك لا ياعمي انا سمعت اني عطوها استثمار تسعة وتسعين سنة لشخص مو متذكرة اسمه بس بعرف انو من بيت الآغا وبكون أمير اليزيدية؟!!
مؤسسة أغا خان ...هي المؤسسة اللي استلمت جزء من المدينة القديمة و القلعة.....
بس أول مرة بسمع بهاد الاستثمار.....:?
Black Orchid
04/07/2009, 10:38
صاحبي هاد عليه كل نهفة
قبل شوي شطف الحوش وزرب عليه المزريب ، انحصر قام ركض على التشمة :o
بعدون قام بده يطب

خسل دياته قبل ما يطبخ؟؟بعد ما طلع من اليع؟؟؟؟؟؟؟؟؟؟:lol::lol::lol::lol::l ol:
Black Orchid
04/07/2009, 10:41
مابيلتقى عندكن كتاب تعلم اللغة الحلبية في خمسة ايام :shock:




بتعوز خمس قرون لتحفظ كل هالفصاحه:lol::lol::lol::lol::lol:
Abu ToNi
04/07/2009, 11:21
عالسيرة.....
من كم يوم كنت عمبحكي مع الشباب ....قال نيزلين لعند سيريجية......الّي على زاوية مؤسسة الكهربا ...عند الحديقة العامة....ئال كل واحد خرطلو شي 5 سجق و 3 صاصيجو .....وما حسّو.....:lol:


ياسيدي صدقن لأن سيرجية هاد بالتحديد صاير عم يستعمل الصمن الرفيع
الصندويش تبعه طيب .. انه سيرجيا وما ادراك ما السيرجية
بس بدك تحط ببالك يا بدك تاكل وما تشبع
يا بدك تاكل وتشبع وترجع على البيت مفلس :lol:
BL@CK
04/07/2009, 12:13
اش صاير هون ولاك......:frown:



اللي بدو يحكي عالحلبية ...
لازم يتوضّى و يشطّف تمو خمس مرّات قبل مايحكي.......ايوا



أهم شي يشطّف تمو ..


طيبة يا خيّو طيبة :lol:
zeenaa
04/07/2009, 13:55
ياسيدي صدقن لأن سيرجية هاد بالتحديد صاير عم يستعمل الصمن الرفيع
الصندويش تبعه طيب .. انه سيرجيا وما ادراك ما السيرجية
بس بدك تحط ببالك يا بدك تاكل وما تشبع
يا بدك تاكل وتشبع وترجع على البيت مفلس :lol:
طيب خيو ابعتولنا كم وحدة من هاد الرفيع بالفيدكس أنا أخر شي أكلته كان التخين:cry:وبعدين اللي بياكل لحالو بيزور:D
Genifer
04/07/2009, 15:50
باعوها :shock:


قال بدن يعبوا دوار القلعة معي ويشلفوا لانشات فيها (زوارق يعني ) لتدور على طول القلعة :shock:


انا كمان سمعت هيك.زبدهن يعبوا مي حوالين القلعة
بس ما بياثر ع أساساتها؟؟ مسكينة هالقلعة شو بدها تتحمل لتتحمل
zeenaa
05/07/2009, 00:46
انا كمان سمعت هيك.زبدهن يعبوا مي حوالين القلعة
بس ما بياثر ع أساساتها؟؟ مسكينة هالقلعة شو بدها تتحمل لتتحمل
مزبوط ياعيني كل حكيكون مزبوط بس هي مؤسسة أغا خان رح تعمل كل هالتحسينات بالقلعة مقابل تستثمرها تسة وتسعين سنة:larg:
sandra
05/07/2009, 02:14
مساعدة عاجلة
بدي اسما الاشارة :oops: بالحلبي :p
يعني كينو وكوهاك وشو بيعرفني
نسيانتون وعم خربط فيهم :pos:
أم الجود
05/07/2009, 02:28
مساعدة عاجلة
بدي اسما الاشارة :oops: بالحلبي :p
يعني كينو وكوهاك وشو بيعرفني
نسيانتون وعم خربط فيهم :pos:


كوه : للمفرد المذكر القريب
كيه : للمفرد المؤنث القريب
كنن : للجمع (مذكر أو مؤنث) القريب
هداكه : للمفرد المذكر البعيد
هديكه : للمفرد المؤنث البعيد
هدوليك : للجمع (مذكر أو مؤنث) البعيد
..AHMAD
05/07/2009, 02:30
كوه : للمفرد المذكر القريب
كيه : للمفرد المؤنث القريب
كنن : للجمع (مذكر أو مؤنث) القريب
هداكه : للمفرد المذكر البعيد
هديكه : للمفرد المؤنث البعيد
هدوليك : للجمع (مذكر أو مؤنث) البعيد



مساعدة عاجلة
بدي اسما الاشارة ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// بالحلبي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
يعني كينو وكوهاك وشو بيعرفني
نسيانتون وعم خربط فيهم ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


بكل هالمصطلحات .. ما لقيت شي اسمو كينو .. وكوهاك

فا شو قصتك يا بنت

قري اعترفي .. مين دافشك :frown:
sandra
05/07/2009, 02:31
هلا أنا بعرف متل ما قلتيهم
بس حسب أقول الموجودين معي :pos: أنو هنن 6
كوهنه للقريب المذكر
كيهنه للقريب المؤنث
كوهاك للبعيد المذكر
كيهاك للبعيد المؤنث
وفي 2 مفقودات
sandra
05/07/2009, 02:33
بكل هالمصطلحات .. ما لقيت شي اسمو كينو .. وكوهاك

فا شو قصتك يا بنت

قري اعترفي .. مين دافشك :frown:



لك شلون مافي :pos:
بس هي بتختلف حسب المناطق :p هلا أنا بعرف يلي قالتون أم الجود بس يلي بيقولوهم رفقاتي كمان سامعتون بس ما بستخدمون وعهالأساس الخلاف شغال
zeenaa
05/07/2009, 02:36
هلا أنا بعرف متل ما قلتيهم


وفي 2 مفقودات

كوهاكين للجمع البعيد

كوهنينة للجمع القريب:D
mhsen77
05/07/2009, 02:39
يا زلمة انت وين في سفاح بالبشرية بتعتبره رجل عظيم :o
من هتلر لتيمورلنك
شلونه جنكيس خان معك :lol:

عم نمزح خيو لا تشيل شي بشي
:D

يا عين خيو

انت بتمون ابو طوني تمزح


بالنسبة لتيمور لنك في قصة عنو بتعبر عن عظمة هالشخص طبعا هالقصة ما بتنفي عنو انو سفاح بس يلي بييعمل هالعمل بيضل كبير ببعتلك ياها عالخاص


بالنسبة لهتلر و جنكيز خان ما بحبون :larg:
sandra
05/07/2009, 02:42
كوهاكين للجمع البعيد

كوهنينة للجمع القريب:D


ايوا كوهاكين :lol: الكلمة المفقودة
أما التانية فلسا في خلاف عليها


يسلموووووووون :D
zeenaa
05/07/2009, 02:44
ايوا كوهاكين :lol: الكلمة المفقودة
أما التانية فلسا في خلاف عليها


