يا لطيف الطف
جريمة ومتاجرة بالانسانية ومدري شو

شو عم يصير هون ؟
عم استغرب من الموقف السلبي للأغلبية المستنكرة
انه خلينا حبة حبة .. الاعتراض على وجود مبلغ مالي ؟ ولا على اعراض الحمل ؟ ولا على فكرة الحضانة المؤقتة للطفل من اساسها؟
فهمونا شو الطرنيب يعني

هاموش :
برأيكون فيها الحاضنة تقوم من الولادة و تروح على بيتها تاني يوم و كأنها كانت بالمستشفى عم تعمل عملية الزايدة أو المرارة ؟!!والله ما بعرف شعور العامل عملية زايدة .. بسألك ابو الزوز الزلمة ما صرله زمان
ومع هلشي ما عم اقدر افهم شو الفكرة بالضبط من الاعتراض

بعتقد موضوع تأجير الأرحام رح يتم تقبلو شوي شوي
موضوع طفل الأنبوب أول ما طلع أثار كتير انتقادات اخلاقية وهلا صار الموضوع عادي
فببريطانيا عم تصير هي العمليات بشكل عادي و حتى السبب الأساسي انو النساء يردن المحافظة على اشكالهن

يا قصي نفس الشي بينطبق عطفل الأنبوب
في بنات بترغب بالأمومة وبيلجأوا لطفل الأنبوب عن طريق بنك النطاف وهيك هي بتحصل على طفل بدون أي صلة مع الأب .. ما منعرف شو الدافع يلي بيدفع المرأة لهيك حل بس بس متل هيك دوافع ما بتعني أبداً بأن عملية طفل الأنبوب هي دايماً بتصب بهالمنحى
بالعكس هو حل لمشكلة الإنجاب واستخدامو إن كان بطريقة جيدة أو لا تابع للإنسان نفسو

في أوروبا ارتفعت نسبة الاستئجار و ذلك لان السيدات يردن المحافظة على أجسادهن و خوفاً من ترهلها
و في الهند أصبحت التجارة مزدهرة نتيجة للفقر






انا شفت بالموضوع شي قريب كتير لقصة التبني (يعني المرأة بتكون حامل وبيتبنوا الولد وبس ما بتخلف بياخدوه.. بس هون من نفس الأب والأم)

ومن الملاحظ انه في تكرار للعبودية والاقطاع من زمان ..وقت الرجل يشوف مرته مابتجيب أولاد بيجيب ولاد من عبيدته

ويعني اذا السيدات يردن المحافظة على اجسادهن من ترهلها هالشي مو معناتها يستغلوا الفقر ويستعملوا رحم غيرهن منشان يخلفوا..مابدهن ..بلا

هل برأيك فيمة الأنسان صارت هالقد رخيصة لدرجة انو صار فينا نشتريه و نبيعو ؟؟؟؟؟

يعني هي عملية تجارة بنص مليون ليرة فيني اشتري ولد و خلصت القصة فهل هالشي صح ؟؟؟؟؟؟

ما حدا جاب سيرة انك تشتري ولد , و انا بشوف انو هاد الموضوع فيه كتير انسانية , شو بدك انسانية امتر من انو انسان يساعد انسان تاني ليكون عندو ولد ؟

عم استغرب من الموقف السلبي للأغلبية المستنكرة

متل ما اللي مستنكر الموضوع عم يستغرب من المستميتين في الدفاع ..!

انه خلينا حبة حبة .. الاعتراض على وجود مبلغ مالي ؟ ولا على اعراض الحمل ؟ ولا على فكرة الحضانة المؤقتة للطفل من اساسها؟

المشكلة انو بموافقتنا على هالموضوع منكون عم نكرّس مبدأ الغاية تبرر الوسيلة بغير محلّو .. يعني مين قال انو رغبتي بالأمومة بتبرر لي أستغل الحاجة المادية لغيري و أستأجر جسمو كأنو ماكينة شغلتا تلبي حاجتي و ما في داعي يكون الها عواطف و أحاسيس بس لأنو أنا صاحبة البويضة و جوزي صاحب النطفة ..
مخيف كتير سعي الانسان للحصول عاللي بدو ياه بأي تمن و من دون ما يقيم وزن لآدمية و كرامة الآخر ...

بعتقد موضوع تأجير الأرحام رح يتم تقبلو شوي شوي
موضوع طفل الأنبوب أول ما طلع أثار كتير انتقادات اخلاقية وهلا صار الموضوع عادي


لأ طفل الأنبوب غير موضوع نهائياً ...
مع طفل الأنبوب التدخل المخبري عم يصير بس بعملية التلقيح و بعدا الجنين بينغرس برحم الأم و بيكمل الحمل بشكل طبيعي حتى الولادة و هون الأطراف هنن ذاتون .. الأب و الأم و الطفل ...
بينما بتأجير الأرحام عندك طرف رابع غريب عن هي العيلة هو هالمرا اللي قبلت تقوم بهالدور بسبب حاجة مادية بحتة .. يعني بدال ما تشحد أو تنحرف أو تموت من الجوع .. طيب هاد شو اسمو ؟ مو استغلال للآخر ؟! مو تعدّي على آدميتو ؟؟!!

والله انا ما شفتا إنسانية .. ولا شفتا جريمة
انا شفتا صفقة وبيزنز ، ومناسب للطرفين
وقت بيكون بدك تنقل شغلة وعضلاتك ما بتسمحلك بتجيب بني ادم بتشتري عضلاتو
ووقت بيكون بدك عالم لشركة ما ، بتشتري افكارو
يعني عضو من هالأعضاء وعم ينشرى ! وين المشكلة ؟ ليش وقت بيصير الرحم بيصير بدنا نعمل للقصة ايدين ورجلين ؟


يعني حل لمشكلة عدم الإنجاب ، وحل مجدي ماديا ً للشخص اللي عم يساعد
:D

عم تمزح!!!!!!!!!! شو يلي مافيها شي وطبيعي!!!:o
دخلكن والولد بيطلع بيشبه مين بالزبط من بين كل هدول يلي شاركوا بولادته!!!!؟؟
والله مسخرة!:shock:
هلق بالنسبة للشبه و للمورثات
الام التي تؤجر رحمها توضع فيها نواة الجنين و هي النواة هي بتون حتملة لمورثات الاب و الام الاصليين
و هي ما دخلها

ما بعرف ...
انا من جهتي بشوفا .. انو ما فيها شي ..
بما انو الشي اتفاقا ..
هلأ بالنسبة لشغلة المشاعر والاحاسيس ..
بعتقد اذا المخلوقة كـ ام .. وحملت فيه تسع شهور .. ما حسّت فيه .. وراحت عملت اللي بدا ياه فيه ..
انا كـ متابع .. ما الي ادنى حق .. حتى لو الشفقة على اي شي ..
الولد ما رح يعرف شي .. وما رح يأثر على حياتو ..
الام اللي رح تربّي هالولد .. اجباري رح تحس انو ابنا ..
الانسانة اللي ولدت .. بعتقد .. هدا اعتقاد .. انو عادي
ولو مانو عادي ما كان صار هيك ..

منجي لقصة الدافع المادي اللي الشباب حكوا عنّو ..
يا سيدنا عادي ..
وبتعرف شو .. انا لو مرا .. وانعرض عليي الموضوع .. بقبلوا .. لا تقلي مشاعر واحاسيس ومخاض ومدري شو
نفس الشي ..

ما بعرف .. هي وجهة نظري
طبع بالاخير هي وجهة نظر

كل انسان بينظرلها من منظورو الخاص

شغلة عاديّة وانسانيّة بتقدّمها الأم الحاضنة لطفل عائلة تانيّة ولو ترافقت مع أجر..

ومتل ما بعرف أنو الرحم موجود بجسم المرأة لشغلة وحدة يلي هي الحضانة للجنين في طور النمو لاغير..
فما رح يكون في اي صلة بين الأم الحاضنة والطفل غير أنو حمليتو 9 شهور

فهي مارح تفكر فيه على أنو ابنها..بالعكس رح تفكر بالسعادة والأمل يلي قدميتو لهالعائلة
بس لا تنسي انو ما فيك تنظر للأمور بهي النظرة المادية البحتة
:D

عملية تجارة الاطفال بتكون لما الناس بتبيع ولادها مو بتموت لتحصل على طفل

والموضوع بحت انساني مهم دخلت فيه المصاري

ولعلمك اول عملية تاجير رحم بالوطن العربي كانت بالأردن لما امرأة قبلت تأجير رحمها لأختها يلي بتعاني من مرض بالرحم ولا يستطيع رحمها حمل الجنين اكتر من شهر واحد

وما تلقيت ولا ليرة على هالشي؟؟
منقدر نقول انه مش انساني؟؟
طيب رح أجي معك
الشغلة انسانية بحتة
طيب كم حالة موجودة مصنفة كامسانية بحتة مفابل حالات الدفع المادي

الشغلة بها الوقت صارت خاضعة لشروط السوق و صار فيها مرابح و سياسة و اسرار

يعني انا ماني مستنكر الفكرة من اساسها

بس الغلط الكبير انو الشغلة صارت تجارة و مريح و مكسب

اذا انت رافض هالموضوع من باب انو قيمة الانسان رخيصة؟؟

فبتخيل مو زابطة هيك

بهيك امور بتعلى قيمة الانسان وخاصة متل ماقلت انو المراة بتخاف على جمال جسدها مايضيع
ورغم ذلك بتعمل هيك


من وجهة نظري لو أمراة قبلت تأجر رحمها مقابل مليون دولار هية بالنهاية عم تعمل شيء إنساني
تمام يعني صار فينا نسميها الانسانية المأجورة

أخ زين ...باعتبار أخي زين:p

مارح اعملك درس هلىء عن هالقصص

بس وظيفة الرحم حمل جنين لتسع اشهر فقط
هناك ارحام مريضة مشوها لاتستطيع ذلك

الحمل هو نطفة+بويضة + غرسهم بعضلة الرحم

لما امراة تحمل من نطفة وبويضة لاشخاص غريبين عنها رح يخلق المولود مش الها ولا الها علاقة فيه

بس انا بشاركك الراي انو رح يكون في عاطفة اتجاهو

واثبتت الدراسات انو الدم يلي بيتغذى منو الطفل بياثر على نموه وشخصيته والله اعلم

بس بالنهاية الطفل مابيمسها لامن قريب ولا من بعيد
هلق اكيد رح يكون في دراسات للرحم
يعني مارح ياخدوا اي رحم و يحطو فيه النواة

يعني يعني اكيد الأطباء ما بكونوا نسانين هي الفكرة

و هو الشغلة مو بهي البساطة يعني لازم دراسة كبيرة عن التوافقية و نجاح الزرع و شغلات كتيرة

بس النواة الأساسية هي من الأم و الاب الاصليين

يعني المورثات تبع الطفل هي من الأب و الام الأصليين و في الرحم هو فقط مستضيف و لا يؤثر على النواة

من حيث الصفات او المورثات
:D

لألأ ..
انساني وقت بيكون قرايبينا ..
لك وحتى وقت بيكونو قرايبينا ..

ليكي اللي بيفكر بالانسانية لهالدرجة ..
ما بيعمل هالحركة ..

المكسب .. اللي بيتبرر بالانسانية ..
او اللي فينو يقنع حالو .. ويسكت حالو .. انو لاء لاء انا ما عم بيع ابني .. انا عم بعمل شغلة انسانية
كلام جدا وارد

يعني ممكن النسان يقنع حالو بشي على حساب شي تاني

من مبدأ أن الغاية تبرر الوسيلة

بالتأكيد مو طبيعي
وهاد قدر الشخص انو ما يخلف:pos:

بس لو عرضًا الابن المولود حب البنت الحقيقية للحاضنة
بينفع يتجوزوا ؟؟؟؟;)
و الله ما بعرف ما سألت حالي هالسؤال؟؟؟؟؟؟:shock:

و الله فكرة:lol:

خلص بسألك شي حدا بيفهم بهي الشغلة

مالقيت فيا شي غلط عالخالص..
بالعكس انو خدمة انسانية..
وبحتة كمان..بغض النظر ازا كانو عم ياخدو مصاري..الدكتور عم بيقوم بعملية انسانية بس كمان بياخد مصاري مقابل تعبو..فانو ازا اخدت مصاري مقابل تعب تسع شهور مالقيت في مشكل بالموضوع...


