الطفولة هي تلك المرحلة التي تتكون فيها شخصية الإنسان ويبدأ بإكتساب ثقافة الحياة وتعلم أساليب التعاطي مع الأخر ومع المجتمع... ينهل فيها الطفل من كل نبع متاح له من أم وأب وأخوة وعائلة ومقربين... وهي المرحلة التي يحتاج بها الإنسان إلى كل إهتمام ورعاية من الأهل حتى ينهل طيب الأخلاق ويتعلم الطرق الصحيحة للحياة...


...............................////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

كم مرةً نقر طفل على زجاج سيارتك يمسح "أو يوسخ غالباً" زجاج سيارتك إبتغاءً لحسنة أو عطاءً مهما كان... كم مرةً وجدتهم على أبواب المطاعم يحاولون بيعك أشياءً صغيرةً لاحاجة لك بها... كم مرةً توسلك أحدهم ليمسح حذائك أو يبيعك وردةً حتى يزوجك الله من الفتاة التي تكون بصحبتك والتي غالباً تكون أختك أو صديقتك التي لاترغب بالزواج منها !!!

...................................////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////





ظاهرة أطفال الشوارع التي إزدادت بشكل مخيف في شوارعنا وتحولت إلى ظاهرة منتشرة بشكل غريب فلا تخلو منهم إشارة ضوئية أو زحمة سير أو مدخل مؤسسة خاصة أو حكومية...

يرى فيهم البعض عصابات منظمة تمتهن التسول وتجمع غلاله عند شخص يترأسهم ويوزعهم ويدير أعمالهم... ويرى البعض الأخر فيهم أطفالاً حرمتهم الحياة من متطلاباتهم فلجؤوا إلى الشوراع ليسكنوها ويأتوا بقوتهم من المارين بها وينامون على أطراف الطرق بلا حول ولاقوة...



................................////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


لكن مهما إختلفت النظرة لهم فهم يبقون مشاريع لمجرمين وخارجين عن القانون... فماذا تأمل من طفل يمتهن التسول بطرقه المتعددة ويشرد بالشوارع على مدار الساعة دون حسيب أو رقيب أو موجه؟؟ من سيعلمه صحيح الفعل من خطأه؟ ومن سيقول له أن لاتسرق في المستقبل عندما يشتد عودك وتصبح قادراً على السرقة المنظمة المحترفة؟؟ من سيقول له أن لاتقتل عندما تصبح قادراً على القتل؟؟ من سيقول لهم أن لايأتوا بأفعال جنسية شاذة مع بعضهم في ليل الشارع المعزول؟؟ من ومن ومن...


من سيقول للقاضي الذي سيحاكم أحدهم في يوم ما كيف تحاكم شخصاً لم يقل له أحد شيئاً عن الحساب في الحياة الدنيا؟؟


من سيقول للقاضي الذي سيحاكم أحدهم يوماً كيف تحاكم الضحية وتترك المجرم؟؟


من سيقول لهذا القاضي إذهب فحاكم من يصنع عشرات الآلاف على شاكلتنا؟؟


................................////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////





من سيقول لي يوماً من المجرم المسؤول عن هذه الظاهرة؟؟



ودمتم

موضوع مهم جداً وإلي رجعة للنقاش


مثبت :D

بالبداية بحب اشكرك من كل قلبي فيفا ع هالموضوع اللي ممكن بصيب اي انسان شريف بمقتل ؟؟
طبعا هي الظاهرة كتير منتشرة وللاسف هي بازدياد دائم . اما اسباب هالظاهرة بنقدر نقول بالدرجة الاولى تحمل الحكومة لمسؤلياتها تجاه المواطن الضعيف والمستضعف ويمكن هون ما بقصد الحكومة بشكل مباشر يعني الحكومة ما رح تجمع هالاولاد من الشارع وتحطون بمدارس داخلية لانو بصراحة اي حكومة يمكن ما تقدر تعمل هالشي ، بس وجهة نظري انو الحكومة من خلال تأمين حياة مقبولة لكل مواطن من خلال عمل مناسب و تامينات اجتماعية وراتب بطالة بحده الادنى للعاطلين وامور اخرى كثيرة نذكرها لاحقا في حال الضرورة .تستطيع الحكومة بهذا الحد والتقليل من هذه الظاهرة .
اما القضاء عليها فيجب ان يكون بتضامن المجتمع مع الدولة من خلال المؤسسات الغير حكومية التي تعتمد على تبرعات المواطنين القادرين ومن خلال الاعلام والتثقيف وبصراحة نحن في سوريا بحاجة كبيرة جدا لان نتثقف
لان الغالبية العظمى من شعبنا والذي يعيش تحت خط الفقر همه الاول لقمة العيش .
نقطة اخرى وبراي الشخصي هامة جدا وهي ان البعض من هؤلاء بالواقع ليسو مشردين وليسوا ايتاما لكن الطامة الكبرى ان اباءهم الذين يدفعون بهم الى تلك المجاهيل وهنا يأتي دور الحكومة بان تسن قوانين صارمة ورادعة تمنع من خلالها استغلال الاطفال بهذه الطريقة المشينة . :cry:
تحياتي

