تبجح

التبجح هو إما إدعاء ما لاتملك لأثبات تميزك ، أو المباهاة بما تملك رغبة بترك أثر أعمق في محدثيك . ويمارس معظمنا على ما اعتقد التبجح ، وأمارسه أنا وأمتلك الجرأة والصدق لكافي للتصريح بذلك ( في الجملة السابقة أنا أتبجح حول جرأتي مثلا ً)
نمارس التبجح إما لأننا نعتقد أننا ببساطتنا لا نكفي ، أو لأن الوسط المحيط يعاملنا بما نعتقد أنه أقل مما نستحق ، او ربما هي تعبير بسيط ومباشر عن حاجتنا كبشر إلى أن نكون محورا ًَ في شيء ما ، مؤشر رغبتنا العميقة بالاهتمام ..
وأعتقد اننا نمارسه أكثر بالعدوى ، فنحن ميالين لأن نمارسه بالتقليد فنتبجح بالمادة في وسط مادي . وبالعلم في أوساط المثقفين و هكذا
من التبجحات التي أمارسها عادة ً وبسعادة ، إعلان دراستي للأشخاص الذين يقتصر انطباعهم عني أنني فتاة مرحة وتجيد الرقص ..
" دكتورة مرسيل ، لو سمحت " وإذا أردت المبالغة أفخم دراستي لفرع ثاني ، وأستمتع تماما ً بانطباع الدهشة على الوجوه .
قد أتبجح مثلا ً بكلماتي ، بلغتي ، " ما بيمنع كام كلمة إنكليزي تمرق ، لزوم الحكي " ، قد أمارس أنواعا ً أخرى من التبجح لست أدريها في ذاتي بعد ! وقد يمارس غيري التبجح بمفتاح سيارته ، بعائلته .. بكلماته الصعبة
فإذا رأيتني أمشي مزهوة كطاووس ما ، مستمتعة ً تماما ً بألوان ريشي !
تستطيع ان تقول أني متغطرسة ، وتستطيع أن تشخص حاجتي لإثبات وجودي وقلقي البالغ على تميزي في عيني الآخرين ..
لكنك تستطيع كذلك أن تقف لبرهة لتفكر أنني ربما تصرفت كذلك لأنني أعتقدت أنني لا أكفي .. لتقبلني دون تبجحي أوأنك لن تكتشف دون مساعدتي مكامن الجمال في ّ .

أما أنت وبصدق بم عادة ً تتبجح ؟

ظريف هالموضوع :D

بالنسبة لشو الشغلة اللي "بتبجح" فيها
فأنا عادة بتبجح بأني بنتمي لاكتر من بلد.. و بحكي 3 لغات كتير منيح..:gem:
و بنتمي لعائلة"اوبن مايند" هالشي ما عاد يشتغل من لما جينا ع كندا :lol:
بحب اقرأ اكتر بكتير من رفقاتي التانيين.. فبصير اتفزلك عليهم احيانا :p

:mimo:

اي والله حلو

انا بحب اتبجح كتير خصوصي انو انا من النوع اللي شايف حالي ومو مصدق ...

بتبجح اني بفهم بكل شي و زكي و بفهما ع الطاير و فهلوي ....انو يعني بصراحة هيك وانا صريح كتير و بتبجح بهالشي كمان


ثانكيو :shisha:

موضوع كتير حلو مرسيل..
اما انا فبتبجح بمعرفتي بالكمبيوتر مع الناس الغشيمة فيه...بس مع الفهمانين ما بقدر احكي ..:oops:
وبتبجح بالتصرفات اللي ممكن نسميها "النهفات" او الكلام اللي تلات ترباعو ضحك ...
واحيانا بتبجح بالغرور متل ما بيقولو الناس عني خصوصا الجنس الاخر .. انو بحسو هيك شي حلو احيانا مع انو انا مش مغرور بس لما حدا يصفني بهالشي بحس انو حلو .. :larg:

اي طبعا بتبجح..
بتبجح بحالي..بتبجح بعيلتي وبضيعتي وبتبجح كتير بالوادي وبتحرر الوادي وبحلا الوادي:sosweet:..
بتبجح بحمص :gem:.. اي..

كمان كتير بتبجح باصدقائي.. بشوف حالي فيهن كتير..

بتبجح بلغاتي الاربعة:gem:.. بتبجح احيانا باني زاير كتير دول..

يعني حسب ادام مين ماتبجح:deal:..
:p
:D

انو ما بعرف ... بشكل عام انا ما بتبجح .. او بالاصح يمكن بتبجح بس ما بحس ع حالي :?

