سلام...

كنتُ منذ شهرين كتبتُ في زاوية البريد أسألُ: كتبَ أحدُ الأعضاءِ "مشاركةً" ثمَّ وجدها بعد حين لا تُصلحُ أن تبقى، فهل ثمّة ما يمنع من حذفِها، وإن كانَ في الأمرِ ما يمنع فهل يُمكنني السؤال عنه؟! مع العلم أنَّ حذفَ المشاركة وبقاءَها لا يُغيّران شيئاً في سير الموضوع!

انتظرتُ ولم أحظَ بإجابة، حتّى وجدتُ الموضوع مغلقاً ولم أعلم سببَ غلقِه دون أن تكتبَ الإدارة شيئاً.
مع التحيّة.

بلكي حدا من جناب الإدارة يكلف خاطرو ويجاوب...

الموضوع الأول تسكر (لحالو سبحان الخالق) بدون جواب،
فيا ريت ما يتسكر هاد كمان بدون كلمة من شي حدا!

ثمَّ وجدها بعد حين لا تُصلحُ أن تبقى


المشاركة .. من بعد انقضاء فترة تعديلها ( العشر دقايق ) بتصير ملك المنتدى
وحدو مشرف القسم يللي بحدد إذا كانت تصلح أن تبقى أو لا

مرحبا :D

انت اذا بتحدد وين المشاركة يلي عم تحكي عليها بيكون احسن بشكل انو المشرف المسؤول عن القسم يجاوب عليك بس طول ما الحكي عام ماحدا بيقدر يجاوب لأنو ماحدا بيقدر يعرف مين المعني بالموضوع

المشاركة .. من بعد انقضاء فترة تعديلها ( العشر دقايق ) بتصير ملك المنتدى
وحدو مشرف القسم يللي بحدد إذا كانت تصلح أن تبقى أو لا
أهلا فيك...
وإذا مشرف القسم بيحدد أنو بتصلح للبقاء مو المفروض فيه يبعت للعضو يبلغو أنو المشاركة رح تضل وما رح تحذف مو يخليه يبعت "تقرير بمشاركة عاطلة" على مدى أشهر طويلة؟! وإذا لأ مو المفروض فيه فمشكور سلفاً على إجابتك.

مرحبا :D
انت اذا بتحدد وين المشاركة يلي عم تحكي عليها بيكون احسن بشكل انو المشرف المسؤول عن القسم يجاوب عليك بس طول ما الحكي عام ماحدا بيقدر يجاوب لأنو ماحدا بيقدر يعرف مين المعني بالموضوع
قهلا بربّك قهلا... لا والله قهلا فيكِ شو بدّي بربّك!
المشاركة يا عيون الرّيم هي بقسم "رسالة لـ يللي بتكرهو" ويومتها كنت مزعوج ومعصب فطلع معي حكي شروي غروي، وماني حاببها تضل، فوين المشكلة بحذفها؟ شو هيّ مقطوعة جبرانيّة ولا سيمفونيّة موتزارتيّة لحتى تضل؟! بعتت فيها عشرات التقارير ومَ حدا التكش فيّ... كتبت موضوع هون عن "حذف المشاركات" اتسكر لحالو الخالق الناطق ومَ حدا جاوب!
واليوم ليكو مشرف القسم خرطلي القانون الأخوي اللي بيقتضي أنو "رسالتي لـ يللي كرهتو بلحظة" هي ملك المنتدى وفيها طابو من البلديّة، وحذفها هاد أمر بيقررو المشرف عالقسم... يعني هو بذاتو!
هاي هيّ القصّة بإيجاز شديد ولهلا ما عم أفهم شو أهميتا لحتى ما تحذف، وكوني أنا كاتبها وأنا عم طالب بهالشي.
مع الشكر لمجهوداتكم المبذولة المهرقة في سبيل التنشيط والإحياء :D.

وإذا مشرف القسم بيحدد أنو بتصلح للبقاء مو المفروض فيه يبعت للعضو يبلغو أنو المشاركة رح تضل وما رح تحذف مو يخليه يبعت "تقرير بمشاركة عاطلة" على مدى أشهر طويلة؟! وإذا لأ مو المفروض فيه فمشكور سلفاً على إجابتك.



لاء المشرف غير ملزم بأنـّه يراسل العضو .. انت وقت بتبعت مشاركه عاطله واحده و ما بتم اتخاذ الاجراء اللي نوهت اله بمشاركتك , ما عاد بكون في داعي تبعت " تقارير مشاركات عاطله على مدى شهر :? " لأنـّو لو بدو المشرف يتخذ الاجراء كان اتخذه من المشاركه العاطله الاولى الي حضرتك بعتتها و لو ايضا ما بشوف انو لازم يتخذ هيك اجراء فما رح يتخذه لو بعتت "تقارير مشاركات عاطله على مدى شهر" لذلك ما مشكله المشرف انك ضليتك تبعت تقارير مشاركه عاطله و لا هو ملزم بأنه يراسلك بشو رح يعمل ...




المشاركة يا عيون الرّيم هي بقسم "رسالة لـ يللي بتكرهو" ويومتها كنت مزعوج ومعصب فطلع معي حكي شروي غروي، وماني حاببها تضل، فوين المشكلة بحذفها؟ شو هيّ مقطوعة جبرانيّة ولا سيمفونيّة موتزارتيّة لحتى تضل؟! بعتت فيها عشرات التقارير ومَ حدا التكش فيّ...




بعتقد كأشـخاص نحنا لازم نكون مسؤولين عن تصرفاتنا و اعصابنا و ما اليه و فقدانها لفتره ثمّ العثور عليها مره كمان مش سبب كافي .. بعد كتابه كل مشاركه في ١٠ دقايق من الوقت لتعديلها او حزفها و اذا ١٠ دقايق ما كانت كافيه لتعرف اذا ردك مناسب او لاء فما هي بقى مسؤوليه المشرف ..
انـّو على هالحاله اذا شخص تغيرت توجهاته بعد سنه ولا تنين و فات قال انو عمي انا تغيرت توجهاتي هلأ (( كنت مسيحي صرت مسلم أو كنت معارض صرت موالي )) و بده يحذف كل مشاركاته الي ما بتنطبق على اتجاهاته الحاليه و بعدين فرضا يعني رجع تغيرت اتجاهاته فكمان بيفوت بده يحذف ويعدّل و هكـذا :lol:..

لاء المشرف غير ملزم بأنـّه يراسل العضو .. انت وقت بتبعت مشاركه عاطله واحده و ما بتم اتخاذ الاجراء اللي نوهت اله بمشاركتك , ما عاد بكون في داعي تبعت " تقارير مشاركات عاطله على مدى شهر :? " لأنـّو لو بدو المشرف يتخذ الاجراء كان اتخذه من المشاركه العاطله الاولى الي حضرتك بعتتها و لو ايضا ما بشوف انو لازم يتخذ هيك اجراء فما رح يتخذه لو بعتت "تقارير مشاركات عاطله على مدى شهر" لذلك ما مشكله المشرف انك ضليتك تبعت تقارير مشاركه عاطله و لا هو ملزم بأنه يراسلك بشو رح يعمل ...
أهلا فيكِ ذا مورنينغ...
كان فيكِ ما تغلبي حالك وتكتبي هاللوحة الفنيّة لأني أنا تساءلت مو أكتر وحطيت إشارة استفهام، وكرمال ما تعب حدا بالإجابة حطيت جملة "وإذا لأ مو المفروض فيه فمشكور سلفاً على إجابتك"! يعني كان فيكِ تقولي لأ مو المفروض فيه وخلصنا... لأني حطيت الشّكر سلف!

بعتقد كأشـخاص نحنا لازم نكون مسؤولين عن تصرفاتنا و اعصابنا و ما اليه و فقدانها لفتره ثمّ العثور عليها مره كمان مش سبب كافي .. بعد كتابه كل مشاركه في ١٠ دقايق من الوقت لتعديلها او حزفها و اذا ١٠ دقايق ما كانت كافيه لتعرف اذا ردك مناسب او لاء فما هي بقى مسؤوليه المشرف ..
انـّو على هالحاله اذا شخص تغيرت توجهاته بعد سنه ولا تنين و فات قال انو عمي انا تغيرت توجهاتي هلأ (( كنت مسيحي صرت مسلم أو كنت معارض صرت موالي )) و بده يحذف كل مشاركاته الي ما بتنطبق على اتجاهاته الحاليه و بعدين فرضا يعني رجع تغيرت اتجاهاته فكمان بيفوت بده يحذف ويعدّل و هكـذا :lol:..
هلق هون ما بظن أنا بحاجة حالياً (ركزي على حالياً) لتنسفئيني محاضرة ووعظة مشيخيّة أو منبريّة عن "المسؤولية" وعن "السّلوك" وشلون ابن خلدون حكالنا بمقدمتو عن أخلاق الشعوب وكيف جاوبوه علماء الغرب وهل السلوك الفردي أم الاجتماعي أم الغرائزي...
القصّة مكتوبة بإجابتي لريم وهي رسالة كتبتا وما عاد بدي ياها تكون موجودة، في مجال ولا لأ؟!
سؤالي كان إذا ما في مجال لييييييش؟! يعني شو هالسبب العظيم اللي بمدامك إبقاء المشاركة أو "الرسالة" الخنفشاريّة؟!
فلا قصة معارضة ولا موالاة... ولا قصة تنصرنت أو تكتلكت ولا تشيعت ولا حتى صرت علويّ أو مسلم أرثوذكسي... ولا غيرت شي من أفكاري شنّو غالية ما تغلى عليكِ طبعاً!
وهاي وردة إلك :D.