يسلموووووووون :D


لا التانية اكيد موجودة بس استبدلت بالوقت الحالي بكوهنين للسهولة:D
mhsen77
05/07/2009, 02:49
اسف قطعتلكون سلسلة القاموس المحيط المجءجء :oops:
ابو نجبو
05/07/2009, 09:43
ياسيدي صدقن لأن سيرجية هاد بالتحديد صاير عم يستعمل الصمن الرفيع
الصندويش تبعه طيب .. انه سيرجيا وما ادراك ما السيرجية
بس بدك تحط ببالك يا بدك تاكل وما تشبع
يا بدك تاكل وتشبع وترجع على البيت مفلس :lol:
حزير .....
بدحشة عبّارة سينما الامير...أول ما بتدخل شي 5 متار في بناية على ايدك اليمين ....بالقبو تحت في فرن بيعمل هاد الصمن الرفيع......أحسن واحد بيعمل صمن رفيع بكل حلب.....
ابو نجبو
05/07/2009, 10:35
نبذة عن أشهر الاماكن الترفيهية بحلب.....وبالعادة أهم ترفيه بحلب هو الاكل وطق البزر و لعب الورق و...الخ.....ف...

الفول و الحمّص
1- مجموعة حج عبدو العالمية ...جديّدة و شارع النيل و امريكا و قريباً بالصين....:o
2- فوّال رضا بفرعيه....جديّدة و الجابرية
3- ابو حسن ....الفيض .....عند المسبح البلدي

محلات الفلافل

1-فلافل الفيحاء ....عند السياحي
2- فلافل قصّاص ....جابرية جنب اشارات ميسلون..جابرية خلف مدرسة جميلة بحيرد
3- فلافل النزهة....الجميلية
4-فلافل مشوار ...سيف الدولة

محلات الشاورما و الهامبرغر
1-مشاوي حلبية .....بالجميلية
2-باباي ..الموكامبو

محلات الئديد و السجق و الصاصيجو

1- سيريجية....عند الحديقة العامة
1-سومر...سليمانية

محلات الشوي و الكباب ...كتار

1-مشاوي حلبية ....بالجميلية
2-في بسطة عند مشفى الشيحان....شي ناهي ..:larg:
3- ابو علي جنيد .....سوق المدينة.....

مطاعم حلب القديمة....كتار

1-دار زمريّا .....جديّدة
2-تاج القلعة....تحت القلعة...
3-كان زمان....جديّدة
4-السيسي......؟
5- القنطرة.....
6-بازار الشرق...بحسيتا

مطاعم و مقاهي حلب الجديدة..العائلية
1-سلسلة الغراند....غراند ستايشن ...غراند باشا...غراند هاوس "الله يرحمو"
2-بوّابة الشهباء
3-سحر الشرق
4-مجمّع نقابات المهن الحرّة عند ساحة الجامعة....
5-مطعم الاتحاد.....الشهباء
6-العروبة....بستان الباشا...
7-في مطعم أرمني بالميدان..نسيت اسمو....تابع لجمعية...بالطابق الخامس ....أكلو شي خيلة
8-كيليكية.....الميدان....ابوس الله:larg:

مقاهي الشباب للعب الورق و الطاولة ومشاهدة المباريات....مسموح للكفر و السبّ
1- الدومينو .....الجميلية - حارة اليهود
2-كولومبيا....السياحي ...
3- أدم ...السياحي
4-الجودي ....شارع النيل ...
5- شي خمساو عشرين قهوة انتشرت مؤخراً بأخر شارع النيل

مقاهي الشباب و الصبايا....

مقاهي تحت القلعة ......
2-بيست كب ....العزيزية
3-ان اوت....المحافظة
4-ان هاوس...المحافظة

مقهى شباب شي عالتقيل..صاحبا عمرو شي مية سنة...يعني أركيلة تنباك وكاسة جاي خمير...
قهوة الملّلاخانة....باب الفرج عند جامع الملّلاخانة بالخلتة


محلات الحلو .....

