-
دخول

عرض كامل الموضوع : جاد شويري Funky Arabs

صفحات : [1] 2
W.E.G.A
27/05/2009, 04:01
هاي شباب
اغنية جاد الجديدة
Funky Arabs
شو رايكن فيها
بصراحة شفت كتير وجهات نظر
مختلفة بهالموضوع
وحبيت اعرف رايكن
مو مهم الكليب لان هو كليب من هالكليبات المبتذلة
بس فكرة الاغنية هي موضوع النقاش
والي مو سمعان الاغنية
هي كلماتها
هاتو لشوف شو قولكن :sly:


We are not what you see on CNN or BBC
take a look at us, we're not bombers we got the guts.
You're gonna experience, an arab touch with a modern sense.
Now is the time
I came up with the rhyme
to show you what we are not
make you listen to what we got

we got sexy girls, arab beauty that will rock your whole world
loaded guys, you gotta see them when they get their highs.

Dance with us, till the break of dawn,
roll with us come and see the fun
freak with us, sea, ***, and sun
Funky Arabs turn you on

Dance with us, till the break of dawn,
roll with us come and see the fun
freak with us, sea, ***, and sun
Funky Arabs turn you on


you gonna like the sound
exotic beats with a foreign bump
mentality and the grace
the bling-bling world double with a glamorous race so
get on the guest list
of the arabic crowd and the modern twist.

you gotta catch the sign
stand up in the line
we'll make you see how hot
we can be under the spot

we got sexy girls, arab beauty that will rock your whole world
loaded guys, you gotta see them when they get their highs.

Dance with us, till the break of dawn,
roll with us come and see the fun
freak with us, sea, ***, and sun
Funky Arabs turn you on

Dance with us, till the break of dawn,
roll with us come and see the fun
freak with us, sea, ***, and sun
Funky Arabs turn you on

that you mean
take the lead
shake the beat
move your feet
get in the street
on the street

pick it up now

that you mean
take the lead
shake the beat
move your feet
get in the street
on the street

Everybody on your feet from Beirut to the World.

you gets what you discovered
arabic color
fly, and cool, fur coats in the summer.
jovia
27/05/2009, 07:37
يضرب هو وهالطول للي ناتعو لعمى شو بكرهو بحسو معتوه وصعلوك جاي من حارات الشحادة عم يشهر بالجنس عالتلفزيون لانو بيعرف تماما انو موضوع الجنس هو من اكتر المواضيع للي شاغلة معظم ابناء الوطن العربي :sly:متلو متل اي شخص بينام مع بنت عالتلفزيون بشكل مشروع يعني ماعاد اسمو دعارة :pos:
بكرهك جااااااااد تضرب انت وطقم سنانك متل سنان الدواب :p
leonardo_dicabreo
27/05/2009, 08:37
بس ما فهمت هلأ جاد شويري هاد نوع جديد من الطرب والغنا يعني متل , الروك , والبوب , ولا كيف , لأني حاسس اني بحكي بواد وانته بواد . . ! :?

قال جاد شويري قال . . ! !:frown:
bacteria
27/05/2009, 09:29
مقزز و أكثر :mrgreen:
W.E.G.A
28/05/2009, 03:15
انه ما بهمني جاد بشي

دخلكن هو شخص عم بيحاول يعمل شي هو مفتكر انه مهم اله

انا بدي اعرف رايكن بفكرة الاغنية

يعني هي عم تعكس الواقع

وتصحح النظرة الغلط للغرب النا

ولا شو
رايح عاليسار شوي
28/05/2009, 03:29
أتحفظ............
لأنو.......كيف بدي اعطي رأيي فيه اذا مستحيل يجي يوم واسمعو..............
شو رأيك اسألك شو رأيك بنباح كلب جاركن؟؟؟؟؟؟؟؟؟؟:lol:
jovia
28/05/2009, 09:40
بكرهو اكتر ما بتتخيلو ... عم يخدع العالم ويستخدم الجنس ليوصل للشهرة ويسرق مصاري العالم :sly:
HashtNasht
28/05/2009, 10:29
ليش هيك كتير متحاملين ع الزلمي !!!
jovia
28/05/2009, 10:42
ليش هيك كتير متحاملين ع الزلمي !!!
مابعرف يمكن لانو بحسو تافه وصعلوك ونص دكة وعرتيلة وفوء كل هاد ستوووووووك:jakoush:
"صحيح انتي معنا ولا مع التانيين" على قولة عادل امام :shahbi7:
HashtNasht
28/05/2009, 10:52
مابعرف يمكن لانو بحسو تافه وصعلوك ونص دكة وعرتيلة وفوء كل هاد ستوووووووك:jakoush:
"صحيح انتي معنا ولا مع التانيين" على قولة عادل امام :shahbi7:

و الله يا ستنا انا ماني شايف انو في شي بيستدعي انو ننتقد سنانو ...او انو نصنف بيئة أهلو للزلمي , هاد واحد بيعمل اغاني ...انتي بتحبي تسمعي اغانيه كان به ..ما بتحبي ما حدا بيجبرك .