أنا بتبجّح بكتيييييييييير شغلات , ما ضروري نكتبها هون . . ! ! :larg:

التبجح أهم سبب من أسباب الغرور....
والغرور أهم سبب من أسباب الفشل....


بكرهو جداً.............

انا بصراحة ما بتوقع اني بتبجح عن قصد ... وازا تبجحت عن قصد بكون عن مزح :pos:
ومن الشغلات يلي بتبجح فيها من غير قصد ... :oops:
ثقافتي ...:pos:
معرفتي بناس كتير ....:deal:
بتبجح بمدينتي (دمشق) ...:sosweet:
بتبجح بالموسيقى يلي عندي :gem:
بتبجح بـ كفونتي :adal:
طبعاً هدول عن غير قصد ...:oops:

اما الشغلات يلي عن قصد بس عن مزح .... :larg:
بتبجح بـ جمالي ..:sosweet:
بتبجح بـ وطنيتي الزايدة ..:p
بتبجح بـ فزلكتي وفلسفتي وثقافتي اللامحدودة وانو انا بفهم وانا بعمل وانا وانا :lol:

ميرسي ميمو ... والي رجعة .. :D

والله أنا ما بتبجح عحدا بس في شي بوجهي بيصور للناس اني متبجحه عليهن ......;):x

يمكن فيي هالصفة
بس متل مريوم ما بعرف انها فيي :lol:
هالصفة ما بحبها ابدا
وسبب اساسي لاني اتشجع ابدا لفكرة التعرف على الشخص خاصة لما بيكون عم يحكي وهوي بالحقيقة ما بيمثل يلي عم يحكي عنو بس حابب يعمل استعراض او انو شايف حالو لانو بيعرف فلان يلي بيعرفها ( ع قولة المثل القرعة بتشوف حالها بشعر بنت خالتها:o)

يمكن بس احيانا بتقصد التعامل بسوء نية قدام حدا حابب يظهر بشي مانو فيه .. يعني ما بنادي لحدا دكتور او مهندس هيك جكر وكل ما كان الموضوع اهم بالنسبة للطرف التاني كل ما اتقصد تجاهلها:sly:
(مرسيل اذا طلبت مني قلك دكتورة ما عاد رح تسمعيها ..اي دكتورة؟؟؟ :o)

التبجح أحد وجوه التقصير والفشل الاجتماعي والنفسي أنا برأيي

أنـّو يعني .. في ناس بتطرك انـّك تتبجح .. هيك انت بتفوت لعندهم ببلشو يسألوك عن علاماتك و عن تيابك و ماركاتهم و سيارتك و موبايلك و كندرتك و نضاراتك و هييييك .. فلذلك ما بيعود بايدك ما تتبجح و تتبجح كمان .. و بتبلش انت تتبجح عليهم و هنن يتبجحو عليك و هيك بتصير أكتر جلسه مصطنعه عرفها التاريخ :p ..


انو ما بعرف ... بشكل عام انا ما بتبجح .. او بالاصح يمكن بتبجح بس ما بحس ع حالي :?
حاجتك بقى ما ليكك عم تتبجحي علينا انك ما بتتبجحي :sly: !

يعني انا بالعادة مابحب التبجح المباشر يعني انا مابحب اقول انا وانا بس بعمل شغلات تبين نقط قوتي وتخلي الناس هي اللي تمدحني وهيك ساعتها بنبسط من جوا وانا عمقلون لا مو لهدرجة:larg:

بس هون بالغربة الشي الوحيد اللي بحب أتبجح فيه هو اني سورية :larg:لأني أنا كتير بشوف حالي بسوريا رغم كل المساوئ اللي فيها بس بضل بلد الكرامة اللي ماوطت لحدا:clap:سمعونا كف شباب

بسوريا رغم كل المساوئ اللي فيها بس بضل بلد الكرامة اللي ماوطت لحدا


اي ازا مشان هي اللي بالازرق .. بدا :o

مممممممم انا من النوع اللي ما بتبجح " يحرق اختا هالكلمة ما اصعبا "
بالعكس .. وعلى حسب قولة الكل .. اني بظلم حالي كتير احيانا ..

هلأ هادا الرد يعتبر " تبجح شي ؟

اي ازا مشان هي اللي بالازرق .. بدا :o

مممممممم انا من النوع اللي ما بتبجح " يحرق اختا هالكلمة ما اصعبا "
بالعكس .. وعلى حسب قولة الكل .. اني بظلم حالي كتير احيانا ..

هلأ هادا الرد يعتبر " تبجح شي ؟
لااااااااااا أبدا هاد قمة التواضع:lol: