-
دخول

عرض كامل الموضوع : مايكروسوفت تؤكد حجب خدمة الماسنجر عن الشعب السوري

ابو ريتا
09/06/2009, 17:28
أكد المركز الإقليمي لشركة مايكروسوفت في الشرق الأوسط، ما تردد من أنباء عن حجب خدمة الماسنجر عن
الشعب السوري.

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////



وقال ويلسون زافيير في شركة مايكروسوفت الخليج، في رده على استفسارات أربيان بيزنس حول الاسباب
التي تقف وراء قرار مايكروسوفت بحجب الخدمة المجانية عن سورية، إن "ويندوز لايف ماسنجر" (
Windows Live Messenger) هو المنتج الوحيد المتأثر بالقرار مضيفا إن مايكروسوفت، مقيدة بمنتجات وخدمات
محددة تستطيع توفيرها في البلدان المشمولة بقرار الحظر، عملاً بقوانين الولايات المتحدة الأمريكية".


وهي:"اتخذت خطوات للوفاء بالتزاماتها بعدم التعامل مع الأسواق المدرجة على قائمة العقوبات الأمريكية".



وقال زافيير إن مايكروسوفت تحرص على دعم الجهود التي تسعى إلى أن تبقى شبكة إنترنت منصة حرة
ومتنوعة للمعلومات والتجارة، وينبغي على جميع الحكومات أن تتعاون مع بعضها البعض ووضع ضوابط لاستخدام
شبكة الإنترنت، للحد من المعايير المتناقضة" لافتا إلى أن" خدمات إنترنت المجانية الأخرى، مثل "ويندوز لايف
هوتميل" (Windows Live Hotmail) و"يندوز لايف سبيسس" (Windows Live Spaces)، متاحاً للجميع في كل
البلدان المعنية، بما في ذلك سورية"


2009/6/7
Jablah (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
ابو ريتا
09/06/2009, 17:30
هلأ الخبر صرلو يومين :shock: شباب كيف عم تستخدمو الماسينجر وأمريكا حاجبتو:larg:
أم الجود
09/06/2009, 17:35
لعمى على هالكم :shock:

الله يعين الموظفين على دوامن شو بدو يطول بدون المسنجر .. يعني عن جد شعبنا معتّر .. ما بيكفيه الحجب الجواني كان ناقصو لسا الحجب البراني :oops:
MadMax
09/06/2009, 18:33
هالحكي صرلو مدة كتير طويلة رح يكمل السنة ....
بس التصريح الو يومين





عالهامش .. صرعو ربنا الامريكان و هني يحكو عن حرية استخدام الشبكة
و عن رفضون لسياسة الحجب بغير بلدان
mary_55
09/06/2009, 18:42
بعني بأخير عنجد رح ينحجب المسنجر بسورية؟؟
خلص يعني ماعاد يدخلو العالم عالمسنجر بسورية :shock:
الصراحة مافهمت السبب؟؟:?:?
باشق مجروح
09/06/2009, 19:24
ما على اساس العقوبات لا تطال الشعب السوري .
خطوة كتير دنيئة من مايكروسوفت .
:frown:
أم الجود
09/06/2009, 19:36
ما على اساس العقوبات لا تطال الشعب السوري .

خطوة كتير دنيئة من مايكروسوفت .
:frown:


اي هيك على أساس :pos:

و هلأ لا تستغرب ينطولك هالكم حباب اللي عاملينلي حالون معارضة يهيصوا و يدبكوا و يقولولك هيك أحسن بركي هالشعب بيتربى و بيبطل يدعم حكومتو ...
Elephant And Castle
09/06/2009, 20:09
اي هيك على أساس :pos:

و هلأ لا تستغرب ينطولك هالكم حباب اللي عاملينلي حالون معارضة يهيصوا و يدبكوا و يقولولك هيك أحسن بركي هالشعب بيتربى و بيبطل يدعم حكومتو ...


ببساطة ..الناس المتضررة قادرة تستخدم ياهو مسنجر ..او اي نوع تاني ,,,

كل فكري انو امريكا قطعت الهوا عن سوريا .....ماتنسوا انو لساتنا معتمدين عالويندوز وتطبيقاتو يلي السوري ما عم يدفع شي ليشتريها يعني ببلاش ...

و مندعو الجميع يوقف سياسة الحجب ...
Genifer
09/06/2009, 23:21
وشلون يعني بدهن يحجبوه... مو علينا:yahoo:....

كل حجبة وإلها فكة :gem:(مثال من عندي)
Abu ToNi
09/06/2009, 23:44
باشروا الشببيبة بالتضييق على سما ربنا

غوغل سبقوا الهوتميل بكتير وحاجبين كل الاشيا علينا

هلق لحقوا الهوتميل ... شو الصدفة انه كل البواب عم تتسكر بوج مستخدم الانترنت السوري !!
بنفسجة
10/06/2009, 01:52
صحيح صرلو زمان الحجب شغال
بس غيرو اسم الدولة من سوريا لاي دولة تانية مش معاقبة وبيمشي الحال
قال عالشعب السوري قال
مفكرين حالون شاطرين
ههههههههه
Abu ToNi
10/06/2009, 02:08
صحيح صرلو زمان الحجب شغال
بس غيرو اسم الدولة من سوريا لاي دولة تانية مش معاقبة وبيمشي الحال
قال عالشعب السوري قال
مفكرين حالون شاطرين
ههههههههه
بس بتبقى النتيجة وحدة .. ليش مجبور الواحد مننا يخبي هويته السورية على الانترنت ليتعامل متل بقية البشر ؟
بنفسجة
10/06/2009, 02:23
بس بتبقى النتيجة وحدة .. ليش مجبور الواحد مننا يخبي هويته السورية على الانترنت ليتعامل متل بقية البشر ؟
صحيح حكيك تماما بس هيدا واقع ما بتغيرو العرايض او الصراخ لاللحجب بدنا نعرف كيف نتعامل معو
ينفلقو بالاخير المهم الماسنجر شغال والحجب ما نافع معون
leonardo_dicabreo
10/06/2009, 03:56
الله يعينكوم . . ! !

ما بقى غير يحجبو النت من مرّه . . ! ! :pos:
ابو نجبو
10/06/2009, 06:58
مع الهاكرز مافي شي بيبقى محجوب.....
cornholio
10/06/2009, 17:33
شو اللي محجوب في ربو ؟؟؟؟

اليوم فتحتو و حكيت مع خيي عن طريقو !!!!!
Damask Rose
10/06/2009, 17:56
لااااااااااااااااااا هاد الي كان ضايل... يعطيك اياها العافية ابو ريتا على هيك خبر:frown:
ayhamm26
11/06/2009, 01:19
مسكين هالمواطن السوري, ما بيخلص من حجب دولتو ليطلعلوا حجب من برا

ولما حكومتو الموقرة ببتتفق مع الامريكيين ما بينوبوا شي ولما بتختلف معن بتوقع براسو هو وبس.