هلأ اذا عندك نقد فني لاغانيه بكون شي منيح , غير هيك بكون شي ما الو معنى !

خدي ابو وديع مثلاً ...الوسوف يعني ...انو هو الوسوف ك بني ادم يعني ...ك شخص ..هو شي منيح يا ترى ! ..شو بعرفني ؟ ما بهمني ...انا اللي بعرفو انو في اغاني للوسوف كتير خرج تنسمع ..و في اغاني بالحيط . و ثقي تماما انو وقت بدي اسمع غنية حلوة للوسوف ما رح يفرق معي مين هو ك شخص .

وقت بكون الموضوع غنية ..طقطقوقة ..اللي هو يعني , ما كتير بتفرق اذا كان اللي عم يغني صعلوك او لاء , المهم الغنية , و مهم كمان انو ما حدا بيجبرك تسمعي شي ما بيعجبك ..الا شوفير السرفيس طبعاً..بحقلو لأنو.

بقى هاد قصدي انا ..انو ما بخصنا نلعن سلسفيل اجدادو للزلمي ...هو عامل غنية ..انتي حرة بتعجبك الغنية او ما بتعجبك...بس مانك مضطرة تقييمي الشخص اللي عامل الغنية , مانو وزير هو , ولا عضو برلمان يعني , واحد عم يغني .و بس تعاملي مع الموضوع هيك و صدقيني خلال 15 يوم بترتاحي كتير :lol:
ملاك المحبة
28/05/2009, 10:56
:shock::?..:cry: انا بحبوووو لجااد .. وبحب اللي بيـغنـيه .. اللي ما عجبو :krimbow::krimbow:
jovia
28/05/2009, 11:21
و الله يا ستنا انا ماني شايف انو في شي بيستدعي انو ننتقد سنانو ...او انو نصنف بيئة أهلو للزلمي , هاد واحد بيعمل اغاني ...انتي بتحبي تسمعي اغانيه كان به ..ما بتحبي ما حدا بيجبرك .

هلأ اذا عندك نقد فني لاغانيه بكون شي منيح , غير هيك بكون شي ما الو معنى !

خدي ابو وديع مثلاً ...الوسوف يعني ...انو هو الوسوف ك بني ادم يعني ...ك شخص ..هو شي منيح يا ترى ! ..شو بعرفني ؟ ما بهمني ...انا اللي بعرفو انو في اغاني للوسوف كتير خرج تنسمع ..و في اغاني بالحيط . و ثقي تماما انو وقت بدي اسمع غنية حلوة للوسوف ما رح يفرق معي مين هو ك شخص .

وقت بكون الموضوع غنية ..طقطقوقة ..اللي هو يعني , ما كتير بتفرق اذا كان اللي عم يغني صعلوك او لاء , المهم الغنية , و مهم كمان انو ما حدا بيجبرك تسمعي شي ما بيعجبك ..الا شوفير السرفيس طبعاً..بحقلو لأنو.

بقى هاد قصدي انا ..انو ما بخصنا نلعن سلسفيل اجدادو للزلمي ...هو عامل غنية ..انتي حرة بتعجبك الغنية او ما بتعجبك...بس مانك مضطرة تقييمي الشخص اللي عامل الغنية , مانو وزير هو , ولا عضو برلمان يعني , واحد عم يغني .و بس تعاملي مع الموضوع هيك و صدقيني خلال 15 يوم بترتاحي كتير :lol:
اول شي بتشكرك على ردك hashtnasht
بالمقابل بدي اتناقش انا وياك لانو بحب ابدي برايي واسمع راي الاخرين :
بالبداية انا بدي نوهلك انو غنيتو ما سمعتا الا مرة او تنتين المرة الاولى تعرف عالغنية و "المرة التانية بالصدفة عند رفيقتي "
هلا كلامك صحيح بس بدك تسمحلي يعني جورج وسسوف عم بيغني فن عم يطربنا وانا عندي ياه من عمالقة الفن والسلطنة الطربية يعني لما جورج بيغني الهوى سلطان متل لما واحد بيغني وبيبتذل باغنيتو لحتى يشهرها هاد ناهيك عن حركاتو البهلوانية واستخدامو للجنس كوسيلة ليجذب الناس
كل مخلوق بيحب الجنس لكن هالشي ما بيعني انو تنحدر اغانينا لهيك مستوى يعني هاد لا صفي صوت ولا منظر "برايي" شو عم يستخدم من السلم الموسيقي اولا وشو عم يحاول يسمع الناس كطبقة صوتية وكمقدرة

جورج وسوف انا حبيت الحشيش لاجلو وحبيت الزهزهة كمان كرمالو .... ابو وديع سلطان الطرب لما بيطلع عالمسرح وبيغني بحسو محترم مهنتو وبيحكي قصص حب واقعية مابعتقد في انسان ما بيتذوء فنو ... جورج وسوف لما عم بيغني مابيكون واقف جنب بنت حلوة نصف عارية وعم يحاول يغطي فشلو بجذب انظار الناس بهالطريقة السهلة يلي مينما كان بيقدر يطلع عالتلفزيون يعمل غنية سكسية وانا على ثقة مليون بالمية انو لح تضرب لانو لح يصير علكة بتم للي بيسوى واللي ما بيسوى
وتقبل مروري .....
رجل من ورق
28/05/2009, 12:11
لازم ينعمل قسم الاغاني الهابطة
Damask Rose
28/05/2009, 12:36
مرحبا ياجماعه...
والله الي زمان مافتتها الاخويه واليوم لفت نظري الموضوع
بظن انو هون ياصبايا ماعم ندافع عن مغني بنحبو او نكرهو.. خلو خنائاتكم بهيك فكرة عجنب
الموضوع فكرة الغنيه
"ويجا" انا بنظري انو جاد بهالغنيه اعطى فكرة غلط عن العرب...مابنكر انو في شريحه من مجتمعنا بتعيش هالحياة ..بس هو بهالحركة اعطى للعالم فكرة خاطئة عن الفرد العربي... وماالو حق لا هو ولا القنوات الي بتعرض هالغنية انو يشوهو صورة العرب بهالطريقة...
jovia
28/05/2009, 12:39
مرحبا ياجماعه...

"ويجا" انا بنظري انو جاد بهالغنيه اعطى فكرة غلط عن العرب...مابنكر انو في شريحه من مجتمعنا بتعيش هالحياة ..بس هو بهالحركة اعطى للعالم فكرة خاطئة عن الفرد العربي... وماالو حق لا هو ولا القنوات الي بتعرض هالغنية انو يشوهو صورة العرب بهالطريقة...

هاد الكلام للي انا كنت عم بحكيه :D
بس مدري مين كان بدو يحول الموضوع لساحة معركة :larg:
MadMax
28/05/2009, 12:49
الله يا ستنا انا ماني شايف انو في شي بيستدعي انو ننتقد سنانو ...او انو نصنف بيئة أهلو للزلمي , هاد واحد بيعمل اغاني ...انتي بتحبي تسمعي اغانيه كان به ..ما بتحبي ما حدا بيجبرك .

هلأ اذا عندك نقد فني لاغانيه بكون شي منيح , غير هيك بكون شي ما الو معنى !

خدي ابو وديع مثلاً ...الوسوف يعني ...انو هو الوسوف ك بني ادم يعني ...ك شخص ..هو شي منيح يا ترى ! ..شو بعرفني ؟ ما بهمني ...انا اللي بعرفو انو في اغاني للوسوف كتير خرج تنسمع ..و في اغاني بالحيط . و ثقي تماما انو وقت بدي اسمع غنية حلوة للوسوف ما رح يفرق معي مين هو ك شخص .

وقت بكون الموضوع غنية ..طقطقوقة ..اللي هو يعني , ما كتير بتفرق اذا كان اللي عم يغني صعلوك او لاء , المهم الغنية , و مهم كمان انو ما حدا بيجبرك تسمعي شي ما بيعجبك ..الا شوفير السرفيس طبعاً..بحقلو لأنو.

بقى هاد قصدي انا ..انو ما بخصنا نلعن سلسفيل اجدادو للزلمي ...هو عامل غنية ..انتي حرة بتعجبك الغنية او ما بتعجبك...بس مانك مضطرة تقييمي الشخص اللي عامل الغنية , مانو وزير هو , ولا عضو برلمان يعني , واحد عم يغني .و بس تعاملي مع الموضوع هيك و صدقيني خلال 15 يوم بترتاحي كتير ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////!!


روووح شايفلك




بكرا بيبعتلك ماريا تتشكرك ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
jovia
28/05/2009, 12:50
لعمش شبكن اليوم :shock:
انا بالنسبة الي شاربة ببسي ومضيعة نفسي :o
عن جد الموضوع حلو وازا دايقت حدن وخرجت عن الموضوع بقلو sorry سلفا :D
ملاك المحبة
28/05/2009, 13:15
إي وانا كمان بعتزرلك jovia ازا دايئتك بطريئت حكيي .. وهي احلى :kiss:لأحلى JoViA:akh:
MadMax
28/05/2009, 13:21
انا بالنسبة الي شاربة ببسي ومضيعة نفسي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
عن جد الموضوع حلو وازا دايقت حدن وخرجت عن الموضوع بقلو sorry سلفا ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


إي وانا كمان بعتزرلك jovia ازا دايئتك بطريئت حكيي .. وهي احلى ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////لأحلى JoViA////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