موضوع مهم شكرا قصي:D

؟؟؟؟؟؟؟؟؟؟؟

الشغلة بتضل وجهة نظر

بس هي هلق مانها يهي الانسلنية يلي عم تحكي عليها
:D

مالقيت فيا شي غلط عالخالص..
بالعكس انو خدمة انسانية..
وبحتة كمان..بغض النظر ازا كانو عم ياخدو مصاري..الدكتور عم بيقوم بعملية انسانية بس كمان بياخد مصاري مقابل تعبو..فانو ازا اخدت مصاري مقابل تعب تسع شهور مالقيت في مشكل بالموضوع...


موضوع مهم شكرا قصي:D

؟؟؟؟؟؟؟؟؟؟؟

الشغلة بتضل وجهة نظر

بس هي هلق مانها يهي الانسلنية يلي عم تحكي عليها
:D

؟؟؟؟؟؟؟؟؟؟؟

الشغلة بتضل وجهة نظر

بس هي هلق مانها يهي الانسلنية يلي عم تحكي عليها
:D
دقيقة دقيقة
الشغلة صارت مانها بهالانسانية لانو دفعو للمخلوقة مصاري؟
يعني بنظرك لو العائلة استخدمت رحم المخلوقة مجانا هالشي انساني؟
انا بشوف انو هي متل معادلة
ناس بدهم ولد + مرة محتاجة مصاري = طفل خلقان بهالطريقة
بس ازا بدك تحكي ع الانسانية انا بشوف انو منتهى الانسانية تساعد واحد ما عم يجيب ولد لسبب من الاسباب
و كمان من منتهى الانسانية انك تساعد واحد محتاج مصاري مقابل شي عملو كرمالك( مشان ما يصير في تحميل منية متلا)
فــ وين المشكلة؟

:D

يا لطيف الطف
جريمة ومتاجرة بالانسانية ومدري شو

شو عم يصير هون ؟
عم استغرب من الموقف السلبي للأغلبية المستنكرة
انه خلينا حبة حبة .. الاعتراض على وجود مبلغ مالي ؟ ولا على اعراض الحمل ؟ ولا على فكرة الحضانة المؤقتة للطفل من اساسها؟
فهمونا شو الطرنيب يعني

هاموش :
والله ما بعرف شعور العامل عملية زايدة .. بسألك ابو الزوز الزلمة ما صرله زمان
ومع هلشي ما عم اقدر افهم شو الفكرة بالضبط من الاعتراض
يا سيدي

الظاهرة بشكل عام ما فينا نجرده من انسانيتها نلبسها قناع مادي بحت

و كمان ما فينا ندرجها تحت الاسم الانساني!!!!!

طيب يا شباب منشان نرتب أفكارنا

و نحد القضية شلون صارت

بطلب من الكل انو يجاوب على هي الأسئلة



1- هل انت مع تأجير الرحم أو ضد (لانتسى مع التعليل)؟

2- هل تعتبره انه حل لمشلة ام انه مشكلة بحد ذاتها لفتحه ابواب لمشاكل اجتماعية و اسرية ؟

3- هل تعتبر هذه الظاهرة تؤدي الى زعزعة الشعور بين الام و طفلها و لو بنسبة صغيرة؟

4- هل تعتبر ان التبني يكون أفضل ؟

5- هل برأيك ان العملية الأن و هي مندرجة تحت قوانين السوق و المتجارة تُنقص من القيمة الأنسانية للأنسان ؟

6- هل تعتقد انه يجب أن تسمح في القانون كونها ممنوعة الأن ؟

7- هل تعتقد انو ممكن يكون كحل وسط او حل أخير و هل الأسباب غير العقم الرحمي هي مقنعة ؟

8- هل ستنشئ أي علاقة بين المرأة المؤجرة لرحمها و بين الجنين ؟

9- بشكل عام هل تتعتبر أنو التطور العلمي يلي حدث على الهندسة الورائية (بشكل عام ) او طرق الحمل الجديدة هي جيدة او سيئة ؟

10- هل يمكن ان تلجئ أنت لهذه الطريقة ؟



:D

لأ طفل الأنبوب غير موضوع نهائياً ...
مع طفل الأنبوب التدخل المخبري عم يصير بس بعملية التلقيح و بعدا الجنين بينغرس برحم الأم و بيكمل الحمل بشكل طبيعي حتى الولادة و هون الأطراف هنن ذاتون .. الأب و الأم و الطفل ...
بينما بتأجير الأرحام عندك طرف رابع غريب عن هي العيلة
هو هالمرا اللي قبلت تقوم بهالدور بسبب حاجة مادية بحتة .. يعني بدال ما تشحد أو تنحرف أو تموت من الجوع ..

طيب هاد شو اسمو ؟ مو استغلال للآخر ؟! مو تعدّي على آدميتو ؟؟!!

أنا حكيت عطفل الأنبوب لسبب واحد
هو أول ما طلعت قصة طفل الأنبوب كتار عالم استنكرو الموضوع وأثير جدل حوليه هلا الموضوع صار عادي
ونفس الشي رح يصير بموضوعنا هاد
الاستغلال بشع ؟؟ اي بشع جداً بس إذا بدنا نربط كل شي بالاستغلال رح نلاقي كتير أمور بحياتنا فيها استغلال

بالمناسبة أنا مع هالرأي ....


والله انا ما شفتا إنسانية .. ولا شفتا جريمة

انا شفتا صفقة وبيزنز ، ومناسب للطرفين
وقت بيكون بدك تنقل شغلة وعضلاتك ما بتسمحلك بتجيب بني ادم بتشتري عضلاتو
ووقت بيكون بدك عالم لشركة ما ، بتشتري افكارو
يعني عضو من هالأعضاء وعم ينشرى ! وين المشكلة ؟ ليش وقت بيصير الرحم بيصير بدنا نعمل للقصة ايدين ورجلين ؟


يعني حل لمشكلة عدم الإنجاب ، وحل مجدي ماديا ً للشخص اللي عم يساعد
:D






:D

بعتقد موضوع تأجير الأرحام رح يتم تقبلو شوي شوي
موضوع طفل الأنبوب أول ما طلع أثار كتير انتقادات اخلاقية وهلا صار الموضوع عادي


