أصدر السيد الرئيس بشار الأسد اليوم المرسوم التشريعي رقم (37) للعام 2009 القاضي بإلغاء المادة 548 من قانون العقوبات والاستعاضة عنها بنص آخر وفيما يلي نص المرسوم ..

الجمهورية العربية السورية

المرسوم التشريعي رقم (37)

رئيس الجمهورية

بناء على أحكام الدستور

يرسم مايلي ..

المادة 1- تلغى المادة 54 من قانون العقوبات ويستعاض عنها بالنص التالي..

يستفيد من العذر المخفف من فاجأ زوجه أو أحد أصوله أو فروعه أو أخته في جرم الزنا المشهود أو في صلات جنسية فحشاء مع شخص آخر فأقدم على قتلها أو إيذائها أو على قتل أو إيذاء أحدهما بغير عمد على أن لاتقل العقوبة عن الحبس مدة سنتين في القتل.

المادة 2- ينشر هذا المرسوم التشريعي في الجريدة الرسمية

دمشق في 9-7- 1430 هجري الموافق 1-7- 2009 ميلادي.




رئيس الجمهورية



بشار الأسد




يذكر أن المادة الملغاة كانت تقضي بتوقيف مرتكب القتل دفاعاً عن الشرف ستة أشهر في الحد الاقصى...وأحياناً لا يتوقف.



سيريا ستيبس

على أن لاتقل العقوبة عن الحبس مدة سنتين في القتل.

والله سنتين كتير... تجاوز إشارة المرور للمرة التالتة حسب قانون السير الجديد فيها سجن 6 شهور وجريمة قتل لأحد الأصول أو الفروع "مو ضالل غير يقولو بنت الجيران كمان" مع سابق الإصرار حكمها سنتين

النص القديم

المادة 548:
1 ـ «يستفيد من العذر المحل من فاجأ زوجه أو أحد أصوله أو فروعه أو اخته في جرم الزنا المشهود أو في صلات جنسية فحشاء مع شخص آخر فأقدم على قتلهما أو ايذائهما أو على قتل أو ايذاء أحدهما بغير عمد».
2 ـ يستفيد مرتكب القتل أو الأذى من العذر المخفف إذا فاجأ زوجه أو أحد أصوله أو فروعه أو أخته في حالة مريبة مع آخر.




يعني طيّرو النقطة (2) اللي برأيي البعض كانت هي الأساس في تخفيف الحكم عن أشخاص قتلوا أخواتهم أو زوجاتهم لمجرّد الشك, و عالحكي في تشديد على انو رح يتم التشدد بانو الاسباب المخففة تكون فقط على مرتكبي الجريمة لحظة المفاجأة بالزنا المشهود. يعني تطبيق المادة القانونية بحرفيتها...

لكن في شغلتين, أو لأ عدة شغلات:

الأولى: من حيث المبداً, كإعطاء سبب مخفف لمرتكب جريمة قتل هو بشكل من الأشكال تبرير لهالجريمة التي لا تحمل مبرر أبداً, خصوصاً انو مخفف جداً (يعني جريمة قتل عليها سنتين؟! أي على تعليق بالانترنت راحو فيها ناس 3 و 4 و 5 سنين!!)

الثاني: ما كتير فهمان شغلة "بغير عمد".. انو واحد استوحش و صار يضرب شروي غروي و اجت خبطة براس المرأة و ماتت؟ ما كان قاصد يقتلها؟ و للا بيعتبرو انو التصرّف بأكملو خلال لحظة الغضب هو تصرّف غير متعمّد؟

الثالث: اذا المرأة كمشت زوجها مع وحدة غريبة ما بتاخد أسباب مخففة اذا قتلتو (تخيلو عندو مسدس بالبيت و راحت صفقتو طلقة.. ) لأنو القانون مصاغ بالشكل التالي: قتلها أو إيذائها

بشكل برغماتي, في تحسّن.. بشكل مبدئي, في مكياج .. و كل واحد ينقي على كيفو

اي ابو الفيد .. شو مشان طيب ؟

مع سابق الإصرار حكمها سنتين

فادي خلينا نكون منطقيين ..
ليش شفناها وقت كانت
ستة أشهر في الحد الاقصى...وأحياناً لا يتوقف
يعني وقت كانت حد اقصى ..

وما شفناها وقت صارت


على أن لاتقل العقوبة عن الحبس مدة سنتين في القتل.


لازم ننبسط بهيك تغيير ..
صح يمكن مانو قد اللي منطمح فيه ..
بس اي تغيير للأفضل لازم نزكرو .. ونمدح فيه ..
متل اي تغيير للأسوأ .. نذكروا .. ونقول انو غلط ..
:D

(يعني جريمة قتل عليها سنتين؟!

انو ممكن سؤال ؟
هلأ هون بهالنقطة هي .. يمكن انا ما كون فهمانا مزبوط ..
بس انو اقل شي سنتين ؟.
يعني في اكتر ما ؟
ولا ما في ؟

وهادا الشي على كل الجرائم ..
يعني ازا شوّها مثلا .. وما قتلا .. شو وضعو؟

للاستيضاح فقط لا اقل ولا اكتر

انو ممكن سؤال ؟
هلأ هون بهالنقطة هي .. يمكن انا ما كون فهمانا مزبوط ..
بس انو اقل شي سنتين ؟.
يعني في اكتر ما ؟
ولا ما في ؟

وهادا الشي على كل الجرائم ..
يعني ازا شوّها مثلا .. وما قتلا .. شو وضعو؟

للاستيضاح فقط لا اقل ولا اكتر


على ألا يقل عن سنتين... يعني بموجب النص القانوني فينو يحكم سنتين, و فينو يحكم عشرين, الأمر يرجع للقاضي

القصد من الملاحظة انو القانون يسمح بانو العقوبة تكون سنتين, ما يجبر انو يكون أكتر, و كان من المنتظر انو يكون النص القانوني موضّح انو العقوبة تكون إجباراً أكبر من هيك

على كل حال, اذا تطبّق هيك بحذافيرو, بيكون خطوة, يجوز مو بكبر اللي كنا منتظرينا, بس بالنهاية خطوة (و هو يدخل التقييم الشخصي بأهمية هذه الخطوة).

شخصياً -بغض النظر عن تقييمي لحجم الخطوة- مرتاح لأنو عمل حقوقي و قانوني و إعلامي متل الحملة الوطنية لأجل إيقاف جرائم الشرف جاب نتيجة, حتى لو كانت أدنى من المرغوب.. على الأقل انفتح طريق جيد في التعامل ما بين المواطن و الحكومة و المشرّع, طريق كان مسكّر جداً جزيلاً, و لساتو مسكّر.. بس نتمنى يكون عم ينفتح طبعاً

على ألا يقل عن سنتين... يعني بموجب النص القانوني فينو يحكم سنتين, و فينو يحكم عشرين, الأمر يرجع للقاضي

القصد من الملاحظة انو القانون يسمح بانو العقوبة تكون سنتين, ما يجبر انو يكون أكتر, و كان من المنتظر انو يكون النص القانوني موضّح انو العقوبة تكون إجباراً أكبر من هيك

على كل حال, اذا تطبّق هيك بحذافيرو, بيكون خطوة, يجوز مو بكبر اللي كنا منتظرينا, بس بالنهاية خطوة (و هو يدخل التقييم الشخصي بأهمية هذه الخطوة).

شخصياً -بغض النظر عن تقييمي لحجم الخطوة- مرتاح لأنو عمل حقوقي و قانوني و إعلامي متل الحملة الوطنية لأجل إيقاف جرائم الشرف جاب نتيجة, حتى لو كانت أدنى من المرغوب.. على الأقل انفتح طريق جيد في التعامل ما بين المواطن و الحكومة و المشرّع, طريق كان مسكّر جداً جزيلاً, و لساتو مسكّر.. بس نتمنى يكون عم ينفتح طبعاً

هلأ انا شايف انو المرسوم اكتر من ممتاز , و من الناحية العملية ما ترك مجال لشي اسمو جريمة شرف.

