لماذا تتعلق الفتاة بابيها اكثر ؟؟؟ ما هو السر .؟؟ [الأرشيـــــف]

توم و جيري

26/05/2009, 22:42

سؤال لطالما دار في ذهني منذ زمن
الاحظ مدى تعلق اغلب الفتيات بالاب حصرا او بشكل مميز
فيكون الاب للفتاة القدوة لرجل احلامها
واحيانا وهذا ما لمسته شخصيا ان تشبه الفتاة حبيبها لوالدها
وتقارنه به
هل هذا صحيح برايكم
انا ارى ان الفتاة التي تحب وتعشق رجلا اكبر منها سنا بفارق كبيير
عانت من فقدان حنان الاب
او فقدان وجود الاب نفسه
وعوضت عنه برجل اكبر منها سنا
ما رايكم ؟؟؟؟

The morning

26/05/2009, 22:57

هممممم .. موضوع شائك .. و ما بدي يفـسّـر كلامي بطريقه غريبه الّا انو في شي من نظريه فرويد .. و في باحثه نفسيه عملت نظريه واضحه و مقبوله أكتر اعتمادا على نظريه فرويد عن تعلق الأولاد بالأهل اللي من الجنس المختلف أكتر .. (( حيث برأي فرويد الشب بيتعلّق بامه أكتر و البنت بتتعلّق بأبوها أكتر )) ..
حاليا مش حاضر لراسي اسم الباحثه و لكن موجود عندي باحد الكتب رح حاول اعيد الاطلاع عليه ووضـّح وجهه نـظري أكتر بفتره قريبه ..
هاد التفسير العلمي الها .. بنـجي لرأي الشـخصي فتـعلّق الأولاد ما بحسـّه بيجي ارتباطا بجنس الابوين .. مابعرف الموضوع متل ما قلت شائك نوعا ما و حاليا أنا لازم اطلع عالشغل لذلك لنـشوف ردود الشـباب التانيه بس نـرجع و بنكمـّل نقـاش :D

a7la lolo

26/05/2009, 23:26

هو علميا أثبتو هالحقيقة .. هالشي بيرجع لأنو زمرة دم الأم نفس زمرة دم الابن وزمرة دم الأب نفس زمرة دم البنت .. هيك دايما بيكون ..
بس من جهة تانية بتلاقي البنت بتنجذب لـ يلي بيعاملها بشكل ناضج اكتر وبما انو هي مهمة الاب عالأغلب فبتلاقي كتير من البنات بيميلو لأبهاتهم
بس شغلة انو البنت بتشبه حبيبها بأبوها .. بقا هي ما عندي فكرة عنها
:D

أم الجود

27/05/2009, 00:25

هو علميا أثبتو هالحقيقة .. هالشي بيرجع لأنو زمرة دم الأم نفس زمرة دم الابن وزمرة دم الأب نفس زمرة دم البنت .. هيك دايما بيكون ..
بس من جهة تانية بتلاقي البنت بتنجذب لـ يلي بيعاملها بشكل ناضج اكتر وبما انو هي مهمة الاب عالأغلب فبتلاقي كتير من البنات بيميلو لأبهاتهم
بس شغلة انو البنت بتشبه حبيبها بأبوها .. بقا هي ما عندي فكرة عنها
:D

متأكدة من هالكلام ؟؟؟ أنا بعرف انو ما خص بقى يمكن معلوماتي غلط .. بكالوريتي أدبي :lol:
هلأ كمان علم النفس مو من اختصاصي بس بعرف انو في شي اسمو عقدة اوديب عند الصبي (تعلق الصبي بأمو) و يقابلها عند البنت عقدة الكترا (تعلق البنت بأبوها) وكل الناس بتمر بهالعقد هدول بفترة الطفولة و بتتجاوزها بعد كام سنة .. هاد الوضع الطبيعي يعني .. بينما عن بعض الناس بتصير الحالة مرضية لما الانسان ما بيقدر يتجاوز هي العقدة و بتروح معو لفترة المراعقة و البلوغ .. و بينتج عن هالشي حب مبالغ فيه من الصبي لأمو مع غيرة من الأب و مع عكس الأوضاع بالنسبة للبنت ...
إذا عم أحكي غلط حدا يصصحلي ..
:D

sandra

27/05/2009, 00:41

لنفس السبب يلي بيخلي الشب يتعلق بأمو ويخليه يدور على جوانب بتشبه أمو بزوجة المستقبل :larg:

شمس سوريا

27/05/2009, 01:19

امممممممم لا مو شرط .. مو كل البنااات متعلئين بابائهن اكتررر من امهاتهن..
وادامك ان مثال حي .:p.

بس من جهة تانية بتلاقي البنت بتنجذب لـ يلي بيعاملها بشكل ناضج اكتر

ورايي من راي لولو ..بس اللي بيعاملني بنضوج اكترر وبيفهمني اكتر ..ماما ..
يسلموووو ايديك على الموضوع ..:D

Abu ToNi

27/05/2009, 01:39

لنفس السبب يلي بيخلي الشب يتعلق بأمو ويخليه يدور على جوانب بتشبه أمو بزوجة المستقبل :larg:
فسّر الماء بكمشة قضامة :frown:

west_life_mario

27/05/2009, 02:49

هو علميا أثبتو هالحقيقة .. هالشي بيرجع لأنو زمرة دم الأم نفس زمرة دم الابن وزمرة دم الأب نفس زمرة دم البنت .. هيك دايما بيكون ..
بس من جهة تانية بتلاقي البنت بتنجذب لـ يلي بيعاملها بشكل ناضج اكتر وبما انو هي مهمة الاب عالأغلب فبتلاقي كتير من البنات بيميلو لأبهاتهم
بس شغلة انو البنت بتشبه حبيبها بأبوها .. بقا هي ما عندي فكرة عنها
:D

الكلام عن زمرة الدم مزبوط في اغلب الأحيان بالنسبة لعلم الوراثة ..انا بالاول ما كنت بعرف هالمعلومة الإ انها عديت علي بدراستي ان الأبناء يورثون من الأمهات بشكل اكبر و البنات من الآباء ..هي حقيقة علمية حالياً في علم الوراثة.. و خصوصاً تدرس صفة زمرة الدم في هذا المجال

متأكدة من هالكلام ؟؟؟ أنا بعرف انو ما خص بقى يمكن معلوماتي غلط .. بكالوريتي أدبي :lol:
هلأ كمان علم النفس مو من اختصاصي بس بعرف انو في شي اسمو عقدة اوديب عند الصبي (تعلق الصبي بأمو) و يقابلها عند البنت عقدة الكترا (تعلق البنت بأبوها) وكل الناس بتمر بهالعقد هدول بفترة الطفولة و بتتجاوزها بعد كام سنة .. هاد الوضع الطبيعي يعني .. بينما عن بعض الناس بتصير الحالة مرضية لما الانسان ما بيقدر يتجاوز هي العقدة و بتروح معو لفترة المراعقة و البلوغ .. و بينتج عن هالشي حب مبالغ فيه من الصبي لأمو مع غيرة من الأب و مع عكس الأوضاع بالنسبة للبنت ...
إذا عم أحكي غلط حدا يصصحلي ..
:D

و بالنسبة للكلام تبع علم النفس ايضاً صحيح و هذه من احدى نظريات فرويد المشهورة..
ولكن بأعتقادي ان التركيب النفساني للدماغ يلعب دور في هذا المجال ..البنت ترى في ابيها الشاب المثالي و الرجل الذي يلبي كافة رغباتها منذ صغرها ان كان مادياً او على الصعيد المعنوي و لا يرد لها طلب .. و الشابة عندما يكتمل نمو الوعي لديها تكون هذه الأمور قد دخلت عقلها الباطني و ترجع كل شاب تلتقيه الى صورة الوالد الحنون العطوف .. ولعل هذا من اسباب تعلق الفتاة بوالدها.

sandra

27/05/2009, 03:34

فسّر الماء بكمشة قضامة :frown:
ليش عندك شك أنو مو نفس الشي :frown:
ما هنن عقدة أوديب والكترا .. السيناريو واحد والشخصيات متعاكسة :p
اي بالحديث عن عقدة الكترا يلي ذكرتها أم الجود ... بعتقد هالأمر هو عامل عم يلعب دور باختيار شريك بيشبه الأب لكن بعتقد في عوامل تانية متل ما قال ماريو لكن أغلبها بتدور بفلك المرحلة الأوديبية
على سيرة الموضوع لاحظت مثلا العديد من صديقاتي يلي فقدو آبائهم ... بينجذبو للرجل يلي بيكبرهم بفارق عمري كبير فما بعرف إذا ملاحظتي بمحلا ولا لا :?
على كل حال في موضوع بقسم علم النفس بيحكي عن المرحلة الأوديبية
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

L.A.

27/05/2009, 03:44

البنت ترى في ابيها الشاب المثالي و الرجل الذي يلبي كافة رغباتها منذ صغرها ان كان مادياً او على الصعيد المعنوي و لا يرد لها طلب .. و الشابة عندما يكتمل نمو الوعي لديها تكون هذه الأمور قد دخلت عقلها الباطني و ترجع كل شاب تلتقيه الى صورة الوالد الحنون العطوف .. ولعل هذا من اسباب تعلق الفتاة بوالدها.

أنا بأيد هاد الرأي و بظن إنو هو السبب الرئيسي....

Abu ToNi

27/05/2009, 03:54

ما ممكن يصير حالة عكسية وتنفر البنت من اي شخص بحمل صفة بيتشارك فيها مع والدها ؟
يعني القانون مفتوح لجهة واحدة فقط واللي هية جهة الاعجاب ولا العكسي ممكن كمان ؟

west_life_mario

27/05/2009, 16:17

ما ممكن يصير حالة عكسية وتنفر البنت من اي شخص بحمل صفة بيتشارك فيها مع والدها ؟
يعني القانون مفتوح لجهة واحدة فقط واللي هية جهة الاعجاب ولا العكسي ممكن كمان ؟
أنا برأيي انو ممكن لأن السلوك البشري واسع جداً لا يمكن حصره بنظريات معينة.. فكما ان الحالة العامة موجودة لا بد من وجود النقيض لها و خصوصاً عندما يتعلق الأمر بالتصرفات البشرية :lol:.

توم و جيري

27/05/2009, 17:33

ما ممكن يصير حالة عكسية وتنفر البنت من اي شخص بحمل صفة بيتشارك فيها مع والدها ؟
يعني القانون مفتوح لجهة واحدة فقط واللي هية جهة الاعجاب ولا العكسي ممكن كمان ؟

ابو طوني حكيك صح ...
بس هالحالة كتير نادرة .. وبيكون الوالد عامل شي لتبعد وتنفر البنت منو ...

نعود للردود ...

Abu ToNi

27/05/2009, 17:36

أنا برأيي انو ممكن لأن السلوك البشري واسع جداً لا يمكن حصره بنظريات معينة.. فكما ان الحالة العامة موجودة لا بد من وجود النقيض لها و خصوصاً عندما يتعلق الأمر بالتصرفات البشرية :lol:.
بس مع هلشي مافي قاعدة نفسية بتحدد هلشي وبتوصفه
يعني ارتباط الشب بأمه واعجابه فيها في شي بعلم النفس بيوصف هلحالة ( عقدة أوديب )
ونفس الشي على الكترا عند البنت المرتبطة بالأب

بس في شي بيوصف حالة النفور أو القرف ؟
ولا تعتبر هلحالة (استثناء ) لقاعدة الاعجاب ؟
ووممكن شخص ما يمر بمرحلة الاعجاب ولا الكل بده يمر فيها بشكل أو بآخر وبيبقى الاختلاف بحسب الآثار الباقية منها ؟
ع راسي أبو المار :D