ابناء و ولاد عم و ولاد خالة و أحفاد مهروسة الكبير....
أشهر واحد فيّون ...ايمن مهروسة ....الخالدية
فستق حلب....الجميلية ....
البوظة و حلاوة الجبن ....سلّورة ...الجميلية
البوظة...البرشان...سلّورة ...الحديقة العامة
البوظة و المعجوئة و الكاتو .....شارع النيل ..السوق المحليّة
الزلابية.....:gem:.....ممم....نسيت اسمو
بس الو محل بالحميدية ...عند سينما غرناطة...
والمحل التاني بالجميلية..جنب مكتبة أطلس

المسابح

1-مسبح العروبة....بستان الباشا
2-مسبح الحريّة....السريان
3-مسبح الاتحاد....الشهباء
4-مسبح الجلاء.....؟
5-مسبح نقابة المهندسين.....طريق الشام
6-مسبح نقابة المحامين......بوظ :cold: ...شارع فيصل
ladyleen
05/07/2009, 11:14
جوعتونا والله....وعلى كل حال مهما كانت الصمنة صغيرة عند سيرجية ما رح تكون قد الصندويشات اللي بتبيعا المحلات والمطاعم بالإمارات.. يخرب بيتهم شو بخلا.. يعني يمكن يسموها لقمة شاورما مو صندويشة..وياريت شي طيب:jakoush:
ladyleen
05/07/2009, 11:34
شو وينك زينة خانم ما شفناكي اليوم؟؟
الظاهر بتضحي بالنومة يا ملعونة ;)
zeenaa
05/07/2009, 15:34
ايه شو هاد ياأبو نجبو دليل سياحي ولا دليل سيف الدولة عكل خيو بعد هالتوضيح الكريم من حضرتك بس انا لما بنزل اجازة ولا محل من اللي ذكرتون اركيلتو بتنشرب يعني مافي معلمية بالأراكيل;)

بس في هي الظاهرة الجديدة اللي منتشرة بحلب وهي "الو نارة" خيو عجبتني يحرق حريش التطور ماأحلاه حتى عمفكر بمشروع مماثل هون بقص دهب:D
ayouchiii
05/07/2009, 15:34
وانااااااااااااااااااا كمان بدي اكون معكن :larg:
Genifer
05/07/2009, 15:53
نبذة عن أشهر الاماكن الترفيهية بحلب.....


بحب ضيف هدول كمان


محلات الحلو .....
دياب وابناءه وولاد عمه وولاد عمته وولاد جيرانه..نزلة السليمانية

مقاهي الصبايا والشباب ....
تي سكوير
اورينتو
مونرو

محلات السجق
نزلة مشفى سلوم جانب السينما في عمو نسيت اسمه عنده سجقات كتيييير طيبين (الأرمن معروفين بيعملوا سجق طيب)
أم الجود
05/07/2009, 19:38
محلات السجق
نزلة مشفى سلوم جانب السينما في عمو نسيت اسمه عنده سجقات كتيييير طيبين (الأرمن معروفين بيعملوا سجق طيب)

VASKEN & AVO

ممممممممممممم بس هاد صندويشتو بدا قنينة عيران معا ضروري
لحتى تطفي نيران السجق :devil:
أم الجود
05/07/2009, 20:25
نبذة عن أشهر الاماكن الترفيهية بحلب.....



اي نبذة .. نبذة و جبنة :lol:



الفول و الحمّص

1- مجموعة حج عبدو العالمية ...جديّدة و شارع النيل و امريكا و قريباً بالصين....:o
2- فوّال رضا بفرعيه....جديّدة و الجابرية
3- ابو حسن ....الفيض .....عند المسبح البلدي

محلات الفلافل

1-فلافل الفيحاء ....عند السياحي
2- فلافل قصّاص ....جابرية جنب اشارات ميسلون..جابرية خلف مدرسة جميلة بحيرد
3- فلافل النزهة....الجميلية
4-فلافل مشوار ...سيف الدولة