واضح من نص التعديل انو لحتى يستفيد الجاني من العذر المخفف لازم يكون في عنصر المفاجأة و حطولي خطين تحت المفاجأة , بالجرم المشهود , و حطولي خطين تحت المشهود , و فوق هاد كلو لازم يكون القتل غير عمد , و ع قد فهمي بالموضوع بمجرد استخدام اي اداة المعروف عنها انها قاتلة ( مسدس , سكين ) , بصير القتل عمد , و بالتالي ما بيستفيد القاتل من العذر المخفف .

يعني من الناحية العملية صار الحصول على عذر مخفف بجريمة شرف شبه مستحيل , لصعوبة توفر كل العناصر , يعني تخيل واحد فاجأ مرتو مع البوي فريند تبعها بنص الفيلم , و بعدين قتلها بقنينة شامبو .......انا شخصيا لو كنت قاضي ما بحكمو اكتر من سنتين ..اي و الله .

بقى انا شخصيا ارحب و بشدة بهالمرسوم ...و بوجه تحية لكل الشبيبة اللي تعبوا سنين وصولا لهاليوم :gem:

واضح من نص التعديل انو لحتى يستفيد الجاني من العذر المخفف لازم يكون في عنصر المفاجأة و حطولي خطين تحت المفاجأة , بالجرم المشهود , و حطولي خطين تحت المشهود , و فوق هاد كلو لازم يكون القتل غير عمد , و ع قد فهمي بالموضوع بمجرد استخدام اي اداة المعروف عنها انها قاتلة ( مسدس , سكين ) , بصير القتل عمد , و بالتالي ما بيستفيد القاتل من العذر المخفف .

أبو نهلة ما هو قصة المفاجأة كانت موجودة بالقانون السابق بس التطبيق كان شوربة... يعني يا ريت يصيرو يطبقوه بحرفيتو خصوصي انو شالو قصة "الحالة المريبة" اللي كانت موجودة...

انشالله يتشددو بتطبيق القانون بحرفيتو... بيكون شي منيح كتير


و بوجه تحية لكل الشبيبة اللي تعبوا سنين وصولا لهاليوم ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

معك جداً جزيلاً


:D

هلأ انا شايف انو المرسوم اكتر من ممتاز , و من الناحية العملية ما ترك مجال لشي اسمو جريمة شرف.

واضح من نص التعديل انو لحتى يستفيد الجاني من العذر المخفف لازم يكون في عنصر المفاجأة و حطولي خطين تحت المفاجأة , بالجرم المشهود , و حطولي خطين تحت المشهود , و فوق هاد كلو لازم يكون القتل غير عمد , و ع قد فهمي بالموضوع بمجرد استخدام اي اداة المعروف عنها انها قاتلة ( مسدس , سكين ) , بصير القتل عمد , و بالتالي ما بيستفيد القاتل من العذر المخفف .
بتفق معك ان المرسوم ممتاز ولكن جرائم الشرف رح تكون باطار ضيق جدا جدا


يعني من الناحية العملية صار الحصول على عذر مخفف بجريمة شرف شبه مستحيل , لصعوبة توفر كل العناصر , يعني تخيل واحد فاجأ مرتو مع البوي فريند تبعها بنص الفيلم , و بعدين قتلها بقنينة شامبو .......انا شخصيا لو كنت قاضي ما بحكمو اكتر من سنتين ..اي و الله .

بقى انا شخصيا ارحب و بشدة بهالمرسوم ...و بوجه تحية لكل الشبيبة اللي تعبوا سنين وصولا لهاليوم :gem:مثلا زواج دخل بيتو لقى زوجتو مع البوي فريند وعلى اي رف بالغرفة في تمثال صغير معدن ، صربها صربة او اتنين
قد تموت وقد تعيش (في القانون اسمها ضرب باله حادة أدت الى الموت ) شو رئيك ؟
طبعا حالات ضيقة ومابكل غرفو نوم تمثال متل هاد (بس الازواج رح يحطوه بالفترات القادمة :o )
لذلك انا رح اميل شوي لما قالو ياس بهالخصوص

أبو نهلة ما هو قصة المفاجأة كانت موجودة بالقانون السابق بس التطبيق كان شوربة... يعني يا ريت يصيرو يطبقوه بحرفيتو خصوصي انو شالو قصة "الحالة المريبة" اللي كانت موجودة...

انشالله يتشددو بتطبيق القانون بحرفيتو... بيكون شي منيح كتير


المهم تطبيق القانون بدقة
الواحد يقلق من التلاعب على المصطلحات والتفسيرات
والنقطة الاهم طبعا ، ما عاد ممكن قتل بالشبهات او بالظن (هاي تحقق فيها انتصار اهم )

أول ما شفت الخبر دمعت عيني .. ولما قريت النص رجعت دمعت عيني مرة تانية.. زعلت كتير.. كتير..

انتبهت انو من أول ما بلش الكلام على موضوع هي المادة وبكل نقاش كان في اشخاص دايما يقولو انو هي المادة لا تقصر العذر على الرجل بل تشمل ايضا المرأة في اعطاء العذر المحل او المخفف
وانو المادة ليست اهانة للمرأة وحقها بالحياة وانو كلمة زوجه تشمل الرجل والمرأة والخطأ هوي خطأ بترجمة النص المأخوذ عن الفرنسية ..
وبحب ذكر هدول الاشخاص هون بالاخوية انو المرسوم اللي اجا اليوم بيوضح انو النص القديم كان بيشمل التخفيف عن الرجل فقط والمشرع الجديد أيضا شمل الرجل فقط واعطاه الحق بالقتل البهائمي على حد قول "بسام القاضي" ..

الحقيقة انو ما عندي مشكلة أبدا بإعطاء عذر مخفف للرجل او للمرأة في حال الخيانة الزوجية ..
لكن برأيي يجب عدم تخصيص مادة للقتل بدافع الشرف او بسبب الخيانة ويجب الاكتفاء بالمواد الموجودة بالقانون السوري متل

المادة 242 : يستفيد من العذرالمخفف فاعل الجريمة الذي أقدم عليها بثورة غضب شديد ناتج عن عمل غير محق وعلى جانب من الخطورة اتاه المجني عليه .

واللي برأيي كافية وبتشمل القتل في جميع الحالات المذكورة بالمادة 548 والمرسوم المعدل لها

الثاني: ما كتير فهمان شغلة "بغير عمد".. انو واحد استوحش و صار يضرب شروي غروي و اجت خبطة براس المرأة و ماتت؟ ما كان قاصد يقتلها؟ و للا بيعتبرو انو التصرّف بأكملو خلال لحظة الغضب هو تصرّف غير متعمّد؟



ياس بالقانون السوري بيختلف العمد عن االقصد
العمد يعني انو في فترة معقولة بين تكوين النية الجرمية بمخ القاتل وبين التنفيذ وهادا الشيء بيأكد على نية القاتل وتبييته وتخطيطه وتفكيره المستغرق بجريمته واللي بيأكد على خطورة القاتل كمجرم
القصد بيعني انو الشخص لم يخطط للجريمة انما في لحظة طائشة قد تكون غضبا شديدا اخرجه عن طوره للحظات ارتكب جريمته وهاد الشي يجب ان يؤخذ بعين الاعتبار.. فالقاتل المخطط لا يتساوى مع القاتل الذي قد يكون فوجئ نفسه بالجريمة التي ارتكبها

اما الحالة للي عم تحكيها انت وانو صار يضرب شروي غروي فهي ممكن تتصنف تحت القتل بالخطأ لأنو نيته الجرمية انتفت نهائيا.. يعني لا كان في قصد ولا كان في عمد

