معادلات " فوت وورجينا عرض زلاعيمك " [الأرشيـــــف]

عرض كامل الموضوع : معادلات " فوت وورجينا عرض زلاعيمك "

Abu ToNi

25/05/2009, 06:23

إي وسعدو ( الواو واو القسم يعني ) اجا هليوم اللي ما كنت متوقعه :cry:
وليكني فايت على قسم المسابقات وعم حط موضوع جديد :jakoush:
ما علينا :p

اللعبة اليوم يا اخوات ويا أخوة متل ما واضح من اسما ( معادلات )
بس هية مو معادلات رياضية بحتة متل ما تعودنا عليها :pos:
اللي هون معادلات بتعتمد على العمليات الرياضية فقط ومعطياتا بتكون ( انسانية - اجتماعية - نفسية - فكرية - سياسية )
يعني فينك تشكلها بالشكل اللي بدك ياه وتعبر عن الفكرة اللي بدك ياها بالعمليات الرياضية اللي كلنا منعرفها ( يفضل ما نستعمل اكتر من الجمع والطرح )

فكرة اللعبة بأن كل واحد فينا عنده معادلة رياضية مطلوب منه اثباتا\نقض اثباتا
بحسب ما هوي بشوف مناسب

يعني مثلا ولنفرض كانت المعادلة بالشكل :

حكومة واعية - " اشارة ناقص" شعب واعي = دولة متخلفة

هون ممكن كل واحد يكون اله رأي .. يعني ممكن عالم تخالف هلمعادلة من باب أنو الحكومة هية اللي بتحدد مستوى الدولة عن طريق اجراءاتها وعن طريق اساليب تعاملها وهية قادرة على رفع العالم شو ما كان مستوى الوعي عندن لتعمر بلد متحضرة وطول ما انه الحكومة واعية فالدولة اكيد متحضرة وليكا ماليزيا مثلا من وقت ما حطت حكومتها طريق واضح قدامها صارت دعايات الرحلة لماليزيا شي بيفتح النفس .. والله شي بيفتح النفس :larg:
وممكن واحد يقلك انو لا ياسيدي هلمعادلة مزبوطة ومافيها شي غلط لأن طالما الشعب مانو واعي ما بحياتا الدولة ممكن تصير متحضرة وليكنا بلدان العالم التالت شو ما مرق على راسنا حكومات منبقى آخر بلدان البشرية بالتطور والتحضر .. يعني اللي عم يشلف زبالته بالطريق هاد مافي حق عليه وكل الحق على حكومته ؟! والله سمعة هي !!:sly:

بمعنى رياضي بحت انت يا اما بتاثبت صحة المعادلة المحطوطة بأدلة منطقية وبراهين مقبولة
يا اما بتأثبت عدم امكانية صحة هلمعادلة او صحتها بظروف محددة جدا .. هلشي بيتحدد بمدى منطقية تعاملك مع الموضوع ومدى عرض زلاعيمك وقدرتك على بلف العالم واقناعن بالفكرة :lol:

خلونا نبدا مع المعادلة الأولى لنشوف اذا بدكن تقدروا تأثبتوها أو بدكن تنفوها بشكل جزئي او قطعي

أب سيئ + أم سيئة = طفل سيء

هاموش ضروري الكل يقراه :
بجوز مع الأيام تنفصم شمسيتي بشكل كامل وانسى الباسوورد واليوزر تبع الأخوية أو حتى انسى كيف بكتب اسم الموقع فما تنتظروا مني شي كتير
يعني اللي حس بأنه انحكى بنقطة معينة لفترة كبيرة وانلعى قلب العالم والحوار مانه كتير حامي الوطيس( التعن بستمية صرماية اذا كنت بعرف شو هاد الوطيس ) وبنفس الوقت عنده شي فكرة عرف يمثلها بشكل معادلة وحابب يحطا بالساحة .. ما يستحي ولا يخجل من حدا ومانه مضطر ابدا يراسلني او يطلب مني او يعتذر مني او ايا شي من هلأشياء
البيت بيتكن يعني مافي حدا غريب وانا ضيف علموضوع متلي متلكن
على راسي شبيبة المسابقات والضواحي التانية كلها:deal:

وشم الجمال

25/05/2009, 07:58

أب سيئ + أم سيئة = طفل كرهان حالو

jovia

25/05/2009, 11:32

اب سيء+ ام سيئة = طفل متمرد على الشر متفتح عالدنية بخيرها وشرها ((هاد ازا كان فهمان ))
فكرتي واردة يمكن وفي فكرة تانية وهي:
اب سىء+ام سيئة = طفل مريض داء الشراسة والانتقام بتعذيب الغير ما كان يعانيه يعني بالمختصر " طفل محطم اخلاقيا وذاتيا "
وشكرا

mary belle

25/05/2009, 12:04

اب سيء + ام سيئه = ولاد متهورين
او
اب سيء + ام سيئه = ولاد متحملين مسؤولية حالن بكل شي ( شي فوق الطاقه)

باشق مجروح

25/05/2009, 12:10

أب سيئ + أم سيئة = طفل سيء

الشخص السئ هوي شخص بيحمل بجيناتو مورثات من الاجيال السابقة ممكن يكون كتير منها سئ
و عاداتو المكتسبة خلال فترة حياتو كانت تتسم بالسلبية ( تربية غير سوية - اصدقاء - مؤسسات تعليمية - اسباب نفسية اخرى )
بالتالي اجتماع اب بمواصفات سيئة مع ام بمواصفات سيئة بيعمل على زيادة الاحتمالية بانجاب طفل سئ من ناحية المورثات + من ناحية التربية . بيضل في احتمالات اضعف وهي ظهور صفات وراثية جديدة يحملها الابوين جيدة . او امكانية اكتساب عادات افضل من خلال الاصدقاء / وسائل التواصل .

انا بوصل لنظرية :

أب سيء + ام سيئة = طفل سيء على الارجح

.

Abu ToNi

25/05/2009, 16:50

أب سيئ + أم سيئة = طفل كرهان حالو

اب سيء+ ام سيئة = طفل متمرد على الشر متفتح عالدنية بخيرها وشرها ((هاد ازا كان فهمان ))
فكرتي واردة يمكن وفي فكرة تانية وهي:
اب سىء+ام سيئة = طفل مريض داء الشراسة والانتقام بتعذيب الغير ما كان يعانيه يعني بالمختصر " طفل محطم اخلاقيا وذاتيا "
وشكرا

اب سيء + ام سيئه = ولاد متهورين
او
اب سيء + ام سيئه = ولاد متحملين مسؤولية حالن بكل شي ( شي فوق الطاقه)

يمكن يكون الشرح قليل علفكرة حقكن علينا
فكرة الموضوع مو تشكيل معادلات
فكرته انه مطلوب منكن اثبات المعادلة يعني تأكيد صحتا
او نفي المعادلة وتأكيد عدم صحتا
يعني متل ما عمل باشق مجروح بالرد هاد
أب سيئ + أم سيئة = طفل سيء

الشخص السئ هوي شخص بيحمل بجيناتو مورثات من الاجيال السابقة ممكن يكون كتير منها سئ
و عاداتو المكتسبة خلال فترة حياتو كانت تتسم بالسلبية ( تربية غير سوية - اصدقاء - مؤسسات تعليمية - اسباب نفسية اخرى )
بالتالي اجتماع اب بمواصفات سيئة مع ام بمواصفات سيئة بيعمل على زيادة الاحتمالية بانجاب طفل سئ من ناحية المورثات + من ناحية التربية . بيضل في احتمالات اضعف وهي ظهور صفات وراثية جديدة يحملها الابوين جيدة . او امكانية اكتساب عادات افضل من خلال الاصدقاء / وسائل التواصل .