يا قصي نفس الشي بينطبق عطفل الأنبوب
في بنات بترغب بالأمومة وبيلجأوا لطفل الأنبوب عن طريق بنك النطاف وهيك هي بتحصل على طفل بدون أي صلة مع الأب .. ما منعرف شو الدافع يلي بيدفع المرأة لهيك حل بس بس متل هيك دوافع ما بتعني أبداً بأن عملية طفل الأنبوب هي دايماً بتصب بهالمنحى
بالعكس هو حل لمشكلة الإنجاب واستخدامو إن كان بطريقة جيدة أو لا تابع للإنسان نفسو
انا معك بهي الفكرة لانو نحن لما نشوف أي فكرة جديدة صارت موجودة بواقعنا نمر بثلالثة مراحل
أولا : الأستغراب و يليها الصدمة مباشرة
ثانيا : استعابها و الوقوف ضدها حكما
ثالثا : التكيف معها

و برجع و بقول ان المسألة شخصية ما فينا نعمم أقكارنا على كل الناس
اذا مقتنع بالفكرة فما كتير بهتم بحكي الناس

:D

ما حدا جاب سيرة انك تشتري ولد , و انا بشوف انو هاد الموضوع فيه كتير انسانية , شو بدك انسانية امتر من انو انسان يساعد انسان تاني ليكون عندو ولد ؟
انا معك

بس يا شباب الموضوع صار في إلو سماسرة و تجار و سوق كامل

الشغلة مانها بس أنسانية الشغلة فيها لعبة تجار و استغلال للناس يلي بدهون ولد

لانو بحب ما قلي الدكتور في حالات ممكن توصل لدفع من تلاتة لأأربع ملايين ليرة!!!!!!!

يعني الشغلة مدامها موجودة مو لازم يدرجوها تحت نطاق القانون منشان ما تصير كأنها بالسوق السودا؟؟؟

يعني بنظرك لو العائلة استخدمت رحم المخلوقة مجانا هالشي انساني؟




يعني هي هية الفكرة ..:D

والله انا ما شفتا إنسانية .. ولا شفتا جريمة
انا شفتا صفقة وبيزنز ، ومناسب للطرفين
وقت بيكون بدك تنقل شغلة وعضلاتك ما بتسمحلك بتجيب بني ادم بتشتري عضلاتو
ووقت بيكون بدك عالم لشركة ما ، بتشتري افكارو
يعني عضو من هالأعضاء وعم ينشرى ! وين المشكلة ؟ ليش وقت بيصير الرحم بيصير بدنا نعمل للقصة ايدين ورجلين ؟


يعني حل لمشكلة عدم الإنجاب ، وحل مجدي ماديا ً للشخص اللي عم يساعد
:D


طيب انتي بتقولي مدامها بهالسهولة
مو لازم يكون في إلها ضوابط و أحكام

لانو نحن عنا هون الشغلة مانها منظمة أبدا

يعني متل ما قلتي هي صفقة بكل ما تعنيه الكلمة من معنى !!!!!!!

بس مستني ان أخد اجوبتك عن الأسئلة العشرة فوق


:D

دقيقة دقيقة
الشغلة صارت مانها بهالانسانية لانو دفعو للمخلوقة مصاري؟
يعني بنظرك لو العائلة استخدمت رحم المخلوقة مجانا هالشي انساني؟
انا بشوف انو هي متل معادلة
ناس بدهم ولد + مرة محتاجة مصاري = طفل خلقان بهالطريقة
بس ازا بدك تحكي ع الانسانية انا بشوف انو منتهى الانسانية تساعد واحد ما عم يجيب ولد لسبب من الاسباب
و كمان من منتهى الانسانية انك تساعد واحد محتاج مصاري مقابل شي عملو كرمالك( مشان ما يصير في تحميل منية متلا)
فــ وين المشكلة؟

:D
لا الشغلة مانها انسانية لان دفعو للمخلوقة مصاري

و لكن لان صارت متاجرة و صار فيها استغلال و ابتزاز

و هاد الشي مو من عندي و لكن من واقعنا و القصص يلي حكالي ياها الدكتور يعني فعلا ما بتتصدق

1- هل انت مع تأجير الرحم أو ضد (لانتسى مع التعليل)؟
مع لأنو أكبر هدف بحياة الانسان هو انو يصير أم أو أب
2- هل تعتبره انه حل لمشلة ام انه مشكلة بحد ذاتها لفتحه ابواب لمشاكل اجتماعية و اسرية ؟
هو حل لمشكلة بالتأكيد بس ممكن يكون فتح باب لمشاكل اخرى
3- هل تعتبر هذه الظاهرة تؤدي الى زعزعة الشعور بين الام و طفلها و لو بنسبة صغيرة؟
طبعا لاء بس يمكن يكون في شي ناقص:shock:
4- هل تعتبر ان التبني يكون أفضل ؟
طبعا لاء
5- هل برأيك ان العملية الأن و هي مندرجة تحت قوانين السوق و المتجارة تُنقص من القيمة الأنسانية للأنسان ؟
ابدا جدا جزيلا
6- هل تعتقد انه يجب أن تسمح في القانون كونها ممنوعة الأن ؟
ليش لاء
7- هل تعتقد انو ممكن يكون كحل وسط او حل أخير و هل الأسباب غير العقم الرحمي هي مقنعة ؟
حل اخير برأيي.... اكتر اسباب عقم مقنعة هي امراض الرحم ما هية لب القضية

8- هل ستنشئ أي علاقة بين المرأة المؤجرة لرحمها و بين الجنين ؟
طبعا شيء اكيد وخاصة اذا هية طلبت
9- بشكل عام هل تتعتبر أنو التطور العلمي يلي حدث على الهندسة الورائية (بشكل عام ) او طرق الحمل الجديدة هي جيدة او سيئة ؟
جيدة اكيد بشكل عام متل يلي عم يعطي جرعة اوكسجين لمخنوق:cry:
10- هل يمكن ان تلجئ أنت لهذه الطريقة ؟

وولله مابعرف ...أنا عن نفسي كــ روز بعتبر وجود الطفل برحمي هي أهم خطوات الأمومة وأدقها واقربها للقلب
على الاغلب.... اذا كانت هي مشيئة الرب لاسمح الله:cry: بفضل كمل عمري هيك


سؤال من وين جايب هي الأسئلة؟؟؟؟؟؟:?

1- هل انت مع تأجير الرحم أو ضد (لانتسى مع التعليل)؟

حلوة هي مع التعليل .. متل أسئلة البكالوريا :lol:
ضد و سبقو عللت ..