ياس بالقانون السوري بيختلف العمد عن االقصد
العمد يعني انو في فترة معقولة بين تكوين النية الجرمية بمخ القاتل وبين التنفيذ وهادا الشيء بيأكد على نية القاتل وتبييته وتخطيطه وتفكيره المستغرق بجريمته واللي بيأكد على خطورة القاتل كمجرم
القصد بيعني انو الشخص لم يخطط للجريمة انما في لحظة طائشة قد تكون غضبا شديدا اخرجه عن طوره للحظات ارتكب جريمته وهاد الشي يجب ان يؤخذ بعين الاعتبار.. فالقاتل المخطط لا يتساوى مع القاتل الذي قد يكون فوجئ نفسه بالجريمة التي ارتكبها

اما الحالة للي عم تحكيها انت وانو صار يضرب شروي غروي فهي ممكن تتصنف تحت القتل بالخطأ لأنو نيته الجرمية انتفت نهائيا.. يعني لا كان في قصد ولا كان في عمد
مش بس القانون السوري ولكن كثير من القوانين الشرقية بتفصل بين القصد والعمد .

انا مختلف معك بتعريف القصد ، دايما ونحنا بنحكي بصفة عامة يطلع واحد يقول لاء انتو فهمتوني غلط انا مابقصد كذا ولكن بقصد كذا ، اعتقد والعلم عند الله ان القصد هو النية (بارتكاب الجريمة ) وبناءا عليه يصعب على البشر تحديد القصد تحديدا قاطعا وقاطعا للحكم على متهم . (النية لايعلمها الا الله )
انا بشوف ان القصد عبارة عن النية وهي غير قابلة للقياس بدقة .
ومع ذلك انا ماعندي اي مانع من ان يكون تعريف القتل القصد هو وجود نية للقتل ولكن كما اعتقد بأن القتل بيتم بنفس الوقت او بوجود فارق زمني بسيط .

اما عن القتل العمد ، اعتقد لا خلاف عليه انه يتطلب تخطيط واعداد مسبق وفترة زمنية كبيرة نسبيا (اللي انتي قلتي عنها معقولة )بين تكوين النية الاجرامية وبين تنفيذ الجريمة

يعني رح يكون الفيصل الرئيسي بين القتل القصد والقتل العمد هو الفترة الزمنية بين النية على القتل وبين تنفيذ القتل .

ومع ذلك القانون بحد ذاته خطوة متقدمة جدا جدا ورح يحد ويقل من القتل الظالم بحالات القتل عند الشك او الريبة ، كلنا سمعنا عن عائلات قتلت بناتها بدون وجود دليل واحد على حدوث علاقة جنسية بين البنت وبين اي شاب . ولكن القتل تم لمجرد شائعات ثارت حول البنت وبلش الجيران يتكلمو ، والعيلة بتقرر تخلص من العار وتنتقم لشرفها بناءا على ذلك .
ثاني شيئ وهو ايضا مهم ، العالم مابتمشي ومعها مسدسات وبنادق وسيوف ، يعني اللي بدو يقتل رح يكون عامد ومع سبق الاصرار والترصد (مارح يكون قتل غير عمد ) في اغلب الحالات ، ومع ذلك رح يضل القتل الغير عمد قائم بس صورة اقل كتير كتير من المعدلات المرتفعة حاليا .

خبر كويس كتير
ولو انو اقل من المطلوب الاساسي وهوي الغاء العقوية كلها كانها حالة خاصة ومعاملتها كاي جريمة قتل وسريان نفس احكام جرائم القتل عليها بمراعاة التخفيف او التشديد المنصوص عليهون ع جرائم القتل عامة
بس بيضل انو احسن من مسخرة القانون السابق

يبدو شوي شوي الحكي بمواضيع هيك حساسة عم يجيب نتيجة
تحية لكل المساهمين انو يصدر اخيرا هيك قرار بشكل مباشر او غير مباشر

( ومنون اخوية طبعا:p )

اي ابو الفيد .. شو مشان طيب ؟



فادي خلينا نكون منطقيين ..
ليش شفناها وقت كانت

يعني وقت كانت حد اقصى ..

وما شفناها وقت صارت


لازم ننبسط بهيك تغيير ..
صح يمكن مانو قد اللي منطمح فيه ..
بس اي تغيير للأفضل لازم نزكرو .. ونمدح فيه ..
متل اي تغيير للأسوأ .. نذكروا .. ونقول انو غلط ..
:D

لاء علاء غلطان كتير بهالحكي ومافينا نوصف هيك خطوة بتغيير نحو الأفضل لإعتبار أساسي إنو في مرحلة من السوء والإجرام متى ما وصلتلها ماعد في درجات بمعنى طلعنا درجة ونزلنا درجة خليني أعطيك مثال:

إسرائيل بتقتل كل يوم الصبح 100 فلسطيني وفجأة قررت تصير تقتل 80 فلسطيني بس هل عقلك وضميرك بيسمح بوصف هالشي بتغيير نحو الأفضل أو الأحسن؟؟

أساساً كيف بدنا نعتبر أي قانون بيتعامل بطريقة خاصة مع جريمة كاملة من الدرجة الأولى عم يتحسن أو عم يستاء؟؟ بتعرف شغلة حبيب أنا إذا بكرا بيطلع مرسوم بينزل الحد الأدنى للعقوبة لـ3 شهور مابتفرق معي أبداً ولا بعتبر هالشي إنو الوضع إستاء.. لأنو الوضع ككل قمة بالسوء فكم شهر بالزايد أو بالناقص مابيغيرو شي من حقيقة الموقف طالما المعادلة الأساسية قمة بالغلط



بس انو اقل شي سنتين ؟.
يعني في اكتر ما ؟
ولا ما في ؟


لاء حبيب مافي أكتر لقلك ليش... وقت كان القانون بيحدد 6 شهور كحد أدنى بعمرو مافي قاضي طلع حكم فوق 6 شهور لسبب بسيط انك انت كقاضي عم تتعامل مع حالة قانونية خاصة تستفيد من عذر مخفف فالطبيعي انك تحكم وفق العذر القانوني المخفف...
واذا شي حالة استثنائية ماحكم فيها القاضي وفق الحد الأدنى فبجلسة وحدة بمحكمة النقض بتنقض الحكم وبترجعو للحد الأدنى إجباري عن الدنيا...


وهادا الشي على كل الجرائم ..
يعني ازا شوّها مثلا .. وما قتلا .. شو وضعو؟


وضعو ولاشي ومالحظو المرسوم أساساً يعني اذا بيفوت على البيت بيمسك سيف بيقصلها إيديها ورجليها بس ما بيقتلا بيتعامل وفق العذر المخفف لقانون الشرف القديم يعني بالكتير بيتوقفلو كم يوم...

بعدين خليني وضحلك نقطة كتير مهمة هون... السنة القضائية هي تسع شهور يعني بيطلعو السنتين سنة ونص فعلياً وبيستفيد القاتل من عفو أو من تلت المدة بتطلع راسمال جريمتو سنة معزز مكرم...

هون في نقطة تانية كتير خطيرة إنو المرسوم كسابقه شامل للأصول والفروع بتعرف يعني انا مين فيني اقتل بدافع الدفاع عن الشرف؟؟ إمي وإختي وستي وعمتي وخالتي وبنت عمي"عمتي" وبنت خالي "خالتي" يعني كل شب بأي عيلة ومهما كان وضعو الأخلاقي بيسمحلو قانون "قلة" الشرف يقتلو خمسي ستين وحدة...