رح تنزل دمعتي على هاللحظة الوجدانية :p
ToOoTa
28/05/2009, 13:26
والله برافو عليكن بنات .. :D..
madmax لأ روء دخيل ربك هاه ..كلشي الا دمعت عيون الغوالي:p
jovia
28/05/2009, 13:34
إي وانا كمان بعتزرلك jovia ازا دايئتك بطريئت حكيي .. وهي احلى :kiss:لأحلى JoViA:akh:
ولا يهمك ملاك حبيبتي...
المصارين بالبطن بيتقطعو :D
jovia
28/05/2009, 13:36
رح تنزل دمعتي على هاللحظة الوجدانية :p
هي مو لحظة وجدانية هي قعدة صفى وصافي يا لبن :lol:
وما في داعي للبكي لازم تحيينا:clap:
ToOoTa
28/05/2009, 13:53
ولا يهمك ملاك حبيبتي...
المصارين بالبطن بيتقطعو :D
يخليلي اللي بفهمو انا :o
ملاك المحبة
28/05/2009, 13:55
تسلميلي يا jovia شو البك أبيض .. وحلو متل صورتك :p
marioma alghzayala
28/05/2009, 14:11
مابعرف ...حبيتا بس ما حبيتا :?
jovia
28/05/2009, 14:28
يخليلي اللي بفهمو انا :o
يخليلي هالفك ورخوة هالحنك الهي :larg:
jovia
28/05/2009, 14:29
مابعرف ...حبيتا بس ما حبيتا :?
ليكون قصدك انا حبيتيني مريومتي :cry:
مغرم سوريا
28/05/2009, 14:38
بصراحة الفكرة حلوة .. بس كرهت الفكرة انو هيك شخص يدافع عن العرب

هههههه يعني عم نحط قرد لحتى نورجيهن الصورة الحقيقة !! لا خلينا ارهابين ولا يمثلنا واحد متل جاد

شو رايكن؟
marioma alghzayala
28/05/2009, 14:42
اي انتي بقلبي ولو :o

بس عم احكي عن الغنية ..

يعني ك رقص و جو واخراج وهيك كتير حلو ...

بس هوي لا صوت ولا صورة.. يعني مدري كيف من الاول بس شوفو بتضحك .:lol:.... وما عندي مشكلي انو اسمع هيك نمط من الاغاني بس بوقت معين مو كل وقت ...
black_iris
28/05/2009, 16:24
بقى هاد قصدي انا ..انو ما بخصنا نلعن سلسفيل اجدادو للزلمي ...هو عامل غنية ..انتي حرة بتعجبك الغنية او ما بتعجبك...بس مانك مضطرة تقييمي الشخص اللي عامل الغنية , مانو وزير هو , ولا عضو برلمان يعني , واحد عم يغني .و بس تعاملي مع الموضوع هيك و صدقيني خلال 15 يوم بترتاحي كتير :lol:
كل كلامك صح .. طول ما الزلمة ملتهي بحالو و بقرفو ما حدا الو عندو شي
واللي بدو يسمع واللي ما بدو حر
بس لما يجي عامل حالو عم يحكي بلسان العرب !

we got sexy girls, arab beauty that will rock your whole world
loaded guys, you gotta see them when they get their highs.
شو !! :?

معلش يعني .. مني وعليي اضطراريا لعنت سلسفيل اجدادو
a7la lolo
28/05/2009, 16:28
حسيتو بهي الغنية نزل مستواه لمستوى يلي غنو غنية .. the arab money :?
يعني بس عمل هيك كرمال ينشهر اسمو ؟؟ :?
بس ما معو حق بيلي عملو :pos:
boy freind
28/05/2009, 16:44
موضوع الاغنية موجود عنا و بمجتمعنا بس جاد بالغ بشكل رهيب و اعطى صورة خاطئة عن العرب

بعدين هو من اول مسيرتو الفنية ( قال فنية يعني ) وهو على هالحال يعني لا جديد بالموضوع
HashtNasht
28/05/2009, 17:24
اول شي بتشكرك على ردك hashtnasht
بالمقابل بدي اتناقش انا وياك لانو بحب ابدي برايي واسمع راي الاخرين :
بالبداية انا بدي نوهلك انو غنيتو ما سمعتا الا مرة او تنتين المرة الاولى تعرف عالغنية و "المرة التانية بالصدفة عند رفيقتي "
هلا كلامك صحيح بس بدك تسمحلي يعني جورج وسسوف عم بيغني فن عم يطربنا وانا عندي ياه من عمالقة الفن والسلطنة الطربية يعني لما جورج بيغني الهوى سلطان متل لما واحد بيغني وبيبتذل باغنيتو لحتى يشهرها هاد ناهيك عن حركاتو البهلوانية واستخدامو للجنس كوسيلة ليجذب الناس
كل مخلوق بيحب الجنس لكن هالشي ما بيعني انو تنحدر اغانينا لهيك مستوى يعني هاد لا صفي صوت ولا منظر "برايي" شو عم يستخدم من السلم الموسيقي اولا وشو عم يحاول يسمع الناس كطبقة صوتية وكمقدرة

جورج وسوف انا حبيت الحشيش لاجلو وحبيت الزهزهة كمان كرمالو .... ابو وديع سلطان الطرب لما بيطلع عالمسرح وبيغني بحسو محترم مهنتو وبيحكي قصص حب واقعية مابعتقد في انسان ما بيتذوء فنو ... جورج وسوف لما عم بيغني مابيكون واقف جنب بنت حلوة نصف عارية وعم يحاول يغطي فشلو بجذب انظار الناس بهالطريقة السهلة يلي مينما كان بيقدر يطلع عالتلفزيون يعمل غنية سكسية وانا على ثقة مليون بالمية انو لح تضرب لانو لح يصير علكة بتم للي بيسوى واللي ما بيسوى
وتقبل مروري .....


على عيني ..بس ما منقدر نقول لحدا لاي درجة بحقلو ينحدر , هي الامور نسبية , يعني بزمناتو عبد الحليم حافظ كان انحدار مثلاً ..مثلاً ترى يعني ...و افلام السينما اللي كانوا ابطالها عمالقة الزمن الجميل , ما كانت اقل ابتذال من كليبات جاد شويري اذا اخدنا بعين الاعتبار فرق السنين يعني ....مافي فيلم بلا رقاصات , هاي اذا ما راح البطل ع البحر بالفيلم شي 6 مرات بدون اي مبرر درامي غير انو يستفيدو من ما تيسر من مايوهات الزمن الجميل يعني .

ما بدي ناقش الوسوف خص نص ..انا طرحتو ك مثال ..و ما عندي اي اعتراض عليه كمطرب ..طبعا غير انو باخر شي 5 سنين صوتو خارج التغطية تماماً :lol:

بقى يعني مشان ما حدا يفكر متل ابو سمرا اني عم دافع عن ابن الشويري ..او اني منتظر شي مكافأة من ماريا :sosweet: لا و الله ..ما بهموني بتاتاً يعني ..بس يعني مشان ما نتعود نقمع حدا عم يحاول يعمل شي ...خلي الناس كلها تجرب ...بجوز من كل ميتين الف واحد يطلع شي واحد منيح ...بجوز يطلع شي واحد عبقري , بقى خلو العالم تخبص ع كيفها ..و انتو غربلوهن ك مستمعين . اللي ما بيعجبنا ..ما منسمعو ...ما منحكي فيه ..ما بهمنا ..ما بينشهر من ورا حكينا عليه !

اقتباس:

كل كلامك صح .. طول ما الزلمة ملتهي بحالو و بقرفو ما حدا الو عندو شي
واللي بدو يسمع واللي ما بدو حر
بس لما يجي عامل حالو عم يحكي بلسان العرب !
اقتباس:
we got sexy girls, arab beauty that will rock your whole world
loaded guys, you gotta see them when they get their highs.
شو !!

معلش يعني .. مني وعليي اضطراريا لعنت سلسفيل اجدادو

يعني هو مين مخول يحكي بلسان العرب ؟ يوري مرقدي مثلاً مخول اكتر من ايلي شويري يعني ؟ ...سعرو بسعر هالشبيبة ...بدو يعبر عن عروبتو ...من خلال منظورو الفلسفي الخاص للعروبة ( جمل و سيارات ما بترحم , و شباب محبحبين , و صبايا صايعة :lol: ) ( على فكرة انا شخصيا بلاقيها نظرة فيها شي كتير من الواقعية )

انتي اذا عندك وجهة نظر مختلفة ..بتقدري كمان تعبري عنها ..و بعتقد من حقك تعبري بدون ما تاكلي مسبات يعني , انا شخصيا رح اسمع وجهة نظرك و ما رح سبك ابدا ..حتى لو كانت كتير بعيدة عن وجهة نظري ....
:D
Gazita
28/05/2009, 23:34
انو لسى ماشفت كليبو بس من خلال كلمات اغنيتو صوتت ضده لانو اكيد هالمخلوق ما بيعمل شي منيح بحياتو..زلمة تخاف حتى على طفلك انو يضل معاه .. شو بدي قول غير الله يخلصنا منو.. انفلونزا وضربت الفن.
توم و جيري
29/05/2009, 03:32
:shock::?..:cry: انا بحبوووو لجااد .. وبحب اللي بيـغنـيه .. اللي ما عجبو :krimbow::krimbow:


الله يحببك فيه اكترر واكتر .. بربي بتلبقو لبعض .. :o


لازم ينعمل قسم الاغاني الهابطة

:deal::deal::deal:
ملاك المحبة
29/05/2009, 11:33
انت بتعرف مين بــلبئلك ؟؟
(حكـــيــم ) + ( يوري مرقدي ) دخييييييييل الله شو بشبهـون إلك !!
W.E.G.A
30/05/2009, 02:43
يا جماعة برجع بذكر

الموضوع مو عن جاد

الموضوع عن فكرة الاغنية

حتى لو كان مو جاد الي عاملها فهمتو علي

ما دخلنا بجاد ومين بحبه ومين بيكره

المهم فكرة الاغنية وبس

وما ضروري تعلقو من شان جاد

يعني حتى لو في حدا بحبه

ما بظن بيستاهل قتالة ;)
روميو و جولييت
30/05/2009, 02:50
ابدا ضد هيك شي حدا بيحكي عن حالو قدام العالم
Huzun
30/05/2009, 03:42
يا جماعة برجع بذكر

الموضوع مو عن جاد

الموضوع عن فكرة الاغنية

حتى لو كان مو جاد الي عاملها فهمتو علي

ما دخلنا بجاد ومين بحبه ومين بيكره

المهم فكرة الاغنية وبس

وما ضروري تعلقو من شان جاد

يعني حتى لو في حدا بحبه

ما بظن بيستاهل قتالة ;)


الغنية كلا حكي فاضي وجنس متل العادة ... يعني كلو صار يشوف حالو ليكو نحنا عنا بنات وليكو عنا شباب وليكو شو بنعمل وشو بنساوي وووووو
صرنا أمة كلا جنس.


ولأن الكل علق وقال رأيو بجاد .. إيه أنا كمان بدي إحكي شو ناقصني!
جاد هو وفنو (إذا كان اللي عم يساويه إسمو فن) وخرابيطو وشكلو كلو زبالة
maged-syrian
30/05/2009, 07:32
أغنية هابطة وكلمات مبتذلة ومسخرة ... انا بتوقع انو حتى الغربي اللي بيشوف هاي الاغنية رح يقرف ويتقزز
لأنها أغنية صعلوكية مسخرة عبارة عن كتل لحم بتهز يمين وشمال .. كلمات ومعاني هابطة .. مافي ذوق مافي احترام لعقل المشاهد .. مافي اي شي بيمثل العرب أمام الغرب أو حتى شي بيرفع الراس .. هاي رأيي الخاص بالاغنية
توم و جيري
30/05/2009, 09:13
انت بتعرف مين بــلبئلك ؟؟
(حكـــيــم ) + ( يوري مرقدي ) دخييييييييل الله شو بشبهـون إلك !!
منوين بتجيبي هالاسماء كانو لساكي بايام المراهقة ...:p


جاد +هيفا + نانسي = اباحي
منخرج جاد خارج قوس لانو homesexual

بيضل ناسي + هيفا = اباحي وهيك انحلت ..:larg:
mary_55
30/05/2009, 10:57
ليش هيك كتير متحاملين ع الزلمي !!!

رح أعطيك ليش
أولا : هاد بيغني أجنبي وهو عربي يعني عم يعطي الأجانب صورة عننا ووااااااضح من غنيتو أنو الصورة غلط وهو ماخرج يعطي صورة عن العرب
وطبعا ماحدا حطو سفير وكلمات الغنية كتييير ..مم شو قول ..(وسسسسسسسسسسسسخة)
بتوقع أنو هاد سبب كافي
ثانيا : هو أساسا مانو مغني وأنا مابعتبر أغاني موجودة بالعالم رغم أنو في ناس بيشوفوها حلوة
بس لو تطلعو عأغانيه من وجهة نظر عربية
لك مو بس بيستحق الفعس لازم يروح لباطن الأرض هي إذا ماكان هنيك هلق
لا كلمات أغنية
ولا صوت
ولا شكل
ومانو هل شي العظيم



ملاحظة: لو بقدر كنت مسحت الغنية من العالم كلها لأنو عم يعطي صورة صاقطة للغرب عننا
شو هي sxey girls؟؟؟؟؟؟؟؟؟؟؟؟؟؟؟؟؟؟.......أ ي عربي بيرضا ينحكا هيك عن بناتو؟؟؟؟؟؟؟
يارب ثبت علينا العقل و الدين
jovia
31/05/2009, 08:11
كل الاراء اللي انحكت كانت مساندة لفكرتي ولرايي انا بالفعل ما بيستهويني هيك اغاني قصدي ههيك تفاهات :frown: وعلى فكرة تانية هاد الاسلوب يلي ازا اختارو اي مغني فاشل ممكن ينجح بالعهر تبعو ادام العالم بسمعتو القذرة ونحنا ازا منحكي عليه يمكن ينشهر كساقط وعاهر وعديم شرف واخلاق فهنيئا إلو هالصفات اللي فعلا بيستاهلا :larg:
bacteria
31/05/2009, 08:40
يمكن ينشهر كساقط وعاهر وعديم شرف واخلاق فهنيئا إلو هالصفات اللي فعلا بيستاهلا :larg:


صح لسانك جوجو أجدت التعبير مصطلحات قوية ومعبرة :larg:
zerocold hacker
31/05/2009, 11:54
بصراحة الموضوع مو كتير غريب عن اللي عم يصير بالمجتمعات العربية

انا ما عم دافع عنو

هو جاب العرب من منظور واحد بس العرب مو كلن بيتعاملوا وبيعيشوا بهيك اوساط


انا مالي مع فكرة الغنية ككل

لانو كان فيو يجيب الموضوع بناحية الطف شوي ومن ضمن عدة مواضيع مو لحالها

يعني بظن انو في كتير مواضيع اهم انو نورجي العرب فيها مو هيك
jovia
31/05/2009, 18:33
يعني بظن انو في كتير مواضيع اهم انو نورجي العرب فيها مو هيك
كلامك صحيح وانا بايدك وبقلك هيك ونص;)
LiOnHeArT.3LA2
04/06/2009, 07:05
انا ....