2- هل تعتبره انه حل لمشلة ام انه مشكلة بحد ذاتها لفتحه ابواب لمشاكل اجتماعية و اسرية ؟

ممكن يكون حل لمشكلة بس الغاية لا تبرر الوسيلة .

3- هل تعتبر هذه الظاهرة تؤدي الى زعزعة الشعور بين الام و طفلها و لو بنسبة صغيرة؟

مو بالضرورة

4- هل تعتبر ان التبني يكون أفضل ؟

أحد الحلول

5- هل برأيك ان العملية الأن و هي مندرجة تحت قوانين السوق و المتجارة تُنقص من القيمة الأنسانية للأنسان ؟

نعم و بشدة

6- هل تعتقد انه يجب أن تسمح في القانون كونها ممنوعة الأن ؟

المنع لن يثني الراغبين .. إذا انطلقنا من كونهم ميسورين و قادرين على دفع التكاليف الباهظة للحاضنة و المخابر ، فلن يستعصي عليهم السفر إلى الخارج لإتمام الموضوع ...

7- هل تعتقد انو ممكن يكون كحل وسط او حل أخير و هل الأسباب غير العقم الرحمي هي مقنعة ؟

جواب السؤال الثاني

8- هل ستنشئ أي علاقة بين المرأة المؤجرة لرحمها و بين الجنين ؟

علاقة فيزيولوجية تولد ارتباط عاطفي يبتر بعد الولادة

9- بشكل عام هل تتعتبر أنو التطور العلمي يلي حدث على الهندسة الورائية (بشكل عام ) او طرق الحمل الجديدة هي جيدة او سيئة ؟

العلم بعمرو ما كان سيء .. السوء مصدره التوظيف الخاطئ للعلم من قبل الإنسان

10- هل يمكن ان تلجئ أنت لهذه الطريقة ؟

لأ .. لا كحاضنة ولا كأم بيولوجية.

1- هل انت مع تأجير الرحم أو ضد (لانتسى مع التعليل)؟

مع .. بعتقد الاسئلة اللي جاية .. رح تشرح ليش


2- هل تعتبره انه حل لمشلة ام انه مشكلة بحد ذاتها لفتحه ابواب لمشاكل اجتماعية و اسرية ؟
حل لمشكلتين ..


3- هل تعتبر هذه الظاهرة تؤدي الى زعزعة الشعور بين الام و طفلها و لو بنسبة صغيرة؟
تسوء
4- هل تعتبر ان التبني يكون أفضل ؟
مممممم .. هلأ صفنت بالموضوع انا تبع التبني ..
بس انو بما انو .. اللي عم يقدر يدفع هالمبلغ ليشتري .. رح يكون معو مصاري اكتر
من اللي حابب يتبنى ..
هادا برأيي

5- هل برأيك ان العملية الأن و هي مندرجة تحت قوانين السوق و المتجارة تُنقص من القيمة الأنسانية للأنسان ؟

ما في انقاص للقيمة الانسانية للانسان .. بما انو الطرفين موافقين
6- هل تعتقد انه يجب أن تسمح في القانون كونها ممنوعة الأن ؟


اي .. تلافيا لعدة مشاكل
7- هل تعتقد انو ممكن يكون كحل وسط او حل أخير و هل الأسباب غير العقم الرحمي هي مقنعة ؟

ما مهمة الاسباب ..

8- هل ستنشئ أي علاقة بين المرأة المؤجرة لرحمها و بين الجنين ؟

اكيد لأ .. والاهم انو يكون هاد شرط اللي بدو يدفع

9- بشكل عام هل تتعتبر أنو التطور العلمي يلي حدث على الهندسة الورائية (بشكل عام ) او طرق الحمل الجديدة هي جيدة او سيئة ؟
جيدة ..

10- هل يمكن ان تلجئ أنت لهذه الطريقة ؟

ممممممم .. لأ .. لأني ما بحب الولاد كتير هي اول شي
بس لو كنت بنت .. وانعرض عليي الموضوع .. بوافق اكيد:larg:

بس لا تنسي انو ما فيك تنظر للأمور بهي النظرة المادية البحتة
:D
:shock:ماديّة بحتة!!؟..ما فهمت..فيك تشرحلي أشو الشي المادي بوجهة نظري..
ولا اذا الشعور بالسعادة والأمل وعمل الخير بكون شي مادّي..بعتزر:D

صدقا ما عم افهم شو الفكرة

الاعتراض على آلية الحمل من اشخاص معروفة هويتن ومعروف صاحب النطفة + البويضة ؟ بحد ذاتها دون وجود اي اعتبارات اخرى ؟

ولا مافي مشكلة بالفكرة بس المشكلة بوجود المبلغ المادي ؟

أو المشكلة بوجود "سمسرة" بالموضوع انه في اشخاص عم تعتاش على هلعملية ؟

وسؤال هيك علماشي مين هية الأم وشو تعريفها ؟
الأم هية الشخص اللي بربي .. ولا الشخص اللي بينجب ؟؟
والأب مين هوي ؟
الشخص اللي بساهم بتلقيح البويضة ولا هوي الشخصي اللي بربي هلطفل ..

خلونا شوي نفهم على بعض

الأم هية الشخص اللي بربي .. ولا الشخص اللي بينجب ؟؟
والأب مين هوي ؟
الشخص اللي بساهم بتلقيح البويضة ولا هوي الشخصي اللي بربي هلطفل ..


حلو .. مازال العمدة عالترباية معناها منرجع لفكرة انو التبني هو الحل و بلاها هالدوخة كلا ..
خليه يتبنى و يعيش الأبوة و الأمومة متل ما بيحب .. و للي كان عم يحكي عن الإنسانية : التبني كلو إنسانية خاصةً أنك عم تنقذ طفل من مصير مجهول و غالباً أسود .. بس لاء ما بيمشي الحال بالتبني .. لازم يكون الولد من صلبي مشان يطلع بيشبهني (حلو و ذكي متلي :p) و شوف حالي فيه قدام الناس ...
المشكلة عند كتير من الناس بتكمن بالرغبة الملحة في الخلق .. في انو يكون جسمه مبعث لحياة جديدة يمكن لأنه بيحس من خلال هالشي بأهميته في الحياة و هي غريزة طبيعية بالانسان لا يمكن إنكارها .. هالرغبة هي ممكن تنشاف كطموح مشروع ضمن إطار السعي للاستطباب و حتى اللجوء لوسائل اصطناعية متل طفل الأنبوب .. بس لما هالرغبة بتبررلي استخدم جسم غيري و عواطفو و آدميتو -حتى لو كان هو موافق لأنه بحاجة للمصاري- فهون -و هاد رأيي بالنهاية- صار الموضوع شاذ شوي و خارج عن الطبيعة ...