وانتبهلي لفقرة " في صلات جنسية فحشاء " يعني كمان العينتين مو بس قايل زنا يعني اذا واحد أزعر مجرم حشاش قمرجي سكرجي عندو اخت وحيدة وأبوه عم يموت بيبعتلا واحد عالبيت بيدفش عليها الباب وبيفوت.. بيجي أخوها بيقوصها وبيترك الشب وبينحكم كم شهر كرمال الورتة...

لسا فيك توصف أي شي بيخص هالقانون بالتحسن؟؟




واضح من نص التعديل انو لحتى يستفيد الجاني من العذر المخفف لازم يكون في عنصر المفاجأة و حطولي خطين تحت المفاجأة , بالجرم المشهود , و حطولي خطين تحت المشهود , و فوق هاد كلو لازم يكون القتل غير عمد , و ع قد فهمي بالموضوع بمجرد استخدام اي اداة المعروف عنها انها قاتلة ( مسدس , سكين ) , بصير القتل عمد , و بالتالي ما بيستفيد القاتل من العذر المخفف .



يامعلم هاد النص بعدو بحرفيتو من القانون القديم يلي كان القضاء ماشي عليه... وبعمرو مافي قاضي سأل عن عنصر المفاجأة... لأنو الطبيعي يقلو انو اتفاجئ بس الحقيقة أبداً مو هيك بتكون...
أما موضوع الجرم المشهود ففي كمالة الفقرة ويلي فاصل بيناتهون "أو" يعني يا الجرم المشهود يا صلات جنسية فحشاء... يعني فتح الإحتمالات للقاتل متل الوضع القديم وماعدل ولاحرف

يعني بإختصار القصة إعلامية مو أكتر ولو كانت بغرض الإصلاح والحد من جرائم "قلة" الشرف يلي عم تكون أغلبها بأهداف تانية فكان الأولى يكتفى بفقرة وحدة بالمرسوم وهي إلغاء مادة السبب المخفف وعدم الإستعاضة عنها بأي شيئ.

انشالله خير

يعني كأنوا الوضع بلش يصير أحسن شوي .......................

مش بس القانون السوري ولكن كثير من القوانين الشرقية بتفصل بين القصد والعمد .

انا مختلف معك بتعريف القصد ، دايما ونحنا بنحكي بصفة عامة يطلع واحد يقول لاء انتو فهمتوني غلط انا مابقصد كذا ولكن بقصد كذا ، اعتقد والعلم عند الله ان القصد هو النية (بارتكاب الجريمة ) وبناءا عليه يصعب على البشر تحديد القصد تحديدا قاطعا وقاطعا للحكم على متهم . (النية لايعلمها الا الله )
انا بشوف ان القصد عبارة عن النية وهي غير قابلة للقياس بدقة .
ومع ذلك انا ماعندي اي مانع من ان يكون تعريف القتل القصد هو وجود نية للقتل ولكن كما اعتقد بأن القتل بيتم بنفس الوقت او بوجود فارق زمني بسيط .

اما عن القتل العمد ، اعتقد لا خلاف عليه انه يتطلب تخطيط واعداد مسبق وفترة زمنية كبيرة نسبيا (اللي انتي قلتي عنها معقولة )بين تكوين النية الاجرامية وبين تنفيذ الجريمة

يعني رح يكون الفيصل الرئيسي بين القتل القصد والقتل العمد هو الفترة الزمنية بين النية على القتل وبين تنفيذ القتل .

ومع ذلك القانون بحد ذاته خطوة متقدمة جدا جدا ورح يحد ويقل من القتل الظالم بحالات القتل عند الشك او الريبة ، كلنا سمعنا عن عائلات قتلت بناتها بدون وجود دليل واحد على حدوث علاقة جنسية بين البنت وبين اي شاب . ولكن القتل تم لمجرد شائعات ثارت حول البنت وبلش الجيران يتكلمو ، والعيلة بتقرر تخلص من العار وتنتقم لشرفها بناءا على ذلك .
ثاني شيئ وهو ايضا مهم ، العالم مابتمشي ومعها مسدسات وبنادق وسيوف ، يعني اللي بدو يقتل رح يكون عامد ومع سبق الاصرار والترصد (مارح يكون قتل غير عمد ) في اغلب الحالات ، ومع ذلك رح يضل القتل الغير عمد قائم بس صورة اقل كتير كتير من المعدلات المرتفعة حاليا .
محمد ما حسيت في اختلاف بالرأي بيني وبينك .. على كل حال انا ما عطيت رأي انا عطيت معلومة..
الفرق بين القصد والعمد هو الفترة الزمنية اللي بتفصل بين النية والفعل بالعمد بتكون اطول بشكل ملحوظ منها بالقصد وبيكون الشخص بعيد عن الاستفزاز او الغضب المباشر..
وعلى كل حال بكتير مراجع قانونية بينذكر العمد على انه "القصد المبيت"
:D

شباب انا بقول نستنى لنشوف كيف رح يكون تطبيق هالمرسوم, لانو في مراسيم قبلو صدرت بقضايا تانية وما تنفذ منها شي ولا غيرت شي على الارض

مع انو رايي انو مكافحة طاهرة جرائم الشرف اعقد بكتير من مجرد تشديد العقوبة على القاتل

طالما لسا الشعب بيعتبر مرتكب هالجريمة بطل دافع عن شرفو , ما رح يغير مية مرسوم الواقع

هلاء مبارح اول ما سمعت انون وقفو قانون الاحوال الشخصية انبسطت وماساعتني الدنيا
بعدين اتخوزقت
ولهلاء بيطلعوا التافهين بمجلس الوزراء بيقولوا انو مو هيك القانون وكلها اشاعات
انو يعني بحياة اي شي بتعبدو لو هالقانون عبارة عن اشاعات ليس وقفوا
؟؟؟؟؟؟؟
منرجع لموضوع الاساسي
كمان اليوم لقيتو خبر اكتر من رائع وشوي تانية كنت راح ارقص
لو ما انبعصت من القانون وما قدرت لاقي فرق جذري
بين القديم والجديد يعني القصة لعب ع الكلمات
هلاء بكل بساطة
هاد القانون بينطبق ع النساء ؟!
يعني المرا اذا شافت جوزها او اخوها او احد فروعها عم يعمل سكس مع شي حدا وقتلتوا
شو بتنحكم
؟؟؟؟

بعدين في شي كتير مهم
انو اللي عم يشوف الوضع تحسن
ما بفهم نظريتوا
انا بشوف الوضع اسواء لانو عم يضحكو علينا
و يسكتونا
بكام كلمة
تافهة متلون

الف مبروك . بتمنى تشديدو أكتر بالمستقبل . وبتمنى تشديد عقوبات الدعارة . وبتمنى نشر الوعي لمحاربة جرائم الشرف

شخص يقتل آخر ثم يقدم على الانتحار في قرية المتراس صافيتا في طرطوس
الحوادث

قام شخص (خ) بقتل شخص اخر (س) بإطلاق النار عليه, ثم أقدم على الانتحار مساء الثلاثاء في قرية المتراس صافيتا في طرطوس, على خلفية وجود الاخير في بيت مطلقة القاتل.

ord=Math.random()*10000000000000000;document.write ('');////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// p://jawal123.com/PublicPages/Products.aspx?Lang=ar-SY)////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// 89? (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// 89?)
وقال مصدر مطلع لم يرغب في الكشف عن اسمه لسيريانيوز إن (خ) أقدم على قتل الشخص الاخر بإطلاق النار عليه, بعد حصول مشادة كلامية بينهما, على خلفية وجودالاخير في بيت مطلقته", قبل ان يقوم بالاطلاق النار على نفسه".
ولفت المصدر إلى أن "الجهات المعنية مازالت تحقق بالحادث", مشيرا إلى أن "الجثتين مازالتا موجودتين في مشفى الباسل بطرطوس".