شكرا لك اخ فيفا
بصراحة الموضوع فعلا يقض ضمير الانسانية
الطفل المفروض يكون له تعليم وضمان صحي وحقوق في العيش الكريم
ولكن ماذا نفعل في العالم الثالث
الفقر والجهل والتخلف يدفعون الى هذه الظاهرة ...
تحياتي

:D

أنا ما فيني انسى وقت كنت صغير..
بايام الشتوية وقت البرد والشتي..بنكون بالبيت دفيانين..
بتجي اختي بتقلي:صلّي للولاد يلي ما عندون بيت يتأوو فيه ودعيلون الله يساعدون...


الوعي..الحكومات مافيها تعمل شي لحالها من دون وعي الشعب(زيادة النسل يلي هوي أصل كل المشاكل الماديّة والاجتماعية...)

من سيقول لي يوماً من المجرم المسؤول عن هذه الظاهرة؟؟


لازم كل واحد منّا يعتبر حالو مسوؤل عن هذه الظاهرة..ويساهم بأي شي مهما كان صغير للحد منها

هذا هو كان احد الموضيع التي طرحت في احد اللقاءات في جمعيتنا

ان هؤلاء مسؤلية من ؟؟؟

و لماذا الوضع اصبح متفشي لهذه الدرجة في مجتمعنا

فلا ننسى ان الدافع الأقتصادي هو الدافع الاساسي المحرك لهذه الظاهرة

أو بشكل اخص هو الأنحطاط الأقتصادي لبعض الجماعات المنتشرة و الذين لم يتيحو لانفسهم التعلم و التثقيف

و فكرة وجود مولد سريع للنقود في ظل خروج عن القانون بشكل مشروع أو بالأحرى بشكل جعلوه مشروع
في ظل غياب كرامة الأنسان



الأولاد عندما يكون في ظل هذه الظاهرة فإنه يصنعون بذور المأساة الأجتماعي

و هي في النهاية ظاهرة تحتاج إلى حل و تحتاج إلى رادع فليس على الأولاد ان يحضرو الأموال للأهل و لكن العكس

و المشكلة ان الأولاد يزدادون بشكل كبير في الشوارع
ففي جرمانا مثلا في الشام انا اراهن اي احد اذا مشي في الشاع العام و صادف اقل من 15 شخص من هؤلاء

و بالتالي يجب على الأهل تحمل المسؤلية
:D 

موضوع هام جدا تشكر على طرحه ، من وجهة نظري للموضوع اكثر من وجه واكثر من جهة مسؤولة
ليس من الممكن ان نقوم بلوم المؤسسات الحكومية على هذه الظاهرة وكأنها المسؤولة المباشرة عنها فهذه الظاهرة هي نتاج انعدام التعاون والتنسيق بين المجتمع كشعب والحكومات كجهة ثانية
ليس بامكاننا لوم المسؤولين على ظاهرة السبب الاول في تفشيها هو انعدام ( الشعور بالمسؤولية ) من قبل اولياء هؤلاء الاطفال ، صحيح ان المجتمع يحتوي على اعداد كبيرة من العاطلين عن العمل او حتى من يعيشون تحت مستويات الفقر العالمية او حتى المحلية ولكن هل نسأل حكوماتنا السؤال الذي تناساه معظمنا ؟؟!! بهذا الشكل لا نكون قد انصفنا هذه الفئة المتضررة بالدرجة الأولى بل وكأننا نسلم بمشكلاتهم ونجلس عاجزين عن ايجاد الحلول
سأتناول مسألة الأطفال الذين لديهم عائلات رمتهم الى شوارع المدن وتركت على عاتقهم مسؤوليات تتمثل في جمع لقمة العيش ، حتى الأيتام أين عائلتهم الكبرى أين اجدادهم ، اعمامهم اي طرف من عائلتهم توجد مئات الطرق للحؤول دون نزول هؤلاء الى الشوارع وابتداع اساليب الانحراف والتسول ، ولكن من جهة اخرى اين الجمعيات الخيرية التي يقوم دورها على مساعدة مثل هذه الفئة ( والتي هي بالمناسبة ليس من الضرورة ان تكون رسمية ) ، منذ فترة قريبة شاهدت تقريرا او برنامجا
(لم اعد أذكر ما هو بالضبط ولكن سأحاول ان اقدم لكم اسم المركز وصاحب الفكرة لاحقا) في لبنان عن افتتاح مركز تدريبي مهني لتعليم الأطفال العاملين وانتشالهم من الشوارع وتعليمهم المهن والحرف التي تجعلهم قادرين على عيش حياة كريمة، رجل اعمال كبير ابتدع الفكرة وبمساعدة من جهات خاصة وليست حكومية تم الامر وبدأ المركز عمله .
العديد من الأفكار يمكن ان تقوم بالمساعدة وهذا موضوع شائك ويحتاج للكثير من التحليل والمعالجة
اعتذر عن الإطالة .
و لي عودة

ليس من الممكن ان نقوم بلوم المؤسسات الحكومية على هذه الظاهرة وكأنها المسؤولة المباشرة عنها فهذه الظاهرة هي نتاج انعدام التعاون والتنسيق بين المجتمع كشعب والحكومات كجهة ثانية
ليس بامكاننا لوم المسؤولين على ظاهرة السبب الاول في تفشيها هو انعدام ( الشعور بالمسؤولية ) من قبل اولياء هؤلاء الاطفال ،



أنا بشوف إنو هالحكي مو دقيق لأنو أكيد مسؤولية الدولة عن هالظاهرة هي الأكبر على الاقل بتأمين ملاجئ ومدارس داخلية ببتوفر فيها شروط معينة لهالأطفال وقت بيلموهن من الشوارع مو ياخدوهن على سجن الاحداث مشان يتغلمو الشي يلي ناقصهن من الزعرنة وقلة الأدب :D

أنا بشوف إنو هالحكي مو دقيق لأنو أكيد مسؤولية الدولة عن هالظاهرة هي الأكبر على الاقل بتأمين ملاجئ ومدارس داخلية ببتوفر فيها شروط معينة لهالأطفال وقت بيلموهن من الشوارع مو ياخدوهن على سجن الاحداث مشان يتغلمو الشي يلي ناقصهن من الزعرنة وقلة الأدب :D

انا متفق معك بنقطة تأمين الملاجئ او المدارس الداخلية متل ما اسميتيها بس هي بالنسبة للأطفال اللي من دون عوائل او الأيتام بس مو مهمة الحكومة تلم كل طفل اهله رموه بالشارع او تنصلوا من المسؤولية اللي اتحملوها تجاهه لما قرروا الزواج
من غير الممكن انه نلوم الدولة او الحكومة على الأخطاء اللي نحن منقوم فيها وهي الظاهرة فيها كتير من الناس اللامبالين او الغير مسؤولين تجاه عائلاتهم وهاد الشي اللي بسبب برايي الدرجة الأولى من الانحراف وليس الدولة

ومتل ما ذكرت بالسابق من رايي انه لازم يكون في تعاون بين المجتمع والدولة لحل مثل هي الظواهر ومو بس نقف ونتفرج ونقول ليش

طبعا مع احترامي لآراء الجميع

من دون ادنى شك ..المسؤولية الكاملة لازم تكون على عاتق الدولة ..و الدولة يلي مو قادرة تلتزم بالمسؤولية هي بتكون دولة فاشلة ...و على فكرى ..هي ادنى مسؤولياتها ...انتشال طفل من الشارع و مساعدة اهلو ماديا ..او ايجاد بيئة ملائمة الو ..من خلال مراكز رعاية اطفال ..او عائلات بتتبنى أطفال ...


