المجتمع والصياعة [الأرشيـــــف]

AlAdel

09/06/2009, 21:18

مرحبا يا شباب
بسم الله

كتير ما منسمع أخبار مشينة عن البنات من عمر ال17 لل 26 تقريبا
كنت كل يوم أسمع سمعة أو شوف شوفة عن وحدة أو فضيحة لشي وحدة من البنات اللي بعرفهون سواء جارا أو ساكنة بالحي

شفنا فيديوهات وسمعناسمعات وشفنا بسسس.....
هل كل البنات هيك ؟؟
أتبعو هديك الطريقة وساوو العملة ما غيرا... بدون ما يأذوا حالون يعني...(بدون فقدان العذرية)\\يمكن انفهمت\\
بيكفي لتعرف هلواقع أنو ترحلك على شي زاوية مظلمة شوي صافين فيها سيارات وتتفاجئ باللي رح تشوفو
وبيكفي تروح على جبل قاسيون المنطقة الاشهر بسياراتها اللي عم تهز مع أنها واقفة
أكيد مو كل البنات اللي بالسيارات مأجورات وأغلبيتهن مثلا وحدة طلعت مشوار مع رفيقها

طيب شو منشان البنات المؤدبات المحترمات اللي ما ممكن ينشك بأخلاقهون أبداً
وإذ بتفاجئ بأنو وحدة من البنات اللي أخلاقها متل الملاك(ظاهراً) ساوت نفس الشي وما ممكن قول كذب أو إشاعة لأنو موثوق جدا
وإّذ بتفاجئ بعد فترة أنو بنت تانية نفس وضع اللي قبلا صار معها نفس الشي

وصار مبدأ الشباب كتير من الشباب ومنهن بعرفهون ومنهون من أعز رفقاتي صارت حياتهون متل ما قال زياد الرحباني :
(شو عدا ما بدا ما بتفرق ما حدا صرنا بدنا نبيع ألماظ الخواتم ودهب المناجم تندفع بالمطاعم فاتورة الـــــغدا)

طيب شوو؟؟
هل أنو 99% من البنات هيك متل ماني مفكر أنا ولا شو
بطلنا نتزوج ونجيب ولاد من ورا هلشغلة لأنو ما رح كون متأكد إذا مرتي (عفيفة ونضيفة ) أو لأ

حابب أعرف رأيكون لأنو عن جد موضوع مهم بهلعصر
شكرا:larg:

Nihal Atsiz

09/06/2009, 21:23

أي شو نحن الشباب أحسن يعني!!
لماذا يحق لنا ان نصيع, بينما البنات ممنوع؟
طبعا انا ما بأكد او بنفي الشغلات الواردة بموضوعك بس حبينا نطرح هالسؤال

AlAdel

09/06/2009, 21:40

أي شو نحن الشباب أحسن يعني!!
لماذا يحق لنا ان نصيع, بينما البنات ممنوع؟
طبعا انا ما بأكد او بنفي الشغلات الواردة بموضوعك بس حبينا نطرح هالسؤال

سلامو خيي
يا اخي اي غلط من هلنوع بيتوجب غااالباً وجود شب وبنت صحح...
وحديثنا بيدور بشكل أخص على البنات
هلق شوف من ناحية نظرة المجتمع الشب ما عليه اي ذنب لانو طبعا ما رح يفقد عذريته
اما من النواحي التانية طبعا الشب والبنت غلطانين بحالة ارتكاب الخطأ ...

طبعا ما مننفي أغلاط الشباب اللي -ممكن- تكون افظع

بنفسجة

09/06/2009, 21:48

هلأ بالمجمل كل واحد يساوي يلي بيريحو
يمكن يلي شايفو انت صياعة غيرك شايفو حق طبيعي وشي طبيعي
99% من البنات متل مانك مفكر؟؟؟؟؟؟
كيف بتفكر انت؟
انا بشوف انو كل واحد يعمل حسب ما بيرتاح
وبيضل موضوع (الصياعة)موضوع نسبي بيعود لقناعات كل شخص بهالمجتمع:D

mary_55

09/06/2009, 21:48

أي شو نحن الشباب أحسن يعني!!
لماذا يحق لنا ان نصيع, بينما البنات ممنوع؟
طبعا انا ما بأكد او بنفي الشغلات الواردة بموضوعك بس حبينا نطرح هالسؤال

وأنا معك بهي الفكرة
مو بس البنات عم ينفضحو
كمان الرجال بتنتشر سمعتهون
وتأكد أنو لما بتكون البنت عفيفة ونضيفة
رح تضل سمعتها نضيفة
وبس ساوت عملة رح تنفضح أولتها وأخرتها رح تنفضح
والله يصلح حال كل وحدة واقعة هيك وقعة

AlAdel

09/06/2009, 21:54

AlAdel

09/06/2009, 22:01

وأنا معك بهي الفكرة
مو بس البنات عم ينفضحو
كمان الرجال بتنتشر سمعتهون
وتأكد أنو لما بتكون البنت عفيفة ونضيفة
رح تضل سمعتها نضيفة
وبس ساوت عملة رح تنفضح أولتها وأخرتها رح تنفضح
والله يصلح حال كل وحدة واقعة هيك وقعة

هلق عمل هيك شي بيسبب مفخرة عند بعض الشباب (لا تستغربي شفنا كتير )
بس البنت اللي بتمر ولو كانت صاحبة الخمار الاسود فتأكدي أنها انحكا عليها شي خمسين حكاية
وفضيحة البنات سريعة الانتشار بشكل خااااارق وحتى مو الفضيحة حتى الاقل من هيك بكتير (يمكن هلشغلة كتير معروفة)

Sarita

09/06/2009, 22:38

طيب هلأ رح اعطيك مثال
مثلا في شب حابب يسرح ويمرح ع طيفو قبل الزواج مو بيلاقي بنت يتحركش فيا بتصير البنت تحبو وبيطلع ويجي معها
بعدين وقت بدو بجوز ما بياخدا ليه ؟ لانو طلعت معو
يبقى بدو يجيب وحدة خلنج عفيفة نظيفة ع قولتك
بقا البنت شو زنبا اه؟
مو الشباب بالاول ما بيعطوون وج ما كان صار اللي صار
بعدين تحكمو بغرائزكون شوي
وبالاخير كل واحد وقناعتو الشخصيي وكل واحد وكيف بدو يشوف هالموضوع بمنظار منعين
شكرا :D

Nay

09/06/2009, 22:39

شو البنات عم يصيعو لحالون..
رغم انك عقبت بعدين وقلت انو الشباب كمان مشتركين بالغلط.. ولكن الموضوع برأيي خطأ انو ينطرح بهادا الشكل.. وتحت هادا العنوان..
نقطة 2
انت شو تعريفك للصياعة..
هل هيي الجنس قبل الزواج .. هل هوي التدخين .. هل هوي التأخر بالرجعة على البيت.. هي المسائل عند ناس كتير ما بتتصنف صياعة..
نقطة3
مو المهم الفضيحة او حكي الناس.. المهم رأيك.. انحكا على البت او ما انحكا.. المهم رأيك انت

Sarita

09/06/2009, 22:45

نقطة3
مو المهم الفضيحة او حكي الناس.. المهم رأيك.. انحكا على البت او ما انحكا.. المهم رأيك انت
تقبشيني انتي ونقطك:D

هدوء البحر

09/06/2009, 22:55

المربى بيت اهلو ما بيعمل هيك

مو يعني اذا شفت مع شب يعني صايعة

لانو في شي بالدنية اسمو حب

وحتى لو البنت مزبوط متل ماعم تحكي لازم ما نحكي عالحدا ولا تخلي حدا يحكي ائدامك

هي هيك تصطفل

((حط ايدك بعينك متل ما بتجعك بتجع غيرك))

:D

ritka

09/06/2009, 23:06

بطلنا نتزوج ونجيب ولاد من ورا هلشغلة لأنو ما رح كون متأكد إذا مرتي (عفيفة ونضيفة ) أو لأ

لحظة شوي.. يعني صبية بتحبها اكتشفت انها مش عذراء ما بتتجوزها لانها مش عذراء؟
ولا لانك تعودت انو البنت "المش عذراء" معناتها"مش مرباية"؟

و الباقي متل ما قالت ناي..:D

بنفسجة

09/06/2009, 23:44

سوري اخوية محششة هلق الرد يلي قبل بينحذف
كنت بدي وصل فكرة وحدة بس
انو الصياعة مفهوم مختلف من مجتمع لمجتمع وصار بكتير من المجتمعات مختفي
في مجتمعات تشوف البنت يلي بتلبس جينز صايعة
وفي مجتمعات بتشوف انو البنت يلي بتسهر برا البيت لبعد الساعة 12 صايعة(واذا قبل لا)
وفي مجتمعات تصالحت مع ذاتا وصارت البنت بتتحمل مسؤلية نفسا وتصرفاتا ومسؤلة عن النتائج يلي بتترتب عن هي التصرفات بهيدا المجتمع ماعدنا نشوف مصطلح صياعة وصايعة
وبالنهاية كل واحد يهتم بحالو ويتصرف حسب ما بيشوف انو صح
ولا يراقب العالم ولا يحاول يقيمون لانو ماحدا بيشوف حالو غلط

Black Orchid

09/06/2009, 23:45

بيصير ندرج هالموضوع تحت عنوان مشاكل الشباب .
وتكون المشاركات حول اسباب هذه المشاكل واقتراح حلول لجيل كامل يعاني منها دون استثناء.:x

Marooshe

09/06/2009, 23:57

كأنو كلمة صياعة سوقية وما بتناسب تعميمك خصوصي إنك شايف الاشيا من خلال منظارك إنت وفهمك للحياة

بطلنا نتزوج ونجيب ولاد من ورا هلشغلة لأنو ما رح كون متأكد إذا مرتي (عفيفة ونضيفة ) أو لأ

مفهوم "عفيفة ونضيفة" نسبي وبيختلف من شخص لآخر ،
العفة اللي ممكن عندك تكون العذرية عند غيرك ممكن تكون الأخلاق لمنيحة ، وبرضو هون كل واحد بيملأ بفرغ العفة الكلمات المرادفة اللي بتناسبو ..

فالأصح انك تقول بطلت تتزوج وتجيب (أولاد لأنو بدك مرتك تكون مختومة ومغلفة بنايلون) ومش بطلنا نتزوج ونجيب أولاد ..

وغير هيك هيي الشغلة كلها شغلة حرية شخصية وحق مشروع لكل صبية في إختيار منحى حياتها متل ما إنت الك الحق في إنتقاء شريكتك ..

فببساطة اللي ما بيعجبك لا تاخد منو

fernanda bachchan kfoury

10/06/2009, 00:02

مالازم الواحد يحكي عالبنات لانو رح يصير عندك بيوم من الايام بنات ومارح تحب الناس تحكي عليهن
so حتى لو شفت بعينك بدك تسكت لانو عند ناس بتعتبر حرية شخصية وعند ناس بتعتبر شي عادي متل البنت متل الشب و..و..

بقا مو كل الصبايا صايعات لانو اللي عم تشوفون بقاسيون او بتشوفون بسيارات بيكونو شباب مع حبيباتون او خطيباتون
بقا ازا الشب حاطط براسو شي تاني وياخد هالشي من ورا محبة لصبية ولانها جدبة هون المشكلة فيو

طيب شوو؟؟
هل أنو 99% من البنات هيك متل ماني مفكر أنا ولا شو
بطلنا نتزوج ونجيب ولاد من ورا هلشغلة لأنو ما رح كون متأكد إذا مرتي (عفيفة ونضيفة ) أو لأ
ليش انت رح تكون عفيف نظيف؟ازا كنت عفيف نظيف يكون بعلمك انو مرتك رح تكون متلك ما تعتل هم لانو متل ما انت بتكون رح تكون مرتك <<< وبعدين كلو مقدّر

almurtaja

10/06/2009, 00:05

Black Orchid

10/06/2009, 00:13

وبيكفي تروح على جبل قاسيون المنطقة الاشهر بسياراتها اللي عم تهز مع أنها واقفة
أكيد مو كل البنات اللي بالسيارات مأجورات وأغلبيتهن مثلا وحدة طلعت مشوار مع رفيقها

بتوجه الاتهام للبنت وانا متأكده انه اللي عم يهز السياره هو الشب.:jakoush:

إبريل

10/06/2009, 01:55

لو الموضوع من جهة تانية رح بيكون العنوان
الشباب والحرية
الشباب والانفتاح
:pos:

AlAdel

10/06/2009, 07:25

بتوجه الاتهام للبنت وانا متأكده انه اللي عم يهز السياره هو الشب.:jakoush:

أنا ما نفيت ذنب الشب وقلت انو الشباب ممكن يكونوا ذنبون أكبر بس هون أنا عم بحكي بشكل خاص عن البنات وهل انو اغلبهن هيك ؟

AlAdel

10/06/2009, 07:28

leonardo_dicabreo

10/06/2009, 07:55

هل أنو 99% من البنات هيك متل ماني مفكر أنا ولا شو
بطلنا نتزوج ونجيب ولاد من ورا هلشغلة لأنو ما رح كون متأكد إذا مرتي (عفيفة ونضيفة ) أو لأ

شكرا:larg:

تعديل بسيط . . ! !

** تعديل إداري

mary_55

10/06/2009, 08:43

حبيت أضيف إضافة صغيرة
أنو الإنسان عقد نيتو بهل حيات بياخد
يعني مثلا لو أنت غلطان بزمناتك رح تكون شريكتك بالحيات غلطانة
بس طبعا مو ضروري يكون نفس الغلط يمكن أخف ويمكن اكتير
ونحنا بحياتنا لما بتجينا شي مصيبة منكون عم نتعاقب عأخطائنا الي قبل
ولما منحبط نفسيا بيكون هاد الو سبب
لأنو كلشي موضول ببعضو مافي شي مالو سبب
وبرجع بألك أنو عقد نيتك بتلاقي

وتأكد أنو لما بينحكا عبنت مأدبة بيكونو الناس مبهرين القصص
وفي ناس بيحطو بهار أسود وأحمر مشان التنويع وإلا مايكونو البهارات حرة
اذا فهمت قصدي
فلاتتكل عحكي الناس
لأأنو ماحدا بيسكر تمو:pos:
:D

sona78

10/06/2009, 10:19

بطلنا نتزوج ونجيب ولاد من ورا هلشغلة لأنو ما رح كون متأكد إذا مرتي (عفيفة ونضيفة ) أو لأ

كونو العفة والنظافة اختصرو عندك بالعذرية......

وكيف بدك تاكدلها انو انت عفيف ونضيف؟؟؟:?
كونو يعني من حق الصبية تتطلب من الشب ما يطلبو منها

والله بعرف صبايا كتار لا عفيفات ولا نظيفات .. وهني ابعد بالف مرة عن هالشي
بس لسا عذراوات .... وبدون واحد عفيف نظيف
بيناسبك هالشي؟؟

AlAdel

10/06/2009, 11:20

كونو العفة والنظافة اختصرو عندك بالعذرية......
وكيف بدك تاكدلها انو انت عفيف ونضيف؟؟؟:?
كونو يعني من حق الصبية تتطلب من الشب ما يطلبو منها

والله بعرف صبايا كتار لا عفيفات ولا نظيفات .. وهني ابعد بالف مرة عن هالشي
بس لسا عذراوات .... وبدون واحد عفيف نظيف
بيناسبك هالشي؟؟

ما بعرف شلون استنتجت هلشي انا ما قلت انو العفة والنضافة يختصروا عندي بالعذرية
وانا قلت قبل انو
((أتبعو هديك الطريقة وساوو العملة ما غيرا... بدون ما يأذوا حالون يعني...(بدون فقدان العذرية)\\يمكن انفهمت\\))

يعني مو تعريفي للعفة والنضافة هي العذرية يا حبوب

AlAdel

10/06/2009, 14:47

ورح يجي اليوم وين تلاقي فيه عالم بتحكي ع اختك او بنتك او اي بنت مقربة الك <<<لا تعتبروها اهانة
وممكن يكونو حكيو ع زوجاتكن المستقبليين كمان هاد الشي مو بعيد ابدا

هلق أكيد أغلب العالم بينحكا عليهم حتا ولوكانو الاخوات الزوجات الاخوة الابهات والامهات....
كل واحد عندو اخت بيعرف انو كتير ممكن يصير حكي عليها وبيعرف انو عم تتلطش بس موهون حكينا

حكينا مو على مبدا شخصي على مبدا عام يعني موانا بالذات ولا عدي بالذات ولا بنت معينة بالذات هيي اللي عم يتوجه الحكي الو او الها

yass

10/06/2009, 14:50

و يبقى هذا هو الهم, و هذا هو الاهتمام, و هذه هي الحضارة....

:D

nour333

10/06/2009, 15:18

انا رح بلش بعنوان الموضوع اللي هو البنات والصياعة

ليه ما كان اسمو مثلا الشباب والصياعة كنت بحس انك شخص عندك مبدأ وبدافع عنو اما البنات والصياعه يعني كأنو الصياعه حلال لرجل حرام على المرأة
هلا انا مو هون لناقش اخلاق البنت او عذريتها بس بدي قلك من حقك تاخد بنت تكون محافظه على عذريتها المادية والمعنوية وفي كتير بنات هيك بس بالاول لازم تسأل نفسك انت هيك يعني ما بصير تقول لحالك انا شب بدي عيش بطول والعرض وبنهاية تبحث عن وحده شريفه ما حد شافها ولا حكاها

هاموش كلمة صياعه كلمه معناها واسع يعني انا من نص ساعه امي حكتلي اياها بس لأني كنت طالعه مع خطيبي مع اني كاتبه كتابي وقدام الله زوجتو بس مو حابه الجيران يلمحونو
فعذرا انني انثى

marioma alghzayala

10/06/2009, 15:25

عرّفلي الصياعة بالله :lol:

HashtNasht

10/06/2009, 15:42

عرّفلي الصياعة بالله :lol:

بدك التعريف حسب أهل الكوفة ولا حسب أهل البصرة ؟

HashtNasht

10/06/2009, 15:50

و يبقى هذا هو الهم, و هذا هو الاهتمام, و هذه هي الحضارة....

:D

معلش ابو مارال , هي الصياعة جزأ لا يتجزأ من الصيغة الحضارية لاي مجتمع , و بعتقد انو سقطت سهوا من مسودة الاعلان العالمي لحقوق الانسان الفقرة المتعلقة بالصياعة بالمادة 31 و اللي بتقول :

لكل إنسان الحق، على قدم المساواة التامة مع الآخرين، ان يمارس الصياعة دون أي تمييز، كالتمييز بسبب العنصر أو اللون أو الجنس أو اللغة أو الدين أو الرأي السياسي أو أي رأي آخر، أو الأصل الوطني أو الاجتماعي أو الثروة أو الميلاد أو أي وضع آخر، دون أية تفرقة بين الرجال والنساء.

بقى من حق الشبيبة يناقشوا الموضوع , و ممكن حتى نعمل حملة جمع تواقيع لعقد جلسة طارئة بالامم المتحدة لتعديل الاعلان العالمي لحقوق الحنتان بما يتناسب مع مقتضيات العصير يعني ؟:gem:

AlAdel

10/06/2009, 15:56

ليه ما كان اسمو مثلا الشباب والصياعة كنت بحس انك شخص عندك مبدأ وبدافع عنو اما البنات والصياعه يعني كأنو الصياعه حلال لرجل حرام على المرأة

أنا قلت قبل انو الذنب مو بس علبنت ويمكن يكون ذنب الشب اكبر بس عم نناقش نحنا ذنب البنت بشكل أخص قلت هلشي بالرد 21

هلا انا مو هون لناقش اخلاق البنت او عذريتها بس بدي قلك من حقك تاخد بنت تكون محافظه على عذريتها المادية والمعنوية وفي كتير بنات هيك بس بالاول لازم تسأل نفسك انت هيك يعني ما بصير تقول لحالك انا شب بدي عيش بطول والعرض وبنهاية تبحث عن وحده شريفه ما حد شافها ولا حكاها

أنا قلت قبل انو مو حكينا على المبدا الخصوصي بل على المبدأ العمومي بالرد 28

وبعدين انا ما نفيت ذنب الشب

ومن شان عنوان الموضوع يمكن انا غلطان فيه فياريت شي إداري يعدلو حسب ما بدكون

..Jimy

10/06/2009, 18:10

AlAdel

10/06/2009, 18:56

صار مية واحد سائل عن تعريف الصياعة ولسا مافي جواب..
‏
عزيزي عيوني كاتب الموضوع ممكن تئلنا الصياعة حسب مفهومك الشخصي شو هيي..بشو بتجسد باي تصرفات او باي افعال..
مشان نعرف نناقشك مو اكتر..

انا قلت صياعة بس بالعنوان وقلت قبل انو ممكن كون غلطان بالعنوان لهيك يا ريت شي إداري يغيرلنا العنوان متل ما بدكون

nour333

10/06/2009, 22:57

الصياعة يا اخوان هي الدوره على حل شعره او شعرها وتختلف بأختلاف الزمان والمكان
مثلا الصياعة في لبنان هيه انو وحده ما يكون عندا اخلاص لشب الصايع معها

اما بالاردن (وخصوصي حوالي بيتنا) الصياعه انو البنت تتفرج على لميس ويحيى وتقول ما احلى عيشتهم او تحدث نفسها بهذا الكلام او تقوم بفعل يدل على هذا الكلام

mhsen77

11/06/2009, 02:48

اما بالاردن (وخصوصي حوالي بيتنا) الصياعه انو البنت تتفرج على لميس ويحيى وتقول ما احلى عيشتهم او تحدث نفسها بهذا الكلام او تقوم بفعل يدل على هذا الكلام
ولييييييييييييي ع قلبي كنو صحي هالحكي؟

طيب رح ارجع للموضوع

بغض النظر عن تعريف الصياعة يلي بتفرق بحسب الزمان و المكان كل واحد منا عندو بمنطقتو بحارتو بمدينتو صياعة
و هالصياعة بيتشارك فيها الشب و البنت لانو ما بيمشي الحال يصيع جنس بدون الجنس التاني لانو بيفقد الهدف

طيب و للكل : و حسب نظرة كل شخص منا للصياعة
انت بترضى ترتبط مع شخص صايع \ بنظرك و متل ما بتفهم الصياعة \؟

ليش بحس باخوية الكل بيحب يدافع عن البنت وكأنها ملاك منزل؟
البنت متلها متل الشب عندها اخطاء و اخطائها بتوقع انو ممكن نقاشها ليش حتى ما نرضى بهالشي :?
صاحب الموضوع طرح فكرة و بمحور محدد ليش حتى نغير هالمحور

suryoyo

11/06/2009, 03:58

طيب شوو؟؟
هل أنو 99% من البنات هيك متل ماني مفكر أنا ولا شو

تحكي عن 99% ... معناها تقصد ظاهرة مستشرية ...

شلون توصلت لهذا الرقم ؟؟

بطلنا نتزوج ونجيب ولاد من ورا هلشغلة لأنو ما رح كون متأكد إذا مرتي (عفيفة ونضيفة ) أو لأ

هو الاهم .. ... احكيلنا عن مفهومك للشريفة العفيفة بالضبط ؟

AlAdel

11/06/2009, 07:13

تحكي عن 99% ... معناها تقصد ظاهرة مستشرية ...
شلون توصلت لهذا الرقم ؟؟

تتوصلت لهلرقم لانو عنجد 99% من البنات اللي بعرفون هيك والبنات اللي ما بينشك بأخلاقهون بتفاجئ وبلاقيون هيك وخليت 1% لعلها تكون الدنيا لسا بخير
هلق عم نحكي عن البنات موينطلنا واحد ويقارن الشباب لانو محور حديثنا عن البنات متل ما قال الأخ:mhsen77

هو الأهم .. ... احكيلنا عن مفهومك للشريفة العفيفة بالضبط ؟

هي البنت اللي محافظة على نفسها تمااااما

وكمان ولو قلوا... تكون متدينة

Nay

11/06/2009, 10:34

تتوصلت لهلرقم لانو عنجد 99% من البنات اللي بعرفون هيك والبنات اللي ما بينشك بأخلاقهون بتفاجئ وبلاقيون هيك وخليت 1% لعلها تكون الدنيا لسا بخير
هلق عم نحكي عن البنات موينطلنا واحد ويقارن الشباب لانو محور حديثنا عن البنات متل ما قال الأخ:mhsen77

هي البنت اللي محافظة على نفسها تمااااما

وكمان ولو قلوا... تكون متدينة
مسكين..
يعني كل قرايبينك بنات صايعين!!! الله يعينك.. ولا قريباتك هنن ال1% اللي حكيت عنو..

وهدول ال 99% معليش يعني مع مين عم يصيعو.. كمان مو مع ال99% الصايعين من الشباب!!؟؟
يعني المفروض انو صار 99% من الناس صايعين.. حلو..

..Jimy

11/06/2009, 11:35

وبيكفي تروح على جبل قاسيون المنطقة الاشهر بسياراتها اللي عم تهز مع أنها واقفة
أكيد مو كل البنات اللي بالسيارات مأجورات وأغلبيتهن مثلا وحدة طلعت مشوار مع رفيقها

عفوا بداية انو كيف طلعت معك اكيد.. كيف حضرتك عرفت انو اغلبيتهن وحدة طلعت مشوار مع رفيقا؟..يعني حضرتك عملت شي احصائية أوشي:shock:؟..

هي البنت اللي محافظة على نفسها تمااااما

وكمان ولو قلوا... تكون متدينة
عطول حكيك مشفر يا زلمي..شو يعني محافظة عنفسها تماما؟؟
يعني زكاتك ياريت لو تسضفيض بالشرح شوي:D..

ليش بحس باخوية الكل بيحب يدافع عن البنت وكأنها ملاك منزل؟
لأن فعلا البنت بمجتمعنا ملاك:pos:..لك انا مشتهي شوف بنت وحدي بمجتمعنا مانها ملاك:?..
بس مستحيل..

AlAdel

11/06/2009, 11:52

مسكين..
يعني كل قرايبينك بنات صايعين!!! الله يعينك.. ولا قريباتك هنن ال1% اللي حكيت عنو..

وهدول ال 99% معليش يعني مع مين عم يصيعو.. كمان مو مع ال99% الصايعين من الشباب!!؟؟
يعني المفروض انو صار 99% من الناس صايعين.. حلو..

منرجع لنفس المشكلة
انا ما قلت انو انا منزل من السما وعيليتي منزلة من عند السما بس عم بحك الموضوع بشكل عااااام ليش عم تقلبوه لشخصي وكذا مرة قلت هلشي
وبرجع بقول انا ما بنفي ذنب الشباب
وبعدين انا ما قلت انو 99% من البنات او من الناس هيك
انا سالت هل انو عنجد هنن 99% او لأ وحبيت شوف رأي الناس بالهلخصوص

AlAdel

11/06/2009, 11:58

عفوا بداية انو كيف طلعت معك اكيد.. كيف حضرتك عرفت انو اغلبيتهن وحدة طلعت مشوار مع رفيقا؟..يعني حضرتك عملت شي احصائية أوشي:shock:؟..

يا زلمة بدا تنين يحكو فيها يعني مستحيل يكونوا كلون من نوع واحد

لأن فعلا البنت بمجتمعنا ملاك:pos:..لك انا مشتهي شوف بنت وحدي بمجتمعنا مانها ملاك:?..
بس مستحيل..

طيب انت شو قصدك هون

yass

11/06/2009, 12:35

منرجع لنفس المشكلة
انا ما قلت انو انا منزل من السما وعيليتي منزلة من عند السما بس عم بحك الموضوع بشكل عااااام ليش عم تقلبوه لشخصي وكذا مرة قلت هلشي
وبرجع بقول انا ما بنفي ذنب الشباب
وبعدين انا ما قلت انو 99% من البنات او من الناس هيك
انا سالت هل انو عنجد هنن 99% او لأ وحبيت شوف رأي الناس بالهلخصوصخيي مافيك تاخد جزئية من كل, يعني ما فيك تحكي عن الصياعة و تقلي انو بدك تناقش صياعة البنات و تتركلي الشباب (مع تحفّظي الكامل على كلمة صياعة)..

صرلي خمس سنين بهالمنتدى, و شايف هالموضوع بنفس الأفكار ما لا يقل عن عشرين مرة (انو البنات و هيك و هيك) و سبحان الله دائماً دائماً الأعضاء يردو بالشكل اللي ردو عليه فيه (و أقصد انو في شغلات بدها شخصين) و دائماً صاحب الموضوع يحاول يصلّح موقفو و يحكي انو و الله أي مزبوط ما مننفي انو الشباب كمان الهون ذنب بس نحنا هون عم نناقش عن البنات...

أي ما حل بقا بعد عشرين موضوع يصير واحد يحكي عن الشباب؟

شغلة تانية, بدك رأيي الصريح بالموضوع؟ طيب خود: نحنا مشكلتنا انو شعب فاضي أشغال (هيك بشكل عام الشرقيين انتاجيتنا تحت الصفر و فاضيين أشغال, حتى عالشغل نروح نطق حنك) و عنا كم من الساعات الفاضية رهيب... فبشو بدنا ننفقو؟ نراقب فلان و فلانة و نقعد نقيّمهون اخلاقياً من منطلق انو نحنا الصح, أو نحنا منعرف الصح (بمعنى آخر, نحنا أرقى أو أحسن أو أشرف أو شو ما كان... منهون), فهال الشعور بالرقي الأخلاقي هو تعويض لا إرادي عن شعور باطني بعدم الجدوى... انو بدنا نلاقي حدا و نقرر انو نحنا أحسن منو بشي معقول ماننا أحسن من حدا بشي؟!

حتى على مستوى شعوب نعمل هالشي! منحتاج نستورد من الغرب من الإبرة و البرغي للدبابة و الطيارة... بس لا تنغش.. نحنا أحسن منهون! هدولاك ما عندون أخلاق, و نحنا مش بس عندنا أخلاق انما نحنا الأخلاق... الأخلاق تجسدت فينا نحنا بس!

شغلة تالتة: انت عم تقول انو الشب "ما بيفقد عذريتو" (هيك شفت بأحد الردود)..

انو الشب ما يبقى فيه عندو دليل ملموس على انو باشر نشاطو الجنسي لا يعني بتاتاً انو ما فقد عذريتو, و البنات فيهون يعملو ممارسات جنسية من دون ما يفقدو عذريتون (بالمعنى اللي انت حكيتو).. هل يا ترى هالشي أقل "إجراماً" من وجهة نظر أخلاقياً من هدوليك الشغلات التانية؟ اشرحلي ياها لو سمحت صديقي

أخيراً: مفهوم الصياعة يعني... شاسع واسع...

أنا مبدئياً ما عندي شي ضد شخص محافظ و عندو رغبة أو شرط انو ياخد بنت محافظة, هاد شي طبيعي و بيصير بكل دول و حضارات العالم و ما حدا عندو شي عند هالشخص.. هاي حياتو

لكن عندي مأخذ يصل إلى حد الاستهزاء بنوعين من الأشخاص:

- اللي عامل السبعة و ذمتهون مع بنات العالم بس يصيرلي شيخ تكية مع أخواتو, أو يجي يقعد يقيّم بنات العالم انو هاي داشرة و هاي لأ... ما بمفهومك انت سيد الداشرين يا غزال!!!

- اللي لسانو طويل... و باسم الدين و الأخلاق ما يترك حدا من شرّو... أنا آخر شخص ممكن يحكي عن أحكام دينية بس بعرف انو المسلم من سلم الناس من يده و لسانه, و لذلك أنا كتير بقرف من اللي يقيّم الناس, و كرهي يتضاعف اذا استخدم الدين لهالشي...

القضية حلها بسيط: عيش حياتك كما ترغب و مع من ترغب, و خلي الناس يعيشو حياتهون كما يرغبون و مع من يرغبون, لا إلك عندون و لا إلون عندك... شايف ما أبسطها؟

Reemi

11/06/2009, 13:00

هي البنت اللي محافظة على نفسها تمااااما

وكمان ولو قلوا... تكون متدينة

يعني فيني افهم انك انت رابط عفة أو أخلاق أي بنت بإنها تكون متدينة..

هيك اختلف الحكي وصار فينا نقول انو المشكلة اختلاف ثقافات أو اختلاف طريقة تفكير وبهيك منكون لغينا تعميم المشكلة لانو بيجوز يلي انت شايفو مشكلة, المجتمعات يلي مانها ملتزمة دينياً تشوفو أقل من الطبيعي

شغلة تانية يعني انت حاكم انو البنت يلي غير ملتزمة دينياً هيي بنت سيئة فموضوعك هون صار تبشيري يعني يابنات يلي مانها ملتزمة دينياً بتكون صايعة وبدي احكي عليها

صح هيك؟

suryoyo

11/06/2009, 19:40

تتوصلت لهلرقم لانو عنجد 99% من البنات اللي بعرفون هيك والبنات اللي ما بينشك بأخلاقهون بتفاجئ وبلاقيون هيك وخليت 1% لعلها تكون الدنيا لسا بخير
هلق عم نحكي عن البنات موينطلنا واحد ويقارن الشباب لانو محور حديثنا عن البنات متل ما قال الأخ:mhsen77

قبل ما نرجع للنسب ... خلينا نشوف مفهومك عن الشريفة العفيفة

هي البنت اللي محافظة على نفسها تمااااما

ترا في ناس تعتبر البنت اللي تحكي بالتلفون مع زميلها ساعة 8 بالليل تكون ما محافظة على نفسها 100% !

هي طريقة التفكير الضيقة ...
تخلي البنت اللي من عائلة محافظة جدا ... تطلع مو محافظة ...

لان تربت على مبدأ .. كل بنت تمشي مع شاب ... هي بنت اخلاقها مو 100% ... و لذلك ممكن تعمل كثير شغلات بس مو قدام العالم (مثل ما ذكرت انت)

وكمان ولو قلوا... تكون متدينةبرأيك الشاب او الشابة يخافوا من الله ؟؟ الا من اهلو اكثر ؟؟ او من حكي العالم ؟؟

منرجع لنفس المشكلة
انا ما قلت انو انا منزل من السما وعيليتي منزلة من عند السما بس عم بحك الموضوع بشكل عااااام ليش عم تقلبوه لشخصي وكذا مرة قلت هلشي
وبرجع بقول انا ما بنفي ذنب الشباب
وبعدين انا ما قلت انو 99% من البنات او من الناس هيك
انا سالت هل انو عنجد هنن 99% او لأ وحبيت شوف رأي الناس بالهلخصوص

مو قصة شخصي يا اخي ...

بس اذا تلاحظ اغلب المشاركين استغربوا جدا من هي النسبة !

بس ما معقولة 99% من البنات اللي على شوفة عينك نايمين مع شباب :?

في مثل حلو .. ... "بين الصدق و الكذب اربع اصابع "

mhsen77

12/06/2009, 00:41

القضية حلها بسيط: عيش حياتك كما ترغب و مع من ترغب, و خلي الناس يعيشو حياتهون كما يرغبون و مع من يرغبون, لا إلك عندون و لا إلون عندك... شايف ما أبسطها؟

هالحل بينفع ل 99% من مشاكل مجتمعنا

شكرأ الك ياس ما بظن انو حدا فيه يحكي اي كلمة زيادة غير انو نعرف حدودنا عن حدود الاخرين و يوقف كل شخص عند حدودو :D

SwEeT DoUdOu

12/06/2009, 03:19

ولو كانت البنت عفيفة وطاهرة ومرباية وما عليا عيب رح ينحكا عليا
لانو العالم بس بيحبوا يحكوا
بيضلوا واقفين عالشباك وعم يتفرجوا عبنات العالم
وبيساووا البنت اذا كانت ماشية مع شب بالشارع بادبا انا طالعة معو وفلتانة و و و و و و

بس سؤال
انت على شو عاطي نسبة 99% ؟؟؟؟
انت عامل احصائية ودراسات ؟ ولا اعتماداً على حكي العالم وحكي رفقاتك

انا ما عم قول انو مافي هيك بنات ولا عم دافع على حدا بس مو لهالدرجة صارت هالنسبة
نحنا كل يوم منسمع سمعا ومنصدقا لانو منحب نصدق الاشاعات المو مأكدة اكتر ما نصدق الواقع المأكد

وميرسي عالموضوع :D

هشام ابو شرار

12/06/2009, 05:09