اي هي مو جريمة شرف
لانو ببيت مطلقته
فالمخلوقة فهوي ما خصو بالمخلوقة

اي هي مو جريمة شرف
لانو ببيت مطلقته
فالمخلوقة فهوي ما خصو بالمخلوقة
لكن ليش قوصو . وشو اخدو لبيت مطلقتو

شو دخلو يكون عندها
مو انت قلت مطلقتوا
ف شو دخلو فيها
:?
ولا كمان الو سلطة عليها بعد الطلاق

شو دخلو يكون عندها
مو انت قلت مطلقتوا
ف شو دخلو فيها
:?
ولا كمان الو سلطة عليها بعد الطلاق
سلطة مالو . بس شو العلاقة بيناتهم وليش تطلقو مامنعرف . أنا ماعم دافع عنو . بس كمان ما أجا قوص الزلمة لأنو مثلا صافف سيارتو بمكان سيارة مطلقها . ولا راح قوص بنت الجيران لأنو صاحبها عندها . هية كانت مرتو وفي قصص بيناتهم . والجريمة ما أجت من فراغ

سلطة مالو . بس شو العلاقة بيناتهم وليش تطلقو مامنعرف . أنا ماعم دافع عنو . بس كمان ما أجا قوص الزلمة لأنو مثلا صافف سيارتو بمكان سيارة مطلقها . ولا راح قوص بنت الجيران لأنو صاحبها عندها . هية كانت مرتو وفي قصص بيناتهم . والجريمة ما أجت من فراغ

مممممممممممم
عفوا بس الكلام مانو منطقي
هلق لو هوي طلقها لانو شافها معو لصاحبها فهاد الكلام مو ظابط
لانو اذا دمو حامي كان قتلها بلحظتها
مو بعد ما طلقها وصارت حرة
وما بيحقلوا يتدخل فيها
ولو هالزلمة صاحبها هوي مالو علاقة
هي طليقوا يعني مرتوا السابقة
فهو مجرم وبيستحق المؤبد

الحل المنطقي الوحيد بهيك حالات اذا ماكان القتل فهوه الطلاق
بس الحلو بالموضوع ان الي بيطلق مرتو او الزوجة الي بتطلب الطلاق لان زوجتو او زوجها كان عم يخونها مع حدا ,هنن الخاسرين الوحيدين بالعملية
لان بكل بساطة الي بيطلق مرتو راح يرجع يدفعلها كل مستحاقتها هاد غير النفقة عنها وعن صاحبها والي بتطلب الطلاق بتخسر كل مستحقاتها لي راح تتحول لصاحبتو لزوجها المحترم
مابعرف اذا انذكر بهالقانون اي شي عن هالي انغدرو ...لان كتير حلو ضمن هالفورة الحقوقية نفكر شوي ان هالي عم يقتل او هالي عم تقتل شريكها شريكو لان عم يخونها يخونو ماعم يعملو هالشي تسلاية
بل عم يعملو هالشي لان في شي جواتن انقتل بالمقابل ...لساتي متحفض عتغير القانون
لان كنت بتامل ان يساوي مساوات بالعذر المخفف للطرفين من جهه وبيحددو الاطراف الي الها الحق بهالعذر بالنسب القريب (اخ اخت اب ام) مع بقاء العذر المخفف 6 اشهر

الحل المنطقي الوحيد بهيك حالات اذا ماكان القتل فهوه الطلاق
بس الحلو بالموضوع ان الي بيطلق مرتو او الزوجة الي بتطلب الطلاق لان زوجتو او زوجها كان عم يخونها مع حدا ,هنن الخاسرين الوحيدين بالعملية
لان بكل بساطة الي بيطلق مرتو راح يرجع يدفعلها كل مستحاقتها هاد غير النفقة عنها وعن صاحبها والي بتطلب الطلاق بتخسر كل مستحقاتها لي راح تتحول لصاحبتو لزوجها المحترم
مابعرف اذا انذكر بهالقانون اي شي عن هالي انغدرو ...لان كتير حلو ضمن هالفورة الحقوقية نفكر شوي ان هالي عم يقتل او هالي عم تقتل شريكها شريكو لان عم يخونها يخونو ماعم يعملو هالشي تسلاية
بل عم يعملو هالشي لان في شي جواتن انقتل بالمقابل ...لساتي متحفض عتغير القانون
لان كنت بتامل ان يساوي مساوات بالعذر المخفف للطرفين من جهه وبيحددو الاطراف الي الها الحق بهالعذر بالنسب القريب (اخ اخت اب ام) مع بقاء العذر المخفف 6 اشهر

انو انا ما فهمت
يعني برايك لازم يضل القانون
ولازم عملية القتل تصير
انا ضدها
باي حال من الاحوال
:D

انو انا ما فهمت
يعني برايك لازم يضل القانون
ولازم عملية القتل تصير
انا ضدها
باي حال من الاحوال
:D

ان هلق المطلوب ان تفوت عالبيت تشوف زوجتك نايمة مع رفيقك وتكفي بكل روح رياضية عالمطبخ
تعمل فنجان قهوه ليخلصو منشان ما تنزع مراقهن؟
ماعم افهم ان صارنا بمرحلة الدفاع عن الخيانة الزوجية مثلا؟
انا عم اسال عن روح القانون ...ان هالي عم ينغدر او الي عم تنغدر مافي اي اهمية للاثر النفسي الي عم يصيبن
يا اخي والله شي بيقهر وحاسس ان ماحدا عاطي اي اهمية
ان كل هالجيوش المجيشة ليدافعو عن عاهر او عاهرة عم يمارس تمارس الدعارة وتخون كل المواثيق الزوجية الي يفترض تكون الها قدسيتها
ان قتل الروح بنظري مابتقل عن قتل جسد هاد غير المشكلة القانونية الي بتجي بعدها
الي ناجمة عن الطلاق
لان بهالحالة راح تصير تصرف عزوجتك السابقة وعشيقها او تخسر المراءة وولادها وحقوقها المشروع في حالة ان طلبت الطلاق

ان هلق المطلوب ان تفوت عالبيت تشوف زوجتك نايمة مع رفيقك وتكفي بكل روح رياضية عالمطبخ
تعمل فنجان قهوه ليخلصو منشان ما تنزع مراقهن؟
ماعم افهم ان صارنا بمرحلة الدفاع عن الخيانة الزوجية مثلا؟
انا عم اسال عن روح القانون ...ان هالي عم ينغدر او الي عم تنغدر مافي اي اهمية للاثر النفسي الي عم يصيبن
يا اخي والله شي بيقهر وحاسس ان ماحدا عاطي اي اهمية
ان كل هالجيوش المجيشة ليدافعو عن عاهر او عاهرة عم يمارس تمارس الدعارة وتخون كل المواثيق الزوجية الي يفترض تكون الها قدسيتها
ان قتل الروح بنظري مابتقل عن قتل جسد هاد غير المشكلة القانونية الي بتجي بعدها
الي ناجمة عن الطلاق
لان بهالحالة راح تصير تصرف عزوجتك السابقة وعشيقها او تخسر المراءة وولادها وحقوقها المشروع في حالة ان طلبت الطلاق




اي بس يا ابو الفوف
جرائم الشرف يلي عم تحكي عنها .. قليل لتصير
جرائم الشرف يلي عم تصير بسوريا عم تصير بناءً على :
- زواج قريبة القاتل بشخص من غير دين او مذهب
-زواج قريبة القاتل بالسر
- الاشتباه بحمل قريبة القاتل (يعني ممكن تكون متزوجة او زنا ) بس بتنقتل
-جريمة شرف لرفع العار عن المُغتصبة
--------------
ع جنب: طلع مسلسل من شي كم سنة ... تأليف ما بعرف مين ... بس من افكر الخالد (محمد الماغوط) وكانت من بيناتهن حلقة انو عائلة بتقتل بنتها بس لأنو حدا باسها بالعتمة وهيي فكرتو جوزها وجزها هوي يلي فضحها.... بس آخر شي بتنقتل من قبل اخوها يلي على اساس جاية من اوروبا ومتحرر .... الله يرحمك يا ماغوط :pos:

ان هلق المطلوب ان تفوت عالبيت تشوف زوجتك نايمة مع رفيقك وتكفي بكل روح رياضية عالمطبخ
تعمل فنجان قهوه ليخلصو منشان ما تنزع مراقهن؟
ماعم افهم ان صارنا بمرحلة الدفاع عن الخيانة الزوجية مثلا؟
انا عم اسال عن روح القانون ...ان هالي عم ينغدر او الي عم تنغدر مافي اي اهمية للاثر النفسي الي عم يصيبن
يا اخي والله شي بيقهر وحاسس ان ماحدا عاطي اي اهمية
ان كل هالجيوش المجيشة ليدافعو عن عاهر او عاهرة عم يمارس تمارس الدعارة وتخون كل المواثيق الزوجية الي يفترض تكون الها قدسيتها
ان قتل الروح بنظري مابتقل عن قتل جسد هاد غير المشكلة القانونية الي بتجي بعدها
الي ناجمة عن الطلاق
لان بهالحالة راح تصير تصرف عزوجتك السابقة وعشيقها او تخسر المراءة وولادها وحقوقها المشروع في حالة ان طلبت الطلاق




والله اللي بتخون زوجها
عقابها انو ما تبقى معو ويتركها
والرجال اللي بيخون مرتوا نفس الشي
هلق بيقولولك انو الرجال لو ما مرتوا مقصرة بحقو ما بيطلع لبرا
بس ما بيقولوا انو المرا لو ما مقصر بحقها زوجها ما بتطلع لبرا
في مفارقات عجيبة

اي بس يا ابو الفوف
جرائم الشرف يلي عم تحكي عنها .. قليل لتصير
جرائم الشرف يلي عم تصير بسوريا عم تصير بناءً على : - زواج قريبة القاتل بشخص من غير دين او مذهب -زواج قريبة القاتل بالسر - الاشتباه بحمل قريبة القاتل (يعني ممكن تكون متزوجة او زنا ) بس بتنقتل -جريمة شرف لرفع العار عن المُغتصبة
--------------
ع جنب: طلع مسلسل من شي كم سنة ... تأليف ما بعرف مين ... بس من افكر الخالد (محمد الماغوط) وكانت من بيناتهن حلقة انو عائلة بتقتل بنتها بس لأنو حدا باسها بالعتمة وهيي فكرتو جوزها وجزها هوي يلي فضحها.... بس آخر شي بتنقتل من قبل اخوها يلي على اساس جاية من اوروبا ومتحرر .... الله يرحمك يا ماغوط :pos:

بالقانو ن العربي السوري كل الحاللات الاربعة مصير الجاني ان ينعدم ومابيستفاد من الشرط المخفف
لان هاد اسمو قتل عمد ومو بفورة غضب
بنفس الوقت مافيك تقول ان مافي خيانات زوجية بمجتمعنا
اصلا جل هالقانون بينطوي تحت هالقصة
فع اي اساس حكيك ؟

والله اللي بتخون زوجها
عقابها انو ما تبقى معو ويتركها
والرجال اللي بيخون مرتوا نفس الشي
هلق بيقولولك انو الرجال لو ما مرتوا مقصرة بحقو ما بيطلع لبرا
بس ما بيقولوا انو المرا لو ما مقصر بحقها زوجها ما بتطلع لبرا
في مفارقات عجيبة

ان شو معنات بتتركو ؟ان يطلقها
بتطلع هيه الخسرانة كل حقوقها ومعن ولادها
شو معنات يتركها؟ان يطلقها يعني بدو يدفعلها مواخر ونفقة مدي العمر
هالقصة صارت مع شوفير الشركة الي عم اشتغل فيها
مرتو خانتو مع رفيقو ولقطهن قام طلقها ,الحلو ان اكل الكم صارلو 18 سنة عم يدفعلها نفقة

بالقانو ن العربي السوري كل الحاللات الاربعة مصير الجاني ان ينعدم ومابيستفاد من الشرط المخفف
لان هاد اسمو قتل عمد ومو بفورة غضب
بنفس الوقت مافيك تقول ان مافي خيانات زوجية بمجتمعنا
اصلا جل هالقانون بينطوي تحت هالقصة
فع اي اساس حكيك ؟


ما عم قول انو ما في خيانات زوجية ... بس اغلب القصص يلي عم تتسمى جرائم شرف ... وعم تاخد العذر المخفف هيي هي الحالات .. اما قصة الخيانات الزوجية .. فا بتصير .. بس قليل لنسمع عنها
فانو منين عم تقللي مصير الجاني هوي الاعدام ... لهلأ ما شفت هيك شي الصراحة ! :?

ان شو معنات بتتركو ؟ان يطلقها
بتطلع هيه الخسرانة كل حقوقها ومعن ولادها
شو معنات يتركها؟ان يطلقها يعني بدو يدفعلها مواخر ونفقة مدي العمر
هالقصة صارت مع شوفير الشركة الي عم اشتغل فيها
مرتو خانتو مع رفيقو ولقطهن قام طلقها ,الحلو ان اكل الكم صارلو 18 سنة عم يدفعلها نفقةمعلش فؤاد بس شو ما كان السبب ، هالشي ، لا انسانياً ولا شرائعياً ولا قانونياً ولا بأي مجال، ما بيعطي الواحد الحق انو ينهي حياة بني آدم ، حتى لو كان هالشخص شريك حياته، أو اختو ، او امو .. او مين ما كان

معلش فؤاد بس شو ما كان السبب ، هالشي ، لا انسانياً ولا شرائعياً ولا قانونياً ولا بأي مجال، ما بيعطي الواحد الحق انو ينهي حياة بني آدم ، حتى لو كان هالشخص شريك حياته، أو اختو ، او امو .. او مين ما كان

بس ان بيعطي الحق لان تنقام الدنية وتقعد منشان كم سافل او سافلة كانو هاي القضية القومية الاولي بتاريخ هالوطن
يارفيقي عالقليلة اذا مابدك توجد عذر مخفف
اسقط كل حقوقو الزوجية ...بس ان فوق الموت عصة قبر
اي شو هالمنطق؟

خيو لنفترض كمشت مرتك مع حدا ، ما عمقلك مافي عقوبات كـ زوج وزوجتو، وما حابب اطرح المثال كاخت او ام ... مشان المشاعر كـ حد أدنى ...

بس هاد ما بيعني انو القتل هوي الحل المثالي ، او الحل الوحيد، او الحل الأقل عقلانية بينهن ...
ما بعرف شو ممكن يكون في حل ، وما عماقدر افترض اني كمشت مرتي مثلاً عمتخوني مع حدا بفرشتي انو شو ممكن اعمل
بس بعرف تماماً انو مو الحل هوي بالقتل او بالضرب..

انا ملاك بريء يا زلمي :angel:

ما عم قول انو ما في خيانات زوجية ... بس اغلب القصص يلي عم تتسمى جرائم شرف ... وعم تاخد العذر المخفف هيي هي الحالات .. اما قصة الخيانات الزوجية .. فا بتصير .. بس قليل لنسمع عنها
فانو منين عم تقللي مصير الجاني هوي الاعدام ... لهلأ ما شفت هيك شي الصراحة ! :?