محلات الشاورما و الهامبرغر
1-مشاوي حلبية .....بالجميلية
2-باباي ..الموكامبو

نسيت سلاف .. بيعمل كل هدول اللي قلت عليون .. و كمان بيسوي فتة و عجة



محلات الئديد و السجق و الصاصيجو

1- سيريجية....عند الحديقة العامة
2-سومر...سليمانية

وعندك كمان صحتين اللي قريب الجامعة .. صندويشاتو طيبين و الدليل القطط اللي عم تلعب على رصيفو ليل نهار .. بس اييمات الجامعة بالشتي كنت أشرب عندو شوربة عدس .. شي لوجع الضهر :larg:


محلات الشوي و الكباب ...كتار

1-مشاوي حلبية ....بالجميلية
2-في بسطة عند مشفى الشيحان....شي ناهي ..:larg:
3- ابو علي جنيد .....سوق المدينة.....

الله يسامحك .. نسيت أهم واحد ولو انو انقرض هلأ .. قصدي على هاد اللي كان يبيع صواريخ مندويش بحارة شركة الكهربا .. و تلاقيه عبيكش و يشوي من ط** الضو و زباينو تلت ارباعون شوفيرية التكاسي و المكاري :lol:


مطاعم حلب القديمة....كتار

1-دار زمريّا .....جديّدة
2-تاج القلعة....تحت القلعة...
3-كان زمان....جديّدة
4-السيسي......؟
5- القنطرة.....
6-بازار الشرق...بحسيتا

مممم .. قلتلي بحسيتا لكن :p

و في كمان قصر الوالي و سيدرا و بيت وكيل و ديوان رسمي و من فترة قريبة فتح واحد جديد (زمرّد) و عالحكي انو أحسن مطعم بيت عربي شهدتو حلب لهلأ


مقاهي الشباب للعب الورق و الطاولة ومشاهدة المباريات....مسموح للكفر و السبّ
1- الدومينو .....الجميلية - حارة اليهود
2-كولومبيا....السياحي ...
3- أدم ...السياحي
4-الجودي ....شارع النيل ...
5- شي خمساو عشرين قهوة انتشرت مؤخراً بأخر شارع النيل

و في العندليب كمان .. بس ما بعرف إذا لساتو فاتح
و عندك أبو آكوب بالعزيزية جنب نادي اليرموك
-ترى من هلأ عبقلكون لا حدا يقلي اش عرفك فيون ... عندي اخوة شباب و بعرف وين بيروحوا .. ايوااااا - :lol:


مقاهي الشباب و الصبايا....

مقاهي تحت القلعة ......
2-بيست كب ....العزيزية
3-ان اوت....المحافظة
4-ان هاوس...المحافظة

هدول بقى صاروا أكتر من شعر راسي و راسك سوا .. و نبتوا متل الفطر بشارع بنك الزهراء .. و العالم اللي واقفة عالباب عم تستنى يفضى طاولات أكتر من الناس اللي قيعدة بالمحل ..
و من فترة فتح كي اف سي بالعزيزية
و عندك طرش كافيهات جديدة فتحوا بمجمع الكارفور .. بس شي واوا ها .. يعني فنجان القهوة ب250 فاللي على بالو لا يحرم حالو .. :larg:



المسابح

1-مسبح العروبة....بستان الباشا
2-مسبح الحريّة....السريان
3-مسبح الاتحاد....الشهباء
4-مسبح الجلاء.....؟
5-مسبح نقابة المهندسين.....طريق الشام
6-مسبح نقابة المحامين......بوظ :cold: ...شارع فيصل




و عندك كمان الجندول و المنتدى و الفورسيزنس و التورينغ (نادي السياحة السوري) و أندلسيا (الأميركان سابقاً) و السيروبيان و ميامي و فينيسيا (هاواي سابقاً) و اللاغونا (مسبح حلب سابقاً) و لابالما (الفاروق سابقاً) و البلو لاغون تبع الزحليطات و الموج الاصطناعي

هامش : لعمش نحنه الحلبية شقد لقاقين :larg:.. كل هدول مسابح .. لأ و إلا ما نكون نسينالنا كم واحد
و عندك فوق ليستة مطاعم ومحلات هالطول طولا ، و مع هاد كلو بالصيف ما بتقدر تروح المسوية تقعد بمحل إذا ما كنت حيجز سلف ...
و اللي بيشق بالأخير انو الناس بتنق و بتقلك ما في شغل و ما معنا مصاري !!!



