الموت للديكتاتور "صرخت نداء" وكانت الرصاصة الأولى التي إخترقت قلبها...


الموت للديكتاتور "بصوت أضعف هذه المرة بسبب الرصاصة الأولى" وكانت الرصاصة الثانية التي إخترقت عينها...

حاولت أن لاتسقط أرضاً لكن هيهات فرصاصتين في قلبها وعينها هو حمل ثقيل على جسم برقة الندى... لم تدري نداء أن سقوطها أرضاً هو قيامة شعبها فالأحرار عندما يسقطون برصاص الطغاة تزهر أرواحهم ملايين أزهار الربيع المفعمة بالندى...



////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////





الحكاية من البداية:

هي شابة إيرانية عشرينية تدعى نداء سأمت القمع والديكتاتورية والإرهاب... قالو لها إذهبي مع مواطنيك إلى صناديق الإقتراع لتنتخبوا رئيساً لإيران ففرحت ندى كما كل الشعب ظناً منها أنها ستختار المرشح الأقرب لتحقيق أحلامها وأحلام جيلها...

ذهبت نداء وشعبها وإختاروا مرشحاً يدعى مير حسين موسوي أملاً منهم بأنه أحسن المرشحين الموجودين لكن لا فما نفع أصوات الشعوب في مواجهة قرار الله أو عفواً آية الله الخامنئي وحرسه الثوري وأجهزته الأمنية...

لم ترضى نداء وشعبها بإهمال أصواتهم وهدم أحلامهم وتدمير حياتهم أكثر من هذا... لم ترضى ندى أن تكون جزءً من أكبر كذبة عرفها التاريخ ونعيشها كل يوم... لم ترضى نداء أن يعتقل شعبها بإسم الثورة وأن يظلم أهلها بإسم الممانعة وأن يموت إخوتها من الجوع بإسم الصمود...

قالو لها لاتخرجي مع رفاقك إلى الشوارع فسوف يتصدى الباسيج لكي ولهم... فقالت كيف لحرس الثورة أن يتصدى لصناع الثورة؟؟ كيف لحرس الثورة أن يقمعنا ونحن من أتى بهذه الثورة إلى سدة الحكم؟؟!!!

خرجت وخرج ملايين الإيرانيين إلى الشوارع والساحات يحملون شعاراً أخضراً موحداً يقول "أين صوتي"؟؟ً

ففوجئ المتظاهرون بأعداد كبيرة من الأمن والحرس الثوري يستخدمون الرصاص الحي ويلقون المياه الساخنة على المتظاهرين من الطائرات ويستعملون القنابل في وجه الشباب والنساء العزل...

هذه الأسلحة التي ظن الإيرانيون أنها لن تستعمل إلا ضد إسرائيل أثناء عملية إزالتها عن الخارطة التي سيقوم بها قريباً القائد الملهم وحليف القادة الملهمين أحمدي نجاد ...

رموهم بالقنابل بالرصاص فردوا بالكلمة الحرة "الموت الديكتاتور"...

سقطت نداء تتلوى على الأرض جراء رصاصتين غادرتين مممن ظنت يوماً أن مهمتهم هي حمايتها وحماية أهلها من الأعداء لكن نداء لم تدري أن أعداء هذه الأنظمة الوحيدون هم شعوبها... سقطت ولم تغمض عينيها فهم الخائفون القتلة وهي الشجاعة الباسلة...




.......................////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

.................................................. ..أعتذر عن بشاعة صورة الجريمة




سقطت نداء وأسقطت معها الديكتاتور لكن هي سقطت بشرفها وبكرامتها أما هو فسيسقط من دون شرف أو كرامة...


سقطت نداء وأسقطت معها وسائل إعلام الديكتاتور وحلفاء الديكتاتور التي تحاول تغطية مايجري في إيران... سقطت مضرجة بدماء حمراء لم يستطيعوا إخفائها... سقطت نداء وبعثت روحها في ملايين الزهور والسنابل... سقطت نداء ورفاق لنداء بالعشرات على درب الحرية القادمة رغم أنف المنافقين والمرتزقين...

سقطت نداء ولم تنفع كل إجراءات التعتيم وطرد وسائل الإعلام في إخفاء زلزال سقوطها...

سقطت نداء ولكن هيهات فهل يسقط نداء الحرية... وهل يسقط الياسمين... وهل تسقط الصواري التي ترفع السماء..

سقطت نداء وواجهت الموت بعيون مفتوحة.. لتعلم درساً لمن يواجه الحياة بعيون مقفلة

ودمتم والرحمة للشهيدة البطلة.


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

__________________________________________




أخر لحظات نداء قبل إغتيالها تصرخ الله أكبر والموت للديكتاتور:


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////



إغتيال ندى بين ذراعي والدها:


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

too much drama

ضيعان شبابها

لا حول ولا قوة الا بالله العلي العظيم:cry:

الخلود الها ولكل الشهداء الي سقطو بالايام الماضية بشوارع طهران
والحرية للشعب الايراني ولكل الشعوب من نير الانظمة الرجعية الديكتاتورية

too much drama



Excuse me mate...Ur being so sarcastic by the comment " too much Drama" !! well ..previously U Said that the demonstrators broke into the Security headquarter n vandalized the building which was occupied by metropolitan Police ..now ..I doubt how Such a Girl could do that !! apparently this weak Girl had been punished brutally just cuz of her Opinions ..I really wish that U dont belittle all these Sacrifices in an attempt to show the recent events just as Chaos cuzd by mercenaries backed by the infidel western Countries !! .. Civilain casualties had fallen and most of them werre Women and students ..they werent gangsters or outcasts ..so We should show some respect to the courageous actions taken by those courageous Youngsters ..never before had this social upheaval in Iran been predictable ,especially if we take into account the brroding apprehension in which the Iranian Society had drown since the dust of the Islamic revolution had settled three decades ago ..mate ..These events r so appreciable ..at least to me ..I really dont know from wot perspective Ur looking to the whole events ..but obviously mine is way different in terms of considering the sacrifices which being made by unarmed Civilians ..and the harsh reaction of the Security forces ... which is defienitly unjustified !!..All these lessons should by revised thoroughly by Our people there in Syria to learn how weak people cud rise against the totalitarian regim...

Cheers

فضاعة قمة الفضاعة

في ناس ابرياء رح يوقعوا ضحايا العنف مافي خلاف على هالشي
انا قلت الله يرحم شبابها ماني عم اتمسخر عليها
عم اتمسخر على طريقة الطرح المثيرة للاشمئزاز... هالادبيات المملة يلي ما بتطعمي خبز

هادا اخر رد إلي بموضوع ايران لانو حاجتني هزة بدن.. مليت
يلي حابب يشوف التظاهرات السلمية للحملان و الخرفان بإيران بيقدر يراجع موقع
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
بتشوفوا وقتها تفجير مبنى الباسيج و الاقتحامات و و

ماني عم قول انو الرد مانو عنيف و اكيد رح يكون في مخالفات انسانية من قبل الشرطة.. بس شو متوقعين؟ هي riot مو demonstration

ما بعرف شو الظروف يلي انقتلت فيه هالمسكينة.. بس الكذب ما حلو
lying will actually undermine their honest struggle.. i'm sure there are many who are protesting in good faith and in good spirit

but these will be lost
و بيروحوا بالعجقة
in the midst of the violence by these so-called demonstrators

خلينا نسرد الحقائق متل ما هيي و بلا كلام رومانسي فاضي

في ناس ابرياء رح يوقعوا ضحايا العنف مافي خلاف على هالشي
انا قلت الله يرحم شبابها ماني عم اتمسخر عليها
عم اتمسخر على طريقة الطرح المثيرة للاشمئزاز... هالادبيات المملة يلي ما بتطعمي خبز

هادا اخر رد إلي بموضوع ايران لانو حاجتني هزة بدن.. مليت
يلي حابب يشوف التظاهرات السلمية للحملان و الخرفان بإيران بيقدر يراجع موقع
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
بتشوفوا وقتها تفجير مبنى الباسيج و الاقتحامات و و

ماني عم قول انو الرد مانو عنيف و اكيد رح يكون في مخالفات انسانية من قبل الشرطة.. بس شو متوقعين؟ هي riot مو demonstration

ما بعرف شو الظروف يلي انقتلت فيه هالمسكينة.. بس الكذب ما حلو
lying will actually undermine their honest struggle.. i'm sure there are many who are protesting in good faith and in good spirit

but these will be lost
و بيروحوا بالعجقة
in the midst of the violence by these so-called demonstrators

خلينا نسرد الحقائق متل ما هيي و بلا كلام رومانسي فاضي

خيو مين جاب سيرة الاقتحامات و غيرو, الواضح انو هدول طلاب جامعات عزل, ما معن سلاح و عم ينضرب علين رصاص حي والنتيجة الصورة الفظيعة اللي شفتها فوق

حتى لو عم يصير حرق لمقرات الباسيج وغيرها من المقرات الحكومية, فانا بعتبر الحق اساسا على التعامل الهمجي للسلطات الايرانية مع مظاهرات سلمية

الله يرحمها, وبتمنى دمها ما يروح هدر ويكون اول الطريق لحرية شعبها ويمكن شعوب تانية كمان .