بتتفضل علي انت صديقي او اي حدا تاني بحكم محكمة واحد موقع من قاضي سوري بيعطي فيه حكم مخفف لاخ لان قتل اختو المغتصبة ؟

انا عم اسال عن روح القانون ...ان هالي عم ينغدر او الي عم تنغدر مافي اي اهمية للاثر النفسي الي عم يصيبن

للاسف اخر شي النظر لروح القانون اذا اعتبرنا اصلا انو فيه روح

بس كمان للازم نذكر انو لكل حالة وضع خاص فيها و ما بتتشابه مع اي حالة تانية ان كان بجرائم الشرف او اي جريمة تانية و ما ممكن نص قانون يحيط بكل هالحالات

بتتفضل علي انت صديقي او اي حدا تاني بحكم محكمة واحد موقع من قاضي سوري بيعطي فيه حكم مخفف لاخ لان قتل اختو المغتصبة ؟
بصراحة هالقصص يلي عم قلك ياها ما عم جيبها من عندي .. هي فيك تقراها بالجرايد وفيك تقراها بالمواقع السورية منها مواقع الاخبار او موقع مرصد نساء سوريا ... في كتير قصص من هالنوع .. وما عم حدد هالشي بقتل اخ لأختو المغتصبة ...
:D

خيو لنفترض كمشت مرتك مع حدا ، ما عمقلك مافي عقوبات كـ زوج وزوجتو، وما حابب اطرح المثال كاخت او ام ... مشان المشاعر كـ حد أدنى ...

بس هاد ما بيعني انو القتل هوي الحل المثالي ، او الحل الوحيد، او الحل الأقل عقلانية بينهن ...
ما بعرف شو ممكن يكون في حل ، وما عماقدر افترض اني كمشت مرتي مثلاً عمتخوني مع حدا بفرشتي انو شو ممكن اعمل
بس بعرف تماماً انو مو الحل هوي بالقتل او بالضرب..

انا ملاك بريء يا زلمي :angel:

ياخي انت ملاك وحبيب قلبي ...بس ان مابتجرح؟
هينة يعني ؟
ثم ان مستعد تدفعلها موخرها ونفقة شهرية؟

بصراحة هالقصص يلي عم قلك ياها ما عم جيبها من عندي .. هي فيك تقراها بالجرايد وفيك تقراها بالمواقع السورية منها مواقع الاخبار او موقع مرصد نساء سوريا ... في كتير قصص من هالنوع .. وما عم حدد هالشي بقتل اخ لأختو المغتصبة ...
:D
رفيقي انا مابهمني شو بتقرا
بكرا بنزلك موضوع عن ارنب ياكل بقرا بالصومال بس شو مصداقية هالشي
اذا ماكان حكينا مربوط بقرارات رسمية بيصير متل قلتو
ثم انت كتب شي يفترض تكون مسول عنو
ان مافينا نصف حكي ونمشي
بذكر بال2003 عملنا حملة من اجل مساوات المرا بالرجل ضمن هالقانون لان بذكر ان فرع منو كان بيطلب وجود شاهد مع المراة ان زوجها عم يخونها مع فكرة الغاء عبارة ؛بوضعيات مشبوهه؛ لان شي مو محدد
وطالما مافي شي قانوني يعاقب هالخائن او الخاينة بعتقد هالقانون غير منصف

شباب الاسبوع الماضي صارت عنا هالقص بالحارة
مرا تاركها زوجها و عم ينام بالمحل يلي بيشتغل فيه جنب البيت قام بالليل ابنها و شاف زلمة مع امو قام الولد \ عمر الولد تقريبا 14 سنة او اقل بشوي \ و خبر ابوه
الزلمة بعد ما شاف هالمنظر اتصل بالشرطة و اجت دورية اخدت زوجتو عالمخفر و هيي حالية بالسجن المركزي بحمص



لا صارت جريمة ولا هم يحزنون
يا ريت الكل عندو هالقدرة عالتصرف السليم

رفيقي انا مابهمني شو بتقرا
بكرا بنزلك موضوع عن ارنب ياكل بقرا بالصومال بس شو مصداقية هالشي
اذا ماكان حكينا مربوط بقرارات رسمية بيصير متل قلتو
ثم انت كتب شي يفترض تكون مسول عنو
ان مافينا نصف حكي ونمشي
بذكر بال2003 عملنا حملة من اجل مساوات المرا بالرجل ضمن هالقانون لان بذكر ان فرع منو كان بيطلب وجود شاهد مع المراة ان زوجها عم يخونها مع فكرة الغاء عبارة ؛بوضعيات مشبوهه؛ لان شي مو محدد
وطالما مافي شي قانوني يعاقب هالخائن او الخاينة بعتقد هالقانون غير منصف
له له .. صف حكي؟؟؟
مرصد نساء سوريا من أهم المواقع اللي بتهتم بقضايا المراة.. وبالقضايا القانونية المتعلقة بالمرأة على وجه الخصوص.. والو مصداقيتو واحترامو.. وولا مرة سمعت حدا كذب اي خبر نزل بالموقع..
بالموقع هاد في عدة أخبار عن صبايا انقتلو لأنو اتزوجو اشخاص من غير طايفتون وطلعو القتلة بعد 6 شهور..
اذا كنت مهتم شوف الموقع.. واذا لأ لا تكذب الناس بدون وجه حق..


من جهة تانية..
الناشطين الحقوقيين بسوريا ما عم يطالبو بإلغاء المادة 548 والمادة 192 "الدافع الشريف" لحتى ينحكم على قاتل زوجته بالاعدام أبدا..
بيحق للرجل أو المرأة لما بيرتكب جريمة بالظروف المذكورة بالمادة 548 انو يستفيد من العذر المخفف الموجود أصلا بالقانون السوري واللي بيستفيد منو بموجب المادة 242 : يستفيد من العذرالمخفف فاعل الجريمة الذي أقدم عليها بثورة غضب شديد ناتج عن عمل غير محق وعلى جانب من الخطورة اتاه المجني عليه .."
ومافي داعي لوجود مادة خاصة بجرائم الشرف لأنو متل ما حكيت برد سابق المادة 242 بتشمل حالات جرائم الشرف وتخصيص مادة خاصة لقتل النساء دون قتل الرجال ما الو داعي غير دواعي التخلف والاعراف البالية البعيدة حتى عن الدين الاسلامي..
واللي بيطالبو بالسماح للمرأة كمان بالاستفادة من المادة 548 "سابقا" بيعانو من قصر نظر.. لأنون عم يطالبو بإعطاء حق القتل للمرأة ايضا بدل ما يطالبو بسحب هاد الحق من الرجل
عذرا على الاطالة.. :D

فؤاد انت عمك حق بنقطة
اسقاط كل حقوق الزوجة الخائنة او الزوج الخائن
أما انو يقتلها
او تقتلوا ؟؟؟؟؟؟؟؟
اكيد ضد

محمد ما حسيت في اختلاف بالرأي بيني وبينك .. على كل حال انا ما عطيت رأي انا عطيت معلومة..
الفرق بين القصد والعمد هو الفترة الزمنية اللي بتفصل بين النية والفعل بالعمد بتكون اطول بشكل ملحوظ منها بالقصد وبيكون الشخص بعيد عن الاستفزاز او الغضب المباشر..
وعلى كل حال بكتير مراجع قانونية بينذكر العمد على انه "القصد المبيت"
:D
ولايهمك :D، بس صار لبث بالموضوع لاني بتعريفك لقيت التركيز على لحظة طائشة وغضب وعدم تخطيط وحسيت في عدم تركيز على نقطة الفصل بين النية بارتكاب الجريمة وبين فعل ارتكاب الجريمة بالقتل القصد .