حلو .. مازال العمدة عالترباية معناها منرجع لفكرة انو التبني هو الحل و بلاها هالدوخة كلا ..
خليه يتبنى و يعيش الأبوة و الأمومة متل ما بيحب .. و للي كان عم يحكي عن الإنسانية : التبني كلو إنسانية خاصةً أنك عم تنقذ طفل من مصير مجهول و غالباً أسود .. بس لاء ما بيمشي الحال بالتبني .. لازم يكون الولد من صلبي مشان يطلع بيشبهني (حلو و ذكي متلي :p) و شوف حالي فيه قدام الناس ...




التبني بصراحة ما عم شوف فرق كبير بينه وبين هي الحالة
الـ 2 في أم ولدت وفي شخص تاني حضن هلولد
وما عم حس في مشكلة بأنه الانسان يحس انه الطفل هاد بيحمل جيناته ومورثاته
يمكن للناس القادرة على الانجاب ما بتشكل فرق كبير .. بس عند البقية ممكن تشكل نقطة كتير ضرورية وحاجة ملحة بنفس الوقت أني شوف ابني اللي طبعه بيشبه طبعي .. شكله بيشبه شكلي .. عم يكبر قدامي
وما بعتقد الفكرة انه يشوف حاله قدام الناس ..

المشكلة عند كتير من الناس بتكمن بالرغبة الملحة في الخلق .. في انو يكون جسمه مبعث لحياة جديدة يمكن لأنه بيحس من خلال هالشي بأهميته في الحياة و هي غريزة طبيعية بالانسان لا يمكن إنكارها .. هالرغبة هي ممكن تنشاف كطموح مشروع ضمن إطار السعي للاستطباب و حتى اللجوء لوسائل اصطناعية متل طفل الأنبوب .. بس لما هالرغبة بتبررلي استخدم جسم غيري و عواطفو و آدميتو -حتى لو كان هو موافق لأنه بحاجة للمصاري- فهون -و هاد رأيي بالنهاية- صار الموضوع شاذ شوي و خارج عن الطبيعة ...

في حال ما نفعت الطرق التقليدية شو الحل ؟
أكتر المنظمات والعقائد تمسكا بفكرة الزواج وقدسية العلاقة بين الزوجين هية الكنسية .. ومع هلشي في حال وجود عقم عند التاني بتتساهل مع هلموقف وبتمنح قرار الطلاق .. فانه يعني ليش حتى نحن ما ندق كل البواب اللي ممكن واحد يدقها ؟

استخدام التاني وعواطفه ما بعتقد بدها تشكل نقاط محورية كتير ، اذا بدنا نفكر بالحياة الطبيعية بكل جزئية فيها بدنا نحس انه نوصل بكل نقطة فيها انها استغلال للإنسان وفكره وعواطفه
بالنهاية الشخص هاد ما عم يتم استغلاله بنظري لأنه حاطط حاله طرف بهي المعادلة ، وطالما هوي راضي عن الوضع معناها مافي أيا استغلال من أيا طرف للتاني
مع الذكر انه في حالات أبدا ما بكون في دافع مادي وراها وبكون فعل انساني بحت من باب تقديم المساعدة لأشخاص غير قادرين على النجاب ليقدروا يكملوا حياتن مع أطفال مربوطين وراثيا فين
:D

حلو .. مازال العمدة عالترباية معناها منرجع لفكرة انو التبني هو الحل و بلاها هالدوخة كلا ..
خليه يتبنى و يعيش الأبوة و الأمومة متل ما بيحب .. و للي كان عم يحكي عن الإنسانية : التبني كلو إنسانية خاصةً أنك عم تنقذ طفل من مصير مجهول و غالباً أسود .. بس لاء ما بيمشي الحال بالتبني .. لازم يكون الولد من صلبي مشان يطلع بيشبهني


لأ .. في فرق بالتبني..
ما بدي فوت كتير بالتفاصيل ..
بس نفسيا للولد ..
هي احسن ..
مشان ما كل ما صار شغلة يقول الولد انو لكن .. هادا لأنو انا ما ابنن ..

لألأ التبني شغلة معقدة ..

بس لما هالرغبة بتبررلي استخدم جسم غيري و عواطفو و آدميتو -حتى لو كان هو موافق لأنه بحاجة للمصاري- فهون -و هاد رأيي بالنهاية-

لا اله الا سعدو..
منرد منرجع لموضوع العواطف والحبشتكلشات هي ..
يا روحي يا عمري ..
بما انو الانسان موافق ..
فا .. عادي

ومع كامل" نجمي" احترامي لرأيك
صار الموضوع شاذ شوي و خارج عن الطبيعة ..
طيب ليش لأ .. ليش ما يكون خارج وشاذ عن الطبيعة .. ازا الاب او الام .. بالاساس هني شاذين عن الطبيعة .. او الطبيعة شاذّة عنن ..
وقت بتحرمن من حق الابوّة ..

يعني هي هية الفكرة ..:D
هق هق ما وصلت فكرتي
انا قصدي انو هل من الانساني بحق المرا الحاضنة انو تحضن الولد 9 شهور مجانا؟
يعني ع القليلة من باب الزوق مش اكتر المفروض يعطوها مصاري
كيف لو كانت هالمرا بتحللهم مشكلة كان حلها من ضرب المستحيلات و حلم بعيد
لو انا بدل هالاب و الام بدفع قد ما بقدر ازا قدرت تحللي مشكلتي
بكامل رضاها


لا الشغلة مانها انسانية لان دفعو للمخلوقة مصاري

و لكن لان صارت متاجرة و صار فيها استغلال و ابتزاز

و هاد الشي مو من عندي و لكن من واقعنا و القصص يلي حكالي ياها الدكتور يعني فعلا ما بتتصدق


ما بعرف ازا فهمت ردك صح
بس اللي فهمتو انو صايرة الشغلة متل مافيات و هيك :lol:
يعني ممكن الحاضنة تنغصب ع انها تحضن الولد
فساعتها بيختلف الحكي,, يعني هون رح قلك اني ضد
لانو ما فيهم يغصبو الحاضنة او اي انسان تاني ع اي شي بالدنيا
اما غير هيك انا لساتني عند رايّ !

وقت بيكون الأم ما عندا حليب وكانو حابين يرضعو الولد شو بيعملو :? كانو يجيبيلو مرضعة ؟ مو ؟
وكانت المرضعة كمان تصير " أم بالرضاعة ؟ مو ؟
يعني كانت تأجر صدرها ؟ مو ؟
ويصير علاقة بينها وبين الولد " لسى اكبر من علاقة الرحم "
شو الفرق هلق ؟

وحدة ما في رحم في مشكلة بالرحم ؟
يعني ليش وقت الرحم ما لازم يندفع حقو
والدماغ ، والصدر :lol: ، و العضلات ، و اللسان .. والافكار .. والفن

سؤال من وين جايب هي الأسئلة؟؟؟؟؟؟:?
من النقاش :D

6- هل تعتقد انه يجب أن تسمح في القانون كونها ممنوعة الأن ؟

المنع لن يثني الراغبين .. إذا انطلقنا من كونهم ميسورين و قادرين على دفع التكاليف الباهظة للحاضنة و المخابر ، فلن يستعصي عليهم السفر إلى الخارج لإتمام الموضوع ...


يعني لازم تدخل بالقانون او لا
يعني انو الظاهرة بوضعها الحالي سيئة جدا
فهل دخولها بالقانون ممكن؟
و هل هذا سيحل المشكلة ؟
أم يفتح علينا ابواب تشريعية جديدة؟

- هل تعتبر ان التبني يكون أفضل ؟
طبعا لاء

طيب مدام الاهل مو تعبانين بالولادة و لامتعذبين بشي فليش ما يفكروا بأنسانية اكتر و يساعدوا
ألاف الاشخاص يلي ما عندهم اهل؟؟؟؟؟؟؟؟؟؟

و بالخير الفكرتين قريبتين

- هل تعتبر ان التبني يكون أفضل ؟
طبعا لاء

طيب مدام الاهل مو تعبانين بالولادة و لامتعذبين بشي فليش ما يفكروا بأنسانية اكتر و يساعدوا
ألاف الاشخاص يلي ما عندهم اهل؟؟؟؟؟؟؟؟؟؟

و الفكرتين قريبتين

- هل تعتبر ان التبني يكون أفضل ؟
طبعا لاء

طيب مدام الاهل مو تعبانين بالولادة و لامتعذبين بشي فليش ما يفكروا بأنسانية اكتر و يساعدوا
ألاف الاشخاص يلي ما عندهم اهل؟؟؟؟؟؟؟؟؟؟

و الفكرتين قريبتين

ما في انقاص للقيمة الانسانية للانسان .. بما انو الطرفين موافقين

يعني من مبدأ انو القعد هو شريعة المتعاقدين فيما عدا ذلك يهمل!!!!!



اكيد لأ .. والاهم انو يكون هاد شرط اللي بدو يدفع

؟؟؟؟؟؟ انا هي ما فهمتها عليك
يعني انو شلون ممكن ينحط كشرط

و ضحلنا اكتر حبيب :D

:shock:ماديّة بحتة!!؟..ما فهمت..فيك تشرحلي أشو الشي المادي بوجهة نظري..
ولا اذا الشعور بالسعادة والأمل وعمل الخير بكون شي مادّي..بعتزر:D

لا يا معلم

طيب انا بدي اسألك هي المرأة يلي ولدة مارح تحس انو في شي عاش معها 9 أشهر و حسست فيه
:D

صدقا ما عم افهم شو الفكرة

الاعتراض على آلية الحمل من اشخاص معروفة هويتن ومعروف صاحب النطفة + البويضة ؟ بحد ذاتها دون وجود اي اعتبارات اخرى ؟

ولا مافي مشكلة بالفكرة بس المشكلة بوجود المبلغ المادي ؟

أو المشكلة بوجود "سمسرة" بالموضوع انه في اشخاص عم تعتاش على هلعملية ؟

وسؤال هيك علماشي مين هية الأم وشو تعريفها ؟
الأم هية الشخص اللي بربي .. ولا الشخص اللي بينجب ؟؟
والأب مين هوي ؟
الشخص اللي بساهم بتلقيح البويضة ولا هوي الشخصي اللي بربي هلطفل ..

خلونا شوي نفهم على بعض
انت برأيك الفكرة الاساسية هي شو ؟؟؟؟

يعني انت شو مع أو ضد

يعن اذا كنت بصنغها كمشكلة .......... ليش؟؟؟

و فرجينا شطارتك بالاتمتة يلي فوق:lol:

المشكلة عند كتير من الناس بتكمن بالرغبة الملحة في الخلق .. في انو يكون جسمه مبعث لحياة جديدة يمكن لأنه بيحس من خلال هالشي بأهميته في الحياة و هي غريزة طبيعية بالانسان لا يمكن إنكارها .. هالرغبة هي ممكن تنشاف كطموح مشروع ضمن إطار السعي للاستطباب و حتى اللجوء لوسائل اصطناعية متل طفل الأنبوب .. بس لما هالرغبة بتبررلي استخدم جسم غيري و عواطفو و آدميتو -حتى لو كان هو موافق لأنه بحاجة للمصاري- فهون -و هاد رأيي بالنهاية- صار الموضوع شاذ شوي و خارج عن الطبيعة ...




طيب أذا في حل لمشكلتي المستعصية و هاد الحل ممكن يحل مشاكل كتير بالنسبة الي
و ممكن يغير حياتي

ما بروح عليه؟؟؟

و لاتنسي انو العلاقة اتفاق يعني الشخص المستقبل موافق ضمن الشروط المنصوصة بالعقد و الي بتحميه
و بتصونة
بس لابتزاز الاكبر عم يصير على الاشخاص الراغبين بالولد!!!!!!!!!!!!!!