انا بوصل لنظرية :

أب سيء + ام سيئة = طفل سيء على الارجح

.

طب بنفس الوقت اذا طلعنا على المساواة من الطرف التاني
اذا الطفل سيئ = الأب سيئ والأم سيئة ؟!;)

باشق مجروح

25/05/2009, 16:57

طب بنفس الوقت اذا طلعنا على المساواة من الطرف التاني
اذا الطفل سيئ = الأب سيئ والأم سيئة ؟!;)

لأ العكس مو بالضرورة صحيح رغم ورودو كاحتمال
ممكن يكون الطفل ورث الصفات السيئة من احد الابوين (1)
و ممكن يكون اكتسب صفات سيئة خلال حياتو (2)
وممكن ان يجتمع (1) و (2)

اما اذا كان الأبوين سيئين فبتصبح احتمالية الطفل السئ أكبر لأنو بتصير الصفة السيئة اقوى وراثياً والمكتسبة كذلك اقوى .

inodessa

25/05/2009, 17:29

أب سيئ + أم سيئة = طفل سيء
معادلة خطأ (كمعادلة رياضية)
لآنو المعدلات اما صح أو خطأ.. و ما في استثناء لحدي..

أما كمعادلة وراثية....
فبعلم الوراثي (حسب ما درسنا بالبكالوريا) في مورثات بتكون مو ظاهرة! يعني ممكن الابوين عيونهم عسلية ويجي الابن عيونو زرق..! (حتى لو الزوجة ما خانت زوجها لسّا:p) وفي نسب علمية لهيك احتمال

أنا برأيي سوء الناس وراثي!!..:pos: لذلك بقولو فلان ابن آدم.. وممكن يغلط.. لآنو نحنا ورثنا الخطيئة وراثة..

بس ممكن يصير الاحتمال الاقل حتى لوكان الابوين سيئين..! لذلك هي كمعادلة وراثية خطأ..

هامش
عجبني ذكاء هالموضوع...:D

inodessa

25/05/2009, 17:32

أب سيئ + أم سيئة = طفل سيء
معادلة خطأ (كمعادلة رياضية)
لآنو المعادلات اما صح أو خطأ.. و ما في استثناء لحدي..

أما كمعادلة وراثية....
فبعلم الوراثي (حسب ما درسنا بالبكالوريا) في مورثات بتكون مو ظاهرة! يعني ممكن الابوين عيونهم عسلية ويجي الابن عيونو زرق..! (حتى لو الزوجة ما خانت زوجها لسّا:p) وفي نسب علمية لهيك احتمال

أنا برأيي سوء الناس وراثي!!..:pos: لذلك بقولو فلان ابن آدم.. وممكن يغلط.. لآنو نحنا ورثنا الخطيئة وراثة..

بس ممكن يصير الاحتمال الاقل حتى لوكان الابوين سيئين..! لذلك هي كمعادلة وراثية خطأ..

هامش
عجبني ذكاء هالموضوع...:D

إبريل

25/05/2009, 18:31

مسا الخير، رح حاول قدر المستطاع
لانو بصراحة هيك مواضيع ما فينا
نعدّي عنها، مميز جدًّا وبيخدمني.

أب سيئ + أم سيئة = طفل سيء

لفترة مو بسيطة بقيت اسمع جملة:
"ثقي تمامًا انو الصلاح يورّث"
وبما انو الصلاح هيك معناتا عدم الصلاح هيك
بس لانو نحنا ما بنحكي عن الأنظمة المغلقة والمثالية
يعني هالأم وهالأب وهالطفل
مو بمعزل عن أي مؤثر طارئ وخارجي
ما فينا نأكد أو نجزم بنسبة 100%
ولكل قاعدة شواذ

والمعادلة هون مو عكسية بالضرورة
يعني ظهور ابن سيء نتيجة أهل ربما سيئين
أقل جدًّا
لانو الطاسة الكبيرة بداخلها الطاسة الصغيرة مو العكس
وبس مو أكتر :D

i m sam

25/05/2009, 19:40

بحييك ابو طوني على هالتحشيشة :D

أب سيئ + أم سيئة = طفل سيء
هي المعادلة صحيحة بنسبة 90 بالمية
والعشرة بالمية بيخطّؤوا المعادلة وبيعتمدو على نوعية السوء عند الوالدين يعني بجوز سوء الوالدين يخلي الولد يتربى برا البيت يعني ما ياخد خصال من الوالدين وياخد خصال المدرسة مثلا ,او قدوة ما... قد تكون جيدة.
لكن بشكل عام هالمعادلة صحيحة لذلك واجب تجنبها تماما .
بدي علق على حل الباشق :
انا معو بالنتيجة يلي وصللها لكن الأمر بتوقع ما بيتعلق بالجينات ولا بالوراثة أبدا ..الأمر أمر تربوي وخصال ما بتنتقل بالجينات على حسب علمي

inodessa

25/05/2009, 20:19

بحييك ابو طوني على هالتحشيشة :D

هي المعادلة صحيحة بنسبة 90 بالمية
والعشرة بالمية بيخطّؤوا المعادلة وبيعتمدو على نوعية السوء عند الوالدين يعني بجوز سوء الوالدين يخلي الولد يتربى برا البيت يعني ما ياخد خصال من الوالدين وياخد خصال المدرسة مثلا ,او قدوة ما... قد تكون جيدة.
لكن بشكل عام هالمعادلة صحيحة لذلك واجب تجنبها تماما .
بدي علق على حل الباشق :
انا معو بالنتيجة يلي وصللها لكن الأمر بتوقع ما بيتعلق بالجينات ولا بالوراثة أبدا ..الأمر أمر تربوي وخصال ما بتنتقل بالجينات على حسب علمي
كيف الخصال ما بتنتقل.. اذا واحد ابو و امو عصبيين بيطلع الولد كمان عصبي ع الاغلب!!

أإأبو العبد

25/05/2009, 20:24

فوتكا + مكسرا = سهرة تركس:larg:

bacteria

25/05/2009, 20:29

شو يعني مكسرا :shock:

أإأبو العبد

25/05/2009, 20:35

شو يعني مكسرا :shock:
هي مكسرات بس التاء اجت ادغام بغنة :larg:

bacteria

25/05/2009, 20:36

شاي + حليب = شاي وحليب بغنة :pos:

inodessa

25/05/2009, 20:36

هي مكسرات بس التاء اجت ادغام بغنة :larg:

:lol::lol::lol::lol::lol::lol:
ع أساس عرفت الفوتكا...:lol::lol::lol:

inodessa

25/05/2009, 20:46

أب سيئ + أم سيئة = طفل سيء

منطلّع سيئ عامل مشترك..

سيئ (أب+أم)= طفل سيئ ..................... (1)

بما أن (أب+أم)= طفل

فبالتعويض في (1)

سيئ (طفل) = طفل سيئ

و بما أن الضرب تبديلي

طفل سيئ = طفل سيئ

وهو المطلوب.

bacteria

25/05/2009, 20:53

Abu ToNi

26/05/2009, 03:42

طالما في حماس بالموضوع خلونا نطلع من دائرة ( سيء ) لأن الكلمة بحد ذاتها بدا تفسير

خلونا نحكي بامكانية صحة هلحكي :

انسان يحمل شهادة ( مؤهل أكاديمياً ) = انسان راقي فكريا

ritka

26/05/2009, 04:27

انسان يحمل شهادة ( مؤهل أكاديمياً ) = انسان راقي فكريا

لا مش بالضرورة يكون هالحكي صحيح ...
في كتير عوامل بتاثر بتكوين الشخص الراقي (كـ رقي فكري طبعا)
ما بعرف ازا في مجال نخوض فيها هون بس انو يعني باختصار
المجتمع.. الوسط اللي ربيان فيه.. و في كتير عوامل تانية بتكون شخصية كل واحد فينا و بتعملنا مختلفين عن بعض

من جهة اخرى..(حاسة حالي بنشرة اخبار :lol:) ممكن تكون هالمعادلة صح..بمعنى انو لما حدى يدرس و يقرا كتب علمية او سياسة يعني ع حسب تخصصو هالشي بياثر فيه كمنطق بالتفكير و هيك يعني
مع اني مش كتير مقتنعة بالجهة الاخرى بس انو وجب التنويه :lol:

shareef98

26/05/2009, 08:38

انسان يحمل شهادة ( مؤهل أكاديمياً ) = انسان راقي فكريا

مرحبا يا قلب

هاي مارح يختلفو اتنين على عدم صحتها..شتّان بين الثقافه وبين المؤهل الأكاديمي
الأولى هي التي تبني فكر...اما الثانيه فهي و(بامتياز) مجرد جواز مرور نحو وظيفه (راقيه)
ومن نافل القول أن التعميم خطأ
وبالنسبه للمعادله الأولى(بما إني كنت غايب)...في شاعر من تراثنا قال:

إذا كان رب البيت بالطبل ضارباً........فشيمة أهل البيت كلهم الرقص.........:D

باشق مجروح

26/05/2009, 11:10

انسان يحمل شهادة ( مؤهل أكاديمياً ) = انسان راقي فكريا

على الاطلاق .
التعلم و الثقافة أمرين مختلفين و خصوصاً في بلادنا حيث التعليم فقط للحصول ع شهادة .
و الرقي الفكري ممكن يكون عند غير المتعلم .
العلم يجب ان يفيد في اعطاء نظرة جديدة للأشياء و توسيع المدارك و القدرة على تحليل الأمور و فهمها و لأنني مقتنع بهالضرورة بقول انو نظريتك خاطئة لكن مو بنسبة 100 %
يعني التعليم يعطي فرصة أكبر للتثقف و بالتالي الرقي الفكري .
وهاي هي الوظيفة الحقيقية للتعلم

bacteria

26/05/2009, 12:05

من وجهة نظري هناك ترابط جدلي وتكاملي بين التعلم والثقافة فالتعلم مفتاح للدخول الى الفضاء الثقافي الواسع وهو وسيلة لا بدمنها والشهادة العليا تعزز من دور المثقف وتعطيه قوة
والترابط يزداد اذا ما تم الاهتمام بالجانب الاجتماعي من قبل المتعلم اما اذا تم الاكتفاء بالجانب الاكاديمي فقط ففي هذه الحالة لا يكون بينهما ادنى رباط
:pos:

i m sam

27/05/2009, 12:40

خلونا نحكي بامكانية صحة هلحكي :

انسان يحمل شهادة ( مؤهل أكاديمياً ) = انسان راقي فكريا

المعادلة صحيحة لحد ما لكن الشذوذ فيها صاير كبير كتير لدرجة رح يحولها لمعادلة خاطئة تقريبا.
فالرقي الفكري ليس بحاجة لشهادة أو مؤهل أكاديمي , بحاجة لعقل متفتح واطلاع على أمور اجتماعية وثقافية .
اذا بتسمحلي عدّل على المعادلة :
انسان يحمل شهادة يجب أن يؤدي الى انسان راقي فكريا... إنما
الانسان الراقي فكريا لا يشترط به حمل شهادة

عالهامش: أبو طوني حط مدة محددة لكل معادلة" تلاتة او اربع أيام مثلا " يعني مشان تاخد حقها بالنقاش
وهي لعيونك :D

Abu ToNi

27/05/2009, 17:37

انسان يحمل شهادة ( مؤهل أكاديمياً ) = انسان راقي فكريا

بصراحة انا بشوف صحة بهلحكي
وإلا فليش يعتبر المثقفين "نخبة" للمجتمع ؟

عالهامش: أبو طوني حط مدة محددة لكل معادلة" تلاتة او اربع أيام مثلا " يعني مشان تاخد حقها بالنقاش
وهي لعيونك :D
صار :D

i m sam

27/05/2009, 18:12

انسان يحمل شهادة ( مؤهل أكاديمياً ) = انسان راقي فكريا

بصراحة انا بشوف صحة بهلحكي
وإلا فليش يعتبر المثقفين "نخبة" للمجتمع ؟

انت عم تقول مثقفين يا أبو طوني مو أصحاب شهادات الثقافة الها اليد الطولى في صناعة فكر راقي وليس الشهادة.

Abu ToNi

27/05/2009, 18:31

انت عم تقول مثقفين يا أبو طوني مو أصحاب شهادات الثقافة الها اليد الطولى في صناعة فكر راقي وليس الشهادة.
معناها ليش منعول على حملة الشهادات وليش منعتب علين وقت بيغلطوا ؟
كام مرة سمعنا جملة ( عيب ترمي اوساخك بالطريق .. عيب علشهادة اللي حاملها )

i m sam

27/05/2009, 19:23

معناها ليش منعول على حملة الشهادات وليش منعتب علين وقت بيغلطوا ؟
كام مرة سمعنا جملة ( عيب ترمي اوساخك بالطريق .. عيب علشهادة اللي حاملها )
تماما لأنو متل ما قلتلك
انسان يحمل شهادة يجب أن يؤدي الى انسان راقي فكريا... إنما
الانسان الراقي فكريا لا يشترط به حمل شهادة
أنا أول الناس بدي من حامل الشهادة انو يكون مثقف ومتنور وراقي
بس للأسف بجوز مناهجنا هي السبب أو يمكن نحنا الخطأ فينا انو ما عم نقرأ برا المناهج..

أإأبو العبد

27/05/2009, 19:25

بس للأسف بجوز مناهجنا هي السبب
حطيت ايدك عالوجع
والشرح بيطول

Sun Shine Art

27/05/2009, 19:40

فوتكا + مكسرا = سهرة تركس:larg:

معك انا ...:larg:

a7la lolo

27/05/2009, 21:43

واحد معو واسطة - علامات عالية +بدو يفوت عالجامعة > واحد معو علامات عالية - واسطة + بدو يفوت عالجامعة = واقعنا ..
...هي معادلة حل المتباينة من الدرجة الأولى...
:D

Huzun

22/06/2009, 04:51

انسان يحمل شهادة ( مؤهل أكاديمياً ) = انسان راقي فكريا

هالمعادلة خاطئة:(
اتطلع باللي حواليك .. هاللي تخرجو من جديد مثلا .. فيك تقول عن كل واحد فيهم والله هاد
انسان راقي فكريا؟؟ لو عن جد صحيحة هالمعادلة كنت لقيت كل حاملي الشهادة (يعني أغلبية شباب الوطن العربي) راقيين فكريا.

هلق بربك .. شباب الوطن العربي كلو حالياً راقي فكريا؟؟؟؟؟:(
وحتى ولو إلهم زمان آخدين الشهادة .. مابتقدر تقول عنهم هالشي أبدا ..
حالنا حاليا محلحل حالو كبار وزغار.:(

بالنسبة إلي الراقي فكريا هو الملم بجميع أنواع المعرفة من طب وعلوم طبيعية وإجتماعية موسيقية شعرية هندسية صحية دينية لغوية .. كل شي ,, وفي ناس وصلو لهالمستوى الراقي لأن العقل البشري معجزة بحد ذاتها

أما المؤهلين أكاديميا بعتبرهم متعلمين .. مو مثقفين (بسبب نظام التعليم الفايت بالحيط) للأسف:(

لذلك نستنتج إنو انسان يحمل شهادة ( مؤهل أكاديمياً ) = متعلم
انسان ملم بجميع أنواع المعرفة = انسان راقي فكريا
:(

كتير حلو هالبوست :D

Syrian_love

22/06/2009, 05:31

ولاد free + بنات free = خربان بيت