من فترة مع صديق محامي صار نقاش حول انواع القتل وكان محور النقاش هو انواع القتل بالفقة الاسلامي مابعرف يمكن يفيد حوارنا هون ،
وصلنا الى نتيجة مفادها ان القتل القصد هو جزء من العمد فيعني طالما صار قتل عمد يبقى في قصد واغلب الفقهاء بالفقه الاسلامي قالو ان مافي شيئ اسمه قتل قصد فقط . (اما قتل خطأ او عمد ) وبعضهم قال في نوع تالت هو قتل شبه عمد .
يعني بالفقه الاسلامي مافي فصل بين العمد والقصد .
يعني اللي قاتل قصد هو قاتل عمد (طالما الانسان قصد يقتل فهو عمد )
بالنسبة الي استشفيت ان القصد مقصود به النية ،
بناءا عليه بحالتنا اذا فاجئ الزوج زوجه بوضع زنا وراح عالمطبخ فورا وجاب سكين ودبح زوجه (على الشرع الاسلامي هاد قتل عمدا ) واعتقد ان هذا الصواب من وجهة نظري ، فلايعقل ان يستخدم الانسان سلاح مميت (معروف عنه انه قاتل ) ويكون هذا قتل غير عمد !!! شيئ عجيب ، كيف غير عمد ؟ الا يدرك المرء ان السكين سلاح قاتل بطبيعته ؟
هذا هو الفقه الاسلامي ويفضل الغاء المادة لمخالفتها للشريعة الاسلامية ، القتل بهذه الحالة قتل عمد وغير معقول اعتباره قتل غير عمد .

* توضيح : يجب الفصل بين فعل الزنا وبين ارتكاب الزوج لجرم القتل لزوجه
ويجب ان يدوك الزوج ان يوما واحدا بالسجن لا تستحقة زوجته الخائنة .
مبدئيا وعن نفسي لا ادافع ابدا عن الخيانة الزوجية ومع معاقبة الزوجة باطار القانون التشريعي، ولكن الحكم لدولة المؤسسات وليس بقانون فردي وليطبق القانون رجال القانون .

خطوة صغيرة استنيناها من زمان
اكيد مانها كافية .. بس منتأمل خير من فكرة التحرك بحد ذاتها

ولايهمك :D، بس صار لبث بالموضوع لاني بتعريفك لقيت التركيز على لحظة طائشة وغضب وعدم تخطيط وحسيت في عدم تركيز على نقطة الفصل بين النية بارتكاب الجريمة وبين فعل ارتكاب الجريمة بالقتل القصد .
صح.. انا معك:D

من فترة مع صديق محامي صار نقاش حول انواع القتل وكان محور النقاش هو انواع القتل بالفقة الاسلامي مابعرف يمكن يفيد حوارنا هون ،
وصلنا الى نتيجة مفادها ان القتل القصد هو جزء من العمد فيعني طالما صار قتل عمد يبقى في قصد واغلب الفقهاء بالفقه الاسلامي قالو ان مافي شيئ اسمه قتل قصد فقط . (اما قتل خطأ او عمد ) وبعضهم قال في نوع تالت هو قتل شبه عمد .
يعني بالفقه الاسلامي مافي فصل بين العمد والقصد .
هاد الكلام دقيق مية بالمية وصحيح بالنسبة للشريعة الاسلامية مو للقانون السوري
بناءا عليه بحالتنا اذا فاجئ الزوج زوجه بوضع زنا وراح عالمطبخ فورا وجاب سكين ودبح زوجه (على الشرع الاسلامي هاد قتل عمدا ) واعتقد ان هذا الصواب من وجهة نظري ، فلايعقل ان يستخدم الانسان سلاح مميت (معروف عنه انه قاتل ) ويكون هذا قتل غير عمد !!! شيئ عجيب ، كيف غير عمد ؟ الا يدرك المرء ان السكين سلاح قاتل بطبيعته ؟
هذا هو الفقه الاسلامي ويفضل الغاء المادة لمخالفتها للشريعة الاسلامية ، القتل بهذه الحالة قتل عمد وغير معقول اعتباره قتل غير عمد .
.
محمد القتل القصد ممكن يتم بثورة غضب شديدة كتير وممكن يتم دفاع عن النفس.. يعني هوي رد فعل سريع لخروج الانسان عن طوره..
اما العمد في فترة طويلة شوي بين الفعل ورد الفعل بتخلي المشرع ينظر للقاتل العامد على انو شخص اخطر من القاتل القاصد بسبب فترة التخطيط اللي بتأكد نيته الجرمية..
وبكل الاحوال القتل القصد ممكن تصل عقوبته ل15 سنه بينما العمد ممكن تصل للمؤبد او الاعدام حسب الحال..
مشان الغاء المادة لمخالفتها للشريعة الاسلامية انا مو معك لانو قانون العقوبات السوري هوي قانون بالاصل مخالف للشريعة هوي قانون وضعي من وضع البشر وغالبا من القانون الفرنسي.. واذا بدنا نتبع الشريعة قانون العقوبات فماعد نلحق رجم وقطع ايدين و قطع روس للمرتدين ووو
وووو:D

محمد القتل القصد ممكن يتم بثورة غضب شديدة كتير وممكن يتم دفاع عن النفس.. يعني هوي رد فعل سريع لخروج الانسان عن طوره..
اما العمد في فترة طويلة شوي بين الفعل ورد الفعل بتخلي المشرع ينظر للقاتل العامد على انو شخص اخطر من القاتل القاصد بسبب فترة التخطيط اللي بتأكد نيته الجرمية..
وبكل الاحوال القتل القصد ممكن تصل عقوبته ل15 سنه بينما العمد ممكن تصل للمؤبد او الاعدام حسب الحال..
مشان الغاء المادة لمخالفتها للشريعة الاسلامية انا مو معك لانو قانون العقوبات السوري هوي قانون بالاصل مخالف للشريعة هوي قانون وضعي من وضع البشر وغالبا من القانون الفرنسي.. واذا بدنا نتبع الشريعة قانون العقوبات فماعد نلحق رجم وقطع ايدين و قطع روس للمرتدين ووو
وووو:D


بعتقد مافي مجال لاقناع الشباب الطيبة بالغاء قانون الشرف الا بفكرة انو مخالف للشريعة الاسلامية
اعتمادا على الدستور السوري .
وعلى فكرة قصة الرجم هاي شبه مستحيلة بالشرع الاسلامي ،
تقريبا رح تكون تستر عالزوجة
اذا زوج دخل بيتو ولقى زوجتو بوضع زنا وقدم شكوى ضدها (اذا ما جاب 3 شهود معو هواللي بينجلد )لانه قذف محصنة :o
ومافي حدا بيمشي وساحب معو 3 شهود ،
شبه مستحيل اثبات الزنا وفقا للشرع الاسلامي (لازم من قام بفعل الزنا يعترف على حالو من تلقاء نفسو )

أنا شخصيا ً أسعدتني الخطوة وجدا ً يمكن لأني بحس أني التغيير يا بدو ثورة يا بيجي ع التدريج وبما أنو ما حدا " عم شوفو قايم بالثورة ، وأنا من الناس اللي هيك يعني ما ثورجيين " ،
فمعناتا ما ضل عندي غير خيار التدريج يا جماعة وقت بدنا نحكي عن التغيير بسوريا ، بدنا نفكر بأكتر من أنا وانتو وهو وهي والناس اللي نحنا مصنفينن على أنن بدن هادا التغيير في كتير ناس اخي ضد الغاء قانون الشرف ، وضدو تماما ً ..
وكتير ناس بيمس رجولتها و عقيدتها و .. و .. و..
أنك تغير القانون فجأة
لازم يتغير القانون " إي لازم يتغير ويعطي للناس مساحة تقبل هادا التغيير ، نحنا هيك شايفين " وبداية التغيير برأي دلالة ع أنو في حركة وهادا بيفائلني جدا ً ..

شغلة تانية
اللي فرحني جدا ً .. أنو هالشي نتيجة نشاط سلمي وفكري ، يعني في ناس سوريين ألها كذا سنة ماسكة هالقضية وعم تحكي وتحكي وتحكي وتفكر وتنشر فكر .. لوصلت لهون فخورة فيهن كتير وسعيدة باول ثمرة

:D