المكتوب مبين من عنوانو
كوني من مدة عم اعمل تنزيل للافلام بين الفينة والاخرى:lol:
وبشكل عام شفت انو بمعظم المواقع يلي دورت فيها انو افلام العرب بتشكل ع الاقل النص فيها
ويعني رسائل الشكر ملاية الصفحات انو شكرا ع هالفلم الحلو ( بيكنلو شي فلم من اكلة لحوم البشر )
او الي زمان عم دور ع هالفلم ( بيكنلو من مصاصي الدماء )
وهلم جرا

سؤالي انو هالاشخاص يلي بتحضر هيك فلم شو يلي بيخليها تحبها ؟؟

يعني معظمها فيو حالات قتل بشعة جدا .... رعب احيانا بسبب امراض نفسية (خاصة للي متل حالتي:cry: )

نوع من تفريغ شحنات نفسية يعني؟؟؟ نوع من تعذيب الذات ؟؟ ولا شو ؟؟؟؟؟؟
ولا فعلا هيك افلام ما بتاثر وانو متلها متل غيرها ؟؟؟؟

ما بعرف اذا سؤالي واضح
وما بعرف اذا بيحقلي اسالو
بس عن جد غريبة .. بالنسبة الي ع الاقل
بلكي حدا بيتكرم ويجاوب
:D

ممكن جاوب انسة..!!! :lol:
من وجهة نظري كوني من متابعي وعشّاق أفلام الرعب رح جاوبك بما أحسه؟؟؟
شعور الخوف هو أحد الاحاسيس اللي بتخالج الانسان ..متلها متل الحب - الطمأنينة - الغضب - الضحك...الخ
فهيك بحس انو أحياناً بحتاج لجرعات من الخوف و القلق من وقت لاخر .....
بس هون في شغلة ..نوعية الافلام اللي عمتطلع عالساحة حالياً مالها علاقة بشي اسمو رعب ....
يعني افلام القتل المهووس "القاتل التسلسلي" أو القرف "احشاء و دماء و قطع رؤوس و أكلي لحوم بشر ...
"مو محببة أبداً و لا أظن انو الها جمهور "باستثناء المراهقين أو اللي بيحبو يتابعو الفلم لمجرد التسلية بدون تعمّق أو فهم"

محبّي أفلام الرعب بيحبو القصص الغريبة و الافكار الغير مسبوقة ...
وأكتر ما بيهربو منو هو النمطية و التكرار بحبك القصص المخيفة اللي وصلت لمرحلة التقليد الاعمى و اللي "على ما أظن" انو ماحدا بقي يتابعها .."سلسلة مصاصي الدماء و المستذئبين ...الخ "
و على الجانب الاخر ظهرت أفلام عالساحة و تركت بصمات و نالت استحسان الجمهور المتبعين لهيك نوعية ...

عندك فيلم "الاخرون the Others" مافيو نقطة دم وحدة و لا مشهد قتل واحد ..ومع ذلك بيعطيكي شعور بالرهبة و الخوف والفيلم قمّة بالاخراج و الاداء ....
وفي أمثلة كتير .....

:D

فلم الاخرون يلي حكيت عنو ... لحد الان ما عرفت كيف انضم لسلسلة افلام الرعب.... يعني الفلم لما شفتو شفت فيه قصة كتير انسانية .. صح عم تتعالج بطريقة غريبة .. بس ما طلعت ع نطاق الفزع .. يعني حسيت بالرهبة .. ما بالفزع والرعب ابدا ....
وبتوقع لحد الان ما شفت نمط من افلام الرعب يلي عم تحكي عنها .. او بالاحرى ما سمعت عنها لانو قدرتي النفسية ما بتتحمل فلم رعب
وتعقيبا ع كلامك .. انو الرعب او الخوف حالة طبيعية ..هي ما رح نختلف عليها ابدا ..ز
بس يا ترى حياتنا اليومية .. ما عم تكون مشبعة بالرعب؟؟؟ يعني وانت عم تشوف خبر عن شي بلد .... هالنوع من الخوف ما بينتابك ( اكيد الكلام مو موجه الك وانما عم احكي بشكل عام ) ....

واذا عندك فكرة عن افلام غير يلي فيها القتل الهستيري ع وصفك او غير المقزز احيانا ( برايي طبعا )
ليش هالافلام ما عم تكون موجودة متلها متل غيرها ع النت ؟؟ ليش هالدفق بنوع واحد من الافلام؟؟

تعقيبا بس ... انو فلم المومياء صار الو 3 اجزاء واخر جزء ما الو زمان كتير .. هيدا يعني انو في متابعة حقيقية ع عكس كلامك !!

( شو هي انسة؟؟؟؟ شكلي عم نظر يعني:cry: )

فلم الاخرون يلي حكيت عنو ... لحد الان ما عرفت كيف انضم لسلسلة افلام الرعب.... يعني الفلم لما شفتو شفت فيه قصة كتير انسانية .. صح عم تتعالج بطريقة غريبة .. بس ما طلعت ع نطاق الفزع .. يعني حسيت بالرهبة .. ما بالفزع والرعب ابدا ....

الفيلم انساني ما اختلفنا ..بس طريقة تعاطيه مع الاحداث و فكرتو الغريبة جداً هو اللي عطاه هالرهبة و الهيبة.....
أحياناً بمشهد واحد بتثير فيكي الفزع و القلق .....أكتر من عشر أفلام "رعب نمطية" مجتمعة....
متل مشهد الام لما بتدخل على بنتها وبتشوف ايد الختيارة....مشهد من أقوى المشاهد اللي شفتها بحياتي و لحد هاللحظة مارح أنسا القشعريرة اللي سرت بجسمي لما حضرتو..

وتعقيبا ع كلامك .. انو الرعب او الخوف حالة طبيعية ..هي ما رح نختلف عليها ابدا ..ز
بس يا ترى حياتنا اليومية .. ما عم تكون مشبعة بالرعب؟؟؟ يعني وانت عم تشوف خبر عن شي بلد .... هالنوع من الخوف ما بينتابك ( اكيد الكلام مو موجه الك وانما عم احكي بشكل عام ) ....

وكمان حياتنا ما بتخلو من الحب ومن لحظات ضحك حقيقية...ومع ذلك منحضر أفلام رومانسية و كوميدية...

واذا عندك فكرة عن افلام غير يلي فيها القتل الهستيري ع وصفك او غير المقزز احيانا ( برايي طبعا )
ليش هالافلام ما عم تكون موجودة متلها متل غيرها ع النت ؟؟ ليش هالدفق بنوع واحد من الافلام؟؟

بصراحة مابعرف....
عالانترنت ليش مو موجودة ماعندي فكرة والله....
بس انو بمحلات الدي في دي موجود اللي بدك ياه ...
وازا بدك نصيحتي بكم فيلم أنا جاهز.....:lol:

تعقيبا بس ... انو فلم المومياء صار الو 3 اجزاء واخر جزء ما الو زمان كتير .. هيدا يعني انو في متابعة حقيقية ع عكس كلامك !!


أنا بصراحة فيلم المومياء بعتبرو من أفلام اليافعين ....متلو متل رجل العنكبوت و الوطواط ...الخ
لذلك بتلاقي هيك شخصيات الها شعبية كبيرة .....وبتشوفي اجزاء كتيرة عمتنطرح بالسوق


( شو هي انسة؟؟؟؟ شكلي عم نظر يعني:cry: )
:lol:


:D

أفلام الرعب ... بكرها بكرها بكرها !! :jakoush:
شو ناقصنا مقت يعني ؟!!
بزماني كنت مع رفقات عم يحضروا فيلم birds لهتشكوك و قال يعني حبيت ساير الجو و حضرتو معون .. و كانت باطلة و محولة هديك الساعة .. الحكاية صرلا أكتر من 5 سنين و لهلأ مرات بكوبس بمشاهد منو :cry:
بحب كل شي بيفرح و بينعنش الفؤاد :sosweet:.. أفلام الكوميديا و الرومنس و الاجتماعي هي الأفلام الوحيدة اللي بشوفا ..
شكراً عالموضوع
:D

شكرا سونا عالموضوع القيم
انا بالنسبة الي ما في فيلم رعب بيستاهل اني ارتعب واكمش اعصابي بصراحة مشاهد مصاصين الدماء بكل فلم عم تتجدد ويمكن يزيدولون شي فكرة مئرفة اثناء مص مصاصين الدماء للبشر يعني بدي افهم انو ما عاد في شي بيخلينا نحس انو هيدا فيلم رعب عن حئ وحئيئ لانو ما عاد في افكار جديدة
انا قليل ما تابع افلام رعب بس ما بكمل الفلم الا ازا كان بيستاهل المتابعة واغلب افلام مصاصين الدماء مكررة المشاهد والبشاعة يعني ليش بيتطرق المخرج دايما للقرف والدم لك ما عاد في شي جديد ينتجو لكان خليه ببيتو احسنلو .... يمكن افضل الافلام للي شفتا عن فلسطين فيلم بيحكي عن فلسطين وكانت نهايت الفلم حزينة كتير بكتني وكان تأثيرها بداخلي كتير قوي لبعد ما انتهى الفلم والله هيدا الفلم الناجح برايي
عذرا عالاطالة وشكرا عالمتابعة :D

سؤالي انو هالاشخاص يلي بتحضر هيك فلم شو يلي بيخليها تحبها ؟؟

بتصدقي ما بعرف ليش
يمكن لاني متلجي ؟
او يمكن لانو الها خصوصية من ناحية انها الها شغلات معينة بتقفط الدب من وكرو :p ؟
او بيجوز لاني بحبها من دون سبب معين ؟؟؟؟؟

يعني معظمها فيو حالات قتل بشعة جدا .... رعب احيانا بسبب امراض نفسي

حضري فلم اسمو [1408] و رديلي خبر

و بس ...........
:D

SAW:gem:..
هاد فيلم..واقعية مطلقة..اسلوب وافكار رهيبي..

الصراحة
فلم رعب بيفرق عن فلم تاني
يعني مثلا فلم
SAW
بيفرق عن فلم المومياء
وبيفرق عن فلم THE RING
SAW فيو مشاهد دم وقتل
وأفكارو فظيعة
فلم المومياء فيو لقطات رعب بس مو موت
فيها تخويف
حتى ممكن بأي لحظة يطلعلك شخص من القدماء يصير جزء من الفلم
و THE RING دايما بتلاقي الصحفية مهوسة بكتشاف أشياء ممكن تاخدها بلا رجعة وهي روح مغامرة حلوة مامنلاقيها بكل فلم
وهاد الشي بينطبق عفلم المومياء
وفلم ساو كمان :o
والله شكلي محششة أنا :lol:
الخلاصة أفلام الرعب كتير حلوة لما مابيكون فيها وحشية زيادة عن اللزوم :oops:
يسلمو إيديك كتير الموضوع حلو
:D

هلق SAW صار فلم رعب ؟؟؟؟؟؟؟؟؟؟؟

انو سمعة !!!!!!!!!!!!!!!

افلام متل :

the grudge
1408
the unborne

هاي افلام رعب

معناتا شو شايفين

مابحبهم . ومال مضطر . عندك شي فلم رومانسي :sosweet:

هلا هي افلام الرعب انواع
انا مابحب الي فيها قتل وتسفيح ودم ومابعرف شو..لاني بعتبر هاد مو رعب هادا قرف
بحب الشغلات الي فيها ارواح او مخلوقات فضائيه مابيعرفو مصدرها وهيك شغلات
بصراحة الافلام الواقعيه والاجتماعيه صارت كتير مملة ومافيها شي او فكرة جديدة تجذب الواحد لحتى يحضرها
صار الواحد بدو شي غريب يحضرو.. يعني شي يطلعو من هالواقع شوي

مابحبهم . ومال مضطر . عندك شي فلم رومانسي :sosweet:



عندي كومة.....:lol::lol::lol:

انت بس نقي:p

هلا هي افلام الرعب انواع
انا مابحب الي فيها قتل وتسفيح ودم ومابعرف شو..لاني بعتبر هاد مو رعب هادا قرف
بحب الشغلات الي فيها ارواح او مخلوقات فضائيه مابيعرفو مصدرها وهيك شغلات
بصراحة الافلام الواقعيه والاجتماعيه صارت كتير مملة ومافيها شي او فكرة جديدة تجذب الواحد لحتى يحضرها
صار الواحد بدو شي غريب يحضرو.. يعني شي يطلعو من هالواقع شوي



هلق في شي اسمو خيال علمي وبتوقع هيدا غير افلام الرعب

وكيف عم ينقال انو غريب وعمليا افلام الرعب عم تدور بمحور او محورين .. قتل .ز مصاص دماء .. اكيد بنوع من التنويع بس ما فينا نقول تنويع كبير وانما عم يقلب شوي شوي نمطي متلو متل غيرو ...

المهم

فلم الرعب عندك نوع من الهرب من النمطية
طيب . ما باثر هيك نوع من الافلام عليك نفسيا ابدا ؟؟؟؟
متلو متل ايا فلم تاني؟

الخلاصة أفلام الرعب كتير حلوة لما مابيكون فيها وحشية زيادة عن اللزوم


:cry::cry::cry::cry::cry::cry:

يا امة سعدو ع هالحكي :sick:

بتصدقي ما بعرف ليش
يمكن لاني متلجي ؟
او بيجوز لاني بحبها من دون سبب معين ؟؟؟؟؟



حضري فلم اسمو [1408] و رديلي خبر

و بس ...........
:D

لا بتوقع ما الي قدرة احضر ايا فلم رعب . يعني ولا اكشن في عنف .. لانو غالبا لما بيكون في لقطات ( سواء حقيقية بالاخبار او خيالية بالافلام ) بحلم فيها .. يعني بقضي الليل كلو كوابيس ......

ولهيك عم اسال ..كيف يلي بيحب هيك افلام ما عم يتاثر فيها .....ما شرط متلي .. بس انو من دون تاثيربالمرة ما عم اقدر استوعبو......
:D

أفلام الرعب ... بكرها بكرها بكرها !! :jakoush:
شو ناقصنا مقت يعني ؟!!
:D


وانا ايضا ...............

ما ناقصنا مقت ابدا .. في بيكفي للكل وزيادة كمان :cry:

هلق في شي اسمو خيال علمي وبتوقع هيدا غير افلام الرعب

وكيف عم ينقال انو غريب وعمليا افلام الرعب عم تدور بمحور او محورين .. قتل .ز مصاص دماء .. اكيد بنوع من التنويع بس ما فينا نقول تنويع كبير وانما عم يقلب شوي شوي نمطي متلو متل غيرو ...

المهم

فلم الرعب عندك نوع من الهرب من النمطية
طيب . ما باثر هيك نوع من الافلام عليك نفسيا ابدا ؟؟؟؟
متلو متل ايا فلم تاني؟

لا ما بياثر لاني اصلا لما اكون بحضرها بكون ماخداها بشوية استهزاء ماباخدها جد ابدا
يعني طول ماانا بحضر الفيلم خصوصي الافلام الخيالية بكون حاطة ببالي انو كلو فيلم ومافي شي متل هيك ممكن يصير اصلا

ممم
بما إنو هالموضوع يتعلق فيي من بعيد او من قريب بس لاني بفضل شوف افلان رعب ما بعرف رح جاوبك
نوع من تفريغ شحنات نفسية يعني؟؟؟

هوي بالزبط انا شخصيا في عندي طاقة سلبية كبيرة يعني نوع من الغضب والثوران حابة ان يفرغو ومو حلوة بفرغو ببني آدم لانو ع الاغلب رح يموت :p
مشان هيك بلاقي راحة بافلام الرعب بس هاد ما بيخولني اني كون مدمنة لاء لانو فيني استغني عنون بس ازا في فلم بيستحق المشاهدة ليه لاء؟
هوي من ناحية بياثرو , يمكن اي للبعض للي شخصيتون ضعيفة شوي او يمكن بيتقبلو التغيير بحياتون بسهولة
بس انا لحد هلأ شخصيتي ما تغيرت منوب
بس وقت شفت فلم The exorcism of Emily Rose & Death bill يا بيي قديشني تاثرت صرت اتخايل شغلات لا عالبال ولا عالخاطر
بس هلأ صايرة عادي

بس من كل عقلكون تخافو؟ انو مبينة اللي فيا قتل ودم ومدري شو انو كزب بكزب يعني مبينة الخيال
بس ازا بدكون تحضرو افلام الرعب بنصحكون باليابان عنجد الرعب ع الاصول
و Good luck :larg:

هلا أنا بحب أحضر أفلام الرعب
التشويق يلي بتحملو و حالة الترقب ممتع جداً والرعبة حلوة أحياناً :p
بس بكره الأفلام يلي فيها عنف وسادية مقرفة :frown:
لكن من بعد ما انفرضت علييّ الظروف إني عيش لوحدي و ثائبت فترتا اني حضرت فيلم Exorcism of Emily Rose ... اي ما عاد فيني نام قبل ما تصير الساعة 3 :sick: ومنها خففنا هالأفلام

بس انا لحد هلأ شخصيتي ما تغيرت منوب
بس وقت شفت فلم The exorcism of Emily Rose & Death bill يا بيي قديشني تاثرت صرت اتخايل شغلات لا عالبال ولا عالخاطر
بس هلأ صايرة عادي


ييي حكينا عن نفس الفيلم أنا وأنت :o مأثر فينا بشكل رهيب الظاهر ...
هلا بتعرفي أول مرة انتبهت عاسمك بالمنتدى كنتي حاطة صورة الفيلم
يومها قلت يا ويلي لهون لاحقتني هالمقصوفة ايميلي :p وكنت اتفادى طلع عالصورة لما اقرا رد الك :lol: :oops:

ما بتخيل حالي مضيع ساعتين زمان من عمري مشان شوف الدم و مصو

انو وين الفكرة او العبرة او المتعة بهالافلام ما كنت اعرف

عندي كومة.....:lol::lol::lol:

انت بس نقي:p
بشو بتنصحيني

شي أني بس أحضرو . العن ساعة عيشتي :cry:

يمكن انو نحنا منشوف النوع هاد من الأفلام غريب شوي بما انو بالأدب العربي القديم والمعاصر ما كان عنا شي اسمو ادب "رعب" ..بينما بأوروبا و امريكا كان في كتيير كتاب قصص رعب و كتبون لقت رواج عالي ..لهيك متل هيك افلام ما بعيدة كتير على ثقافتون على اعتبارا نوع من انواع الأدب .


و انا من جهتي بحب اقرا قصص رعب كلاسيكي- مو خيال علمي او هيك شي- اكتر من انو شوفها كأفلام ..لأنو بالحالى هي فيني اتصور الشخصيات و عيش الصراع بمخيلتي ....من دون شطة او رب البندورة !!

والله بطبيعة الحال , أفلام الرّعب مرغوبه من جميع فئات الأعمار . .

بالنسبه ألي ما بحب افلام الرعب لأنه بحس فيها خيال كتير وانا من النوع الي ما بحب الخيال كتير . بس فلم SAW هاد جاوز جميع المعتقدات والتخيلات , وعلى فكره ما بتقدر أتصنفه من فئة أفلام الرعب.

المهم :

خلينا على الأكشن والكوميدي . . ! ! :larg:

اكيد مو حلوة بس لافلاف اللي بكون الها قصة تاريخية اكيد بتكون حلة زي حصان غرناطة وما الى ذلكاما افلام الخيال اللي فيها القتل والقصص الخرافية لا مو حلو بنووووووووووووووووب:D

ييي حكينا عن نفس الفيلم أنا وأنت :o مأثر فينا بشكل رهيب الظاهر ...
هلا بتعرفي أول مرة انتبهت عاسمك بالمنتدى كنتي حاطة صورة الفيلم
يومها قلت يا ويلي لهون لاحقتني هالمقصوفة ايميلي :p وكنت اتفادى طلع عالصورة لما اقرا رد الك :lol: :oops:

ههههههههههههههههههههه وربي فقعت من الضحك
هلأ انتي كمان فقتي الساعة 3؟
وربي وقت حضرتو فقت الساعة 2.55 AM بقى تخايلي هلأ هالشغلة بتصير Psychiquement
بس عنجد فلم نهفة وانا شخصيا نسختو ع سي دي وين ما بروح باخدو معي هيك مشان بث الرعب بكل انحاء البلاد :lol:<<<كانو هالجملة من فلم تاريخي :?
هههههههههههههههههههه بتتزكري الصورة؟ عم فكر ارجع حطها ولا قولتك بضلني ع القرود؟ :p
انو عادي guys افلام الرعب مجرد افلام متلا متل غيرا وا فيا شي جديد غير السسبنس والقعده ع الاعصاب :larg:

هههههههه ياااااااي رعب ..
ليكي انا بحب شوف فلم رعب بالشهر مره انو هيك عيش حالة خوف شوي
انتبهي هاااااا رعب مو قررف ودم ودبح وسلخ متل الخواريف ..
لا بحب افلام الرعب الي بتجيكي بيجمعو الماضي مع الحاضر ومتل فيلم سايلنت هيل واااااو كان بيجنننن
مشان هيك بحبهن اما غير هيك لاااااا ..وانا من طبيعتي بحب شوف الافلام الرومنسيه والام طلاب الجامعات يا عينيييييييي

ويسلموووووووو عالمضوووع الراااااائع ..:D

رأي خاص كتير يعني


الأفلام المرعبه تزداد خطورتها على المرأه من الناحيه النفسيه

والجسديه ...ف الفتيات اللاتي يشاهدن هذه الأفلام بإستمرار

يفقدن بعضاً من شخصياتهن الأنثويه والرومانسيه ....

بينما الأغلبيه منهن يعانين من توتر وقلق وخوف دائم بسبب هذه الأفلام ...

أماأفلام الرومانسيه والحب

تحسن القدرات الذهنيه والعقليه وتبعث الإطمئنان والإنشراح والراحه

والإبتسامه وتبعد القلق البسيط وتحسن الحاله النفسيه بصوره كبيره ...

وقد نصح الأطباء بها ......في كثير من البرامج التلفزيونيه والأبحاث

وحذروا من مشاهدة الأفلام المرعبه التي تبعث الخوف والحزن بشكل أعتيادي سكولوجي بحت

بكفي رعب والله .............من شو بيشكي جم كيري

حضري فلم اسمو [1408] و رديلي خبر

و بس ...........
:D

حضرتو .. كتييييييير حلو ...:adal:
بس ما فهمت آخرو :shock:
انو لساتو بالغرفة ولا طلع منها والصوت كان حقيقي ؟ :?
المهم بيكفي اني بحب رقم 13 .. :sosweet:
على سيرة رقم 13 .. انو استغربت كيف رقمي الامتحاني ما طلع فيو رقم 13 او 3 قمت جمعت الارقام ( 4522 ) طلعوا 13 :clap:
SAW:gem:..
هاد فيلم..واقعية مطلقة..اسلوب وافكار رهيبي..
رهيب فعلاً ..:gem:
بس احياناً بيوصل لدرجة القرف .. مع اني ما بقرف .. بس هاد الفلم بيقرف يلي بعمرو ما قرف :sick:
بس الافكار والخطط رائعة جداً .. وبيفوت الزلمي يلي عم بيشوفوا بمليون حيط:?

بالنسبة للموضوع
يا ستي انا بحب احضر افلام الررعب .. بس بحبها تكون قريبة عالواقع اكتر من الخيال .. يعني بحب تكون اجرام وهالقصص عندك سكريم .. سو .. 1408 ...افلام الفايمبر ... افلام الاشباح ..الخ الخ ..

اما افلام القرف وهاد الوحش يلي شاطة ريالتو وهاللعي .... يع ما بحبهن :mrgreen:
ما بعرف يمكن هيك نوع من الفلام بيخلني فش خلقي وفرغ شحنات نفسية .. متل لما اتمنى اقتل شي حدا .. بحس حال بدال القاتل عم اقتل هالحدا :lol:
ما بعرف بس انا من صغري كمان بتزكر حالي اني بحب الدم .. وكان على اساس اطلع طبيب جراح .. قلوب الناس داويها :larg:


الي رجعة :D

حضرتو .. كتييييييير حلو ...:adal:
بس ما فهمت آخرو :shock:
انو لساتو بالغرفة ولا طلع منها والصوت كان حقيقي ؟ :?






الفلم من النوع الكتير حلو
بس بربك هاد بيتصنف على انو رعب ؟؟؟؟؟


المهم بيكفي اني بحب رقم 13 .. :sosweet:
على سيرة رقم 13 .. انو استغربت كيف رقمي الامتحاني ما طلع فيو رقم 13 او 3 قمت جمعت الارقام ( 4522 ) طلعوا 13 :clap:

ههههههههههههه
حلوة عجبتني لفلي ياها :p

ماخصني بأفلام الرعب
مثلا saw حضرتو بكل اجزاؤو هوي منو فيلم رعب ع ئد منو مقرف ع قولة أمير
يعني كلو دم وهيك قصص

بس افلام الرعب الحقيقية اللي بيكون فيا غموض مثلا فيلم The exorcism of Emily Rose انا ماحضرتو بس حضروه اخواتي وانا معن بالغرفة واظطريت سكّر عيوني لساعتين بس خلص وعرفت انو فاقت عال3 الصبح صرت فيق بالليل وخاف اطّلع عالسّاعة

وفي فيلم missed call 1 و2 هاد بيرعّب كتير وغامض

انا بالنسبة الي هي افلاو عادية ما بتاسر فيني بس في الونة الاخيرة وقعت اعمال تخريبية بالثانوية يلي بدرس فيها و المصطلحات لي نكتبت عالجدران مقتبسةمن افلامsaw انا حضرتن يعني و ما اثرو في وشكرا عالموضوع

هلق ليش بحضر افلام الرعب

1- حتى شوف قصته اذا جديدة او لأ

2- حتى شوف اذا فيه رعب ولا لأ

3- حتى شوف اذا رح ارتعب

كان في فيلم وانا صغيرة كتير حضرته .. كان عن سيارات بتمشي لحالها لأنه دخل فيها شيطان
خفت لأنه كنت صغيرة..هاد لهلق بتذكره

وفي مرة حضرت فلم ع أساس بيرعب قمت ضحكت عليه اسمه: war of the worlds ل توم كروز

والقصص بتكون على الشكل التالي:

شي بيكون فيه اموات وبيطلعوا من قبورهن
شي بيطلعلهن روح بنت ميته وماسكة سكينة
شي بيكون بيت مسكون وفيه اوراح يلي كانوا ساكنين فيه وماتوا
شي ارواح شريرة ...شي شياطين
شي كائنات من الفضاء
مصاصين دماء
الحشرات و النمل والعناكب القاتلة
او افلام مقرفة كتير بس بيحطوها ضمن افلام الرعب

افلام الرعب حالياً صارت تكرر نفسها ..والرعب كله عم يجي من صوت الميوزيك
يعني اذا حضرتوا فيلم رعب بدون صوت ما بتخافوا...الطريقة مجربة

سلام لكل يلي جاوبو
انو مو غريبة نحب نحس بالرعب؟؟؟ ان ندور ع شي يرعبنا ؟؟؟

اكتر من واحد جاوب انو افلام الرعب بتعطي شي جديد ... بس كمان متل ما قلت وقال اخرين صار فيها تكرار

ما بعرف .. بس حسب الاجابات شفت انو في نزعة لتعذيب الذات:lol:
او بالعكس نفور تام منها .....

ويلي ما بيتاثر ............. لك نيالووووووووووووووووووووو وووووو

بالنسبة الي افضل افلام الرعب هي اللي فيها ارواح وقوى خفية اما افلام الخيال العلمي والمخلوقات الفضائية ومصاصي الدماء والمستذئبين وغيرو فما بحبها ابدا لاني اصلا ما صنفها ضمن افلام الرعب

كمان في تجارب ناجحة جدا وهي تجارب عربية يعني عندك فيلم يسرى في التعويذة هداك قمة الاثارة والرعب انا صراحة ما تفرجتو بس اخواتي يحكولي عنو

اما الفيلم المثالي عندي بالرعب فهو الاخرون لنيكول كيدمان لانو قمة بالسيناريو والاخراج