بس السؤال ...انو لمين نحنا مندفع ضرائب ...عنجد ..حدى يقلي وين ضرائب المواطن السوري بتروح !! ..اذا الدولة مو قادرة تأمن ابسط الأمور ...انا ما عم قول انو الدولة تعطي مواطنيها مساعدات مادية و غيرو متل الدول متل البشر ....بس على الأقل ..تهتم بأمور الأطفال هدون ,,,

او في فكرى ...انو اذا الدولة ما شغلتها تلحق مصالح مواطنيها ...طيب ...خلي رجال الدين يلي بيصرعو سمانا بأخلاقياتون ,,,يتحركو ,,,يعملو شي شغلة ,, ..لك على الأقل ..يستغنو عن جامع و كنيسة بكل مدينة و يعملو فيها بيت للأطفال هدون ....بتشوف الجامع او لكنيسة بيطلع اكبر من حارة !! ...انو لمين الناس عم تصلي وقت بتطلع و بتشوف الأطفال هدون قدامها !!

بس المشكلة ,,,,ما حدا بيهتم

من دون ادنى شك ..المسؤولية الكاملة لازم تكون على عاتق الدولة ..و الدولة يلي مو قادرة تلتزم بالمسؤولية هي بتكون دولة فاشلة ...و على فكرى ..هي ادنى مسؤولياتها ...انتشال طفل من الشارع و مساعدة اهلو ماديا ..او ايجاد بيئة ملائمة الو ..من خلال مراكز رعاية اطفال ..او عائلات بتتبنى أطفال ...


بس السؤال ...انو لمين نحنا مندفع ضرائب ...عنجد ..حدى يقلي وين ضرائب المواطن السوري بتروح !! ..اذا الدولة مو قادرة تأمن ابسط الأمور ...انا ما عم قول انو الدولة تعطي مواطنيها مساعدات مادية و غيرو متل الدول متل البشر ....بس على الأقل ..تهتم بأمور الأطفال هدون ,,,

او في فكرى ...انو اذا الدولة ما شغلتها تلحق مصالح مواطنيها ...طيب ...خلي رجال الدين يلي بيصرعو سمانا بأخلاقياتون ,,,يتحركو ,,,يعملو شي شغلة ,, ..لك على الأقل ..يستغنو عن جامع و كنيسة بكل مدينة و يعملو فيها بيت للأطفال هدون ....بتشوف الجامع او لكنيسة بيطلع اكبر من حارة !! ...انو لمين الناس عم تصلي وقت بتطلع و بتشوف الأطفال هدون قدامها !!



بس المشكلة ,,,,ما حدا بيهتم

تحية اخ الفنت هلاء اذا بدنا نحمل الدولة كامل المسؤلية بنكون بالدرجة الاولى عم نظلم هالاطفال لأنو في ناس كتير رح يستغلو هاشي لمصالح شخصية ان كان اباء او مسؤلين هلاء مسؤلية الدولة بعتقد بتكون برفع سوية الدخل وهالشي طبعا بدو وقت طويل وخاصة عنا بسوريا ، اذن هون بتجي مسؤلية المجتمع المدني من خلال رجال الاعمال والمؤسسات الاجتماعية الغير حكومية وتبرعات المواطنين ، هلاء بلبنان مئلا هالظاهرة موجودة بس بشكل اقل بكتير من عنا واكيد ما فينا نقول انو بلبنان في حكومة مهتمة لهالامر انما مؤسسات المجتمع المدني اللبناني عم تلعب دور هام جدا من هالناحية وحتى بمصر في مستشفى لمرضى السرطان للاطفال مجاني يعتمد بالدرجة الاولى على التبرعات لذلك بدنا نحنا كمان نتحمل مسؤلياتنا امام مجتمعنا يعني ممكن اي شخص مغترب او مقتدر مادا يخصص مبلغ سنوي لهالامور ، وبالنسبة لرجال الدين بحب قلك شغلة انن تقريبا(تقريبا ها) ما مقصرين لانو في شي اسمو دار البر والخدمات الاجتماعية الاسلامية وهي عم تدفع رواتب شهرية للناس المعدمين وبالنسبة للمسيحيين في شي مماثل ( حسب حكي جارنا) وما بعرف شو اسما بس انو الجماعة عم يحاولو يساعدو .
ملخص كلامي الطويل والممل انو المسؤلية مشتركة بين الدولة والمجتمع المدني :D