وصف ناشط سوري معتقل الانتخابات اللبنانية بأنها "عرس ديمقراطي"، ودعا السوريين إلى دراسة هذه التجربة من أجل "رفع نسبة الوعي بالديمقراطية" في سورية.

وقال علي العبد الله، عضو الأمانة العامة لتجمع إعلان دمشق للتغيير الوطني المعارض "أهنئ الشعب اللبناني الشقيق على نجاحه في الانتخابات البرلمانية، التي تحولت بفعل الممارسة السلسة لحق التصويت والقبول بنتائج المباراة الديمقراطية إلى عرس ديمقراطي، وأنحني لوعي اللبنانيين الوطني والديمقراطي" وفق تعبيره.

.وكالة الأنباء الأيطالية

.................................................. .


هامش : كنت ناوي اذكر كلام عضو الأمانة لأعلان دمشق يلي هو مسجون مع ابنو بسوريا بموضوع المنبر ..بس تفاجأت انو الموضوع مغلق ..على اي حال ..كلام الأستاذ علي العبد الله بيعطي فكرة انو الأستفادة من الأنتخابات اللبنانية لنزيد وعينا بشي اسمو ديمقراطية مانو كفر ولازندقة

هدا كان كل شي حبيت قولو ...و ماشي ,,,قصرناها للسيرة ..

الديمقراطية فعلاً هي شيء جيد، ولكن رجاءً لا يضحك أحد علينا بتسمية ما جرى في لبنان انتخابات ديمقراطية، ففي النهاية فازت المعارضة ب 54% من الأصوات وخسرت، وفازت الموالاة ب 45% من الأصوات وربحت!!! باٌضافة إلى قانون انتخابات عجيب غريب لا يمت إلى الديمقراطية بصلة، والرشاوى العلنية والتهديدات، والتجييش الطائفي. أنا أعيش في لبنان وما أقوله ليس ترداداً لأخبار الصحف أو المحطات التلفزيونية وأنما ما رأيته بعيني أثناء الانتخابات، لذلك رجاءً فليبحث السوريون عن تجربتهم الديمقراطية ويبنوها بأنفسهم ولكن ليس على النموذج اللبناني المعتمد فقط على البروباغاندا.

الديمقراطية فعلاً هي شيء جيد، ولكن رجاءً لا يضحك أحد علينا بتسمية ما جرى في لبنان انتخابات ديمقراطية، ففي النهاية فازت المعارضة ب 54% من الأصوات وخسرت، وفازت الموالاة ب 45% من الأصوات وربحت!!! باٌضافة إلى قانون انتخابات عجيب غريب لا يمت إلى الديمقراطية بصلة، والرشاوى العلنية والتهديدات، والتجييش الطائفي. أنا أعيش في لبنان وما أقوله ليس ترداداً لأخبار الصحف أو المحطات التلفزيونية وأنما ما رأيته بعيني أثناء الانتخابات، لذلك رجاءً فليبحث السوريون عن تجربتهم الديمقراطية ويبنوها بأنفسهم ولكن ليس على النموذج اللبناني المعتمد فقط على البروباغاندا.



اسف اذا كان سؤالي شخصي ...حضرتك سوري و عايش بلبنان ..او لبناني ...اذا حضرتك سوري ...ما فيني احكي شي ..هي بتبقى وجهة نظرك متل وجهة نظر كتيير من السوريين هون ...و اذا لبناني ...بحب قول انو من الأحرى تترك المعارضة تبعيتها للنظام السوري ...قبل ما نتكلم عن البروباغاندا ..او قانون الأنتخاب ...لأنو برأيي..التبعية هي ..كانت سبب الخسارة

و شكرا

بل ما نتكلم عن البروباغاندا ..او قانون الأنتخاب ...لأنو برأيي..التبعية هي ..كانت سبب الخسارة متاكد ؟؟؟؟؟

حلو المزج بين الديمقراطية والطائفية
فعلا شي حلو هالتجربة بهنيون كيف قادرين يكونو ديمقراطيين والطائفة هيي يلي بتحركون
ديمقراطية ياعمي يتهنو

انا مع دراسة التجربة اللبنانية .. مو من باب تقليدا او ايجاد صيغة مشابهة الها
من باب التعلم من التعفيس الصاير فيها

النموذج اللبناني فريد من نوعه
بيعتمد على الطائفية بشكل اساسي لدرجة انه بدل ما يتحرر من الطائفية وينتقل لنموذج المواطنة منشوفه عم يشتغل على مفهوم الطائفية اكتر من المفهوم الديمقراطي

آخر الخلطات اللبنانية الطائفية وآخر التحديثات شفناه بالانتخابات الاخيرة وقت مصير فوز النائب " المسيحي " من عدمه معتمد على معدل الاصوات اللي رح يحصل عليها من الناخب "المسلم " كون المسيحيين منقسمين سياسيا وصوتن غير محسوم

ونعم التطوير ونعم الديمقراطية ..

برأي الشخصي المتواضع..يلي صار بلبنان شي كتير عظيم وبهنين من كل إلبي..
انتخابات حرة..مرئت بدون مشاكل امنية..بدون عنف.. اظهرو مستوى حضاري بالانتخاب..وهني يلي ميطلعو من حرب ميفتو بلي بعدها.. شي عظيم فعلا..بهنيين..

بس ابدا ما بظن انو الديمقراطية بلبنان مثل يحتذا فيه..ما بتصير مثل يحتذا فيه حتى يصير في بلبنان رجال سياسي..
وحاليا بلبنان.. مافي غير رجال الحرب ورجال الدين.

هلق انو الديمقراطية الللبنانية مليانة عيوب هي ما بيختلفو عليها اتنين, وانو لبنان صاير بسبب طبيعتو الطائفية شبه بلد كمان مظبوط وانو هالديمقراطية تبعن مو خرج تكون مثال يحتذى به صح

بس بتخيل لو واحد لبناني شافنا عم نتمسخر على ديمقراطيتو رح يقلب على ضهرو من الضحك

بلد من 1963 ما صار فيها ولامرة انتخاب لبرلمان حر, ولامرة انتخاب حقيقي لرئيس الدولة , بلد ما بتعرف اي نوع من انواع حرية الاعلام او حرية التعبير
ومع هيك منقعد نتمسخر على اللي حوالينا, يعني متل الاعمى اللي عم يضحك على الاعور

وين الديقراطية يلي الصوت فيها ب 150 دولار او شو مكان الرقم يكون؟


اللبنانيين يلي عايشين بسوريا قسم منهون انتخب للمعارضة وقسم انتخب الموالاة
يلي انتخب الموالاة رجع و بجيبتو 150 دولار
تقريبا راتب شهر

هي ديمقراطية هي:o:o:o

بس بتخيل لو واحد لبناني شافنا عم نتمسخر على ديمقراطيتو رح يقلب على ضهرو من الضحك

بلد من 1963 ما صار فيها ولامرة انتخاب لبرلمان حر, ولامرة انتخاب حقيقي لرئيس الدولة , بلد ما بتعرف اي نوع من انواع حرية الاعلام او حرية التعبير
ومع هيك منقعد نتمسخر على اللي حوالينا, يعني متل الاعمى اللي عم يضحك على الاعور


هاد كلام صحيح و ما نختلف عليه

أخي أنا ما بعرف ليش عم ينفهم كلامي انو نحنا أحسن أو هيك شي... فقط و فقط عم قول انو النموذج مانو قدوة, و سياسيين لبنان مانو لا قدوة و لا رمز لشي أبداً !

بعتقد مالو علاقة قصة بالتانية يعني... قصدي انو الجزء المقتبس فوق لا يتناقض مع:


هلق انو الديمقراطية الللبنانية مليانة عيوب هي ما بيختلفو عليها اتنين, وانو لبنان صاير بسبب طبيعتو الطائفية شبه بلد كمان مظبوط وانو هالديمقراطية تبعن مو خرج تكون مثال يحتذى به صح


قصدي اللي بالأحمر... نحنا لازمنا نتعلّم, مزبوط ما منختلف, بس نروح نتعلّم من المزبوط, او نخلق تجربة مبنية على قدوة أو مثل أو شو ما كان.... مزبوط, مو نروح نقتدي بلبنان!


يعني بالنهاية بعتقد حكينا متوافق مع بعضو لو بس مقتبس حكييك و كاتب "أنا معك" كان وفرنا كوم حكي :lol:

وين الديقراطية يلي الصوت فيها ب 150 دولار او شو مكان الرقم يكون؟


اللبنانيين يلي عايشين بسوريا قسم منهون انتخب للمعارضة وقسم انتخب الموالاة
يلي انتخب الموالاة رجع و بجيبتو 150 دولار
تقريبا راتب شهر

هي ديمقراطية هي:o:o:o

طيب معك انو هي مو ديمقراطية

معلش تشرحلي شو هي الديمقراطية لكن؟؟

طيب معك انو هي مو ديمقراطية

معلش تشرحلي شو هي الديمقراطية لكن؟؟
مو القصة قصة شراء أصوات لأن دائما في تشكيك بصحة الانتخابات من الجهة الخاسرة ودائما نظرية المؤامرة حاضرة وين ما كان .. واذا منتذكر بانتخابات بوش الأولى اذا ماني غلطان تم اعادة فرز الأصوات بعد إعلان النتائج بسبب التشكيك بصحة الأرقام

مو هاد حيكنا ومو هاد اللي عم نعلق عليه
القصة قصة الديمقراطية المبنية على الطائفية شو رح يكون السقف تبعها ؟
مع أول تصادم آراء رح ترجع الطائفية للسطح وهلشي شفناه بصورة مباشرة وبغير مباشرة بأكتر من مرة بتاريخ لبنان الحديث

بس مع هلشي مو غلط واحد يتطلع على تجارب البقية
بالنهاية التجربة اللبنانية فيها نقاط ايجابية ممكن نستفيد منها -إذا- مع الأيام صار مشروع مشابه للحكومة اللبنانية

اذا بتسمحو الي شارك على استحياء مشاركة رمزية

العالم بتسأل عن الديموقراطية (الديموقراطية هي حكم الشعب )
بالنسبة للانتخابات : الديموقراطية بالانتخابات انو لما يكون بدك تعطي صوتك لمرشح ما ، صوتك يروح الو بدون اي تلاعب او منع وهاد صار بالانتخابات اللبنانية ، ليش مابدكون تقتعو انها كانت انتخابات ديموقراطية !!!؟

مشان التجييش اللي صار وحشد الاصوات ؟ مشان الدعوات الطائفية اللي كانت موجودة ؟ مشان بعض الدوائر تم شراء اصوات فيها ؟؟ والى اخره ؟ كل هاي تحفظات على التجربة واشياء سلبية بس بالنهاية كل انسان عطى صوتو لمرشح بالفعل وصل الصوت الو وهاي بحد ذاتها انجاز صعب تحقيقة بغالبية الدول العربية .

لا اريد الخروج عن فكرة الموضوع الرئيسية كثيرا بس مايحدث بباقي الدول العربية بعيد تمام في اغلب الاحيان عن الديموقراطية ، فصوتك لايذهب لمن تعطيه له بل يذهب لمرشح الحزب الحاكم بل يحدث ما هو اكثر من ذلك لقد امنت تماما ان الاحزاب الحاكمة تحيي وتميت مثلما يفعل الله
فتجد اصوات الاموات داخل صناديق الاقتراع فتقف مذهولا امام عظمة تلك الاحزاب فلقد وصلت قدرتها الى حد بعث الموتى من جديد واصوات الاخياء الذين اعطو اصواتهم لمرشحين من خارج الاحزاب الحاكمة يقومون بقتلها وخنقها .

اللبنانيون سيتعلمون من اخطائهم وسيتعلمون من تجربتهم ولاشك في ذلك ، لا تولد الشعوب على افضل نحو وصورة بل تسعى جاهدة للوصول الى تلك الصورة عبر التعلم من اخطائها بالتجارب السابقة .

بس مع هلشي مو غلط واحد يتطلع على تجارب البقية
بالنهاية التجربة اللبنانية فيها نقاط ايجابية ممكن نستفيد منها -إذا- مع الأيام صار مشروع مشابه للحكومة اللبنانية

ما هو هدا انا اللي عم قولوا, مهما كانت التجربة اللبنانية فيها عيوب فبالنسبة لالنا تعتبر تجربة قابلة للتحليل و اخذ العبر منها

مو نقعد نتمسخر علين متل ما شفت البعض عم يعمل, ونحني ما عنا اصلا شي اسمو ديمقراطية

هاد كلام صحيح و ما نختلف عليه



يعني بالنهاية بعتقد حكينا متوافق مع بعضو لو بس مقتبس حكييك و كاتب "أنا معك" كان وفرنا كوم حكي :lol:

يسعدني انو طلعنا متوافقين مع بعض :D

اللبنانيون سيتعلمون من اخطائهم وسيتعلمون من تجربتهم ولاشك في ذلك ، لا تولد الشعوب على افضل نحو وصورة بل تسعى جاهدة للوصول الى تلك الصورة عبر التعلم من اخطائها بالتجارب السابقة .
بالأول كنا عم نحكي على شو ممكن ناخد من التجربة اللبنانية بس هلق اختلف الحكي كتير
برأي الشخصي المسيرة اللبنانية على الخط هاد لازم تتوقف اليوم قبل بكرا لأن ما منها نتيجة بالمرة ..
الشعب اللبناني بحد ذاته يعتبر من أكتر العالم المتطورين فكريا وثقافيا ، بس المنوذج الديمقراطي المتبع حاليا بلبنان ما بيتوافق ابدا مع ثقافة ووعي الشعب اللبناني

خلينا بفكرة الانتخاب نفسا
على ايا اساس الرئيس اللبناني يجب ان يكون ماروني مثلا؟
على عيني الموارنة كلن بس يعني الله خلقن وكسر القالب ؟
يمكن .. لا ياسيدي مو يمكن .. أكيد في أشخاص من بقية الطوايف بيحملوا مؤهلات أكتر من المرشحين الموارنة وبيمتلكوا كفاءة لشغل هلمركز .. شو يعني لانه من غير طايفة ما عاد بحقله يترشح على هلشي ؟
يا عم ما هوي لبناني متله متل الرئيس الحالي الماروني
فالتشكيك بهلشي ممكن نسميه ديمقراطية وعدالة بالحكم ؟

السياسيين اللبنانيين طلعوا بشي اسمه اتفاق الطائف ومشيوا عليه على مبدأ انه الحل الوحيد للتعايش ولتهدأة الاوضاع ، لو سألنا حالنا بالاساس مين اللي شعل الاوضاع ومين اللي علق الطوايف ببعضا ؟
ما رح افتح ملف الحرب الاهلية لأن اذا انفتح ما رح يتسكر ..
بالنهاية الشعب اللبناني والوعي اللي بيحمله قادر وبجدارة على الخوض انتخابات ديمقراطية بكل معنى الكلمة بعيدا عن ايا صبغة طائفية .. القصة بهلكام سياسي اللي عم يضمن استمرارية وجوده عن طريق النزعة الطائفية .. النزعة اللي ضمنتلن مكانة سياسية ورتانها عن والده وعم يحاول بكل الوسائل يحافظ عليها ليضمن توريتها لابنه

بس يحلوا عن رب الشعب اللبناني هداك الوقت منشوف ديمقراطية بكل معنى الكلمة .

لا تواخذونا على الرد الطويل بس انحمئت وما بعرف كيف فلتوا اصابيعي علكتابة ( على مبدأ فلت لساني بالحكي )
:D

بالأول كنا عم نحكي على شو ممكن ناخد من التجربة اللبنانية بس هلق اختلف الحكي كتير
برأي الشخصي المسيرة اللبنانية على الخط هاد لازم تتوقف اليوم قبل بكرا لأن ما منها نتيجة بالمرة ..
الشعب اللبناني بحد ذاته يعتبر من أكتر العالم المتطورين فكريا وثقافيا ، بس النموذج الديمقراطي المتبع حاليا بلبنان ما بيتوافق ابدا مع ثقافة ووعي الشعب اللبناني
انا متفق معك بنقطة انو الشعب البناني متطور فكريا وثقافيا وهاد مو من هلئ باوائل القرن الماضي
بس الي تعقيب ، شعوب المنطقة المجاورة لايفصلها عن التطور الفكري والثقافي اللبناني فارق كبير او مدى بعيد على الاطلاق ، هي قريبة ولكن انظمة الحكم تحد من حريتها ومن انطلاقها وهذا شيئ جلي واضح شعوب المنطقة تحتاج الى فرصة حقيقية لتظهر مدى وعيها وثقافتها .

خلينا بفكرة الانتخاب نفسا
على ايا اساس الرئيس اللبناني يجب ان يكون ماروني ؟
على عيني الموارنة كلن بس يعني الله خلقن وكسر القالب ؟
يمكن .. لا ياسيدي مو يمكن .. أكيد في أشخاص بيحمل كفاءة من بقية الطوايف لشغل هلمركز .. شو يعني لانه من غير طايفة ما عاد بحقله يترشح على هلشي ؟
اللبنانيين ارتضو بهيك ، بهالصدد اود طرح رأيي الديموقراطية اللبنانية هي ديموقراطية توافقية (نوع من انواع الديموقراطية الغير كاملة من وجهة نظري) بس بالاخر ديموقراطية
اذا الاغلبية ارتضو انو يكون الرئيس ماروني ورئيس الوزراء سني ورئيس مجلس النواب شيعي فهاي ديموقراطية
لانو باي دولة بالعالم الديموقراطية انو يصير اللي بدو الاغلبية (بغض النظر عن كونو صح او خطأ) وهاي احد عيوب الديموقراطية بنظري ، هلئ لو 60% من الشعب اختارو رئيس جاهل غبي غير حاصل على اي مؤهلات دراسية ، هاد ديموقراطي وحقون بغض النظر عن صحتو او خطئو


لا تواخذونا على الرد الطويل بس انحمئت وما بعرف كيف فلتوا اصابيعي علكتابة ( على مبدأ فلت لساني بالحكي )
:D
محموء المليجي :lol:
ولايهمك ابو شريك
قدس الله يمناك

انا متفق معك بنقطة انو الشعب البناني متطور فكريا وثقافيا وهاد مو من هلئ باوائل القرن الماضي
بس الي تعقيب ، شعوب المنطقة المجاورة لايفصلها عن التطور الفكري والثقافي اللبناني فارق كبير او مدى بعيد على الاطلاق ، هي قريبة ولكن انظمة الحكم تحد من حريتها ومن انطلاقها وهذا شيئ جلي واضح شعوب المنطقة تحتاج الى فرصة حقيقية لتظهر مدى وعيها وثقافتها .


وقت عم نقول انه اللبنانية متطورين فكريا وثقافيا ما منكون أبدا عم نقلل من بقية الشعوب .. بس الواقع لازم ينحكا متل ما هوي مو متل ما نحن بدنا ياه
انا بشوف انه اللبنانية بحكم احتكاكن المباشر والمتكرر مع الغرب كون عنده ارضية فكرية ما بتلاقيها بغير المحلات
اللبناني قادر على انه يختار بموضوعية ويقيم بموضوعية اكتر من غيره
حاليا وبظل الطائفية بتلاقي اللبناني قادر على استيعاب الآخر بشكل غريب ، عم حاكيك شي عشته وشفته على ارض الواقع ولا تحسب دائما القادة بينقلوا صورة دقيقة للشعب ، اللبنانية فعليا مستوعبين فكريا على الأقل فكرة وجود الآخر والمشاركة باتخاذ القرار وهلشي صعب كتير تلاقيه ببقية دول المنطقة .


اللبنانيين ارتضو بهيك ، بهالصدد اود طرح رأيي الديموقراطية اللبنانية هي ديموقراطية توافقية (نوع من انواع الديموقراطية الغير كاملة من وجهة نظري) بس بالاخر ديموقراطية
اذا الاغلبية ارتضو انو يكون الرئيس ماروني ورئيس الوزراء سني ورئيس مجلس النواب شيعي فهاي ديموقراطية
لانو باي دولة بالعالم الديموقراطية انو يصير اللي بدو الاغلبية (بغض النظر عن كونو صح او خطأ) وهاي احد عيوب الديموقراطية بنظري ، هلئ لو 60% من الشعب اختارو رئيس جاهل غبي غير حاصل على اي مؤهلات دراسية ، هاد ديموقراطي وحقون بغض النظر عن صحتو او خطئو
اللبنانيون انجبروا على الارتضاء بهاد الشكل
السيناريو اللي تم اعتماده مافي منه مخرج غير باتفاق الطائف ، بس هاد ما بيعني بأن اللبنانيين يفترض يقولوا خلص انحلت الأوضاع وخلينا نرفع رجلينا ، الاحداث اللي عم اتدور حاليا بتاريخ لبنان الحديث عم تعمق بالشارع اللبناني فكرة ( شايف الشيعي كيف عم يدخل بالبلد بالحروب ؟! تعال صف معنا ) ( شايف السني كيف عم يتعمل بالغرب وبايع وطنيته ؟! تعال صف معنا ) وهلشي مو جديد ابدا .. مسرحية زياد الرحباني _ فيلم أميركي طويل _ بتحسها عم تحكي على احداث صارت امبارحة واليوم .. مو احداث صايرة بالتمانينات . برجع بقلك القادة عم تعزز هلفكر بالمجتمع اللبناني وانا عندي ثقة بأن الفكر اللبناني قادر على كسر كل الحواجز المحطوطة قدامه .



محموء المليجي :lol:
ولايهمك ابو شريك
قدس الله يمناك
ويمناك ويمناي :lol:
:D

\بالنهاية الشعب اللبناني والوعي اللي بيحمله قادر وبجدارة على الخوض انتخابات ديمقراطية بكل معنى الكلمة بعيدا عن ايا صبغة طائفية ..
:D

طيب إذا بتسمحولي أطرح السؤال التالي يا ترى الشعب السوري لو كان قدامه انتخابات حرة وبدون ضوابط ولا كوته لمجلس الشعب مثلاً ممكن تطلع نفس نسبة النساء يلي عم نشوفها حاليا ممكن تطلع نفس نسب الطوائف يلي عم تطلع أنا ما عم دافع عن التمثيل الطائفي بس بقصد إنو هل المواطن السوري عندو الوعي لينتخب المشروع مو الشخص يعني ما ينتخب ابن بلدو لمجرد إنو ابن بلدو أو ينتخب ابن طايفتو خصوصا إنو بسوريا ما في توازن طائفي يعني رح يكون المجلس بصبغة واحدة وكلو ذكور في تجارب صارت بادارات محددة وأثبتت هاد الأمر وبيبقى قدامنا الحل التاني نظام المقاعد ع أساس الطوائف وبالتالي بدل ما نقضي على المشكلة منعززها ومنشرعنا ومنوقع بمشكلة عدم وجود توازن عددي طائفي.

برأي ينقصنا الوعي السياسي لممارسة الانتخاب وطبعا هاد الأمر ما بتوقع مسؤليته على الشعب فقط لأن التجربة الانتخابية بعد الاستقلال كانت ماشية باتجاه محدد بس للأسف ما تطورت ووصلنا للتردي الحالي.

محمد ابراهيم

العالم بتسأل عن الديموقراطية (الديموقراطية هي حكم الشعب )
بالنسبة للانتخابات : الديموقراطية بالانتخابات انو لما يكون بدك تعطي صوتك لمرشح ما ، صوتك يروح الو بدون اي تلاعب او منع وهاد صار بالانتخابات اللبنانية ، ليش مابدكون تقتعو انها كانت انتخابات ديموقراطية !!!؟

كلام سليم مية بالمية و مشان موضوع بعض الوسائل يلي اتبعها المرشحين لاأستمالة الرأي اللبناني من شحن طائفي لأموال..لغيرو ,,كل هيك حالات بتصير بكل الدول الديمقراطية ...يعني شوفو الأنتخابات بأمريكا و فرنسا و بريطانية و الشحن يلي بصير بسبب العرق او الدين ..حتى انو بتشوفها واضحة ...يعني كان في مرشح جمهوري للأنتخابات الفرعية للحزب الجمهوري بأمريكا لتسمية مرشح الرئاسي عن الحزب خسر بشكل واضح بس لأنو من الطائفة المرمونية و المرشحين الأخرين حذرو من انتخابو بس لأنو مرموني ,,,بس بنفس الوقت ..ما فينا نقول انو متل هيك بلدان ما فيها ديمقراطية! ....كل الممارسات يلي انذكرت تدرج بسياق ممارسة اللعبة الديمقراطية

اللبنانيون سيتعلمون من اخطائهم وسيتعلمون من تجربتهم ولاشك في ذلك ، لا تولد الشعوب على افضل نحو وصورة بل تسعى جاهدة للوصول الى تلك الصورة عبر التعلم من اخطائها بالتجارب السابقة .

و انا بدي احسد اللبنانين على الشي هاد ....وضعو رجلون بالطريق الصحيح ,,,و عقبال الدول العربية كلها

عياش

طيب إذا بتسمحولي أطرح السؤال التالي يا ترى الشعب السوري لو كان قدامه انتخابات حرة وبدون ضوابط ولا كوته لمجلس الشعب مثلاً ممكن تطلع نفس نسبة النساء يلي عم نشوفها حاليا ممكن تطلع نفس نسب الطوائف يلي عم تطلع أنا ما عم دافع عن التمثيل الطائفي بس بقصد إنو هل المواطن السوري عندو الوعي لينتخب المشروع مو الشخص يعني ما ينتخب ابن بلدو لمجرد إنو ابن بلدو أو ينتخب ابن طايفتو خصوصا إنو بسوريا ما في توازن طائفي يعني رح يكون المجلس بصبغة واحدة وكلو ذكور في تجارب صارت بادارات محددة وأثبتت هاد الأمر وبيبقى قدامنا الحل التاني نظام المقاعد ع أساس الطوائف وبالتالي بدل ما نقضي على المشكلة منعززها ومنشرعنا ومنوقع بمشكلة عدم وجود توازن عددي طائفي.

برأي ينقصنا الوعي السياسي لممارسة الانتخاب وطبعا هاد الأمر ما بتوقع مسؤليته على الشعب فقط لأن التجربة الانتخابية بعد الاستقلال كانت ماشية باتجاه محدد بس للأسف ما تطورت ووصلنا للتردي الحالي.

المقاربة هي انا كتير مقتنع فيها ...يعني بدون محاصصة طائفية لازم الفئة الأكبر توضع ايدها على كامل مؤسّسات الدولة ...يعني ..الشيعة بلبنان ,,و السنة بسوريا ..و باقي فئات الشعب بحكم انها اقليات فما لازم يكون الها تمثيل !!....خصوصا انو نحنا بسوريا بعد سبعين عام من الحكم العسكري الناس لازم تنتخب بوعي و تجرد عن الأنتماء الطائفي ...

انا برأيي انو ناخود المحاصصة الطائفية متل لبنان و نطبقها عشرين سنة بين ما تزيد ثقافة شعبنا ...وقتها على حسب التغيير يلي بيصير بعقليتنا منعمل قانون انتخاب جديد ..

الدستور بيتغير و بتنسحب صلاحيات الرئيس المطلقة و بينعطى قسم منها لمجلس الشعب و قسم اخر للحكومة ..و منقبل برئيس سني ..و رئيس حكومة مسيحي ..و رئيس مجلس شعب علوي..او مناخود بمبدأ المداولة ,,يعني مرة لازم يكون رئيس سني ,,و مرة تانية مسيحي و مرة تالتة علوي ,,,..هيك شغلة عشرين سنة و بعدين منلغي القانون هاد و منجيب قانون ارقى منو و منطبقو عشرين سنة تانية و بعدين منحسنو ,,حتى اخر شي نخلص من ترسبات الطائفية و العرقية

محمد ابراهيم

العالم بتسأل عن الديموقراطية (الديموقراطية هي حكم الشعب )
بالنسبة للانتخابات : الديموقراطية بالانتخابات انو لما يكون بدك تعطي صوتك لمرشح ما ، صوتك يروح الو بدون اي تلاعب او منع وهاد صار بالانتخابات اللبنانية ، ليش مابدكون تقتعو انها كانت انتخابات ديموقراطية !!!؟

كلام سليم مية بالمية و مشان موضوع بعض الوسائل يلي اتبعها المرشحين لاأستمالة الرأي اللبناني من شحن طائفي لأموال..لغيرو ,,كل هيك حالات بتصير بكل الدول الديمقراطية ...يعني شوفو الأنتخابات بأمريكا و فرنسا و بريطانية و الشحن يلي بصير بسبب العرق او الدين ..حتى انو بتشوفها واضحة ...يعني كان في مرشح جمهوري للأنتخابات الفرعية للحزب الجمهوري بأمريكا لتسمية مرشح الرئاسي عن الحزب خسر بشكل واضح بس لأنو من الطائفة المرمونية و المرشحين الأخرين حذرو من انتخابو بس لأنو مرموني ,,,بس بنفس الوقت ..ما فينا نقول انو متل هيك بلدان ما فيها ديمقراطية! ....كل الممارسات يلي انذكرت تدرج بسياق ممارسة اللعبة الديمقراطية

اللبنانيون سيتعلمون من اخطائهم وسيتعلمون من تجربتهم ولاشك في ذلك ، لا تولد الشعوب على افضل نحو وصورة بل تسعى جاهدة للوصول الى تلك الصورة عبر التعلم من اخطائها بالتجارب السابقة .

و انا بدي احسد اللبنانين على الشي هاد ....وضعو رجلون بالطريق الصحيح ,,,و عقبال الدول العربية كلها

عياش

طيب إذا بتسمحولي أطرح السؤال التالي يا ترى الشعب السوري لو كان قدامه انتخابات حرة وبدون ضوابط ولا كوته لمجلس الشعب مثلاً ممكن تطلع نفس نسبة النساء يلي عم نشوفها حاليا ممكن تطلع نفس نسب الطوائف يلي عم تطلع أنا ما عم دافع عن التمثيل الطائفي بس بقصد إنو هل المواطن السوري عندو الوعي لينتخب المشروع مو الشخص يعني ما ينتخب ابن بلدو لمجرد إنو ابن بلدو أو ينتخب ابن طايفتو خصوصا إنو بسوريا ما في توازن طائفي يعني رح يكون المجلس بصبغة واحدة وكلو ذكور في تجارب صارت بادارات محددة وأثبتت هاد الأمر وبيبقى قدامنا الحل التاني نظام المقاعد ع أساس الطوائف وبالتالي بدل ما نقضي على المشكلة منعززها ومنشرعنا ومنوقع بمشكلة عدم وجود توازن عددي طائفي.

برأي ينقصنا الوعي السياسي لممارسة الانتخاب وطبعا هاد الأمر ما بتوقع مسؤليته على الشعب فقط لأن التجربة الانتخابية بعد الاستقلال كانت ماشية باتجاه محدد بس للأسف ما تطورت ووصلنا للتردي الحالي.

المقاربة هي انا كتير مقتنع فيها ...يعني بدون محاصصة طائفية لازم الفئة الأكبر توضع ايدها على كامل مؤسّسات الدولة ...يعني ..الشيعة بلبنان ,,و السنة بسوريا ..و باقي فئات الشعب بحكم انها اقليات فما لازم يكون الها تمثيل !!....خصوصا انو نحنا بسوريا بعد سبعين عام من الحكم العسكري الناس لازم تنتخب بوعي و تجرد عن الأنتماء الطائفي ...!!!!

انا برأيي انو ناخود المحاصصة الطائفية متل لبنان و نطبقها عشرين سنة بين ما تزيد ثقافة شعبنا ...وقتها على حسب التغيير يلي بيصير بعقليتنا منعمل قانون انتخاب جديد ..

الدستور بيتغير و بتنسحب صلاحيات الرئيس المطلقة و بينعطى قسم منها لمجلس الشعب و قسم اخر للحكومة ..و منقبل برئيس سني ..و رئيس حكومة مسيحي ..و رئيس مجلس شعب علوي..او مناخود بمبدأ المداولة ,,يعني مرة لازم يكون رئيس سني ,,و مرة تانية مسيحي و مرة تالتة علوي ,,,..هيك شغلة عشرين سنة و بعدين منلغي القانون هاد و منجيب قانون ارقى منو و منطبقو عشرين سنة تانية و بعدين منحسنو ,,حتى اخر شي نخلص من ترسبات الطائفية و العرقية

طيب إذا بتسمحولي أطرح السؤال التالي يا ترى الشعب السوري لو كان قدامه انتخابات حرة وبدون ضوابط ولا كوته لمجلس الشعب مثلاً ممكن تطلع نفس نسبة النساء يلي عم نشوفها حاليا ممكن تطلع نفس نسب الطوائف يلي عم تطلع أنا ما عم دافع عن التمثيل الطائفي بس بقصد إنو هل المواطن السوري عندو الوعي لينتخب المشروع مو الشخص يعني ما ينتخب ابن بلدو لمجرد إنو ابن بلدو أو ينتخب ابن طايفتو خصوصا إنو بسوريا ما في توازن طائفي يعني رح يكون المجلس بصبغة واحدة وكلو ذكور في تجارب صارت بادارات محددة وأثبتت هاد الأمر وبيبقى قدامنا الحل التاني نظام المقاعد ع أساس الطوائف وبالتالي بدل ما نقضي على المشكلة منعززها ومنشرعنا ومنوقع بمشكلة عدم وجود توازن عددي طائفي.

برأي ينقصنا الوعي السياسي لممارسة الانتخاب وطبعا هاد الأمر ما بتوقع مسؤليته على الشعب فقط لأن التجربة الانتخابية بعد الاستقلال كانت ماشية باتجاه محدد بس للأسف ما تطورت ووصلنا للتردي الحالي.

أكيد الشعب السوري حاليا ما عندو اي وعي سياسي ولا رح يقدر ينتخب المشروع الصح مبدئيا والسبب واضح وهو 40 سنة من الدكتاتورية ونظام الحزب الواحد والقمع الذي قتل كل ذرة وعي في عقول السوريين وأصابهم بالسياسة فوبيا ولكن هادا الشي مع الزمن وخلال فترة انتقالية قد تدوم سنتين وقد تدوم عشرة سنين بعد الخلاص من الديكتاتورية ممكن نتجاوزوا ويوصل لمرحلة الوعي السياسي.

يعني على سبيل المثال اذا بنطلع على العراق بنلاقي انو بأول انتخابات بعد التحرير من نظام صدام حسين انتخبوا الطائفية والمعممين من قائمة عبد العزيز الحكيم اللي كان فيها كمان المالكي, ولكن عند تولي السيد نوري المالكي رئاسة الوزراء واتباعه سياسة ليبرالية وطنية غير طائفية بالرغم من انه زعيم حزب اسلامي فإن الشعب في الانتخابات التالية انتخبه بفارق كبير عن قائمة الحكيم الطائفية, صحيح انو ما حصل تغيير كبير بس أنا متأكد انو مستقبلا الشعب العراقي رح يوصل لمرحلة يلفظ فيها جميع السياسيين الطائفيين وما تستغربوا انو نلاقي مثلا قائمة السيد اياد علاوي هي الاولى.

هلئ شغلة أنو التجربة الديمقراطية اللبنانية مبنية على أسس وقواعد غير صحية متل المحاصصة الطائفية , هادا الشي الغلط لا يختلف عليه اثنان , ولكن وقت نشوف ونسمع واحد سوري عم يتمسخر على اللبنانيين وتجربتهن الحالية بالمطلق فهادا شي بخلي الواحد يشعر بالغثيان عنجد.

على الأقل المواطن اللبناني العادي وجد أمامو كم هائل من المرشحين وانتخب المرشح اللي هو بدو اياه بدون ما حدا يجبروا بالقوة على ذلك سواء اندفعلوا مصاري او لا المهم الشغلة بالنهاية راجعة لالو, اما عنا هون عندك مرشح واحد لا غير, وبدو ينجح سواء قلت نعم او ما صوتت حتى.

بالانتخابات اللبنانية حتى لحظة اغلاق صناديق الاقتراع ما كان معروف مين رح يفوز, بينما عنا هون في ما يسمى بانتخابات مجلس الشعب مثلا الاسماء الفائزة بتكون معروفة سلفا, وباستفتاء الرئاسة مافي غيرو.

بلبنان في اعلام موالي واعلام معارض بينما عنا هون في اعلام موالي ثم اعلام موالي ثم اعلام موالي.

الشباب الجامعي اللبناني منخرط بشكل فعال في الحياة الحزبية في جامعاتهم حيث يعقدون الندوات ويقومون بالمظاهرات ..
بينما الشباب الجامعي السوري يعيش حالة لا توصف من الرعب السياسي الذي بتخلي تمو دائما مسكر وفقط يحضر محاضرات ويدرس وينجح بدون اي نشاط اخر

وبالأخير يعني نحن كشعب سوري لازم على الاقل نشعر بالغيرة ونحسد اللبنانيين على الحرية اللي هن عايشين فيها بحيث الواحد بحكي اللي بدو اياه بدونما يلاقي الامن فوق راسو.

ولكن ان نستورد التجربة اللبنانية الطائفية الى سورية فهادا شيئ مرفوض برأيي الشخصي والاحرى بنا ان ننظر الى الديمقراطيات الاخرى المبنية على اسس صحيحة تماما

الغريب أنو هي أول مرة بيكون في تبعية لكل دول العالم إلا لسورية بلبنان، ومشان هيك ما حدا من الموالاة جاب سيرة تدخل سوري، بس أنو شو بتسمي تدخل السفيرة الأميركية بتشكيل اللوايح وبتسمية المرشحين، والمصاري اللي دفعتا السعودية واللي النيويورك تايمز قالت من مصدر سعودي أنها أكتر من تكلفة حملة باراك أوباما الانتخابية.
أنا ما عم قول أبداً أنو الوضع بسورية أحسن ولا جبت هيك سيرة، بس إذا الديمقراطية هيي متل لبنان، فيا محلا الدكتاتورية.
ملاحظة: أنا جنسيتي لبنانية إذا بدك الأوراق الرسمية، بس انا انتمائي أممي

الغريب أنو هي أول مرة بيكون في تبعية لكل دول العالم إلا لسورية بلبنان، ومشان هيك ما حدا من الموالاة جاب سيرة تدخل سوري، بس أنو شو بتسمي تدخل السفيرة الأميركية بتشكيل اللوايح وبتسمية المرشحين، والمصاري اللي دفعتا السعودية واللي النيويورك تايمز قالت من مصدر سعودي أنها أكتر من تكلفة حملة باراك أوباما الانتخابية.
أنا ما عم قول أبداً أنو الوضع بسورية أحسن ولا جبت هيك سيرة، بس إذا الديمقراطية هيي متل لبنان، فيا محلا الدكتاتورية.
ملاحظة: أنا جنسيتي لبنانية إذا بدك الأوراق الرسمية، بس انا انتمائي أممي

بظن انو معظمنا انتماؤو اممي ,,,وَ إلا ...ما كنتِ شفتينا عم نحكي بموضوع لبنان بالشغف هاد ...

النقطة هي عدناها كتير بالأيام الأخيرة ,,,لبنان مو جنة الديمقراطية و في كتير سلبيات بالأنتخابات الأخيرة ..بس ما بتوصل الى حد انكار وجود ديمقراطية ...

النقطة هي عدناها كتير بالأيام الأخيرة ,,,لبنان مو جنة الديمقراطية و في كتير سلبيات بالأنتخابات الأخيرة ..بس ما بتوصل الى حد انكار وجود ديمقراطية ...
بتقدر تقول بأنه اللي صار بلبنان " ديمقراطية " ؟؟؟
مسخ ديمقراطية .. شي بيشبه الديمقراطية ... تسميات ممكن تمرق وما حدا يفتح تمه
بس اعتبارها نموذج ديمقراطي فعدم المؤاخذة مالها علاقة لا من قريب ولا من بعيد .. الا اذا اعتبرنا صندوق وورقة = ديمقراطية وهيك منكون عم نسخف كيتر من مفهوم الديمقراطية .

انا برأيي انو ناخود المحاصصة الطائفية متل لبنان و نطبقها عشرين سنة بين ما تزيد ثقافة شعبنا ...وقتها على حسب التغيير يلي بيصير بعقليتنا منعمل قانون انتخاب جديد ..

هيك شغلة عشرين سنة و بعدين منلغي القانون هاد و منجيب قانون ارقى منو و منطبقو عشرين سنة تانية و بعدين منحسنو ,,حتى اخر شي نخلص من ترسبات الطائفية و العرقية


بس للأسف التجربة اللبنانية لا تبشر بقانون لا طائفي وإنما تؤكد على الطائفية يعني أخشى فيما أخشاه أن قانون المحاصصة سيعزز دور الطائفية بالسياسة بحيث تصبح العماد الأساسي والطبيعي.

طيب معك انو هي مو ديمقراطية

معلش تشرحلي شو هي الديمقراطية لكن؟؟

انا كمواطن سوري متل ما عم تقول ما عندي ثقافة ديمقراطية
و لهيك ما عندي شرح للديمقراطية
بس انت بتعتبر انو تقييم المرشح هوي قديش ممكن يدفعلي حتى انتخبو بتسميها ديمقراطية؟


ما هو هدا انا اللي عم قولوا, مهما كانت التجربة اللبنانية فيها عيوب فبالنسبة لالنا تعتبر تجربة قابلة للتحليل و اخذ العبر منها

مو نقعد نتمسخر علين متل ما شفت البعض عم يعمل, ونحني ما عنا اصلا شي اسمو ديمقراطية
انا ما كنت عم اتمسخر اذا كنت انا المقصود بكلامك
انا عم قول رأيي و بس
و بدي ضيف كمان انو الطريق الغلط ما بيوصل لنتيجة صح يعني انو ناخد التجربة اللبنانية يلي مسمايينها ديقراطية
لو اطبقت عنا بالبلد كنا عم ندبح بعضنا للاسف
لما حضرتك بتقّيم النظام على اساس انو علوي ما عندك امكانية تطبيق الديقراطة اللبنانية لانك بتكره العلوي و عندك حقد الو \ اسف اني عم احكي بهالطريقة بس للاسف يلي شفتو من كل مشاركاتك هي مغزاه\

انا كمواطن سوري متل ما عم تقول ما عندي ثقافة ديمقراطية
و لهيك ما عندي شرح للديمقراطية
بس انت بتعتبر انو تقييم المرشح هوي قديش ممكن يدفعلي حتى انتخبو بتسميها ديمقراطية؟



انا ما كنت عم اتمسخر اذا كنت انا المقصود بكلامك
انا عم قول رأيي و بس
و بدي ضيف كمان انو الطريق الغلط ما بيوصل لنتيجة صح يعني انو ناخد التجربة اللبنانية يلي مسمايينها ديقراطية
لو اطبقت عنا بالبلد كنا عم ندبح بعضنا للاسف
لما حضرتك بتقّيم النظام على اساس انو علوي ما عندك امكانية تطبيق الديقراطة اللبنانية لانك بتكره العلوي و عندك حقد الو \ اسف اني عم احكي بهالطريقة بس للاسف يلي شفتو من كل مشاركاتك هي مغزاه\


اسمحلي رد على كلامك من تحت لفوق

هات لشوف جبلي شي مشاركة انا قلت فيها انو النظام علوي واني بكره النظام لانو علوي, اتفضل وانا عم استناك لشوف ايمتى انا قلت انو النظام علوي, ولا الشغلة بس هيك توزيع اتهامات وبس
اي واحد بيكون عندو راي معارض يا ببتهموه انو تكفيري يا انو عم يعارض لانو النظام علوي يا انو بيكره وطنو وعم يبيع وطنيات من برا البلد, بظن عيب هيك ما يعني عيب بنفس القدر اللي لو انا اتهمت واحد فيكن انو مخبر مدسوس بهالمنتدى

اما انو عندي حقد على العلوي, فكمان هي بتركها لكل اللي بيقروا مشاركاتي ليشوفوا انا فعلا عندي حقد على العلوي, ولا اللي بيفكر متلك متخيل انو الطوائف التانية بسوريا حاملين سواطير بدن يقطعولوا راسو وبشار الاسد هو اللي حامي منن.

هلق منرجع للموضوع نفسو, منين هي جبتها انو رح ندبح بعضنا لو صار ديمقراطية, باواخر الاربعينات والخمسينات وبعد الانفصال كان في ديمقراطية, على علمك بسوريا كان في حرب اهلية شي بهداك الوقت؟؟
الاقليات بسوريا ما كانوا مشاركين بالحياة السياسية ؟؟

التقاتل الطائفي ما بلش الا بعهد حافظ الاسد الميمون, لما استلم الحكم ب 1970 شفت الشعب طلع شي ثورة علي لانو علوي؟؟ بالعكس انا بقلك انو كتيير من الشعب صدق وعودوا وما حدا فكر بقصة انو علوي او لاء, والاضطرابات اللي بلشت بعد 9 سنين من عهدو كان سببها السياسات اللي اتبعها وليس طائفتو


وبرجع بقول اللي قلتو بمشاركة سابقة, ما حدا قال لازم تنبنى بسوريا النموذج اللبناني, بس على الاقل ندرسوا نستفيد من اللي عم صير, يا اخي على الاقل يحرك فينا شي , انو لايمتى رح يضل عنا انتخابات نتيجتها معروفة قبل 7 سنين من بدايتها ؟؟

تحياتي

اسمحلي رد على كلامك من تحت لفوق

هات لشوف جبلي شي مشاركة انا قلت فيها انو النظام علوي واني بكره النظام لانو علوي, اتفضل وانا عم استناك لشوف ايمتى انا قلت انو النظام علوي, ولا الشغلة بس هيك توزيع اتهامات وبس

اول شي بخصوص هي بعتذر منك لانو اختلطت عليي الامور و انا اسف

اي واحد بيكون عندو راي معارض يا ببتهموه انو تكفيري يا انو عم يعارض لانو النظام علوي يا انو بيكره وطنو وعم يبيع وطنيات من برا البلد, بظن عيب هيك ما يعني عيب بنفس القدر اللي لو انا اتهمت واحد فيكن انو مخبر مدسوس بهالمنتدى

اما انو عندي حقد على العلوي, فكمان هي بتركها لكل اللي بيقروا مشاركاتي ليشوفوا انا فعلا عندي حقد على العلوي, ولا اللي بيفكر متلك متخيل انو الطوائف التانية بسوريا حاملين سواطير بدن يقطعولوا راسو وبشار الاسد هو اللي حامي منن.

بشار و ابوه بشكل او بأخر مانعين يوصل الخلاف بين الطوائف ليكون مشابه للبنان

هلق منرجع للموضوع نفسو, منين هي جبتها انو رح ندبح بعضنا لو صار ديمقراطية, باواخر الاربعينات والخمسينات وبعد الانفصال كان في ديمقراطية, على علمك بسوريا كان في حرب اهلية شي بهداك الوقت؟؟
الاقليات بسوريا ما كانوا مشاركين بالحياة السياسية ؟؟

جبتها من التاريخ يلي عاشتو سوريا قبل ال 1970 جبتها من احداث الاخوان المسلمين يلي التفجيرات تبعهون طالت مناطق محدد بطوائف معينة
صح ما كان في حرب اهلية بس الحرب كانت بشكل تاني
الاقليات بسوريا ما كانت مشاركة مشاركة حقيقية بالحياة العادية لحتى تشارك بالحياة السياسية
انا حتى عرف عن حالي من اقلية عانت الامرين قبل استلام حافظ الاسد الحكم و حتى من قبل من لما استلم وزارة الدفاع على عهد امين الحافظ
كان افراد جماعتي \ المرشديين \ يتحاكمو بتهمة الانتماء الى المرشدية و ينحبسو من تلت شهور لسنتين
و ما كان الهن الحق باي وظيفة و حتى يلي يبين انو مرشدي و موظف او متطوع بالجيش كان ينطرد
و طبعا هالحكي بينطبق ع الدروز بنفس الفترة
و كان هالوضع مفروض من اعلى مستويات الحكم بسوريا \ على مستوى رئيس الجمهورية و رئاسة الوزراء و دعم شعبي كمان اذا بدك \

التقاتل الطائفي ما بلش الا بعهد حافظ الاسد الميمون, لما استلم الحكم ب 1970 شفت الشعب طلع شي ثورة علي لانو علوي؟؟ بالعكس انا بقلك انو كتيير من الشعب صدق وعودوا وما حدا فكر بقصة انو علوي او لاء, والاضطرابات اللي بلشت بعد 9 سنين من عهدو كان سببها السياسات اللي اتبعها وليس طائفتو

اذا بتراجع التاريخ مليح بتشوف غير هالحكي


وبرجع بقول اللي قلتو بمشاركة سابقة, ما حدا قال لازم تنبنى بسوريا النموذج اللبناني, بس على الاقل ندرسوا نستفيد من اللي عم صير, يا اخي على الاقل يحرك فينا شي , انو لايمتى رح يضل عنا انتخابات نتيجتها معروفة قبل 7 سنين من بدايتها ؟؟

تحياتي

انا رح كرر اعتذاري منك بس صار اختلاط بينك و بين شخص تاني
انا معك انو الوضع مو صحيح 100% وفي اغلاط بس مو بهالسوء كمان يلي عم تصوروه
بس بالنسبة للنموذج اللبناني يلي عم نحكي فيه شكلو الظاهري ديقراطي بس يعني قشر مو اكتر
يعني بعطيك امثلة عاللي صار بللبنان من ضرب و قتل مشان الانتخابات
خوري من الطائفة السريانية طفشوه من المتن لانو ما قال لجماعتو لاتنتخبو ميشيل المر و بعدين هجمو على بيتو
هي هيي الديقراطية يلي بدنا ناخد منها العبر:jakoush:

انا رح كرر اعتذاري منك بس صار اختلاط بينك و بين شخص تاني
انا معك انو الوضع مو صحيح 100% وفي اغلاط بس مو بهالسوء كمان يلي عم تصوروه
بس بالنسبة للنموذج اللبناني يلي عم نحكي فيه شكلو الظاهري ديقراطي بس يعني قشر مو اكتر
يعني بعطيك امثلة عاللي صار بللبنان من ضرب و قتل مشان الانتخابات
خوري من الطائفة السريانية طفشوه من المتن لانو ما قال لجماعتو لاتنتخبو ميشيل المر و بعدين هجمو على بيتو
هي هيي الديقراطية يلي بدنا ناخد منها العبر:jakoush:

مو مشكلة , حصل خير بس انا استغربت انو منين نزلت عليي تهمة الطائفية :lol:

بدي بس علق على شغلة تاريخية انت ذكرتها, مشان موضوع حقوق الاقليات بسوريا بعد الاستقلال

الدروز ما كانوا ممنوعين من تولي اي منصب, اللواء شوكت شقير, المنتمي لعائلة درزية معروفة, كان رئيس اركان الجيش السوري وهو اللي سلموا اديب الشيشكلي الحكم وهرب على بيروت سنة 1954

الجيش كان بفترة الخمسينات مليان ضباط من كل الطوائف والاتجاهات السياسية , والا لو كان كلامك صحيح عن منع الاقليات من المشاركة , منين وكيف وصلوا ضباط متل محمد عمران وصلاح جديد ولا حقا حافظ الاسد للحكم؟؟

أحداث الاخوان المسلمين اللي بتستشهد فيها دائما مانها مقياس لاي شي, لانو الاخوان كانوا موجودين من 1940 بسوريا و ما سجل اي عنف من قبلن تجاه الاقليات الا بعهد حافظ الاسد و لاحظ اني قلتلك انو العنف بدء بعد سنوات من عهدو ونتيجة لسياساتو



بس بالنسبة للنموذج اللبناني يلي عم نحكي فيه شكلو الظاهري ديقراطي بس يعني قشر مو اكتر

لك خيو منيح اللي عندو قشر ديمقراطي احسن من اللي مستجحش شعبو بمسرحية 99 بالمية

واللي صار بلبنان رغم كل الوجه الطائفي القبيح, بيدل انو على الاقل عندن مجتمع حي وفي امل على الاقل يصيروا يوما ما

اول شي بدي اتشكرك ايهم لانك تفهمت موقفي :D


الدروز ما كانوا ممنوعين من تولي اي منصب, اللواء شوكت شقير, المنتمي لعائلة درزية معروفة, كان رئيس اركان الجيش السوري وهو اللي سلموا اديب الشيشكلي الحكم وهرب على بيروت سنة 1954
وجود شخص بالحكم مابيعني ابدا انو كل الطائفة مشاركة بعدين انت عطيت المثال على اديب الششكلي من اكبر الديكاتوريين يلي مرو على سوريا


الجيش كان بفترة الخمسينات مليان ضباط من كل الطوائف والاتجاهات السياسية , والا لو كان كلامك صحيح عن منع الاقليات من المشاركة , منين وكيف وصلوا ضباط متل محمد عمران وصلاح جديد ولا حقا حافظ الاسد للحكم؟
يلي معروف انو اغلب ضباط وعناصر الجيش هنن من العلويين من زمن الاستقلال لانو السنة هنن بالاصل اهل المدن يلي امورون المادية باغلب الاحوال ممتازة بالنسبة لباقي فئات الشعب السوري و لحد هالوقت ما بتلاقي ضباط سنة مدنيين \ من اصول مدينية \ بالجيش الا القليل القليل و هالسبب رح يأدي بالنتيجة انو الضباط العلويين يلي رح يستلمو الجيش لانون اغلبية هونيك و لانو الطرف التاني مو منافس بهالشي


أحداث الاخوان المسلمين اللي بتستشهد فيها دائما مانها مقياس لاي شي, لانو الاخوان كانوا موجودين من 1940 بسوريا و ما سجل اي عنف من قبلن تجاه الاقليات الا بعهد حافظ الاسد و لاحظ اني قلتلك انو العنف بدء بعد سنوات من عهدو ونتيجة لسياساتو
بالنسبة للاخوان المسلمين قبل حكم حافظ الاسد لسوريا كان الحكم من السنة لهيك ما كانت احداث دامية متل يلي صارت بعدين و الدليل انو التفجيرات يلي قامو فيها كانت بمناطق العلويين


لك خيو منيح اللي عندو قشر ديمقراطي احسن من اللي مستجحش شعبو بمسرحية 99 بالمية
القشر العاطل ما بيحمل ثمرة طيبة

اول شي بدي اتشكرك ايهم لانك تفهمت موقفي :D

عفوا

وجود شخص بالحكم مابيعني ابدا انو كل الطائفة مشاركة بعدين انت عطيت المثال على اديب الششكلي من اكبر الديكاتوريين يلي مرو على سوريا

اي بس هدا مثال صغير, عندي عشرات الامثلة عن وزراء من طوائف مختلفة بسوريا بهديك الفترة

برايي اديب الشيشكلي اللي هو فعلا كان ديكتاتور , لو قارنتو بحافظ الاسد بيطلع ملاك :lol:


يلي معروف انو اغلب ضباط وعناصر الجيش هنن من العلويين من زمن الاستقلال لانو السنة هنن بالاصل اهل المدن يلي امورون المادية باغلب الاحوال ممتازة بالنسبة لباقي فئات الشعب السوري و لحد هالوقت ما بتلاقي ضباط سنة مدنيين \ من اصول مدينية \ بالجيش الا القليل القليل و هالسبب رح يأدي بالنتيجة انو الضباط العلويين يلي رح يستلمو الجيش لانون اغلبية هونيك و لانو الطرف التاني مو منافس بهالشي

انت اخدت الواقع اللي تم ترسيخوا بعد 1963 وعممتوا على التاريخ كلو, الجيش كان بيعكس التوازن الطائفي بسوريا تماما, لحد ما صار انقلاب 1963 و اجت مجموعة اسمها اللجنة العسكرية باجندة طائفية و قلبت كل شي و النهج استمر على هالشي بعد 1970 , نهج استبعاد منهجي لطائفة عن المناصب الحساسة بهدف الايحاء انو طائفة تانية هي الحاكمة , وهالشي هو اللي خلا ابناء الطوائف التانية يبعدوا عن الجيش




بالنسبة للاخوان المسلمين قبل حكم حافظ الاسد لسوريا كان الحكم من السنة لهيك ما كانت احداث دامية متل يلي صارت بعدين و الدليل انو التفجيرات يلي قامو فيها كانت بمناطق العلويين

الاخوان ما وفروا حدا, قتلوا أئمة جوامع سنة متل ما قتلوا علويين ومن كلو , بس انا كنت بدي قول انو اللي وصل البلد لدرجة الاحتقان الطائفي الهائل بهداك الوقت كانت سياسات السلطة الطائفية الواضحة



ومشان ما نخرج عن الموضوع اكتر من هيك, بكفي تشوف لهفة السوريين وانشغالن بالانتخابات اللبنانية لتعرف انن عم يحنوا لايام زمان

اي بس هدا مثال صغير, عندي عشرات الامثلة عن وزراء من طوائف مختلفة بسوريا بهديك الفترة

فيك لكن تفسرلي هي
كان افراد جماعتي \ المرشديين \ يتحاكمو بتهمة الانتماء الى المرشدية و ينحبسو من تلت شهور لسنتين
و ما كان الهن الحق باي وظيفة و حتى يلي يبين انو مرشدي و موظف او متطوع بالجيش كان ينطرد
طبعا هالحكي كان قبل 1965 اي قبل ما يصير حافظ الاسد وزير للدفاع و يلي الغى المادة 207 من قانون العقوبات يلي كان افراد جماعتي يتحامكو على اساسها و الغيت هالمادة بامر شخصي من حافظ الاسد


انت اخدت الواقع اللي تم ترسيخوا بعد 1963 وعممتوا على التاريخ كلو, الجيش كان بيعكس التوازن الطائفي بسوريا تماما, لحد ما صار انقلاب 1963 و اجت مجموعة اسمها اللجنة العسكرية باجندة طائفية و قلبت كل شي و النهج استمر على هالشي بعد 1970 , نهج استبعاد منهجي لطائفة عن المناصب الحساسة بهدف الايحاء انو طائفة تانية هي الحاكمة , وهالشي هو اللي خلا ابناء الطوائف التانية يبعدوا عن الجيش
لاء اخ ايهم انا متاكد من كلامي و من التاريخ \ من تاريخ الاستقلال حتى تاريخ ثورة اذار او انقلاب اذار متل ما بتحب تسميها \ يلي عم احكي عنو و يلي للاسف هالفترة بالتحديد مطموسة من تاريخ سوريا بدوافع متعددة


الاخوان ما وفروا حدا, قتلوا أئمة جوامع سنة متل ما قتلوا علويين ومن كلو , بس انا كنت بدي قول انو اللي وصل البلد لدرجة الاحتقان الطائفي الهائل بهداك الوقت كانت سياسات السلطة الطائفية الواضحة كلامك هون ما بيخالف كلامي يمكن استلام علوي الحكم هوي يلي شعل الاحداث


ومشان ما نخرج عن الموضوع اكتر من هيك, بكفي تشوف لهفة السوريين وانشغالن بالانتخابات اللبنانية لتعرف انن عم يحنوا لايام زمان
لاء كلامك هون مو صح
صح شفت اللهفة و الانشغال بس انا شايف السبب مختلف
العمالة السورية بلبنان يلي عم يشتغلو بمناطق تابعة للموالاة هربو من الشغل خوف على حياتون \ وما فيك تنكر قتل شباب سوريين بلبنان لمجرد انون سوريين \ لهيك الكل مهتم انو يفشل هالاتجاه بالانتخابات اللبنانية