Abu ToNi

27/05/2009, 17:51

بس مع هلشي مافي قاعدة نفسية بتحدد هلشي وبتوصفه
يعني ارتباط الشب بأمه واعجابه فيها في شي بعلم النفس بيوصف هلحالة ( عقدة أوديب )
ونفس الشي على الكترا عند البنت المرتبطة بالأب

بس في شي بيوصف حالة النفور أو القرف ؟
ولا تعتبر هلحالة (استثناء ) لقاعدة الاعجاب ؟
ووممكن شخص ما يمر بمرحلة الاعجاب ولا الكل بده يمر فيها بشكل أو بآخر وبيبقى الاختلاف بحسب الآثار الباقية منها ؟
ع راسي أبو المار :D
ما لحقت اعدل بالرد لضيف هلجملة فلا تواخذونا اذا طلعت برد منفصل :
وردة لتوم وجيري علموضوع الممتع ولبقية المناقشين علحديث الراقي :D

jovia

27/05/2009, 18:00

اانا مابتفق انو الاب بيتفق مع بنتو بتعرفو ليش؟
لسبب بسيط واللي هوي انو الاب بوقتنا وبمجتمعنا ما بيقدر يستوعب مشاعر البنت واحاسيسها يعني بدكون تقنعو حالكون وغيركون انو البنت ميالة للاب ...
طيب وين راحت فكرة هم البنات للممات ووين راح وئد البنات يعني هلا ما في شي من وئد البنات بس في تشاؤم من ولادت البنت وفرح وحفلات و إينر ومدري شو بس يجي الصبي ....
لما البنت بتجي يمكن تتدلل بالمصغر بس على كبر اكيد ابوها ما حيستوعب انو في شب بتحبو بالجامعة ومتفقة هي وياه عالزواج يمكن بيدبحها بارضها هاد ازا ما علئ مشنقتها بالمرجة
وعقدة اوديب والكترا يمكن بتزبط مع الغرب مو مع العرب الجرب ياريت نصحا ونعرف انو نحنا بمجتمع ما بيرحم البنت ودايما المراة مظلومة وتوجه اليها اصابع الاتهام فكيف بدو يكون الرجل (ولو كان الاب ) بيتفئ مع بنتو اكتر من الام :pos:
وشكر يا جماعة :D

Sun Shine Art

27/05/2009, 19:32

مو ضروري تتعلق فيه ..وانا الي بشوفو كتير حالات ما تنطبق مع هل الشي ...

ويالاخير الموضوع متعلق بقدره الاب ع اكتساب ابنته ويخليها تتعلق فيه ...يعني الموضوع متعلق بطريقع تفكيره ...وطريقه تفهمه لها ...والي بالتالي يخليها تتعلق فيه
بس مافيك تعمم ......وتقول كل البنات .لان نسبه قليله بتصور ..

:D

xxlarge

27/05/2009, 22:33

الأخ العزيز توم أند جيري

انا بحكم الجيرة بهنيك وبهني نفسي فيك أنا والله ...........

في عقدة جديدة فاتيتك طلاع عالمسنجر تألك كيف بتروح والله عقدة أسمها ( محمود)

محمودات ;) والله فهانك وما حدا فهمك أدي بس الزمن عاطل أنا برأيي أنو الي حبت الأكبر سنا منها أكيد ما لحئت باص الساعه 12

طلاع طلاع

xxlarge

27/05/2009, 22:34

الأخ العزيز توم أند جيري

انا بحكم الجيرة بهنيك وبهني نفسي فيك أنا والله ...........

إبريل

28/05/2009, 00:19

مسا الخير
تُسأل إحداهن: من أفضل رجل في الدنيا؟
تجيب: أبي العزيز.
يُسأل هو: من أفضل امرأة على وجه الأرض؟
يجيب: أمي الغالية.
***
أبي أفضل أب في العالم
أمي أفضل أم في العالم
***
كانت هاي عبارة عن جمل متواجدة بكل مكان
خصوصا بالنت هون وبالذات بالمواقع الاجتماعية

هلا مين أفضل شمس بتضوي الأرض بالعالم ؟؟
الشمس يلي بالسما، ولا في غيرها؟؟

مين أفضل قمر تابع للأرض بالعالم؟؟
القمر يلي بالسما، ولا في غيره؟؟

وبناء على هالأمثلة، فيكن تتخيلوا انو الأبن\البنت
عندهن تخيل واحد ووحيد للأب أو للأم
لهيك بيتم تفضيل شخصية الأب كذكر
وتفضيل شخصية الأم كأنثى
وعليه بيحصل السعي وراء إيجاد متل هيك حد لان هنن المثال
-وما في منهن نسخة غير ولا حتى إصدار أحدث-

وأهل المثل ما غفلوا عن هالشي وقالوا:
كل فتاة بأبيها معجبة، لمجمل الأسباب المذكورة

وشكراً على الفكرة الحلوة:D

west_life_mario

28/05/2009, 01:44

اانا مابتفق انو الاب بيتفق مع بنتو بتعرفو ليش؟
لسبب بسيط واللي هوي انو الاب بوقتنا وبمجتمعنا ما بيقدر يستوعب مشاعر البنت واحاسيسها يعني بدكون تقنعو حالكون وغيركون انو البنت ميالة للاب ...
طيب وين راحت فكرة هم البنات للممات ووين راح وئد البنات يعني هلا ما في شي من وئد البنات بس في تشاؤم من ولادت البنت وفرح وحفلات و إينر ومدري شو بس يجي الصبي ....
لما البنت بتجي يمكن تتدلل بالمصغر بس على كبر اكيد ابوها ما حيستوعب انو في شب بتحبو بالجامعة ومتفقة هي وياه عالزواج يمكن بيدبحها بارضها هاد ازا ما علئ مشنقتها بالمرجة
وعقدة اوديب والكترا يمكن بتزبط مع الغرب مو مع العرب الجرب ياريت نصحا ونعرف انو نحنا بمجتمع ما بيرحم البنت ودايما المراة مظلومة وتوجه اليها اصابع الاتهام فكيف بدو يكون الرجل (ولو كان الاب ) بيتفئ مع بنتو اكتر من الام :pos:
وشكر يا جماعة :D
الأخت jovia تحتة و بعد ..
هذا الأمر الذي تتحدثين عنه مرتبط بالمجتمعات و انتة محقة في هذا الشي ..لكن البشر اينما كانو تركيب نفساني واحد يتأثر بمحيطه تأثر كبير و يبني تصرفاته على هذا الأساس ..و بالحقيقة ان هذا الأمر تحدده مرحلة الطفولة في اغلب الأحيان ..و لكن للأسف ان تربية الطفل الغير صحيحة في مجتمعاتنا احياناً تؤثر على شخصيته مستقبلاً و قد تجعله يشعر بنفور من الأهل لسوء ما كانو قد ارتكبونه في حقه (أنا لا اقصد ان الكل تربيتهم غير صحيحةولكن توجد بعض الحالات)..و اما عن الفتاة حين تبلغ (حين تصبح جامعية مثلاً) فإنها غالباً ما تصدم بالتغير الكبير الذي يحث في تصرفات الأهل بالنسبة لها و هنا المشكلة فبعد ان كانت الطفلة المدللة لدى والدها يصبح الأب شديداً عليها قاسياً و غالباً ما يكون مصيرها الصد, في كل ما ترغب و هذا للأسف يعود الى ثقافة مجتمعنا و عاداته ..

mhsen77

28/05/2009, 01:46

بعتقد القصة بتتوقف على قدرة الاب و الام على استيعاب الاولاد

يعني الام بدها بنتها متلها \صورة عنها \ لهيك بتنفر البنت الى حد ما من الام و رح تتجه للاب يلي ما عندو هالاهتمام هاد و نفس القصة عند الشب بس بالعكس

وفي ناحية تانية بمجتمعاتنا الشرقية و من نظرة الاب للبنت انها ضلع قاصر \ اسف عالتعبير و هاد مو رأيي انا بس للاسف هي واقع الحال \ بيصير يتعاطف معها اكتر من الابن وهيك هيي رح تميل الو وتحس بعاطفتو اكتر

sweetbaby

28/05/2009, 19:46

بشكل عام الاب هوي المثال الاول للبنت عن الجنس الاخر فالبنت كطفلة بتشوفو كمثالها الاعلى..
وطبعا الاحاطة وطريقة تفهم الاب وتربيتو بتلعب دور كتير كبير وهالشي اللي بيخليها تتعلق فيه...
بعدين من تجربتي انا وحسيتا بتنطبق ع كتير بنات بمحيطي انو البنت بترتاح برفقة الشب اكتر فلما بيكون في تفاهم وتفهم من الاب لعمر بنتو واللي عم تمر منو فاكيد البنت حتتعلق بابوها...
بس هيدا مو قاعدة
:D

whiterose

28/05/2009, 23:58

كل فتاة بأبيها معجبة
مو هيك بيقول المثل؟!

بصراحة انا لمست هالشي من اصدقائي ومني بالدرجة الاولى

وهالتعلق بيبدأ بسن معينة يمكن مرحلة مابعد المراهقة

وبيكبر كتير مع العمر حتى ممكن توصل لدرجة انو بتشعر البنت انو والدها اقرب من امها واكثر تفهما لها

للموضوع زوايا كتير كبيرة ودقيقة بفضل نقرا رأي علم النفس الطبي فيها

وشكرا توم وجيري

جاد81

29/05/2009, 00:05

الاحاطة

بتركزي كتير على هل الكلمة يا صديقة ...؟؟؟؟؟

توم و جيري

29/05/2009, 02:16

طيب عندي تغليق وسؤال ....

التعليق .. معناها الشغلة صح تسعين بلمية من البنات اللي هون متعلقين بالوالد ...

السؤال ... طيب البنت بتحكي لامها واسرارها مع امها وبتخبي بعض الاشياء عن الاب ليش بتضل اقرب للبي ؟؟؟

جاد81

29/05/2009, 02:59

في فرق بالحالة التعبيرية للفتاة عن الشاب

و بالتالي في فرق بميول و تعلق كلاهما بالجنس الآخر

يمكن تكمن هون المفارقة

mary_55

29/05/2009, 09:13

اانا مابتفق انو الاب بيتفق مع بنتو بتعرفو ليش؟
لسبب بسيط واللي هوي انو الاب بوقتنا وبمجتمعنا ما بيقدر يستوعب مشاعر البنت واحاسيسها يعني بدكون تقنعو حالكون وغيركون انو البنت ميالة للاب ...
طيب وين راحت فكرة هم البنات للممات ووين راح وئد البنات يعني هلا ما في شي من وئد البنات بس في تشاؤم من ولادت البنت وفرح وحفلات و إينر ومدري شو بس يجي الصبي ....
لما البنت بتجي يمكن تتدلل بالمصغر بس على كبر اكيد ابوها ما حيستوعب انو في شب بتحبو بالجامعة ومتفقة هي وياه عالزواج يمكن بيدبحها بارضها هاد ازا ما علئ مشنقتها بالمرجة
وعقدة اوديب والكترا يمكن بتزبط مع الغرب مو مع العرب الجرب ياريت نصحا ونعرف انو نحنا بمجتمع ما بيرحم البنت ودايما المراة مظلومة وتوجه اليها اصابع الاتهام فكيف بدو يكون الرجل (ولو كان الاب ) بيتفئ مع بنتو اكتر من الام :pos:
وشكر يا جماعة :D

الصراحة فيني قول معك حق
ومامعك حق
اولا لأنو شخصية الأباء مختلفة في منهم إلي ممكن يستوعب أنو بنتو حابة
ومنهم إلي بيشوف البنت أصغر من أنو تفهم أنو هاد حب ...(يعني بيفكر أنو بنتو حابة واحد عم يتسلى وهو لازم يبعدها عنو)
وبالنسبة للتشاؤم من ولادة البنت و الفرح لولادة الصبي كلنا منعرف أنو هاد شي حرام
وقبل كان موجود بس هلق ماعاد موجود لأنو أباء هاد العصر صارو أوعا من أباء العصر الماضي
وهيك منكون طلعنا من صلب الموضوع:o

برأيي أنو عقدة اوديب موجودة وبتختفي مع الوقت بمساعدة الأهل
بعدين شي طبيعي أنو الشب أو البنت يدورو على صفات مشترة بين أهلهم و الشريك بالمستقبل
مشان يحافظو عالأستقرار إلي كان ببيت أهلهم وينقلوه لبيت الزوجية
بس كمان في ناس ممكن بيميلو للجنس المماثل أي البنت بتميل لأمها أكتر من أبوها
لأنو ممكن بتعاملها بنضج متل ماقال أبو الشباب أو أم البنات :shock: يلي هو
وطبعا هادا لأنو الأنسان هو وصغير بيحب يكبر بسرعو ولما يكبر بيتمنى يرجع صغير
رجعنا طلعنا من الموضوع:o
بتوقع فهمتو علي مو؟؟:lol:

شكرا الموضوع كتير حلو و مفيد

توم و جيري

29/05/2009, 20:48

في فرق بالحالة التعبيرية للفتاة عن الشاب

و بالتالي في فرق بميول و تعلق كلاهما بالجنس الآخر

يمكن تكمن هون المفارقة

ياريت تقدر تفسرها شوي اذا امكن ....:D

sweetbaby

29/05/2009, 21:34

بتركزي كتير على هل الكلمة يا صديقة ...؟؟؟؟؟

طبيعي ركز ع هالكلمة لانو من وجهة نظري هي الطريقة المثلى للتربية...
ولما بيكون الاب هوي مثال بنتو او هي متعلقة فيو اكتر فهيدا بسبب طريقة تربية وبسبب دورو كشخص من الجنس الاخر وكاب بنفس الوقت يللي عم بيكون مغطي كل نواحي حياتا او محاوط كل نواحي حياتا

sweetbaby

29/05/2009, 21:36

طيب عندي تغليق وسؤال ....

التعليق .. معناها الشغلة صح تسعين بلمية من البنات اللي هون متعلقين بالوالد ...

السؤال ... طيب البنت بتحكي لامها واسرارها مع امها وبتخبي بعض الاشياء عن الاب ليش بتضل اقرب للبي ؟؟؟

بكل بساطة لانو مو كل الاشيا ممكن تنحكى لـ الاب كما انو مو كل الاشياء ممكن تنحكى لـ الام...
فمشان هيك بتشوف بنت بتحكي لامها اسرارها بس كمان بتلاقيا معلقة واقرب لابوها

توم و جيري

29/05/2009, 23:28

ممممم ...:oops:
ياريت سويت توضحي اكتر لان رح فوت بالحيط ..:p

عطر سوريا

29/05/2009, 23:48

اانا مابتفق انو الاب بيتفق مع بنتو بتعرفو ليش؟
لسبب بسيط واللي هوي انو الاب بوقتنا وبمجتمعنا ما بيقدر يستوعب مشاعر البنت واحاسيسها يعني بدكون تقنعو حالكون وغيركون انو البنت ميالة للاب ...
طيب وين راحت فكرة هم البنات للممات ووين راح وئد البنات يعني هلا ما في شي من وئد البنات بس في تشاؤم من ولادت البنت وفرح وحفلات و إينر ومدري شو بس يجي الصبي ....
لما البنت بتجي يمكن تتدلل بالمصغر بس على كبر اكيد ابوها ما حيستوعب انو في شب بتحبو بالجامعة ومتفقة هي وياه عالزواج يمكن بيدبحها بارضها هاد ازا ما علئ مشنقتها بالمرجة
وعقدة اوديب والكترا يمكن بتزبط مع الغرب مو مع العرب الجرب ياريت نصحا ونعرف انو نحنا بمجتمع ما بيرحم البنت ودايما المراة مظلومة وتوجه اليها اصابع الاتهام فكيف بدو يكون الرجل (ولو كان الاب ) بيتفئ مع بنتو اكتر من الام :pos:
وشكر يا جماعة :D

الاخت jovia احب التنويه اننا مجتمع شرقي وغير منفتح بشكل يلي عم تحكي فيه ولاتنسي السبب الاكبر الا وهو الرادع الديني الرادع الديني كيف
يعني انو البنت تتعرف على شب وتحبو وهو على اساس يحبها لحد ما يوصل لحد أخذ الكفاية من جسد هالفتاة بيكون بيقللها الله معكي افرقينا بريحة طيبة ( اسف على التعبير بس الشباب عنا عندهم نقص جنسي كبير وكذلك الاناث ) وهاد شي طبيبعي يعني لا تنسي انو كماتن المجتمع الشرقي عندو شي مقدس اكتر من الدين الا وهو ( غشاء ) يعني لو فقدتو البنت بهالمجتمع بطريقة غير شريعة بيكون القتل عليها حق تمام بس من الناحية التانية بتكون قسوة الاب على البنت من باب الخوف والحرص عليها من الغلط ؟؟؟
:D

ظل جيفارا

30/05/2009, 13:41

بتوقع الموضوع بيندرس من وجهة نظر مدرسة التحليل النفسي لفرويد حيث بيقول إنو الليبدو البدائي عن الإنسان بيجعل الإنسان بالمراحل العمرية من سنتين ل ست سنوات متعلقا بالوالد من الجنس التاني ..
هلأ بعد السنوات الست الأولى بيبدأ الطفل يتعرف على شخصية الوالد من نفس الجنس " الأم بهالحالة " وبتبدأ الطفلة تحس إنو الوالدة قوية مسيطرة وعم تنافسها على محبة الوالد وبيتطور هالإحساس لحتى تصير الطفلة مع سن البلوغ تشعر إنو الأم هي قدوتها بالحياة لإنها قدرت تحصل على رجل مميز كوالدها
هلإ اذا كانت الإم مغيبة بفترة بين الست سنوات وسن البلوغ طبيعي إنو إحساس الطفلة نحو أبوها " ومرده عند فرويد لسبب جنسي" طبيعي إنو رح يضل تعلق الطفلة بوالدها مستمر ودائم ورح يقوى لإنو الوالد رح يحل مكان الإم بكتير أحيان
هي نظرية فرويد بالموضوع وانا بشوفا مقنعة
تحياتي الحارة
ظل جيفارا

Marooshe

30/05/2009, 14:10

هالشي منو قاعدة ثابتة ،

البنت أو الأبناء بشكل عام بيتعلقو بالطرف الأقرب الهم والأكثر تفهم وتقبل ودعم

والبنت بتبحث عن شريك بيشبه أبوها بس لما تكون صورة الوالد قادرة على احتوائها مش بس كـ إبنة وإنما كـ كيان .. فبحسب رؤيتها لأبوها بتصير تدور أو على شريك مستنسخ عنو أو على شريك بيختلف عنو بالصفات اللي ما بتناسبها

وكونو خلفها يعني .. مش بالضرورة تكون صفاتو هيي صفات الرجل الوحيد على الأرض .. ونفس الشي بالنسبة للأم ، بيتعلق بعلاقتها بـ إبنها ومدى عمقها ومدى إحتوائها إلو لحتى تصير عندو بتختصر كل النساء ..

xxlarge

30/05/2009, 23:45

انا ارى ان الفتاة التي تحب وتعشق رجلا اكبر منها سنا بفارق كبيير
عانت من فقدان حنان الاب
او فقدان وجود الاب نفسه
وعوضت عنه برجل اكبر منها سنا
ما رايكم ؟؟؟؟

بالنسبة للأطفال الذين يشارك أباؤهم مشاركة فعلية في التوجيه والتربية فإنهم يكونون أقوى وأكثر قدرة علي التفاعل الاجتماعي الناجح وأكثر مقدرة علي مواجهة وحل المشكلات الحياتية‏,‏ كما أنهم يملكون القدرة علي تكوين آرائهم بأنفسهم دون الحاجة لاستشارة الآخرين ودون التأثر بهم‏.‏ وعلي العكس من ذلك فإن غياب الأب عن المشاركة في عمليات التربية سواء كان غيابا ماديا أو معنويا يؤدي لجنوح الطفل إلي العدوان والتمرد وعدم الطاعة‏,‏ وتزداد مشكلاته في مرحلة ماقبل المدرسة‏.;كما أن دور الأب لايمكن أن يعوض غياب الأم لأن الأب يقدم عادة دورا تكميليا لأن الآباء يسمحون لابناءهم بالتحرك بحرية أكبر وبالتالي الاستعداد بصورة أكبر لمواجهة المجتمع‏.‏
وتقول الأبحاث والدراسات في أغلب جامعات العالم إن الأطفال الذين ينشأون بدون أب يكونون أكثر استعدادا للانحراف بنسبة تصل إلي‏70%‏ عن غيرهم‏.‏ كما أن غياب الأب يؤثر على الطفل لذاته وثقته بنفسه‏.‏
أما غياب الأب في حياة الطفلة ا فيؤدي غالبا بالاكتئاب المبكر‏.‏ وكثيرا ما يؤدي ذلك لظهور أنماط سلوكية غير سوية في حياة الفتاة حيث تعبر عن فقدانها الوجود الذكوري من خلال الميل لمصاحبة الفتيان أو يؤدي لظهور عقدة الكترا في الكبر‏.‏وما الى ذالك من ممارسات سلوكيه تكشف وبشكل غير مباشر بأنها يتيمة الأب

توم و جيري

31/05/2009, 03:19

يعني انو البنت تتعرف على شب وتحبو وهو على اساس يحبها لحد ما يوصل لحد أخذ الكفاية من جسد هالفتاة بيكون بيقللها الله معكي افرقينا بريحة طيبة ( قسوة الاب على البنت من باب الخوف والحرص عليها من الغلط ؟؟؟
:D
رح جاوبك عالنقتطين ...
باول وحدة سؤال وين عقل البنت صح الحب بالقلب بس في عقل ..
تاني شي في اباء بيعتمدو الحوار وهي طريقة افضل ...

كل الردود رح جاوب عليها ...:D

jovia

31/05/2009, 09:10

الأخت jovia تحتة و بعد ..
هذا الأمر الذي تتحدثين عنه مرتبط بالمجتمعات و انتة محقة في هذا الشي ..لكن البشر اينما كانو تركيب نفساني واحد يتأثر بمحيطه تأثر كبير و يبني تصرفاته على هذا الأساس ..و بالحقيقة ان هذا الأمر تحدده مرحلة الطفولة في اغلب الأحيان ..و لكن للأسف ان تربية الطفل الغير صحيحة في مجتمعاتنا احياناً تؤثر على شخصيته مستقبلاً و قد تجعله يشعر بنفور من الأهل لسوء ما كانو قد ارتكبونه في حقه (أنا لا اقصد ان الكل تربيتهم غير صحيحةولكن توجد بعض الحالات)..و اما عن الفتاة حين تبلغ (حين تصبح جامعية مثلاً) فإنها غالباً ما تصدم بالتغير الكبير الذي يحث في تصرفات الأهل بالنسبة لها و هنا المشكلة فبعد ان كانت الطفلة المدللة لدى والدها يصبح الأب شديداً عليها قاسياً و غالباً ما يكون مصيرها الصد, في كل ما ترغب و هذا للأسف يعود الى ثقافة مجتمعنا و عاداته ..
كلامك صحيح هلا يمكن في بنات بياخدو ابوهم المثل الاعلى بس صدقوني يا جماعة انو انا من الناس يلي شايفة كتير اباء المثل الادنى والمكروه للي عم بيكره وبيخوف البنت من ابوها ...
يا شباب ويا صبايا نحنا مجتمعنا شرقي بالتالي الاب لسا عندو تحفظ شديد وشديد جدا حيال فكرة انو البنت تطلع مع رفيقها الشب اكيد البنت واعية وبتفهم وازا نقصها شي كان من الممكن انو يزودوها اهلها ويكونو بكل موقف معها ينصحوها بس الواقع للي عم نعيشو واقع القسوة واحيانا بيوصل الى الضرب والضرب المبرح ايضا
وشكرا :D

jovia

31/05/2009, 09:17

الصراحة فيني قول معك حق
ومامعك حق
اولا لأنو شخصية الأباء مختلفة في منهم إلي ممكن يستوعب أنو بنتو حابة
ومنهم إلي بيشوف البنت أصغر من أنو تفهم أنو هاد حب ...(يعني بيفكر أنو بنتو حابة واحد عم يتسلى وهو لازم يبعدها عنو)
اول شي عزيزتي بدي قلك انو الاب لما بيشوف بنتو حابة ما بيشوفها عم تتسلى ازا بدك بيطلعها عن شرفها هاد ازا ما اخدها وفحصها عند طبيبية نسائية وازا ما اكلت أتل وضرب من الازم لانو على قولتو "" بتستاهل "" اكتر من هيك

بس كمان في ناس ممكن بيميلو للجنس المماثل أي البنت بتميل لأمها أكتر من أبوها
لأنو ممكن بتعاملها بنضج متل ماقال أبو الشباب أو أم البنات :shock: يلي هو
وطبعا هادا لأنو الأنسان هو وصغير بيحب يكبر بسرعو ولما يكبر بيتمنى يرجع صغير

اسمحيلي علق عزيزتي على شغلة : كلامك هلا في نوع من الصحة ولكن مو دايما لانو الام اغلب الاحبان بتحب تسمع لبنتها كرمال تبعدها عن الطريق الخطا بالكلام الحكيم وكرمال كمان تجنبها الضرب المبرح للي لح تاكلو من ابوها جراء تعارفها على شي شب بالجامعة متلا .... انا يا اخوة ما عم شوه صورة الاب العربي بس للاسف انا عايشة بمجتمع اغلي اوب الاحرى كل رفئاتي البنات بيحسو نفس الحساس بئى خلينا بعقدة العرب بدل من عقدة اديب هي
وشكرا عزيزتي عالتعليق :D

jovia

31/05/2009, 09:21

الاخت jovia احب التنويه اننا مجتمع شرقي وغير منفتح بشكل يلي عم تحكي فيه ولاتنسي السبب الاكبر الا وهو الرادع الديني الرادع الديني كيف
يعني انو البنت تتعرف على شب وتحبو وهو على اساس يحبها لحد ما يوصل لحد أخذ الكفاية من جسد هالفتاة بيكون بيقللها الله معكي افرقينا بريحة طيبة ( اسف على التعبير بس الشباب عنا عندهم نقص جنسي كبير وكذلك الاناث ) وهاد شي طبيبعي يعني لا تنسي انو كماتن المجتمع الشرقي عندو شي مقدس اكتر من الدين الا وهو ( غشاء ) يعني لو فقدتو البنت بهالمجتمع بطريقة غير شريعة بيكون القتل عليها حق تمام بس من الناحية التانية بتكون قسوة الاب على البنت من باب الخوف والحرص عليها من الغلط ؟؟؟
:D
كلامك زينة العقل وبدي حاول بينلك شغلة :
هلئ ازا التقى الرادع الديني مع رادع الشرف الا هو "الغشاء" فهاد بيعني انو لازم البنت تمشي وفق احكام وقوانين صارمة وازا طلعت عنها ام ان ترجم حتى الموت "ازا كانت مزوجة " واما ان ترجم مية جلدة " ازا كانت عذراء" هاد من منطلق ديني اما من منطلق الشرف يلي العرب لسا لهلا متمسكين فيه فكان عند العرب القدماء شي اسمو تار والتار ولا العار بيجوز يقتلوه للي اغتصبها " هلا ما بدي اطلع عن الموضوع دزيادة " بس فكرتي كلا كانت بتحكي انو عقدة اوديب ابدا ابدا ما بتحاكي واقعنا الا بنسبة كتير كتير ضئيلة وشكرا للكل عالمتابعة :D

أإأبو العبد

31/05/2009, 09:24

لماذا تتعلق الفتاة بابيها اكثر ؟؟؟ ما هو السر .؟؟مابعرف بس يمكن لانو بتحس انو ابوها قوي وبتشوف بابوها صورة الرجل الحقيقي او يمكن انو البنت متل القط بيحب خنّاقو كل شي ممكن
:larg:

توم و جيري

31/05/2009, 13:47

هالشي منو قاعدة ثابتة ،

البنت أو الأبناء بشكل عام بيتعلقو بالطرف الأقرب الهم والأكثر تفهم وتقبل ودعم

والبنت بتبحث عن شريك بيشبه أبوها بس لما تكون صورة الوالد قادرة على احتوائها مش بس كـ إبنة وإنما كـ كيان .. فبحسب رؤيتها لأبوها بتصير تدور أو على شريك مستنسخ عنو أو على شريك بيختلف عنو بالصفات اللي ما بتناسبها

وكونو خلفها يعني .. مش بالضرورة تكون صفاتو هيي صفات الرجل الوحيد على الأرض .. ونفس الشي بالنسبة للأم ، بيتعلق بعلاقتها بـ إبنها ومدى عمقها ومدى إحتوائها إلو لحتى تصير عندو بتختصر كل النساء ..

مانو قاعدة بس 90 % هيك بيصير من الردود بتعرفي ...
بس لا قلال الشباب الي بيتعلقو بالام متل ما بتتعلق الفتاة بالاب ...
في شي محير والله هون .. وغريب ...

ريــــمــــا

31/05/2009, 17:00

يسعد مساكم

فيما يخص البنت اللي بتحب رجل يفوقها سنا هنا الموضوع نفسي بحت

في هذه الحاله يكون الاب المثال الاعلى بنظر ابنته وترى فيه صورة الرجل والزوج المثالي

لذلك تنجدب للاكبر سن منها وليس لفقدانها للحنان

تحياتي للجميع

توم و جيري

01/06/2009, 17:24

شكرا للجميع عالمشاركة بالموضوع ...
فيني قول انو صار في كتير اراء .. وكلها منطقية ..
بالنسبة .. ل ريما ..:D
الموضوع مو نفسي لان في بنات بينجذبو للي بعمرون او اقل .. يعني مو قاعدة ..

عطر المغرب

03/07/2009, 17:29

اانا مابتفق انو الاب بيتفق مع بنتو بتعرفو ليش؟
لسبب بسيط واللي هوي انو الاب بوقتنا وبمجتمعنا ما بيقدر يستوعب مشاعر البنت واحاسيسها يعني بدكون تقنعو حالكون وغيركون انو البنت ميالة للاب ...
طيب وين راحت فكرة هم البنات للممات ووين راح وئد البنات يعني هلا ما في شي من وئد البنات بس في تشاؤم من ولادت البنت وفرح وحفلات و إينر ومدري شو بس يجي الصبي ....
لما البنت بتجي يمكن تتدلل بالمصغر بس على كبر اكيد ابوها ما حيستوعب انو في شب بتحبو بالجامعة ومتفقة هي وياه عالزواج يمكن بيدبحها بارضها هاد ازا ما علئ مشنقتها بالمرجة
وعقدة اوديب والكترا يمكن بتزبط مع الغرب مو مع العرب الجرب ياريت نصحا ونعرف انو نحنا بمجتمع ما بيرحم البنت ودايما المراة مظلومة وتوجه اليها اصابع الاتهام فكيف بدو يكون الرجل (ولو كان الاب ) بيتفئ مع بنتو اكتر من الام :pos:
وشكر يا جماعة :D

انا بتفق معك لانه اساسا البنت من لما بتخلق ديما الاب بفكر انه هالبنت يمكن تسببلو عار او هيك شي
او بتلاقي الاب قد ما بخاف على بنتو ديما البنت بتكون بسجن
وديما بيدخل بطريقة لبسها وطلعاتها الخ . ويمكن حتى على شو بتشوف من برامج وشو بتابع على التلفزيون
وهالشي هو الي بخلي معضم البنات تفوت بالغلط لانه كمان السجن الي بتكون فيه بكون اكبر الاسباب

واكيد ما في بنت وخاصة بمجتمعنا العربي رح تحكي لأبوها انها مصاحبة او بتحب
الا ادا بدها يكون اخر يوم بحياتها
بس اكيد ما في احلى من التفاهم والحوار بين الاولاد وبائهم
لانه الكل بيمر بهيك تجارب
مشكوورين على الموضوع
اختكم فاتي

عطر المغرب

03/07/2009, 17:37

الاخت jovia احب التنويه اننا مجتمع شرقي وغير منفتح بشكل يلي عم تحكي فيه ولاتنسي السبب الاكبر الا وهو الرادع الديني الرادع الديني كيف
يعني انو البنت تتعرف على شب وتحبو وهو على اساس يحبها لحد ما يوصل لحد أخذ الكفاية من جسد هالفتاة بيكون بيقللها الله معكي افرقينا بريحة طيبة ( اسف على التعبير بس الشباب عنا عندهم نقص جنسي كبير وكذلك الاناث ) وهاد شي طبيبعي يعني لا تنسي انو كماتن المجتمع الشرقي عندو شي مقدس اكتر من الدين الا وهو ( غشاء ) يعني لو فقدتو البنت بهالمجتمع بطريقة غير شريعة بيكون القتل عليها حق تمام بس من الناحية التانية بتكون قسوة الاب على البنت من باب الخوف والحرص عليها من الغلط ؟؟؟
:D

يمكن تكون قسوة الاب على بنتو خوف انها توقع بالغلط
بس يمكن كمان يكون هو صار معو هيك قصة او انه يكون خدع بنت من الي كان معاهم
وهيك بكون الخووووووف اكتر لانه الله يمهل ولا يهمل
واكيد كمان هو ما رح ينسى انه خدع بس اكيد ادا كان عندو ضميييييييييييير
فااااااااااااااااااتي

الاء النور

22/09/2009, 23:02

والله انا اضن ان هذا راجع الى ان الاب هو اول رجل في حياة ابنته لذا فالكل يتون بعده ومن طبيعة الاشياء ان تقارن باوائلها بالاضافة الى ان الفتاة تتعود على ابيها بكل ما فيه من عيوب وميزات فتصبح رغما عنها المثال الذي تبحث عنه لانه ما تعرفه ومتاكدة منه شكرا.

النمر اللبناني

22/09/2009, 23:07

اسال البنت وريح راسك توم:o

الأندلسية

22/09/2009, 23:13

ليس فقط البنت تتعلق بأبيها بل أيضا الاب يتعلق بابنته اكثر من بنيه
علم النفس يقول - و ها الشى سبق و قريته - انو الام تميل الى الابن اكتر و الاب يميل الى البنت
اكتر.صحيح انو معظم الاباء فى مجتمعاتنا العربيه يفضلون الصبى على البنت كأول مولود لكن سرعان ما يصبح الاب يميل الى ابنته اكثر من ابنه.
لانو الرجوله تنجذب الى الانوثه و العكس صحيح
الاب يجد فى ابنته امور انثويه ينجذب اليها لا يجدها عند ابنه كالحنان و الرقه ..الخ
نفس الشى بالنسبه للأم

جلنارالغالية

24/09/2009, 13:06

ايه والله انا بحس اني ئريبة من ابي اكتر عن امي مدري ليييش

بس اللي بعرفو انو أمي مانها حنونة متل أبي ممكن هاد هوي السبب