معـ " خاروف"

اي حبيباتي .. هلأ عاد بدنا نحكي ليش ..

اخي مانو اقل من اي واحد .. عم يحكي عالعرب ..

هوي ما قال انو نحنا كل العرب هيك ..
عم يحكي على فئة .. اللي هيي ال " funky arab "

Funky Arabs turn you on

ما قال العرب كلياتن

الزلمي هيك عقلو .. وهيك حابب يوصّل حالو للعالم .. شو بدكن فيه ..
يا اخي ما بعرف .. بس حبيتا .. لأ نظامي حبيتا

حتى الفيديو كليب حبيتو .. من دون مقطع هي الرقاصة الشرقية .. اللي كتير بكرهو وقت بتنجاب سيرة العرب .. انو ينحط الرقاصة الشرقية ..

لك اخي .. اللي ما عاجبو شو هادا عم يوصل للغرب ..

ما في غير هالكم واحد عم يوصلو ..

عندك
جاد شويري .. او .. عمر خالد ..

نقيلك واحد .. وصلي عاللي بدك تصلي عليه ..

وازا ما حدا عاجبك .. وصّل فكرتك انتي ..



هاموش :

انا بتوقع انو حتى الغربي اللي بيشوف هاي الاغنية رح يقرف ويتقزز

منيح .. هي خطة من جاد .. بركي كل الغرب بيتقززو وبيموتو ..
لك يا زلمي ما عندك melody tunes بالبيت ؟

شوف .. وتقززلك شوي

لأنها أغنية صعلوكية مسخرة عبارة عن كتل لحم بتهز يمين وشمال ..

اف اف .. بدا كل هالقد ؟

كلمات ومعاني هابطة ..
لأ

مافي ذوق مافي احترام لعقل المشاهد ..
حسب المشاهد
مافي اي شي بيمثل العرب أمام الغرب أو حتى شي بيرفع الراس ..
هادا ارفع شي .. لأ نظامي .. هيك ارفع شي .. انشالله معنا معنا بنتخن شوي

هاي رأيي الخاص بالاغنية
مع كامل مصطفى ..
اصدي كامل احترامي .. لرأيك الخاص .. وهادا رأيي برأيك ..
W.E.G.A
12/06/2009, 05:38
ابدا ضد هيك شي حدا بيحكي عن حالو قدام العالم

فيها وجهة نظر

الغنية كلا حكي فاضي وجنس متل العادة ... يعني كلو صار يشوف حالو ليكو نحنا عنا بنات وليكو عنا شباب وليكو شو بنعمل وشو بنساوي وووووو
صرنا أمة كلا جنس.


ولأن الكل علق وقال رأيو بجاد .. إيه أنا كمان بدي إحكي شو ناقصني!
جاد هو وفنو (إذا كان اللي عم يساويه إسمو فن) وخرابيطو وشكلو كلو زبالة

كمان فيها وجهة نظر

أغنية هابطة وكلمات مبتذلة ومسخرة ... انا بتوقع انو حتى الغربي اللي بيشوف هاي الاغنية رح يقرف ويتقزز
لأنها أغنية صعلوكية مسخرة عبارة عن كتل لحم بتهز يمين وشمال .. كلمات ومعاني هابطة .. مافي ذوق مافي احترام لعقل المشاهد .. مافي اي شي بيمثل العرب أمام الغرب أو حتى شي بيرفع الراس .. هاي رأيي الخاص بالاغنية

كمان ممكن



جاد +هيفا + نانسي = اباحي
منخرج جاد خارج قوس لانو homesexual

بيضل ناسي + هيفا = اباحي وهيك انحلت ..:larg:


homesexual شو القصد :jakoush::jakoush:

وشو مشان ما دخلنا بجادد

رح أعطيك ليش
أولا : هاد بيغني أجنبي وهو عربي يعني عم يعطي الأجانب صورة عننا ووااااااضح من غنيتو أنو الصورة غلط وهو ماخرج يعطي صورة عن العرب
وطبعا ماحدا حطو سفير وكلمات الغنية كتييير ..مم شو قول ..(وسسسسسسسسسسسسخة)
بتوقع أنو هاد سبب كافي
ثانيا : هو أساسا مانو مغني وأنا مابعتبر أغاني موجودة بالعالم رغم أنو في ناس بيشوفوها حلوة
بس لو تطلعو عأغانيه من وجهة نظر عربية
لك مو بس بيستحق الفعس لازم يروح لباطن الأرض هي إذا ماكان هنيك هلق
لا كلمات أغنية
ولا صوت
ولا شكل
ومانو هل شي العظيم



ملاحظة: لو بقدر كنت مسحت الغنية من العالم كلها لأنو عم يعطي صورة صاقطة للغرب عننا
شو هي sxey girls؟؟؟؟؟؟؟؟؟؟؟؟؟؟؟؟؟؟.......أ ي عربي بيرضا ينحكا هيك عن بناتو؟؟؟؟؟؟؟
يارب ثبت علينا العقل و الدين

وجهة نظر

كل الاراء اللي انحكت كانت مساندة لفكرتي ولرايي انا بالفعل ما بيستهويني هيك اغاني قصدي ههيك تفاهات :frown: وعلى فكرة تانية هاد الاسلوب يلي ازا اختارو اي مغني فاشل ممكن ينجح بالعهر تبعو ادام العالم بسمعتو القذرة ونحنا ازا منحكي عليه يمكن ينشهر كساقط وعاهر وعديم شرف واخلاق فهنيئا إلو هالصفات اللي فعلا بيستاهلا :larg:

ممكن


بصراحة الموضوع مو كتير غريب عن اللي عم يصير بالمجتمعات العربية

انا ما عم دافع عنو

هو جاب العرب من منظور واحد بس العرب مو كلن بيتعاملوا وبيعيشوا بهيك اوساط


انا مالي مع فكرة الغنية ككل

لانو كان فيو يجيب الموضوع بناحية الطف شوي ومن ضمن عدة مواضيع مو لحالها

يعني بظن انو في كتير مواضيع اهم انو نورجي العرب فيها مو هيك

هي معك فيها 100%

انا ....

معـ " خاروف"

اي حبيباتي .. هلأ عاد بدنا نحكي ليش ..

اخي مانو اقل من اي واحد .. عم يحكي عالعرب ..

هوي ما قال انو نحنا كل العرب هيك ..
عم يحكي على فئة .. اللي هيي ال " funky arab "



ما قال العرب كلياتن

الزلمي هيك عقلو .. وهيك حابب يوصّل حالو للعالم .. شو بدكن فيه ..
يا اخي ما بعرف .. بس حبيتا .. لأ نظامي حبيتا

حتى الفيديو كليب حبيتو .. من دون مقطع هي الرقاصة الشرقية .. اللي كتير بكرهو وقت بتنجاب سيرة العرب .. انو ينحط الرقاصة الشرقية ..

لك اخي .. اللي ما عاجبو شو هادا عم يوصل للغرب ..

ما في غير هالكم واحد عم يوصلو ..

عندك
جاد شويري .. او .. عمر خالد ..

نقيلك واحد .. وصلي عاللي بدك تصلي عليه ..

وازا ما حدا عاجبك .. وصّل فكرتك انتي ..


.

عزيزي والله ما حدا قرب من جاد

انا موضوعي هو هل هي الفكرة الي طرحها صحيحة ولا لا

مالي فيه ولا الي بشو عم يعمل

انا شفت فكرة وجبيت اخد رايكن اذا فعلا صحيحة

وسبق وذكرت انه حتى لو كان غير جاد كان اتوقفني الفكرة

لا اكتر ولا اقل


شكر للجميع :D
LiOnHeArT.3LA2
13/06/2009, 23:36
عزيزي والله ما حدا قرب من جاد

انا موضوعي هو هل هي الفكرة الي طرحها صحيحة ولا لا

مالي فيه ولا الي بشو عم يعمل

انا شفت فكرة وجبيت اخد رايكن اذا فعلا صحيحة

وسبق وذكرت انه حتى لو كان غير جاد كان اتوقفني الفكرة

لا اكتر ولا اقل


شكر للجميع ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

عزيزي .. كمان يعني مشان رد التحية

انا ما حكيت عنّك ..
وفجأة حسيت حالي المدافع الشخصي عن جاد شويري

يا اخي انا وقت عم بحكي على جاد .. بقصد فكرتو ..
يعني شيل بدال كل كلمة جاد .. حط كلمة فكرة .. يمكن هيك بيوصل اوضح الحكي ..
:D
Abu ToNi
14/06/2009, 00:33
عزيزي .. كمان يعني مشان رد التحية

انا ما حكيت عنّك ..
وفجأة حسيت حالي المدافع الشخصي عن جاد شويري

يا اخي انا وقت عم بحكي على جاد .. بقصد فكرتو ..
يعني شيل بدال كل كلمة جاد .. حط كلمة فكرة .. يمكن هيك بيوصل اوضح الحكي ..
:D
عملت متل ما قايل وشلت كلمة جاد حطيت كلمة فكرة طلع معي تركيب فريب ( فكرة شويري )
فمكن تشلحلي قصدك بشكل أوضح ؟

( سمايلي عم يشرشر فهم وذكا )