لاحول الله ... الله يرحمها .. وان شاء الله من الشهداء...

في ناس ابرياء رح يوقعوا ضحايا العنف مافي خلاف على هالشي


ضحايا العنف ولا ضحايا الإجرام وميلشيات الحكومات الديكتاتورية؟؟ العنف بيكون بين أطراف متوازنة بالقوة نوعاً ما أو على الأقل الطرفين عندون قوة بس بمعادلة إيران وسوريا وماشابه قي طرف بيملك كل القوة والجبروت وطرف مابيملك غير الكلمة والرغبة بالتغيير...


انا قلت الله يرحم شبابها ماني عم اتمسخر عليها
عم اتمسخر على طريقة الطرح المثيرة للاشمئزاز...


طريقة الطرح المثيرة للإشمئزاز بتبقى أرفع بكتير من الإستهتار بتضحيات الشعوب ورغباتها والإنجرار ورا الحكام الطغاة...

هالادبيات المملة يلي ما بتطعمي خبز

على القليلة بتبقى أدبيات "كلمة مشتقة من أدب وأداب" وبتبقى أحسن بكتير من قلة الأدب والإجرام بحق الشعوب...

هادا اخر رد إلي بموضوع ايران لانو حاجتني هزة بدن.. مليت

ياريت ترتاح وتريحنا وخاجتك تمل وينهز بدنك بصور القتلى بالشوارع وبالنقاش حول المعتقلين بالسجون السورية بموضوع أخر... يعني شو بدك بوجعة هالراس خليك بشي مفيد وبيطعمي خبرز على قولتك..


يلي حابب يشوف التظاهرات السلمية للحملان و الخرفان بإيران بيقدر يراجع موقع
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
بتشوفوا وقتها تفجير مبنى الباسيج و الاقتحامات و و

منيح يلي عم تعترف إنو تدمير مبنى الباسيج والمشكلة عم تحكي عن تدمير مبنى الباسيج وكأنك عم تحكي عن تدمير هالمشاغبين الغوغائيين لمشفى لأمراض السرطان عند الأطفال.. المهم هي رأي بتدمير مباني أجهزة القمع:

ثورة ونضال وشرف تدمير مبنى ميليشا الباسيج وتدمير مبنى أي جهاز قمعي إستخباراتي بأي بلد وتدمير هالمباني يامحترم هو خطوة على درب التغيير الحقيقي يلي بيوم من الأيام حيدمر كل معتقلات الأنظمة الديكتاتورية وأجهزة إستخباراتها يلي استباحت كرامة ودم الشعوب...

ماني عم قول انو الرد مانو عنيف و اكيد رح يكون في مخالفات انسانية من قبل الشرطة.. بس شو متوقعين؟ هي riot مو demonstration..

خلص معناها كل شي بتعملو أجهزة القمع مبرر وإعتقال المناضلين والمفكرين والشباب وحتى قتل المتظاهرين بالشوارع مبرر...

ما بعرف شو الظروف يلي انقتلت فيه هالمسكينة.. بس الكذب ما حلو

رفاع المستوى شوي ولاتقول كذب لأنو كتير سهل أوصف كلامك بصفات أبداً ماتعجبك...


lying will actually undermine their honest struggle.. i'm sure there are many who are protesting in good faith and in good spirit
but these will be lost
و بيروحوا بالعجقة



طبعاً هالنضالات حتضيع طول مافي أشخاص بينكروا على الشعوب حقها بالتغيير وبالنضال وبينصبوا حالون مدافعين عن أعمال هالأنظمة المجرمة مهما بلغت بشاعتها...



خلينا نسرد الحقائق متل ما هيي و بلا كلام رومانسي فاضي


بالفعل كلامي فاضي مقارنة بكلامك المليان كره للشعوب وإنكار لتضحياتها والترويج والتبرير للقتل يلي اعتبرتو حضرتك ردة فعل... أخر زمن

too much drama

بالفعل مافي شي بيستاهل كم قتيل بإيران فدا صرماية أحمدي نجاد وخامنئي وكم ألف معتقل بسوريا فدا صرماية النظام وانتهاك حقوق الإنسان وإمتهان كرامتو وبهدلتو وحتى موتو شي أبداً مابيستاهل ينعمل عليه دراما بهالزمن الوسخ.

الزمن يلي النسوان بتستشهد فيه بالشوارع مشان الحرية والديموقراطية والشر...

خيو انا بقدر اندفاعك الشبابي بس هيك امور ما هيك بتنحل بالفوضى

يعني على عيني رمزيات النضال و انو تدمير مبنى الباسيج هو رمز لانتفاضة الانسان الشرق اوسطي المقهور من تحت الرماد إلخ إلخ.. بس شو بدك الانظمة الديكتاتورية توقف و تتفرج و لا ترش عليهم الورد؟

الموضوع خرج عن اطار احتجاجات سلمية.. و بهيك حالة ايا دولة عندها كامل الحق انها تستخدم العنف لقمع المتظاهرين بالطريقة يلي بتشوفها مناسبة. ان عجبنا هالكلام او ما عجبنا.. بس هي الحقيقة. الموضوع موضوع امن داخلي و الدولة مضطرة تحافظ على حالها خاصة لما تكون شايفة انو الاحتجاجات فيها ادلة تخطيط مسبق و عملية انقلاب او تدخل اميركي .. يعني ما بعرف ليش الموضوع لهل درجة معقد. اذا نص هالاحتجاجات بتصير باميركا اي و الله لتشوف العجب

مافي شي اسمو دول ديكتاتورية و دول مو ديكتاتورية بهيك قصص. لما يتهدد كيان الدولة ما بقى في يا امي رحميني. و كل شخص عم يتواجد بالشوارع وقت الاحتجاجات عم يعرض حالو للخطر. على كل حال انا شخصيا لهلق ما شفت الفديو الكامل لقتل البنت و لا عرفنا مين قتلها و تحت ايا ظروف.. شفتلا فديو قبل و فديو بعد... اذا عندك شي تاني خلينا نشوف

على كل حال اذا حضرتك كتير مهتم الاحسن انك تنزل على الشارع و تبين تعاضدك. اذا كنت بسوريا احسن و احسن لانو صوتك رح يوصل لما يعتقلوك.. احسن ما قاعد هون عم تبيض علينا "انسانية" و تألف اشعار ما؟ يعني خدوم قضيتك بليرة يا زلمة تلحلح شبك

خيو انا بقدر اندفاعك الشبابي بس هيك امور ما هيك بتنحل بالفوضى


طيب اذا اندفاعي شبابي شو بدي سمي موقفك؟؟ يعني فينا نسميه رضوخ أخر العمر ولا الإرتضاء بالأمر الواقع بحكم انك صرت بالخمسنات؟؟


يعني على عيني رمزيات النضال و انو تدمير مبنى الباسيج هو رمز لانتفاضة الانسان الشرق اوسطي المقهور من تحت الرماد إلخ إلخ.. بس شو بدك الانظمة الديكتاتورية توقف و تتفرج و لا ترش عليهم الورد؟

له شو ترش عليون ورد؟؟ تقتلون وتعتقلون وتحرق سماهون هاد الصح..

الموضوع خرج عن اطار احتجاجات سلمية.. و بهيك حالة ايا دولة عندها كامل الحق انها تستخدم العنف لقمع المتظاهرين بالطريقة يلي بتشوفها مناسبة. ان عجبنا هالكلام او ما عجبنا.. بس هي الحقيقة. الموضوع موضوع امن داخلي و الدولة مضطرة تحافظ على حالها خاصة لما تكون شايفة انو الاحتجاجات فيها ادلة تخطيط مسبق و عملية انقلاب او تدخل اميركي .. يعني ما بعرف ليش الموضوع لهل درجة معقد. اذا نص هالاحتجاجات بتصير باميركا اي و الله لتشوف العجب

بعيدة كتير بيناتنا طالما انت معتبر هالأنظمة هي دول وعم تشتغل لمصلحة الحفاظ على كيان دول معناها الحكي معك متل قلتو... هالأنظمة همها الوحيد هو الحفاظ على إستئثارها بالسلطة وقمع الشعوب وبعمرها ماكان بحساباتها الحفاظ على كيان الدولة ومواطنيها...

أما بالنسبة لنظرية المؤامرة والتدخلات الخارجية الجاهز للإلصاق بأي تحرك وطني أو شعبي معارض فما ذكرتني غير بالتهم الجاهزة عند المخابرات السورية من تخابر مع جهات خارجية ووهن نفسية المواطن ومحاربة النظام الإشتراكي.. عادي يعني إنو هيك أنظمة تخون أي تحرك وطني وأي مواطن يقول لاء وأحقر شي إنون قتلوهون وخونوهون يعني حتى ماعطوهون فرصة ليدافعو عن حالون... في أسفل من هيك إقتلك وبعدين إتهمك على كيفي؟؟

وبتعرف شو يلي بيقهر أكتر شي؟؟

إنو هالحكي يطلع من شب كان شاهد على إعتقالات لشباب بأخوية ألصقت فيون نفس هالتهم من عمالة وخيانة وتخابر مع مدري مين وماشابه... فدخيلك لاتروج للأكاذيب المكشوفة لهالأنظمة لأنو مو حلوة بحقك ولابحق يلي عم يناقشوك..

مافي شي اسمو دول ديكتاتورية و دول مو ديكتاتورية بهيك قصص. لما يتهدد كيان الدولة ما بقى في يا امي رحميني. و كل شخص عم يتواجد بالشوارع وقت الاحتجاجات عم يعرض حالو للخطر. على كل حال انا شخصيا لهلق ما شفت الفديو الكامل لقتل البنت و لا عرفنا مين قتلها و تحت ايا ظروف.. شفتلا فديو قبل و فديو بعد... اذا عندك شي تاني خلينا نشوف

ماقلتلك بعيدة بيناتنا إذا معتبر قتل الشعب وحرقو حفاظ على كيان "الدولة" فكيف بدي ناقشك أنا؟؟

صحيح عرفتو لكيان الدولة يلي عم تحكي عنو.. قصدك كيان الفساد والظلم والديكتاتورية وأجهزة الإستخبارات "يلي بقيو بلا مقر ياحرام"... أخي دخيل عيونك حاج تستغبيني يعني بالفعل كتير مزعج وقت تناقش إنسان ويجاوبك شي إنت مقتنع إنو هو مقتنع إنو مانو مقتنع فيه "معليش صعبة الجملة شوي"...



على كل حال اذا حضرتك كتير مهتم الاحسن انك تنزل على الشارع و تبين تعاضدك. اذا كنت بسوريا احسن و احسن لانو صوتك رح يوصل لما يعتقلوك.. احسن ما قاعد هون عم تبيض علينا "انسانية" و تألف اشعار ما؟ يعني خدوم قضيتك بليرة يا زلمة تلحلح شبك


إي حكيا من الصبح يازلمة... قلي انو المطلوب من كل كاتب أو مثقف أو معارض ينزل على الشارع مشان تعتقلو المخابرات ومايضل بالبلد غير قرطة "بالروح بالدم"... بعدين تعا لقلك لاعم بيض عليك ولابيهمني اني بيض عليك لأنو فكري ومبادئي أشرف من إنها تكون بيض على البشر يامحترم ...

أما بالنسبة لقضيتي فبعرف منيخ كيف إخدمها ودافع عتها بدون ما إترك بلدي لكم مرتزق من المهللين المطبلين المزمرين... يلي بتحترق بلادون وبتنسرق وبينسجن شعبون وبيلتعن ربو وهنن عم يبرروا ويغنو وفوق البلا بيعلمونا الوطنية والأخلاق... ولعلمك بيكفيني شرف إنو عندي قضية دافع عنها بيلي بقدر عليه...

كلمة أخيرة إحترم دم هالبشر يلي انهدر كرمال قضية هنن شايفينها محقة... لك مابدك تحترم دمون إحترم مبادئون وفكرون... مابدك تحترم لاتضحياتون ولافكرون ولامبادئون ولاشي... على القليلة سكوت وخلي تضحياتون بقيمتها لأنو كبيرة كتير إنو كل شي عم يصير بهالبلاد وانت بدك تنظر عليون وعلينا.

طيب دادا

بس تعرف تفرق بين رأي شخصي و بين وصف لحالة ارجع احكي... لسا كل ما نحكي كلمة بيطالعونا انو نحنا صرنا احباب النظام الايراني و هلق شوي تاني بتعملني عميل مخابرات سورية... هادا الناقص و الله

اخي انا عم حاول انقلك وجهة نظر النظام الايراني لما ينحط بهيك موقف.. و انت مصر تلزق الموضوع فيني شخصيا

يعطيك العافي عن جد :sick:

طيب دادا



تسالي تسالي يالله

بس تعرف تفرق بين رأي شخصي و بين وصف لحالة ارجع احكي...

وصف الحالة من وجهة نظرك هو رأي شخصي لأنو بتعرف انت ماعم تعطي نتيجة مباراة كرة قدم بحيادية وتجرد وإنما عم توصف هالأوضاع بالموضوع الإيراني والسوري من وجهة نظرك.. فإذاً أنا بعرف فرق ومو ناطر جنابك لتقلي إيمت إرجع إحكي وإيمت ما إحكي...

كل شي شخصنة بحكيك وتهجم على الموضوع المثير للإشمئزاز واتهامات وتكذيب واتهام المتظاهرين بالخيانة والعمالة والغوغائية هاد إسمو وصف حالة؟؟ لكن شو هو الإنحياز بنظرك؟؟


لسا كل ما نحكي كلمة بيطالعونا انو نحنا صرنا احباب النظام الايراني و هلق شوي تاني بتعملني عميل مخابرات سورية... هادا الناقص و الله


يعني بيضل أهون مانخون وعمل ناس استشهدوا وناس بالمعتقلان كرمال قضية...

اخي انا عم حاول انقلك وجهة نظر النظام الايراني لما ينحط بهيك موقف..

هون بدك تعتمد لأنو صار في تناقض لازم تعالجو فوق قلت أنك عم توصف الحالة وهالشي بيعني انك عم توصفها بحياد وهون عم تقول انك عم تعطي وجهة نظر النظام الإيراني.. فإنو إعتمد لنعرف كيف بدنا نناقشك...

ومنيح خبرتني انك مكلف بنقل وجهة نظر النظام الإيراني ومبرراتو... وإنك الناطق بإسم الخميني.. بتعرف يعني نحنا متعودين وقت واحد يحكي يكون عم يعبر عن رأيو إلا إذا كان ناطق رسمي فلا تأخزنا دخيلك...


و انت مصر تلزق الموضوع فيني شخصيا

إيوا يعني انت مو موافق على كل الحكي يلي حكيتو فوق؟؟ وانو هالحكي انت بتعرفو انو غلط بس عم تنقللنا ياه من باب العلم بالرأي الأخر؟؟ يعني كل شي تكضيب واتهامات بالتهويل ودراما ومدري شو هاد ما كان رأيك؟؟ إي إذا هيك شي تاني حقك عليي أنا فهمت غلط..

كل شي شخصنة بحكيك وتهجم على الموضوع المثير للإشمئزاز واتهامات وتكذيب واتهام المتظاهرين بالخيانة والعمالة والغوغائية هاد إسمو وصف حالة؟؟ لكن شو هو الإنحياز بنظرك؟؟



يعني بيضل أهون مانخون وعمل ناس استشهدوا وناس بالمعتقلان كرمال قضية...



هون بدك تعتمد لأنو صار في تناقض لازم تعالجو فوق قلت أنك عم توصف الحالة وهالشي بيعني انك عم توصفها بحياد وهون عم تقول انك عم تعطي وجهة نظر النظام الإيراني.. فإنو إعتمد لنعرف كيف بدنا نناقشك...

