سيد الخطباء...


نؤجل مواعيدنا... نترك أعمالنا... نلغي إلتزاماتنا... عندما نسمع أن السيد حسن نصرالله أمين عام حزب الله سيلقي كلمة أو سيعلن موقف ما... هذه كانت حال الشارع العربي وبالأخص حال المواطن في دول منطقتنا منذ أواخر التسعينات وحتى حرب 2006 التي سطر فيها حزب الله أخر "أمجاده" الحقيقية... كنا ننتظر هذه الخطابات التي يفصل بينها بالحد الأدنى أسابيعاً أحياناً وشهوراً أحياناً أخرى...

ثم عدنا لنتابع خطابات السيد ومواقفه بعد الـ 2006 لنعرف خطوات ومواقف حزب الله على الصعيد الداخلي على إعتبار أن الحزب تفرغ بعد العدوان الإسرائيلي الأخير على لبنان للشأن الداخلي بداية باعتصامات ومظاهرات ونهاية بالمواجهة العسكرية المباشرة بين الأخوة في أيار الـ 2008...


سيد المفاجآت...


فاجأتنا ياسيد بصمود مقاتليك الشرفاء في الـ 2000 عندما قاوموا الإحتلال وأجبروه على الإنسحاب من أرض الجنوب وفاجأتنا بالـ 2006 عندما صمد حزبك بوجه الضربات الإسرائيلية الإرهابية وكبدوه خسائر مباشرة...
وفاجأتنا يومياً أثناء هذا العدوان عندما كنت تهدد إسرائيل بضرب تل أبيب وكنت تضرب الزوارق الإسرائيلية في عمق البحر... وكانت مفاجآتك مفرحة ملئتنا عزة وفخاراً...


أما مفاجآتك الجديدة فقد فاقت كل توقعانتا وقد كانت نوعيةً بشكل لم نكن أبداً نتمناه أو نتصوره من سيدٍ لقبناه بسيد المقاومة... فاجئتنا ياسيد عندما نزل مقاتلو حزب الله إلى شوارع بيروت بعتادهم الكامل لكن هذه المرة لمقاومة "المشاريع الصهيونية الداخلية"... فرفعوا السلاح بوجه إخوانهم اللبنانيين وفرضوا سيطرتهم العسكرية على شوارع بيروت وقتل من قتل وجرح من جرح...


كانت مفاجأتنا حينها أن حزباً بحجم حزب الله في ضمائرنا لم نكن لنتصور أن ينقل البندقية من كتف إلى كتف ويوجه سلاحه للداخل... مهما بلغ عدائنا لمواقف الطرف الأخر "فريق 14 أذار" لم نكن نتصور أن حزب الله سيواجهه بهذا السلاح "المقدس" الذي ظنناه فقط موجهاً لمحاربة العدو الصهيوني...


سيد الأمجاد !!!


قمة مفاجآتك ياسيد كانت أن تعلن يوم قتل اللبناني لأخيه اللبناني في السابع من أيار يوماً مجيداً... مفاجأة كان لها وقع الصدمة علينا.. صدمة بحجم أحداث 7أيار بحد ذاتها...

7أيار 2008 يوم مجيد ياسيد؟؟


لا ياسيد لا فقتل الأخ لأخيه ومهما بلغ خطأ الأخ الأخر لايمكن أن يكون يوماً مجيداً...

لا ياسيد لا يوم نزول المسلحين من الطرفين لترويع الأهالي والمدنيين لايمكن أن يكون مجيداً...

لا ياسيد لا يومٌ حرقت به بيروت بأيدي أبنائها لايحمل من المجد شيئاً... ولن يكون بمجد أيار الـ 2000 أيار التحرير... أو بمجد حزيران الـ 2006 حزيران المقاومة والصمود...

لا ياسيد لا يومٌ يصبح به الرصاص وسيلة الحوار بين الأخوة لن يكون يوماً مجيداً... هو يومٌ ياسيد ظنناه يوم للذكرى لن يتكرر... يومٌ ذهبتم بعده إلى الدوحة وإتفقتم على تخطيه وتجاوزه بكل أحزانه...


سيد الفضائيات !!!


آخر مفاجآتك ياسيد هي ظهورك على الشاشات أكثر من مذيعي الأخبار ونجوم ستار أكاديمي... ستة خطابات في أسبوع !!! رقم غريب على رجل بحكمتك ورزانتك المعتادة... ظهورٌ تعودناه من بعض أقزام 14 أذار لكن لم نعتاده منك...

تارةً تعلن لنا عن أمجاد هزلية سطرت بدم الأبرياء... وتارةً لتعود فتعلن عن وجوب التهدئة في لبنان... وتارةً لتعلن لنا عن إستنفار حزبك بوجه المناورات الصهيونية القادمة...


وتارةً لتعلن أن التصويت في الإنتخابات لحزبك ولميشيل عون ولنبيه بري هو تكليف شرعي وواجب ديني ...


وتارةً لتشكك في القضاء والأجهزة الأمنية اللبنانية... وتارةً لتعود وتعلن ثقتك وشكرك لهذه الأجهزة...


وتارةً لتخون وتكفر كل من خالفك الرأي حتى ولو كان بائع متجول في شوارع بورتوريكو... تخون وكأنك الوكيل الوحيد للوطنية... وتكفر من تريد وكأنك الحصري للإسلام على الأرض...


وتارة لتعود وتعلن عن لاشيئ نعم تعلن عن لاشيئ سوى عن ظهورك على التلفاز حتى ظننت أنك ستحتسي الشاي على الهواء لعدم وجود شيئ تتكلم عنه...


من يريد أن يحرقك يا سيد؟؟ وما الهدف والمصلحة من إحراقك لنفسك وهيبتك؟؟ هل هناك شيئاً لانعرفه من حسابات إقليمية أو دولية يراد بها أن يحجم السيد جسن نصرالله... ليعاد تشكيل حزب الله ومن وراءه المقاومة كل المقاومة في المنطقة؟؟


ما الهدف أن تصبح خطاباتك اليومية وأحياناً الساعية فارغة من كل مضمون... هذه الخطابات التي كنا نحفظها عن ظهر قلب ياسيد لم نعد اليوم نستطيع أن نلاحقها لكثرتها...


رفقاً بنا وبجماهيرٍِ أحبت هذا الحزب وتأملت بك ما تأملت عد إلى ماكنت عليه وأعد حزبك إلى ماكان عليه أن كنت تستطيع أو إن كان الوقت لم يفت...

سيداً للمقاومة الشريفة...

سيداً مترفعاً عن ألعاب السياسة الرخيصة...

سيداً لحزب هدفه الوحيد هو مقاومة إسرائيل المجرمة عدونا الوحيد في هذه المنطقة...


سيداً بكل معنى الكلمة.




ودمتم.

من يريد أن يحرقك يا سيد؟؟ وما الهدف والمصلحة من إحراقك لنفسك وهيبتك؟؟ هل هناك شيئاً لانعرفه من حسابات إقليمية أو دولية يراد بها أن يحجم السيد جسن نصرالله... ليعاد تشكيل حزب الله ومن وراءه المقاومة كل المقاومة في المنطقة؟؟


.

ما هي هي مشكلتو ل حسن نصر الله , انو قرارو مو بايدو وهو جزء من حسابات دولة عم تحاول تبني نفوذ اقليمي مهما كلف الثمن. و بهالاطار الايرانيين مستعدين يضحوا في وبغيرو ضمن بازار المصالح بينن وبين الامريكيين

يعني ما بيقدر الواحد الا يقول خسارتو

ما هي هي مشكلتو ل حسن نصر الله , انو قرارو مو بايدو وهو جزء من حسابات دولة عم تحاول تبني نفوذ اقليمي مهما كلف الثمن. و بهالاطار الايرانيين مستعدين يضحوا في وبغيرو ضمن بازار المصالح بينن وبين الامريكيين

يعني ما بيقدر الواحد الا يقول خسارتو


كان ودي اضع مشاركة في هذا الموضوع ولكن بعد ان شفت ردك اختصرت عليه الوقت......كفيت و وفيت.. وعلى راسي:D

بأعتقادي واهم من يظن أن أيران يمكن أن تبيع حزب الله . وكل هذه الخطابات ربما تأتي ردا عن معلومات سرية يعلمها الحزب . وتحتاج الى تلميحات من الأمين العام . وتاتي أيضا لشحد الهمة الأنتخابية لمناصريه قبل موعد الانتخابات بحكم نجوميته ومكانته

ولن يكون بمجد أيار الـ 2000 أيار التحرير... أو بمجد حزيران الـ 2006 حزيران المقاومة والصمود...

يلي بعرفو انو العدوان على لبنان بلش ب 12 تموز مو حزيران ال 2006

و مشان الخطابات بتوقع مشان التأثير على مجرى الانتخابات يلي بالتاكيد الها تاثير كبير على الحزب

بأعتقادي واهم من يظن أن أيران يمكن أن تبيع حزب الله
100% كلام مزبوط متل كمان سوريا ما رح تبيع حزب الله لانو هالحزب بالاول و الاخير نقطة قوة في صالح هالدولتين و مافي حدا عاقل بيفرط بنقاط القوة تبعيتو

يعني ما بيقدر الواحد الا يقول خسارتو

والله يا أيهم يبدو إنو يلي إسرائيل ماقدرت تعملو من أي مساس بنصرالله جسدياً أو معنوياً حدا تاني عملو... بس ليش ماعم افهم...
كنا ومازلنا خايفين من تصفيتو جسدياَ بس يبدو انو يتم تصفيته معنوياً برضا كل الأطراف... وأنا بعدني عم قول انو يلي عم يصير تمهيد لشي كبير...


بأعتقادي واهم من يظن أن أيران يمكن أن تبيع حزب الله . وكل هذه الخطابات ربما تأتي ردا عن معلومات سرية يعلمها الحزب . وتحتاج الى تلميحات من الأمين العام . وتاتي أيضا لشحد الهمة الأنتخابية لمناصريه قبل موعد الانتخابات بحكم نجوميته ومكانته



يا معلم جمهور المقاومة "حزب الله" مؤدلج بما فيه الكفاية بحيث انو مابيحتاج لهالكم الهائل من الخطابات الفارغة من المضمون والهدف جتى ينتخب مرشحي الحزب...
انو اتصور نواب الحزب وصلو لمرحلة يبررو كلام السيد نصرالله ويلاقولو حجج... علي عمار بيقلك اي ياعمي استفزوه.. يعني انت متصور انو واحد بحجم حسن نصرالله عم ينقال انو استفزوه فحكا هيك... حتى الحلفاء متل سليم الحص وعمر كرامي سحبو ايدون وقالو هذا الكلام غلط و7 أيار يوم أسود...

في شي غلط عم يصير ماهيك؟

لست بالسياسي المحنك كي أقول و أحاسب لكنني أعلم و أثق ثقة مطلقة برجاحة السيد حسن نصر الله
و يكفيه فخراً أنه قال لا عندما انحنت رقاب التابعين....
و يكفيه فخراً أنه حاول إعادة رفع الجبين....
فديتك بأبي و أمي ياا سيد المقاومين...
أخوتي ربما يخفى على الكثير انقسام الشارع اللبناني و التبعية الطائفية العمياء و يعلم الجميع كم من المرتزقة حاولو قطع يد المقاومة و كسر شوكتها لمصالحهم الخاصة .... و هنا يوجد سؤال ألا يستحق هؤلاء أن تكسر شوكتهم ....
كانو في القديم و حتى الآن يبترون عضواً عندما يفسد في الجسم ليحافظو على الجسد و هذا ليس غباء أو إجراماً بل رأس الحكمة ...

دعاك الشموخ فلبيت النداء....
و كنت معتصماً في زمن البغاء....
أعدت عزّاً من بعد غيبته
و أشعلت عرساً من بعد الفناء....
يكفيك فخراً أنك أنت
و يكفينا فخراً أننا نحمل شرف الولاء....
سر يا سيدي لا تأبه لجعجعة
تصمت الكلاب بعد أن يتعبها العواء....
صنعت مجداً لم يكن إرثاً
و أطلقت هاماتنا لأطراف السماء....
إذا رأيت الصمت يا هذا في أزقتها
فاستبشر الرعد من كبد السماء....
رجال ساروا للوغى قدماً
أيجازى السائرون بهذا الجفاء....
خطو المجد بأرواح مطهّرةٍ
و كتبوا النصر بأشرف الدماء....
أصنع المجد بأعيننا يا سيدي
و أبشر بنصر من ملك السماء....

لم أجد إلا هذه الكلمات لك يا سيدي و أتمنى أن تصلك ...

ما هي هي مشكلتو ل حسن نصر الله , انو قرارو مو بايدو وهو جزء من حسابات دولة عم تحاول تبني نفوذ اقليمي مهما كلف الثمن. و بهالاطار الايرانيين مستعدين يضحوا في وبغيرو ضمن بازار المصالح بينن وبين الامريكيين

يعني ما بيقدر الواحد الا يقول خسارتو

كان ودي اضع مشاركة في هذا الموضوع ولكن بعد ان شفت ردك اختصرت عليه الوقت......كفيت و وفيت.. وعلى راسي:D


بعتقد ان اله البروبوغاندا السعودية المصرية والي مولة بتطبيل اميركي اسرائيلي والي عم تستعمل الفكر الطائفي المريض عم تتفشا بفكر شبابنا
فجاة حولتو حزب الله من هالحزب الي عم يقاتل ضد الصهيوني وادواتوا العميلة للغرب لحزب عميل لايران
شو هالحكي ياجماعة
وين راح شهدا هالحزب ونستو فجاة مين الي وقف بوش اسرائيل لحالو
من ايمتاه صارت ايران هيه بعبع المنطقة ؟
ولو كان الي بيملك قوه ايران اليوم هيه مصر او السعودية كان حدا حكي عنن بهالاسلوب العدائي؟
الحزب بيظل رمز للشرف ودخولو لبيروت كانت معركة بنتمناها تكون الاخيرة ضد شوية رعاع كانو بدن يضربو من الخلف
7 ايار كان يوم مجيد لان حماه المقاومة من سم فريق رما اوراقو كلها بايد الغرب وكفا بمشروع الكتائب بتحويل لبنان كورقة اسرائيلية للضغط اكثر واكثر علي دول الصمود
للي عندو كلمة خلي يوجهها للي عم يدافعو عن الصهيوني والي عم يبيعو القضية

اممي

يلي بعرفو انو العدوان على لبنان بلش ب 12 تموز مو حزيران ال 2006



:?

في حزيران الـ 2006 أعلن حزب الله وعلى لسان السيد أن سلاح المقاومة لن يوجه إلا إلى صدور الإسرائيلين مهما اشتد ظلم ذوي القربة... في حزيران 2006 وبعد وثيقة التفاهم مع التيار الوطني الحر أعلن الحزب في خطاب السيد الشهير أن التفاهمات ستشمل جميع اللبنانيين مهما اختلف الحزب معهم... والأهم في حزيران 2006 أعلن السيد أن انتصارات المقاومة لن يتم استغلالها داخلياً للحصول على مكاسب حكومية أو نيابية...


في حزيران 2006 وبعد اغتيال وليد عيدو أعلن نعيم قاسم أن الحزب جزء من لبنان ويؤلمه ما يؤلم أي لبناني... في حزيران 2006 أعلن نعيم قاسم أن مقاومي الحوب هم أبناء لبنان ولن بطلقو رصاصةً إلا بوجه إسرائيل... في حزيران 2006 أعلن نعيم قاسم أن الحزب غير معني بالدفاع عن مصالح إيران في المنطقة لأنها تمتلك المقدرة على الدفاع عن مصالحها...


والغرض كان النفريق بين "الحزيرانات" المجيدة والسوداء في تاريخ لبنان...


ويعني لعلمك أبداً مو مستحب انك تحاول تلقط ما افترضته أنه "غلطة" بموضوع صفحتين عم يناقش قضية بهالحجم باعتبار ماننا بقسم مسابقات أو سقيفة باعتبار هونيك أحلى بتجي لعبة "لقطتك" ... وشكراً على معلومة تاريح حرب تموز.

يعني متل ما قال الأخ viva كنا نحترم المقاومة وسيد المقاومة لأنو كنا معتقدين انو حزب لبناني عم يدافع عن اللبنانيين مع تقاطع مصالح مع سوريا وايران بس اللي صار ب 7 ايار خلانا نغير هالنظرة ونقول انو حزب ينفذ مصالح الآخرين ع أرض لبنان لأنو معظم اللي نقتلو بالشوارع ناس ابرياء وحريق مع تسكير تلفزيون المستقبل كان نقطة سوداء قاتمة بتاريخ هالحزب الايراني 100% .

بصراحة...,انا ماعدت سمعتللو خطابات للسيد ....
لانو اذا كترت الخطابات و الحكي ...قلّ الشغل و الفعل

بأعتقادي واهم من يظن أن أيران يمكن أن تبيع حزب الله . وكل هذه الخطابات ربما تأتي ردا عن معلومات سرية يعلمها الحزب . وتحتاج الى تلميحات من الأمين العام . وتاتي أيضا لشحد الهمة الأنتخابية لمناصريه قبل موعد الانتخابات بحكم نجوميته ومكانته

بالعكس ...
كتير واهم اللي بيفكر انو ايران" أو غيرها" ممكن تبقى داعمة لحزب الله ....
ماكانت ايران عمبتدعم الصدريين و السيستانيين بالعراق ...والاسلحة و التدريب و التمويل عمبيدفق من ايران لمناطقهن ....
ولما حست انو هال "الكروت" مابقى تنفع أو بمعنى أصح" احترقت" ....جرى تحجيمن و القضاء على ميليشاتن




100% كلام مزبوط متل كمان سوريا ما رح تبيع حزب الله لانو هالحزب بالاول و الاخير نقطة قوة في صالح هالدولتين و مافي حدا عاقل بيفرط بنقاط القوة تبعيتو
ياعيني عليك يامحسن .....
في صالح البلدين ....كلام جميل
بس لما بيتحول عالدعم لعبئ ...فببساطة ممكن ينسحب هالدعم و يصير هالحزب هو حزب ارهابي طائفي
اكتر من مرة سورية أغلقت مكاتب فصائل فلسطينية "وخاصة لما يصير شوية انفراج مع امريكا"
ماطردت سوريا "عبد الله اوجلان" كرمال عيون تركيا....!!!!
ما سحبت ايران دعمها للاكراد بالشمال العراقي كرمال تنازل العراق عن سيادتو عن اقليم عربستان "اتفاقية الجزائر" و تركت الاكراد يواجهو مصيرن الاسود على ايدين صدّام ..بعد ما الايرانيين هنن مين حرك الاضطرابات لاستخدامه كوسيلة ضغط على العراق....!!

أنا بعتقد انو كل اللاعبين بالمنطقة..... من حزب الله وجرّ.....
هنن بيادق بأيدي الدول المتحكمة و دورها تنفيذ سياسات هالدول خدمة لمصالحها....

وبحب اضيف شغلة عن دور الاعلام العربي و "السوري" بخصوص هالمسألة
كون الاعلام العربي خبير بتلميع الصور أو تشويهها على حد سواء
و كوننا شعب عاطفي و بينجرّ لاي موجة بتاخدو و بتجيبو ...فدور الاعلام كتير كبير بهالمسألة

متل ما حصل مع الرئيس عون...الزلمة بالامس كان عميل لفرنسا و الغرب...وهلاء صار عروبي نصير "المقاومة"
طبعاً اعلامياً...


والخوف انو يتحوّل نصر الله ل"عبد الناصر" تاني اللي أكل منو الشعب العربي "خازوق" مارح ينتسى لقرون

بعد ما ضخّم الاعلام "الناعق" بشخصية الزعيم.... حتى أنو بعض "المغررين"فيهون ظن انو الرجل مالو بشر ...وقادر على محو اسرائيل بساعات..."لما بسمع المسؤولين الايرانيين عمبيحكو عن محو اسرائيل من الخريطة ..رأساً بيجي على بالي خطابات عبد الناصر الرنّانة عن (المعركة المصيرية)...:lol: "

بظن لما قال حسن نصر الله أنو 7 أيار يوم مجيد كان ضكن سياق معين
ما قال لمجرا انو هوي تعاقتل مع لبنانيين
بعدين انا بظن لو ما صار هيدا الشي كانوا ب 14 أذار ماشين ليشيلو شبكة اتصال الحزب السلكية
بس أنو ما بخفيكون حسيتو معصب شوي انا للسيد حسن

يعني متل ما قال الأخ viva كنا نحترم المقاومة وسيد المقاومة لأنو كنا معتقدين انو حزب لبناني عم يدافع عن اللبنانيين مع تقاطع مصالح مع سوريا وايران بس اللي صار ب 7 ايار خلانا نغير هالنظرة ونقول انو حزب ينفذ مصالح الآخرين ع أرض لبنان لأنو معظم اللي نقتلو بالشوارع ناس ابرياء وحريق مع تسكير تلفزيون المستقبل كان نقطة سوداء قاتمة بتاريخ هالحزب الايراني 100% .
:?
ايراني و 100%
سيدي
المهم انو ما بعرف ليش عم تحكي ع 7 آيار وكأنو حزب الله اللي بلش فيها
مو حزب الله اللي بلش بهاليوم الأسود بببيروت اللي بلشو هني تيار المستقبل و قوات سمير جعجع
و اذا كنت متابع بتعرف هي الشي من اعترافات المتهمين
أنا ضد اللي صار
بس ما فينا نحمل حزب الله المسؤلية لحالوا

:?
ايراني و 100%
سيدي
المهم انو ما بعرف ليش عم تحكي ع 7 آيار وكأنو حزب الله اللي بلش فيها
مو حزب الله اللي بلش بهاليوم الأسود بببيروت اللي بلشو هني تيار المستقبل و قوات سمير جعجع
و اذا كنت متابع بتعرف هي الشي من اعترافات المتهمين
أنا ضد اللي صار
بس ما فينا نحمل حزب الله المسؤلية لحالوا
نعم ياعزيزي هوة حزب ايراني وبزيدك من الشعر بيت انو حزب طائفي وأسلحتو هاي اسلحة الفقيه وليس لها دعوة بلبنان . وبس يجيه أمر من ايران يسلم هالاسلحة رح ننسا شي كان اسمو مقاومة اسلامية بلبنان.
اما المسؤول عن 7 أيار فبكل تأكيد هوة الحزب لأنو ماكان إلو سلطة ببيروت وبعد ما خلص من بيروت طلع ع عالية وبعدين طرابلس ( عن طريق تابعين للحزب) .
أما كل ما صار شي بنقول المستقبل عميل لأميركا واسرائيل هادي سذاجة وصحيح برأي جعجع مجرم حرب بس ما خصو بحرب بيروت .....

نعم ياعزيزي هوة حزب ايراني وبزيدك من الشعر بيت انو حزب طائفي وأسلحتو هاي اسلحة الفقيه وليس لها دعوة بلبنان . وبس يجيه أمر من ايران يسلم هالاسلحة رح ننسا شي كان اسمو مقاومة اسلامية بلبنان.
اما المسؤول عن 7 أيار فبكل تأكيد هوة الحزب لأنو ماكان إلو سلطة ببيروت وبعد ما خلص من بيروت طلع ع عالية وبعدين طرابلس ( عن طريق تابعين للحزب) .
أما كل ما صار شي بنقول المستقبل عميل لأميركا واسرائيل هادي سذاجة وصحيح برأي جعجع مجرم حرب بس ما خصو بحرب بيروت .....
طيب بما انو حزب الله هوي حزب ايراني وعم ينفذ أوامر ايران بلبنان
بس بدي منك كم مثال هالشي انو كام اثبات يعني مشان مانكون عم نحكي لمجرد الحكي
بعدين حزب الله مانو مخبي علاقتوا بإيران بالعكس هوي قال انو بيفتخر فيها و بغض النظر عن موقفي من سياسة ايران او السياسة ببلدنا سوريا أنا بظن انو وبحسب المجتمع اللبناني المعقد ف لكل حزب علاقاتو اللي بتعبر عن مصلحتوا وهاد بالسياسة أبدا مانو غلط
بظن انو لازم ترجع تراجع احداث 6 ايار منيح وما بنصحك بموقع العربية مشان تراجع المعلومات منيج \بنصحك بشي مصدر مستقل
يعني كل الناس بتتذكر القناصة وين كانو وشو كانو عم يعملوا
كمان لا تنسى انو القصة صارت من ورا قرار لمجلس الوزراء قبل ما تصير بلبنان حكومة توافقية انو ينتزعوا سلاح الاشارة للحزب اللي هوي متمثل بشبكة الاتصالات السلكية واللي هي من اهم الاسلحة بظن بالحرب اللي مضيت و لهلاء
يعني انو القصة اوضح من انو قلك الحزب تعرض لمؤامرة أمريكية عن طريق هالحكومة وطبعا أمريكا دعمت هالشي بدفع من أسرائيل اللي هي بذتها اعترفت بقوة لبنان بحزب الله
انو انا ما بفهم هالحكومة اذا اسرائيل عم تقلون انو هاد مصدر قوتكون وانا برتاح لما بتلغوا بيقوموا هني بيشتغلوا ليلغو الحزب
انا برأي الشخصي هي قمة العمالة لأسرائيل ولو كانت بأي ستار
شو بدنا أكتر من هيك دليل واضح حتى 14 اذا بتتبجح فيه
:D

تحياتي
على الرغم من طلاتي القليلة نسبياً على الأخوية , إلا أنه قد تسنى لي أن أطالع بعضاً من أفكار viva ,و على الرغم أني لا أتفق معه بالرأي حول معظم القضايا التي يطرحها , و لكن كان لا بد لي أن أتقبل رأيه على أساس (الرأي الآخر ) .
و في الحقيقة لا أستطيع أن أخفي دهشتي الكبيرة من رأيه الذي بين أيدينا الآن و لأسباب أذكرها بعد أن أمر سريعاً على بعض النقاط التي ذكرها :
أما مفاجآتك الجديدة فقد فاقت كل توقعانتا وقد كانت نوعيةً بشكل لم نكن أبداً نتمناه أو نتصوره من سيدٍ لقبناه بسيد المقاومة... فاجئتنا ياسيد عندما نزل مقاتلو حزب الله إلى شوارع بيروت بعتادهم الكامل لكن هذه المرة لمقاومة "
المشاريع الصهيونية الداخلية"... فرفعوا السلاح بوجه إخوانهم اللبنانيين وفرضوا سيطرتهم العسكرية على شوارع بيروت وقتل من قتل وجرح من جرح...
كانت مفاجأتنا حينها أن حزباً بحجم حزب الله في ضمائرنا لم نكن لنتصور أن ينقل البندقية من كتف إلى كتف ويوجه سلاحه للداخل... مهما بلغ عدائنا لمواقف الطرف الأخر "فريق 14 أذار" لم نكن نتصور أن حزب الله سيواجهه بهذا السلاح "
المقدس" الذي ظنناه فقط موجهاً لمحاربة العدو الصهيوني...

صديقي
على ما يبدو أنت لم تستمع لكامل خطاب السيد ( إذا لم نقل أنك لا تتذكر سير الأحداث في 5 أيار ) : فعلى ما ورد في تقرير فينو غراد كان فشل استهداف شبكة الاتصالات الداخلية للحزب أثناء الحرب نقطة أساسية و جوهرية ضد أولمرت
في التقرير , و لكن الأوامر المباشرة التي وردت من ديك تشيني وقتها للحكومة اللبنانية أفضت إلى قرارات 5 أيار كي تستطيع أمريكا و اسرائيل أن تحقق ما لم تستطع تحقيقه بالحرب .
و النقطة الثانية : هل نسيت أن الحريري استجلب مرتزقة من عكار و طرابلس على وجه السرعة ,و ووزعهم في بيروت؟
النقطة الثالثة : البندقية لم تنقل لكتف جديد و لكن ظلت تستهدف ذات العدو الصهيوني و لكن بوجوه لبنانية للأسف ( بقصد أو بغير قصد ) و إلا كيف يفسر توقيت صدور قرارات الحكومة في تلك الليلة السوداء ؟

قمة مفاجآتك ياسيد كانت أن تعلن يوم قتل اللبناني لأخيه اللبناني في السابع من أيار يوماً مجيداً... مفاجأة كان لها وقع الصدمة علينا.. صدمة بحجم أحداث 7أيار بحد ذاتها...

المجد يا صديقي ليس في القتال و ما قصده هو اسقاط حراك لبناني شبيه ب 17 أيار و فرض غايات اسرائيلية بأيادي لبنانية .
خر مفاجآتك ياسيد هي ظهورك على الشاشات أكثر من مذيعي الأخبار ونجوم ستار أكاديمي... ستة خطابات في أسبوع !!! رقم غريب على رجل بحكمتك ورزانتك المعتادة... ظهورٌ تعودناه من بعض أقزام 14 أذار لكن لم نعتاده منك

أطل السيد قبل ذلك يومياً على التلفيزيون ( مناسبة دينية على ما أذكر - تحدث فيها سياسياً أيضاً ) , ما علينا : ألا تعتقد أنه في جو تنافسي انتخابي محموم يحق للسيد أن يطل اعلامياً على مناصريه؟ ألا توافق معي أن حملات من وصفتهم
مشكوراً بأقزام ال 14 وصلت الى درجة ‘ المسعورة ‘ ؟ ألم يلفت انتباهك تحول برنامج مارسيل غانم لبرنامج يومي ذو صبغة تحيزية ؟
تارةً تعلن لنا عن أمجاد هزلية سطرت بدم الأبرياء... وتارةً لتعود فتعلن عن وجوب التهدئة في لبنان... وتارةً لتعلن لنا عن إستنفار حزبك بوجه المناورات الصهيونية القادمة
سؤال : أكيد تتذكر معي (مهرجان! ) سعيدون الحريري يوم 7 أيار ,و كيف أنه فعلاً ضخم و كبر و بربر ثم يعود ليقول أننا لن ننسى , و الحق أني استغربت على السيد صبره على خطاب الحريري لمدة عام كامل يبث فيه الحريري سماً و حقناً
طائفياً يغلفه بالمسامحة !!!!!!!! من يجب أن يسامح المعتدي أم المعتدى عليه في 5 أيار السوداء ؟
لن أطيل اكثر و اسمح لي أخيراً أن أعبر عن خوفي من نفحة طائفية لم أعهدها في آرائك , فالخطاب المقتطع و تحوير الأقوال و التقويل شيء لم أعهده فيك , و بحسب حسن ظني فيك أعتقد أنك قد (نسخت ) المقال من مكان ما و( ألصقته) في
المنتدى الحر .
و دمتم

طيب بما انو حزب الله هوي حزب ايراني وعم ينفذ أوامر ايران بلبنان
بس بدي منك كم مثال هالشي انو كام اثبات يعني مشان مانكون عم نحكي لمجرد الحكي
انا برأي الشخصي هي قمة العمالة لأسرائيل ولو كانت بأي ستار
شو بدنا أكتر من هيك دليل واضح حتى 14 اذا بتتبجح فيه
بعدين حزب الله مانو مخبي علاقتوا بإيران بالعكس هوي قال انو بيفتخر فيها و بغض النظر عن موقفي من سياسة ايران او السياسة ببلدنا سوريا أنا بظن انو وبحسب المجتمع اللبناني المعقد ف لكل حزب علاقاتو اللي بتعبر عن مصلحتوا وهاد بالسياسة أبدا مانو غلط

بظن انو لازم ترجع تراجع احداث 6 ايار منيح وما بنصحك بموقع العربية مشان تراجع المعلومات منيج \بنصحك بشي مصدر مستقل

يعني كل الناس بتتذكر القناصة وين كانو وشو كانو عم يعملوا

كمان لا تنسى انو القصة صارت من ورا قرار لمجلس الوزراء قبل ما تصير بلبنان حكومة توافقية انو ينتزعوا سلاح الاشارة للحزب اللي هوي متمثل بشبكة الاتصالات السلكية واللي هي من اهم الاسلحة بظن بالحرب اللي مضيت و لهلاء
يعني انو القصة اوضح من انو قلك الحزب تعرض لمؤامرة أمريكية عن طريق هالحكومة وطبعا أمريكا دعمت هالشي بدفع من أسرائيل اللي هي بذتها اعترفت بقوة لبنان بحزب الله
انو انا ما بفهم هالحكومة اذا اسرائيل عم تقلون انو هاد مصدر قوتكون وانا برتاح لما بتلغوا بيقوموا هني بيشتغلوا ليلغو الحزب

:D
عزيزي الأمثلة كتيرة وواضحة وبقدر الامكان بحاولوا ما يخلوا مفضوحة يعني قبل حرب حزيران 2006 كا لمن يصير مشكلة بين ايران وأميركا الحزب يضربلوا كام صاروخ انو خيو نحنا هون وبعد ال2006 و تراجع حزب الله بعيدا عن الحدود خفت ها الحركات ، و لعلمك علاقة الحزب مع ايران عقائدية ودينية مانا تحالف عسكري متل ما البعض بظن أو بقولوا جماعة الحزب .
بظن انو لازم ترجع تراجع احداث 6 ايار منيح وما بنصحك بموقع العربية مشان تراجع المعلومات منيج \بنصحك بشي مصدر مستقل
هلاء بس الواحد يحكي شي بخالفك الرأي صار لازم يراجع معلوماتو ؟؟ ناقصنا ثقافة التحاور.
يعني كل الناس بتتذكر القناصة وين كانو وشو كانو عم يعملوا
القناصة كانوا عم يقنصوا الناس اللي عم تكزدر بالحمرا وعين المريسة و لا المسلحين المدججين اللي طحشوا عليون وحرقوا تلفزيون المستقبل؟؟؟؟
كمان لا تنسى انو القصة صارت من ورا قرار لمجلس الوزراء قبل ما تصير بلبنان حكومة توافقية انو ينتزعوا سلاح الاشارة للحزب اللي هوي متمثل بشبكة الاتصالات السلكية واللي هي من اهم الاسلحة بظن بالحرب اللي مضيت و لهلاء
يعني انو القصة اوضح من انو قلك الحزب تعرض لمؤامرة أمريكية عن طريق هالحكومة وطبعا أمريكا دعمت هالشي بدفع من أسرائيل اللي هي بذتها اعترفت بقوة لبنان بحزب الله
يعني هون وما تواخذني كأني عم بسمع نشرة أخبار المنار ، ليش سلاح الاشارة بكون بمطار بيروت وبيروت نفسا ولا لازم يكون بس ع الجبهة؟؟؟
بالنسبة للمؤامرة حاجتنا بكذب ع حالنا ما حزب الله هوة نواة المؤامرة ع لبنان والعرب .
واذا قوة لبنان بحزب الله معناتا خليه بعيد بالجنوب وما يتدخل بالسياسة وبدون مربعات امنية بالضاحية وغيرا . وخليه ما يدخل الانتخابات الجاية اذا كان جد حزب مقاوم ؟
وتحياتي .

اول شي انا ما قلت انو انت غلط وماني بحاجة حدا يعلمني ثقافة الحوار
بس كلامك بيدل انو انت عطول متأكد من كلشي بس مافي شي أكيد
وانا ما قلت انو حزب الله ما عمل شي يوم 7 حزيران
بعدين مشان الحرب ما بعرف شو قللك انو عم نتخبى ورا اصبعنا
ع حسب كلامك لهلاء لازم يكونوا الشبيبة ع حدود اسرائيل لانو ما هديت الأمور بين امريكا وايران الا بعد ما اجا اوباما
هي اولا
ومتل ما انت قلت حزب الله مرتبط دينيا بإيران وهاد طبيعي كون الشيعة مرتبطين بايران والسنة مرتبطين بالسعودية
وهاد شي طبيعي مع انو شي غلط طبعا
وبحب قلك مشان نشرة الاخبار انو تسمعها من المنار احسن ما تسمعها من اخبار المستقبل ع القليلة فيا شوية مصداقية مع انو ما بشوف الا اخبار الجديد
وبما انو حزب الله هوي المؤامرة وين صارت اسرائيل وأمريكا ؟؟؟!!!
هوي سؤال مو كتير مهم بس بيطرح حالوا
:lol:
مع الاشارة انو انا نوهت انو موقفي من ايران ومن سوريا مانو ايجابي
بس نحنا عم نحكي عن حزب الله

بعتقد ان اله البروبوغاندا السعودية المصرية والي مولة بتطبيل اميركي اسرائيلي والي عم تستعمل الفكر الطائفي المريض عم تتفشا بفكر شبابنا
فجاة حولتو حزب الله من هالحزب الي عم يقاتل ضد الصهيوني وادواتوا العميلة للغرب لحزب عميل لايران
شو هالحكي ياجماعة
وين راح شهدا هالحزب ونستو فجاة مين الي وقف بوش اسرائيل لحالو
من ايمتاه صارت ايران هيه بعبع المنطقة ؟
ولو كان الي بيملك قوه ايران اليوم هيه مصر او السعودية كان حدا حكي عنن بهالاسلوب العدائي؟
الحزب بيظل رمز للشرف ودخولو لبيروت كانت معركة بنتمناها تكون الاخيرة ضد شوية رعاع كانو بدن يضربو من الخلف
7 ايار كان يوم مجيد لان حماه المقاومة من سم فريق رما اوراقو كلها بايد الغرب وكفا بمشروع الكتائب بتحويل لبنان كورقة اسرائيلية للضغط اكثر واكثر علي دول الصمود
للي عندو كلمة خلي يوجهها للي عم يدافعو عن الصهيوني والي عم يبيعو القضية

اممي




وبعدين بسما هالقصة معكن , لك اللي بينتقد بشار الاسد عميل لامريكا و عم يقبض مدري من مين واللي بينتقد حسن نصر الله عميل للسعودية ومصر

لك عيب على شب على اساس مثقف وبهالزمن اللي وصلنالو لساتو حامل عبادة الشخصية وماشي فيها


البروباغندا اللي حكيت عنها بتنطبق اكتر الشي على اللي بيسمح لنفسو يكون ضحية لاساليب دعائية رخيصة عم تتكرر من السبعينات لهلق و شايف لهلق بلدو عم تنسرق و تتراجع بكل المجالات وهو مصر على تخوين اي واحد ينتقد الوضع


هي من جهة ومن جهة تانية انت ايمتى شفتني انا او حتى الاخ عبر المحيط عم ندافع عم النظامين السعودي او المصري؟؟

انا عم قول متل ما قال صاحب المقال, نحني منحترم حسن نصر الله و كل اللي عملوا ضد اسرائيل بس ما منعبدو .
يعني هو بشر بيغلط و اذا غلط بحق لاي انسان ينتقدو بطريقة مافيها اساءة لشخصو

وكونو انحكى انو هو تابع لايران فهالشي مو اتهام الو, هدا توصيف لواقع معروف , يعني واحد بقلك انو مرجعيتو الدينية هي ايران و سلاحو من ايران و مصاري من ايران شو بدو يكون تابع للصومال مثلا؟؟

وشو ايران عم تعطي كل هالشي تبرع؟ ولا صدقة؟؟

يعني بدي قول بالنهاية انو هو كان صورة ناصعة للمقاوم الشريف والخوف انو هالصورة تضيع بدهاليز السياسة و مصالح الدول وبس.

وبعدين بسما هالقصة معكن , لك اللي بينتقد بشار الاسد عميل لامريكا و عم يقبض مدري من مين واللي بينتقد حسن نصر الله عميل للسعودية ومصر

لك عيب على شب على اساس مثقف وبهالزمن اللي وصلنالو لساتو حامل عبادة الشخصية وماشي فيها


البروباغندا اللي حكيت عنها بتنطبق اكتر الشي على اللي بيسمح لنفسو يكون ضحية لاساليب دعائية رخيصة عم تتكرر من السبعينات لهلق و شايف لهلق بلدو عم تنسرق و تتراجع بكل المجالات وهو مصر على تخوين اي واحد ينتقد الوضع


هي من جهة ومن جهة تانية انت ايمتى شفتني انا او حتى الاخ عبر المحيط عم ندافع عم النظامين السعودي او المصري؟؟

انا عم قول متل ما قال صاحب المقال, نحني منحترم حسن نصر الله و كل اللي عملوا ضد اسرائيل بس ما منعبدو .
يعني هو بشر بيغلط و اذا غلط بحق لاي انسان ينتقدو بطريقة مافيها اساءة لشخصو

وكونو انحكى انو هو تابع لايران فهالشي مو اتهام الو, هدا توصيف لواقع معروف , يعني واحد بقلك انو مرجعيتو الدينية هي ايران و سلاحو من ايران و مصاري من ايران شو بدو يكون تابع للصومال مثلا؟؟

وشو ايران عم تعطي كل هالشي تبرع؟ ولا صدقة؟؟

يعني بدي قول بالنهاية انو هو كان صورة ناصعة للمقاوم الشريف والخوف انو هالصورة تضيع بدهاليز السياسة و مصالح الدول وبس.
طول بالك طول بالك
مين جاب سيرة بشار الاسد
ومين قال انو حدا بيعبد حسن نصرالله ولا بشار الاسد نحنا الله بطلنا نعبدو
القصة بدها راوواق
مو اكتر فنجان نسكافيه بلاك او تلاتة بواحد:pهاد المفضل عندي انا صخصيا
يا اخي ايهم
قصة السعودية وحزب الله مانها مخباية
يعني لقلك كلمة لو ما السعودية بدها تخلص من حزب الله كانت بتخلي شي مفتي من هدول الموظفين عن اللله السعودي يطلع ويفتي بعدم جواز التبرع او الجهاد او حتى المساندة القليبة للحزب
:? انو واضحة
بعدين انتو عم تفكروا اذا نحنا عم نحكي بصف الحزب كلمتين صرن منألهو ومنعبدو ومنعبد ايران والحكومة السورية
هاد حكي مانو منطقي القصة فيها تفاصيل ديتلز انت أكبر قدر
يعني اذا بتحب تعمل ستاتستيك او احصاء وتشوف مين من هالبشر العربية بتحب النظام السوري والايراني
بتلاقيهووون كتار و أكترية
وكمان فوقهون حبة بركة
بتعرف ليش انت بتسمع بشي مثل بيقلك الظروف مواتية مع الجلاد؟؟؟؟
يعني لناخد مثلا مواقف سوريا بشكل عام تجاه فلسطين وبدون ما نصير كلنا سياسيين ونحللها ونفصلها لانو اغلب الشعوب العربية لا بتفصل ولا بتحلل
المهم اذا اخدنا المواقف السورية منلاقيها داعمة لفلسطين الكاملة و لقضية القدس ول ول ول وهدو القضايا عنا ببلاد الميدل ايست مانهون قضايا من أجل الحق وبس هدول قضايا دينية وبما انو نحنا عايشبن بمجتمعات دينية والنظام عم يساند القضية الدينية بطريقة أو بأخرى بتلاقي ألو جماهير
يعني لو شي بلد فيها لنقول يهود وهاليهود مضهدين وارضون محتلة ما راح نتضامن معون راح نقول جزاتهون
ومتل ما قلت بالسابق انو حزب الله ما مخبي علاقتوا بايران ولا بسوريا وهاد بيكون الو مصدر قوة
بس دخيل عيونكون مو لأنو حكينا كلمة ع 14 أذار صرنا منعبد بلد ورئيس
مو واردة بتاتا
:D

اول شي انا ما قلت انو انت غلط وماني بحاجة حدا يعلمني ثقافة الحوار
بس كلامك بيدل انو انت عطول متأكد من كلشي بس مافي شي أكيد
وانا ما قلت انو حزب الله ما عمل شي يوم 7 حزيران
بعدين مشان الحرب ما بعرف شو قللك انو عم نتخبى ورا اصبعنا
ع حسب كلامك لهلاء لازم يكونوا الشبيبة ع حدود اسرائيل لانو ما هديت الأمور بين امريكا وايران الا بعد ما اجا اوباما
هي اولا
ومتل ما انت قلت حزب الله مرتبط دينيا بإيران وهاد طبيعي كون الشيعة مرتبطين بايران والسنة مرتبطين بالسعودية
وهاد شي طبيعي مع انو شي غلط طبعا
وبحب قلك مشان نشرة الاخبار انو تسمعها من المنار احسن ما تسمعها من اخبار المستقبل ع القليلة فيا شوية مصداقية مع انو ما بشوف الا اخبار الجديد
وبما انو حزب الله هوي المؤامرة وين صارت اسرائيل وأمريكا ؟؟؟!!!
هوي سؤال مو كتير مهم بس بيطرح حالوا
:lol:
مع الاشارة انو انا نوهت انو موقفي من ايران ومن سوريا مانو ايجابي
بس نحنا عم نحكي عن حزب الله
صديقي العزيز أرجو ما تفهمني غلط من كلمة ثفافة التحاور لأني بقصد انو لكل واحد رأي وما بالضرورة نتهم غيرنا بعدم الاطلاع اذا كان غير موافقنا الرأي، أما اني كلامي بدل اني ع طول صح هاشي مظبوط بس أنا صح من وجهة نظري وليس بالمطلق .
وارتباط الشيعة بايران والسنة بالسعودبة متل ما انت قلت هالشي غلط ،. بس السنة ما مربوطين بالسعودية وعندك قطر كدليل مرتبطة بايران .
بالنسبة لحزب الله لازم يضل ع الحدود اذا كان عن جد هموا بس المقاومة بس شايفين غير هيك صار هموا ياخد السلطة لأنو بعد ما صار ب2006 يمكن ما الو شغل ع الحدود غير المظاهر والدليل بحرب الابادة اللي ساوتوا اسرائيل بغزة حكيوا جماعة الحزب كتير وما شفنا شي بالعكس أول ما طلع صاروخ من لبنان اتصلوا باليونيفيل ليأكدولن انو ما دخلنا بهالصاروخ واسرائيل قالت انو الحزب ما خصوا بالصواريخ اللي نزلت ع أرضن .
وبالنسبة للاعلام كلوا ما في مصداقية بس بدنا نسمع الكل ونحلل بأنفسنا .
وبالنسبة للمؤامرة طبعا اسرائيل مستفيدة من الحزب لتفرجي العالم انو هية ع طول بحالة دفاع عن النفس متل ما صار بغزة .
تحياتي :D

وبالنسبة للمؤامرة طبعا اسرائيل مستفيدة من الحزب لتفرجي العالم انو هية ع طول بحالة دفاع عن النفس متل ما صار بغزة .
تحياتي :D


والحل ان الحزب يسلم سلاحو منشان اسرائيل تبطل تتحجج؟؟
ثم ليش بتعتبر ان حزب الله مرتبط بايران...
ليك بالحرب الاهليه حزب الله قاتل ضد سوريا !! رغم ان سوريا حليف ايران
ثم ليك اليوم اذا بتعتبر حزب عميل لايران الشيعية فهاد موصحيح لان حزب الله قرارو اليوم مشترك مع قرار سوريا
الي هيه تعتبر سنية
طبعا باسف لهالتفريق المذهبي المقرف الي صار بييرافق نقاشاتنا بس العداء ماعم ينفهم عندي بغير عبارة عن قصة طائفية
بعدين تعا معي
حماس سنية والفلسطينين بشكل عام مابيطيقو ايران ,بس رغم كل هاد ايران عم تدعمن هدول اكيد منن شيعة
بس القصة قصة ان ايران عم تعتبر ان في عدو واحد بالمنطقة الي هوه اسرائيل وعم تحاول بايديها واجريها تجمع الي ضل عندو كرامة من العرب ضد هالكيان ,فهالشي غلط يعني؟

طول بالك طول بالك
مين جاب سيرة بشار الاسد
ومين قال انو حدا بيعبد حسن نصرالله ولا بشار الاسد نحنا الله بطلنا نعبدو
القصة بدها راوواق
مو اكتر فنجان نسكافيه بلاك او تلاتة بواحد:pهاد المفضل عندي انا صخصيا
يا اخي ايهم
قصة السعودية وحزب الله مانها مخباية
يعني لقلك كلمة لو ما السعودية بدها تخلص من حزب الله كانت بتخلي شي مفتي من هدول الموظفين عن اللله السعودي يطلع ويفتي بعدم جواز التبرع او الجهاد او حتى المساندة القليبة للحزب
:? انو واضحة
بعدين انتو عم تفكروا اذا نحنا عم نحكي بصف الحزب كلمتين صرن منألهو ومنعبدو ومنعبد ايران والحكومة السورية
هاد حكي مانو منطقي القصة فيها تفاصيل ديتلز انت أكبر قدر
يعني اذا بتحب تعمل ستاتستيك او احصاء وتشوف مين من هالبشر العربية بتحب النظام السوري والايراني
بتلاقيهووون كتار و أكترية
وكمان فوقهون حبة بركة
بتعرف ليش انت بتسمع بشي مثل بيقلك الظروف مواتية مع الجلاد؟؟؟؟
يعني لناخد مثلا مواقف سوريا بشكل عام تجاه فلسطين وبدون ما نصير كلنا سياسيين ونحللها ونفصلها لانو اغلب الشعوب العربية لا بتفصل ولا بتحلل
المهم اذا اخدنا المواقف السورية منلاقيها داعمة لفلسطين الكاملة و لقضية القدس ول ول ول وهدو القضايا عنا ببلاد الميدل ايست مانهون قضايا من أجل الحق وبس هدول قضايا دينية وبما انو نحنا عايشبن بمجتمعات دينية والنظام عم يساند القضية الدينية بطريقة أو بأخرى بتلاقي ألو جماهير
يعني لو شي بلد فيها لنقول يهود وهاليهود مضهدين وارضون محتلة ما راح نتضامن معون راح نقول جزاتهون
ومتل ما قلت بالسابق انو حزب الله ما مخبي علاقتوا بايران ولا بسوريا وهاد بيكون الو مصدر قوة
بس دخيل عيونكون مو لأنو حكينا كلمة ع 14 أذار صرنا منعبد بلد ورئيس
مو واردة بتاتا
:D


خيو ماني معصب الله وكيلك, بس يعني بغيظك احيانا انو واحد بشيل اللي في وبحطو فيك

منرجع للموضوع, خيو شو دخل السعودية بالموضوع هون , يعني الموضوع عم يطرح تغير مفاجئ بتكتيكات حزب الله وسلوكو , السعوديين بكرهوا الحزب صحيح ولاسباب معروفة بس مو هني السبب بتغير مواقفو

اما قضية انو الشعوب العربية بتحب النظامين السوري والايراني, فهي ابدا مو اثبات لاي شي , لانو نفس الشعوب العربية لازالت تعتبر صدام حسين عدو ايران الاول بطل من الطراز الاول شو رايك؟؟

شيت انو النظام عم يساند قضية دينية فهي بعتبرها مزحة , فيك تقول عم يتاجر فيها متل عادتو

بعدين مين زعل على جماعة 14 اذار , انا شخصيا بحتقرن واحد واحد لانو كانو كلن عملاء رخاص للنظام السوري وتلت ارباعن من تاليف واخراج غازي كنعان

والحل ان الحزب يسلم سلاحو منشان اسرائيل تبطل تتحجج؟؟
ثم ليش بتعتبر ان حزب الله مرتبط بايران...
ليك بالحرب الاهليه حزب الله قاتل ضد سوريا !! رغم ان سوريا حليف ايران
ثم ليك اليوم اذا بتعتبر حزب عميل لايران الشيعية فهاد موصحيح لان حزب الله قرارو اليوم مشترك مع قرار سوريا
الي هيه تعتبر سنية
طبعا باسف لهالتفريق المذهبي المقرف الي صار بييرافق نقاشاتنا بس العداء ماعم ينفهم عندي بغير عبارة عن قصة طائفية
بعدين تعا معي
حماس سنية والفلسطينين بشكل عام مابيطيقو ايران ,بس رغم كل هاد ايران عم تدعمن هدول اكيد منن شيعة
بس القصة قصة ان ايران عم تعتبر ان في عدو واحد بالمنطقة الي هوه اسرائيل وعم تحاول بايديها واجريها تجمع الي ضل عندو كرامة من العرب ضد هالكيان ,فهالشي غلط يعني؟


غريب امرك عن جد, ليش صحي منعتبر حزب الله مرتبط بايران؟؟ عم نقول انو دينيا تابع لايران وحسن نصر الله من اتباع ولاية الفقيه يعني اي فتوى بتصدر عن الخامنئي تعتبر عند حزب الله اوامر

التدريب والسلاح والمال وكل شي من ايران, وبعد هدا كلو شلون حزب الله تابع لايران؟؟

حزب الله قاتل ضد سوريا بالحرب الاهلية لانو سوريا كانت الداعم الاساسي لحركة امل, وكانت حركة امل بتضم كل الشيعة اللبنانيين لحد قيام الثورة الايرانية اللي انشات حزب الله , واللي معظم كوادرو خرجوا من حركة امل
وقتالن ضد السوريين كان ناتج عم صراع على النفوذ بين الاتنين واللي امتد ل سنة 1988


طبعا انت بكل شي عندك الامور سهلة, ايران الشيعية عم تحارب اسرائيل والسنة اللي كلن تابعين لمصر والسعودية خونة ومع اسرائيل وبعد هدا كلو بتتهم غيرك بالطائفية

بس كلو كوم وانو سورية سنية كوم :lol: شلون زيطت معك هي؟؟

ايران بتعتبر اي شي بوقف بوجه مشروعها الاقليمي عدو, وبالسياسة ما في شي اسمو عدو دائم

ليكن ساعدوا الشيطان الاكبر يحتل العراق وافغانستان لانو هالشي بيحققلن مصالحن و رح يعملوا نفس الشي مع اسرائيل اذا هالشي في مصلحة الن , وهالشي طبعا مو غلط لانو كل الدول بتتصرف هيك, بس الغلط انو الواحد يكون ساذج ويصدق كل الشعارات اللي بيسمعها.

حبيت شارك بس شفت انو كل واحد الو راي بدو ينرد عليه بجريدي;)
اصلا في ناس كانت بلبنان وقت الحرب و ما معها خبر شو عم بسير,, و في ناس التعن سلسفيلن (ايه sorry ) الحكي ما رح يعبر لحدن شو صار .. بس يللي مانو بوقتا كان هونيك تحت القصف..
فيللي ما مرء بهيك تجربه اكيد ما رح يعرف لي الناس تحت بلبنان بتحب السيد و بتحديد بلجنوب
انا قريت الموضوع و قريت شوي ردود و شفت انو ناس مع و ناس مع شوي ( عشان ما قول ضد)

و ايه بس يطل السيد الناس وين ما كانو بيسمعو و يشوفو و لو بصحلن بترجم و ينحط عكل الtv يا ريت
و بتعجب انو هون يلي عم يحكو انو ال ليبانيز يلي بيناتن قلال كتير .. دخلكن كم لبناني في من يللي حطو ردود هون ( في انا):o..
الا ازا انتو بتقرو تاريخ و عايشين هالمراحل بلتفصيل و كئنكن عايشينا بلواقع!!!هيدا شي تاني

بلا اقتباس انا ما بحب احكي سياسي و افتح موضوع و اقتبس و قصه:p
انا احكيت هون بس عشاني حبيت شارك بلموضوع و خصوصا انو اتعطر بزكر السيد ربنا يحمي:D


:)

يعني مابعرف ياشباب شو الفائدة من الصوت العالي والنبرة الحادة بالحوار... وليكون بعلم الكل ماحدا خرج يبيعنا وطنيات ولا يزايد علينا وطول عمرها كتاباتي متل فكري وطنية ومابينفع معها الاسلوب الرخيص تبع التخوين والتشكيك والصوت العالي والخطابات الحزبية تبع التمانينات...

ما خونت السيد نصرالله ولا شككت فيه بأي مكان من موضوعي... وفكرتي الأساس هي نزول نصرالله لزواريب السياسة الداخلية الضيقة بعد ماكنا متأملين منو يترفع عن هالسخافات... تهديدو وتكفيرو للناس هو خطاب صار مبتذل جداً لكل من خالف نهجه... فكرتي الأساس هي الأخطاء التي يقع فيها الحزب منذ 2006 ولغاية اليوم... ولعلم الجميع مسمى حزب الله لايعني فعلاً أن هذا الحزب هو حزب إلهي ولايجوز أن يجرأ أحد على نقده أو تقييم تصرف من تصرفاته... حزب الله هو حزب المقاومة والتحرير كما عرفناه أما الحزب اليوم يؤخذ إلى مكان ليس مكانه الذي نريده به... حزب الله اليوم وبالحد الأعلى أصبح كأي حزب لبناني من أحزاب 8 أذار فلم يعد يفرق شيئاً عن أمل أو عن التيار الوطني...

بكل الأحوال الظهورات المتتالية للأمين العام أفقدته الكثير من حماسة الشعوب لمتابعته على ما اعتدناه ان هذه الظهورات كان لها أهداف أسمى من التي يظهر لأجلها اليوم...

وشكراً

يعني مابعرف ياشباب شو الفائدة من الصوت العالي والنبرة الحادة بالحوار... وليكون بعلم الكل ماحدا خرج يبيعنا وطنيات ولا يزايد علينا وطول عمرها كتاباتي متل فكري وطنية ومابينفع معها الاسلوب الرخيص تبع التخوين والتشكيك والصوت العالي والخطابات الحزبية تبع التمانينات...

ما خونت السيد نصرالله ولا شككت فيه بأي مكان من موضوعي... وفكرتي الأساس هي نزول نصرالله لزواريب السياسة الداخلية الضيقة بعد ماكنا متأملين منو يترفع عن هالسخافات... تهديدو وتكفيرو للناس هو خطاب صار مبتذل جداً لكل من خالف نهجه... فكرتي الأساس هي الأخطاء التي يقع فيها الحزب منذ 2006 ولغاية اليوم... ولعلم الجميع مسمى حزب الله لايعني فعلاً أن هذا الحزب هو حزب إلهي ولايجوز أن يجرأ أحد على نقده أو تقييم تصرف من تصرفاته... حزب الله هو حزب المقاومة والتحرير كما عرفناه أما الحزب اليوم يؤخذ إلى مكان ليس مكانه الذي نريده به... حزب الله اليوم وبالحد الأعلى أصبح كأي حزب لبناني من أحزاب 8 أذار فلم يعد يفرق شيئاً عن أمل أو عن التيار الوطني...

بكل الأحوال الظهورات المتتالية للأمين العام أفقدته الكثير من حماسة الشعوب لمتابعته على ما اعتدناه ان هذه الظهورات كان لها أهداف أسمى من التي يظهر لأجلها اليوم...

وشكراً

تحياتي
على الرغم من طلاتي القليلة نسبياً على الأخوية , إلا أنه قد تسنى لي أن أطالع بعضاً من أفكار viva ,و على الرغم أني لا أتفق معه بالرأي حول معظم القضايا التي يطرحها , و لكن كان لا بد لي أن أتقبل رأيه على أساس (الرأي الآخر ) .


شكراً على متابعتك وعلى تقبلك لرأيي "الأخر"...


صديقي
على ما يبدو أنت لم تستمع لكامل خطاب السيد ( إذا لم نقل أنك لا تتذكر سير الأحداث في 5 أيار ) : فعلى ما ورد في تقرير فينو غراد كان فشل استهداف شبكة الاتصالات الداخلية للحزب أثناء الحرب نقطة أساسية و جوهرية ضد أولمرت
في التقرير , و لكن الأوامر المباشرة التي وردت من ديك تشيني وقتها للحكومة اللبنانية أفضت إلى قرارات 5 أيار كي تستطيع أمريكا و اسرائيل أن تحقق ما لم تستطع تحقيقه بالحرب .


بالعكس تماماً عايشت الخطابات والأحداث "لايف" يامعلم... وبتصور حالي من الناس يلي بالفعل متابعين للشأن الداخلي اللبناني لعدة أسباب مانا بطور الحديث عنها... المهم:

سأفترض معك أن كل ماتقوله صحيح والتدخل العسكري من قبل حزب الله في بيروت كان بسبب خيانة 14 أذار وتطبيقهم لتوصيات لجنة فينوغراد.... فكيف لنا أن نعتبر يوماً طبق فيه اللبناني طلبات إسرائيل يوماً مجيداً؟؟ شوف صديقي 7 أيار يوم أسود كيف مابدك تفتلو وكيف مابدك تبررو...



و النقطة الثانية : هل نسيت أن الحريري استجلب مرتزقة من عكار و طرابلس على وجه السرعة ,و ووزعهم في بيروت؟


لا لم أنسى وقد وضحت في موضوعي أن الأشقاء من الطرفين وشركاء الوطن الواحد رفعوا السلاح بوجه بعض.. مرة أخرى أسأل كيف لهذا اليوم أن يكون مجيداً؟؟؟



النقطة الثالثة : البندقية لم تنقل لكتف جديد و لكن ظلت تستهدف ذات العدو الصهيوني و لكن بوجوه لبنانية للأسف ( بقصد أو بغير قصد ) و إلا كيف يفسر توقيت صدور قرارات الحكومة في تلك الليلة السوداء ؟


ومنذ متى يرد على قرارات الحكومات بالبندقية؟؟ مهما بلغت سفالة الحكومات هل لنا أن نرفع البندقية في وجهها؟؟ إذن فالنحرر الأسرى والمعتقلين السياسين في سجون المخابرات في سوريا بالبندقية... أو فالنجبر حكومة العطري على خفض أسعار المحروقات بالبندقية على اعتبار سرقة علنية من قبل الحكومة... أو فالتلغي الفساد والسرقات وقانون الطوارئ في وطنا بالبندقية...

أو من الأولى لنا بحسب رأيك أن نأخذ بندقياتنا ونذهب لتحرير الجولان بغض النظر عن قرارت حكومتنا البطلة...

لا ياصديقي وجهة البندقية واحدة مهما اشتد ظلم ذووي القربة


المجد يا صديقي ليس في القتال و ما قصده هو اسقاط حراك لبناني شبيه ب 17 أيار و فرض غايات اسرائيلية بأيادي لبنانية .

إسقاط هذا الحراك تم بحرق بيروت وترويع أبنائها من الطرفين... فكيف له أن يكون مجداً؟ وحتى لو انتصر فيه الحزب مازال يوماً أسوداً أسوداً...

أطل السيد قبل ذلك يومياً على التلفيزيون ( مناسبة دينية على ما أذكر - تحدث فيها سياسياً أيضاً ) ,

يطل السيد عادة بخطابين في أيام عاشوراء.. أي خطابين خلال أحد عشر يوماً... لها أسبابها ومبراراتها التي لا أريد الخوض فيها... ولعلمك حتى في أخر سنتين لم يطل السيد في عاشوراء كما كان يطل وذلك "حسب تصريحات الحزب" لحفاظه على موقعه الديني الشامل ومركزه الذي وضعته فيه الجماهير بعد عدوان تموز 2006...



ما علينا : ألا تعتقد أنه في جو تنافسي انتخابي محموم يحق للسيد أن يطل اعلامياً على مناصريه؟ ألا توافق معي أن حملات من وصفتهم
مشكوراً بأقزام ال 14 وصلت الى درجة ‘ المسعورة ‘ ؟


لا لا أعتقد أن هناك مبرراً بالدنيا لحسن نصرالله ليصل إلى هذا الموقع مهما كانت الأهداف الإنتخابية...

ألم يلفت انتباهك تحول برنامج مارسيل غانم لبرنامج يومي ذو صبغة تحيزية ؟

على اعتبارك من متابعي برنامج كلام الناس فيجب أن تكون قد استطعت إحصاء المرشحين من الطرفين... وان دققت النظر ياصديقي فتجد أن مارسيل غانم حريص على الإتيان بنفس عدد المرشحين من كل فريق وفي كل حلقة... وذلك ليس لموضوعيته وانما حرصاً منه على ملاحظات لجنة مراقبة الانتخابات في وزارة الداخلية... واذا رجعت في الذاكرة قليلاً ستجد أن كل حلقة فيها نفس العدد من الطرفين...


سؤال : أكيد تتذكر معي (مهرجان! ) سعيدون الحريري يوم 7 أيار ,و كيف أنه فعلاً ضخم و كبر و بربر ثم يعود ليقول أننا لن ننسى , و الحق أني استغربت على السيد صبره على خطاب الحريري لمدة عام كامل يبث فيه الحريري
سماً و حقناً طائفياً يغلفه بالمسامحة !!!!!!!! من يجب أن يسامح المعتدي أم المعتدى عليه في 5 أيار السوداء ؟


ليتهم يكتفوا ببث الخطابات وأن لا يواجه أحد الكلمة بالرصاصة مهما بلغت قسوة الكلمة... في سبعة أيار اعتدى الطرفان لكن أعود وأكرر حتى ولو كان أساس المشكلة قرارت الحكومة في خمسة أيار فهذا يؤكد سوداوية هذا اليوم لا مجده...



لن أطيل اكثر و اسمح لي أخيراً أن أعبر عن خوفي من نفحة طائفية لم أعهدها في آرائك , فالخطاب المقتطع و تحوير الأقوال و التقويل شيء لم أعهده فيك


طيل أخي قد مابدك... وبحب طمنك إنو الصاق تهمة النفحة الطائفية فيني بمقال عن هالطائفة تحديداً مابيزبط... يمكن لو عن أي طائفة تانية كان ممكن تركب وفهمك كفاية...

لعلمك ياصديقي الشيعة طائفة الإمام موسى الصدر والشيخ عبد الأمير قبلان والسيد محسن الأمين لم ولن يكونوا يوماً من أتباع النهج الراديكالي الواحد... ومهما غرر ببعضهم لكن الأغلبية تعرف الطريق واضحاً...

و بحسب حسن ظني فيك أعتقد أنك قد (نسخت ) المقال من مكان ما و( ألصقته) في المنتدى الحر .


هذا ليس بحسن ظن بوجهة نظري... وأحب أن أطمئنك أن كل حرف كتب في هذا المقال من كتاباتي ومن بنات أفكاري... علماً أني لا أحبذ سرقة المجهود الفكري لأحد ونسبه إلى نفسي بعد تحوير بعض الكلمات كما يفعل البعض لأن في ذلك تعبيراً واضحاً عن الضعف الفكري والثقافي...




مع كل خلافنا الفكري لكن كان من الممتع أن أناقش أحداً بمثل درايتك بالملف اللبناني... تحياتي :D

شو ما كانت الأسباب عقلي مابيقبل يصير السيد حسن يصير بهالصورة .. لازم يرجع يحترمنا شوي .. الله يرحم وقت كنا ننطرو نطاره.. صرنا كيف ما نقلب التلفزيون نلاقيه متلو متل الكل..

شو ما كانت الأسباب عقلي مابيقبل يصير السيد حسن يصير بهالصورة .. لازم يرجع يحترمنا شوي .. الله يرحم وقت كنا ننطرو نطاره.. صرنا كيف ما نقلب التلفزيون نلاقيه متلو متل الكل..
أنا معك بهي 100% انا بظن منشان الانتخابات
:?

هاموش
انا كلامي ما كان دفاع حدا ضد حدا
بس انو انا حكيت كيف بشف الوضع بنظرتي
:D

تحياتي القلبية

شكراً على متابعتك وعلى تقبلك لرأيي "الأخر"

كل الشكر إلك صديقي : على الموضوع , و على الحوار العقلاني .

فكيف لنا أن نعتبر يوماً طبق فيه اللبناني طلبات إسرائيل يوماً مجيداً؟

هون الفكرة صديقي : فالذي طبق طلبات اسرائيل في 5 أيار هو الذي حاول جر البلد نحو محور ( الصهيونية العربية ) على رأي أحد الصحفيين , محاولاً ترسيخ 17 أيار جديد بعباءة طائفية نتنة و كريهة , و بالقياس يمكننا اعتبار اسقاط هذا الحراك السياسي الأخرق في 5 أيار مماثلاً بالمجد لاسقاط 17 أيار ( و الذي انبرى وليد جنبلاط ليدافع عن دوره في اسقاطه) .
هنا أريد أذكر (هاموش ) شخصي سريع : فأنا علماني و لا أعترف بالديمقراطية الدينية , و لا أعتبر أن لبنان بلد ديمقراطي بالمعنى التعريفي , و استخدام الغرب للطائفية اللبنانية هو سلاح قديم-جديد ناجع جداً بالتعامل مع المجتمعات الدينية .

الأشقاء من الطرفين وشركاء الوطن الواحد رفعوا السلاح بوجه بعض.

Viva : هل بدأت المواجهة بانزال القوات إلى الميادين ؟ هل أن معيار (من أطلق الرصاصة الأولى ) هو الميزان الذي نحدد به الظالم و المظلوم ؟ أليست الغاية من قرارات 5 أيار هي طعن الخنجر المسموم في نحر الحزب و تفريغ الساحة العربية من أي شكل ممانع لجيش
( الدفاع) الاسرائيلي ؟هل أن استئجار المرتزقة و ارسالهم إلى شوارع بيروت و اشباعهم بتفاهات (حماية الوجود السني ) في تجيير نتن للطائفية و المذهبية الدينية يبرر الوسيلة لتمرير مخططات ديك تشيني في حين لم يواجه سنيو لبنان أي خطر يذكر ؟

ومنذ متى يرد على قرارات الحكومات بالبندقية؟؟ مهما بلغت سفالة الحكومات هل لنا أن نرفع البندقية في وجهها؟؟

صديقي قرارات الحكومة في 5 أيار ليست قرارات داخلية معيشية تخص المواطن , بل قرارت استراتيجية مسبقة الصنع درست ووضعت بدقة لا متناهية و على فترة زمنية طويلة في المطابخ الغربية , و حين جوبهت بالرفض كان الحل هو الاستعانة بالدين و المذهبية كتصرف غربي تقليدي في التعامل مع المجتمعات الدينية .و الحقيقة أنني أستطيع أن أذكر لك الكثير من الأمثلة عن حركات انقلاب أو تمرد داخلي نشأت في الدول لأسباب مماثلة استخدمت البندقية فيها لا و بل الدبابات .(انقلابات الجيش التركي , الانقلاب على الحناوي , الثورة على تشاوشيسكو ...........) , و بالمقابل تواجه القرارات الحكومية الداخلية بحراك شعبي قد يصل لحدود عنفية معينة كالمظاهرات و لكن لا تصل أبداً إلى السلاح (الناري) .

إسقاط هذا الحراك تم بحرق بيروت وترويع أبنائها من الطرفين

من الملام برأيك صديقي؟ أنا أرفض الحلول العنفية الداخلية تماماً و لكن عندما نصل لمرحلة( أن آخر دوائي أن أكويك أنت )فهنا توجد مشكلة.

مارسيل غانم حريص على الإتيان بنفس عدد المرشحين من كل فريق وفي كل حلقة... وذلك ليس لموضوعيته وانما حرصاً منه على ملاحظات لجنة مراقبة الانتخابات في وزارة الداخلية... واذا رجعت في الذاكرة قليلاً ستجد أن كل حلقة فيها نفس العدد من الطرفين...

كلامك صحيح , و لكن يا Viva و بدون الدخول في متاهة الإعلام الموجه و المنحاز , هل يستطيع أن ينكر أحد عدم حيادية مارسيل غانم ؟

ولو كان أساس المشكلة قرارت الحكومة في خمسة أيار فهذا يؤكد سوداوية هذا اليوم لا مجده...

صحيح تماماً , و إنما أقول أن خطأ فادحاً كيوم 5 أيار يوجب يوماً ك 7 أيار (و لا شك أنك تذكر تبريرات السنيورة عن وجود أخطاء في الصياغة و غير ذلك من الكلام الفارغ ).

هذا ليس بحسن ظن بوجهة نظري.

بالعكس تماماً يا صاحبي , فمن خلال متابعتي لبعض آرائك السابقة لم أجد فيها أي رائحة طائفية , مما حدى بي القول أنه من المستغرب اعتمادك رأي الأيديولجية الطائفية التي يطرحها الحريري لتفسير معركة وجوده و زعامته .و كما قلت لك فأنا علماني لا تهمني طائفتك أو دينك أو معتقدك .

أتمنى أخيرأ عدم التوقف عند ( النقاط و الفواصل ) في الموضوع الذي طرحه Viva لأنه موضوع مهم و جاد , و ما يجري هنا هو حوار بين رأي و رأي آخر و ليست ساحة للدفاع عن طائفة أو مذهب في أغلفة سياسية .

أصدق التحيات .:D

تحية
في سبعة أيار اعتدى الطرفان لكن أعود وأكرر حتى ولو كان أساس المشكلة قرارت الحكومة في خمسة أيار فهذا يؤكد سوداوية هذا اليوم لا مجده...

على ما يبدو كان Viva يقصد 7 أيار في كلمة هذا لذا وجب التعديل .

عزيزي: هناك سيء و هناك أسوأ , و لا يمكنني البت أن السيد نصر الله كان مسروراً و مغتبطاً يومئذ , و إنما أقول أن خطأ فادحاً كيوم 5 أيار يوجب يوماً ك 7 أيار (و لا شك أنك تذكر تبريرات السنيورة عن وجود أخطاء في الصياغة و غير ذلك من الكلام الفارغ ).
و دمتم بسلام

شكراً لـ فادي كاتب الموضوع أولاً .
وحابب احكي كم ملاحظة :

على الرغم من اعتباري ان يوم 7 أيار كان يوماً ضرورياً لحماية السلاح و كان يوماً كسر جمود البلاد التائهة بين تيارين لا يلتقيا أبداً . لكن يبقى هذا اليوم الذي سقط به ضحايا مدنيين هو يوم أسود و يوم اضطراري للغاية لا يمكن اعتباره يوماً مجيداً بأي حال من الاحوال . وخصوصاً على لسان نصر الله .

الظهور المتكرر لنصر الله على الشاشات المترافق بالحملة الانتخابية المفصولة اساساً برأيي لا جدوى منه ولم يعد منظراً كما كان . من حق الحزب الرد اثناء تعرضه لاتهامات او طعن متكرر من اي جهة لبيان الحقائق .

كنت اتمنى لو بقيت صورة نصر الله هي صورة المقاتل الذي لا يملك الوقت لردود الافعال الغاضبة ولا للرد على المهاترات والمشاركة في الأخذ والرد على كل صغيرة و كبيرة .

لن ننسى كل الانجازات التاريخية و العظيمة لهذا الحزب و لقائد الحزب و قادته جميعاً و سنبقى معهم في نضالهم ضد اسرائيل و كل كلامنا من منطلق محبة و حرص على المقاومة و ألم شديد خوفاً من تحول الحزب المقاوم الى حزب شعارات و استغلال النضال من جهة و حزب اقصائي من جهة ثانية .


:D

سيد الخطباء...



سيد الأمجاد !!!


قمة مفاجآتك ياسيد كانت أن تعلن يوم قتل اللبناني لأخيه اللبناني في السابع من أيار يوماً مجيداً... مفاجأة كان لها وقع الصدمة علينا.. صدمة بحجم أحداث 7أيار بحد ذاتها...

7أيار 2008 يوم مجيد ياسيد؟؟


لا ياسيد لا فقتل الأخ لأخيه ومهما بلغ خطأ الأخ الأخر لايمكن أن يكون يوماً مجيداً...

لا ياسيد لا يوم نزول المسلحين من الطرفين لترويع الأهالي والمدنيين لايمكن أن يكون مجيداً...

لا ياسيد لا يومٌ حرقت به بيروت بأيدي أبنائها لايحمل من المجد شيئاً... ولن يكون بمجد أيار الـ 2000 أيار التحرير... أو بمجد حزيران الـ 2006 حزيران المقاومة والصمود...

لا ياسيد لا يومٌ يصبح به الرصاص وسيلة الحوار بين الأخوة لن يكون يوماً مجيداً... هو يومٌ ياسيد ظنناه يوم للذكرى لن يتكرر... يومٌ ذهبتم بعده إلى الدوحة وإتفقتم على تخطيه وتجاوزه بكل أحزانه...



هلق هون في شغلة
انا بتفق معك انو الشغلة كانت غلط بس في شغلة
بدك تاخد الطرف التاني اللي هنين هدوك الجماعة (14 اذار )
يا اخي الكريم بهديك الفترة ما كان في حدا من جماعة جعجع و الحريري الا و كان معو سلاح و الحكي كان مبرهن بالصور
انا برأيي المتواضع (رغم انو مو كتير الي بالسياسة) كانت الشغلة غلط بس بنفس الوقت كانت مجرد ردة فعل عاللي كان يصير
يعني لو انو ما صار هالشي كانت لبنان هلق اكتر بكتير مما هيي عليه

بعدين انا ما بزكور انو كان في قتلى بالموضوع هاي اولا
تانيا لما كان يستولي ع مراكز جماعة الاكترية كان يقلع العالم الموجودين بالمراكز ما كان يقلتون و فوق هادا كلو سلم حزب الله هالمراكز للجيش اللبناني اللي بدورو رجعها لجماعة الاكترية

و متل ما قلت انو الشغلة غلط بس اجت ك ردة فعل

وانو هيك
تقبل مروري

:D

تحياتي القلبية



كل الشكر إلك صديقي : على الموضوع , و على الحوار العقلاني .



الشكر الحقيقي إلك وبرجع بأكد على استمتاعي بالحوار معك :D



هون الفكرة صديقي : فالذي طبق طلبات اسرائيل في 5 أيار هو الذي حاول جر البلد نحو محور ( الصهيونية العربية ) على رأي أحد الصحفيين , محاولاً ترسيخ 17 أيار جديد بعباءة طائفية نتنة و كريهة , و بالقياس يمكننا اعتبار اسقاط هذا الحراك السياسي الأخرق في 5 أيار مماثلاً بالمجد لاسقاط 17 أيار ( و الذي انبرى وليد جنبلاط ليدافع عن دوره في اسقاطه) .

عيني هاد رأي والشريك الأخر بالوطن "الذي أتفق معك على ارتهانه لمحور خارجي غالياً" له رأي أخر.. بغض النظر عن صوابية هذه الأراء وبغض النظر عن دونية الطروحات لفريق 14 أذار لكنهم يبقون شركاء لحزب الله بالوطن ولا يجوز اجبارهم على السير في طريق حزب الله بقوة السلاح...

أما بالنسبة لإتقاق 17 أيار فهذا الاتفاق هو وصمة عار تاريخية على جبين من وقعه ومن ماشاه... لكن يوم اسقاط هذا الاتفاق هو ليس بيوم مجيد بل هو يوم أعيدت فيه الأمور إلى سياقها الطبيعي... ولا يمكن أن يكون اليوم الذي نكتشف به خيانة أحد أبناء الوطن وأنهائها هو يوم مجيد...

صدقني مابعرف اذا عم توصلك فكرتي بس خليني حاول:

عبد الحليم خدام خائن لوطنه هل بتعتبر يوم خيانته يوم مجيد ؟؟ أكيد لاء فإذاً هي اتفقنا انو فعل الخيانة ليس مجيداً...

عبد الحليم خدام حاكمته المحكمة وأسقطت عنه الجنسية السورية بسبب خيانته.. هل هالحكم تبع المحكمة هو يوم مجيد؟؟ كمان لاء باعتبار هذا رد على خيانة أحد أبناء الوطن ولا يمكن أن يكون مجداً من أمجاد الوطن..

فإذاً لا فعل الخيانة ولا رد الفعل على الخيانة يعتبر مجيد... بل بالعكس ردع خيانة الشقيق أشد على النفس ووجعها وجعان...

هنا أريد أذكر (هاموش ) شخصي سريع : فأنا علماني و لا أعترف بالديمقراطية الدينية , و لا أعتبر أن لبنان بلد ديمقراطي بالمعنى التعريفي , و استخدام الغرب للطائفية اللبنانية هو سلاح قديم-جديد ناجع جداً بالتعامل مع المجتمعات الدينية .

وأضيف على هاموشك أن كل الأطراف في لبنان هي أطراف مرتهنة بشكل أو بأخر لأطراف خارجية... سلبياً أو إيجابياً لكن الجميع في بوتقة المحاور...





Viva : هل بدأت المواجهة بانزال القوات إلى الميادين ؟ هل أن معيار (من أطلق الرصاصة الأولى ) هو الميزان الذي نحدد به الظالم و المظلوم ؟ أليست الغاية من قرارات 5 أيار هي طعن الخنجر المسموم في نحر الحزب و تفريغ الساحة العربية من أي شكل ممانع لجيش ( الدفاع) الاسرائيلي ؟هل أن استئجار المرتزقة و ارسالهم إلى شوارع بيروت و اشباعهم بتفاهات (حماية الوجود السني ) في تجيير نتن للطائفية و المذهبية الدينية يبرر الوسيلة لتمرير مخططات ديك تشيني في حين لم يواجه سنيو لبنان أي خطر يذكر ؟


برجع بقلك هذا رأي فريق وبتصور انت حريص على عدم تبني رأي طرف واحد... شوف صديقي أنا بدي ياك تكون موضوعي لعلمي أنه لايمكن أن نكون حيادين والفرق بين الموضوعية والحيادية شاسع كما تعلم...


صديقي قرارات الحكومة في 5 أيار ليست قرارات داخلية معيشية تخص المواطن , بل قرارت استراتيجية مسبقة الصنع درست ووضعت بدقة لا متناهية و على فترة زمنية طويلة في المطابخ الغربية , و حين جوبهت بالرفض كان الحل هو الاستعانة بالدين و المذهبية كتصرف غربي تقليدي في التعامل مع المجتمعات الدينية .و الحقيقة أنني أستطيع أن أذكر لك الكثير من الأمثلة عن حركات انقلاب أو تمرد داخلي نشأت في الدول لأسباب مماثلة استخدمت البندقية فيها لا و بل الدبابات .(انقلابات الجيش التركي , الانقلاب على الحناوي , الثورة على تشاوشيسكو ...........) , و بالمقابل تواجه القرارات الحكومية الداخلية بحراك شعبي قد يصل لحدود عنفية معينة كالمظاهرات و لكن لا تصل أبداً إلى السلاح (الناري) .

حلو كتير هالحكي بس ياريت تكيل بنفس المكيال للمقاربات التالية:

أنا أعتبر السكوت عن إحتلال الجولان لمدة 36 سنة خيانة من الحكومة وعدم تجربة تحرير هذه الأرض طيلة هذه المدة هي خيانة من الحكومة وأن تصرفها هو قرار يطبخ في الغرب والشرق منذ الأزل... فهل تبرر لي رفع السلاح في وجه هذه الحكومة الخائنة من وجهة نظري؟؟

أنا أعتبر عدم إعتماد المقاومة لتحرير الأسرى السوريين في السجون الإسرائيلية والذين في غالبهم قضوا أكثر من نصف أعمارهم في الأسر هو خيانة وهو سكوت لمصالح فردية ضيقة ولضمان إستمرارية النظام... فهل تبرر لي أن أرفع السلاح بوجه الحكومة لجبرها على تبني وجهة نظري بوجوب المقاومة والمواجهة العسكرية مع إسرائيل؟؟

أرجو أن تكون الإجابات مباشرة وأن لا ندخل بها في متاهات الحسابات الإستراتيجية والمعادلات وماشاكل لأنه في هذه الحالة فأنت تبرر لحكومة السنيورة حساباتها أيضاً ولكل حساباته ووجهة نظره..


كلامك صحيح , و لكن يا Viva و بدون الدخول في متاهة الإعلام الموجه و المنحاز , هل يستطيع أن ينكر أحد عدم حيادية مارسيل غانم ؟


وهل تستطيع أن تنكر عدم حيادية مذيعي المنار والجديد؟؟

أن تكون موضوعياً وتطرح الرأي والرأي الأخر لكن يبقى لك وجهة نظرك التي يمكن استنباطها من روح طروحاتك لا من شكلها هو شيئ وأن تكون حيادياً بلا طعم ولا رائحة هو شيئ أخر وشتان بين الإثنين..

تستطيع أن تكون حيادياً عندما تناقش ملف العلاقة بين فصيلين متناحرين في تيمور الشرقية أو في أزمة تنشب في التبت.. لكنك لاتستطيع أن تكون حيادياً عندما يتعلق الموضوع بقضاياك الوطنية و "القومية"...
وأنا لم أطالب أحداً يوماً في نقاش وطني إلا بالموضوعية لا الحياد...




صحيح تماماً , و إنما أقول أن خطأ فادحاً كيوم 5 أيار يوجب يوماً ك 7 أيار (و لا شك أنك تذكر تبريرات السنيورة عن وجود أخطاء في الصياغة و غير ذلك من الكلام الفارغ ).


حتى وإن... لكن بالحد الأدنى أطالبك بوصف اليومين بالأسودين لا أحدهما بالأسود والثاني بالمجيد الذي يجب علينا ضمه لأمجاد المقاومة "بحرفية خطاب نصرالله"...



بالعكس تماماً يا صاحبي , فمن خلال متابعتي لبعض آرائك السابقة لم أجد فيها أي رائحة طائفية , مما حدى بي القول أنه من المستغرب اعتمادك رأي الأيديولجية الطائفية التي يطرحها الحريري لتفسير معركة وجوده و زعامته .و كما قلت لك فأنا علماني لا تهمني طائفتك أو دينك أو معتقدك .


لعلمك كتير سهل عليي أني قول نفس الكلام عن رأيك وقول انو كمان رأيك بيحمل رائحة طائفية والصق رأيك برأي أحد الأطراف بس أبداً مو من طبعي سيئ النية بيلي عم اتحاور معو وتحديداً إذا كان متلك :D

أتمنى أخيرأ عدم التوقف عند ( النقاط و الفواصل ) في الموضوع الذي طرحه Viva لأنه موضوع مهم و جاد , و ما يجري هنا هو حوار بين رأي و رأي آخر و ليست ساحة للدفاع عن طائفة أو مذهب في أغلفة سياسية .

برفع القبعة لهالكلام...

على ما يبدو كان Viva يقصد 7 أيار في كلمة هذا لذا وجب التعديل .

طبعاً بقصد 7 أيار وحتى إذا بدك بقصد 5 أيار فمافي مشكلة... بالنسبة إلي اليومين كانو أغلاط تاريخية... أما إذا بتقصد بالنسبة لـ هذا كضمير عائد على خمسة ووجوب ربطه بسبعة لغوياً فبعتذر لأنو ماكتير عم دقق على الصيغ لغوياً لأنو عم نتناقش شوي بالعامية وشوي بالفصحة لسلاسة النقاش..



عزيزي: هناك سيء و هناك أسوأ , و لا يمكنني البت أن السيد نصر الله كان مسروراً و مغتبطاً يومئذ , و إنما أقول أن خطأ فادحاً كيوم 5 أيار يوجب يوماً ك 7 أيار (و لا شك أنك تذكر تبريرات السنيورة عن وجود أخطاء في الصياغة و غير ذلك من الكلام الفارغ ).


يوجب !!!! مابتصور انو في شي يوجب يلي صار بشكلو يلي صار فيه... بس فهمت شي منك أنك وافقت على إعتبار يوم 7 أيار هو يوم سيئ و 5 أيار يوم أسوء... فكيف لليوم السيئ أن يكون مجيداً؟؟

بتعرف صديقي أساس المشكلة هون إنو أنا عم طالب بالتفكير وتقييم وقبول أو رفض أي شي بيصدر عن أي شخص... مو إنو اذا حسن نصرالله قال إنو هاليوم مجيد خلص نهلل ونقول مجيد ومليون مجيد .. ولو قال يوم أسود أو أخضر البعض بيهلل وبيقول صح هو هيك يوم أسود ومليون أسود ... وشوفة عينك هالعينات كتير...

تحياتي :D

شكراً لـ فادي كاتب الموضوع أولاً .


منور صافي كالعادة :D


على الرغم من اعتباري ان يوم 7 أيار كان يوماً ضرورياً لحماية السلاح و كان يوماً كسر جمود البلاد التائهة بين تيارين لا يلتقيا أبداً . لكن يبقى هذا اليوم الذي سقط به ضحايا مدنيين هو يوم أسود و يوم اضطراري للغاية لا يمكن اعتباره يوماً مجيداً بأي حال من الاحوال . وخصوصاً على لسان نصر الله .

حكي نضيف...


الظهور المتكرر لنصر الله على الشاشات المترافق بالحملة الانتخابية المفصولة اساساً برأيي لا جدوى منه ولم يعد منظراً كما كان . من حق الحزب الرد اثناء تعرضه لاتهامات او طعن متكرر من اي جهة لبيان الحقائق .


لايبرر الملف الإنتخابي الظهور بهذا الشكل للسيد بأي شكل من الأشكال... يا أخي بتعرف شو الغريب إنو الشيخ نعيم قاسم هو رئيس الماكينة الإنتخابية للحزب ورئيس الماكينة الإعلامية للإنتخابات... بس والله ماعم شوفو لهالمعتر... لك ماعد تركلو شي يحكيه...


كنت اتمنى لو بقيت صورة نصر الله هي صورة المقاتل الذي لا يملك الوقت لردود الافعال الغاضبة ولا للرد على المهاترات والمشاركة في الأخذ والرد على كل صغيرة و كبيرة .

لن ننسى كل الانجازات التاريخية و العظيمة لهذا الحزب و لقائد الحزب و قادته جميعاً و سنبقى معهم في نضالهم ضد اسرائيل و كل كلامنا من منطلق محبة و حرص على المقاومة و ألم شديد خوفاً من تحول الحزب المقاوم الى حزب شعارات و استغلال النضال من جهة و حزب اقصائي من جهة ثانية .


شكراً إلك لتوضيح الفكرة بهالشكل الحلو.

:D

ما بعرف إزعل ولا إضحك بس إنو:

ترقبوا الخطاب السابع للسيد حسن نصرالله الليلة.. سبع ظهورات لسيد المقاومة في ثمان أيام :?

يعني ليش هيك؟؟ والله كتير وانو شو بدو يحكي بذكرى التحرير ما مبارح على اساس كان عم يحكي بذكرى التحرير وأول مبارح حكا بنفس المناسبة...








لي عودة للتعليق على باقي المداخلات... بدي قوم جهز البوشار :lol:

مشكور عالموضوع :lol:

أحترم ماجاء اليوم على لسان السيد نصرالله بما تضمنه من تراجع عن توزيع الأمجاد على سود الأيام... أقتبس من كلامه الآتي:


أنا قلت إن 7 أيار قطع الطريق أمام الفتنة بين السنة والشيعة وأمام الحرب الأهلية، وعندما قلت أن 7 أيار منعت الفتنة والحرب ومنعت الإقتتال ومنعت ضرب المقاومة والإيقاع بينها وبين الجيش وأسست للدوحة، سميت 7 أيار يوما مجيدا، وأنا أقبل أنه يوم أليم وحزين، وأقبل ملاحظة الرئيس سليم الحص وأقبل ملاحظة كل القيادات السنية، ونعم كان نهارا حزينا بسبب سقوط الضحايا وبسبب الخسائر وبسبب المشاعر الحادة التي تركها بين اللبنانيين، وكان يوما حزين لأن المقاومة التي صنعت العزة للبنان تركت لوحدها تقاتل عن وجودها"


يوم حزين ويوم أليم هو الوصف الأقرب للواقع من يوم محيد... وأعتبرها خطوة صائبة في إتجاه وحدة أبناء الوطن الواحد ومصداقية الحزب وأمينه العام...


هامش :
لبعض الشباب هلأ صار فيكون تقولو أليم ومليون أليم... حزين ومليون حزين كالعادة :lol:

شو ما كانت الأسباب عقلي مابيقبل يصير السيد حسن يصير بهالصورة .. لازم يرجع يحترمنا شوي .. الله يرحم وقت كنا ننطرو نطاره.. صرنا كيف ما نقلب التلفزيون نلاقيه متلو متل الكل..

حتى أنت يابروتوس :lol:

هدا الحكي بيأكد على فكرة انو الحزب وأمينو العام فقد شي من شعبيتو ولهفة الشعوب لإلو بسبب طريقة التصرف من الـ 2006 ولهلئ...

مشكور عالموضوع :lol:

:?

معقولة بعد هالعمر عم تخربط بين موضوع بالمنبر وغنية بقسم الموسيقى.. بكل الاحوال نورت أبوحميد :D

لبعض الشباب هلأ صار فيكون تقولو أليم ومليون أليم... حزين ومليون حزين كالعادة :lol:

مابعرف ليش حاسس من اول ما نزلت الموضوع انك معلم ، معلم كبير

بس صاير طاووس هلاء انت مو ؟

على كل حال بعد الخطبة الاخيرة ما عاد الو ادنى لزوم ، انو الواحد يجي يؤيد حكيك او يعارضو
لقد أيدك السيد

* انا شكرتك مخصوص مشان اتحركش :lol:

هلق هون في شغلة
انا بتفق معك انو الشغلة كانت غلط بس في شغلة
بدك تاخد الطرف التاني اللي هنين هدوك الجماعة (14 اذار )


ياعيني وحياتك أخد الطرفين بالإعتبار واذا بتلاحظ بالموضوع بكل فقة محمل الطرفين مسؤولية الحطأ الكبير مناصفةً إذا مو حاطط الثقل الأكبر على فريق 14 أذار...




يا اخي الكريم بهديك الفترة ما كان في حدا من جماعة جعجع و الحريري الا و كان معو سلاح و الحكي كان مبرهن بالصور
انا برأيي المتواضع (رغم انو مو كتير الي بالسياسة) كانت الشغلة غلط بس بنفس الوقت كانت مجرد ردة فعل عاللي كان يصير
يعني لو انو ما صار هالشي كانت لبنان هلق اكتر بكتير مما هيي عليه


كونها ردة فعل مابيبرر بأي شكل انو تتسكر الشوارع وتنحرق البيوت ويصير ضرب الرصاص بين الأهالي... ويموتو النسوان والأطفال يلي مالهون بشي... وإذا بتحب بذكرلك حوادث راح فيها ناس بشكل عن جد مؤسف كحادثة الطبيب ومرتو وأطفاله...

بعدين انا ما بزكور انو كان في قتلى بالموضوع هاي اولا

لاء دخيلك اسمحلي... الإحصائيات الرسمية المعلنة بتقول في 116 قتيل بيومها... المدنيين يلي بسياراتون ويلي مارقين بالشوارع بالصدفة عددون 60 والحزب اعترف وشيع 26 "شهيد" والباقي بين الجبل وطرابلس بمواجهات متفرقة... طبعاً هالشي بشوية بحبشة بكل المواقع الإخبارية والمعارضة قبل الموالية مثبت ومعروف...

تانيا لما كان يستولي ع مراكز جماعة الاكترية كان يقلع العالم الموجودين بالمراكز ما كان يقلتون و فوق هادا كلو سلم حزب الله هالمراكز للجيش اللبناني اللي بدورو رجعها لجماعة الاكترية

هون بدك تنتبه على وسيلة الإعلام يلي عم توصلك الخبر لأنها مو دائماً بتكون موضوعية... بس كتير مهم تعرف انو وقت يكون في مقاتلين مسلحين بساحة مواجهة " أي مواجهة" ما تتصور انو حيكون بهالأخلاق الملائكية يلي إنت متصورها...

و متل ما قلت انو الشغلة غلط بس اجت ك ردة فعل

بكتفي بكلمة غلط...



وانو هيك
تقبل مروري

:D


100 هلا. :D

مابعرف ليش حاسس من اول ما نزلت الموضوع انك معلم ، معلم كبير

بس صاير طاووس هلاء انت مو ؟

على كل حال بعد الخطبة الاخيرة ما عاد الو ادنى لزوم ، انو الواحد يجي يؤيد حكيك او يعارضو
لقد أيدك السيد

* انا شكرتك مخصوص مشان اتحركش :lol:


صدقني يا أبو حميد إذا حاسس بالسعاده مو كون السيد تراجع وحكيي طلع صح لاء حاسس بالسعادة لأنو هالتراجع "أو تصحيح المسار" فيه مصلحة لبنان وسوريا وهالشعب المعتر...


** شكراً على الإطراء :D

بحرب تموز صرع ربنا بالنصر الالهي وبعدين قال انو لو كان بعرف انو اسرائيل رح ترد هيك ما كان خطف الجنديين
قبل كم يوم وصف 7 ايار باليوم المجيد اما اليوم برجع يوصفو باليوم الاليم
ختيار النحس هو سبب مصايب لبنان كلها لولا الميليشيا تبعو كانت لبنان زهرة الديمقراطية المشرقة في الشرق الاوسط

صدقني يا أبو حميد إذا حاسس بالسعاده مو كون السيد تراجع وحكيي طلع صح لاء حاسس بالسعادة لأنو هالتراجع "أو تصحيح المسار" فيه مصلحة لبنان وسوريا وهالشعب المعتر...


** شكراً على الإطراء :D

بتستحق كل كلمة ذكرتها ،
التراجع بيوضح ذكاء سياسي اكتر من اي شيئ ، حزب الله منذ النشاة ليس حزب سياسي ، هو حزب ديني فيعني لما ينخرط بالحقل السياسي ، من الطبيعي يصدر عنه او عن قيادته أخطا سياسية نتيجة قلة خبرة الحزب سياسيا حتى على مستوى القيادة ، تصحيح الخطأ شيئ ذكي ولا خلاف انها خطوة بصالح الحزب ومستقبله سياسيا.

يلعن :frown:
مبارح قبل خطابو الاخير كنت كاتب رد ساعة وطارمع الملقم:frown:

بكل الأحوال . يلي بدو يميز بين الخطاب المهم والغير مهم لحسن نصرلله . يشوف يلي بتنقلو الجزيرة مباشرة . لأنو غسان بن جدو بتكون عندو معلومات عن مايحمله الخطاب . فيبلغها الى ادارة القناة . ومن هون من شوف أنو الجزيرة ماعادت نقلت خطاباتو مباشرة الا بالصدف

ومن هون من شوف أنو الجزيرة ماعادت نقلت خطاباتو مباشرة الا بالصدف

صحيح تماماً....
أصبحت الجزيرة تنقل بس الخطابات المهمة...

مرحبا
من خلال مطالعات سريعة لبعض المواضيع , استنجت أن Viva هو فادي فَ: تحياتي الحارة لأبو الفود , و بحب قول أنه الشخص التاني أو التالت في الأخوية الذين على الرغم من اختلاف الآراء بيننا كان لي معهم تجربة حوار شخصية منطقية جيدة, لهيك 100 وردة لأبو الفود .
الشكر الحقيقي إلك وبرجع بأكد على استمتاعي بالحوار معك
حبيبنا أبو الفود كلك ذوقك و فعلاً على رأي أحد الزملاء أنو ( الحكي مع الفهيم بيريح ) , و عراسي , و بعتذر على التأخير .
لكنهم يبقون شركاء لحزب الله بالوطن ولا يجوز اجبارهم على السير في طريق حزب الله بقوة السلاح...

صديقي :5 أيار لا يرقى لكونه حدثاً سياسياً متكاملاً لأنه قرار باتجاه واحد ,متسرع , غير محسوب النتائج,فالعقول الفذة في الحكومة اللبنانية آنذاك أسقطت (شركاء الوطن ) الآخرين عندما أصدروا تلك القرارات : فإصدار قرار استراتيجي على مستوى وطني (و ليس معيشي كما ذكرت قبلاً) على هذا المستوى يتطلب دراسة مستفيضة و متأنية لمعطيات و نتائج هكذا قرارات , أقل الإيمان حساب أو توقع ردة فعل الطرف الآخر و على كافة المستويات , سيما أن هذا الطرف يعتبر مثل هذه القرارات تهديداً مباشراً لكيانه!!
و لكن الذي حدث هو حرق مراحل حتى أنهم قد اضطروا للسهر فجراً لإصدار هذا القرار في سبيل وضع توصيات أمريكية (إن لم نقل أوامر) قيد التنفيذ , و كان إصرار جنبلاط على التسريع في إصدارها مستغرباً على الرغم من النصائح الأمنية و السياسية و حتى الدينية في عواقب مثل هذا التصرف !و الحقيقة أن تاريخ 5 أيار لا يرتبط في ذهني بأي مناسبة أو رمز تاريخي مهم لدرجة الإصرار عليه و عدم إمكان التأجيل إلى 6 أيار مثلاً سوى أنه كان برقاً يسبق رعوداً .
أما عن مسألة (الإجبار ) فعندي فكرة بسيطة :في كل تصادم عسكري يوجد منتصر و مهزوم ,وكانت صفة الحزب هي المنتصر (أتكلم عموماً و بغض النظر عن الأسباب),و لكن الذي حدث أن الحزب لم يفرض على الآخرين نتائج انتصاره ,و لم يجبر أحداً على اعتناقه حتى يومنا هذا .
لكن يوم اسقاط هذا الاتفاق هو ليس بيوم مجيد بل هو يوم أعيدت فيه الأمور إلى سياقها الطبيعي... ولا يمكن أن يكون اليوم الذي نكتشف به خيانة أحد أبناء الوطن وأنهائها هو يوم مجيد...
فإذاً لا فعل الخيانة ولا رد الفعل على الخيانة يعتبر مجيد... بل بالعكس ردع خيانة الشقيق أشد على النفس ووجعها وجعان...

عزيزي : لا أظن المشكلة تكمن في المصطلح اللغوي ( مجيد ), و أعتقد أن الحوار بيننا يتمحور حول أن 7 أيار يحمل صفة ال (جيد أو سيء ) و إذا اتفقنا أنه في مثنوية الفعل-رد الفعل يحمل أحدهما صفة ما و الآخر يحمل الصفة المعاكسة حكماً , فأنني أعتبر 5 أيار (سيء) و 7 أيار (جيد ) كردة فعل ,و استباقاً أقول لك أنه لا يوجد (جيد) تام و صرف , وإنما يوجد نقطة سوداء في نصف الكرة الطاوية الأبيض .
برجع بقلك هذا رأي فريق وبتصور انت حريص على عدم تبني رأي طرف واحد...
لعلمك كتير سهل عليي أني قول نفس الكلام عن رأيك وقول انو كمان رأيك بيحمل رائحة طائفية والصق رأيك برأي أحد الأطراف بس أبداً مو من طبعي سيئ النية بيلي عم اتحاور معو وتحديداً إذا كان متلك

أبو الفود : تعمدت أن أذكر لك أنني علماني لكي أقول لك أن رأيي ليس تبنياُ لرأي أحد الأطراف و لاسيما إن كان طائفياً ,و أن الأرضية التي أناقشك بها هي حيادية و عقلانية , وفي الحقيقة أنا ضد المجتمعات الدينية و ضد اقحام الدين في السياسة بشكل أحزاب أو حركات ,وأدعو لفصل السياسة عن الدين حتى في سوريا , و لكن توزع القوى في الواقع اللبناني يحتم تغييب الناحية الدينية لقوة سياسية عند دراسة تصرف هذه القوة (إلى حدٍ ما ) أكاديمياً.فالتوزع الديموغرافي الشيعي في جنوب لبنان كان أهم الأسباب التي جعلت حزب الله الأول في مواجهة إسرائيل عسكرياً و سياسياً في مرحلة لاحقة .
:D
أرجو أن تكون الإجابات مباشرة وأن لا ندخل بها في متاهات الحسابات الإستراتيجية والمعادلات وماشاكل لأنه في هذه الحالة فأنت تبرر لحكومة السنيورة حساباتها أيضاً ولكل حساباته ووجهة نظره..
لا يمكن قياس التجربتين بالمثل يا صديق ,و فتح جبهة الجولان غير ممكن سياسياً و عسكرياً (لأسباب لن أذكرها بناءً على طلبك وهي ليست موضوعنا ),و لكن حتى لو تحملت الحكومة السورية مثل هذا القرار فسيكون موجهاً ضد دولة أخرى محتلة وليس ضد (شريك في الوطن) كما ذكرت .و ستكون نتائج هذه (الحسابات ووجهات النظر ) عامةً على كل الشعب السوري و لكن المسبب هو دولة أخرى معتدية, على عكس نتائج 5 أيار والتي استهدفت قسماً من الشعب اللبناني و كان المسبب هو حكومة بلاده .
و بالعودة إلى مفهوم الفعل-رد الفعل الشعبي السياسي على قرارات حكومة أو نظام , فأنا قلت أن رد الفعل على قرار معيشي داخلي يكون بأقسى حالاته تظاهرات أو حتى تخريب . أما القرار الاستراتيجي فيخلف رد الفعل عليه وفقاً لمعطيات كل حالة: فالقرار في 5 أيار هو تهديد وجود و إعلان إذعان و استسلام , الغاية منه تحييد لبنان عن الصراع مع إسرائيل بالفتك بأحد مكونات المجتمع ,و بالمقابل لا يوجد (قرار ) سوري بتجميد الصراع العسكري في الجولان (بغض النظر عن نظرية المؤامرة) ,و إنما يوجد قرار دولي ب(فك الارتباط) , و اعتبر أن سوريا تنجح بالتعامل معه على عكس بعض مطبات (تقديم الذرائع ) التي وقعت فيها للأسف في مواقع أخرى لا داعي لذكرها –كونها خارج الموضوع - .و استباقاً أقول ( و لا أقصد Viva ) : أنا لست مع أو ضد في سوريا .

وهل تستطيع أن تنكر عدم حيادية مذيعي المنار والجديد؟؟

Viva : هل أن مارسيل غانم حيادي و عماد مرمل حيادي؟ أو جورج صليبي ؟ أو غسان بن جدو ؟ أو حتى شدا عمر؟ أعتقد أن حيادية مارسيل غانم و مي شدياق مثلاً هي محل تشكيك


حتى وإن... لكن بالحد الأدنى أطالبك بوصف اليومين بالأسودين لا أحدهما بالأسود والثاني بالمجيد الذي يجب علينا ضمه لأمجاد المقاومة "بحرفية خطاب نصرالله"...


أعود معك لمسألة توصيف الفعل و رد الفعل .و لفكرة النصف الأبيض الذي يحتوي ضمناً على نقطة سوداء .


يوجب !!!! مابتصور انو في شي يوجب يلي صار بشكلو يلي صار فيه... بس فهمت شي منك أنك وافقت على إعتبار يوم 7 أيار هو يوم سيئ و 5 أيار يوم أسوء... فكيف لليوم السيئ أن يكون مجيداً؟؟

لم أفهم اعتراضك على (الوجوب) أبو الفود : فالفعل يستلزم-يوجب-يحتاج-يستحضر(..الخ) ردة فعل ,و كنت عم احكي عموم بالسيء و الأسوأ ,و أما تقييمي ل 7 أيار فهو على الدائرة الطاوية (نصف أبيض و نقطة أو نقاط سوداء إذا بدك) .

بتعرف صديقي أساس المشكلة هون إنو أنا عم طالب بالتفكير وتقييم وقبول أو رفض أي شي بيصدر عن أي شخص... مو إنو اذا حسن نصرالله قال إنو هاليوم مجيد خلص نهلل ونقول مجيد ومليون مجيد .. ولو قال يوم أسود أو أخضر البعض بيهلل وبيقول صح هو هيك يوم أسود ومليون أسود ... وشوفة عينك هالعينات كتير...
الحقيقة هي أني ضد فكرة تأليه الزعيم (اللي جابها عبد الناصر بس كمان مو موضوعنا)و أعترف أن الكثيرين في مجتمعنا ينساقون خلف هذه الفكرة , و لكن للموضوعية
يا أبو الفود أقول أن عدد اللقاءات الإعلامية لحسن نصر الله هو أقل إحصائيا منه عند سمير جعجع و ميشيل عون و حتى سعدون (المقل الوحيد إحصائيا هو جنبلاط لأسباب يمكن توقعها ) ,و أعتبر تكثيف الكلمات طبيعياً في الموسم الانتخابي , و لا يمكن لزعيم سياسي أن يطل على ناخبيه ليقول (انتخبونا) و يمشي فلا بد من توطئة سياسية و استقراء سياسي معين .

تحياتي أبو الفود :D
و دمتم بود .