طيب انا بدي اسألك هي المرأة يلي ولدة مارح تحس انو في شي عاش معها 9 أشهر و حسست فيه
:D

عن جد الله يعينها...
يعني بلا تشابيه : وقت منجيب قطه مثلاً ع البيت ومنربيها وبعد 9 شهور بتروح شو رح يكون شعورنا؟؟؟ هي القطة بقى كيف هالمرأة وابنها يلي طول هالتسعة شعور ببطنها؟؟

وتكملة السؤال: هالطفل بعد كم سنة لما يعرف الحقيقة بشو رح يحس.. مارح يقول بده يشوف امه يلي حملت فيه وليش تركته حتى لو هو مو منها فعليا بس هي اكلت وشربت وطلعت ع حالها لحتى كبر وصار جاهز للولادة؟؟؟؟

وقت بيكون الأم ما عندا حليب وكانو حابين يرضعو الولد شو بيعملو :? كانو يجيبيلو مرضعة ؟ مو ؟
وكانت المرضعة كمان تصير " أم بالرضاعة ؟ مو ؟
يعني كانت تأجر صدرها ؟ مو ؟
ويصير علاقة بينها وبين الولد " لسى اكبر من علاقة الرحم "
شو الفرق هلق ؟

وحدة ما في رحم في مشكلة بالرحم ؟
يعني ليش وقت الرحم ما لازم يندفع حقو
والدماغ ، والصدر :lol: ، و العضلات ، و اللسان .. والافكار .. والفن



حلو كتير منك

فتحتي علينا باب جديد :lol:

هق هق ما وصلت فكرتي
انا قصدي انو هل من الانساني بحق المرا الحاضنة انو تحضن الولد 9 شهور مجانا؟
يعني ع القليلة من باب الزوق مش اكتر المفروض يعطوها مصاري
كيف لو كانت هالمرا بتحللهم مشكلة كان حلها من ضرب المستحيلات و حلم بعيد
لو انا بدل هالاب و الام بدفع قد ما بقدر ازا قدرت تحللي مشكلتي
بكامل رضاها



ما بعرف ازا فهمت ردك صح
بس اللي فهمتو انو صايرة الشغلة متل مافيات و هيك :lol:
يعني ممكن الحاضنة تنغصب ع انها تحضن الولد
فساعتها بيختلف الحكي,, يعني هون رح قلك اني ضد
لانو ما فيهم يغصبو الحاضنة او اي انسان تاني ع اي شي بالدنيا
اما غير هيك انا لساتني عند رايّ !
تمام بتبقى الشغلة بالأخير وجهة نظر

و يعني صارت المشكلة الأساسية هي ليست بالمبدأ أو طبيعة الأتفاق

و لكن في الابتزاز و الأستغلال الذي يحدث
:D

استخدام التاني وعواطفه ما بعتقد بدها تشكل نقاط محورية كتير ، اذا بدنا نفكر بالحياة الطبيعية بكل جزئية فيها بدنا نحس انه نوصل بكل نقطة فيها انها استغلال للإنسان وفكره وعواطفه
بالنهاية الشخص هاد ما عم يتم استغلاله بنظري لأنه حاطط حاله طرف بهي المعادلة ، وطالما هوي راضي عن الوضع معناها مافي أيا استغلال من أيا طرف للتاني

طيب و بيع الأعضاء ؟.. بزمانكن سمعتوا عن حدا شاحطينو عالمشفى بالإكراه مشان يبيع كلوته مثلاً .. كمان الناس اللي عم تبيع أعضاءها عم تعمل هالشي برضاها ، و مع هيك بيع الأعضاء ممنوع و مصنف من قبل المنظمات الدولية كعمل استغلالي و لاإنساني .. و بالمقابل نفس المنظمات الدولية و جمعيات حقوق الإنسان بتشجع و بشدة على التبرع بالأعضاء أو وهبها مباشرةً بعد الموت .. يمكن بالنهاية النتيجة وحدة بس الفرق شاسع بالجانب الإنساني بين هي و هديك ...


مع الذكر انه في حالات أبدا ما بكون في دافع مادي وراها وبكون فعل انساني بحت من باب تقديم المساعدة لأشخاص غير قادرين على النجاب ليقدروا يكملوا حياتن مع أطفال مربوطين وراثيا فين
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


هون أنا معك .. و رح وضحلك فكرتي أكتر مشان ما تقلي ما عم بفهم وين المشكلة و شو الطرنيب و مدري شو :
أنا الشغلة كلها بشوفها غريبة .. بس لما انحكى عن أول حالة لتأجير الأرحام كانت -متل ما قالت وايت روز قبل شوي- أخت حملت بدل أختها الجنين الملقح خارجياً للزوجين الغير قادرين على الإنجاب .. هون فيني أتقبل الموضوع بسهولة كونه 100% إنساني (متل الأخ اللي بيتبرع بكلوته لأخوه بدافع محبة و رغبة في الإنقاذ) و حتى بعد الإنجاب المحتضنة بهيك حالة قادرة تحافظ على علاقة مع الطفل بحكم انو قريبها ، يعني مو هاتي الولد و خدي مصرياتك و أحطي ..
:D


لا اله الا سعدو..
منرد منرجع لموضوع العواطف والحبشتكلشات هي ..
يا روحي يا عمري ..
بما انو الانسان موافق ..
فا .. عادي


إذا بتريد ما في داعي للتهكم و المسخرة .. أنا حكيت رأيي و من حقك ما توافقني عليه بس بلاها هي لهجة تسخيف أفكار الغير ...

إذا الانسان موافق عادي برأيك ؟؟
طيب تعا لقلك .. أنا مرتبكة جريمة و ما بدي فوت عالحبس و أنت محتاج مصاري .. بقى بلبسك الجريمة الك و أنت اللي بتنحبس بدالي و بتاخد حق سجنك .. و هيك بتكون نفعت و استنفعت .. شلوني معك ؟؟!
بدك تقلي هي مو متل هي بقلك اي صح .. بس أنا عطيت هالمثال مشان وصل فكرة انو مو كل عقد بيقبلوا فيه الأطراف المعنية هو عقد سليم و مقبول إنسانياً .. و على فكرة المرأة عند كل حمل و ولادة معرضة -بنسب متفاوتة- لآثار جانبية عديدة ممكن توصل للموت .. يعني تأجير الرحم مو متل تأجير الصدر و الفن و الأفكار و العضلات متل ما قالت بترفلاي ..
:D

اكيد لأ .. والاهم انو يكون هاد شرط اللي بدو يدفع

؟؟؟؟؟؟ انا هي ما فهمتها عليك
يعني انو شلون ممكن ينحط كشرط
و ضحلنا اكتر حبيب :D

يعني هيك :


هاتي الولد و خدي مصرياتك و أحطي ..