سوريون ينظمون حملة لمقاطعة الخليوي احتجاجاً على الأسعار [الأرشيـــــف]

Abu ToNi

25/05/2009, 02:43

23/05/2009

دمشق – سيريا ستيبس :
قامت مجموعة من الشبان السوريين بتنظيم حملة على الأنترنت لمقاطعة الاتصالات الخليوية ليوم واحد احتجاجاً على الأجور العالية التي تتقاضاها شركتا الخليوي في سورية (M t N & SYRIATeL) ومعهما مؤسسة الاتصالات .

حيث قام هؤلاء الشبان ببثّ مئات آلاف الإيميلات على شبكة الأنترنت التي تحض على مقاطعة الموبايل ، وتحت عنوان / قاطعوا الموبايل في واحد حزيران 2009 / تضمنت رسالتهم دعوة لطيفة وموجعة بآن معاً جاء فيها : ساهموا معنا في الحملة الوطنية للضغط على شركات الاتصالات لتخفيض الفواتير أسوةً بالبلدان المجاورة . وقالوا : ساهم معنا لكي نقول كلمتنا ساهم معنا وكن فعّالاً ، ولكن القرار قرارك إذا اقتنعت بأهمية الفكرة ،
ساهم معنا وانشر الخبر ليصل إلى أكبر عدد ممكن

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

MadMax

25/05/2009, 02:50

أنا متضامن :larg:

ابو ريتا

25/05/2009, 02:55

مي تووو , بأول حزيران ولا مكالمة من والى سوريا :larg:

Abu ToNi

25/05/2009, 03:06

انا كتير عجبتني هلخطوة المميزة للشباب السوري
يا ريت تكون تجربة ناجحة بطريق الاحتجاج السلمي على امل انها تعطي نتائج فعالة على ارض الواقع

المشاركة بالموضوع ما بتطلب اشيا كتيرة بس من الممكن يكون في الها تاثير
علأقل نحن منعمل اللي علينا

وانا اؤيد وبشدة وبعتبر نفسي من المعنيين بالموضوع
وبدي اقفل موبايلي من اول لحظة بفوت فيها أول الشهر ليخلص هليوم

..Jimy

25/05/2009, 04:02

حصل..بنطفيه للموبايل حتى:larg:..

LiOnHeArT.3LA2

25/05/2009, 05:27

مممممممم .. حبيت الفكرة كتير ..

مع .. ورح انشر ايميلات كمان .. مع اني بكره هالحركة .. بس رح اعملا ..

باشق مجروح

25/05/2009, 12:12

اي اي . مع اني مو بسوريا بس حركة رائعة و اقل شي منقدمو المساهمة بنشرها :gem:

jovia

25/05/2009, 13:09

انا اجاني هيك ميل لح قاطع هيك شي بس لح مشي حالي تعليم مس كول يعني :p

abo aljoud

25/05/2009, 13:56

بصراحة خطوة كتير منيحة لأول مرة بتصير وانشالله تطور وتصير احتجاجات تانية يعني اذا نجحت هالخطوة منكون طلعنا أول ستب .

abo aljoud

25/05/2009, 14:03

Nay

25/05/2009, 20:22

بتصدقو اذا قلتلكون انو انا بعمري ما حملت موبايل..
انا بالاصل مو عاجبتني الفكرة فكرة الموبايل بقصد .. بكل الاماكن اللي بروح عليها في تلفون وماني حاسة في داعي لوجود الموبايل بحياتي..

jovia

25/05/2009, 20:40

بتصدقو اذا قلتلكون انو انا بعمري ما حملت موبايل..
انا بالاصل مو عاجبتني الفكرة فكرة الموبايل بقصد .. بكل الاماكن اللي بروح عليها في تلفون وماني حاسة في داعي لوجود الموبايل بحياتي..
والله خير ما عملتي انا مصروف موبايل بالشهر لا يقل عن 200 درهم اماراتي ازا ما زادو :sick:

inodessa

25/05/2009, 20:50

بتصدقو اذا قلتلكون انو انا بعمري ما حملت موبايل..
انا بالاصل مو عاجبتني الفكرة فكرة الموبايل بقصد .. بكل الاماكن اللي بروح عليها في تلفون وماني حاسة في داعي لوجود الموبايل بحياتي..
عندي رفيق متلك.. ديقلي خلاقي:pos:

The morning

25/05/2009, 21:08

رائـع .. الفكره رائـعه و الأحلى انها منـظمه و سلـميه و حتى الاشـخاص اللي تخـشى المشاركه بشكل علني بتـقدر تقوم فيها ..
شـخصيّا ً كوني مش بسوريا فكل شي رح بقدر اعمله اني قـاطع الاتصالات مع سوريـا بتاريخ 1 حـزيران و اني ساهم بنـشر الخبر لأكتر عدد من الناس ..
و برأي حتى لو ما حصلت هالحمله على نتائج و لـكن مجرّد كونه صـار في خـطوه مبدئـيه و تـعبير عن احتـجاج فـهوّ خـطوه جيـده بغض النظر عن نتائجها .. (( مع كامل رغبتي بانـّو تحصد نتـائج لانو بتكون اكبر مع نتائج طبعا ))

:akh:

..Jimy

25/05/2009, 21:11

بتصدقو اذا قلتلكون انو انا بعمري ما حملت موبايل..
انا بالاصل مو عاجبتني الفكرة فكرة الموبايل بقصد .. بكل الاماكن اللي بروح عليها في تلفون وماني حاسة في داعي لوجود الموبايل بحياتي..

اي ليكي ناي في كتير مغرتبين كامن بينصدمو بوضع الموبايلات عنا..يعني مرة اجو جماعة من السويد واستغربو الموضوع جدا انو الكبير والصغير حامل موبايل :?..وحكو متلك تماما:D بس انا بحسه مفيد واحيانا ضروري:D..

ayhamm26

25/05/2009, 23:21

والله ببلد متل سوريا , اي نوع من الاحتجاج في ممنوع , شايف انها خطوة ممتازة

بس ان شاء الله ما يدقوا بالشباب المنظمين لهيك حملة بتهمة وهن نفسية الامة :lol:

mhsen77

25/05/2009, 23:44

سجلولي معكن يا اوادم

شامي للنخاع

26/05/2009, 00:00

هلق مع اني مو بي سوريا.....بس بي واحد حزيران.......مارح اتصل عا سوريا ابدا..........
وبادرة حلوة.......ورح خبر كل الي بعرفون عن المقاطعة

VivaSyria

26/05/2009, 01:42

حطوة جريئة بس عن جد الله يستر لأنو أمن سيريتل جزء من الأمن القومي...

أنا مع وبشدة " بكسر الشين" :larg:

هشام ابو شرار

26/05/2009, 01:43

بريه عالشباب عمرو هالمخسوف لارن ولازن عم بيبيعو الهوى للجماهير بسعر البرسيم

باشق مجروح

26/05/2009, 01:47

للمشاركة بمجموعة الفيس بوك لسهولة نشر وتوصيل فكرة المقاطعة ليوم واحد
زوروا المجموعة وادعو اصدقائكون :
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -////////////////group.php?gid=91240980517&ref=nf
:gem:

maged-syrian

26/05/2009, 03:46

ياسلام على فكرة المقاطعة اللي كان لازم تتطبق من الأول لردع هالشركات عن التمادي باحتكار خدمات الاتصالات ورفع اسعارها ... انشالله تجيب نتيجة مع التكرار

رجل من ورق

26/05/2009, 09:04

مع انو عندي ثقة انو ام تي ان وسيرتيل ما حتنزل ليرة بس معكون للعظم

أم الجود

26/05/2009, 09:11

مع انو عندي ثقة انو ام تي ان وسيرتيل ما حتنزل ليرة بس معكون للعظم

اي خلونا نتأمل ما يغلوا الأسعار جكارة بالمعتصمين :jakoush:

رجل من ورق

26/05/2009, 09:21

:lol:اي خلونا نتأمل ما يغلوا الأسعار جكارة بالمعتصمين :jakoush:
قولتك

whiterose

26/05/2009, 12:57

برأيي فكرة حلوة ولو الناس بتفكر منيح كتير
كنا عملنا هالشي مرة كل شهر او مرتين بالشهر
نطفي كل الاجهزة

هالشي بيكلف شركات الاتصالات خسائر كبيرة كتير

يعني لهلىء أنا ومن 7 سنين كل ما اتذكر الاشتراك الشهري 400 ليرة بنجلط

jovia

26/05/2009, 13:12

يخرب بيتون اصحاب شركة اريبا ويا هلا صرعو الدنية لما نزلو سعر الدقيقة داخل سوريا ب 8 وحدات قال يعني عرض مغري :?
يمكن وفت معون اكتر منا نحنا المعترين:sick: .... احيانا بشوف دعايات موبينيل وبشوف اديش عم تسهل للمواطن لحتى يتصل ويحكي ونحنا كلمالنا عم ننسرق وينمص دمنا لعمى ما عادو شبعو :sly:

Genifer

26/05/2009, 13:17

jovia

26/05/2009, 14:04

قصة المقاطعة صارت مرة سنة 2004 يمكن كانت اول مرة ووقت يلي صارت كنت موظفة بشركة من شركات الخليوي.. احم احم:gem:

بس بظن هيك شي مابيعطي جدوى لأنه كلها شغلة يوم ..يعني ع القليلة المقاطعة بدها تكون شي اسبوع

و هيك قرار بده يصدر من المؤسسة العامة للاتصالات لأنه بايدها هالقصص

طيب اقتراح انه يعملولنا شهر free بدون 400 او شهرين بالسنة ...
عزيزتي جينيفر اللي كامشين رؤوس الاموال بسوريا ما بيرتاح بالون ولا بيفش خلقون الا ازا سرقو من الشعب راتبو كلو هاد ازا ما خلوه مديون بئى شلون بدون ينزلو ضريبة ال400 ليرة ازا الوحدتين يلي نزلوهن بسعر الدقيقة لسا لهلا عم يحكو فيها :jakoush:

butterfly

26/05/2009, 14:21

حبيت الفكرة ..
:) مع ..

i m sam

26/05/2009, 14:59

معكم...
وهي ادرجناها بالتوقيع.... امعانا بالمقاطعة

بنفسجة

26/05/2009, 16:47

عم قول ليش نازلين تفعيل خدمات مجانية على خطي
خافو اتضامن معكون
بس بكل الاحوال انا متضامنة

sweetbaby

26/05/2009, 19:11

مع للعضم...
و ولاتلفون لسوريا بـ واحد الشهر امرنا لـ الله منستحمل هالنهار

Elephant And Castle

26/05/2009, 19:24

يعني عا اساس كل ساعة بيجيني تلات تليفونات من سوريا ...

مايسترو

26/05/2009, 19:49

مع للعضم..

saman

26/05/2009, 20:22

قاطع قاطع قاطع قاطع ....:gem:
1 جزيران / جون .... يوم مقاطعة الموبايل ... :pos:
قاطع قاطع قاطع قاطع :gem:
شركتي سرئة تيل .. و ام تي ان :frown:
قاطع قاطع قاطع قاطع :gem:

معكم معكم معكم :larg:

Sun Shine Art

26/05/2009, 21:11

وانا معترضه كمان ..مدري معارضه ..:pos:

رجل من ورق

27/05/2009, 11:13

على شو معترضة؟

ابو نجبو

27/05/2009, 12:35

اي وانا.......:pos:

i m sam

27/05/2009, 12:54

من شوي قريت الخبر كمان على موقع شوكو ماكو " موقع اخباري سوري "
يعني بديت الحملة تاخد صدى جيد ومنيح
تابعوا ... تابعوا
وكمان متضامنين على قولهم
"هيئة تحرير شوكوماكو، تضم صوتها الى أصوات هؤلاء الشباب، دون أن تقول لهم : آلو"

Genifer

27/05/2009, 15:01

عزيزتي جينيفر اللي كامشين رؤوس الاموال بسوريا ما بيرتاح بالون ولا بيفش خلقون الا ازا سرقو من الشعب راتبو كلو هاد ازا ما خلوه مديون بئى شلون بدون ينزلو ضريبة ال400 ليرة ازا الوحدتين يلي نزلوهن بسعر الدقيقة لسا لهلا عم يحكو فيها :jakoush:
Dear Jovia
وانا معك بهالشي لأنه لو بتشوفي العروض باوروبا .... بيعطوا الزبون اول مايشتري الخط جهاز جديد خاص بشركته وكل سنتين بيعطوه كمان جهاز جديد متل تشجيع لأنه زبون الشركة..
طبعاً هي ماعدا العروض التانية .. وخدمة push to talk شغالة عندهن .. ماعدا المكالمات free ببعض الاوقات
يعني كمان عم ينزلوا الاسعار بس لازم اكتر من هيك
بس نحن بتقديري اذا بده يصير هيك شي بيصير وقت بتدخل شركة ثالثة ع الخط..
حالياً مافي منافسات لهيك ماعم يخفضوا كتير
ومتل ماخبرتك المؤسسة العامة للاتصالات لازم توافق حتى يصير التخفيض ..لهيك عم تلاحظي انه التخفيض بيصير للشركتين

THE_unforgiven

27/05/2009, 17:15

مع الشباب السوري ... للعضم ... ونخاع العضم ..

jovia

27/05/2009, 17:44

جنيفير الغالية :
انا سمعت سمعة بسوريا انو كانت شركة موبينيل بدها تنزل نزلتها على سوريا بس شركة اريبا وسيرياتيل ((يلي تابعين لنفس العيلة وهي عائلة مخلوف الحرمية انتي اكبر ئدر ))فلما شافوها حتنزل عسوريا اشترو اسهمها كرمال ما تضارب عليهون بسوريا ....
بس شو بدنا نقول للظالم يوم واكيد هالمصاري للي عم ياخدوها بالحرام ماحتنزل معون بالقبر
ازهاري الك :D

i m sam

27/05/2009, 17:56

الاتصالات توافق على تخفيض أسعار اتصالات الخلوي في عرض لثلاثة شهور فقط
وافقت مؤسسة الاتصالات على تطبيق التخفيض التنازلي لسعر الدقيقة للاتصال الخليوي بحيث تصبح 6 وحدات للخطوط مسبقة الدفع بعد الدقيقة الثانية، و3 ليرات للخطوط لاحقة الدفع،كما وافقت على تخفيض دائم على سعر الرسائل القصيرة بنسبة 50%، بالإضافة إلى إطلاق عدة خدمات جديدة.

عن موقع سيريا نيوز
هي لسا ما بدينا مقاطعة لسا:lol:
شلون لما نقاطع ...

i m sam

27/05/2009, 18:04

لعمى ما انتبهت انو الخبر بيقول عرض لمدة 3 أشهر بس:shock:

مايسترو

27/05/2009, 18:06

انو بفكرون يعني مالح نقاطع يعني اذا عملوا هيك؟:jakoush:

لح نقاطع بواحد حزيران احد ما تنزل واكتر من هيك وبشكل دائم:larg:

Abu ToNi

27/05/2009, 18:12

بس يا ترى يوم واحد رح يعطي نتيجة ؟
ليش ما يكون اسبوع او اكتر ؟

jovia

27/05/2009, 18:16

بس يا ترى يوم واحد رح يعطي نتيجة ؟
ليش ما يكون اسبوع او اكتر ؟
ياريت يطبقوها لمدة 24 ساعة وازا طبقوها بيكون يكتر خيرون :p

i m sam

27/05/2009, 18:20

انو بفكرون يعني مالح نقاطع يعني اذا عملوا هيك؟:jakoush:

لح نقاطع بواحد حزيران احد ما تنزل واكتر من هيك وبشكل دائم:larg:
طبعا طبعا لا تراجع ولا استسلام
Abu ToNi
بس يا ترى يوم واحد رح يعطي نتيجة ؟
ليش ما يكون اسبوع او اكتر ؟
كمان في ناس كل شغلها وأمورها على الموبايل
يعني يوم واحد اذا قدروا يوقفوا منيح على الأقل بتصل رسالة حاليا وبعدين بيزيد الموضوع

nabil4u

27/05/2009, 18:22

ومع ان هذه الحملة في الغالب افتراضية في العالم الافتراضي الانترنت، الا انها خطوة ظريفة ممن قام بها، وهي دليل على انه مازال هناك من يفكر بالبلد ويلي عم يصير فيها.
فلا بد لظلمة الليل، وظلمة رامي مخلوف ان تنتهي يوماما.