ومنيح خبرتني انك مكلف بنقل وجهة نظر النظام الإيراني ومبرراتو... وإنك الناطق بإسم الخميني.. بتعرف يعني نحنا متعودين وقت واحد يحكي يكون عم يعبر عن رأيو إلا إذا كان ناطق رسمي فلا تأخزنا دخيلك...




إيوا يعني انت مو موافق على كل الحكي يلي حكيتو فوق؟؟ وانو هالحكي انت بتعرفو انو غلط بس عم تنقللنا ياه من باب العلم بالرأي الأخر؟؟ يعني كل شي تكضيب واتهامات بالتهويل ودراما ومدري شو هاد ما كان رأيك؟؟ إي إذا هيك شي تاني حقك عليي أنا فهمت غلط..


ليك انا عم احكي معك برواق.. بس ما تبلش تحط كلام على لساني انا ماني حاكيه احسن ما نبلش نزعل من بعض
خليك مروق و ما تنحمق لانك ما رح تستفيد شي و رح تضل تكرر نفس الديباجة

أولا
أنا ما وصفت المتظاهرين بالعمالة. انا قلت انو في تحريض اميركي و في فئات معينة رح تكون موجودة ضمن المتظاهرين هدول إلهم اهداف مختلفة عن بقية المتظاهرين و هدول بيقوموا بتصعيد شكل المظاهرة من مظاهرة سلمية, لشبه ثورة عسكرية. هلق اذا موسوي حابب يعمل انقلاب شعبي, خليه يعلن هالشي بركي بينضب خلال نص ساعة هوي و هالجماهير الحاشدة على اساس. بس حتى الايرانيين يلي بعرفهم مع موسوي ما بدهم هالشي و ما حدا هون بدو انقلاب كامل و ثورة كاملة بل بدهم اصلاح فقط. بس صاروا شايفين الوضع كيف اتجه اتجاه مختلف تمام عن يلي كان ببالهم. صار واضح انو موسوي طلع أزعر و عـرصة كبير و عم يلعب فيهم. ادلة التزوير تافهة و هالحكي صار مذكور من لجنة صيانة الدستور و كمان من اكتر من وسيلة اعلام غربية في منهم محترم جدا متل ال Washington Post
ثانيا
الادلة يلي بتربط موسوي برفسنجاني كتيرة و رفسنجاني خلقة إلو تاريخ باجراء قنوات اتصال و زيارتو لمصر كتير غريبة قبل اسبوعين. في مواقع كمان نقلت تصرياحة غريبة عن البيت الابيض بخصوص انقلاب بايران
اقرا هي اذا حابب
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
ثالثا و اخيرا بخصوص القتلى
انا طبعا ضد قتل اي انسان. انا حبيت وضحلك انو طريقة عرضك للموضوع الدراماتيكية هي ما رح تفيد حدا و اكيد ما رح تفيد الايرانيين و رح تأدي لمزيد من الضحايا. و في فديوهات بتورجي كمية العنف يلي صارت من قبل الطرفين. هلق الطرف الايراني بعمرو ما قال عن حالو مسالم و حباب.. و كلنا منعرف هالشي. بينما الطرف المتظاهر على اساس مسالم بقى كيف بتفسر العنف؟ يا عمي باميركا و كندا الشرطة بيرتكبوا انتهاكات كتيرة و معظمها بيروح بدون محاسبة بقى شلون اذا دولة عالم تالت قمعية متل ايران.. يا ريت بقى تفهم و تستوعب اني ماني مع ايران و لا بعمري رح كون مع ايران بس في شي اسمو وقائع و في شي اسمو خيال رومانسي يلي انت عايش فيه

شي بيخجل..
صبية بتموت وهيي عم تنادي بالحرية.. ونحنا منقول دراما... دراااااااامااااااااااا...

والصورة كمان بتحمل دراما.. ومشهد الصبية عم تنادي كمان دراما..

اصلا المشهد الايراني هالكام يوم كلو دراما.. فوز احمدي نجاد وخطبة الجمعة تبع خامنئي.. ومنع وكالات الانباء.. والخبيط اللي صاير.. دراااااااماااا

أنا بعمري ما سمعت عن نظام ديكتاتوري سقط او تنازل عن كراسيه بالمظاهرات السلمية...

يعني نظام قائم على المخابرات و الحرس الثوري و حكم الكرسي الواحد كيف بدو يسقط بدون سفك الدماء

للشباب العربي إقرئو التاريخ جيدا ً كي نتعلم كيف نستخلص حريتنا من أفواه السباع

الفتاة التي استشهدت حملت دمها على راحة يدها و نزلت للشارع .... هي لا تستجدي من أحد الرحمة ...قبل ما تتعاطفوا معها إنسانيا ً تساءلوا عن القوة التي تملكها هذه الفتاة و بماذا تؤمن..

والشباب يلي عما يدافع عن صدق النظام الإسلامي بإيران هو حر ...بس معو معو بيفهم الحقائق اكتر

أخي فيفاسيريا معؤول نترك المئات من إخوتنا وأخواتنا عرب غزة الأبرياء,
ضحايا الإجرام اليهودي الإسرائيلي,
وبدنا نترحم على بنت ماتت بمظاهرة بطهران؟!
وبعدين ما في ديكتاتور بالعالم غير الرئيس الإيراني؟!
بيكفي إنو وائف وصامد ضد أميركا,
بينما أكتر الحكام عم يركعوا لسيد البيت "الأسود"!
ويللي بيطالع كتب التاريخ بيلائي إنو نظام الشاه ما كان أفضل!
وللعلم أنا مو شيعية!

أخي فيفاسيريا معؤول نترك المئات من إخوتنا وأخواتنا عرب غزة الأبرياء,







غريب إنو من أول يوم إلك بأخوية حكمتي علينا انو تاركين إخواننا بغزة... يعني خدي شوية وقت وشوفي المواضيع وقت عدوان غزة وبتعرفي انو أبداً ما كنا تاركيكون بس هالشي مابيعني انو اذا في إجرام عم يصير بمحل تاني نسكت عليه لأنو لازم بس نحكي عن غزة...
غريب نعطي لحالنا حق انو الشعب الفلاني مسموح ينظلم لأنو رئيسو عاجبنا والله... كتير غريب طيب وشعبو ما إلو حق ولا نحنا يلي منقرر؟؟ معناها إنتي عاطية لحالك الحق كمان إنك تحكي عن الشعب السوري وحاكة عليه إنو لازم يخرس لأنو بيجوز يكون رئيسو عاحبك..

ضحايا الإجرام اليهودي الإسرائيلي,

وضحايا إجرام الأنظمة هدول كلاب يعني ولا مابيستاهلو نكرمون ونحكي عن تضحياتون؟

وبدنا نترحم على بنت ماتت بمظاهرة بطهران؟!

لاء أعوذ بالله شو نترحم عليها بالعكس لازم نلعنها بقبرها لأنها اتظاهرت ضد النبي أحمدي نجاد... بس السؤال يعني مافينا نترحم على الكل ولا منخاف نتعب إذا إترحمنا على كل ضحايا الإرهاب بالعالم؟؟

غريب هالموال هاد تبع كل مانحكي عن ديكتاتور بالعالم بتقولولنا شوفو إسرائيل... يعني شو السر إنو دائماً لازم نقارن الإجرام بإجرام إسرائيل.. هل هالشي بيعني إعتراف بإنو هالأنظمة لايمكن مقارنة إرهابها بأحد إلا بإسرائيل؟؟

وبعدين ما في ديكتاتور بالعالم غير الرئيس الإيراني؟!

لاء في بس شو يعني؟؟ معناها ممنوع نحكي عن أي ديكتاتور بالعالم لأنو كل ديكتاتور بالعالم بتنطبق عليه مقولة "شو مافي غيرو" معناها منسكت ومنسمع أغاني وتحترق الشعوب مافي مشكلة...

بيكفي إنو وائف وصامد ضد أميركا,

إي صحيح بيكفي.. خلص نحنا أسفين خليه يقنل باقي الشعب الإيراني لأنو ماشاء الله هو الوحيد الصامد بوجه أميركا وصار محاربها عشر مرات ومدمر إسرائيل تسع مرات... خلص كل واحد بيكذب بكم كلمة بوجه أميركا صار بيحقلو يدبح شعبو وممنوع نقول إنو دبح شعبو...

بينما أكتر الحكام عم يركعوا لسيد البيت "الأسود"!

هاد ماعم يركع فبيحقلو يعمل يلي بدو ياه بالشعب... لاتأخذينا ذكرنا هالبنت بكلمتين هلئ منسكت ومنصقف لأحمدي نجاد البطل...

ويللي بيطالع كتب التاريخ بيلائي إنو نظام الشاه ما كان أفضل!

إي؟؟ شو يعني؟؟ إذا نظام الشاه ما كان أفضل معناها ممنوع حدا يناقش بنظام خامنئي؟؟ بعدين نظام الشاه عملو عليه ثورة هل فيني افهم من كلامك انو لازم يصير ثورة على نظام خامنئي؟؟

برجع بطلب إحترام الشعوب وتضحياتها وطموحها بتحسين أوضاع بلادها وحاجتنا إستخفاف بتضحيات الناس... حرام

وللعلم أنا مو شيعية!

:?

طلب صغير معليش المرة الجاية تصغيرلنا الخط شوي وتلاقيلك لون أهدى من هيك لأنو صدقيني نظرنا منيح ومنعرف نقرا فيعني حلو هيك يكون الخط متناسب شوي مع الموضوع وطبيعة المشاركين.

شي بيخجل..
صبية بتموت وهيي عم تنادي بالحرية.. ونحنا منقول دراما... دراااااااامااااااااااا...

والصورة كمان بتحمل دراما.. ومشهد الصبية عم تنادي كمان دراما..

اصلا المشهد الايراني هالكام يوم كلو دراما.. فوز احمدي نجاد وخطبة الجمعة تبع خامنئي.. ومنع وكالات الانباء.. والخبيط اللي صاير.. دراااااااماااا





صدقي ياناي أنا طلعت من النقاش لأنو ماعد فهمت إذا بجاوب بينقلي إنو هاد مو رأي إنما هاد رأي النظام الإيراني"يلي أنا من الأساس مابيهمني إسمع رأيو" وإذا مابيعجبني الرأي بيطلع هاد رأي الأشخاص نفسون ولازم إني إتعلم إحترمو... يعني ماعد عرفت شو بدي إحكي.

أخي فيفاسيريا أسلوب التهكم ليس مستحباً في موضوع جدي!
وأنا لا أتقن هذا الأسلوب, فإعذرني لأني لن أرد عليك!
أما الخط واللون فهذا شأن خاص بي,
ولست مجبوراً أن تقرأ ما أكتب.

صدقي ياناي أنا طلعت من النقاش لأنو ماعد فهمت إذا بجاوب بينقلي إنو هاد مو رأي إنما هاد رأي النظام الإيراني"يلي أنا من الأساس مابيهمني إسمع رأيو" وإذا مابيعجبني الرأي بيطلع هاد رأي الأشخاص نفسون ولازم إني إتعلم إحترمو... يعني ماعد عرفت شو بدي إحكي.

مسا الخير صديقي فيفا ...

يا رجل ...اذا بمواضيع متل ايران و لبنان عم يصير فيها حساسيات هون بين بعض ..لكن وقت منحكي بسيرة بتخصنا كسوريين ...شو بدو يصير !!

لأ ..ما بيصير تطلع من النقاش ...المفروض تبقى عم تكتب ..لأنو اذا شفت انو في ناس ما عجبون كلامك .,,لازم تعرف انو في كمان ناس كتير هون بتنبسط و قت بتقرالك ,, ولو ما عبرو عن الشي هاد بشي رد

عجب اللي فتح النار و قتل هالمسكينة فرحان ع حالو؟ عمل شي منيح يعني؟ وطني كبير؟! هيك شي؟


أخ بس...

نحنا ملوك العالم بتسخيف القضايا العادلة و المصيرية و تحقيرها و افراغها من مضمونها عبر استخدامنا لها بغير اماكنها ..و مو بس هيك ,,,الشي يلي بيجلط انو بعمرنا ما عرفنا نستخدم قضايانا بمكانها المزبوط ..

يعني بستخدم قضية مواجهة التسلط الأمريكي ..لأقتل شعبي
و بستخدم قضية فلسطين لصفّّي خصومي السياسيين ...و بستخدم و بستخدم .....كتير قضايا ...بس بعمري ما استخدمت القضايا هي لحارب امريكا ..او اسرائيل ...متل ما لازم المحارب الشجاع يعمل ....انا ظاهرة كلامية انتهازية ...انا يلي صفيت قضايانا كلها و خليتها مسخرة محليا و دوليا .....


انا الشرق الأوسطي الغبي ...

لك فيقو ...روحو شوفو الغربي كيف صارت عندو كلمة شرق اوسطي كمسبة او اهانة ......نسوا الله و تحول رجال الدين لمرتزقة بيشتغلو لمصالح ضيقة جدا ...نسو الحرب و اتحولت جيوشنا اداة لقتل و سجن المواطنين العزل .....لو عندي ذرة ايمان بالتقمص ...لكن قتلت حالي من زمان و خلصت من كوني شرق اوسطي جلطة و جاهل ...

ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااه..
لنا في كل يوم الف نداء يتناثر ويندثر في سماء حريتنا الضائعة...
ومع كل اشراقة شمس يوم جديد.. تغرب الاف البسمات البريئة .. بغير حق...
سوى انهم اختاروا البقاء والصمود بارض تغتصب في اليوم الف مرة...
"الدكتاتور"...
بالله عليك عن ايهم تتحدث...
"الدكتاتور".. القابع على صدر فلسطين الابية... اللذي يكاد يكتم انفاسها..
ام"دكتاتور العراق اللذي استنفذ ثرواتها....
ام..
ام..
ام..
.......
"دكتاتور" ايران.. على الاقل نجح بان يفرض على العالم احترام ارضه...
هذا الدكتاتور.... جعل لارضه حرمة وهيبة لم يهبها غيره من اصحاب السيادة الدكتاتورية

هذا الدكتاتور.... جعل لارضه حرمة وهيبة لم يهبها غيره من اصحاب السيادة الدكتاتورية



لا تملك الأرض حرمة و هيبة إن لم يمتلك شعبها حرمة و هيبة.. و حاكمٌ لا يحترم شعبه لا يستحق أن يحترمه أحد


و شتان ما بين الاحترام... و الخوف

لا تملك الأرض حرمة و هيبة إن لم يمتلك شعبها حرمة و هيبة.. و حاكمٌ لا يحترم شعبه لا يستحق أن يحترمه أحد


و شتان ما بين الاحترام... و الخوف

لك الحق فيما تقول ..
اريد ان اوضح فقط... انا لست من المؤيدات لنجاد ولا لغيره.. والمثال اللذي تتحدث عنه لن يقدمه لا نجاد ولا موسوي
اردت فقط ان ابين ان هناك اولويات ...
هناك قضية كبرى لا يجب ان يصرفنا عنها صارف
وما يقع الان في ايران اقل و اهون بكثير مما يقع في فلسطين من تهويد وتهجير وتقتيل لا لنداء واحد بل هناك خنق وكتم على انفاس شعب كاااااااااااااااااامل...

هناك قضية كبرى لا يجب ان يصرفنا عنها صارف
وما يقع الان في ايران اقل و اهون بكثير مما يقع في فلسطين من تهويد وتهجير وتقتيل لا لنداء واحد بل هناك خنق وكتم على انفاس شعب كاااااااااااااااااامل...


ما عم افهم وين الرابط بين قمع الشعب الايراني و معاناة الفلسطينيين, يعني اذا اسرائيل عم تدبح الفلسطينيين لازم نحني نموت وما نفتح تمنا

ارجعي للتاريخ وشوفي الانظمة الديكتاتورية لوين وصلت شعوبها وشو عملت بالقضية الفلسطينية, و دايما حجة القمع جاهزة لاصوت يعلو على صوت المعركة وبالاخير خسرنا كل المعارك لانو نحني مهزومين من جوا

لك الحق فيما تقول ..
اريد ان اوضح فقط... انا لست من المؤيدات لنجاد ولا لغيره.. والمثال اللذي تتحدث عنه لن يقدمه لا نجاد ولا موسوي
اردت فقط ان ابين ان هناك اولويات ...
هناك قضية كبرى لا يجب ان يصرفنا عنها صارف
وما يقع الان في ايران اقل و اهون بكثير مما يقع في فلسطين من تهويد وتهجير وتقتيل لا لنداء واحد بل هناك خنق وكتم على انفاس شعب كاااااااااااااااااامل...

ايوووووووووووووا هي القضية الكبرى والاولويات الوطنية .. اللي ما عم تنحل وخاربة بيوتنا.. ومو لازم نتنفس الا من خلالها..

القضية الاولى النا هيي الحرية .. الحرية اولا.. لأنها القضية الاشمل
وكل القضايا تأتي بعدها..

هذه من ضمن الجماعات الارهابية و اصحاب الشغب كما وصفهم اعلام النظام الايراني !!!


لو كان هناك فعلا 1% من الحرية و العدالة في ايران مثلما يدعون ... لقاموا بمحاكمة اعضاء الباسيج الذين قتلوها محاكمة علنية و بالشارع

و اعدام علني ...


بس اكيد لا يوجد لا حرية و لا عدالة ..

الى الاخوة اللذين يريدون التركيز على احداث غزة بدل التركيز على قضية ندى اغا حسيني

ليش ما نركز على قضايا اخرى ... يعني العالم مليان امن و حرية و مساواة ... بس بفلسطين لا !

بكل العالم هناك ظلم و لا مساواة و قتل ...


تخيلوا لو كانت قريبة الكم ... ما كان انتم انفسكم كتيتوا عن ظلم القتلة و التستر عليهم ؟؟


ليش الكيل بمكيالين ؟؟



تتذكرون الانتفاضة سنة 2000 ؟؟

و كيف الجنود الصهاينة قتلوا الشهيد الأعزل محمد الدرة امام ابيه ؟؟ بوقتها قام العالم العربي و الاعلام العربي و لم يقعد

و اليوم هذه الشهيدة ( اللي ايضا ما كانت شايلة سلاح ) ايضا قتلت بالشارع و بين اهلها ...

اذا في فرق بين الجريمتين ... دلونا عليه و نكون لكم من الشاكرين



و تحية لفيفا سيريا كاتب الموضوع :D

مسا الخير صديقي فيفا ...

يا رجل ...اذا بمواضيع متل ايران و لبنان عم يصير فيها حساسيات هون بين بعض ..لكن وقت منحكي بسيرة بتخصنا كسوريين ...شو بدو يصير !!

لأ ..ما بيصير تطلع من النقاش ...المفروض تبقى عم تكتب ..لأنو اذا شفت انو في ناس ما عجبون كلامك .,,لازم تعرف انو في كمان ناس كتير هون بتنبسط و قت بتقرالك ,, ولو ما عبرو عن الشي هاد بشي رد

أمرك حبيب منت علينا انت وشب تاني بعتلي رسالة خاصة :D



رداً على كل الردود المعارضة لتعاطفنا مع هالقضية بدي وضح كم نقطة:

لايحق لأي كان في هذا العالم التشكيك بوطنية قرارات شعب مهما كانت هالقرارات... يلي عم يصير اليوم بإيران هو ثورة حقيقية بغض النظر عن موضوع الإنتخابات... عمي الشعب الإيراني مل وقرف مل من الكذب والدجل والخطابات الرنانة... مل من تحجج النظام بدعم فصيل مسلح بالغابون لإستمراره بقمع شعبه مل من فرض الدين بالصرماية ومل ومل ومل... يعني تعب

هلأ هون للتوضيح ومتل مو مكتوب بالنص الأساسي للموضوع مير حسين موسوي هو كان أحسن خيار متاح.. يعني أحسن الأسوء.. لأنو من الأساس ماحدا بيوصل لمرحلة التصويت الشعبي من المرشحين غير ليكون موافق عليه من أية الله الخامنئي والشلة يلي حواليه "بغض النظر عن التسميات...

أما حول موضوع أولوية القضايا والكيل بمكيالين من أوروبا وأميركا فهي الإسطوانة حافظينها ومأمنين فيها ومافي داعي حدا يسمعنا ياها... بس مو معقول كل مانحكي كلمة عن أي حركة تحرر وطنية تطلعولنا بأميركا...

عمي أميركا مو عاجبها النظام الإيراني والشعب مو عاجبو هالنظام بس مافي ربط بين الطرفين... ولافي ربط بين الأسياب.. أميركا إلها حساباتها والشعب إلو حساباتو.. أما كون هالنظام معادي لأميركا "نظرياً" مو سبب كافي للسكوت عن إرهابو بحق شعبو...

قصة الشهيدة نداء هون هي قصة رمزية لكل شهيد ومعتقل ببلاد الإرهاب... لكل وطني قرر يقول كلمتو بحرية... قصة نداء هي قصتنا كلنا مع اختلاف الزمان والمكان...

الله يرحم نداء وكل شهيد سقط بإيران وكل شهيد بيسقط بأي تحرك شعبي بوجه الظلم والديكتاتورية...

وشكراً.

التركيز على قضية ندى اغا حسيني



بس توضيح صغير الشهيدة إسمها نداء أغا سلطان وليس حسيني... لأنو بتعرف بكرا الشباب بيقولولك هي بنت عمو للمعارض طاهر حسيني زلمة الشاه وهو بعتها من لندن لتعمل أعمل الشغب بالإتفاق مع الموساد والسي أي إيه..


و تحية لفيفا سيريا كاتب الموضوع :D


و100 تحية إلك :D

صورتين للشهيدة وزعتهن دكتورتها بالجامعة على وكالات الأنباء


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////



////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

إيه معلم كشكتها شوي مو؟؟؟

يعني أنا مستعد حط رهان معك إنتا ما بتعرف إذا هالبنت آخده مصاري أو إذا حتى بتشتغل ببيت دعارة وقاعد عم تبكي عليها

وعلى فرض إنه هي أشرف بنت بإيران فشو نازلة تساوي بمظاهرات ضد الحكومة مو معروف مين وراها

يعني صراحة هالشباب صايرين بكلمتين بينضحك عليهون

نجاد فائز شاء من شاء وأبى من أبى

إيه معلم كشكتها شوي مو؟؟؟

يعني أنا مستعد حط رهان معك إنتا ما بتعرف إذا هالبنت آخده مصاري أو إذا حتى بتشتغل ببيت دعارة وقاعد عم تبكي عليها

وعلى فرض إنه هي أشرف بنت بإيران فشو نازلة تساوي بمظاهرات ضد الحكومة مو معروف مين وراها

يعني صراحة هالشباب صايرين بكلمتين بينضحك عليهون

نجاد فائز شاء من شاء وأبى من أبى

بيت دعارة ؟ومظاهرات مين وراها؟كل هاد لانك بتفضل فوز احمدي نجاد
البنت متلها متل مئات الالوف من الايرانين الي نزلو بالشوارع ليعبرو عن رايهن بانتخابات نتائجها الهن ماكانت منطقية
والعنف الي استخدم ضد هالمضاهرات ما سبق واستخدمها الشاه (الي يعتبر عميل وسافل)ضد مضاهرات ال 79
وهالشهيدة وانقتلت مو لانها عم تسرق او عم تخرب ...انقتلت لانها عم تعبر عن رايها...عيب ان تحكي عن وحدة كان عندها الشجاعة لتستشهد لاجل فكرة علي انها عاهرة...عيب

إيه معلم كشكتها شوي مو؟؟؟

يعني أنا مستعد حط رهان معك إنتا ما بتعرف إذا هالبنت آخده مصاري أو إذا حتى بتشتغل ببيت دعارة وقاعد عم تبكي عليها

وعلى فرض إنه هي أشرف بنت بإيران فشو نازلة تساوي بمظاهرات ضد الحكومة مو معروف مين وراها

يعني صراحة هالشباب صايرين بكلمتين بينضحك عليهون

نجاد فائز شاء من شاء وأبى من أبى

لك صحيح اللي استحوا ماتوا ...

هي البنت اشرف مما يشيل عقلك و يتخيل لانها ماتت و هي تدافع عن مبادئها ....

بنت قبل يومين ماتت و تحكي عليها بهي الطريقة ...

إيه معلم كشكتها شوي مو؟؟؟

يعني أنا مستعد حط رهان معك إنتا ما بتعرف إذا هالبنت آخده مصاري أو إذا حتى بتشتغل ببيت دعارة وقاعد عم تبكي عليها

وعلى فرض إنه هي أشرف بنت بإيران فشو نازلة تساوي بمظاهرات ضد الحكومة مو معروف مين وراها

يعني صراحة هالشباب صايرين بكلمتين بينضحك عليهون

نجاد فائز شاء من شاء وأبى من أبى
انو بدي قول ان الكلام
تافة بخصوص انها عاهرة أة أخدة مصاري
وحبيب عفرض انها عاهرة واخدة مصاري
ما لازم تقتل وكمان بهالطريقة
هي حرة شو ما بدها تشتغل بس هي كانت بمظاهرة سياسة
وماتت بإيدين أبوها
فكلامك فاضي
للاسف
:pos:

انو بدي قول ان الكلام
تافة بخصوص انها عاهرة أة أخدة مصاري
وحبيب عفرض انها عاهرة واخدة مصاري
ما لازم تقتل وكمان بهالطريقة
هي حرة شو ما بدها تشتغل بس هي كانت بمظاهرة سياسة
وماتت بإيدين أبوها
فكلامك فاضي
للاسف
:pos:
اساسا الشهيدة كانت مخطوبة و طلع خطيبها بالاعلام و اتهم الباسيج بقتلها علنيا ...

بس مثل ما قلت حكي فاضي و تافه

اساسا الشهيدة كانت مخطوبة و طلع خطيبها بالاعلام و اتهم الباسيج بقتلها علنيا ...

يا زلمة لسى عم ترد ع هيك حكي انت؟ لو طالعة تمجّد لصدّام أو لأحمد نجاد نفسو كان شفناه عاملها الخنساء....


حكي لا يستحق حتى الرد عليه.. انو أوكي ممكن تكون متوافق أو لأ مع هالاتجاه أو هالمتظاهرين أو شو ما كان... بس توصيل الحكي لهالمستوى لا يدل إلا على نية صاحبه

إيه معلم كشكتها شوي مو؟؟؟

يعني أنا مستعد حط رهان معك إنتا ما بتعرف إذا هالبنت آخده مصاري أو إذا حتى بتشتغل ببيت دعارة وقاعد عم تبكي عليها

وعلى فرض إنه هي أشرف بنت بإيران فشو نازلة تساوي بمظاهرات ضد الحكومة مو معروف مين وراها

يعني صراحة هالشباب صايرين بكلمتين بينضحك عليهون

نجاد فائز شاء من شاء وأبى من أبى

إي حبيب بدنا نرد بنفس مستوى حديثك...

هي البنت كانت بنت ليل نظامي يعني وانقتلت بمظاهرة عم تطالب فيها بالديموقراطية... فهل هل القتل هاد بيستاهل إنو نغفرلها ذنوبها ولا لاء؟؟

بعدين باعتبار هيك صار مستوى التشكيك وقلة الإحترام فخلينا نشكك شوي أنا بحط رهن أنك مابتعرف اذا احمدي نجاد يلي جدة يهودي عميل لإسرائيل ولا لاء... براهن معك انو كل خطاب رنان بيطرقنا ياه من انكار محرقة ومحو اسرائيل من الوجود بيفيد إسرائيل أكتر ولاسلاحها بيفيدها أكتر...

براهن معك انو نجاد اكبر عميل للصهيونية وهو يلي عم يعطي الغطاء لكل إجرام إسرائيل بفلسطين بحجة انو شوفو أحمدي نجاد بدو يمحينا عن الخارطة تعو ياعالم راضونا وبررولنا كل تصرفاتنا...

إنت حاطط إحتمال انو تكون هالشريفة خاينة وأنا حاطط إحتمال كبير انو نجاد أكبر خاين عرفو تاريخ منطقتنا...


كم كلمة:

ياعيب الشوم عليك انت يلي بتحكي باسم الإسلام وهلأ جاية عم تشكك بأعراض العالم كرمال كم ديكتاتو معتوهين...
ياعيب الشوم عليك يلي بتنظر علينا بقيم الإسلام الحنيف وبتنسى سنة محمد يلي بتحكي عن القذف بالمحصنات وكيف اذا كانو هالمحصنات شهيدات...
ياعيب الشوم عليك يلي بتحكي باسم القرأن والله وبتنسى الأية يلي بتقول "ومن قتل نفس بغير حق كأنما قتل الناس جميعاً"... نسيان انو هي يلي عم تحكي عنها بنت مسلمة وماتت مظلومة؟؟ نسيت شو بيعتبر الميت مظلوم بالإسلام؟؟

حطيت احتمال انو هالشهيدة خاينة أو شرموطة وماحطيت احتمال انو يلي قتلها ظالم وديكتاتور ومجرم...

أخ عالشرف بس.

يا زلمة لسى عم ترد ع هيك حكي انت؟ لو طالعة تمجّد لصدّام أو لأحمد نجاد نفسو كان شفناه عاملها الخنساء....


حكي لا يستحق حتى الرد عليه.. انو أوكي ممكن تكون متوافق أو لأ مع هالاتجاه أو هالمتظاهرين أو شو ما كان... بس توصيل الحكي لهالمستوى لا يدل إلا على نية صاحبه
يعني هيك حطيط حد للكلام المسخرة

انو كل شي مسخرة و حكي فاضي ما بيستحق الرد و لا المناقشة و بيعبر فقط عن صاحبو

و انا معك :D

يعني أنا مستعد حط رهان معك إنتا ما بتعرف إذا هالبنت آخده مصاري أو إذا حتى بتشتغل ببيت دعارة وقاعد عم تبكي عليها

مو مهم !
يعني مع استهجاني لحكيك و اعترافي بأنـّو أثار فيّ نوع من العصبيه الا انو خليني قلّك انو حتـّى و ان كانت بتشتغل شو ما كانت بتشتغل هاد ما بخصنا و لا بغير موقفي شخصيا ً اتجاه القصه .. نحنا اللي بيأثـّر علينا و بأثـّر معنا انو انا لو كنت مكانها كان صار فيّ نفس الشي وانت لو كنت محلها كان رح بصير فيك نفس الشي و هي الفكره مش الفكره مين الشخص اللي مات كشخص انما فكره انـّو اي شخص (( حتـّى و ان كان جيـّد أو سيئ )) رح بيكون مصيره واحد ..
هيّ ما اثبت عليها انها عميله (( متل ما حاولت تدعي بقولك انها اخده مصاري )) و لا اثبت عليها شي بيسمح للسلطات تقتلها و على مرأه العالم ..



وعلى فرض إنه هي أشرف بنت بإيران فشو نازلة تساوي بمظاهرات ضد الحكومة مو معروف مين وراها

أيـضا ً مش مهم مين وراها .. لو ما هالناس عندها شي بيخلي أيّ شي صغير يحرضها فهاد سبب كافي ..
بمعنى آخر اذا انت عندك بمورثاتك الاستعداد للاصابه بشي مرض فنسبه اصابتك فيه أكبر من اذا ما كان هالمرض وراثي و متناقل بالعائله .. و كذلك الامر لو هالناس ما عندها الاستعداد للتحريض ما حدا بيقدر يحرضها على شي (( على فرض اجيت معك و قلنا انو في مين عم يحرضهم ))


يعني صراحة هالشباب صايرين بكلمتين بينضحك عليهون

يا رجل شايف انت .. جيل فارغ :pos:



نجاد فائز شاء من شاء وأبى من أبى

هلأ للصراحه فأنا ما عم اقدر اعرف تماما ً شو عم ييصير بايران الاعلام امـّا مع الـحكومه الايرانيه بتحيز أو مع الشعب بتحيز .. لذلك أنا مافي ّ احكم عالطريقه اللي نجح فيها نجاد و لكـن أكـيد طالما في ناس معارضه لهالقصـّه و عم يوصل صوتها للعالم خارج ايران فهاد بيترك اشارات عديده جدّا من الاستفهام و اشارات اكتر من التعجب حول الطرق اللي عم يتم فيها التصدي لهالمعارضين .. و برأي انو هالطرق هي عم تضر ايران اكتر من انها عم تفيدها .. من يومين سمعت عقناه الاخبار عم يحكو عن هالموضوع و عم يقولو كيف فينا نثق بانو ايران ما تستخدم النووي اللي بين ايديها بطرق همجيه اذا عم تستخدم الاسلحه ضد شعبها لمجرّد التعبير عن رأيه و من هالحكي و ا عتقد هي ورقه خاسره جدّا بايد ايران و تحضيرها للنووي ..
على كلـّن خلينا ننطر و نشوف شو رح يصير ..

و الله يرحمها لندى :D

إي حبيب بدنا نرد بنفس مستوى حديثك...

هي البنت كانت بنت ليل نظامي يعني وانقتلت بمظاهرة عم تطالب فيها بالديموقراطية... فهل هل القتل هاد بيستاهل إنو نغفرلها ذنوبها ولا لاء؟؟

بعدين باعتبار هيك صار مستوى التشكيك وقلة الإحترام فخلينا نشكك شوي أنا بحط رهن أنك مابتعرف اذا احمدي نجاد يلي جدة يهودي عميل لإسرائيل ولا لاء... براهن معك انو كل خطاب رنان بيطرقنا ياه من انكار محرقة ومحو اسرائيل من الوجود بيفيد إسرائيل أكتر ولاسلاحها بيفيدها أكتر...

براهن معك انو نجاد اكبر عميل للصهيونية وهو يلي عم يعطي الغطاء لكل إجرام إسرائيل بفلسطين بحجة انو شوفو أحمدي نجاد بدو يمحينا عن الخارطة تعو ياعالم راضونا وبررولنا كل تصرفاتنا...

إنت حاطط إحتمال انو تكون هالشريفة خاينة وأنا حاطط إحتمال كبير انو نجاد أكبر خاين عرفو تاريخ منطقتنا...


كم كلمة:

ياعيب الشوم عليك انت يلي بتحكي باسم الإسلام وهلأ جاية عم تشكك بأعراض العالم كرمال كم ديكتاتو معتوهين...
ياعيب الشوم عليك يلي بتنظر علينا بقيم الإسلام الحنيف وبتنسى سنة محمد يلي بتحكي عن القذف بالمحصنات وكيف اذا كانو هالمحصنات شهيدات...
ياعيب الشوم عليك يلي بتحكي باسم القرأن والله وبتنسى الأية يلي بتقول "ومن قتل نفس بغير حق كأنما قتل الناس جميعاً"... نسيان انو هي يلي عم تحكي عنها بنت مسلمة وماتت مظلومة؟؟ نسيت شو بيعتبر الميت مظلوم بالإسلام؟؟

حطيت احتمال انو هالشهيدة خاينة أو شرموطة وماحطيت احتمال انو يلي قتلها ظالم وديكتاتور ومجرم...

أخ عالشرف بس.

يا زلمة انت الحق عليك يعني حاططلها للبنت صورة بدون النقاب الشرعي , يعني ما بكفي بنت ومانا لابسة نقاب و طالعة بمظاهرات كمان اي مبينة يعني انها فلتانة

هيك ناس الله وكيلك بينزعل علين شلون بيفكرو

يا زلمة انت الحق عليك يعني حاططلها للبنت صورة بدون النقاب الشرعي , يعني ما بكفي بنت ومانا لابسة نقاب و طالعة بمظاهرات كمان اي مبينة يعني انها فلتانة

هيك ناس الله وكيلك بينزعل علين شلون بيفكرو

بكلمتين ....البنت هي مدرسة .....

و ياريت .... يكون عنا رجال بشجاعتها

إيه معلم كشكتها شوي مو؟؟؟

يعني أنا مستعد حط رهان معك إنتا ما بتعرف إذا هالبنت آخده مصاري أو إذا حتى بتشتغل ببيت دعارة وقاعد عم تبكي عليها

وعلى فرض إنه هي أشرف بنت بإيران فشو نازلة تساوي بمظاهرات ضد الحكومة مو معروف مين وراها

يعني صراحة هالشباب صايرين بكلمتين بينضحك عليهون

نجاد فائز شاء من شاء وأبى من أبى

يا أخي أنت تدافع عن وجود الله في موضوع أخر و في هذا الموضوع لا تخافه

كيف تسمح لنفسك قذف الفتاة حرام عليك و أسأل الله التوبة

هذه بنت ناس و خلق يا أخي

حاصلة على الماجستير ليست بلهاء حرام يا أخي دماء الناس ليست ماء

و مع تحياتي لكاتب الموضوع :D

ما عم افهم وين الرابط بين قمع الشعب الايراني و معاناة الفلسطينيين, يعني اذا اسرائيل عم تدبح الفلسطينيين لازم نحني نموت وما نفتح تمنا

ارجعي للتاريخ وشوفي الانظمة الديكتاتورية لوين وصلت شعوبها وشو عملت بالقضية الفلسطينية, و دايما حجة القمع جاهزة لاصوت يعلو على صوت المعركة وبالاخير خسرنا كل المعارك لانو نحني مهزومين من جوا

الرابط بين هذا وذاك هو القمع..
والفرق بين هذا وذاك ان الشعب الفلسطيني
ليس له الحق في ارضه ...
ليس له الحق في البقاء في بيته..
باختصار...ليس له الحق ان يتنفس
وما يجري الان في ايران لا يخرج عن كونه سيرا اهوج غير مدروس لن يضيف او ينقص شيئا على الساحة السياسية.. وصدقت عندما قلت.. نحن مهزومون من الداخل.. ولا يغير الله ما بقوم حتى يغيروا ما بانفسهم...

ايوووووووووووووا هي القضية الكبرى والاولويات الوطنية .. اللي ما عم تنحل وخاربة بيوتنا.. ومو لازم نتنفس الا من خلالها..

القضية الاولى النا هيي الحرية .. الحرية اولا.. لأنها القضية الاشمل
وكل القضايا تأتي بعدها..

ايووووووووووووووووووووووو ووووووووووووووووووووووووو ووووووووووووووووووووووووو ووووووووووووووووووووووووو وووووووووووووووووووووا
في الحقيقة.." هي القضية الكبرى والاولويات الوطنية".. اللي ما تنحل لانها اااااااااااااخر ما يفكر في حله حكوماتنا وشعوبنا المتخاذلة.. هي في الحقيقة ماهي خاربة بيوتكم ولا شي.. هي خاربة بيوت الفلسطينيين فقط... والواقع والشاشات اللي تتفرجوان عليها وانتم مستلقون او نائمون كفيلة ببث شيء قلييييييييييييييييييييييي ييييييييل من خراب البيوت الحقيقي... ومن غير حل هذه القضية لن تاتيك الحرية لانها قضية امة وليست قضية شعب ولن تصبحي حرة الا بقطع راس الحية لانه حينها فقط سيقضى على اذنابها المنتشرين في كل دقائق حياك اليومية وحتى الشخصية...

مين قصدك بالديكتاتور اذا آية الله معناها انت ما بتعرف شي منوووب لأنو اذا في حدا وقف ضد الديكتاتورية بالعالم رح يكون السيد علي الخامنئي أما اذا قصدك الرئيس نجاد فمو معناتو اذا حدا بالحرس الثوري بيحب بلدو و قوّص بالهوا أو ( عالناس ) انو يكون احمدي نجاد مخولو يعمل هيك .

ايران هي اعظم دولة ضد الديكتاتورية الامريكية و الاسرائيلية و الغربية عامة و اذا شي حدا مو عاجبو هاد ما بيعني انو كل الحكم ديكتاتوري او اي شخصية فيه

شو يا جماعة؟؟؟؟؟؟؟؟؟؟؟؟؟؟؟؟؟؟؟؟ ؟
عم تحكو علي من ورى ضهري؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟
له له له يا عيب الشوم عالرجال, ما هيك كان العشم, ليش ما عم تصلني رسائل عن هالموضوع؟

المهم
حاجة مصخرة
حاجة
بس بقى
يا جماعة فتحولي عقولكن شوي الله يخليكون حبايبكون

هلأ كل الي صار بإيران بسبب الدكتاتورية والظلم؟؟؟
لك بضل الحكي عن رد الطلم والدكتاتورية كلو ... حبر على ورق

بينما ..هيك هبة على نجاد وراها أيدي خفية وأحمق الي بيعتقد إنها عفوية

وأنا حكيت بهالموضوع من قبل وقلت الغرب مشان يوصل لهدفه مستعد يساوي أي شي
والي عم يصير إنه الغرب بدو يوقع نجاد بمشاكل مع حقوق الإنسان ويشوهو صورتو بالعالم أجمع