وينك .. نسيت محلات الكوكتيل و السناك : عوجة الجب و جوسي بكافة فروعه :lol:
zeenaa
05/07/2009, 23:48
ايه شوهاد ام الجود مرجع وموسوعة انت ماشاء الله على كتر المحلات اللي عديتهون واحد بقول مابتقعدي بالبيت ;)
بس بدي انزل اجازة رح نستشيرك تعمليلنا برنامج سياحي:D
Miss Petals
06/07/2009, 00:27
و انا معكن ابوي ....ع راسي حارتِك خيت...
Miss Petals
06/07/2009, 00:29
بالله بمعيتك محلات البوظة ,,,اش في عندك؟
Miss Petals
06/07/2009, 00:31
فتح carfour و kfc بحلب ...اي لأ صار بدا نزلة >>>ما في مجال
Government
06/07/2009, 05:35
فتح carfour و kfc بحلب ...اي لأ صار بدا نزلة >>>ما في مجال


والبحر صار بحلب ..
LiOnHeArT.3LA2
06/07/2009, 05:51
والبحر صار بحلب ..

لعما كنو صحي؟
Government
06/07/2009, 05:56
لعما كنو صحي؟

عنجد والله وسآآل ازا بدك
LiOnHeArT.3LA2
06/07/2009, 06:39
:pبلو لاغون:o
ابو نجبو
06/07/2009, 07:20
جميل جميل ...
ام الجود ....انا متل مابتعرفي صرلي قريب السنتين مالي نازل عاسوريا....فباعتزر ازا صار في كم محل اوت اوف دايتي.....
[center]
نسيت سلاف .. بيعمل كل هدول اللي قلت عليون .. و كمان بيسوي فتة و عجة

مابحبو.....:pos:
أكلو مو طيّب.....وحرامي.

وعندك كمان صحتين اللي قريب الجامعة .. صندويشاتو طيبين و الدليل القطط اللي عم تلعب على رصيفو ليل نهار .. بس اييمات الجامعة بالشتي كنت أشرب عندو شوربة عدس .. شي لوجع الضهر :larg:

ايه..ايه....هاد سقط سهواً...:D


الله يسامحك .. نسيت أهم واحد ولو انو انقرض هلأ .. قصدي على هاد اللي كان يبيع صواريخ مندويش بحارة شركة الكهربا .. و تلاقيه عبيكش و يشوي من ط** الضو و زباينو تلت ارباعون شوفيرية التكاسي و المكاري :lol:

ولوو...ازا بدنا نحكي عالبسطات و بياعين المندويش....مابيكفّينا قسم
اي بالكلاسة و المغاير من عام ال2000 لل2004 ظهر و انقرض شي اربع تالاف شوّا.....

و في كمان قصر الوالي و سيدرا و بيت وكيل و ديوان رسمي و من فترة قريبة فتح واحد جديد (زمرّد) و عالحكي انو أحسن مطعم بيت عربي شهدتو حلب لهلأ

حلو حلو.....:gem:

و عندك كمان الجندول و المنتدى و الفورسيزنس و التورينغ (نادي السياحة السوري) و أندلسيا (الأميركان سابقاً) و السيروبيان و ميامي و فينيسيا (هاواي سابقاً) و اللاغونا (مسبح حلب سابقاً) و لابالما (الفاروق سابقاً) و البلو لاغون تبع الزحليطات و الموج الاصطناعي


وينك .. نسيت محلات الكوكتيل و السناك : عوجة الجب و جوسي بكافة فروعه :lol:



لك ام الجود....قلنا نبزة.....نببببزة ....مو جريدة :lol: